Nampi sunga ui leh kel kibang jenga common political platform dinga nah+ a KZC hin kisem doh'a tua nampi sunga KZC hin dem+ chu ipi tosot unge itiuha? Khatvei ham nivei ham dei banga acha lounao um navehta, hile hong lamkai hon lunggel aseikhom theinao phot+ chu ahahsat ding hetsa ahe. Lamkai jouse chun mipi hijat, lunggel hijat um'a mipi jousen adeichet thil bolding kitichu koi namsunga hitobanga kitoh mipi um ihetkhah u ong? Ideiphat umintin ideilouphat um navehta, hicheman'a chu dem pei+ di hilou. Lamkai akoipen in ahoilai khu asuhtohmo'a ahoilai khu kisuh louham seiding, septup ding, suh hoi ding ahe dem bouseh bol'a achuh nading ngen+ achuhna hoa la koima khangtoulou chu tukhanga ipi phachoum di ong? Apex body atamval tai, a jat lhingset ahie hichea KZC seh+ hilouva kiloikhomna jouse hi nampi kitona, sopi kitona chuleh insung kitona dinga pang ahileh panpi ding tosot ding ahe nang le kei mipi akihina jal'a. Pankhom ding kisei sei laitah'a achoumbeh'a kivaipoh, lampi choum chi, mi thilbol jouse'a phun, ama thu ajao louleh kichoumbol, ima hilou aivanga gal lai ahijih'a kiphaosah kiti ho vangchu koiman kimunomlou mijousen itobang mi/kiloikhomna ahi kihe ahin amaho dih'em eiho idih uvem chu achaina'a thil hungsoh ding chunga kingam ahe. Hichejeh chun sopite, Pathen in eipeh lhohbu hi mang jing'u hitin khonung chih sanga kimachih joh ding tup jing'u hiu hite.