📷:ዩክሬን፣ ኪቭ ውስጥ የሩሲያ ሰው አልባ አውሮፕላን ጥቃት በደረሰበት ቦታ የእሳት አደጋ ሠራተኞች በሥራ ላይ፣ የካቲት 19 ቀን 2017 ዓ.ም. 👉 በኪቭ እና ዶኔትስክ ክልሎች ቢያንስ ሰባት ሰዎች በሩስያ የአየር ጥቃት መገደላቸውን የዩክሬን ባለሥልጣናት ዛሬ አስታውቀዋል፡፡ የዶኔትስክ አስተዳዳሪ ቫዲም ፊላሽኪን በቴሌግራም ባስተላለፉት መልዕክት እንዳስታወቁት የሩስያ ኅይሎች ኮስትያንቲኒቭካ ከተማን ለማጥቃት 'ጋይድድ ቦምብ' የሚባሉትን የተወሰነ ዒላማ ላይ ተነጣጥረው የሚተኮሱ ፈንጂዎችን ተጠቅመዋል፡፡ በዚህም ቢያንስ አምስት ሰዎች መገደላቸውንና ስምንት መቁሰላቸውን የመጀመሪያ ደረጃ መረጃው እንደሚያሳይ ገልጸዋል። የኪቭ ክልል አገረ ገዥ ማይኮላ ካላሽኒክ በበኩላቸው የሩስያ ጥቃቶች ቢያንስ ሁለት ሰዎችን የገደሉ ሲሆን ሌሎች ሁለት ደግሞ ቆስለዋል ብለዋል።