د کانونو او پټرولیم وزارت ويلي، چې په هېواد کې د ټاپي ګاز نل‌لیکې کارونه په چټکۍ سره روان دي. دې وزارت زیاته کړې، چې د کانونو او پټرولیم وزارت د مشرتابه د هڅو له کبله، په هرات ولایت کې د ټاپي پروژې د سرحد‌آباد د ګاز نل‌لیکې د جوړولو کار په چټکۍ سره روان دی. په اعلامیه کې راغلي؛ د کانونو وزارت هوډ لري، چې دا پروژه نه یوازې په هرات کې، بلکې د افغانستان په خاوره کې د دې پروژې پر ټوله لار د سمو او هدفمندو پلانونو د ډیزاین او پلي کولو له لارې بشپړه کړي.