*✿ Isteqbaal E Ramazaan ✿* *✿ Post 01 ✿* *✿●• Ramazaan Ul Mubaarak Ya'ni Nekiyon Ka Mausam Aane Waala Hai, Dunya Me Ham Dekhte Hain Ke Jab Bhi Kahin Mela Ya Sale Lagta Hai To Log Toot Padte Hain, Kyun Ke Is Ke Do Faaide Hain:* 01. *Baghair Kisi Mashaqqat Ke Aasaani Se Cheezen Mil Jaati Hain.* 02. *Matlooba Cheez Kam Qeemat Aur Saste Daam Par Dastiyaab Ho Jaati Hai.* *✿●• Bilkul Yahi Haal Ramazaan Ul Mubaarak Ka Hai Ke Melon Aur Sale Me Jismaani Khuraak Kam Kharch Par Milti Hai, Aur Ramazaan Ul Mubaarak Me Roohaani Khuraak Kam Mashaqqat Me Zyaada Sawaab Ke Saath Mayassar Hoti Hai, Goya ALLAH Ta'ala Ki Taraf Se Sale Laga Hai Ke Chalo Nekiyon Ko Loot Kar Le Jaao. Ye Kaisa Raheem, Kareem Aur Maherbaan Parwardigaar Hai Jo Hamaara Itna Khayaal Kar Raha Hai Ke Ham Saal Bhar Ki Kasar, Kotaahi Ghaflat Aur Nuqsaan Ki Talaafi Kar Sakte Hain, Hamen Astaghfaar Ka Mauqa Faraaham Hai, Goya ALLAH Ta'ala Chaahta Hai Ke Mera Bandah Har Tarah Se Mu'aafi Ka Ahl Ho, ALLAH Ki Rahmat Bahaana Talaash Karti Hai.* *Jaari...* > *📕 Ramazaan Ka Isteqbaal Kaise Karen? (Maulana Ghulaam Muhammad Wastaanvi Sahab)*