*🔴-البوست الاسترشادي الخاص للتعرف على تفاصيل تقديم واختبارات السلك الدبلوماسي* ـــــــــــــــــــــــــــــــــــــــــــــــ *س/ الوظيفة عباره عن ايه وتبع ايه؟* • اسم الوظيفة: ملحق دبلوماسي تبع وزارة الخارجية. طيب الملحق الدبلوماسي دا وظيفته ايه؟ ودي بتكون اول درجة تعيين ليك في السلك الدبلوماسي وبتفضل تترقي كل فتره لحد متوصل لدرجة سفير والسغير دا شخصية دبلوماسية دورة في تقوية وتعزيز العلاقات المصريه بالدول الاجنبيه الاخرى والتفاوض بإسم مصر وإبرام المعاهدات والاتفاقيات، و نظرًا للتحديات الدولية الحالية، وزارة الخارجية بتحتاج بإستمرار شباب وبنات لشغل وظيفة ملحق دبلوماسي، وتدريبهم وتأهيلهم جيدا بعد التعيين بهدف تعزيز العلاقات الخارجية ودعم المصالح الوطنية. *س١/ من المسموح لهم بالتقديم والسن والتقدير المطلوب؟* • التقدير: يبدأ من مقبول. • السن: لا يذيد عن ٢٧ سنه. • مؤهل عالى من الجامعات المصريه او ما يعادلها او شهادة اجنبية معادلة او مؤهل عالي من إحدى الكليات العسكريه. ـــــــــــــــــــــــــــــــــــــــــــــــــ *س٢/ هل التقدير الجامعي بيفرق في نتيجة الاختبارات؟* • ولا له اي لزمة. • اللي بيفرق هي نتيجة الاختبارات اللي بتجيبها في الاختبارات التحريريه والشفوي وكل مكانت درجاتك في الاختبارات عالية كل م الفرصة كانت لصالحك اكتر. ــــــــــــــــــــــــــــــــــــــــــــــــــ *س٣/ هل الموضوع بيحتاج واسطة؟* ولا اي واسطة هتنفعك نهائي وطالما قولتلك كدا يبقي تثق ان فيه ناس غيرك جربو الوسايط وفشلو، والوظيفه دي مبيدخلهاش غير المتميزين وعندهم كفاءات علمية ده حتي بعد التعيين بيتم اختبارك لمدة سنتين عشان لو مكنتش أد المهمه وادائك ضعيف بيتم فصلك بغير الطريق التأديبي علطول ودا حصل فعلا في الاونه الاخيرة فحرفيا مفيش حاجه هتنفعك غير مذاكرتك وانك تشتغل على نفسك وتفضل تطور من نفسك. اوعي تفكر ان هما سؤلين هتحفظهم وخلاص يبقي كدا هقولك وفر فلوسك، بالعكس لو عايز تنجح في المهمه دي فلازم هتذاكر وتعمل اللي عليك، وعلفكره في ناس بتتعين في الهيئات القضائية ومبتعرفش تشتغل خالص حتي بعد تدريبهم وبيتم فصلهم بس انت اللي مش متابع كويس.. فاللي عايز اقولو اي وظيفة لازم تبقي شاطر وتثبت نفسك فيها مش بس سلك دبلوماسي. ـــــــــــــــــــــــــــــــــــــــــــــــــ *طب المذاكره صعبة في السلك الدبلوماسي؟* والله اسهل مما يكون وانت اللي بإيدك تخليها سهله على نغسك وهقولك ازاي تأهل نفسك بشكل مميز:- بكل بساطة انت مطلوب منك تذاكر الفروع الاتيه:- ١/ القانون الدولي العام ٢/ المنظمات الدولية. ٣/العلاقات الاقتصاديه الدوليه ٤/العلاقات السياسية الدولية. ٥/ اللغة العربية. ٦/اللغة العربية. ٧/ اللغة الاجنبية الاولى ( اختيار ما بين انجلش او فرنساوي). ٨/ اللغة الاجنبية الثانيه (بتختار لغة واحده فقط من اللغات التالية:- اسباني - صيني- الماني- ايطالي- تركي- الروسية-فارسية- العبريه- اليبانيه- انجليزي- فرنساوي) ولاحظ انك لو اخترت اللغة الاولى انجليزي يبقي اللغه الثانيه تكون حاجه مختلفه عن الانجليزي ونفس الامر في الفرنساوي. ـــــــــــــــــــــــــــــــــــــــــــــــــ *طيب الاختبار بالنسبة للغات الاجنبيه بتكون عباره عن ايه؟* بكل بساطة مصطلحات دبلوماسية وترجمة جمل والاساسيات الخاصة باللغة فمتقلقش لما هتعرف اساسيات الترجمة الخاصة باللغة هتكون ميا بنسبالك واغلبكم لما درس فرنساوي في الثانوي كنت بتقفلو المادة فنفس الامر في باقي اللغات + انك بتذاكر مصلطلحات دبلوماسية باللغة اللي انت بتختارها. واظن كدا انت فهمت انت محتاج ايه لذلك اللغة دي بتعتمد على خبرتك في مذاكرتك للغة. وعلفكره في ناس من زمايلكم واخدين كورسات لغات وهتكون اللغه بنسبالهم مادة هيدخلو يقفلوها ومتقلقش الاختبار في الاساسيات مش في العميق محتاج بس تحفظ كلمات وتعرف تترجم وتعرف مصلطلحات دبلوماسية على اد متقضر ومع الاستعانة باختبارات السابقه هيتكرر بعض الاسئلة فالدنيا هتكون معاك تمام. ــــــــــــــــــــــــــــــــــــــــــــــــــ *طيب بالنسبة للغة العربيه؟* ودا الهدف منه قياس مدى اجادة الشخص في اللغة العربية ببساطة ( قواعد النحو) 1. الإعراب. 2. المفرد والجمع والمترادفات 3. التحويل اللغوي (إعادة صياغة الجملة) 4. التعبير والإنشاء: مثل اكتب مقال عن كذا او اكتب تعليقا على كذا او قم بتحليل او شرح قصيدة او جملة معينه. ـــــــــــــــــــــــــــــــــــــــــــــــ نيجي بقا للاختبارات الخاصة بالقوانين مثل القانون الدولي العام والمنظمات والعلاقات الاقتصاديه والسياسية الدولية والحجات دي محتاج انك تذاكر فيها وتحفظ الاسئلة. مثل اكتب عن المصادر الاصلية للقانون الدولي العام باختصار او الوسائل السياسية لتسوية النزاعات الدوليه؟ او اكتب عن المناطق الاقتصادية الخالصة؟ او يعرضلك مثلا موقف زي أدى تفشي جائحة فيروس كورونا الى كذا وكذا وفالاخر يطلب منك انك تعرض سياسة الحكومة المصرية في التعامل مع هذة الازمات؟ او يجبلك حبة مصطلحات دبلوماسية زي الناتج القومي الاجمالي- معدل البطالة- السياسة المالية ويطلب منك ما المقصود بيهم بإيجاز او فبعطيك مثال عشان تاخد فكرة بسيطة. ــــــــــــــــــــــــــــــــــــــــــــــــــ *نتكلم بقا عن كيفية اجتياز الاختبارات ومدة الاختبارات؟* ــــــــــــــــــــــــــــــــــــــــــــــــــ • النجاح في كل اختبار من ٦٠٪ • مدة الاختبار القانون الدولي والمنظمات الدوليه بيكون ( ٣ ساعات) ، والعلاقات السياسية (٤ ساعات) ، والعلاقات الاقتصادية ( ٣ ساعات). • وطبعا مهم جدا في الاختبارات التحريريه في جانب مهم وهو متابعه القضايا المعاصره السياسيه بين الدول ودا امره بسيط. ــــــــــــــــــــــــــــــــــــــــــــــــــ *نيجي بقا للاختبار الحاسب الالى و الشفهي والقدرات* وطبعا اللي بيجتاز الاختبارات التحريريه التي تحدثت عنها سابقا هو بس اللي بيدخل في الاختبارات الحاسب الالي والقدرات والشفهي ودي اختبارات اسهل مما تتخيل لذلك بنعتبر اللي بينجح في ااتحريري فخلاص بيكون مرشح بقوة لاجتياز الباقي:-------- وبالنسبة للحاسب الالي عبارة عن :- ببساطة ١- عن: اساسيات:-------- الويندوز - الوورد. -الاكسيل- الباوربوينت-مفاهيم الانترنت والحوسبة الاساسية. ٢/ ثم اختبار قياس القدرات ودا بيقيس المهارات الذهنية زي التحليل وحل المشكلات، ثم مقابلة الاختبار الشفهي فبيركز على التواصل والثقة بالنفس، وطبعا اللي بيوصل للمرحله دي بيكون مرشح بقوة للتعيين ان شاء ﷲ. طبعا لو معاك كورسات او شهادات مختلفة او درجه علمية زي الدراسات العليا ( دبلومه او ماجستير) متبخلش وقدمهم في الملف دا كله كويس لدعم وتعزيز الملف بتاعك ولو مش معاك دا، فرصتك تبدأ تخطط له ان شاء الله. ــــــــــــــــــــــــــــــــــــــــــــــــ *طب النتيجة التعيين بتطول؟* لا مش بتطول ولا حاجه يعني اعلان بتاع ٢٠٢٣ اتعينو من شهر. ففخلال سنتين يدوب الاختبارات تخلص والتحريات بتكون للدرجة الثالثه الى الان يعني لحد الاعمام والعمات والاخوال والخالات بأزواجهن. طيب لو عندك مشكله في التحريات تعمل ايه؟؟ بص انت تظبط تحرياتك وتشوف مين الاشخاص اللي عندك عليهم قضايا وشوف بادر بحلها ثم محوها.. واللي مش فاهم يعني ايه محو:------ اغلبكم العيلة بتاعته فيها قضايا دشتت بمضي المدة او قضايا خد فيها الشخص براءه او تم التصالح فيها او الشخص قضى العقوبه وخلص من زمان ولكن مازالت القضايا متواجدة على جهاز المعلومات الجنائية؟ ففي هذة الحالة امامك طريقين لمحوها الطريق الاول/(لايشترط محام) وإما ان يباشره الشخص صاحب القضية او انه يعملك توكيل خاص بالتصرف لمباشرة الاجراءات مكانه من استخراج شهادة من واقع الجدول مثبت بها القيد والوصف لهذة القضية والتصرف النهائي بها ( دشتت بمضي المدة.- انقضاء بالتصالح او براءه او قضي العقوبة وخلص) ثم التوجه الى الامن العام وهناك يتم المحو من اسبوعين لشهر حسب الاحوال... والطريق الثاني وهو رفع محو في مجلس الدولة ( لازم محام) ولكن الطريق الاول اسهل والطريق الثاني بيتم اللجوء اليه في القضايا التي يصعب محوها في الطريق الاولني. ودا كان بأختصار طرق المحو بدون تفاصيل كتير. • ولازم تكون عارف ان مش كل القضايا بتاثر في التحريات ولكن انت مش مزنوق في الوقت ولا حاجه قدامك وقت كبيره تقدر تقدم في الاعلان اللي لسه هينزل في 202 2025 او في 2026 المهم سنك وقت التقديم ما يكونش ازيد من 27 سنه سواء قدمت السنه دي او في سنه لاحقه انت مش مقيد انك تقدم مع دفعتك ولا حاجه ولكن مقيد بالسن فقط. •التحريات مثل جنائي وسياسي ــــــــــــــــــــــــــــــــــــــــــــــــــ وفي النهايه لحسم النتيجه النهائيه للاختبارات ككل: حصول المرشح على 60% على الأقل في الامتحانات التحريريه. 60% على الأقل في الامتحان الشفهي. 60% على الأقل من مجموع درجات الامتحانين (التحريري والشفهي مع بعض). مع اجتياز اختبار الحاسب الالي والقدرات الذي تحدثت عنه سابقا. • وطبعا كل ما الدرجات زادت كل ما فرصتك بقت اقوى. ــــــــــــــــــــــــــــــــــــــــــــــ طالما وصلت لحد هنا يبقى خلاص حطيت الموضوع في دماغك وعايز تثبت نغسك وتعوض الخسارة اللي فاتت او كنت دفعة 23 ونازل او لسة دفعة 24 وعايز تبدأ. صدقوني المسابقة دي بتعتمد على الدرجات في الاختبارات والاكفأ وليس بالواسطة.. ـــــــــــــــــــــــــــــ بالتوفيق للجميع