لال مسجد – د اسلام د دعوت او قربانۍ یو تاریخ بِسْمِ اللَّهِ الرَّحْمٰنِ الرَّحِيمِ لال مسجد د اسلام آباد یو تاریخي او مقدس عبادت‌ ځای دی، چې د قرآنکریم او سنت د تعلیم، اسلامي دعوت، جهاد، رباط او دیني احکامو د تدریس یو مهم مرکزیت لرونکی مکان دی. دا جومات د اسلامي ارزښتونو د خپرولو لپاره جوړ شوی، چې په زرګونو دیني طالبان، علماء کرام، مجاهدين او مخلص مؤمنین یې روزلي دي. د لال مسجد تاریخ د لال مسجد بنسټ په 1965 میلادي کال کې کېښودل شو. دا جومات له پیل راهیسې د تقوا، علم، او جهاد فی سبیل الله یو مرکز و. د مولانا عبدالله (رحمه الله) په مشري، دې جومات د اسلام مقدس دين، تعلیماتو تدریس ته وده ورکړه. د هغه له شهادت وروسته، مولانا عبدالعزیز او مولانا عبدالرشید غازي (رحمه الله) د دې جومات د اصلاح، دعوت، او امر بالمعروف او نهی عن المنکر چارې سمبالولې. لال مسجد او اسلامي دعوت دا جومات نه یوازې د عبادت مرکز و، بلکې د شریعت د پلي کولو لپاره یې مبارزه هم کوله. علماء کرامو، طالب العلمانو، او مسلمانانو له دې مقدس ځایه د توحید، سنت، او اسلامي اصولو پیغام خلکو ته رسولی. د لال مسجد مدرسې، په ځانګړي ډول جامعه حفصه، د اسلامي تعلیماتو د ترویج لپاره کار کاوه او د ښځینه زده‌کوونکو لپاره یې د پاک حجاب، عفت، او اسلامي ارزښتونو درسونه ورکول. د لال مسجد قرباني په 2007 میلادي کال کې، د اسلام دښمنانو د لال مسجد پر دې مقدس ځای یرغل وکړ. د ظلم، وحشت، او بربریت یو تور باب ولیکل شو، چې پکې د شریعت د دفاع کوونکو علماء کرامو، حافظانو، او بې‌ګناه زده‌کوونکو پر سر ظلمونه وشول. د پاکستان حکومت د کفري طاقتونو په لمسون، د شریعت غوښتونکو پر ضد د زور کار واخیست، او د دې مبارک ځای حافظان، او مسلمانې ښځې یې شهیدانې کړې. (وَلَيَنصُرَنَّ اللَّهُ مَنْ يَنصُرُهُ ۚ إِنَّ اللَّهَ لَقَوِيٌّ عَزِيزٌ) (الحج: 40) "الله تعالی خامخا هغه کسان مرسته کوي، چې د هغه دین ته نصرت ورکوي، بې‌شکه الله قوي او عزیز دی." لال مسجد موږ ته دا درس راکوي، چې اسلام یوازې د مسجدونو، محرابونو، او کتابونو دین نه دی، بلکې دا د شریعت د عملي کولو، د حق د حاکمیت، او د طاغوت د ردولو دین دی. هغه مبارزه چې د لال مسجد علماء کرامو کړې، دا د حق او باطل ترمنځ د همیشني جهاد یوه برخه ده. لال مسجد د قربانۍ یو سمبول دی، چې د اسلام د سرلوړۍ، د شریعت د نفاذ، او د طاغوت د رانسکورولو لپاره یې خپل زړور علماء او طالبان قرباني کړل. د لال مسجد پیغام دا دی، چې د اسلام د حقانیت لپاره باید تل په زړورتیا، اخلاص، او استقامت سره ودرېږو. اللهم انصر الإسلام والمسلمين، وأعلِ كلمتَك في كل مكان، واجعلنا من المجاهدين في سبيلك. آمین یا رب العالمین! #ام_حسان_کو_رہا_کرو سجاد سليم