Follow my whatsApp channel for this book and more updates https://whatsapp.com/channel/0029Va8v6sl7IUYaVaa0Rc0F *Free book* Read,react ,comment and don't forget to share *Heads or tails* Written by Berlin 0712025728 Chapter 4 *Chiedza* Pabasa pandaishanda vaitoziva kuti every Thursday ndaipedza na1:30pm kuitira kuti ndigokwanisa kubata sabata rangu raitanga na3 dzemasikati. Ndakapedzisa zvandaive ndichiita ,ndikabvisa hungwanda hwese hwaive padesk pangu kwakusendera mukomana wangu, Dk message yekuti ndaive ndapedza. Haana kupindura ndakazongoona apinda muoffice mangu maakasvika achiti "Ndanga ndatokanganwa kuti nhasi iThursday nhai?" ndikati, "Ehee apa ndanonokawo sei." "Hauna kunonoka hako.Ko waswera bhoo?" "Ndaswera, thanks nelunch." "You are welcome, did you like it?" "I did, wagonesa apa ndanga nditori memazinzara." He smiled akanditarisa achibva ambotyper something on his phone ndokuzoiisa muhomwe achiti "Handei ndinokusiya mudhara asati adzoka, I have a lot of work,handiti ndakakuudza kuti ndakanzi ndiri kutamba pabasa." "You did.Ko havasi kuona kushanda kwauri kuita nhaiwe?" "It seems havasi,hanzi kana tiri kubasa hausi mwana wangu iniwo handisi baba vako.Saka hey ,rega ndinokusiya vasati vadzoka angazoite ma1." "Iri bhoo" ndakadaro ndichitendeuka nekubva ndazoti, "Ndibvisewo" ndichireva necklace yaaive akanditengera yaive muhuro mangu. Ndaitoipfeka zvemusikanzwa sezvo kumba kwedu zvaisatenderwa nechitendero chedu kuisa Jewelry. Akatanga akamboseka ndokuzoti "Why do you wear it zvichizokutambudza kudai?" ndikati, "Because I love it, handiti ndinenge ndichida kuti uone." "Uchiita zviri against church yenyu manje?" "Yes, bvisa ndakanonoka." Akaibvisa ichibva yanowira mumaoko mangu ndikati "Thanks" achibva ati "Zvenecklace hazvina kana basa izvo,unodii kungobvuma kundikissa ka1 chete, kungoita musikanzwa iwowo ka1.Handiti zvakangofanana here nemusikanzwa waunoita wekupfeka manecklace asingadiwe aya.Kutadza kutadza shaa." Ndakatendeuka ,gave him a baby kiss ndokuzoti "Handei" achibva amboramba akanditarisa sezvo aive akatarisira mutorododo wemhinduro. Ndakatosvika padoor akangoisa maoko ake muhomwe akanditarisa chete. Ndakatozoita wekuti "Dk" achibva azotanga kutevera hake maoko achakangoiswa muhomwe achiita seasiri kutoda zvake kufamba. Zvekumukissa or kuenda padhuze naye ndaisatomboda kana ,kuchurch kwedu zvaisatombodiwa kwaive kuri kutopomba kwakakura and ndaitozonoreurura pasowe kuti ndozvandaive ndakaita. Ndaive ndakatombomuudza hangu kuti aisazokwanisana neni ndisati ndatomubvuma iye kwakusimbirira achiti aindida zvakadaro. Taive takangosangana ipo paCompany yababa vake pandaive ndakawanawo basa,iye aishandawo as an IT officer ipapo inini ndiri hangu kuAccounting department.And sezvo raive riri gore rangu rekutanga kushanda, ndaive ndisati ndave nepost yakati tsvikiti,ndaingotumwawo kuita matasks nevaive vagara vari pabasa.Manager wangu vaive vari Tete vaDk,but vaisawanzouya havo pabasa asi vaiti pavaiuya pacho vaida kuwana zvese zviri mugwara. Pabasa pedu paive nevasikana vakanaka, vaive nebvunzi, vachiita zvemake up asi Dk aive akasarudza ininiwo zvangu mupostori wekwa Johanne masowe. Ndaive ndisina kana zvinoshamisira, ndaingopfeka maplain bright colors, musoro ndaisazosunga hangu doek asi ndaigara ndakagerwa ,make up ndisingatoise kana. Paakatondisvitsa shoko mubvunzo wangu wekutanga kwaari waive wekuti "Sei wauya kwandiri?" ndikaudzwa kunzi ,"Because you are natural." Mazuva ekutanga kudanana naDk aitoterera zvese zvandaisada nezvandaida asi nekufamba kwaive kwoita nguva, relationship yedu ichikurawo aive onetsa.Dzimwe nguva kana iri hug ndaizongonzwa maoko adzikiswa kuma bums angu ,totozoguma tanetsana. Pese paaizonyunyuta nezvazvo ndaibva ndamufungidzisa zvataive takabvumirana pakutanga nyaya yotopera. Takasangana neimwe workmate yedu, aingowirirana naDk vachishanda department rimwe chete uyo ainzi Takudzwa. Akasekerera paakationa tese kwave kuti "baba namai Jonas" zvekuda kutidenha ,Dk akadaira achiti, "Ehee zvee!" as they fist bumped. Vashoma vaive vasati vave kuziva nezve rudo rwedu. "Hesi Takudzwa" ndini ndakazodarowo zvikanzi, "Bhoo zviri sei Chiedza?" "Bhoo,Dk hande shamwari ndakanonoka." "Tanga iwewe ka kubuda uzondiudza kuti panze pari safe here?" Panzvimbo yekupindura ndakabva ndanenekedza ruoko rwangu iye nekuziva zvandaida achibva anditambidza makeys emota ndikatambira ndokutanga kufamba.Ndakabudawo panze ndikaonawo pasina vanhu vaaitya kwakubva ndananga kumota yake ndichitomusendera message ndichimuudza kuti kwaive free. Ndakatanga kutoita zvecamera ndichizvitora maphotos ndakagara hangu mumota. Dk haana kuzotora nguva ndakaona abudikira ndichibva ndatoisa phone yangu mubag. Akavhura door remota achiti "Saka ukasabata 3 zvinoita sei?" ndikati, "Handitofanire kusatodzibata,hanzi chii naTaku?" "Hanzi ka ticharoorana rini." "Ukati chii?" "Ndamuti soon.Ndiri kuda kuroorawo soon ndakura ka ini." "Kwete stereki." "Aiwa ndakuda kuroora,handiti unoda kuroorwa neni?" "Yes ndoda,ungabvunze zvakadaro." "Ehee ndoda kuziva ka." "Ndoda." "Hameno uchaita sei on our wedding day nekuti inini ndinenge ndichida kukuona uine Jewelry yakakwana." "Ndopfeka" ndakadaro paye ndichiseka, mota yaive yave kutobuda hayo pabasa. "Une nzara ?" akabvunza tichangobuda ndikati, "I am okay, handei,ndabva mukudya manje manje." Aiziva road dzekudimburira tisingapinde nemutown zvekuti hatina kutorawo nguva taive tatosvika kuCrowborough kwandaigara. Akaparker mota yake kwaaindisiya mazuva ese kwaitangira line redu ndikati "Thank you," zvikanzi, "Ndokuona rini?" "Sunday ndopandinosunungurwa,ndokuudza kana ndadzoka" ndakadaro achibva angogutsirira ndikati, "Iwewe uri kuita sei weekend?" zvikanzi, "Ndiri kuenda kubhora, Mj ane match yandisiri kufanira kurega kunoona.I promised him that I will be there,hope hakunaye." "Saka pamwe Sunday unenge uri busy ndochizongokuona hangu Monday kubasa?" "Match ndeya mangwana.Unondiudza time dzaunodzoka ndoita plan cause Monday kubasa handisvike." Ndaive ndoda kutoburuka paakabva andibata ruoko and I knew what he wanted.Ndakatanga ndambotarisa kunze ndokuzomupa hug yaaida, nekukasika ndichibva ndadzokera pakubata door ndave kuda kuburuka.Akandibata zvekare ruoko ndatoburitsa kagumbo one ndichibva ndacheuka ndichida kutopopota kuti aive ondinonotsa kwakuzopora paakabva anditi "I love you." Face yangu yakabva yanyevenuka that instance ndikati, "I love you too" kwakuwedzera ndoti, "Bye" zvikanzi, "bye." Ndakasvikawo kumba nekutonanga kunogeza, vanhu vese vaive vatongomirira ini. "Mhamha vatopedza uchiri kuitei?" Ndakabvunzwa nesister yangu yainzi Tendai ndikati, "Ndatopedza,nditorerewo musamariya wangu uyo." Akautora kwakunditambidza ,ndikarongedza zvese zvaida kuiswa mubag rangu rekumasowe ndokubva tazobuda zvedu tese. Tese mhamha,daddy, sister yangu Tendai nekahanzvadzi kangu kainzi Paul taienda kumasowe. Takatutana hedu mukamota kedu kwakunobata 3 dzataifanira kubata. Vamwe vaizouya havo chave Chishanu asi family yedu yaikoshesa zvekunorarirako musi weChina kumba tichizodzoka Sunday,tasunungurwa. Zvaive zvakatojairika zvekuti zvaisatomborwadza kuzviita. Takasvikirana nemunamato wa3 ,tikazopatsanurana after taita mumwe munamato wa6. Takapatsanurana pasowe tichiti vakadzi kwavo varume kwavo takamirira pfumbamwe. Mumapoka ataive tiri iyayo taitodzidziswa zvichiendeka zvakadaro. Pakazokwakana pfumbamwe takangonzwa namadzibaba Noah avo vakadaidzira vachiti "Rugare kwamuri" katatu gungano rese rikadaira richiti "Hameni!" vachibva vazoti, "Ngatigadzirirei tiende pamuteuro." Nguva yandainyanyofarira zvangu yaive nguva yekutaura kwemweya iyo yaibva na12am ichizopera na3am. Ndakatombonzvenga sezvo kwaive kwasviba ndikanopinda mumota kwakumbotaura naDk paphone ndokuzorara ndakasetter alarm. Ndakazoona Paul ateverawo ,tese tikazomuka nguva dzemweya dzakwana. Ndakagadzirisa doek rangu ndokuzobuda hangu ndichidzokera pasowe. Panguva yemweya vamwe vaiita zvekunhongwa muvanhu,voudzwa zvaitaurwa nemweya panguva iyoyo asi isu vamwe taitoita zvekuenda kuvatauri vemweya kuti tiudzwe zvaitaurwawo nemweya pamusoro pedu. Ndizvo zvandakaitawo ipapo ndakanopfugama paive nevamwe madzibaba vachibva vambotora nguva vachiimba verse ravo ndokuzoisa ruoko pamusoro pangu vachindinamatira. Vakanamata kwechinguva ndokuzoita sepane zvavaiona mumhepo kwakuti "Isai muchichinjikwa katatu Madzimai" ndikaita saizvozvo vachibva vatanga kunditenderera vachiimba,vakabata tsvimbo yavo mumaoko. Pavakadzoka mberi kwangu ndipo pavakazoti "Madzimai ndimi henyu makasarudza kufambidzana nemunhu asiri werino sangano?" ndikati, "Hongu." "Anoenda kereke ipi?" "Handizive." Zveshuwawo ndaiastoziva. "Asi anoenda?"vakaramba vobvunza ndikati, "Hongu." Vakabva vamboseka zvavo kwakuti "Achinwa hake waini?" ndikati, "Umm ipapo handizive" zvikanzi, "Waini anonwa hake ,kana manga musingazive ndave kukuudzai." Ndakangokwanisa kugutsurira musoro vachibva vaenderera vachiti "Iye ari kuti chii?Hanzi anoda kuzokuroorai?" ndikati, "Tinotenda." Vakaita kakusekera kekushoora so kwakuzoti "Anokuroorayi sei iye aine mumwe waari kufambidzana naye?" "Ane mumwe?" ndakadaro ndichitokanuka zvikanzi, "Anewo wake waari kufambidzana naye.Ndatopihwa nezita rake chairo asi handisi kuzoritaura.Mukaita zvekutamba,ndaona mazochema pamberi apo." "Kuchema?" "Ehee handisi kukupai tsanangudzo idzi kuti muzonetsane nemunhu wamuri kufambidzana naye kwete,ndiri kuda kungozama kukubatsirai." "Tinotenda" ndakadairira zvikanzi, "Kana munhu wenyu ari pachokwadi asina waari kufambidzana naye , ndoda muuye naye pano svondo rinotevera." "Pano pasowe?" "Chaizvo!Kana asingakwanise kuuya chiri China ,anokwanisa hake kuuya iri Svondo ndokuvakirai munamato." "Tinotenda." "Pari zvino mofanogeza nhombo idzi mazuva matatu,muchitaura zvese zvamuri kuda kuti Mwari akuitirei." "Tinotenda." Ndakazosimuka paye musoro wadhanganyika,ndaive ndakuzvibvunza kuti zvaive zvataurwa namadzibaba ava chaive chokwadi here kana kuti kwete. Asiwo kuti ndivati vainyepa or vaive vapotsa zvaisaita nekuti taive takangokura tichipihwa tsanangudzo dzechokwadi pasowe pedu ipapa. Kuti ndiwane iro basa randaive ndave naro iri,ndipo pasowe ipapa mufunge! "Kungoti munhu haarambirwe!" ndini paye ndakazoerekana ndadaro pataive takagara neshamwari yangu yainzi Makomborero nasisi Tendai. Taive tambosunungurwa zvedu tamirira 6 dzekuchena kwezuva. "Dzimwe nguva tsanangudzo dzinogona kupotsa iwee" ndiTendai akazodaro ndikati, "Nekuti kutaura chokwadi handina kana one chandakambobata pana Dk, vanhu vekumba kwavo vakawanda vacho vave kutondiziva.Hapasati paitwa hapo maintroductions but vanotondiziva." "Asi dzingani tsanangudzo dzakambopotswa?"akabvunzawo Makomborero ndichibva ndamboti zii, Tendai achibva azonditi, "Haa iwewe uchabata chokwadi pauchamuudza nyaya yekuuya kuno,ukangoona aramba kuuya chete unobva watoziva kuti pane zviriko." "Angabvume Dk kuuya kuno?"ndakadaro nditori serious ndichiri mukushushikana,mumusoro mangu picture yacho ndiina Dk kumasowe kwedu yaisatondibudira kana. Ndakangogutsurira musoro zvikanzi naTendai,"Kana murume achikuda anoita anything for you ,unotomuudza zvakanaka kuti ndizvo zviripo.Mouya, movakirwa munamato wenyu zvotopera.Haana kunzi ari kubva atotendeuka pano ,kungouya musi one zvotopera." End of chapter 4