لو ما عايزين تقروا عشان نفسكم اقروا عشان اهلكم التعبانين عشانكم انجح عشان تمسح عرق أبوك انجح عشان تمسح دمعه امك شد حيلك وفرحهم💪🏻🤍 ما بستاهلو تتعب وتهلك نفسك عشانهم؟ ما بستاهلو تبكي وانت بتحاول وبتحاول عشان تضبط نفسك وتقرا؟ ما بستاهلو تساهر الليالي وجسمك يتكسر عشان خاطرهم ؟ تخيل يوم النتيجه ابوك بي شيبو من الفرحه يشيلك امك كل ما تتعرف على وحده تقول ليها بتي أو ولدي نجح سنه كامله لي قدام 🥹🤍 عشان كدا ما تخليهم يوطو رأسهم يوم النتيجه ما تخليهم يرجعوا الناس ويرجعوا معاهم تبريكاتهم لانك ما نجحت أو نسبتك ما حلوه حينكسروا كسره شديده عمركم ما حتتخيلوها💔💔 كل الصعوبات بتهون لو قريت ليهم قبل ما تقرأ لي نفسك كل ما تفتكر انو في ناس منتظرين نتيجتك واحتمال اكتر منك كمان اجتهدوا يخوانا يوم النتيجه حتنسوا كل التعب دا💗💗💗 وكل الناس في البدايه واجهتهم صعوبات ما انتو بس اي زول ناجح في البدايه كان فاشل اي زول نشيط في البدايه كان كسول البدايات اصلا كدا اضغطوا نفسكم عشان تلتزموا اضغطوا نفسكم عشان تنوموا بدري وتصحو بدري اضغطوا نفسكم عشان تقرو اضغطوا نفسكم لمصلحتكم ما تمشي نفسك على هواها لانو حتضيع وحتضيعك معاها وحتخليك من الغابرين واتذكروا بيت الشعر دا والله لو تعلق قلب امرئ بثريا لنالها💗 رددوها اول ما تصحوا من النوم وانتوا بتقروا وانتو بتتحسروا وانتو بتزعلوا وقبل تنوموا رددوها ليل نهار لحد ما ترسخ ليكم الفكره وما تنسو تطبقوها🤍 # الاءصلاح # مبادرة_نحنا_معاك # تيم_الدعم_النفسي