*↜سـلـسـلـة,ة: داࢪ الـاخـرة🥺💎ᡴꪫ˚* *الـحـلـقـة: الـعـاشرة💎🫰🏻""•* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ #قصة_نهاية_البداية_إيمان_شلبي #الدار_الآخرة_بالعامية #الحلقة_العاشرة #علامات_الساعة_الصغرى #الجزء_الثالث_السعيد_مَن_وُعِظَ_بغيره قاعد انت في أمان الله كده تلاقي حد من أصحابك بعت لك رسالة بتقولك: عايز تطرد الشيطان من البيت: اكتب سورة يس في ورقة وانقعها في جردل مية لحد تاني يوم، وأول ما الشمس تطلع رش المية دي في أركان البيت، وبكده تقضي على الشياطين إللي عندك في البيت👌 انت طبعا هتستغرب الكلام، وتبعت رسالة لصاحبك تسأله، إيه يابني إللي انت باعته ده؟ جبت الكلام ده منين😳 فهيقول لك أصل في شيخ هو إللي قال لي كده، طب الشيخ جاب الكلام ده منين؟ يقولك أصل هو مجرّب وهو عارف الحاجات دي، فطبعا انت على طول هتعرف إن الشيخ إللي صاحبك بيقول عليه ده كذاب ودجال، والناس دي انتشرت أوي اليومين دول، وظهور الناس دي وانتشارهم من علامات الساعة الصغرى👌 قال رسول الله ﷺ: "سَيَكونُ في آخِرِ أُمَّتي أُناسٌ يُحَدِّثُونَكُمْ ما لَمْ تَسْمَعُوا أنتُمْ ولا آباؤُكُمْ، فإيَّاكُمْ وإيَّاهُمْ" 《صحيح مسلم في المقدمة》 وفي رواية تانية قال ﷺ: "يَكونُ في آخِرِ الزَّمانِ دَجَّالُونَ كَذَّابُونَ، يَأْتُونَكُمْ مِنَ الأحادِيثِ بما لَمْ تَسْمَعُوا أنتُمْ، ولا آباؤُكُمْ، فإيَّاكُمْ وإيَّاهُمْ، لا يُضِلُّونَكُمْ، ولا يَفْتِنُونَكُمْ" 《صحيح مسلم في المقدمة》 فرسول الله ﷺ بيحذرك منهم وبيقولك ابعد عنهم عشان متقعش في الفتنة ومتبعدش عن الحق بسبب خداعهم وكذبهم، ويدخل في الحديث إللي قلناه ده؛ الكذب على رسول الله ﷺ، وده عن طريق نقل أحاديث عنه ﷺ لم يقُلها والناس تنشرها بدون ما يتأكدوا من صحتها، زي كده لما واحد ييجي يقولك كل سنة وانت طيب بمناسبة دخول شهر ربيع، فانت طبيبعي بتسأله: ليه يعني المباركة؟ فيقول لك أصل النبي قال: "من يبارك الناس بهذا الشهر الفضيل ، يحرم عليه النار" وطبعا الكلام ده غير صحيح ورسول الله ﷺ مقلش الكلام ده أساسا، وهتلاقي بقى حاجات زي كده كتير، والموضوع ده منتشر أوي على رسائل الماسنجر والواتس بالذات، وكمان من علامات الساعة الصغرى انتشار الكذب في الكلام عموما بين الناس، سواء في النكت أو نقل الأخبار أو الكلام اليومي بينهم،. وطبعا ساعد على انتشار الكذب شبكات التواصل الاجتماعي، بقى الواحد يكذب الكذبة فتبلغ الآفاق شرقا وغربا👌 وطبعا مش محتاجة أفكرك بعذاب إللي يكذب الكذبة فتبلغ الآفاق، انت شوفت بنفسك👀 فخد بالك بقى من كلامك وانت بتسمع لمين وبتنقل إيه👌 ◇كل شوية تسمع عن جريمة قتل عشان سبب تافه، كم مرة سمعت إن فلان قتل ابن فلان عشان ينتقم منه، أو سمعت عن الناس إللي كل يوم بتُقتل ظلما وعدوانا سواء في السجون أو في قصف أو في الشوارع أو...أو... وانت مستغرب وبتقول إيه كمية الاستهانة بأرواح الناس دي؟! مش عايزة أصدمك وأقولك إن في ناس بتتقتل مش عارفة هي اتقتلت ليه، وفي ناس بتقتل مش عارفة هي بتقتل ليه😞 لكن أحب أقولك متستغربش، قلة التزام الناس بالدين وتمسكهم بيه الناس أدى إلى:《سفك الدماء وكثرة القتل》 ودي علامة تانية من علامات الساعة الصغرى، قال رسول الله ﷺ : "والَّذي نَفسِي بيدِه ، ليَأتِيَنَّ علَى النَّاسِ زمانٌ لا يَدرِي القاتِلُ في أيِّ شيءٍ قَتَلَ، و لا يدرِي المقتولُ في أيِّ شيءٍ قُتِلَ" 《صحيح الجامع》 وانتشار القتل ده هو كثرة الهَرْج إللي رسول الله ﷺ قال عليه في الحديث: "يَتَقارَبُ الزَّمانُ، ويَنْقُصُ العَمَلُ، ويُلْقَى الشُّحُّ، وتَظْهَرُ الفِتَنُ، ويَكْثُرُ الهَرْجُ قالوا: يا رَسولَ اللَّهِ، أيُّمَ هُوَ؟ قالَ: القَتْلُ القَتْلُ." 《صحيح البخاري》 ♡لكن في وسط الإحباط واليأس ده في بشارة من رسول الله ﷺ 👌 قال رسول الله ﷺ : "الْعِبادَةُ في الهَرْجِ كَهِجْرَةٍ إلَيَّ" 《صحيح مسلم》 يعني لما انت تعبد ربنا في زمن الفتن والقتل والغفلة؛ هتاخذ أجر وثواب الهجرة إلى رسول الله ﷺ، والهجرة هي أعلى الطاعات منزلة عند الله عز وجل👌 انت ممكن تستغرب وتقول ليه يعني الأجر العظيم ده؟ هقولك أنا السبب إللي خلى العبادة في زمن الفتن والقتل والغفلة تساوى أجر الهجرة إلى رسول الله ﷺ 👌 ◇أولا: لأن الناس في الوقت ده بينشغلوا عن العبادة ويغفلوا عنها، ومحدش بيتفرغ لها غير الأفراد. ◇ثانيا : الناس في زمن الفتن يتَّبعون أهواءهم، ولا يرجعون إلى دين؛ فحالهم بيبقى شبيه بحال الناس في الجاهلية، فإذا انفرد واحد من بين الناس وتمسك بدينه وعبد ربه واتبع ما يرضيه وتجنب ما يغضبه؛ كان بمنزلة مَن هاجر من بين أهل الجاهلية إلى رسول الله ﷺ مؤمنًا به، متبعًا لأوامره، مجتنبًا لنواهيه👌 ◇ثالثا: الفتن لما تنتشر بتنشغل بها القلوب، فإذا تعبّدت إلى الله ساعتها فده بيدل على إن قلبك منشغل بالله أكثر، وإن مكانة ربنا في قلبك أعظم، فساعتها أجرك يكون أكبر. وخليني أفهمك معنى العبادة عشان تعرف إيه هي العبادات إللي تقدر تتقرب بها إلى الله، ☆العبادة: هي اسم جامع لكل ما يحبه الله من الأفعال الظاهرة والباطنة، ¤الأفعال الظاهرة زي : الصلاة والصياة والزكاة والحج والذّكر وبر الوالدين والإحسان للجار وصلة الأرحام والوفاء بالعهود والأمر بالمعروف والنهي عن المنكر، ولبس الحجاب الشرعي الصحيح للنساء. ¤والأفعال الباطنة زي: حب الله ورسوله وخشية الله والإنابة إليه وإخلاص الدين له والصبر لحكمه والشكر لنعمه والرضى بقضائه والتوكل عليه والرجاء لرحمته والخوف من عذابه. انت لو انشغلت بالعبادات إللي قلتها لك دي؛ مش هتلاقي وقت تعصي فيه ربنا👌 فخليك حريص على عبادة الله وخصوصا في وقت الغفلة والفتن وكثرة القتل، ولا تستهين بأي عبادة تقدر تعملها مهما كانت بسيطة، انت متعرفش إيه هي الحسنة إللي هتكون سبب في نجاتك وتثبيتك عند سؤال الملكين👌 وخليك دايما فاكر واوعى تنسى: "الْعِبادَةُ في الهَرْجِ كَهِجْرَةٍ إلَيَّ" ◇بتمشي في الشارع والناس بتعدي من جنبك من غير ما حد يُلقِي عليك السلام؟ وممكن تكون في مكان وتلاقي واحد دخل سلم على صاحبه إللي قاعد جنبك ومقلكش حتى سلام عليكم؟ إللي حصل ده اسمه:《تَسْلِيمَ الْخَاصَّةِ》 يعني الواحد ميسلمش غير على إللي يعرفه فقط، قال رسول الله ﷺ: "إنَّ بَيْنَ يَدَيْ السَّاعَةِ: تَسْلِيمَ الْخَاصَّةِ..." 《صحيح الأدب المفرد》 مع إن رسول الله ﷺ رد على رجل سأله أيُّ الإسْلَامِ خَيْرٌ؟ وقال له: "تُطْعِمُ الطَّعَامَ، وتَقْرَأُ السَّلَامَ علَى مَن عَرَفْتَ ومَن لَمْ تَعْرِفْ" 《صحيح البخاري》 وصفة إلقاء السلام دي من خير صفات الإسلام إللي وصى بها رسول الله ﷺ، لكن للأسف نادرا جدا لما تلاقي حد ملتزم بيها، المسلمين بيمشوا جنب بعض ومحدش يسلم على التاني، فانت اتعلم بقى إنك إذا قابلت حد سلم عليه سواء كنت تعرفه أو متعرفوش، واعمل بوصية رسول الله ﷺ 👌 ◇بتعاني من السِّمْنَة؟ شايف إن السِّمْنَة بقت منتشرة جدا في الناس؟ تخيل إن رسول الله ﷺ أخبر عن انتشار السِّمْنَة وقال إنها من علامات الساعة الصغرى؟ قال رسول الله ﷺ: "خَيْرُكُمْ قَرْنِي، ثُمَّ الَّذِينَ يَلُونَهُمْ، ثُمَّ الَّذِينَ يَلُونَهُمْ ثُمَّ يَجِيءُ قَوْمٌ، يَنْذِرُونَ ولا يَفُونَ، ويَخُونُونَ ولا يُؤْتَمَنُونَ، ويَشْهَدُونَ ولا يُسْتَشْهَدُونَ، ويَظهَرُ فيِهم السِّمَن" 《رواه البخاري》 وانت تقدر على فكرة تستنج السبب في السمنة بكل بساطة لو نظرت حولك نظرة تأمل وتدبر 👌 بعيدا عن الناس إللي عندها مرض أدى إلى السمنة؛ هتلاقي إن معظم الناس إلا ما رحم الله عايشين حياة ترف، ولا يبالوا بشيء، أهم حاجة عندهم الملذات، والأكل بقى عندهم غاية، فبقوا يتفننوا في اختراع أشكال وألوان من الأكل والشرب، وبقى في شراهة في الأكل والشرب فيأكل الواحد منهم حتى يشبع الشبع الزائد عن الحد، ومع الوقت تظهر عليه السمنة، ده غير بقى قلة الحركة بسبب التقدم العلمي والأجهزة الحديثة إللي بتخدم الإنسان في كل المجالات تقريبا، وغير القعدة على الهاتف النقّال بكثرة فيؤدي إلى الكسل وعدم ممارسة الرياضة👌 وبما إني ذكرت لك الحديث فخلينا نشوف معناه: رسول الله ﷺ يقول بيقول إن أفضل القرون هم أول ثلاثة قرون من عهد رسول الله ﷺ إللي هم الصحابة، والتابعين وتابعي التابعين، وبعدين هييجي ناس في آخر الزمان من أوصافهم إنهم يشهدون ولا يُستشهدون، يعني هيتساهلوا بالشهادة على الآخرين بغير علم ومن غير ما حد يطلبهم للشهادة أصلا، وهيخونوا الأمانة، وهيكثروا في النَّذر ومحدش فيهم هيوفي بنذره، وكل ده بسبب رقة الدين وضعف الإيمان👌 ربنا يعافينا ولا يجعلنا منهم 🤲 ◇طبعا انت أكيد شايف كمية الكتب والمؤلفات والمجلات المنتشرة في المكتبات وفي معارض الكتب، لدرجة إنك ممكن تدخل مكتبة تلاقي موضوع واحد بيتكلم عنه كُتّاب كتير، وإللي ساعد على انتشار الكتب؛ التَّقدُّم المذهل في وسائل التصوير والطباعة والنشر حتى أصبحت الكتب ميسورة لدى أغلبية الناس، وده إللي قال عليه رسول الله ﷺ: "إنَّ بين يديِ الساعةِ..... ظهورَ القلمِ"《صحيح الأدب المفرد》 وظهور القلم معناه انتشار الكتابة، وعلى فكرة موضوع انتشار الكتابة مش حاجة مذمومة في حد ذاتها، بالعكس ده انت ممكن تستفيد من اختلاف العقليات إللي بتكتب، لكن المذموم هو نوعية المؤلفات والكتب والمجلات، هل الكتب دي من النوعية إللي بتحارب الدين وتنشر الشُّبَه والتفاهات؟ ولّا بتساعد الناس إنهم يقربوا من الدين ويعرفوا عنه أكثر؟! فعلى حسب المحتوى يكون المدح أو الذم👌 ◇بتبقى ماشي في الشارع وساعات عينك تقع على عمارات بأدوار عالية، أو حتى ممكن تشوف في التليفزيون أو في مقاطع فيديو حجم ناطحات السحاب إللي موجودة في الدول العربية تحديدا؟ أهه التطاول في البنيان ده من علامات الساعة الصغرى، لما سُئل رسول الله ﷺ عن علامات الساعة قال: "وأَنْ تَرَى الحُفاةَ العُراةَ العالَةَ رِعاءَ الشَّاءِ يَتَطاوَلُونَ في البُنْيانِ" 《صحيح مسلم》 والحفاة العراة رعاء الشاة هم العرب، والعرب كانوا فقراء جدا وكانوا بيعيشوا في الصحراء والخيام وبيرعوا الغنم، فرسول الله ﷺ أخبر إن العرب حالهم هيتغير وهيبنوا البيوت العالية، زي العمارات الكبيرة وناطحات السحاب، وعشان متفهمش غلط، التطاول في البنيان أو بناء العمارات الكبيرة في حد ذاتها برده مش حاجة مذمومة؛ لأن ده بيحل أزمة سكانية، لكن الذم والمشكلة بيكون في التباهي والتنافس في البنيان والزخرفة، يعني يكون الهدف من البناء هو التباهي والتفاخر، تلاقي واحد بنى عمارة أو برج وزخرفها، فيقوم التاني ييجي يبني واحدة أعلى وأكبر وأكثر زينة، فهنا التطاول في البنيان بقى مذموم، لكن لو لم يترتب على التطاول في البنيان طغيان، أو بَطَر، أو تفاخُر، أو إسراف، أو إضاعة للحقوق فمفيش مشكلة من بناء العمارات. ◇من أكتر الصفات المذمومة في الإنسان هي صفة البخل، وإللي أسوأ منه هو الشُّح👌 تخيل كده لما تروح تشتغل عند واحد والمفروض إن لك أجر معين بحسب المكسب إللي انت بتدخله للشخص ده، فانت بقى ربنا فتح عليك وحققت له مكسب كبير جدا، وبالتالي نسبتك في الربح بقت كبيرة، فبدل ما يديك حقك؛ طمع هو في حاجة مش بتاعته ومنعك حقك ده😑 أهه هو ده بقى الشُّح، وهو علامة من علامات الساعة الصغرى، قال رسول الله ﷺ: "يَتَقارَبُ الزَّمانُ، ويَنْقُصُ العَمَلُ، ويُلْقَى《الشُّحُّ》..." 《صحيح البخاري》 والشح أشد من البخل لأنه بُخل عن أداء الحقوق، وحرص الإنسان على ما ليس له، والشحيح يظل دائماً يطلب المزيد، ولا يكتفي بما معه، وهذا يدفعه لانتهاك الحرمات، يعني ممكن يدفع الإنسان للقتل وقطيعة الرحم ويمنعه عن تأدية الحقوق الواجبة عليه، فالشح سبب للهلاك والضياع. ومن صور الشح إن الغَنيُّ يبخل بِمالِه، ويَبخَلَ العالِمُ بِعِلمِه، ويَبخَلَ الصَّانِعُ بِصِناعتِه👌 وعشان انت متقعش في الشح ده؛ عليك بالاستعانة بالله والمجاهدة وتذكر أجر الأعمال الصالحة في الآخرة، وتتذكر قول الله: "وَمَنْ يُوقَ شُحَّ نَفْسِهِ فَأُولَئِكَ هُمُ الْمُفْلِحُونَ" 《سورة الحشر آية(9) 》 ◇اتعرضت لموقف اتظلمت فيه وروحت اشتكيت في المحكمة وانت متوقع إن حقك هيرجع لك؛ لكنك اتفاجئت بناس أول مرة تشوفهم بيشهدوا ضدك زورا وطلعوك انت الظالم إللي أخدت حق مش حقك مع إن ده غير صحيح؟! أهه شهادة الزور وكتمان شهادة الحق دي من علامات الساعة الصغرى👌 قال رسول الله ﷺ: "إنَّ بينَ يديِ الساعةِ شهادةِ الزورِ ، وكتمانِ شهادةِ الحقّ" 《السلسلة الصحيحة》 ومع إن شهادة الزور في المحاكم منتشرة بطريقة كبيرة جدا وبصور مختلفة، وللأسف الناس شايفين الموضوع عادي، وإللي شغالين في المحاكم يعرفوا الكلام ده أكثر مني؛ بس أحب أقول لك إن مش لازم شهادة الزور تكون في المحكمة وبس؛ لكن شهادة الزور ممكن تكون في حياتك اليومية وانت مش واخد بالك، يعني مثلا لما واحد صاحبك يسألك على حاجة يستشيرك فيها، وانت تكتم عنه الحق عشان مصلحتك الشخصية متنضرش لو انت قلت له الحق؛ ده من شهادة الزور وكتمان الحق، وقيس على كده، وممكن ده برده يقع بين الأقارب وبعضهم، انت ممكن تكون بتقع في شهادة الزور وكتمان الحق حتى من غير ما تاخد بالك للأسف، فخد بالك بقى لأن رسول الله حذر جدا من شهادة الزور 👌 قال رسول الله ﷺ: "أَلاَ أُنَبِّئُكُمْ بِأَكْبَرِ الكَبَائِرِ؟" ثَلاَثًا، قَالُوا: بَلَى يَا رَسُولَ اللَّهِ، قَالَ: "الإِشْرَاكُ بِاللَّهِ، وَعُقُوقُ الوَالِدَيْنِ - وَجَلَسَ وَكَانَ مُتَّكِئًا فَقَالَ: أَلاَ وَقَوْلُ الزُّورِ"، قَالَ: فَمَا زَالَ يُكَرِّرُهَا حَتَّى قُلْنَا: لَيْتَهُ سَكَتَ. 《رواه البخاري》 فانتبه وركز كده لما حد ييجي يطلب منك نصيحة أو يطلبك للشهادة، لا تشهد إلا بما تعلم علم اليقين إللي مفيهوش شك👌 ◇نازل تشتري حاجة فبدل ما تلف من طريق طويل لقيت مسجد كبير له باب من ناحيتك وبابه التاني هيوصلك للمكان إللي انت عايزه؛ فروحت داخل المسجد ومشيت فيه كممر عشان يوصلك للناحية التانية من الطريق إللي انت عايزه؟ متبقاش تعمل كده تاني؛ لأن ده من علامات الساعة الصغرى وفي نهي عن اتخاذ المساجد طُرُقًا👌 قال رسول الله ﷺ: "إن من أشراط الساعة: أن يمرّ الرجل بالمسجد لا يصلي فيه ركعتين" 《وصححه الألباني السلسلة الصحيحة》 وقال ﷺ: "من اقتراب الساعة أن تُتَّخذ المساجد طرقاً" 《حسّنه الألباني صحيح الجامع》 والحديث معناه إن المساجد هتكون مهجورة والرجل يعدي على المسجد وميصليش فيه، والناس هيدخلوها مش عشان الصلاة؛ لكن عشان يتخذوها طُرق، يعني الناس يدخلوا المسجد من باب ويخرجوا من بابه التاني عشان فقط يختصروا الطريق مش عشان يصلوا فيه أو يحضروا مجلس من مجالس العلم. ده غير إن هناك مساجد الناس مش هتدخلها غير عشان السياحة والتقاط الصور لأنه متحف أو شيء أثري زي ما بيحصل في بعض البلدان في حاضرنا. ◇خرجت مع مجموعة مع أصحابك وبعد ما قضيتم وقتكم في ضحك وتهريج وانبساط؛ كل واحد رجع بيته وهو بيفكر إنه يكرر الخروجة دي من كتر ماكنتم مبسوطين مع بعض، ويا دوب انت لسه داخل البيت لقيت واحد من أصحابك إللي كانوا لسه معاك بيتصل بيك، فبتكلمه وانت مفكر إنه نسي حاجة فهيسألك عليها، فبتكلمه وانت لسه بمشاعر السرور إللي كنت بيها معاهم؛ لقيته بيقولك فلان إللي كان معانا دلوقتي حالا:《مات فجأة》 انت عارفه كويس، هو كان بصحته ولا يشكو من أي مرض فإزاي يموت؟! أهه ده موت الفجأة إللي قال عنه رسول الله ﷺ: "إن من أمارات الساعة أن يظهر موتُ الفجأة" 《حسنه الألباني في السلسلة الصحيحة》 تلاقي الواحد كده فجأة وبدون سابق إنذار وقع ميت، بسبب بقى سكتة قلبية أو جلطة أو سكتة دماغية، أو حتى بدون سبب، ده غير بقى الحوادث؛ واحد يكون راكب عربية رايح مشوار وفجأة يعمل حادثة ويموت، ناس رايحين يصيفوا فجأة يغرقوا ويموتوا، واحد في بيته يتزحلق ويقع ويموت، وغيرها وغيرها من حوادث موت الفجأة؛ فاستعد عشان لو كان الدور عليك تكون مجهز نفسك بالأعمال الصالحة عشان تقبضك ملائكة الرحمة، بدل ما تموت وانت في غفلة وتقبضك ملائكة العذاب؛ وانت أكيد لسه فاكر الفرق بينهم🙂 رزقنا الله وإياكم حسن الخاتمة وأعاذنا من موت الفجأة🤲 هنكمل المرة الجاية الكلام عن علامات الساعة الصغرى 👌 مصادر حلقة النهاردة في التعليقات👇 ♡طبعا أي ملاحظة ياريت تقوليلي فالمؤمن مرآة أخيه💜 #eman_shalapy --------------♡-------------- اختم القراءة بذكر الله 💜 * سُبحان الله * الحمدلله * لا إله إلا الله * اللهُ أكبر * سُبحان الله وبحمدهِ * سُبحان الله العظيم * استغفر الله العظيم واتوب إليهِ * لا حول ولاقوة إلا بالله * اللهُم صلِ علي نبينا محمد * لا اله الا انت سبحانك اني كنت من الظالمين > رياڪت لطيف عشان استمر يغاليات ومتنسويش انڪم تختم بذڪر الله وتفيدو غيرڪم 💜🫰🏻