ده ملخص الـ timeline بعد نهاية الامتياز و انواع النيابات منقول من الدكتور محمد علي شرف ربنا يباركله ❤️ 1- حركة التكليف : اعلان الحركة - تسجيل بيانات - تسجيل رغبات - ظهور النتيجة 2- الاستلام : يا في الصحة يا في الجهات الخارجية الاخري 3- في الجهات الخارجية الاخري : زي الادارة الطبية بالجامعات - مستشفي الطلبة - تأمين صحي قديم - بنوك الدم الاقليمية و كل جهة حسب شروطها من حيث التخصصات و الدراسات العليا 4- في الصحة : يا هتكمل في الصحة يا هتروح نيابات الجامعة يا هتروح تكليف الجيش 5- نيابات الجامعة : يا كلينكال يا معيد اكاديمي 6- نيابة كلينكال هتستلم في الصحة و تخلي و تروح الجامعة اعارة 7- المعيد الاكاديمي بتلغي تكليف من الصحة اصلا 8- تكليف الجيش : - بتستلم في الصحة و تروح الجيش كانتداب - بتقدم علي حركة نيابات الصحة بنفس الشروط بتاع الحركة - ترشيح الماستر بعد سنة بس مش شرط الجامعة تقبلك 9- لو هتكمل في الصحة : يا تكليف مركزي يا نائي 10- لو مركزي يبقي لازم سنة فعلي علي الاقل علشان تقدم علي كل التخصصات - او ستة اشهر علي الاقل علشان تقدم علي التخصصات الملحة - لما يجيلك نيابة ترشيح الماستر في اقرب ترشيح شهر خمسة يفتح +- شهر نوفمبر 11- لو نائي هتقدم علي اول حركة هتنزل - هتستلم بعد سنة عمل فعلي لو تخصص غير ملح - يجوز تستلم بعد ست شهور فعلي لو تخصص ملح - لما يجيلك نيابة متاح لك تقدم علي الماستر في اي وقت في السنة بشرط الجامعة تكون فاتحة 12- النيابات : يا نيابات اساسية يا استثنائية 13- نيابات اساسية : بتفتح مرتين في السنة بيبقي فيها كل التخصصات و كل المستشفيات صحة - امانة - تأمين - تعليمي.. حسب احتياجات كل جهة 14- كل واحد بيقدم علي حسب تكليفه سواء نائي او مركزي بالشروط اللي قلناها فوق ما عدا التعليمي ليه شروطه 15- التعليمي بيبقي موجود في نفس الحركة بس بشروط خاصة به : - لو تخصص غير ملح يبقي يشترط حد ادني ست شهور عمل فعلي + شرط التقدير حد ادني جيد جدا تقدي عام و مادة - لو تخصص ملح يبقي لا يشترط مدة عمل فعلي + شرط التقدير حد ادني جيد عام و مادة - ممكن تقدم عليها حتي 3 سنوات من تاريخ تكليف الدفعة - بتستلم النيابة بمجرد ظهور النتيحة - ملحوظة التخصصات دي تعليمي مختلفة شوية عن التخصصات الملحة صحة - مش هينفع تغير التخصص بعد الاستلام و مفيش قدامك غير انك تلغي النيابة و تتحرم - مش هينفع تنقل الا لمكان تعليمي و بعد سنة و نص و بموافقة الطرفين و الهيئة - نيابة التعليمي خمس سنين انما الصحة اربع سنين - لما يجيلك نيابة ترشيح الماستر بنفس الطريقة اللي فوق عادي 16- النيابات الاستثنائية : - مش شرط تنزل اصلا دي حاجة بينزلوها كده لو احتاجوا يعني - لا تشترط مدة عمل فعلي في التكليف سواء نائي او مركزي تقدر تقدم - لو لاغي نيابة ممكن تقدم عليها بدون حرمان - بتبقي في التخصصات الحرجة اللي فها عجز زي التخدير و الرعاية و الطوارئ - ترشيح الماستر زي النائي كده في اي وقت في السنة بشرط الجامعة تكون فاتحة 17- الاجازات : - الاعتيادي - العارضة - المرضي - الوضع كل ده بيتحسب من العمل الفعلي للتكليف - الاجازات بدون مرتب : رعاية طفل - مرافقة زوج - رعاية اسرة - تحسين دخل ..الخ مش بتتحسب من العمل الفعلي للتكليف 18- التجنيد بيتحسب من العمل الفعلي للتكليف و ممكن تقدم اثناء التجنيد علي النيابات و الماستر 19- البورد المصري (الزمالة المصرية) لازم يكون جالك نيابة و يكون عدي ست شهور بعد ما تستلم النيابة و بعدها اقرب حركة زمالة تفتح هتقدم عليها يعني لو تخصص غير ملح يبقي اسرع حد ممكن يقعد علي الاقل سنة و نص علي ما ياخد زمالة ، اما لو تخصص ملح ممكن سنة الصورة دي من كذا سنة بس عملت عليها تعديلات كتير ، فدي احدث حاجة هتلاقي مكتوب فوق "فبراير 2025"