BJP MIZORAM HEADQUARTERS, PRESS RELEASE DATED THE 28TH FEBRUARY 2025 : NO.BJP/MZ/HQR/PR-20 BJP Mizoram chuan inthlan hmaa ZPM-in Kuthnathawktute hmakhua ngai ber anga an inlanna chu Dawt mai a nih zia an tihlan mai bakah, Kuthnathawktute an hmusit hle ah kan ngai. BJP Mizoram chuan tunhnaia Sawhthing thar tute'n an Sawhthing thar an hralh kawngah an thar chhuah aṭanga tlem tê chauh an leisak theih lai a, kuthnathawktute beidawnna leh lungngaihna tizual tura, Reliance Company te'na an Sawhthing lei chungchang a sawhthing ṭha tawklo thawn anga an sawi chu a pawi kan ti hle a, hemi chungchanga ZPM-in Kuthnathawktute thlavang hauha hneka, a diriam zawng leh hmusit zawnga thuchhuah an nei hi dem awm kan ti takzet a, Sawhthing ṭhalo deuhte pawh thawn zingah hian lo awm pawh ni se, kuthnathawktute hmakhua ngaia Reliance Company-te hi inbiak remna neih pui dan an ngaihtuah tur ah BJP Mizoram chuan kan ngai a ni. Nimahsela chutiang ni lova, Dt 26th February, 2025-a an thuchhuah a, an Flagships Programme tihhlawhtlinna leh hlawhchhamna a mawhphur tu atana kuthnathawktute mawh phurhnaa an dah daih mai Sorkar meuh tan chuan a zahthlak hle ah kan ngau a, an Flagships Programme pawh mumal taka kalpui dan neilo leh mipui zawk a an innghat ta daih te chu an Flagships Programme ah an chian loh zia lanna niin, Sorkar chhunzawm zel tlak lo hial ah BJP Mizoram chuan kan ngai a ni. An thusawi uar êm êm Bana kaih Policy nei tu te'n, an mite bana an kaih tak tak hmaa, thlah leh an tum nghal mai chu a mak hle a, hei hian kuthnathawktute ah beidawnna a thlen mai a hlauhawm a, ZPM Party hian tawngka mai nilova, Kuthnathawktute an hmangaih tak tak a nih chuan an theihna zawng zawng pawh a hma la turah kan ngai a ni. Chutiang nilova Sawhthing lei chhunzawm loh chhuanlam atana hman an tum ta mai emaw tih tur a kuthnathawktute vauna ṭawngkam ang hial thuchhuah an nei hi a pawi kan tiin, kuthnathawktute hnenah ngaihdam dil ngei turin BJP Mizoram chuan kan phut bawk a ni. BJP Mizoram chuan kuthnathawktute'n an chanvo dik tak an hmuh ngei hi kan duhsak hle a, chumi kawnga Sorkar hmalak mekna pawh hi kan thlawpin, ZPM Party pawh inthlan hmaa an intiam ang ngei a Kuthnathawktute thar chhuah Sawhthing mai nilo, hmunphiah thlenga leisak vek turin kan beisei bawk a ni. Issued By IT & Media Department, BJP Mizoram Headquarters: Aizawl, Mizoram. #bjp4mizoram #mizoram #bjp https://www.facebook.com/share/p/1XneCnFDy3/