الدعم النفسي ( نحن معاك)
13.0K subscribers
About الدعم النفسي ( نحن معاك)
مبادرة نحن معاك، معاك لحدي ما تصل، وح تصل للقمة أكيد 💜🌸
Similar Channels
almenbar.news | المنبر نيوز
Podcasts with Gurudev Sri Sri
Whatauto - Auto Reply
Just Spices DE
مكتب الوجدان العالمي للتعليم والمنح الدراسية 🌍✨
غيمة ممطرة
زعيم آسيا
مُبَادرات المهندس علاء حامد
Neftalí Yagua
الأمير التقني
مبادرة الغيث التطوعية 🫀
قوات الدعم السريع Rapid Support Forces
الدعم الفني للمؤتمر
Rohini Shinde Motivation
جمعية السلوي للتنمية
Swipe to see more
Posts
شهر رمضان الذي أُنزل فيه القرآن فكيف نجهل عبادة عظيمة زي قراءة القرآن باتباع الشهوات وتخت مسمَّى الصيام متعبني ما قادر اقرا و...الخ ؟ قراءة القرآن بتدي طمأنينة وراحة نفسية وده بيساعدك على التركيز في المذاكرة. في رمضان الأجر مضاعف وقراءة القرآن بتقوي الذاكرة. يعني بدل ما تبدأ يومك بالإنترنت أو السوشيال ميديا، ابدأ بقراءة شوية قرآن، حتحس بطاقة إيجابية وحيزيد تركيزك في القراية... والرسول صلى الله عليه وسلم قال: "اقرؤوا القرآن فإنه يأتي يوم القيامة شفيعاً لأصحابه" (رواه مسلم) يعني تضرب عصفورين بحجر اجر وشفاعه يوم القيامة وسكينة وراحة وطمأنينة في الدنيا فالإحساس بالراحة والسكينة ده بيديك دافع تستمر في المذاكرة وتنجح بإذن الله 💕💕💕💕💕💕💕💕
طيب بعدها من ما تسمع رمضان يجي في بالك الصيام، كما قال الله تعالى: "يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ" (البقرة: 183). يعني الصيام هو عبادة كُتبت علينا لنتقي بها الله. ما احكي ليكم كيف تستفيدوا من فقرة الصيام دي... حرفيا الصيام عبادة روحية تهذيبية بتعلم المسلم الصبر والانضباط والتحكم بالنفس بمنع الشهوات، كما قال النبي صلى الله عليه وسلم: "الصوم جنة من النار" (رواه مسلم). يعني الصيام هو جنة تحمي من النار. فاذا انك قدرت تحارب نفسك من اتباع الشهوات وتهذبها انها تعمل الصاح اكيد طبعا حتقدر تهذب نفسك وتعلمها الانضباط في المذاكرة وتمنعها من المشتات والملهيات. وبتحملك الجوع والعطش لثمر رضا الله والفوز بالجنان حتتحمل مشقة العلم والمذاكرة لتثمر النجاح والتفوق وسعادة والدينك ورضاهم عنك 💕💕
العبادة الاعظم اللي الكل غافل عنها وما يدري عن اجر أداءها وذنب تركها وهي الدعاء الدعاء من أقوى الأسلحة للمسلم خاصة في رمضان. ربنا قال: "وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ" (البقرة: 186) في رمضان الدعوات مستجابة خصوصاً وقت الإفطار والسحور الرسول صلى الله عليه وسلم قال: "ثلاثة لا تُرد دعوتهم: الصائم حتى يفطر، والإمام العادل، ودعوة المظلوم" (رواه الترمذي) يعني لو عندك تحديات أو مشاكل ادعي ربنا بالتوفيق والفهم وصدقني حتحس براحة نفسية وثقة في نفسك الدعاء كمان بيخليك متفائل وده بيساعدك تتخطى أي إحباطات أو صعوبات في الحياة 💕💕💕
طيب يا شباب الجانب الديني جزء لا يتجزأ من حياتنا كمسلمين، كما قال الله تعالى: "وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ" (الذاريات: 56). يعني الله خلقنا عشان نعبده ونتقرب له. وعشان نحقق نجاح في حياتنا لازم نمر على الجانب الديني ونظبطه ويكون في احسن صورة احنا قادرين نصل ليها، كما قال النبي صلى الله عليه وسلم: "أدّوا الحقوق إلى أهلها" (رواه البخاري). يعني لازم نؤدي حقوق الله علينا ونحسن من عبادتنا. وبما اننا في رمضان شهر التوبة والرحمة والغفران والعتق من النيران، كما قال الله تعالى: "شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ" (البقرة: 185). يعني رمضان شهر مبارك نرتل فيه القرآن ونتوب ونسأل الله الغفران. لذلك لازم نستقل الشهر دا بشكل كويس جدا عشان نطلع بفوائد دينية ودنيوية ونحاول نحسن من عبادتنا ونتقرب من ربنا على قدر ما نقدر، كما قال النبي صلى الله عليه وسلم:"من قام رمضان إيمانًا واحتسابًا غُفر له ما تقدم من ذنبه" (رواه البخاري). يعني لو قُمنا رمضان بالايمان والاحتساب، غفر الله لنا ذنوبنا. 💕
ذكر الله وما أدراك عن ذكر الله وما ننسى ربنا قال ألا بذكر الله تطمئن القلوب ومن اعظم الاذكار والاحب الاستغفار الاستغفار بيريح القلب وبيشيل الهم وده مهم جداً لأي زول بيواجه ضغوطات في حياته الاستغفار يجلب الرزق . ربنا قال: "فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا" (نوح: 10) وكمان يمنع العقوبة . لما تلتزم بالاستغفار بتحس براحة نفسية غريبة وده بيساعدك تركز أكتر في أي حاجة بتعملها الرسول صلى الله عليه وسلم قال: "من لزم الاستغفار جعل الله له من كل ضيق مخرجًا، ومن كل هم فرجًا، ورزقه من حيث لا يحتسب" (رواه أبو داود) يعني لو حاسس بالضغط أو القلق من المذاكرة خلي لسانك دايماً رطب بالاستغفار حتحس براحة نفسية وتركيز أكتر💕💕 بس برضو دا ما بيعني انك تهمل الاذكار التانية زي الصلاة على النبي التي توجب البركة والحوقلة دي ي جماعة م احكي ليكم فضلها في قضاء الحوائج و راحة البال والتوحيد وغيرها 💕💕💕 فما بالك اذا كنت بتذكر ربنا في شهر رمضان اللي الاجر فيه مضاعف ؟ 💕
📌 تنظيم وقت الدراسة في رمضان ⏳ المذاكرة في رمضان فرصة ذهبية ليك، بس لو عرفت تذاكر بذكاء وتختار الأوقات الصح وتوازن بين الدراسة والراحة. يعني يا عزيزي، تعمل ليك جدول بسيط يضمن ليك الإنتاجية بدون إرهاق. بعد الفطور والمغرب، دا ما وقت مناسب للمذاكرة، لأنو الجسم بكون مشغول بالهضم. بعد التراويح، وقت ممتاز جداً لأنك بتكون ارتحت شوية. ولو بقيت من الناس البصحوا بدري، ولازم تبقى منهم، فإنت عسل عديل! جربوا تقروا بعد السحور وكلموني بالنتائج. الأهم من كل دا، تثبتوا على روتين واحد عشان المخ يتعود وما يحس بالإرهاق من الشي الانت بتعملوا. مثلاً، انتو يومي من الصباح بتقوموا تتسوكوا، حصل مرة حسيتو الشي دا صعب؟ لا، لأنو روتين متعودين عليه من وانتو صغار. نفس الفكرة مع المذاكرة، لما تخليها عادة يومية، حتلقى نفسك بتذاكر بدون تعب أو ضغط. الإمام الشافعي رحمه الله كان بنظم وقتو بطريقة عجيبة، يوزع يومو بين طلب العلم، العبادة، والراحة. حتى وقت الأكل كان بستغلو في مراجعة المسائل الفقهية. فده درس لينا إنو النجاح بس محتاج تخطيط واستغلال ذكي للوقت.🩶🩶
رمضان شهر العبادة ،لكن دا ما معناه انو نهمل دراستنا ،خاصة انتوا كطلاب شهادة سودانية محتاجين اي ثانية من زمنكم و اي ثانية لازم تستغلوها عشان كدا الليلة عايزين نعرف كيف ننظم وقتنا في رمضان واهمية دراسة فيه وكيف نتعامل مع الضغط الدراسي واهمية الخطط الدراسية الحنعملها يلا تعالوا معاي 🩶
اول عبادة نحاول نعدلها ونزيد منها ومن الخشوع فيها هي الصلاة وليه الصلاة ؟ لانه الصلاة اذا صلحت صلح باقي عملنا قال صلى الله عليه وسلم:"الصلاة عماد الدين " واول ما يحاسب به العبد يوم القيامة الصلاة طيب كيف نقدر نظبط زمن الصلاة ونصلي الاوقات كلها في وقتها ونستفيد من الحاجه دي في تحسين مذاكرتنا في رمضان اول حاجه نظبط منبه قبل كل اذان ب 5 د ندخل نستحمَّ اكرمكم الله ونتوضى ونتظبط للصلاة وبعدها نبدا نذكر ربنا وندعيه انه يسهل علينا حياتنا ويوفقنا في دراستنا وبعدها نصلي وبعد الصلاة نقرا ما تيسر من القران ووتاني نرجع نذاكر ساعه او ساعتين والحاجه دي بتفرق شديد والله . يعني انت حاليا صليت في الوقت الصحيح وذكرت ربنا وقريت قرآن ودعيت ربنا وذاكرت (هنا بتتمثل مقولتي اللي قلتها قبل انه نستقل رمضان عشان الدين والدنيا)💕💕
