BJP MIZORAM HEADQUARTERS, PRESS RELEASE DATED THE 27TH FEBRUARY 2025 : NO.BJP/MZ/HQR/PR-19. OIL PALM GROWERS ASSOCIATION TE'N CENTRAL AṬANGA PUIHNA DAWNG. MIZORAM SORKARIN A PUI DUH LO. BJP Mizoram chuan Oil Palm Growers Association Kolasib District leh Mamit District te'n Central Scheme NMEOOP hnuai aṭanga Kum 2022-2023 a Viability Gap Payment (VGP) Support Price 2.2 Cr an hmu leh, kum 2023-2024 atana Cheng Nuai 76 lai mai Central Sorkar aṭanga an hmuh bakah thla tin Central Sorkarin Oil Palm Growers Association-te puihna tur a ruahman sak chu BJP Mizoram chuan kan lawmpui takzet a, Central Sorkar Pu Modi kaihhruaiin Kuthnathawktute a ngaih pawimawh zia a lang chiang hle a ni. Oil Palm Growers Association te'n an Oil Palm chin aṭanga Central Sorkara ṭanpuina an dilna tur ah, Mizoram Chief Minister Pu Lalduhoma chu DO Letter ziahsak turin an ngen a, nimahsela Mizoram Chief Minister hian a ziah sak duh loh avângin, Oil Palm Growers Association-te mangangin Governor Dr. Hari Babu Kambhampati hnenah an harsatna te thlenin a puihna an dil leh ta a, Governor-in Union Agricultue Minister Pu Shivraj Singh Chauhan hnenah an thil dil tawh te a rang thei ang bera tihsak tura a ngensakna chu Central Sorkar chuan vawiinah a rawn tihsak ta a ni. Central Sorkar Pu Modi kaihhruai chuan Kuthnathawktute tan theihtawp chhuaha hma la in, Kuthnathawktute a ngaihsak zia alang chiang hle a ni. kumin 2025 ah phei chuan BJP Sorkarna State ah Minimum Support Price (MSP) pawh nasa takin tihpun a ni a hei bakah hian Central aṭangin Assistance an dawng tel bawk a, Mizorama cheng Kuthnathawktu tam zawk te hian Central Blessing hi tun aia nasa zawka kan dawn ve ngei theih nan Sorkar ṭha leh kuthnathawktute hmangaihtu, thu chauha hmangaihtu nilo, kuthnathawktute harsatna lak aṭanga khaichhuak theitu kan mamawh takzet a ni. Kuthnathawktute tan BJP Mizoram chu kan ding reng a, tuna Mizorama Kuthnathawktu, Pathian malsawmna nasa taka dawngtu te'n Sorkar ah beiseina sang tak nen an thlai thar, a bikin Sawhthing leh Hmunphiah an thar chhuah pawh hralhna tur an duh anga an hmu thei leh ta lo chu a pawi kan tihpui takzet a ni. BJP Mizoram chuan Party Politics ruihchilh avanga Mizoram ah Sorkar kan thlang ṭhin hi kan sim a hun tawh hle ah kan ngai a, Mi retheite, Kuthnathawktute hmangaiha, dawm kang a, Kuthnathawktute harsatna sutkian dan zawng reng Party BJP kan ni tih hi Mizorama Kuthnathawktute hian kan hriat a pawimawh hle a, Mizoram ah BJP a Sorkar hma hauh pawhin, PM Kisan hmanga loneitute puihna kan Account ah ngei pawisa min thunsak ṭhin te, loneitute'n Kisan Credit Card pawh a nihna anga ṭangkai taka an hman ve hun te pawh BJP Mizoram chuan kan nghakhlel hle a, Mizorama mihring tam zawk Kuthnathawka eizawngte hian an hah mila hlawkna an hmuh thuai theih nan BJP Mizoram chuan theihtawp kan chhuah zel dawn a, Mizoram Mipui te'n Sorkarna min pe ngat sela chuan tuna harsatna kan tawh tam tak lakah hian Kuthnathawktute kan zalen ngei dawn a ni. Mizoram Sorkar Pu Lalduhoma kaihhruai chuan inthlan hmaa Kuthnathawktute tana an thutiam tawh chu tipuitling thei leh lova an awm ta mai hi a mak kan tiin, pawi kan ti hle a, Sorkarna an chelh hmaa an thusawi Kuthnathawktute'n an nghahhleh êm êm thlaithar an lei dan tur an pehhel kual leh chu pawi kan ti hle a ni. Mizo Kristiante thudik tawk lo hrilh hi bansan tur leh Bible-in min hrilh anga, mahni nihna anga lang chhuak ngam a, thudik chauh sawi ṭhin tawh turin Mizorama Sorkarna chelhtute kan ngen a ni. Issued By IT & Media Department, BJP Mizoram Headquarters: Aizawl, Mizoram. BJP Mizoram Devesh Kumar Dr. K. Beichhua Lalremsangi Fanai Tetei Dinthara Kawilam #bjp4mizoram #mizoram #bjp Credit: Zonet Chanchinthar https://www.facebook.com/share/v/15Rmr99Wvv/