امارت اسلامیہ افغانستان کے وزیر صنعت و تجارت نورالدین عزیزی نے اپنے حالیہ دورہ ازبکستان کے بعد کہا کہ تجارت کو وسعت دینے کے لیے چار بڑے شہروں میں مشترکہ تجارتی مراکز قائم کرنے کا معاہدہ طے پا گیا ہے۔ ان تجارتی مراکز سے افغان اور ازبک تاجروں کی سرگرمیاں آسان ہوں گی، برآمدات اور درآمدات میں اضافہ ہوگا اور سرمایہ کاروں کو بہتر مواقع فراہم ہوں گے۔ ازبک فریق نے ان مراکز کی تعمیر کے لیے ضروری سہولیات فراہم کرنے کا وعدہ کیا ہے۔