#अजातशत्रू "अजातशत्रू" ही सुमेध यांनी लिहिलेली ऐतिहासिक कादंबरी बुद्धकालीन मगध सम्राट अजातशत्रूच्या आयुष्याभोवती फिरते. बिंबिसाराच्या हत्येपासून ते मगधच्या सत्तासंघर्षापर्यंतच्या घटनांचे थरारक चित्रण लेखकाने केले आहे. पुस्तक वाचताना प्रत्येक प्रसंग अत्यंत उत्कंठावर्धक वाटतो. लेखनशैलीमुळे कथा एखाद्या वेबसीरिजच्या पटकथेसारखी वाटते. ऐतिहासिक घटनांवर आधारित असूनही, त्यात नाट्यमयता आणि कल्पनारम्य शैलीचा प्रभाव जाणवतो. वाचकांना कथा एका वेगळ्या दुनियेत घेऊन जाते. ती Game of Thrones च्या चाहत्यांना आवडेल. "अजातशत्रू" ही ऐतिहासिक कथा वाचायला आवडणाऱ्या वाचकांसाठी एक उत्तम पर्याय आहे. ती प्राचीन भारतातील सत्तासंघर्ष आणि कौटुंबिक राजकारण यांची रोचक सफर घडवते.