BJP MIZORAM HEADQUARTERS, PRESS RELEASE DATED THE 21ST FEBRUARY 2025 : NO.BJP/MZ/HQR/PR-17. Vawiin 21st February, 2025 (Zirtawp ni) hian Friday Political Session neih niin, Pu VL Awia, State Secretary-in inkhawm a kaihruaia, Pu Vanlalhmuaka, State President-in thusawina hun a nei bawk. Pu Vanlalhmuaka chuan, "2025-2026 Union Budget zirhona chu Union Minister of State For MSME & LESDE, Govt of India hova 19th February, 2025 a neihna ah, BJP State Office-a Union Minister hova BJP State hruaitute inkawmna aṭanga a lan danin Mizoram State Sorkar chu Buhzem bula ṭâmchhâwla let reng ang mai a ni," a ti. Pu Vanlalhmuaka chuan, "Central sorkar Pu Modi kaihhruaiin Mizoram tana sum a ruahman chu Mizoram Sorkarin a ngaihsak tawkloh avang leh sum an hman thiam loh leh an hman dik loh avanga Mizoramin sum lama harsatna tawk ṭhin kan nih thu Union Minister hialin kan tualchara min rawn hrilh ta mai hi, Mizoram Sorkar tan chuan hei aia mualphona hi a awm thei dawn em ni? tih theih hial a ni. Sum leh pai chungchanga kan harsatna leh thla tin sum puk ngaia kan awm chhan hi eng dang vang ni lovin, Sorkar inthlahdah vangah a ngaih theih ta hial a, Mipuite hnena tax lak san a, mipui hrek zawnga kal thiam tur hian ngaihtuahna siam si hian ngaihtuahna a siam thiam a ngai hle ah ka ngai a ni," a ti. Pu Hmuaka chuan, "AAI-in India ramah Airport thar siam belh tur 21 lai tun Budget thara an tum laia, kan State Sorkar hruaitu lu ber te'n AAI-in sum an neih loh vang leh a hlawkpui loh vanga Airport lak belh an duh loh thu, thubelhchian dawl lo tak mai Mizoram mipuite min han hrilh leh phei hi chu rilru a ti na hle a, mahni chipuite dawta bumna mai a lo ni. Central Sorkarin Lengpui Airport chei ṭhata, Lengpui Airport aṭanga Air Cargo hmanga Mizoram thar chhuahte India ram mai nilo, khawvel ramdang thleng pawha thawn chhuah a nih dan tur Aizawl khawpui ah ngei min rawn puan sak laia, kan State Sorkarin Indian Airforce kuta a hlan duh vanga India Sorkar hotute dawta an puh ta mai hi a pawi takzet a, thudik tawklo sawi fo leh mahni thutiam tawh sawi mawi leh sawi mam tum phet hi ṭawngṭai ṭhinte tan sim vat a ngaih thu a sawi a ni." Pu Vanlalhmuaka chuan sawi chhunzawmin, "Mizoram-ina hmasawnna kawnga kan ṭhenawm state-te kan tluk theih miah lohna chhan chu; kan Sorkar hrawn tawhte leh kan hrawn mek te hi Party ruihchilh a, atchilh tlat ṭhin party an ni a, Election zawh tawh hnua Sorkarna an chelh tawh hnu pawha, Election boruaka an la chen tlat ṭhin avanga hna an thawh theih loh avangte, mipui Sorkar siam tura inzuar chunga Party Sorkar an siam leh avangte, lal thlakhleh avanga ngaihtuahna fim pawh an hman theih loh avangte hian State dang te hi kan phak ta lo hle a ni. Kan ram Kristian ram hi Thu ah chuan kan sang a, kan thu hriat nunpui leh tihdik kawngah erawh kan hniam leh si a ni. Chuvangin kan intih Kristian leh kan insawi ṭhat ang hian mite hian mi hmu Kristian hleithei lova, min hmu ṭha thei llo a ni tih hi kan ram hruaitute hian kan hriat a, I RAM LO THLENG RAWH SE tia ṭawngṭai ṭhin te hian kan nunah leh kan thil tih ah Pathian ram thlen tir hi kan mamawh ber a ni," a ti bawk. Issued By IT & Media Department, BJP Mizoram Headquarters: Aizawl, Mizoram. #bjp4mizoram #mizoram #bjp Credit: Zonet Chanchinthar https://www.facebook.com/share/v/1HjV3eVC1x/