https://whatsapp.com/channel/0029Va8v6sl7IUYaVaa0Rc0F *MIDNIGHT STORM* Written by Berlin 0712025728 Chapter 1 Ndakaramba ndakagara mumba staring into space ndichirangarira kuti taizosara torarama sei kana mhamha vachinge vaenda kubasa.Ndakatarisa Elijah ,kahanzvadzi kangu ako kaive kariko kagotwe kemumba medu ndikakaona katori busy zvako kububunya mambaira mbishi dzakaive kabva kunochera kumabupwe.Dzaiita kutetenwa zvaisiririsa zvekuti ndakapedzisira ndakutongoona sekunge zvimwe mhamha vakangoenda kubasa kwacho zvaizotambanukawo. Chainyanyondinetsa inyaya yekuti ndaizoparara sei pamba pacho nekutya kwandaiita apa ndirini mukuru. Kungofunga kuti ndini ndaizosara ndichitarisa tuma siblings twangu tuviri kwaindidederesa.Responsibility yacho yaive yakatondikurira zvisingaite zvekuti ndaive ndakatomboedza kunyengerera mama kuti vasaende havo kubasa kwacho asi zvakaramba. Ndakazovhundutswa naivo mama vakapinda mumba vachiti "Rugare" ndikati,"Mhaa,matopedza?" "Ndapedza ko ndingatogeze zvekutodii sezvinonzi pane sipo?"She finished that statement with a huge sigh then added with a cold,"Zvakaoma!" "Saka tichasara todii?"I asked her zvikanzi "$20 yandakwereteswa namai Munya iyoyo ndiyo yandichapfuura ndichikunhongerai tunhu paAlpha apa, tozoona zvimwe pandinodzoka.Iwe usasarewo uchivhazhura chikafu kuti ndachionerei, idyai zvine mwero!" Vaiedza kuzvisimbisa havo semunhu mukuru asi zvaitooneka kuti naivowo zvekuenda vachitisiya izvi zvaitovarwadza. Vakapedza kupfeka hembe dzavo vachibva vatsindira katravelling bag kavo ndokuti "Huya undivharirewo zip tione" vakakabata sezvo kaive kazarisa ndichibva ndanovavharira zip iye. "Ndoda kutoita zvekutotiza Elijah ipapa ndichangobuda nekuseri uko unozondiona paWholesale chinyowani" she said that whilst blinking countlessly ndikangoti,"Horaiti." Vakabuda zvekunzvenga zveshuwa neka bag kavo ndikazoteverawo pave paye ndiri ndega.Ndakasvika pashop pavaive vakandimirira ndokubva vatonditengera tuma basics vakandikomekedza zvekare kuti nditwuchengetedze sezvo vaisatoziva kuti vaizodzoka rini. "Pakurara unyatsokiye madoors Rue ndapota hangu,uri kunzwa nyaya yembavha dzarura idzi?" Vakadaro mama tatomirira hedu macombi ndikati, "Ndinonyatsokiya" and she continued saying, "Mwana wangu umutarise ndapota hangu, kwana mai Tembi unomusiya hako ehe asi make sure kuti uchingodzoka kubva kuchikoro wobva watopfuura uchitonomutora hako!" "Ndinomutarisa mama." "Zvekumujambisa bhavhu sezvaunoita zviye kwete,yedza nepaunogona napo kumugezesawo,uyu Charmaine ndewe kutotuma kuti geza.Iwewo ugeze pendi haichatooneka nekusageza munhu wemukadzi anogezawo so." "Mama ndogeza wani!" "Ndatopedza hangu newe ko munhu angabvume kuti haageze here?" "Inini ndinogeza kungoti panga pasina sipo!" "Ehoni, ndapota hangu usarove vana Rugare ndinokuziva kuti zvekuita kakadzi kakuru ndisipo unozozvida fani!" "Mama handivarove." "Ko unobvuma here? Mhosva hautambire hako seplate yesadza hazvidi hazvo mubvunzo." Vakatura rimwe zikubefu futi ndokuzoti "Dai pasina nhamo iyi mwanangu ndaisaenda asi wega uri kungoonawo mamiriro akaita zvinhu, baba vako hanzi havasi kutambira hanzi kubasa vari kutongoenda zvezita chete ndaa kuzogara hakuite." "And you believed that?" Vakakama-kakama ndokuti "I didn't say I believed him Rue iwee,ndakangonyarara ndosaka waona ndasimbirira yekuenda kubasa iyi.Haasi kukwanisa kukuchengetai saka ndotongozviitira zvinhu zvangu ndega." She let out another huge sigh after saying that then went on saying, "Zvakaoma, kana vakangouyawo unongovaudza kuti mama vaenda.Ndakambovaudza hangu nezuro pavakapfuura nekumba paye but I think vakatongoona sekunge ndiri kunyepa!" Ndakaramba ndakanyarara ndichida kuti vaenderere mberi.Nyaya dzavo nadaddy dzaitosvota hadzo kudzidairira because waiti ukavadairira uchishoora daddy mangwana waizonyara kuvaona vave kuyemerana.Zvese zvavaiitirwa zvakashata nadaddy vaibva vaita sevaisatombozviona havo.Hande vachingoti "Ndaenda" chete daddy vacho, mama vaibva vasara vave kuona huipi hwavo ini ndipo pandaibva ndati zii hangu ndovasiya vachishoora murume wavo vega. Daddy vacho vaive vakatoroora zvavo mumwe mukadzi uyo wavaigara naye kunzvimbo yaive yakatonaka kwakatovakwa zvakanaka isu tichigara kaimba kekutamburira. Mu line medu tisu tega taive nemba isina kupera nekatoilet kepanze kekuti waiita kupinda wakakotama kuti ukwane, magetsi taive tisitorina futi.Vamwe vese vaive vakarongeka vaine zvese ,dai vasitori sekuru vedu baba vaivo daddy vaive vakatozotivakira katwo rooms kataigara tingadai tichitori kugara mukatangwena chaiko. I was brought back from my thoughts namama vaive vave kuti "Combi yauya"ndikati,"Saka makutoenda?" as if ndaisatoziva chandaive ndavaperekedzera. Maziso aive akutorema nemisodzi, voice rakutoita kakuzhezhera ndikazongonzwa ndadhonzerwa mumaoko avo for hug.She tightly hugged me vachiti "Ndinodzoka Rugare wangu, ndikasashanda ndinodii?Ndiri kuda kuti mudzidze muzondichengetawo!" I nodded with my head on her chest zvikanzi "Wanzwa?" I think vaida kutonzwa riri voice rangu chairo saka ndakabva ndadaira ndichiti, "Ehee." "Chipukuta misodzi ndiende" she commanded and I wiped my tears ndiri pavari ipapo ndokuzosuduruka. "Smile!" She commanded again and I did force a smile zvikanzi ,"Thats my beautiful daughter, ndave kuenda handiti?Utarise vana,usatomboshambadza hako kuti ndaenda kubasa ukabvunzwa unogoti mama vari padhuze vanodzoka ." Havana kuzomira vakabva vatanga kufamba vachienda ku combi iyo yaive yanguri yamira ichidedzera "50cents patonaz one asara." Yainzi one asara hayo but mama vakasvikonopinda mukati chaimo hwindi akaramba achidedzera "One asara" angoripo chete.Makatozokwira vamwe vanhu vanenge 5 kuti ichizara ikazosimuka ndisisatovaone mama vacho vavharidzirwa nevanhu. Ndakaramba ndakayeva combi iya ndikazovhunduka ndanzwa mumwe murume achinditi "Wayeverwa nasisi?" ndikamutarisa ndichitoshamisika kuti sisi vaaitaura ndevapi, kwakuzotofunga pave paye kuti aireva mama.Vanhu vese ndizvo zvavaitongofunga kuti zvimwe ndaive ndiri munin'ina wamai vangu. Ndaive ndakavapfuura hangu pamuviri asi zvaizongooneka hazvo kuti ndivo vaive vakura.Vaive vasakadzwa nababa vangu zvekusvika pakupera muviri vangosara netuma bhonzo chete.Waizoti ukachinyatsovatarisisa paye ndipo pawaizoona kuti raisitombovewo gadzi chairo panguva yaro, mutsikapachitinhira chaiwo! Chaizonyanya kuvaita sevanyanya kuzowonda kwacho inyaya yekureba kwavaive vakaita, vaive vakareba zvekutodarika daddy mbijana. Kungorangarira kuti murume ndiye aive asakadza mai vangu kudaro nekutisvitsa pataive tave apa kwakaita kuti ndiridze tsamwa ndichiignowa baba vaive vataura zvekuti "wayeverwa nasisi vako," ava. Ndakatsiga box rezvinhu kwakunyatsofamba ndave kunanga kumba ndikanzwa amai vaive nekamusika kaive padhuze vachiti "Fordy siya mwana, kaform 2 ako kanenge kakutotya ipapaye." Murume uya akabva adzokorodza kuti "Form 2?" achiratidza kutoshamisika nazvo akapindurwa kunzi, "Ehee iform one uyu mazera mamwe chete naTari vanotodzidza vese paFountain apo!" "Hakuna form one yakadai? Honai musika uwo zvauri kuita," Fordy uye akadaro zvake achiseka ende airatidza kuti aive akatonwira-nwira hake,kuti ndiwo matombo kana kuti tumbwa twataingonzwa kuti twunodhakwisa kusvika pakupengesa munhu twaaive anwawo kuti asvike pakudaro, hameno!Akabva atanga kutoimba zvandainzwa achiti,"Kuti dhee dhee kuti sheke, sheke sheke haa zvamakatakura amai.." ndikaignowa hangu kwakuramba ndichifamba. Ndakasvika kumba kwakuwana Elijah achiita kuchema hameno zvaaive aitana nevamwe vake pakutamba kwavo. Ndakasvikoti kuna Charmaine wandaisiira "Mwana aitwa sei nhaiwe?" zvikanzi, "Arohwa nana Evidence vaanga achitamba navo avo!" Ndakaridza tsamwa ndichitarisa ana Evidence vandainongedzererwa naCharmaine ndikavasimudzira chibhakera cheyambiro vachibva vatiza vachinanga kudzimba dzavo.Ndakabva ndatura box rataive tarongedzerwa nemusikana wemushop ndikaritambidzawo Charmaine uyo akabva ariendesawl mumba.Ndakasimudza Elijah uya ndikamuisa kumusana ndokutanga kumunyararidza kusvika azonyarara tichibva tazopinda mumba ndave kubvunzwa kunzi "Ko mama varipi?" Ndakamubhabhadzira ndikati "Vari kudzoka mira ndikupe majiggies avakutengera ,handiti unomada?" Musoro wakagutsurirwa smile iri kunzeve ndikaziva kuti ndaive ndatohwina.Ndakabva ndatosimuka kwakutanga kugadzirisa zvekuti tibike since ndaida kuita zvekukasika.Ndaitongoda kubika faster faster tobva tazvivharira mumba medu nevana vangu torara hedu. Ndakanobatidza moto ndichifarira kubika maspagetti ataive takapedzisira kubika kare.Ndaive ndamasuwa zvekuti recipe iya yekutanga wamboboilisa mvura ndakaona seyaitononoka ndichibva ndatongoita ekungoisa kamwe chete nemvura yacho imomo kuti zviibvirane. Zvichingoti kwate-kwate ndaive ndakutoraidza kare zvekuti zvakazotoibva ndave kutodzvova, ndatoguta. Tichangopedza kudya ndakanzwa mota yadaddy panze vamwe vangu vakatanga kuita noise yekufarira kuuya kwavo asi ini zvakatondisvota. Ndakanzwa kuvharwa kwedoor remota tevere mafootsteps vachibva vazoknocker door remataive tiri. I quickly got up and opened it Elijah naCharmaine tuchibva twavamhanyira tukasimudzwa mudenga sezvatwairwarira. "Ndotokuswedza ndiri ini nhai Rugare?"vakadaro daddy vapedza zvekufarirana naElijah naCharmaine wavo ndikati, " Maswera sei?"and he replied with a funny chuckle ndokuzoti,"Ndiri kukuona zvangu, ndizvo zvandisingazobhadharire fees izvozvo zvehu rude hwako!'' Ndaida kutokanuka ndichiti "Hu-rude hwei kana musina mari nyararai apa" kwakuzozvidzora ndikangonyarara zvikanzi, "Mama vako varipi?" Apa vaibvunza vachitarisa kuwadrobe nekumandiro kwese sezvainzi mama vangu vacho vaikwana mupoto kana mucup. "Hanzi vakakuonekai wani!" Was my response zvikanzi, "Unonzwa here iwewe?Handiti ndohudofo ihwowho hwekupindura zvausina kubvunzwa?" Vakambonyarara expecting me to say something of which I didn't ndokubva vati,"Vaenda kupi?" "Kubasa." "Kubasa kupi?" Vakaramba vachibvunza uku ziso raita kuvhurwa zvaioneka nemurima mese ndikati,"KuWestgate.." Handina kutosiiwa ndichipedzisa munhu ave kuti, "Haapenge here Petronella,ndicho chii chaanoita ichi? Angasiire vana iwewe manje?" Ndakaramba ndiri zii ndikazovanzwa vave kurova madziro nechibhakera vachiti "Bastard!" tese tikavhunduka. Vakatanga kubaya-baya phone yavo dialing something ndokuzobuda yaiswa kunzeve phone iye zvino and I knew that he was calling mum. Ndakanomira padoor ndikavatarisa vachienda kumota yavo and I saw him kicking his tyre vachiti "Pick up the phone Petronella" ini kwakupindawo mumba smiling to myself ndichitaurawo just the opposite of what he was saying ndichiti,"Don't pick that call Petronella!" Gare gare ndakazonzwa mazimutsindo shasha yave kudzoka zvekare mumba. Haina kuda kupinda yakangomira padoor ndokuti "Rugare" ndikati, "Daddy" ndichinovhura door riye zvikanzi, "Hauna kuudzwa address yekwaenda kunoshanda amai vako kwacho?" "Handina vakangoti KuWestgate chete." "Vakatsvagirwa nani basa racho?" "Aaaa handisi kuziva ini." "Ndimai Munya?" He asked nevoice rakakwirira rine kakutyisidzira but handina kuchinja, mhinduro yangu yekuti "Handisi kuziva," ndiyo yandakangovapa. He let out a strange sound which was between a chuckle and a groan ndokuzoti "Hoo" vachiratidza kusagutsikana nemhinduro yangu ndikati ,"Ehee" zvikanzi, "Unyatsolocke madoors aya wanzwa ka?" "Ehee." Vakamboti zii mbijana ndokuzoti futi "Kudya madya?" ndikati,"Ehee" vachibva vabuditsa a$10 note from his pockets kwakunditambidza vachiti, "Ndoyandinayo iyi, usatombofillise hako gas bikisai huni dzamajaira idzodzo pangaite disaster negas pano!" Vakapedza kudaro ndokuridza imwe tsamwa vachiti "Amai venyu so ka!" ndokuzoenderera voti, "Ndodzoka mangwana!" and he left. End of chapter 1