📌 التعامل مع الضغط الدراسي في رمضان أكيد الدراسة في رمضان ما سهلة، بس دا هنا مربط الفرس والفرق بين الزول المتفوق واللأ. السر بس إنك تخلي المذاكرة ذكية وخفيفة. ذاكر في الأوقات البتكون فيها نشيط، يعني بعد الفجر وبعد التراويح. ما ترهقوا نفسكم بالساعات الطويلة بدون راحة، ما بتستفيدوا شي، صدقوني، بل كدا حتملوا وتزهجوا. مخكم ما بحب الزنقة نهائي، عشان كدا استخدموا تقنية البومودورو الماعطنكم بيها دي، لأنها مفيدة وبتساعد في الإنتاجية وبتدي المخ فرصة يستوعب. واتذكروا تشربوا موية كويس وتاكلوا أكل صحي، ويا حبذا لو داومتوا على صلاة التراويح، هي بركة ورياضة في نفس الوقت وحتديكم نشاط. قال الرسول صلى الله عليه وسلم: "إن لنفسك عليك حقًا" (رواه البخاري). وقال الله سبحانه وتعالى: "لَا يُكَلِّفُ اللَّهُ نَفْسًا إِلَّا وُسْعَهَا" (سورة البقرة: 286). فإنت اجتهد، بس ما شديد كمان لدرجة تأذي نفسك، اعتدل وراجع جدولك، وخلي فيه مساحة للراحة. 🩶