İşdən çıxanın ardınca dedi-qodu, bu niyə baş verir?.. Bir iş yoldaşı gedir və işdə sükut yaranır… Amma çox keçmir ki, pıçıldaşmalar başlayır: 🔹 “Əslində o qədər də yaxşı işçi deyildi…” 🔹 “Görəsən haraya getdi? Yəqin uzun müddət iş tapa bilməyəcək.” İnsanların bir yerdən ayrılması təbiidir. İş dəyişmək də, daha yaxşı imkanlar axtarmaq da, hətta səhv edib işdən çıxarılmaq da həyatın bir parçasıdır. Amma niyə biz bir insanın gedişindən sonra onu müzakirə etməyə başlayırıq? Bu, sadəcə bir vərdişdir, yoxsa başqa səbəblər var? ➡️ Qəbul edə bilməmək – Xüsusilə sevdiyimiz və ya çox öyrəşdiyimiz biri gedəndə içimizdə bir boşluq qalır. Bu boşluğu dedi-qodu ilə doldurmağa çalışırıq. ➡️ Ədalətsizlik hissi – Bəzən gedən insanın haqsızlığa məruz qaldığını düşünürük, bəzən də əksinə, onun haqsız bir üstünlük qazandığını. ➡️ Özümüzü daha yaxşı hiss etmək – “O uğursuz oldu” deyəndə sanki özümüz daha güclü görünürük. Amma unutmayaq ki, hər kəsin öz yolu var. Bugün burada vidalaşan birisi sabah başqa bir yerdə çiçəklənə bilər. Bəlkə də illər sonra sizin üçün iş təklifi edən birisi olacaq. İş yerindən ayrılan biri haqqında nə danışdığımız, əslində bizim kim olduğumuzu göstərir. İnsanları yaxşı sözlərlə yola salaq. Çünki gedənlər arxamızda deyil, həyatın başqa bir səhifəsindədirlər.