*Jaisa Ramazaan Waisa Poora Saal* Hazrat Sheikh Sarhindi Mujaddid Alf Saani Rahimahullah Raqamtaraz Hain: "Mah-e-Ramazaan-ul-Mubarak Tamam Khairat Aur Barakat Ka Jami' Hai... Aur Shab-e-Qadr Jo Isi Mah-e-Ramazaan Ka Khulasa Aur Lubb Lubab Hai (Woh Raat Goyaa) Iska Maghaz Hai Aur Yeh Mahina Iske Post Ki Maanind Hai, Phir Jo Shakhs Is Mahine Ko Jami'at (Yani Tamam Ko Husn Aur Khubee Ke Saath) Guzarega Woh Iski Khair Aur Barakat Se Malamaal Hoga Aur (Insha'Allah) Tamam Saal Jami'at (Wa Itminan) Se Guzarega Aur Khair Aur Barakat Ke Saath Bahreh War Hota Rahega." (Maktoobaat-e-Mujaddid Alf Saani, Daftar Awwal, Maktoob Number 162, Ma'a Tarjumah Maulana Zawar Hussain Shah Rahimahullah: 1/358, Zawar Academy Publications, Karachi)