الدعم النفسي (نحنا معاك)
127.3K subscribers
About الدعم النفسي (نحنا معاك)
مبادرة نحنا معاك، معاك لحدي ما تصل، وح تصل للقمة أكيد 💜🌸
Similar Channels
البرنامج السعودي لتنمية وإعمار اليمن SDRPY
SBMiniNews
نقابة المساحة المصرية Egyptian Survey Syndicate
د. محمد أنور - Dr. Mohammed Anwar
Science🔬by Digital eSchool ( Class 5th - 9th)
أخصائي نفسي: محمد الأسطى
UNICEF Lebanon | يونيسف لبنان
URI
JA Ghana Youth Empowerment Channel
■رسائل وكلمات■
Gabriel Attal
كلام خير البشر ﷺ
مبادرة عزم للتنمية
هاوي | Hawi
فريق معآ للخير نسعى التطوعي
Swipe to see more
Posts
*التأقلم ع الألم* كونك تتأقلم ع حاجة مؤلماك وتصبر وتحتسب يلي مؤلمك ربنا دي حاجة عظيمة شديد، عارف ع قدر م حجم الألم كان صعب ومابتحمل كل م ربنا جازاك عليهو اضعاف البتتمنئ واكرمك وعوضك،عارفة التأقلم صعب وهو نوع من أنواع الصبر فلمن ربنا اختك ف إبتلاء ذي د حاول أعرف إنو بعديهو ع طول حيجبر بخاطرك❤️.. ربنا إجبر بخاطركم ويحفظكم ويسهل دربكم ✨. #لجين #الدعم_النفسي #مبادرة_نحن_معاك
زي م عودكم مثابر على قصصه المليانه حكم و عبر ، تعالو نشوف مثابر قصته الليلة شنو و حنستفيد منها شنو♥️ "و مُثابر في سَعيهِ يتقدمُ تَسْتلمُ الدنيا ولا يستسلمُ".🤍 #خليك_مثابر✅💪🏼 #نحنا_معاك https://www.instagram.com/p/DJ6x2C8Muut/?igsh=MXhxbHV5dXU1cnhmYg==
مرحبًا يا صَديق... أتَعِبت مِن الحَياة؟!... أصَعُبت عَليك كُل الأُمور و أصبَحت لاتطيقُ شَيئًا؟!... لا بَأس... فَ هذِه هِي الحَياة!... إنها غَير مِثاليةٍ أبداً... لَم تكُن مِثاليةً في المَاضي... ليست مِثاليةً الآن... و لن تُصبح مِثاليةً في المُستقبل... فَهي دارُ اختِبار... لا تَسمح لِنفسِك أن تَقع في فخِّ الضحيّة... أنت لست ضحيّة... بل إنها الحياةُ تُحاول تجهيزكَ للشَخصِ الذي ستصبحُ عليهِ في المُستقبَل... إنّهُ الله...... يستجِيبُ لِدُعائك...💛 #القادِم_أجمل #الدعم_النفسي #مبادرة_نحنا_معاك
السلام عليكم ورحمة الله وبركاته الليلة جاية أسلط الضوء على موضوع يمكن أغلبنا مرَّ بيه دا لو م كلنا ، ألا و هو التعلق . التعلق دا ي جماعة مرض قاااتل بالمعنى الحرفي و بدون مبالغة و عارفين المرعب في الموضوع شنو؟ إن 80% مننا م بيدرك الموضوع إلا بعد يحصل مرحلة متأخرة و في الحقيقة نحن بنكون مدركين بس بنعمل رايحين عشان الحقيقة مؤلمة و م بنقدر نتحملها.😢 و من ناحية تانية التعلق دا حاجة جمييييلة و ممكن نؤجر عليها عديل كدا... _ كيف يعني نؤجر عليه ؟؟ تعالو نعرف أنواع التعلق عشان تعرفوا كيف ممكن نؤجر عليه. _ هو بالله عنده أنواع؟!!🤔 أيوة عنده و أول نوع و أجمل و أهم نوع و دا واجب شرعاً و هو التعلق بالله و دا بكون بإنك تعتمد عليه اعتماد كاااامل و تعظمه و تحبه فوق كللل شي. و عكسه طوالي التعلق بغير الله و دا انك تتعلق بحاجة تانية اعتقادا منك انها حتنفعك بدون م تتوكل على ربنا زي مثلا انك تشرب دواء و تعتقد انه حيشفيك حتى لو م كنت معتقد انه ربنا هو الشافي و برضو تعليق التمائم ظناً منك انها حتحميك و دا و العياذ بالله من أنواع الشرك و حرررررام شرعاً و النبي صلَّ الله عليه و سلم قال:" من تعلق تميمة فقد أشرك". النوع التالت و دا التعلق العاطفي انك تحب زول او تخصص او هواية و بكون طبيعي يعني لو حصل و الحاجة دي بقت ماف تأثيره م بكون كبير يدوب تلحق تزعل و تتخطى على طول و دا حلال شرط انه الحب دا ما يتعدى حبك لربنا و ما يشغلك عن طاعته و النوع دا من ايجابياته انه بكون دافع لينا عشان نحقق أحلامنا.♥️ و داخل في النوع دا برضو موضوع الدواء الفوق داك شرط انك تكون مؤمن انو الدواء دا مجرد سبب في الشفاء و انو الشافي هو ربنا و كمان الشغل لمن تجي تشتغل تكون مؤمن انو الشغل مجرد سبب و الربنا هو الرازق. و عكسه تماماً النوع الرابع و دا الله يحميني و يحميكم منه ببدا بصورة طبيعيه و شوية شوية بزيد لدرجة انك بتلقى الحاجة الانت متعلق بيها دي بقت *محور كونك* و بتكون مهووس بيها و ما بتقدر تعيش بدونها و بتشوف ان الحياة ما ليها معنى بدونها و لو كان زول بتلقى نفسك حصلت نقطة كدا انت مخرب علاقاتك مع كل الناس و مركز مع زولك دا بس و بتكون و العياذ بالله مستعد تأذي نفسك و اللي حولك لو الزول دا سابك ولا حصلت ليه حاجة و في ناس و نسأل الله السلامة ببقو مرضى نفسيين و ممكن يخشو مصحة عقلية بسبب الحاجة دي و النوع دا حررام برضو و من اضراره ان الواحد بكون مضيع كل حياته و قاعد حارس زول واحد بس و نفسيته بتكون دايما بايظة و غالبا بيمر بمرحلة من الاكتئاب و هو بحاول يتخطى الزول دا . في مرة في زول قال لي:( نفسك دي زي الحفرة اللي حولينها سكاكين و زجاج ي تفضلي عالقة جوا ي تطلعي و انتِ كلك جروح و تدفعي الثمن غالي) بس انا هنا بشوف ان التعلق هو الحفرة دي ي فضلنا جوا ي دفعنا ثمن غااالي و طلعنا.💔 ابن القيم في مدارج السالكين قال:" التعلق بغير الله من أعظم أسباب الشقاء ، لأنه يورث إنكسار القلب و إنصرافه عن الله و انشغال النفس بما لا ينفع". بكدا نحن نكون عرفنا أنواع التعلق و عرفنا أي واحد مفروض نبعد منه و أي واحد مفروض نحافظ عليه و في البوست الجايي بإذن الله حنعرف كيف نحمي نفسنا من التعلق ولو لا قدر الله لقينا نفسنا في نص الحفرة نعرف كيف نطلع منها و نتخطاها بأقل أضرار ممكنة و السلام على قلوبكم حتى ذلك الحين.🤍 #دعاء #الدعم_النفسي #مبادرة_نحنا_معاك
كلنا الفترة دي محتارين وحاسين انو هموم الدنيا كلها فوق راسنا. كنا قايلين النتيجة حتكون نهاية لأصعب فترة مرت من حياتنا وخلاص حنرتاح... بس لقينا إننا دخلنا مرحلة تانية ، متاهة أكبر، ولقينا نفسنا قدام قرارات مصيرية (حأتخطى النتيجة كيف؟ حأخش ياتو تخصص؟طيب اقرا ف ياتو جامعة؟).... عارفة إنو كل واحد فينا الفترة دي محتاج نصيحة و يد تساعدنا و تخفف عننا و كمان توجهنا . عشان كدا ورشتنا الجاية حتكون بعنوان "الخطوة الأولى " الخطوة الأولى نحو طريق حنبني فيه مستقبلنا ، طريق مليان نجاح وتوفيق بإذن الله تعالى. أستاذنا الجليل (أستاذ الزبير بن كامل) حيكون معانا و ينصحنا و يوجهنا و حنطلع خفيفين ،واعيين أكتر وقادرين بإذن الله نتخذ قرار سليم 🌸♥️حيكون في قناة الدعم النفسي في التلي 🤍 https://t.me/+3dxYJb9XFAs5NzRk
في حاجات ما بنقدر نغيّرها، لكن بنقدر نختار كيف نتعامل معاها. لما نتقبل الألم بدل ما نقاومه، بنرتاح… ونمشي بخفة. ولما نختار نكون نفسنا، من غير خوف، بنذوق طعم الحرية الحقيقي. ما شرط تكون حياتك مثالية عشان تكون راضي، أحيانًا الرضا بيجي لمّا تحتضن الواقع وتكمل. قوتك ما في إنك ما تتألم، لكن في إنك ما توقف. حرّر قلبك، وتحرّر من جوّاك… وكل شيء حيتغيّر. #لمياء_مكي #الدعم_النفسي #مبادرة_نحن_معاك
تنبيه 💥💥💥 تم تغيير المواعيد من ٦ إلى ٦ ونصف نظراََ لموعد صلاة المغرب
ما تنسوا موعدنا اليوم مع ورشتنا الأكثر فعالية وإفادة بإذن الله تعالى😍🔥. https://t.me/+3dxYJb9XFAs5NzRk
كلنا بطبيعتنا بنحب نكون أحرار... لكن هل نحن مفهومنا للحرية صح؟! هل الحرية معناها أقول و أعمل اي حاجة بدون حدود ، و لا عندها مفهوم غير كده ؟! تعال نشوف يا عزيزي الحرية ببساطة هي إنك تمتلك قرار نفسك تقرر بنفسك من غير ضغط ، من غير خوف و كمان من غير تأثير الحولك لكن في نفس الوقت البتتخذ فيهو قرارك تكون واعي بمسؤوليتك عن أي تصرف تعمله يعني بإختصار كده إنت حر ، لاكين مسؤول! و ربنا سبحانه و تعالى قال : " و هَدَيْنَاهُ النَّجْديْن " يعني ربنا خيرنا بين طريقين واضحين " طريق الحق و طريق الباطل " و الجميل هنا إنه ربنا أدانا حرية الأختيار و ما أجبرنا بل خلانا نختار بي إرادتنا و بي دليل و برهان و خلى لينا كل الأدلة واضحة قدامنا بعد كده إنت اختار بس إتذكر إنك المسؤول من نتائج إختياراتك... و كمان لازم نتذكر إنو الحرية لازم تتوازن مع أخلاقنا و إحترامنا للناس و كمان مع إحترامنا للدين و ضوابط المجتمع فالحرية يا عزيزي مش بس حق الحرية كمان مسؤولية و لو كل واحد فينا عرف يتحكم في حريته بحكمة و أخلاق ح نعيش في مجتمع يحترمنا و يحترم أفكارنا و نحنا كمان ح نحب و نحترم مجتمعنا و دكتور عبد الرحمن ذاكر يقول : أن تكون عبداً لله ، هذا هو التحرر الحقيقي ،لأنك بذلك تتحرر من هواك و من عبودية الناس. ف يا عزيزي خليك حُر بس كمان خليك مسؤول #تيم_الدعم_النفسي #مبادرة_نحن_معاك
يوسف كان دايما اول واحد بيرد في القروب ، واكتر واحد بعمل لايكات، ويضحك في الاستوري ويتفاعل مع الناس ، كان عارف اخبار كل المشاهير ، وكل ليلة يقلب في الفيديوهات لحدي ما النوم يغلب التعب . بس جوا قلبه كان دايما حاسس بالوحدة ، ولا يوم جرب يسأل نفسه انا عامل شنو؟... وفي يوم بدون ما يخطط، طفى التلفون. الشبكة اختفت، والاشعارات سكتت في اللحظة دي حسّ بنفسو بيبكي. ما عشن فيديو مؤثر، لأ...عشن اخيراً سمع نفسو وصوته الجواهو بقول "كفاية، إنت تعبت" وقتها عرف انه محتاج يتنفس برا الشاشة، يتذكر شكل الأشياء بدون فلتر، ويسمع صوت الناس في الحقيقة مش من تسجيل . وسط كل الزحمة الرقمية، ما تنسى انك إنسان، عندك مشاعر وقلب وروح وحياة محتاج تعيشها بتفاصيلها. اختار متى تفصل ،متى تتواصل ومتى تقول كفاية. قوتك في وعيك، مش في كم اشعار وصلك . #لمياء_مكي #الدعم_النفسي #مبادرة_نحن_معاك