زمان بعد نتيجة الثانوية العامة كنت زعلان موووووت اني جبت ٩١% ولسالي نص درجه علي كليه علوم اللي هي حلم حياتي من صغري. وبعدها دخلت كليه اداب وزي باقي الشعب جبت مقبول وكنت بشيل مواد 😄 بس كنت بعدي صافي.وزي باقي الخريجين بردو قدمت علي شغل كتيييير واترفضت واشتغلت سنين كتير في النقاشة طبعا معظمكم عارفين الكلام ده بس ساعات بقعد بقول لنفسي هو انا لو كنت دخلت علوم هل كانت شخصيتي هتتغير زي دلوقت؟ هل كنت هبقي من المؤثرين ؟ هل كنت هأثر في ملايين الناس؟ هل كنت هبقي مصدر الهام لناس كتير؟ هل كنت هبقي مصدر فخر لاصحابي ولعيلتي ؟ هل كنت هتصنف افضل مقدم محتوي تعليمي في مصر؟ هل كنت هأسس منصة مناهج ويبقا معايا بفضل الله كام الف طالب ثانوية عامة ؟ هل كنت هبقي السبب ان كام الف طالب يقفلوا الانجليزي في ثانوي؟ هل وهل وهل؟....! فعلاااااا لو كنتم تعلمون الغيب لرضيتم بالواقع ربنا اخد مني نص درجه بس رفعني درجات كتير ف عيون الناس😊 وكفايه كميه الرسايل اللي بتجيلي تقولي انت السبب بعد ربنا في تحويل شخصيتي للأحسن طبعا في ناس عندها قصص نجاح احسن مني مليون مره.بس انا بحب اشارككم بالكلام ده لعل وعسي يكون كلام محفز لحد مكسل اسعي وحاول وسيبها علي الله 💪 اوعي في يوم من الأيام تزعل علي حاجه انت شايف انها ضاعت منك بكره تصرخ من الفرحة لما تشوف الحاجة اللي ربنا شايلهالك♥️ يارب لك الحمد ♥️♥️♥️ #محمد_ايمن #منقول