Berlin's Writings

Follow Follow Berlin's writings channel for this book and more updates. https://whatsapp.com/channel/0029Va8v6sl7IUYaVaa0Rc0F For those vane nungo dzekutsvaga machapters ekumashure muMain channel, vhurai back up channel munoona machapters *eBlind wink* ese arimo. Berlin's Writings Back Up channel on WhatsApp: https://whatsapp.com/channel/0029Vb6MTpt8kyyPX8SHNg2O *Blind wink* by Berlin 0712025728 Chapter 15 *Rudo* Ndakaita kushatisa chiso pandakaona vamwe Mai vaive vakazadza zitrolley vachiuya kwandiri.Apa ugoona vaive vachitosiya imwe till yaive isina munhu vachiuya havo paneni apa ndaive ndichangopedza ku-server munhu aive nerimwe zitrolley raive rakazara. "Mamuka sei?" vakadaro mai vaye vaipusha mwana mutrolley ndikadairira mumhino kwakutanga kuchaya zvinhu zvavo zviye one by one kusvika zvapera. Ndakavatarisa kwave kuvabvunza ndichiti "Plastic bag?" zvikanzi, "Isai maviri" ndikaisa ndokuti, "Cash or card?" "Ecocash." Ndakapindurudza maziso while initiating the Ecocash payment request on the till system. Ndakatendeudza PIN pad kwavari mother vaye kuti vaite enter her phone numbers vachibva vanditarisisa ndikati, "Isai number" munhu kwakutora hake nguva achibaya baya. Pakuda kuita enter she pressed the red button kwakucanceller zvavo, ndikavatorera pin pad iye kwakuvabvunza phone number vakadzitaura, ndikavaitira. Zvandainzwa zvacho zvaisatoda izvozvo. Vaive vabata phone waiting for message yepin, but pavakaisa pin pacho makabva manzi insufficient funds ndikanzwa kusvotwa. Apa ndagara ndaive ndichitosvotwa nechekare nenyaya dzangu , ndakavavhurisira ziso ndichiti "Haisi kukwana tsvagai chekubvisa" vachibva vabata kapacket keyoggi ndikati, "Mumbori nemariiko, yoggi iyoyo yamuri kubvisa inongoita 60c chete" vachibva vambobata-bata phone yavo ndokuzotarisa amount yavaive vainayo ,ndikavaudza mari yavaifanira kubvisa kuti zvigokwana.Dai yaive shop yangu Mai ava ndingadai ndakavapedzera shungu dzese dzandaive nadzo, manje kana uri mushandi unenge uchifanira kungozhinya otherwise unozonzwa zita rasvitswa kuvakuru. Vakanhonga nhonga one or two pagroccery ravo vakabvisa ndichibva ndadaidza manager Mr Mandaba to void the transaction. Pandakazopedza namai ava ndaive ndaita kuneta chaiko,I checked my time ndikaona lunch dzatokwana kwave kuisa closed notice yangu ndokubuda. Ndaive ndisina nzara yekuda kudya kana, moyo wangu waive wakaita kusviba chaiko nekuda kwezvaive zvaitika kumba. Kungofunga musikana aive aunzwa kumba nababamukuru kwaiita ndidedere. Ndaiti ndikangovhara maziso kudai ndotoona face yake kumeso kwangu. Pamwe dai zvaive zvisina kumbotaurika kuti ndiite mukadzi wababamukuru ndingadai ndakazvitambira, manje kutaurika kwazvaive zvaitwa kwaiita kuti babamukuru ndivaone nerimwe ziso. Ziso rekutoona kuti paive pane zverume chairo.Ndini ndainge ndatove pamberi kuvanzwira sugar.Kungofunga nezvavo kwaiita ndimerere. Paive paunzwa Sinikiwe ndofunga babamukuru vaive vafunga kuti ndaisazodzoka pamba pavo ,asi handina kudaro. Ndaive ndakatodzoka kubva kubasa kwakuwana vanhu vachinzi vaive vaenda out for dinner moyo ukaita kutsva. Ndakazviudza kuti ndaizogomera ndiripo,hapana kwandaizoenda hangu sezvo ndaive ndakatopa landlady wangu notice yekuti ndaive ndakuda kubva pamba pake.I am sure aive akutotsvga mumwe munhu wekuisa muroom mandaigara chete. Manje kuzomuudza zvekare kuti handichada kubuda zvaive zvisisaite aizondiona kunge benzi. Betty ndaive ndakamuudza nyaya yekuti ndaifanira kuita mukadzi wababamukuru asi ndaive ndaitaura ndichiita kunge ndisiri kutozvida kuri kuda kuona paive nepfungwa dzake. Aive atondikurudzira hanzi "Ramba shamwari, unoridii dhara rinogona kutongokufira anytime?You are beautiful iwe unozviwanira wako ari nani" asingazive kuti ndaive ndatoperera padhara ipapo. Ndakabuda zvangu ndokunanga kuSimbisa brands ndikanogara kuPizza inn since kuriko kwaisanyanya kuzara.Ndakagara neche kucorner chaiko ndaive ndisitorina mari yepizza yacho but ndaida kungowana pekuzorora ndichifunga nhamo dzangu. Ndakamboda kufonera mama then quickly went against it, mama vaigona kutaura zvandaisada kunzwa so I called Tete mbuya Faina. Vakadaira vachiti "Eeh Mancube" ndikati, "Maswera sei Tete?" sezvo ndaive ndakapedzisira kutaura navo mazuva mashoma aive apfuura zvikanzi, "Ndiripo mainini kuri sei kuHarare?" "Tiriko Tete tichingotatarika zvichitoita." "Ndiko kuti zviite, kuri sei kunew house?" "Tete ka ,hakuna zve new house izvi babamukuru vakaunza mukadzi! "Mukadzi?" "Chete ndikati mukadzi ndinenge ndanyepa iyeye musikana Tete,musikana chaiye ane zamhu riri kutooneka kuti harina kumbobvira ranwiwa." "Usanditaurire!" "Ndiri kutokuudzai, babamukuru vatori nekakadzi kechidiki, ikako Tete ka ndiri kuona kunge ndiko kakaita kuti mai Ruvhi azviuraye chete!" Ndaive ndakutaura neshungu, misodzi ,madzihwa zvichibva zvatiwo tawana mukana ipapo kwakutanga kutanga kubuda.Kwaive kusisiri kuchema rufu rwasisi asi kutochema yandaive ndatambwa nababamukuru ndisingafungire iyi.Ndaive ndatambwa yakapenga chaiyo.Aive munhu uya wekuti taisatomufungira kuti angaite zvakadaro, zvimwe ndaigona kuvafungira asi zvekuzounza musikana wechidiki uyu ndaive ndisina kana kubvira ndakambozvirota. "Aiwa muzukuru, isu haticheme varume isu, usadaro kana" vakadaro Tete hameno vaive vaona sei kuti ndaive ndisiri kuchema sisi ndikati, "Apa ndanga ndatoudza landlady wangu kuti ndave kuda kubuda. Ndiudzei kuti ndichamuti chii?Handiti anenge atotsvaga mumwe wekuisa mumba make." "Babamukuru vako ava vakatoroora here?" "Vari kutogara vese ava Tete." "Zvehunzenza ka kwete kuroora!Hauone kuti zviri kuitirwa kuti uore moyo?Nekuti dai zviri straight vaifanira kutiudza isu, vaitofanira kutisuma kuti vave kuda kuroora.Manje hapana chakataurwa. Usazvidye moyo nezvinhu zvemahara izvo, garirapo Rudo paimba yemukoma wako." "Zvichiita here Tete?" "Kutadza nei?Garapo pakaita akubvunza ita wakagarira Nyenge!Iko nyaya yacho iyi kwandiri haisi kunyatsondibudira, vakazozvitanga rini baba Ruvheneko zvekungwara pamadress izvi?Wakanganwa kuti vaiita sevakapihwa chipotanemadziro chaicho nasisi vako vasingade kana kubva padhuze pavo.Inga sisi vako vaigara vachitaura kuti havaite izvozvo?Aiita kunge akapfuhwirwa ka uya nehunyoro hwake, handifunge kana ari mukadzi kwaye waaunza ikoko ini!Dhuze ipfambi chaiyo yaari kuda kungokudhinha nayo chete!" "Kuti kudaro here Tete?" ndakadaro ndopukuta misodzi zvikanzi, "Ehee ndoona sekudaro.Uya ndinomuziva, iwe garapo, kwikwidzawo ipapo tione anohwina.Nekuti uri kufanira kutoita zvese zvaungagone kuti uonekwe Rudo nekuti shuwa ukasaonekwa iyo mari yechikwereti yatakatemba newe tinozoita sei?" "Imbori marii Tete yakakweretwa nasisi yacho?" ndakabvunza ndapedza kutura mafemo zvikanzi, "Kusatoudzwa kutoreva kuti hauikwanise wega,iwe ita zvandataura chete.Kana wakutama zvinhu unogona kuendesa kwaDebra uko kuitira kuti usaite mikwende hobho." "Ehoi tete." "Usatyiswe iwee,zviya hausati wakambogara nemurume?Unongotyira kure ka, ndizvo zvinoita varume izvozvo vanovhunditsira.Varume vanotoda chisoja ava kwete kutanga kuchema musati magara mese kudai." "Ndazvinzwa Tete." "Unodhuvawo chinono zvese nenhetemwa muzukuru wangu, taifanira takutotaura kuti kemazheve katobumba mudumbu umo!" "Tete ka." "Ndiri kukutaurira." "Aiwa ndazvinzwa ndinenge ndichizongokubatai kuti zvakamira sei." "Zvakanaka mwana wehanzvadzi, aiwa ita kuti tisanyadziswe." Ndakatozotanga kunzwa zvakanaka after talking to Tete. She was indeed making sense panyaya yavaive vataura yababamukuru. Ndakatoita hope mbijana zvekuti pandakatopedza basa ndakatopfuura ndichitora dzimwe hembe dzangu kumba. Ndaive ndakubvisa zvishoma nezvishoma zvekuti musi wandaizotama ,zvainge zvasara zvishoma. Ndaisaiswa manails kukura kwangu kwese asi ipapo nekuda kwakuti ndaive ndaona musikana wababamukuru akamaiswa ndakabva ndatoti ndaizotomaiswa chete. Pandakasvika kumba kuGlenlorne aunty vanenge vakatoshamisika nekundiona ndichisvika ndiine kabag kakati kurei. "Maswera?" I greeted her zvikanzi, "Ndaswera maswerawo sei?" "Bhoo ndibatsireiwo nepapa ndanzwa" ndakadaro ndichivatambidza kabag kangu tikafamba kupinda mumba. "Ko Nyenge aripi?" ndakabvunza ndaona zii zii yacho zvikanzi, "Auya kuzotorwa namai Nakiso." "Hoo Mai Nakiso anga auya nhaai?" "Vatobva panapa manje manje so." "Hanzi chii namai Nakiso?" Vakanyepera havo kudzungaira voti "Hanzi chii nenyaya yei?" ndikati, "Yababa vake ka." "Umm hapana zvandambonzwa vachitaura, vangouya kuzotora Nyenge kwave kuenda." "Hoo, ivo varipi baba Ruvhi?" "Kitchen." Ndakaisa bag rangu pakanaka ndokubvisa hembe dzekubasa ndichipfeka kamwe kadress kangu kaitevera muviri. Ndakanyatsokadzikisa zvakanaka kuti cleavage yaive yakatsvukira ibude kwave kunanga kukitchen ndichifamba ndichiita kunge ndiri kufamba kuenda kukitchen kwandaive ndaudzwa kunzi ndokwaive nababamukuru. Ndakavawana vakagara zvavo kakadzi kakadzi kacho kachibika. Vaitotaura nyaya dzavo vachiseka. Ndakapinda ndokumbomira padoor ndakavayeva kwakuzoti "Maswera sei Shumba" zvikanzi, "Ehee madam Maswera sei?" "Bhoo zvangu, asi nhasi hamuna kuenda kubasa?" "Ndatove netwo days ndisiri kuenda." Ndakapima iko kakadzi kacho ndokuzofamba zvangu ndichienda kufridge, ndokwaive kwakatarisa babamukuru.Ndakaita kukotamira iko kuna babamukuru kwave kutanga kuita sendine chandiri kutsvaga mufridge muye. Ndakatora nguva yangu ndikazonzwa ndonzi "Maswera sei mainini" naiye Sinikiwe ndichibva ndaramba hangu ndakanyarara. Ndakatora water bottle kwakubva ndadzokera hangu kwandaive ndabva ndisina kana kumupindura. Ndave kuda kutobuda ndopaakabva ati "Mainini dress renyu iri handisi kurifarira pano" ndichibva ndamira kwakumboti zii ndichifunga mashoko chaiwo ekupindura ndokuzotendeuka ndoti, "Radii?" uku ndichipindurudza maziso. "Rakanyanya kushama kwacho, munoripfeka somewhere kwete pano!" "Nemhaka yei?" "Harisi kundiitira." "Haundirambidze kupfeka zvandinoda wanzwa?" "Pano ndini ndave mai vepo, chandinenge ndaramba ndinenge ndatoramba.Kana musiri kukwanisawo kuita zvandinoda zvacho tinenge tatove nedambudziko guru chairo, kugarisana kwacho kunenge kwave kutonetsa." Babamukuru vaive vangori zii zvavo vakatarisa vasiri kana kutombotaura chinhu. "I hope tanzwisisana mainini, handisi kuda kuita this type of conversation with you again" handina kumbodaira ndakangobuda muya ndichiita kunzwa kubitirwa. Ndakatsvaga kwaive naaunty avo vandakaona vachipeta hembe dzaNyenge muroom mavo ndikangosvika ndichivaudza zvaive zvataurwa naSinikiwe. Ndakarudunuka zvese vakanyarara, pandakapedza vachibva vati "Kana muchitoda kugara pano kutongoita zvavareva" ndikati, "Handiite ,ino imba yasisi vangu.Kana achifunga kuti ndichabva akaitoirasa zvake hapana kwandiri kuenda. Achabva hake achindisiya pano!" "Havana kwavanoenda avo handiti vatori nenhumbu?" Ndakaita kuvhurisa maziso ndichiti "Nhumbu?" zvikanzi, "Ehee, tese taive tisina kutoiona ,tete mai Lo ndivo vakatoiona ende itoripo zveshuwa, hapana kwavanoenda ava she is here to stay." End of chapter

Vanhu vanoda Sinikiwe 232 vafarira chapter yanhasi 133. Panenge pazobhaizika ndepapi chaipo manje🤔 . Ndaona tashaya chapter ini😂😂

https://whatsapp.com/channel/0029Va8v6sl7IUYaVaa0Rc0F *Backstage* Written by Berlin Magaya 0712025728 Chapter 12 *Bethany* Ndaive mumagumbeze hangu asi ndaive ndisina kana kurara hangu.Hope dzacho ndaive ndisitorina apa ndipo pandaive ndisina zvekare kunyatsorara the previous day.Phone yaive yakaita kuflooder nema messages kubva kune vanhu vana siyana-siyana. Vamwe vaive ma fans angu aida kuziva kuti ndaive ndiri sei.Vamwe vaive worried zvekurevesa koti vamwewo vaingodawo kungpzivira miyedzo. Vamwe ndovaive vatowana pekundibatira nenyaya idzodzo.Pakataurwa zvakawanda kani, vamwe vachiti ndaive ndakasiirwa nyaya yechihure, vamwe vachiti hwaive hungomwa.Vamwewo ndovaitorukanisa nyaya dzisipo  ,munhu kutokunyepera kuti wakadai ,ugodai kuri kungoda kuti nyaya ive nehuremu chete. Paivewo nema family members angu aive asendawo mamwe mamessages ,vepedyo ndovaive vatoita kufona kuri kuda kuziva kuti ndaive ndiri sei since ndaisanyanya kuvhura mamessages. Kutaura chokwadi ndaive ndiri kunzwa kunonzi kurwadziwa.Moyo uyu waive uchiita seusisiri wangu,kuita sewaidzurwa from its position zvine simba.Ndakachema ,ndikadii but it did not lessen the pain.Kana pain yepandaive ndakarambana naNick chaiyo haingambosvike pane yandainzwa ipapa. Kuuya kwaive kwakaita madivorce papers naTongesai handina kunge ndamboziva kuti mumwe wangu aive atoita move on kudhara.Kuzoziva kuti aive aita move on kare kwakaita kuti nditange kuto doubter rudo rwake kubva kudhara.Ndaizvibvunza kuti aitombondidawo here kubva pakutanga ndichishaya mhinduro. Dai aindida aigona kundiregerera,aifanira kungonzwisisa kuti aive akabuda ndokunoti nyaa ariko Joni zvichindisiya ndisina kana tarisiro yekudzoka kwake.Kudai paive ne communication pakati pedu ,kudai ndisina kumbobvira ndaita zvaNick. But kushaya communication ikoko ndiko kwakaita ndingofunge kuti ndiko kwaive kuri kutopera kwazvo. Pazvese izvozvo ndaisatoda kumupa blame, mhosva yese ndaitozvipa inini. Ndakasvika papoint iye yekuti unotanga kuzviona sekunge unenge uine zimunyama ,zijambwa chairo risina vanhu vese.Ndaive ndongobvunza Mwari nechandaive ndakatadza chaive choita kuti ndirohwe neshamhu ine munyu kudai. Pfungwa idzodzo dzekuzvifungira zvakadaro ndidzo dzinobva dzamboita kuti munhu uone seusina chimuko pasi pano zvekusvika pakufunga kuda kuzvipfuudza. Ndakabviswa mundangariro dzangu nekurira kwakazoita phone yangu. I had two phones, imwe yacho yaive yepovho koti imwe yandaitoziva kuti ikafonwa inenge yafonwa nemunhu wepedyo. Payakarira ndakabva ndamuka ndokugara ndikaisa damp towel pahuma nekuda kwemusoro waitema kwakuisimudza ndikaona ari Jeff aifona.Aive aphona paphone isiri yepovho. I guess he had used that network nekuti aiziva kuti yaisawandirwa.Aigona kufona pane yekuwandirwa akagona kusadairwa. Ndaive ndabva kumuona hangu zuva raive rapfuura racho paitaive tiine meeting with one of our biggest promoters. Pataive ikoko ndaitongonyeperawo kuve munhu asiri kufunga asi mumusoro pfungwa dzichiita kupishana. I was sure kuti vamwe vangu vaive vanzwa nekutoona nyaya yaTongesai iyi asi hapana aive ambondibvunza nezvazvo. "Jefferson" ndakadaira call iye ndichidaro ndikanzi, "Hey what's up? " "Nothing much, matove kuBhuruwayo ka imi?"ndakabvunza zvikanzi, "Yaa tichangosvika ndaida kungonzwa kuti urisei, ndazoshamisika zvave kunzi hauchauye?" "Ndazotadza kuuya." Akambotora nguva anyerere ndikazonzwa ave kutura mafemo kwakuzotaura nezwi rakadzikamira achiti "Takati chii nenyaya yekurega zvinhu zvekumba zvichitivhiringira basa?" Ndakasekerera uku tumisodzi twave kutovavira mumaziso ndarangarira zvaigara zvakataurwa naJeff. Aigaroti "usarege zvinhu zvisina basa zvichikuvhiringira zvaunoda kuita." He would go on and give examples of zvinhu zvacho zvaaiti zvaisafanira kutivhiringa basa redu achiti "Be it marriage problems, families ,chero chii zvacho chingade kukudzivisa kuti uite basa rako.Zvese izvozvo kana uri pabasa zviudze kuti hazvina basa woita zvawakada." Taitosimbisana bhoo bhoo and by then zvese zvaiitika mulife mangu ndaizozviona ndave kumba.Baba vangu vaitaura zvavanoda ,Tongesai achindipawo bendekete rakarohwa nechando asi ndaisambonyanya kuzvifunga. Ndaiti kana ndiri pabasa ndoita zvebasa ,kufunganya kozouya ndave kumba. Manje apa zvaive zvave different, zvaive zvorema.Nyaya yeku engager kwaTongesai yaive yandiita weak zvekutotadza kuenda kuworkshop yataive tiinayo kuBulawayo.Ndaive ndatombotanga ndichiti ndaisazosara ikoko asi ndakazotadza nezvaive zvichiitika kwandiri izvi. "I know its hard" ndakanzwa Jeff ave kuzvipindura ega ndokuenderera mberi achiti, "But ukaita zvaunofarira unomboona nguva yekukanganwa zvinenge zvichikunetsa." It was easier said than done. Jeff aive asiri musituation inenge yangu ndosaka aiona sezvaive nyore.Moyo ukarwadza uyu zvinobva zvatovhiringidza zvinhu zvese.Kana simba rekuita zvaunofarira racho unobva watorishayisisa sezvandaive ndoita apa. Kuti ndipedze mutauro ndakazongoti kuna Jeff "Ndazvinzwa" zvikanzi, "Usafungisise right? I know its so easy kuudza munhu kuti asafungisise and its hard kuzviita but ndiri kuti try." "Thanks ,I will try." "Goodgirl, taveko kuRainbow hotel kuno." "Wow,kuri sei?" "Kuri nani but hazvizoenzane hazvo kudai wanga uriko." I smiled ndokuti "Next time" zvikanzi, "Yaa obvious next time unenge wave bhoo, dai ndakasika kuziva kuti wakanzura rwendo waiona ndauya kuzokutora manje wazoita luck hako kuti ndazozvinzwa last minute." "Next time ndinenge ndave bhoo." Ndomaperero akabva aita conversation yedu ndikatombosarawo ndave kunzwa zviri nani .Kumasikati ndakaitirwa video call neteam rese reLove diaries ndichivhairirwa nekwavaive vaenda. Zvainakidza zvekuti ndakatombosarawo ndave kunzwa zviri nani. Believe surprised me by coming to my house kumazuvarovira. Aive aine kabag kake kaitoratidza kuve nehembe dzakati wandei.Pakati pemazuva aisawanzouya saka ndakatoshamisika nazvo ndikamufarira zvisingaite. We hugged tightly nekubva ndatotanga kuchema ipapo. Akatora nguva yake patting my back allowing me kuti ndipedze shungu dzese achibva azonditi "Zvakwana kani ,zvatopera" achienda neni kumubhedha. "Ndiri kurwadziwa Believe" ndakadaro ndave kupukuta misodzi zvikanzi, "Yes zvinorwadza sis but ndokutopera kwazvo." "Why asina kuda kundiregerera Tongesai?Maybe paakadzoka aive asisachandide hake." "Aitokuda asi hutsinye chete hwekutadza kuregerera.Its not like makaponda munhu ka?Kutadza kunongowanika muvanhu." "Ndakatadza handisi kuramba." "Wakatadza ,why were you even expecting him to forgive you iwe uchitadzawo kutozviregerera?Come on man we all make mistakes, and we all deserve second chances but kana munhu aramba wochidiiko?Wozvisunga?" I shook my head ndichiramba zvikanzi "Yes, hupenyu ngahuenderere mberi wangu.Life does not revolve around one person shamwari." Ndakangomedza mate chete ndatadza kupindura nekuti ipapo ndaitoona sekunge Life yangu revolved around Tongesai iyeye.Ndaiona sekunge ndaisazowana mumwe zvekare anenge iye pasi rose.  Ndaive ndatorasikira mu pfungwa dzangu kwakuzovhunduka ndave kunzi "Daddy vati ndinombofanogara kunoku ndichikuona" naBelieve ndikaita kufara. Ndakamumbundira zviri tight kusvika azosekawo achiti "Yuwii zvakwana kani!" ndikati, "Hii ndafara!" "Neniwo ndafara." "Vari kuti chii daddy?" "Hapana zvavari kutaura, I guess munhu wese akatofara kuti wakasunungurwa naTongesai wako." I just nodded in response achibva aenderera mberi achiti "Asi ukagara uchichema ndinokutiza" ndikati, "Hii handichacheme." "Okay so apa tave kudai.I need you to address your fans kwete kubva wangoti zii.Say something vazive kuti uri bhoo." She was right hake asi ipapo ndaive ndisati ndave ready.I looked at her ndokuti "Later" with begging eyes ndikanzi,"Zviri bhoo futi ,rega ndinokubikira something ukasara uri kaskinny mabondo unopa vanhu basa rekutaura. For sure akaenda kunobika kuya  ndikasarawo ndonogeza. Ndapedza kugeza ndakadya ,ndikachibva ndaiswa make up ichinzi it would make me feel better.Kana hembe ndakanzi ndipfeke dzekubhazi chaidzo. Ndakazoti ave manheru ndipo pandakazonogara ndega ndafunga kubreaker silence yangu. Ndakanonyora  kufacebook page kwangu zvese neku twitter ndichiti "I am fine guys.Zvamaona ndizvo zvavepo, I am no longer  a Mrs ndave Miss.Kwanhasi tombogumira pano!" I didn't wait for the comments ndakabva ndatosiya phone. Ndakazoibata ave mangwana acho ndikawana yakadira nema comments.Mamwe aive ekundinzwira etsitsi nemamwe aive ekutofara chaiwo. Vaindinyomba vese ndakabva ndatovabloka kwave kuita usse of those vaitaura zvine  musoro listening to their advices. Iyo ma advice  acho akaita kuuyawo nehuwandu hwayo and they did help. Vamwewo ndovaive vatowanawo mukana vave kutokanda maCv avo ekuda kudiwa neni.Ndaitongoseka hangu ndichiona mafunnies andaiititirwa nevarume kwete vemunyika mangu chete asi vekwakasiyana-siyana. At the end of the day ndakasara ndave free ,kunyatsonzwa kuti ndatura zimutoro. "Zvapera ka?"Believe akandidaro ndikati,"Ehee" zvikanzi, "Hazvisungise izvi watopedza nazvo wagona." Team rekuBulawayo rakazodzoka kubva kuworkshop ndikangopihwa iri report neflash raive nezvese zvavaive vaita. Takabva tatobvumirana kuti taizosangana yave weekend tochimboita zvebasa ndikatofarawo kwazvo since ndaitombodawo kuzorora. Ndaive ndakatovarairwa zvangu, just a day after team reBulawayo  radzoka pandakafonerwa naJeff. Ndakangodaira call iye nekutonzi "Uriko?" ndikati, "Ehee" munhu kwakutoti, "Ndiri kuuya kuzokuona." End of chapter 12

Batai nepapa muwane kuswera muchinwira mvura. Aguta anongoita zvekuti awane something apedza basa👍🏽❤️😂😮😢🙏🏽 zvikawanda ka tinokasika tafamba

Uhmmm vanhu imimi hamuchakoshesa chivanhu chedu ndiri kukuonai zvangu😂😂 Anywaaaay are you ready for Geoooorge ? 5-4-3-2-1 0 💥 💥 💥

"Kana muchitoda kugara pano kungoita zvavareva" Asi ari kuda kumbozviita aniko iye Sinikiwe nhai, kuda kutonga pamba pasisi vevamwe. Chii chakadaro nhaimi😂😂 . Handichakumbira hangu mareactions kungoona mega kuti mungandiitirei muzuva ranhasi🤷🏾‍♀️

Tasarwa nevamwe 76 vasati vaona chapter 15 ye Blink wink. Regai timboti mirei mirei🙏🏽

https://whatsapp.com/channel/0029Va8v6sl7IUYaVaa0Rc0F *Backstage* Written by Berlin Magaya 0712025728 Chapter 13 *Bethany* Hazvina kutondivhundutsa sezvo yaisave first time yake kuuya kumba kwangu Jeff.Aitouya nguva zhinji asi kuti aisambouye hake ari ega seipapa ndakatoziva kuti aigona aine one or two vataishanda navo. "Iri bhoo ndiripo" ndizvo zvandakakwanisa kupindura munhu wacho achibva atocutter hake ndikaziva kuti aive atofona achidriver. Just after that call ndakabva ndafonerwa zvekare nevamwe vainzi mai Makaka.She acted as mai vaJeff paLove diaries saka ndaitongovati 'mama.'Aive mukadzi akasununguka zvisingaite.Vaitaura zvakapfava ,face yavo ichiratidza  kuti ndedziye type dzakanaka kunze zvese nemukati. "Hello mama" ndakadaira ndichidaro ndikanzi,"Hesi mwanangu wave sei hako?" I didn't remember telling her anything saka ndakangoziva kuti she had been following nyaya dzaitaurika pasocial media kwave kuti "Ndave right mama, kwanga kuri sei kuBlues?" "Aiwa kwanga kwakanaka ,I was worried about you but I am glad wati wave right.Thats life handiti?" "Yes mama" ndakadaro already tearing up zvikanzi, "I know its hard, panguva ino you are going through so much pain but what I want to assure is that zvichapera.After two or three weeks dzinenge dzatove history and that only happens If you allow yourself to heal." "Will it be that easy?" "Yes  and ndiwe une key yekuti zviite easy, I said allow yourself to heal." "How?" I curiously asked. "Rega kutarisira zvisisipo, nekuti ma expectations ndiwo anonyanyorwadza.Ma expectations will hold you down nekuti unenge uchitarisira kuti zvimwe munhu wangu achadzoka zvimwe zvichazodai zvikadai.Life is not some kind of a fairytale always remember that.Kana zvaramba kuita sezvaunenge uchifungira ndipo paunozorwadziwa worse woramba uri stagnant and it will take time kuti ubve ipapo." Zvakanzwisisika ndikati "Thank you mum" zvikanzi, "You dont have to, I am going to send you kamwe kabook on your WhatsApp kane masteps ekudealer neheartbreak.I know you dont like reading but apa try handiti? Pane 20 steps chete." Ndakaseka ndikati "I will surely read" ende ndaitorevesa ,ndaida kupora moreover kuzviregererawo ini dungamunhu saka chero chii zvacho chaizonzi chinobatsira ndaida kutochizama. Call iyoyo yakazopera ndikatangawo kuita zvimwe.Believe aive abuda so ndaive ndiri ndega so I wanted something to distract me. I wasn't that kitchen-pots and pans kind of person asi ipapo ndakatoti ndaida kumbozvizama zvemu kitchen izvi kwave kupindamo kuti ndinozvibikira.   I met Ronica in the kitchen ndikamuti "Ndeipi " akati,"Mushe muri sei?'' "Ndiri nani, ndauya kuzobika." "Nhasi kwakanaka?" "Ehee just feel like cooking ndibuditsirewo chicken  breast, ubva wachopper maveggies acho ndoda kuita stir fry." "Inga nhasi kwakaipa" akadaro achiseka Ronica uku ave kutotanga  kuita zvandaive ndamuudza ndikati,"Haungazvinzwisise, ndiri kuda kupora Ronica." "Munopora!" Ndakangogumira pakumutarisa ndokusekerera going back to what I wanted to do.Ndakabika zvikanakidza chose zvandaida kwakunyatsobuda semafungiro andaizviita. Jeff akaitawo lucky rekusvika ndichangopedza  kubika.Ndakatanga ndamudongorera through the window as he parked his car ndikatoshamisika kuona ari ega. Ndakabuda kunomutambira panze and we hugged tichifarirana. Takapinda mumba ndave kunzi "Kutozoonda kani!" ndikati,"Haa ndatoonda zvekudaro?" "Yaa wadzikira, sorry hanzi its rude kuti kune munhu waonda or wapera.Unoti wadzikira." "Iko kuriko kuonda kwacho?" "Ehee ka but unotaura nemashoko ari nani asingazoti dyuu." Takapinda mumba tave kutoseka umo mandakazomuti "Ndanga ndatopedza kubika handei kudining" akatoseka achiti,"Inga ndinorima." Takanogara pama chairs tiri the three of us tikatanga hedu kudya tichiudzwa nyaya dzekuBuluwayo naJeff. "Varisei mai vaKim ,Kim wacho naVivi"ndakazobvunza after tapedza nyaya dzeku Blues zvikanzi, "Vanofara avo." Tapedza kudya Ronica cleared the dishes isu tikasara tichienda panze paive nekamhepo kunotandara. Ndipo pandakazonzi "Wave sei?" ndikatanga ndambotura mafemo ndokuzoti,"Ndave nani." "What really happened nhaai Beth?I know I should mind my own business but apa kutaura chokwadi ndatadza." "Its a long story baba Vivi." "Care to share?" Ndakamuudza zvese hapana kana chandakasiya ipapo semunhu ainge angoitawo free kwandiri. And iye airatidza kuva a very good listener.Ndaitsanangura zvese achidvuta juice yake nekugutsurira musoro asingambondivhiringe. Ndapedza kutaura zvese akabva ati "I am sorry" ndikati,"Its okay, zvakatopera." "I can't believe you had to go through all that ,zvinorwadza.Inini hangu handina mashoko ekukusimbisa kana kukudzidzisa but chandoziva ndechekuti watodzidza hako ipapa.Wave kutoziva  handiti?" I just managed to nod uku ndakatarisa pasi and he went on saying "Takambodzitaura nyaya dzemanyepo and nhasi handingade kutanga kudzidzokorora futi.Next time hauchanyepe nekuti ipapa watodzidza." "Kuti kuchazouya next time futi?Handichada ini Jeff, zvakatopera zvakadaro." "Haufanire kuita give up on love, yes you still need time and ukapora ndinenge ndakutoona kuti watsvaga mufesi.Hanzi nebhaibheri hazvina kunaka kuti murume or mukadzi agare ari ega." Ndakaseka ndikati "Ukanzwa zvidhakwa zvichitaura bhaibheri?" zvikanzi, "Toriziva ka isu, tinonamata."  "Wakatadza hako but who is perfect anyway?Tongi aifanirawo kukuregerera hapana musaint pakati pedu." "Akatozvitadza izvo Jeff." "He had his own reasons for doing that handiti?" "I guess so." He later changed that topic ave kuti "So apa wave bhoo?" ndikati,"Yes ndiri kuita nani." "Unofanira kupora tine mazikubasa hobho akatimirira." Believe akazosvikawo kubva kuchikoro kwake akashaya chekubata nekuona Jeff. Aizomufarira kwete zvekutamba.Waingonzwa padiki-padiki zvichinzi "Jeff akazonaka wena ,ndinomufarira" and aitorevesa. Kunaka kwaaitaura ndaisatokuona, hameno maybe yaive nyaya yekushandidzana naye kwandaiita. Vazhinji vaicrusher paari , vachitoita kutoshaya zvekuita naye chaiko. Seipapa Believe akaita kufara nekusangana naJeff kwaakaita ,ndikanzwa nekunetswa kuti ndivatore maphotos vese.Akabva atomwayiwa pama status maphotos iyayo munhu achiita kunonzi kufarisa. Akazotobva kumba kwangu aita zvekufonerwa Jeff ndokudzokera kumba kwake akasara angori iye nyaya yaitaurwa mumba medu  naBelieve. Tainge tichangobva kupedza kudya chikafu chemanheru pandakafonerwa with a new number. Pakutanga I hesitated kudzidaira. Ndaisatoda zvekudaira manumbers ese ese asi ipapo hameno chakandituma kuti ndidaire kwakubva ndangodaira paye. Ndakangoiisa kunzeve kwakunzwa a familiar voice richiti "hello Bethany" ndikati,"Hello how are you?" nezwi raive raita kakusununguka mbijana. Munhu aive afona wacho aive mukadzi. Ndakanzwa oti "I am fine its mai Vivian, Jeff's wife"  ndikatovhunduka nazvo since taisaita zvekutofonerana nemukadzi waJeff. "Ooh okay" ndakadaro ndichida kutoti nyaya yacho iendeke zvikanzi, "Handisi kufara hangu nekatambira kako naJeff, ndakamboedza kuzvinyarara but zvinenge zviri kunyanya.Kunetsana newe handisi kuda hangu ndiri kutongokumbirawo kuti please usiyane nemurume wangu!" Ndakapererwa kushaya kuziva zvekutopindura chaizvo. Jeff ndaiwirirana naye asi ndaisambomutarisa neziso rekudaro.Ndakavhunduka ndave kunzi namai Vivian vaye "Wazvinzwa here Bethany?" ndikashingirira kuvhura muromo wekumusoro newekuzasi ndokuti,"Kwakanaka hako?" "Hakuna kutombonaka zvandakuudza ndizvozvo handisi kuda kuzofona futi ndichitaura nyaya one!" Phone yakabva yatodimburwa ndikasara ndorovanidza maoko zvekupererwa.Believe akandibvunza,ndichibva ndamuudza akatomboda kufonera mukadzi waJeff uya achimuudziridza.Ndakatozoita wekudzora kuti nyaya yacho ipere asi haana kunzwisisa kana akaramba achingoti "Ndichamubata chete pasocial media ipapa, ngaasatoite mistake yekuposter zvima photos zvake.Achingoti mazihobi!" End of chapter 13

Takamirira vamwe vedu about 128 vasati vaverenga chapter 15 ye Blink wink. Kana vakwana pa chapter 15 toona kuti tingadii ne chapter 16. Regai timirire vamwe tifambirane🙏🏽

Follow Berlin's writings channel for this book and more updates. https://whatsapp.com/channel/0029Va8v6sl7IUYaVaa0Rc0F For those vane nungo dzekutsvaga machapters ekumashure muMain channel, vhurai back up channel munoona machapters *eBlind wink* ese arimo. Berlin's Writings Back Up channel on WhatsApp: https://whatsapp.com/channel/0029Vb6MTpt8kyyPX8SHNg2O *Blind wink* by Berlin 0712025728 Chapter 14 *Nyenge* Daddy hameno zvavaive voda kutaura vachibva vazonyarara pavakandiona.Tete vakatanga varidza tsamwa ndokuzoti "Hevoi mainini" vachiuya kwandaive ndiri. She gave me a very tight ,type yehug yandaive ndakapedzisira kupihwa nehama panhamo yaamai vangu. Vakatarisa daddy signalling something to him ,ndokuzoti kwandiri "Hesi mainini, muri sei" ndikati, "Ndiri bhoo Tete." "Sure here iyoyo?" "Sure vari sei babamukuru nana Lo?" "Vari bhoo parisei pamba penyu pano?" "Pari bhoo apa Tete." Pavakangondisiya chete ndakabva ndatarisa daddy, nyaya yavaive vataura ndaive ndainzwa. Kwandiri he looked shocked zvekuti ndakatoona kunge tete vaive vatotadza havo kuona. Havana kuzomira vakabva vabudawo mukitchen mataive tiri Tete vakasara voridza tsamwa yeshungu vachiti "Zvinoitawo here izvozvo nhai zvaitwa nababa Ruvheneko?" Ndakatomboda kudaira kwakuzoona kuti vaitotaura naaunty who was behind me. Aunty being a worker havana kuda kucommentor vakabva vangoti "Mmm Makadii Tete?" vakanzi, "Ndiri nani.Shuwa tinoitaura tichiti kudii kuhama dzamaiguru nyaya iyi?" Again havana akavadaira asi havana kuzvitsvaga vakabva vatosimudzira vachiti "Apa munhu oda kunyepera kusaziva zvake kuti munhu wake ane mimba ,handiti ndiyo yakaita auye panapa mimba iyoyi?" "Kuti vane nhumbu here?" Aunty vakazobvunza mubvunzo wandaitodawo kubvunza vakanzi, "Anayo uyu.Panhumbu ngavatonyepera vamwe kwete ini, ndatokaona katumbu karipo apo, pamwe hakasi kavo futi nekuti kushamisika kwavaita hakusiko!" "Pamwe matadza kuona Tete" vakaramba vodaro aunty vakanzi, "Inini ndinoona manje, kuona chaiko,ndatoiona akafuratira dai mamutarisa pazasi pemusana apa.Pake pakanyanya kupinda mukati, kupinda kwawo mukati kwakatosiyana nekwangu uku kwekuchembera kwake ndekwe mimba ende ukaona yakuoneka kudaro ka, atove mamonths akati ooh. Pamwe zvi3 kana 4 chaidzo hatingaiise patwo iyi." "Hoo ,bva tiri kudzidza zvakawanda handina kana chandaona." " kureva ka kuti yakaitwa manje manje, kana kuti vakatotanga havo kudanana nemunhu wavo iyeye maiguru vachiri vapenyu." Hapana akavadaira vachibva vatura zibefu kwakuenderera voti "Ndakafonerwa naYambuko nehusiku achiti Tete ndozvaita baba kuno, akachema mwana achindiudza nyaya iyi, shuwa vana vanofungei nemaitiro akadai kana ndimiwo?" "Zvakaoma Tete." "Kana ivo vabereki nehama dzamaiguru vachiri kuchema mwana wavo vanoti chii?Tichadziudza kuti chii?Handiti dai vakabvuma mainini Rudo nyaya yacho ichinzwisisika ,manje kuvaramba vachinotora mumwe kwabva kwatoburitsa pachena kuti pane zvavanoziva panyaya yakazoita kuti maiguru vafe." Ndakafambisa chair yangu kwakuvasiya vachipopota mukitchen imomo vachitaura nemunhu aisadaira zvinoenda kure. Aunty vaingoita ma"hmm" nema "Zvakaoma." Ndakanzwa phone yangu kupinda message ndikaona dziri new number dzaive dzasenda message hanzi "Hi." Ndakatanga ndatarisa profile picture kwakutoona ari Shelton ndikapindura ndichiti "Zviri sei?" zvikanzi, "Bhoo, ndakakumbira aunty number dzako, ndine munhu ari kuda kuona your drawings." Ndaive ndazviudzwa hangu zvekukumbira kwaaive aita aunty number dzangu achiti aive nemunhu aida madrawings angu so ndakangoti "Hoo" zvikanzi, "Yaa uri sei?" "Ndiri bhoo." "Uri kupi,ndakusuwa." "Kundisuwa?" ndakanyepera kakunuka izvo kwaani, mumoyo muri kufara zvikanzi, "Ehee ,ndanga ndajaira kukuona panze , haungobuda here ndikuone." "Unondirovesa naRose." "Huya ndikuudze nezvaRose handiti wakazonditiza paye ndisati ndakuudza nyaya yangu." "Handisi kubuda hangu ikoko" ndakadaro hangu asi kamoyo kaive kakutodokwaira kuda kubuda zvikanzi, "Haudaro Nyenge, horaiti chingomira padoor ndokuona from a distance." "Handisi kuda" ndakaramba ndodaro ndichitonakidzwa nekumuvhairira achindinyengerera kudaro. "Saka uchabuda rini?" "Hameno pamwe mangwana.Wamupa here number dzangu shamwari yako iri kuda madrawings yacho?" "Ndamupa hangu achaisa message manje manje." "Iri bhoo" ndakadaro paye kwakubva ndatobuda pawhatsApp paye ndichiita kufarira effort yaaive aisa yekunditsvaga. Ndakazovhiringwa natete vakatevera kwandiri vachiti "Mainini ndanzi nditaure nemi naRuvhi,hanzi ari kuuya kuzokutorai.Zviri kuitika pamba panapa hazvidi muri mega mega baa." *Sinikiwe* Ndaitove busy zvangu kutaura nagogo vaive vakundiudza hanzi "Wakaita raki, sekuru vako vakasara vosvika hanzi ko Sinikiwe aripi ndikati ko handiti wakamudzinga?" ndikati, "Pamwe vaifunga kuti ndichiripo." "Vanopenga ava munhu kubva adaro shuwa?" "Pamwe vaida kuti ndidzidze gogo." "Anonzi adzidze ndiye anenge akamboita zvimwe manje pauri zvaingooneka kuti yaive mistake, inga wanga wamboedza wani kuzvichengetedza." Ndopakabva papindawo vaMatanga ipapo.Face yavo yaitoratidza kuti vaive vakatsamwa, ndakangofunga kuti pane mashoko avaive vachinjana nesister yavo kwakutodimbura call iye ndichiti kuna gogo "Gogo imi ndokufonerai" zvikanzi, "Ehoo!" Vakafamba Mr Matanga vakanogara pabed vakatarisa madziro interlocking his fingers together. Pandakaonekana nagogo I was expecting him to shoot manje vakaramba vakaita zvavaive vari ndikashaya kuti ndobvunza kuti pane zvaitika here or ndonyarara hangu. Takambotora nguva takanyarara vachibva vazoti "Sinikiwe" ndikati, "Yes Mr Matanga?" "George!" Ndakamedza mate kwave kuti "Yes George" apa richiita kundiremera zita iroro zvikanzi, "Are you pregnant?" Waive mubvunzo wandainge ndisina kutarisira kana zvekuti ndakavhunduka ndikambonzwa mate ese achioma kuti gwaa mukanwa. Ndakazongokwanisa kuti "Huuh?" ndave kufunga kuti zvimwe ndaive ndatadza kunzwa hangu . He turned to face me ndokuti "Ndati une nhumbu here?" ndikamboda kunyepa asi ndakatadza kwakubva ndazogutsurira musoro ndichitambisa nzwara vakaita ,"Hee?" yakaita kuti ndide kutiza. Ndaona kuti pangu paive poda kundiperera ndakabva ndakasika kuti "I am sorry" zvikanzi, "Sorry iri kureva kuti you are confirming kuti une nhumbu?" "Yes ,ndinayo." Without warning akaerekana angosimuka ndokutanga kuita back and forth achifamba panzvimbo imwe, muttering to himself zvinhu zvandaisatonzwa kana. Paakazomira akabva azvirova kumeso neruoko trying to process the news ndokuzoti "Why usina kundiudza?" ndikaramba ndiri zii iye achibva ambonditarisa kumeso as if he were searching for answers there. Aona ndiri zii ndipo paakazoti "Waisafanira kuva uine nhumbu!No mhani!" ndikati, "I am sorry." "Sorry haisi kana kumboshanda Sinikiwe, you were supposed to tell me ,at least dai wakandiudza ndaiona zvekuita kana kutsvaga plan." "Kutsvaga plan yacho ndokwandaitotya ndosaka ndisina kutaura." Ndakada kuti nditaure achibva asimudza ruoko achiti "Chimbomira, tinozotaura.Zvandanzwa zvakwana. Bp yangu yakatokwira already, inyaya yekutadza kuprocessor zvinhu , ndakawandirwa , saka chimbondimirira ,we will talk ndagadzikana." Haana kuzomirira mhinduro akabva abuda ndikasara ndave kuzvituka ndave kuti dai hangu ndakangotaura. Apa ndaive ndakuona basa rangu richipera ndave kushaya kuti ndaizobatana nei. It was now my turn to do some pacing back and forth rehearsing zvekuzotaura kana vaMatanga vadzoka. Ndakagara kwechinguva vasina kudzoka ndikazonzwa ndauya kuzogogodzerwa door. Ndakasimuka kubva pandaive ndazogara pacouch ndikaenda kunovhura ndichitya kuti zvimwe aigona ari mumwe munhu kwakuwana vari aunty, the helper. Vakasekerera vachiti "Ko Maswera" ndikati, "Mushe zviri sei?" "Mushe ,handei ka kusitting uko, manyanya kugara muri mega kuno" ndikati, "Aaa ndinogara hangu" kuri kuzeza kuzosangana nevanhu vaingopopota zvikanzi, "Don't worry Tete vabuda zvavo, handei." Ndipo pandakazotevera kulounge kuya ,musikana wepa wheelchair aive agara zvake pasofa ari busy nephone yake.Pandakapinda ndipo paakabva asimudza meso kwave kusekerera achiti "Maswera sei" ndikati, "Ndaswera bhoo uri sei?" "Ndiri bhoo zvangu." Aive akanaka aine a bright smile.Ndakaona zvekare kuti aive akafanana nababa vake zvisingaite and airatidza kuti aive munhu akanyararisa. Food yakaita ,tikadya tese tiri three tichiona hedu Tv.Maive musina nyaya dzakanyanya vaviri ava ndivo vaimbotaura nekuseka programme yaionekwa.Ini hapana chandaizivapo, kwedu kuHaifiridzi taive takajaira hedu kuona Starlife chete paOpen view naambuya vangu,ndoyaiteverwa kubva makuseni kusvika manheru.Izvi zveDSTV zvaitove zvitsva kwandiri. George akazodzoka tatopedza hedu kudya achibva ambotaura nemwana wake ndokuzondidaidza kuti ndimutevere to our room ndikatevera. Ndakasvika atogara hake pabed ndikapinda ndikanzi ''Vhara hako door" ndikavhara ndokufamba ndichinogarawo pacouch. Takambotora nguva takanyarara achibva azoti "Yaa ndadzoka, ndoda undiudze chokwadi, asi uri married?" ndikati, "No , I am not" ndichiita kuzunza musoro." "Muridzi wenhumbu ari kupi?" "Handisi kuziva kwaari but akairamba nhumbu yacho akatotiza kubva kwandaisiziva achigara." "Kutiza chaiko?" "Yaa but haanetse hake kuwana kuri kunzi ndada zvangu kumutsvaga asi ndakangoti kana aramba haasi wekumanikidza." "How far are you?" "Ndinenge ndave kusvika mu4." "Unenge?You are not even sure?" "Yes." "Hausi serious!Ko kumba asi wakaita zvekudzingwa or wakatiza?" "Ndaigara nagogo, mama vangu vakashaya handiti I told you?" "Yeah"akadaira achidaro uku achigutsurira musoro with his arms folded. Ndakaenderera ndichiti "So sekuru hanzvadzi yamhamha yakanditi ndibve pamba pagogo, ndosaka ndaive ndisisasarudze kuti raive basa rei. Ndaive ndisina kwekuenda. Chimwe zve chakaita ndisataure nyaya yenhumbu inyaya yekuti ndakambowana rimwe basa, tikatowirirana nemurungu achibva azoti haaikwanisa kunditora nekuda kwenhumbu" zvikanzi, "Munhu ane nhumbu anonetsa Nikki especially idzi dzekutanga idzi , kunenge kuri kuto risker, handiti unoona kana munhu akatoroorwa chaiye anotoendeswa kumasungiro.Kunenge kuri kuitira iyoyi nyaya yekuti incase something happens." Handina chandakapindura ndakaramba ndakatsikitsira pasi iye achibva ambotora nguva akanyarara ndokuzoti "Ko baba vako?" ndikati, "Handivazive, mhamha vakashaya vasina kundiudza kuna baba vangu or hama dzavo chaidzo." "Uchida kuvatsvaga unogona kuvawana hako, hauna kana chauinacho here or chawakaudzwa?" "Handina." "Kana zita?" "Handirizive ndinoshandisa surname yaamai vangu." "So uri kuda kuti mwana wako ari mudumbu agokurawo asingazive baba vake?" "I have no choice." "Uyo akapengereka uyo achadzoka.Yako situation yakanaka pakuti unomuziva.Kana iye asingade you can deal nehama dzake ,mwana owanawo zita." "Hameno ndikazvigona munhu iyeye akandigura hake kunorira." Akaita kakuseka so ndokuzoti "Varume vanoita zvausingafungire kana ukangoita nhumbu chete, even murume ari mumba chaimo nemukadzi wake pakangoitwa nhumbu asina kuzvitarisira anotonetsa.Handizive kuti chii chinoitika, ndakatombodaro Ronica paakaita nhumbu yaNyenge, our last born" he paused kwakumboseka akatarisa mudenga ndokuzoenderera achiti, "Takatombonetsana asi nekufamba kwenguva ndakazozvitambira hangu and ipapa apa handiti ndatove neshamwari." "Yaa munowirirana naNyenge,apa akafanana nemi sei?" "Takafanana?" "Zvisingaite." Vakambosekerera ndokuzoti "Varume vano panicker,uchatozoona after papera kanguva,afunga zvakanaka munhu iyeye achiuya achiti mwana wangu" ndikati, "Handifunge kudaro ini." He let out a huge sigh ndokuzoti "Saka apa nhumbu yave kuzivikanwa pano and hapana pandingakudzinge, tinotongoenderera mberi nenyaya dzedu. Handizive tichazoita sei kumberi uko , asi for now ndini muridzi wenhumbu,handiti ndizvo?" Ndakatadza kudaira nemuromo misodzi yave kubuda kwave kungogutsurira musoro zvikanzi "Ndichaona kuti tingaende kwadoctor rini, we need to get you checked out and make sure everything is fine mukati umo." Zvaitaurwa munhu akaita kutarisa dumbu rangu and again I nodded zvikanzi "Why isingaoneke nhumbu yacho, asi wakasunga?" ndikati, "Ndingori munhu ane flat tummy maybe ndosaka isingaoneke." "Haa wakasunga hapana zvekuti flat tummy apa." "Handina zveshuwa" ndakadaro ironing my tummy neruoko kuti vanyatsoona kuti hapana chaive chiripo zvikanzi, "Manje richatozokurawo iroro?" "Hameno, pamwe." Maziso akamboramba angori padumbu paye vakapedzisira vakwidzira mapendekete uku vachibhendesa muromo ndichibva ndazoti, "Mazonzwa nani?" zvikanzi, "My sister, Mai Lo ndiye azviona ndikatombomurambira." "Sorry." "Ndoda kuzoiona iyo ex yako yakaramba musikana akanaka-naka kudai." Ndakaita kakunyaririra ndichitarisa pasi ndichiti "Pamwe muchamuona" zvikanzi, "Ndoda kutomuona.Dont stress yourself, hausiwe watanga kuzviitirwa izvi,kunze uku variko vakawanda vakangoita sewe vamwe vakatoitirwa zviri worse.Ukazvipa time nekuzvibata bhoo unotozowana mumwe ari bhoo, anotokudai mese nemwana wako." End of chapter