*↜سـلـسـلـة,ة: داࢪ الـاخـرة🥺💎ᡴꪫ˚* *الـحـلـقـة: الـحادية عـشرة💎🫰🏻""•* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ #قصة_نهاية_البداية_إيمان_شلبي #الدار_الآخرة_بالعامية #الحلقة_الحادية_عشرة #علامات_الساعة_الصغرى #الجزء_الرابع سمعت عن ثواب إللي بيحفظ القرآن وبدأت تحفظ؛ بس عايز حد تسمع منه القرآن عشان القرآن يثبت في دماغك ويبقى سهل عليك مراجعته؛ فبدأت تبحث عن تسجيلات للقرآن فاتفاجئت إن في قُرّاء بيغنوا مش بيقرأوا قرآن😳 متتفاجئش؛ لأن ظهور《نَشْواً أو نشئاً يتخذون القرآن مزامير》من علامات الساعة الصغرى 👌 قال رسول الله ﷺ: "أخاف عليكم ستًّا: وذكر منها: نَشْوًا يتخذون القرآنَ مزاميرَ" 《صحيح الجامع》 يعني ناس بدل ما يقرأوا القرآن للتدبر بقوا يتغنوا بيه بالألحان زي المزمار😞 وده منتشر جدا زي ما انت شوفت كده، وبقى دلوقتي القراء بيتعلموا علم اسمه علم المقامات عشان يقرأوا بيه القرآن، أيوة مطلوب تحسين الصوت لكن مش معنى تحسين الصوت القراءة بالألحان، فعشان متفهمش غلط: المذموم هنا هو إللي بيغنى وبيُخرِج الحرف عن وضعه ويزيد وينقص عشان يتوافق مع اللحن، وممكن الناس تُقدّم الشخص إللي بيتغنى ده حتى وإن كان أقلهم فقها وعلما؛ لأن غرضهم الوحيد إنهم يستمتعوا بالألحان دي زي ما رسول الله ﷺ قال: "يُقَدِّمُونَ الرجلَ ليس بأفقهِهِمْ و لا َأعْلَمِهِمْ، مايُقَدِّمُونَهُ إلَّا لِيُغَنِّيَهُمْ" 《السلسلة الصحيحة》 فانت خد بالك وفرّق بين تحسين القراءة وتجميل الصوت والخشوع والحزن وده مطلوب؛ وبين إن الإنسان يُشابه في قراءته أهل الفسق والأغاني وده إللي مش مطلوب👌 طبعا زمانك بتسأل عن باقي الستة إللي رسول الله ﷺ خايف علينا منهم 👀 لكن قبل ما أشرح باقي الست علامات؛ خليني أقول لك عن علامة من علامات الساعة الصغرى مرتبطة بالقرآن وهي: 《أخذ الأجر على القرآن》 قال رسول الله ﷺ: "مَنْ قرأَ القرآنَ فلْيسألِ اللهَ بهِ ، فإنَّهُ سَيجِيءُ أقوامٌ يَقرؤُونَ القرآنَ ، يَسألُونَ بهِ الناسَ"《صحيح الجامع》 ودول الناس إللي بيقعدوا يقرأوا القرآن في العزاء وعلى المقابر والمناسبات في مقابل المال، لكن الأصل إنك تقرأ القرآن لطلب الأجر من الله👌 وطبعا هتسأل هنا عن حكم المُحفظين إللي بيحفظوا الأطفال القرآن مقابل المال، هل ده جائز أو لأ؟ بصراحة الموضوع فيه خلاف كبير بين العلماء، في إللي قال بتحريمه وفي إللي قال إنه يجوز، وكل فريق له أدلته، فانت لو عايز تعرف تفصيل المسألة تقدر تبحث بنفسك؛ لأن صعب أفصّل الموضوع هنا. نرجع بقى لحديث رسول الله ﷺ ونشوف الحديث على بعضه ونشرحه👌 قال رسول الله ﷺ: "أخاف عليكم ستًّا : إمارةَ السُّفهاءِ ، و سفكَ الدَّمِ ، و بيعَ الحُكمِ ، و قطيعةَ الرَّحِمِ ، و نَشْوًا يتخذون القرآنَ مزاميرَ ، و كثرةَ الشُّرَطِ" 《صحيح الجامع》 أول حاجة رسول الله ﷺ ذكرها هي: إمارة السفهاء: والسفيه ده هو ناقص العقل؛ الجاهل عِلما وعملا، فلما يكون واحد بالمواصفات دي ويتولى الإمارة هيقع في الكذب والخداع والظلم، وطبعا لما يكون الحاكم سَفِيه ويبقى هو الآمر الناهي هيقود الناس لكل شر ويفتح عليهم أبواب الفتن، يفتح عليهم أبواب الزنا وشرب الخمر والسرقة والاختلاط بين الرجال والنساء في كل مكان وغيرها وغيرها من أبواب المعاصي، والأمراء دول قال عنهم رسول الله ﷺ إنهم مش بيتبعوه ﷺ ولا بيتبعوا سنته. أما بقى الناس إللي بتتبع الأمراء السفهاء دول ويصدقوهم ويعينوهم على ظلمهم؛ فقد تبرأ منهم رسول الله ﷺ، ومش بس مش هيشربوا من حوض رسول الله ﷺ؛ لأ ده حتى مش هيقرّبوا أصلا من الحوض👌 شوف كده رسول الله ﷺ قال إيه لصحابي اسمه كعبُ بنَ عُجرةَ👌 قال رسول الله ﷺ: "أعاذك اللهُ من إمارة السفهاءِ" يعني ربنا يحميك ويحفظك من إمارة السفهاء، فقال كعب: وما إمارةُ السفهاءِ ؟ قال له رسول الله ﷺ: أمراءٌ يكونون بعدي ، لايهتدون بهديِي ، ولايستنُّون بسُنَّتي ، فمن صدَّقهم بكذبهم ، أعانهم على ظلمهم ، فأولئك ليسوا مني ، ولست منهم ، ولا يَرِدُون عليَّ حَوضي . ومن لم يُصدِّقْهم بكذبهم ، ولم يُعِنْهم على ظُلمِهم ، فأولئك مني وأنا منهم ، وسيرِدُون عليَّ حَوْضي" 《صحيح الترغيب》 طبعا مش محتاجة أجيب لك أمثلة، انت شايف بعنيك إللي بيحصل🙂 فخد بالك بقى لتكون من الناس إللي بتصدق أو بتُعِين الأمراء السفهاء على ظلمهم سواء بالقول أو بالفعل وانت مش حاسس👌 وطبعا لما الأمراء السفهاء يتولُّون أمور المسلمين؛ النتيجة هتكون الاستِهْتارُ بحُرْمةِ الدِّماءِ وبالتالي سفك الدماء وكثرة القتل، ده غير إن عوام الناس أصلا هيبقى عندهم استهانة بالقتل، وهيشجعهم على ده إن مفيش قَصاص من القاتِلِ، فهينتشر القتل حتى لا يدري القاتل فيما قَتَل ولا المقتول فيما قُتِل زي ما قلت لك المرة إللي فاتت👌 والحاجة الثالثة إللي في حديث رسول الله ﷺ وهي من علامات الساعةالصغرى:《بيعُ الحُكمِ》 يعني إن الناس تتولى المناصب عن طريق الرشوة، والموضوع ده منتشر جدا في الفترة الأخيرة لحد ما بقى طبيعي عند الناس للأسف😞 والحاجة الرابعة إللي رسول الله ﷺ قال إنه خايف علينا منها:《قطيعة الرَّحم》 عارف عمتك إللي انت مقاطعها وهجرتها عشان بس نصحتك لأنها خايفة عليك، فانت مش عايز وجع دماغ فمبقتش تكلمها ولا تسأل عليها وكمان بتتهرب منها كل ما تشوفها؟ أهه إللي انت بتعمله ده اسمه قطيعة رحم، وهتلاقي ناس كتير مقاطعين أرحامهم بسبب أمور دنيوية، ومش بس كده، ده انت هتسمع عن إللي بيؤذي خاله أو عمه، وإللي ترك الإحسان لأقاربه بحجة إنه بيسأل عليهم وبيحسن إليهم وهم مش بيعاملوه زي ما هو بيعاملهم، وللأسف هو ناسي حديث رسول الله ﷺ: "لَيْسَ الوَاصِلُ بِالمُكَافِئ، وَلكِنَّ الوَاصِلَ الَّذِي إِذَا قَطَعَتْ رَحِمُهُ وَصَلَهَا" 《رواه البخاري》 يعني انت مش هيبقى اسمك واصل لرحمك لو انت بس بتتعامل بالمثل؛ إللي يزورني أزوره؛ إللي بيحسن إليّ هحسن إليه؛ أما إللي هيتجاهلني فأنا كمان هتجاهله😤 لأ، الواصل هو الذي إذا قُطعت رحمه وَصلها 👌 فاقعد كده مع نفسك وشوف هل انت واصل لرحمك فعلا ولّا لأ👌 عارف ليه بقولك كده👀 لأن رسول الله ﷺ قال: "لَا يَدْخُلُ الجَنَّةَ قَاطِعٌ. يَعْنِي قَاطِعَ رَحِمٍ" 《صحيح مسلم》 أما بقى الحاجة السادسة والأخيرة في حديث رسول الله ﷺ فهي 《كثرة الشُّرَط》 كلمة شُرَط معناها علامات، فدول مجموعة من الناس اسمهم شُرط لأنهم ميّزوا أنفسهم بعلامات ليُعرفوا بها بين الناس، ودول بقى هم أعوان الوُلاة والحكام، لما الحاكم يبقى سفيه وبيكذب ويظلم ويقتل طبيعي إنه يكون له شرطة تساعده على ظلمه🤷‍♂️ والشُّرَط دول قال عنهم رسول الله ﷺ: "يخرج رجالٌ من هذه الأمة في آخر الزمان معهم سِياط، كأنها أذناب البقر، يغدُون في سخط الله، ويروحُون في غضبه" 《السلسلة الصحيحة》 فربنا توعّد الناس إللي بيتسلطوا على المسلمين دول بغير حق بالنار، قال رسول الله ﷺ: "صِنْفَانِ مِنْ أَهْلِ النَّارِ لَمْ أَرَهُمَا، وذكر منهم: قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ بِهَا النَّاسَ..." 《صحيح مسلم》 فلازم تُسارع بعمل الأعمال الصالحة عشان ربنا ينجيك من الفتن دي كلها👌 كل العلامات دي عشان تاخد بالك وتجهز نفسك للقاء الله، ربنا كل شوية يرسل لك علامة تشوفها بعينك، فانت أخبارك إيه؟ يا ترى بتنتبه من غفلتك ولّا لسه دوامة الحياة واخداك في طريقها؟! المفروض إنك لما تشوف العلامات دي قصاد عينك؛ ده يخلي إيمانك بالله وبرسوله يزيد، ولو كان في قلبك أي شك لا سمح الله؛ يزول؛ لأنك شايف العلامات بتحقق👌 وهنا هتحس معنى الآية: "هَذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ وَمَا زَادَهُمْ إِلَّا إِيمَانًا وَتَسْلِيمًا" 《الأحزاب آية (22)》 ◇كنت رايح مشوار والأذان أذّن عليك ودخلت تصلي في المسجد، فلما دخلت اتفاجئت بإن المسجد متزخرف بالزجاج الملون، والحوائط مدهونة بألوان مبهرجة، لدرجة إنك شكيت إذا كان ده مسجد فعلا ولّا إيه😳 للأسف فعلا ده بقى حال مساجد كتير في واقعنا الحاضر، وده أصلا علامة من علامات الساعة👌 قال رسول الله ﷺ: "من أشراط الساعة أن يتباهى الناس في المساجد" 《صحيح سنن النسائي》 الناس بقى همها زخرفة المساجد أكثر من الصلاة نفسها إلا مَن رحم الله😞 الصحابي أبو الدرداء رضي الله عنه قال: "إذا زوّقتم مساجدكم، وحلّيتم مصاحفكم، فالدمار ‏عليكم" 《صحيح الجامع》 ومش بس زخرفة المساجد على فكرة إللي من علامات الساعة الصغرى، لكن كمان زخرفة البيوت👌 قال رسول الله ﷺ : "لا تقوم الساعة حتى يبني الناس بيوتاً يُوشُونَها وَشْيَ المراحيل" 《رواه البخاري في الأدب المُفرَد》 وكلمة المراحيل معناها الملابس المنقوشة والمخططة وفيها تصاوير، فمعنى الحديث إن الناس هتزخرف بيوتها زي الملابس بالضبط، منقوشات وتخطيط وألوان وصور مرسومة على الحوائط، وطبعا انت أكيد شايف بعينك الشقق اليومين دول عاملة إزاي، وكل واحد يتفنن وينافس التاني في الزخرفة وبقى هو ده هم الناس، والسبب في كده هو انشغال الناس بالدنيا والتعلق بها ونسيانهم الآخرة وإنها هي دار المستقر👌 وبسبب تعلُّق الناس بالدنيا وبُعدهم عن الدين، ونقص العلم، وانتشار الجهل؛ هتُنقَض عُرَى الإسلام عُرَوةً عُروَة، ودي علامة تانية من علامات الساعة الصغرى😞 قال رسول الله ﷺ: "ليُنقضن عرى الإسلام عروة عروة، فكلما انتقضت عروة تشبث الناس بالتي تليها، وأولهن نقضاً: الحكم، وآخرهن الصلاة " 《صحيح الترغيب والترهيب》 وحديث رسول الله ﷺ معناه إن الدين هيفضل ينقص شوية شوية والناس هتترك العمل بيه جزء جزء بعد ما كان الدين متكامل، وأول حاجة هيتركها الناس الحكم، يعني المنتسبين للإسلام هيتركوا التحاكم لشرع الله ويتحاكموا للقوانين الوضعية،ولو حد فكر إنه يطبق الشريعة الإسلامية تُقام عليه الحرب وتُشوّه صورته ويُعترض عليه حتى من المسلمين أنفسهم، وكل شوية الناس لما ميعجبهمش حاجة في الشرع يطلعوا ينتقدوها وعايزين يتخلصوا منها، وحتى الوضع بين عوام الناس بقى إن كل واحد بياخد من الدين إللي على مزاجه، يلتزم بجزء من الدين ويسيب جزء، وهيفضل الوضع كده لحد ما يوصلوا لمرحلة ترك الصلاة بالكلية وده هيكون عام في الأرض في آخر الزمان👌 فمهما تغيّر الناس من حولك؛ تمسّك انت بعُرى الإسلام ولا تتركها واثبت واقبض على دينك حتى لو كنت لوحدك وذهب الصالحون الأول فالأول و قَلّ عدد الأخيار وكثُر الأشرار، انت لازم تفهم إن ذهاب الصالحين وقلة الأخيار وكثرة الأشرار من علامات الساعة الصغرى أصلا، قال رسول الله ﷺ: " ﷺ: يَذْهَبُ الصَّالحُونَ الأوَّلُ فالأولُ، وتَبْقَى حُثَالَةٌ كحُثَالَةِ الشِّعِيرِ أوْ التَّمْرِ، لاَ يُبالِيهمُ اللَّه بالَةً" 《رواه البخاري》 يعني الصالحين هيموتوا الواحد وراء الثاني لحد ما ييجي اليوم إللي مش هيبقى فيه غير حُثالة الناس لا يرفع الله لهم قدرا ولا يُقيم لهم وزنًا. وقال رسول الله ﷺ أيضا: "لَا تَقُومُ السَّاعَةُ حَتَّى يَأْخُذَ اللَّهُ شَرِيطَتَهُ مِنْ أَهْلِ الْأَرْضِ ، فَيَبْقَى فِيهَا عَجَاجَةٌ ، لَا يَعْرِفُونَ مَعْرُوفا ، وَلَا يُنْكِرُونَ مُنْكَرًا" 《رواه أحمد》 يعني الساعة لن تقوم حتى يقبض الله إليه أهل الخير والدين، وميبقاش في الأرض غير الغَوغاء والأراذل ومَن لا خير فيهم. وممكن تيجي عليك اللحظة إللي تتمنى فيها الموت بسبب شدة البلاء، ودي علامة تانية من علامات الساعة الصغرى، قال رسول الله ﷺ: "والّذي نفْسِي بِيدِهِ ، لا تَذْهبُ الدنيا حتى يَمُرَّ الرَّجُلُ على القَبْرِ ، فيَتمَرَّغُ عليه ، و يَقولُ : يا ليْتَنِي كُنتُ مكانَ صاحِبَ هذا القبْرِ ، و ليس بهِ الدَّيْنُ ، إلَّا البلاءُ" 《صحيح الجامع》 يعني الواحد هييجي عليه يوم يمر على القبر ويتقلب في التراب ويتمنى الموت بسبب كثرة الفتن وغلبة الباطل وأهله وظهور المعاصي والمنكرات، فتمنيه الموت ساعتها؛ لأنه خايف على نفسه من الانحراف وضياع دينه من كثرة الفتن وخصوصا لما يشوف ناس قعدت سنين ملتزمة بدين الله وفجأة تترك الالتزام وتقع في المعاصي جهارا نهارا، فهيبقى بالنسبة له إنه يموت دلوقتي على الإيمان أحسن وهو لسه متمسك بدينه ويلقى الله على التمسك ده أحسن ما يعيش يوم زيادة ويقع في الفتنة😞 وطبعا ده لا يتعارض مع حديث رسول الله ﷺ "لا يَتَمَنَّيَنَّ أَحَدُكُمْ الْمَوْتَ مِنْ ضُرٍّ أَصَابَهُ" 《صحيح البخاري》 لأن الضر أو الابتلاء المقصود في الحديث هنا هو الضرر أو الابتلاء الدنيوي، يعني لو جالك مرض، أو ربنا ابتلاك بمصيبة من المصائب في الدنيا؛ فهنا مينفعش تتمني الموت بسبب الابتلاء الدنيوي ده، أما الحديث الأول بتاع تمني الموت في وقت الفتن وخوف المسلم على نفسه من إنه يفتن في دينه فده جائز، ولا شك إن موت الإنسان بعيدا عن الفتن أحسن له من إنه يُفتن في دينه حتى لو كان عمله قليل👌 قال رسول الله ﷺ: "اثْنَتَانِ يَكْرَهُهُمَا ابْنُ آدَمَ: الْمَوْتُ ، وَالْمَوْتُ خَيْرٌ لِلْمُؤْمِنِ مِنْ الْفِتْنَةِ ، وَيَكْرَهُ قِلَّةَ الْمَالِ ، وَقِلَّةُ الْمَالِ أَقَلُّ لِلْحِسَابِ " 《السلسلة الصحيحة 》 حتى عمر بن الخطاب رضي الله عنه دعا ربنا إنه يقبض روحه لما خاف على نفسه وقال: "اللَّهُمَّ كَبِرَتْ سِنِّي ، وَضَعُفَتْ قُوَّتِي ، وَانْتَشَرَتْ رَعِيَّتِي ، فَاقْبِضْنِي إِلَيْكَ غَيْرَ مُضَيِّعٍ وَلا مُفَرِّطٍ " 《اسناده صحيح》 فتمنِّي الموت جائز إذا خاف الإنسان على نفسه أن يُفتن في دينه، لكن لا يتمنى الموت بسبب مصيبة أو ابتلاء في الدنيا، لأن طول عمر الإنسان في مصلحته؛ لأنه إما هيزيد في عمله الحسن إذا كان مُحسن، أو إنه يتوب لو كان عاصي وبعيد عن الدين، قال رسول الله ﷺ: " لا يَتَمَنَّى أَحَدُكُمْ الْمَوْتَ وَلا يَدْعُ بِهِ مِنْ قَبْلِ أَنْ يَأْتِيَهُ ، إِنَّهُ إِذَا مَاتَ أَحَدُكُمْ انْقَطَعَ عَمَلُهُ ، وَإِنَّهُ لا يَزِيدُ الْمُؤْمِنَ عُمْرُهُ إِلا خَيْرًا" 《رواه مسلم》 فالأصل عدم تمني الموت إلا لو الإنسان خاف على نفسه من الفتنة في دينه👌 لكن متقلقش، مع كل الفتن والابتلاء إللي هتتعرض لها؛ فلن يتركك الله وحيدا بدون شيء يثبّت به قلبك👌 هتظهر لك علامة تانية من علامات الساعة الصغرى وهي: 《صدق الرؤيا》 قال رسول الله ﷺ: "إذا اقترب الزمان لم تكد تكذب رؤيا المؤمن" 《رواه مسلم》 يعني في وسط الفتن وتمسكك بدينك لوحدك وغربتك وسط الناس البعيدة كل البعد الدين وعدم وجود المعين على الخير؛ هتلاقي ربنا رزقك بالرؤيا الصادقة عشان يهوّن عليك غربتك👌 ومعنى صدق الرؤيا إنك إذا كنت مؤمن صادق الإيمان؛ مجرد ما تشوف رؤيا في المنام هتلاقيها تحققت على طول زي ما شفتها، ومش هتبقى محتاج حد يفسر لك الرؤيا من شدة وضوحها، وكل ما كنت صادق في إيمانك وفي كلامك كانت رؤياك صادقة👌ومع انتشار المعاصي وقلة الطاعة هتظهر علامة جديدة من علامات الساعة الصغرى وهي《كثرة الزلازل》، الزلازل من الآيات التي يخوف الله بها عباده عشان يتوبوا ويرجعوا له، وحصلت زلازل كثيرة على مر التاريخ من زمن الصحابة لحد زماننا دلوقتي، لكن الفرق إن كل ما زادت المعاصي وكل ما قربنا من يوم القيامة هتكثر الزلازل، وفي آخر الزمان؛ الزلازل هتعُم الأرض وهتبقى مستمرة ووراء بعضها👌 يا ترى هل في علامات تانية من علامات الساعة الصغرى حصلت وانت شوفتها ولّا لأ؟ ده إللي هنعرفه الحلقة الجاية إن شاء الله 👌 مصادر حلقة النهاردة في التعليقات👇 ♡طبعا أي ملاحظة ياريت تقوليلي فالمؤمن مرآة أخيه💜 #eman_shalapy --------------♡-------------- اختم القراءة بذكر الله 💜 * سُبحان الله * الحمدلله * لا إله إلا الله * اللهُ أكبر * سُبحان الله وبحمدهِ * سُبحان الله العظيم * استغفر الله العظيم واتوب إليهِ * لا حول ولاقوة إلا بالله * اللهُم صلِ علي نبينا محمد * لا اله الا انت سبحانك اني كنت من الظالمين > رياڪت لطيف عشان استمر يغاليات ومتنسويش انڪم تختم بذڪر الله وتفيدو غيرڪم 💜🫰🏻