*اللھم بلغنا رمضان 🤲* *مرحبا صد مرحبا پھر آمد رمضان ہے* مرحبا صد مرحبا پھر آمد رمضان ہے *کھل اٹھے مرجھائے دل تازہ ہوا ایمان ہے* ہم گنہگاروں پہ یہ کتنا بڑا احسان ہے *یا خدا تو نے عطا پھر کر دیا رمضان ہے* تجھ پہ صدقے جاؤں رمضاں ! تو عظیم الشان ہے *ابررحمت چھا گیا ہے اور سماں ہے نور نور* فضلِ رب سے مغفرت کا ہو گیا سامان ہے ہر گھڑی رحمت بھری ہے ہر طرف ہیں برکتیں *ماہِ رمضاں رحمتوں اور برکتوں کی کان ہے* آگیا رمضاں عبادت پر کمر اب باندھ لو فیض لے لو جلد کہ دن تیس کا مہمان ہے عاصیوں کی مغفرت کا لے کرآیا ہے پیام جھوم جاؤ مجرموں رمضاں مہ غفران ہے بھائیوں کرلو گناہوں سے سبھی توبہ اب *پڑ گئے دوزخ پہ تالے قید میں شیطان ہے* خوش دلی سے سنتیں اپنائے جاؤ بھائیو! خلد کے در کھل گئے ہیں داخلہ آسان ہے مسجدیں آباد ہیں زُورِ گنہ کم ہو گیا *ماہِ رمضاں المبارک کا یہ سب فیضان ہے* روزہ داروں جھوم جاؤ کیونکہ دیدارِ خدا خلد میں ہو گا تمہیں یہ وعدۂ رحمٰن ہے دو جہاں کی نعمتیں ملتی ہیں روزہ دار کو *جو نہیں رکھتا ہے روزہ وہ بڑا نادان ہے* یا الہی ! تو مدینے میں کبھی رمضاں دکھا *مدّتوں سے دل میں یہ “عطار“ کے ارمان ہے*