*NINI KINATUFANYA TUWE BINADAMU?* Jua lilikuwa linazama huku upepo mwanana ukivuma taratibu. *Nilikuwa nimekaa kwenye benchi la bustani moja hivi la Manisipaa ya Geita, nikitafakari maisha.* Ghafla, nilimuona mzee mmoja mwenye ndevu nyeupe, akiwa amevaa shati jeupe lilikuwa limechakaa kidogo haikuwa ishu. Alikuwa amekaa pembeni yangu, akitazama watoto waliokuwa wakicheza mbali kidogo kutokea pale tulipokiwa sisi. Baada ya muda, niligeuka na kumsalimia. *“Shikamoo Mzee.”* Akajibu kwa sauti ya utulivu, *“Marahaba kijana. Unaonekana una mawazo kidogo.”* Nikacheka kidogo na kusema, _“Ni kweli, mzee wangu. Nafikiria baadhi ya vitu kuhusu maisha.”_ Akatingisha kichwa kisha akasema, *“Unajua, kijana wangu, maisha ni fumbo. Lakini kuna swali moja ambalo kila mtu anapaswa kujiuliza.”* Nikamuuliza, “Swali gani hilo, mzee wangu?” Akasema, *“NINI KINATUFANYA TUWE BINADAMU?”* Nilikaa kimya kwa sekunde chache, nikijaribu kutafakari jibu. Nikaamua kusema, “Pengine ni akili zetu, uwezo wa kufikiria na kubuni baadhi ya mambo mapya.” Mzee akatikisa kichwa kumaanisha, *“Hapana, wanyama pia wana akili zao. Ndege hujenga viota vya kushangaza, nyuki huunda mizinga kwa hesabu sahihi, na hata simba hujua kupanga mbinu za kuwinda.”* Nikajaribu tena, _“Pengine ni lugha, zetu maana sisi tunawasiliana kwa maneno na maandishi?”_ Mzee akatabasamu na kusema, *“Hata wanyama wana lugha zao. Mbwa hubweka kutuonya, nyani wanawasiliana kwa ishara, na nyangumi huwasiliana kwa sauti zao za kipekee."* Nikaanza kushindwa kupata jibu sahihi lipi, kisha nikamuuliza _, “Kwa hiyo, nini kinatufanya tuwe binadamu?”_ Mzee akavuta pumzi ndefu, kisha akasema, *“Ni uwezo wa KUJALI.”* Nikamtazama kwa mshangao, _“Unamaanisha nini?”_ Akasema kwa upole, *“Binadamu pekee ndiye anayejali hata asipokuwa na sababu ya moja kwa moja. Tunajali hata kuhusu watu tusiofahamu. Tunalia tukiona mateso ya wengine. Tunajitolea kusaidia pasipo kulazimishwa. Tunapenda, tunasamehe, na tunahangaika na mustakabali wa kizazi kijacho. Huu ndio Utu wetu.”* Nilikaa kimya nikitafakari maneno yake. Akaniangalia na kusema, _“Kijana, usiwe na haraka ya maisha. Usisahau kujali, kupenda, na kusaidia wengine. Hapo ndipo utakapogundua maana halisi ya kuwa binadamu.”_ Alisimama, akapiga hatua chache, kisha akageuka na kuniambia, *“Usisahau, kijana. Ubinadamu siyo kazi, ni wito.”* Alipotokomea, nilihisi kama vile nimepokea somo kubwa maishani mwangu Kwa kwenda tu maeneo yale. *Kinachotufanya kuwa binadamu siyo akili, siyo lugha, siyo teknolojia, bali ni uwezo wetu wa kujali wengine hata kama hatunufaiki nao moja kwa moja.* WhatsApp In-box 👇 https://wa.me/message/36OZ47M2H4RAA1 WhatsApp Channel OTHUMAN FACT Channel. ..https://whatsapp.com/channel/0029VaLtsI46buMBVNc8Q40s