*PESA ZINA AKILI, NA ZINA MACHO ZINAANGALIA UNACHOFANYA* Ulishawahi kujiuliza kwa nini pesa zinaelekea kwa watu fulani na kuwaepuka wengine? Au kwa nini mtu akizipata kwa wingi, zinaonekana kumpenda na kumiminika kwake zaidi? Hili si bahati nasibu—ni sheria ya kiroho na ya asili inayotawala pesa. Pesa ni nishati, zina akili, na zina macho. Zinaangalia unavyofikiria, unavyoongea, na unavyotenda. Zinafuata thamani na mfumo wa mawazo wa mtu. Kama mawazo yako ni ya upungufu, umasikini, na hofu ya pesa, basi pesa zitakukwepa kwa sababu zenyewe zinapenda mazingira salama ya ukuaji. *PESA ZINAPENDA MAHALI PENYE MPANGO* Pesa haziendi kwa mtu asiye na mpango. Ukiwa na mawazo ya “Nitapata hela tu, halafu nitaamua cha kufanya,” pesa hazitakufuata. Lakini ukiwa na wazo la wazi la jinsi utakavyozitumia kwa biashara, uwekezaji, maendeleo, na kusaidia wengine zinajisikia salama kuja kwako. Hivyo basi, badala ya kujiuliza “Nitapata wapi pesa?” jiulize “Ninaandaa mazingira gani ili pesa zijisikie salama kuja kwangu?” *PESA ZINAPENDA WANAOJITHAMINI* Umeona watu wanaojitambua, wanaojiamini, na wenye uthubutu wa kusimamia thamani yao? Pesa zinawafuata kwa sababu wanajua wanachostahili. Kama hujitambui au hujitathmini kwa thamani ya juu, utashangaa kwa nini pesa hazikufuati. Jifunze kuweka viwango vya juu katika maisha yako, kazi yako, na hata namna unavyojiheshimu. Pesa hazipendi kuwa sehemu ya maisha ya mtu asiyejielewa. *PESA ZINAPENDA HARAKATI, ZINAOGOPA UVIVU* Pesa haziwezi kuja kwa mtu aliyekaa tu akisubiri miujiza. Zinaingia mahali ambapo kuna harakati watu wanaofanya kazi, kubuni mawazo mapya, kutatua matatizo, na kutoa thamani. Ukiwa mtu wa kusubiri bahati, pesa zitakukimbia. Jiulize leo: Nina harakati gani zinazoweza kuzivutia pesa? Kama hakuna, basi unajua tatizo liko wapi. Pesa ni rafiki wa wale wanaojua kuziita kwa fikra sahihi, mipango thabiti, uthubutu, na bidii. Kama kweli unataka pesa zikuje kwako kwa wingi, acha kuzikimbiza kwa hofu badala yake, jenga mazingira yanayozifanya zikuamini. Na kama ulivyoulizwa mwanzo, mlango wako wa pesa uko wapi? Maana yake ni nini? Ni thamani gani unayotoa kwa dunia ili pesa zipite kupitia kwako? Wakati wa kufanya mabadiliko ni sasa. Pesa zinakutazama… Je, zitakutambua?... WhatsApp In-box 👇 https://wa.me/message/36OZ47M2H4RAA1 WhatsApp Channel OTHUMAN FACT Channel. ..https://whatsapp.com/channel/0029VaLtsI46buMBVNc8Q40s