Utafiti mpya nchini Uingereza umeonyesha kuwa teknolojia ya akili bandia (AI) inaweza kutambua theluthi mbili ya vidonda vya ubongo vinavyosababisha kifafa ambavyo mara nyingi hukosa kutambuliwa na madaktari. Hii inaweza kusaidia katika upasuaji sahihi wa kudhibiti degedege kwa wagonjwa waliokuwa na ugumu wa kupata matibabu sahihi. Kwa mujibu wa watafiti kutoka King's College London na University College London, takriban watu 30,000 nchini Uingereza wana degedege lisiloweza kudhibitiwa kutokana na ulemavu mdogo wa ubongo ambao hauonekani kwa urahisi katika vipimo vya MRI. AI hii, inayojulikana kama MELD Graph, imechambua picha za MRI za wagonjwa 1,185 kutoka hospitali 23 duniani kote, ikiwa na uwezo wa kutambua vidonda kwa haraka na kwa usahihi zaidi. Hata hivyo, wataalamu wanaonya kuwa bado ni mapema kwa teknolojia hii kutumiwa rasmi katika kliniki, kwani tafiti zaidi zinahitajika kuthibitisha faida zake kwa muda mrefu. Ingawa AI inaweza kusaidia katika utambuzi wa haraka na sahihi, wataalam wanasema bado kuna upungufu wa wauguzi wa kifafa wenye utaalamu maalum. Matumizi ya MELD Graph kwa utafiti wa kimatibabu tayari yameanza, na iwapo itaidhinishwa, inaweza kuwa mabadiliko makubwa kwa wagonjwa wa kifafa duniani. #kmt #ashrafjk #afyatamu