ایک دن میں نیکر پہن کر سپارہ پڑھنے مسجد چلا گیا ۔ مولوی صاحب غصے میں آ گئے بولے تم مسجد میں نیکر پہن کر کیوں آۓ هو ؟ ایسا کرو گے تو جہنم میں جاؤ گے ۔۔۔ میں نے گھر آ کر ماں جی کو بتایا تو ماں بولی پتر مولوی صاحب غصے میں ھوں گے جو انہوں نے ایسا کہہ دیا ورنہ تو بیٹا جہنم میں جانے کے لئے بڑی محنت کی ضرورت ھوتی ھے ، پتر جہنم حاصل کرنے کے لئے بڑا پتھر دل ھونا پڑتا ھے ، پتر جہنم لینے کے لئے دوسروں کا حق مارنا پڑتا ھے ، اس کے لئے قاتل بننا پڑتا ھے ، فساد پھیلانا پڑتا ھے ، مخلوق خدا کو اذیت دینی پڑتی ھے ، نہتے انسانوں پر آگ اور بارود کی بارش کرنا پڑتی ھے ، شیطان کا پیرو کار بن کر محبت سے نفرت اور نفرت محبت کرنا پڑتی ھے ، پتر اس کے لئے قزاق بننا پڑتا ھے ، پتر اس کے لئے ماؤں کی زندگیاں گم کرنے کے لئے خرکار بننا پڑتا ھے ، خالق اور رحمت اللعآلمین سے تعلق توڑنا پڑتا ھے ،،، تب کہیں جا کر یہ جہنم ملتی ھے ۔ پتر تٌو تو اتنا کاہل ھے پانی بھی خود نہیں پیتا ، تجھ سے یہ محنت کیوں کر هو سکے گی تٌو تو چڑیا کی موت پر ہفتوں روتا رھتا ھے تُو اتنا پتھر دل کیسے بن سکتا ھے؟ ..................... طارق بلوچ صحرائی کی کتاب " گونگے کا خواب " سے اِقتباس