يخوانا ما تخافوا ولا تحبطوا إذا ما عرفتو سؤال او حتى اسئله عادي يعني بالعكس مفترض تفرحوا انو لسه عندكم زمن عشان تعرفوهم ونفس الفهم كان غلطتوا تغلطوا هسي ولا تغلطوا بعدين في امتحان الشهاده ودايما اتذكروا انو المجهود البتبذلوهو اليوم هو الحيرفعكم بكرا💗 شهادتكم هي الحترفعهم وتقيف معاكم بعدين وبرضو اي فكره واي خطه في البدايه بتكون صعبه لكن بعد تبدوها بتعتادو عليها يخوانا اتعبوا واجتهدوا وشدوا حيلكم والله الفرحه بتستاهل النجاح عمرو ما كان ساهل اي صح القرايه حاره ومتعبه القرايه مهلكه والله💔 وانا عارفه لو من القرايه بتقرو تالت دي اصلا ما صعبه صعب التفكير و الهم والخطط والجداول والالتزام والانضباط والتركيز والتضحيه والثبات دا الصعب قرايه وكتب تالت عمرهم ما كانو صعبين الكيفي ما بغلبكم العضويه ما بتغلبكم التفاضل والتكامل ما بغلبوكم انتو بس اضبطوا نفسكم وقولوا بسم الله وابدوا اقرو وافهموا وماف شيء بغلبكم💗 الامتحان العاملين ليهم قومه وقعده دا اصلو ما بغلبكم💗💗 ماف ورق بخوفكم وصدقوني حيروح كل التعب وتفضل حلاوه الوصول🔥🔥🔥🔥 واوعكم ترضوا بالحاجه القليله وما تستسلموا وراكم احلام ولازم تحققوها 🤩💪🏻💗💗 وماف قرايه ممكن تضركم قدر ما تقدروا اقرو حتى لو ما عايزين حتى لو ما قادرين وبرضو ما تنسو انو كل سؤال بتقروهو و تحلوهو بقربكم من حلمكم وممكن يجي في امتحان الشهاده وفي الختام اتذكروا انو المرتقى الصعب يحلو له التعب💗💗💗 # الاء صلاح # مبادرة_نحنا_معاك # تيم_الدعم_النفسي