Ausaf Arham ✍🏻 https://whatsapp.com/channel/0029Vb0FeaJJJhzP3joTGh0s ✍🏻 #آب_حیات #از_عمیرہ_احمد #آپ_کے_لیے #قسط_نمبر_11 ﺍﺱ ﻧﮯ ﺳﺎﻻﺭ ﮐﺎ ﺑﺎﺯﻭ ﺍﭘﻨﮯ ﮔﺮﺩ ﺣﻤﺎﺋﻞ ﮨﻮﺗﮯ ﮨﻮﺋﮯ ﻣﺤﺴﻮﺱ ﮐﯿﺎ۔ ﻭﮦ ﺍﺏ ﺍﺱ ﮐﯽ ﭘﯿﺸﺎﻧﯽ ﭼﻮﻣﺘﮯ ﮨﻮﺋﮯ ﮐﮩﮧ ﺭﮨﺎ ﺗﮭﺎ۔ ” ﮔﮉ ﻧﺎﺋﭧ۔ ” ﯾﮧ ﺍﺳﮯ ﺳﻼﻧﮯ ﮐﯽ ﺍﯾﮏ ﺍﻭﺭ ﮐﻮﺷﺶ ﺗﮭﯽ۔ ﻭﮦ ﭼﻨﺪ ﻟﻤﺤﮯ ﺧﺎﻣﻮﺵ ﺭﮨﯽ ﭘﮭﺮ ﺍﺱ ﻧﮯ ﮐﭽﮫ ﺑﮯ ﭼﯿﻦ ﮨﻮ ﮐﺮ ﮐﮩﺎ۔ ” ﺳﺎﻻﺭ ”! ﺳﺎﻻﺭ ﻧﮯ ﺑﮯ ﺍﺧﺘﯿﺎﺭ ﮔﮩﺮﺍ ﺳﺎﻧﺲ ﻟﯿﺎ ﺍﻭﺭ ﺁﻧﮑﮭﯿﮟ ﮐﮭﻮﻝ ﺩﯾﮟ۔ ” ﺗﻤﮩﯿﮟ ﮐﯿﺎ ﮨﻮﺍ ﮨﮯ … ؟ ” ” ﮐﭽﮫ ﻧﮩﯿﮟ۔ ” ﺟﮭﻮﭦ ” ﺿﺮﻭﺭﯼ ” ﺗﮭﺎ، ﻟﯿﮑﻦ ﺳﭻ ﺑﮯ ﺣﺪ ” ﻣﻀﺮ ” ﺗﮭﺎ۔ ” ﺗﻢ ﻣﯿﺮﮮ ﺳﺎﺗﮫ ﺍﺗﻨﮯ ﺭﻭﮈ ﮨﻮﺋﮯ۔ ” ﺍﺱ ﻧﮯ ﺑﺎﻵﺧﺮ ﺷﮑﺎﯾﺖ ﮐﯽ۔ ” ﺁﻓﺲ ﮐﮯ ﮐﺴﯽ ﭘﺮﺍﺑﻠﻢ ﮐﯽ ﻭﺟﮧ ﺳﮯ ﻣﯿﮟ ﮐﭽﮫ ﺍﭖ ﺳﯿﭧ ﺗﮭﺎ ﺷﺎﯾﺪ ﺍﺱ ﻟﯿﮯ ﺭﻭﮈ ﮨﻮ ﮔﯿﺎ۔ ” ﺍﺱ ﻧﮯ ﻣﻌﺬﺭﺕ ﮐﯽ، ﻭﮦ ﺍﺱ ﮐﮯ ﺑﺎﻟﻮﮞ ﻣﯿﮟ ﺍﻧﮕﻠﯿﺎﮞ ﭘﮭﯿﺮ ﺭﮨﺎ ﺗﮭﺎ۔ ” ﮐﯿﺴﺎ ﭘﺮﺍﺑﻠﻢ؟ ” ” ﮨﻮﺗﮯ ﺭﮨﺘﮯ ﮨﯿﮟ ﺍﻣﺎﻣﮧ … you just don’t worry ﺍﮔﺮ ﺁﺋﻨﺪﮦ ﮐﺒﮭﯽ ﺑﮭﯽ ﻣﯿﺮﺍ ﺍﯾﺴﺎ ﻣﻮﮈ ﮨﻮ ﺗﻮ ﺗﻢ ﭘﺮﯾﺸﺎﻥ ﻣﺖ ﮨﻮﻧﺎ، ﻧﮧ ﮨﯽ ﻣﺠﮫ ﺳﮯ ﺯﯾﺎﺩﮦ ﺳﻮﺍﻝ ﮐﺮﻧﺎ۔ ﻣﯿﮟ ﺧﻮﺩ ﮨﯽ ﭨﮭﯿﮏ ﮨﻮ ﺟﺎﺅﮞ ﮔﺎ۔ ” ﺍﻣﺎﻣﮧ ﮐﯽ ﺳﻤﺠﮫ ﻣﯿﮟ ﺍﺱ ﮐﯽ ﺗﻮﺟﯿﮩﮧ ﻧﮩﯿﮟ ﺁﺋﯽ ﺗﮭﯽ ﻟﯿﮑﻦ ﻭﮦ ﭘﺮﺳﮑﻮﻥ ﮨﻮ ﮔﺌﯽ ﺗﮭﯽ۔ ” ﻣﯿﮟ ﺍﺱ ﻟﯿﮯ ﭘﺮﯾﺸﺎﻥ ﮨﻮ ﺭﮨﯽ ﺗﮭﯽ، ﮐﯿﻮﻧﮑﮧ ﻣﺠﮭﮯ ﻟﮕﺎ ﮐﮧ ﺷﺎﯾﺪ ﺗﻤﮩﯿﮟ ﻣﯿﺮﯼ ﮐﻮﺋﯽ ﺑﺎﺕ ﺑﺮﯼ ﻟﮕﯽ ﮨﮯ۔ ﻣﯿﮟ ﻧﮯ ﺑﯿﻨﮑﺮﺯ ﮐﻮ ﺑﺮﺍ ﮐﮩﺎ ﺗﮭﺎ ﻧﺎ ﺍﺱ ﻟﯿﮯ۔ ” ” ﺗﻤﮩﯿﮟ ﺗﻮ ﺳﺎﺕ ﺧﻮﻥ ﻣﻌﺎﻑ ﮐﺮ ﺳﮑﺘﺎ ﮨﻮﮞ ﻣﯿﮟ، ﯾﮧ ﺗﻮ ﮐﻮﺋﯽ ﺑﺎﺕ ﮨﯽ ﻧﮩﯿﮟ۔ ” ﺍﺱ ﻧﮯ ﺍﯾﮏ ﺑﺎﺭ ﭘﮭﺮ ﮔﮩﺮﺍ ﺳﺎﻧﺲ ﻟﯿﺘﮯ ﮨﻮﺋﮯ ﮐﮩﺎ۔ ” ﺗﻢ ﭨﮭﯿﮏ ﮐﮩﺘﮯ ﮨﻮ، ﮈﺍﮐﭩﺮﺯ ﻣﯿﮟ ﺑﮭﯽ ﺑﮩﺖ ﺳﯽ ﺑﺮﺍﺋﯿﺎﮞ ﮨﻮﺗﯽ ﮨﯿﮟ ﻟﯿﮑﻦ ﻣﺠﮭﮯ ﺑﺲ ﺍﭼﮭﮯ ﻟﮕﺘﮯ ﮨﯿﮟ ﻭﮦ … ﺑﺲ ﻣﺤﺒﺖ ﮨﮯ ﻣﺠﮭﮯ ﮈﺍﮐﭩﺮﺯ ﺳﮯ … ﻣﯿﮟ ﺑﮭﯽ ﺍﻥ ﮐﯽ ﺳﺎﺭﯼ ﺧﺎﻣﯿﺎﮞ ﺍﮔﻨﻮﺭ ﮐﺮ ﺳﮑﺘﯽ ﮨﻮﮞ۔ ” ﺳﺎﻻﺭ ﮐﯽ ﺁﻧﮑﮭﻮﮞ ﻣﯿﮟ ﻧﯿﻨﺪ ﯾﮏ ﺩﻡ ﻏﺎﺋﺐ ﮨﻮ ﮔﺌﯽ۔ ﻭﮦ ﮐﺴﯽ ﺍﻭﺭ ﺣﻮﺍﻟﮯ ﺳﮯ ﻭﺿﺎﺣﺖ ﺩﮮ ﺭﮨﯽ ﺗﮭﯽ، ﺍﺱ ﻧﮯ ﺍﺳﮯ ﮐﺴﯽ ﺍﻭﺭ ﭘﯿﺮﺍﺋﮯ ﻣﯿﮟ ﻟﯿﺎ۔ ” ﺗﻤﮩﯿﮟ ﻭﺍﻗﻌﯽ ﮈﺍﮐﭩﺮﺯ ﺳﮯ ﻧﻔﺮﺕ ﮨﮯ؟ ” ﻭﮦ ﺍﺏ ﯾﻘﯿﻨﯽ ﮐﮯ ﺳﺎﺗﮫ ﭘﻮﭼﮫ ﺭﮨﯽ ﺗﮭﯽ۔ ” ﺟﻮ ﭼﯿﺰ ﺗﻤﮩﯿﮟ ﭘﺴﻨﺪ ﮨﻮ، ﻣﯿﮟ ﺍﺱ ﺳﮯ ﻧﻔﺮﺕ ﮐﺮ ﺳﮑﺘﺎ ﮨﻮﮞ … ؟ ﻣﺬﺍﻕ ﮐﺮ ﺭﮨﺎ ﺗﮭﺎ ﻣﯿﮟ۔ ” ﺍﻣﺎﻣﮧ ﮐﮯ ﮨﻮﻧﭩﻮﮞ ﭘﺮ ﻣﻄﻤﺌﻦ ﻣﺴﮑﺮﺍﮨﭧ ﺁﺋﯽ۔ ﺍﺱ ﻧﮯ ﺑﮭﯽ ﺳﺎﻻﺭ ﮐﮯ ﮔﺮﺩ ﺍﭘﻨﺎ ﺑﺎﺯﻭ ﺣﻤﺎﺋﻞ ﮐﺮﺗﮯ ﮨﻮﺋﮯ ﮐﮩﺎ۔ ” ﺍﺏ ﻣﺠﮭﮯ ﻧﯿﻨﺪ ﺁﺭﮨﯽ ﮨﮯ، ﺗﻢ ﺑﮭﯽ ﺳﻮ ﺟﺎﺅ۔ ” ﺍﺱ ﻧﮯ ﺁﻧﮑﮭﯿﮟ ﺑﻨﺪ ﮐﺮ ﻟﯿﮟ۔ ﻭﮦ ﺍﺱ ﮐﮯ ﺑﺎﻟﻮﮞ ﻣﯿﮟ ﺍﻧﮕﻠﯿﺎﮞ ﭘﮭﯿﺮﺗﺎ ﺭﮨﺎ۔ ﻣﺤﺒﻮﺏ ﮐﯽ ﺩﻭ ﺧﺼﻮﺻﯿﺎﺕ ﯾﻮﻧﯿﻮﺭﺳﻞ ﮨﻮﺗﯽ ﮨﯿﮟ۔ ﻭﮦ ﺑﮯ ﻧﯿﺎﺯ ﮨﻮﺗﺎ ﮨﮯ … ﺍﻭﺭ … ﺍﻭﺭ ﺍﭘﻨﯽ ﺑﮯ ﻧﯿﺎﺯﯼ ﺳﮯ ﺑﮯ ﺧﺒﺮ ﺑﮭﯽ … ﺍﻭﺭ ﯾﮧ ﺩﻭﻧﻮﮞ ﺧﺼﻮﺻﯿﺎﺕ ﺍﺱ ﮐﮯ ﻣﺤﺒﻮﺏ ﻣﯿﮟ ﺑﮭﯽ ﺗﮭﯿﮟ۔ ﺟﻼﻝ ﺍﻟﻨﺼﺮ ﺳﮯ ﺍﺳﮯ ﺍﯾﮏ ﺑﺎﺭ ﭘﮭﺮ ﺷﺪﯾﺪ ﻗﺴﻢ ﮐﺎ ﺣﺴﺪ ﻣﺤﺴﻮﺱ ﮨﻮﺍ۔ ﻟﯿﮑﻦ ﺭﺷﮏ ﺍﺳﮯ ﺍﭘﻨﮯ ﺁﭖ ﭘﺮ ﺁﯾﺎ ﮐﮧ ﻭﮦ ﺍﺱ ﮐﮯ ” ﭘﺎﺱ ” ﺗﮭﯽ۔ ﺍﻭﺭ ﺍﺱ ﮐﯽ ﺗﮭﯽ۔ ٭٭٭٭ ” ﺻﺎﺣﺐ ﻧﮯ ﻧﯿﻮﺯ ﭘﯿﭙﺮﺯ ﮐﺎ ﮐﮩﺎ ﺗﮭﺎ ﮐﮧ ﺁﭖ ﺳﮯ ﭘﻮﭼﮫ ﻟﻮﮞ ﺍﻭﺭ ﯾﮧ ﻣﯿﮕﺰﯾﻦ ﮨﯿﮟ، ﺍﻥ ﻣﯿﮟ ﺳﮯ ﺟﻮ ﭘﺴﻨﺪ ﮨﯿﮟ، ﺑﺘﺎ ﺩﯾﮟ، ﻣﯿﮟ ﻟﮯ ﺁﯾﺎ ﮐﺮﻭﮞ ﮔﺎ۔ ” ﻧﯿﻮﺯ ﮨﺎﮐﺮ ﻧﮯ ﺍﺳﮯ ﺍﯾﮏ ﮐﺎﻏﺬ ﺗﮭﻤﺎﺗﮯ ﮨﻮﺋﮯ ﮐﮩﺎ۔ ﺟﺲ ﭘﺮ ﺍﺧﺒﺎﺭﺍﺕ ﺍﻭﺭ ﻣﯿﮕﺰﯾﻨﺰ ﮐﯽ ﺍﯾﮏ ﻟﺴﭧ ﺗﮭﯽ۔ ﻭﮦ ﻧﯿﻨﺪ ﻣﯿﮟ ﺑﯿﻞ ﺑﺠﻨﮯ ﮐﯽ ﺁﻭﺍﺯ ﭘﺮ ﺍﭨﮫ ﮐﺮ ﺁﺋﯽ ﺗﮭﯽ۔ ﮐﭽﮫ ﺩﯾﺮ ﺗﮏ ﺗﻮ ﺳﻤﺠﮫ ﮨﯽ ﻧﮩﯿﮟ ﭘﺎﺋﯽ ﮐﮧ ﻭﮦ ﮐﯿﺎ ﮐﮩﮧ ﺭﮨﺎ ﮨﮯ۔ ﺳﺎﻻﺭ ﮐﮯ ﮔﮭﺮ ﺍﺱ ﻧﮯ ﺻﺮﻑ ﺍﺗﻮﺍﺭ ﮐﻮ ﺍﺧﺒﺎﺭ ﺩﯾﮑﮭﺎ ﺗﮭﺎ، ﻭﮦ ﺑﮭﯽ ﺳﺎﻻﺭ ﻧﮯ ﮨﺎﮐﺮ ﺳﮯ ﺧﻮﺩ ﻟﯿﺎ ﺗﮭﺎ۔ ﻭﮦ ﺧﻮﺩ ﺁﻓﺲ ﻣﯿﮟ ﮨﯽ ﺍﺧﺒﺎﺭ ﺩﯾﮑﮭﺘﺎ ﺗﮭﺎ۔ ﺍﺏ ﻭﮦ ﯾﻘﯿﻨﺎ ﺍﺱ ﮐﯽ ﻭﺟﮧ ﺳﮯ ﺍﺧﺒﺎﺭ ﻟﮕﻮﺍ ﺭﮨﺎ ﺗﮭﺎ ۔ ﺍﯾﮏ ﻧﻈﺮ ﺍﺱ ﻟﺴﭧ ﭘﺮ ﮈﺍﻝ ﮐﺮ ﺍﺱ ﻧﮯ ﮨﺎﮐﺮ ﮐﻮ ﺍﯾﮏ ﺍﺧﺒﺎﺭ ﺍﻭﺭ ﺍﯾﮏ ﻣﯿﮕﺰﯾﻦ ﮐﺎ ﺑﺘﺎﯾﺎ۔ ﻭﮦ ﺍﺧﺒﺎﺭ ﺍﺳﮯ ﺗﮭﻤﺎ ﮐﺮ ﭼﻼ ﮔﯿﺎ۔ ﻭﮦ ﺟﻤﺎﺋﯿﺎﮞ ﻟﯿﺘﮯ ﮨﻮﺋﮯ ﺍﺧﺒﺎﺭ ﺍﻧﺪﺭ ﻻﺋﯽ ﺍﻭﺭ ﺭﮐﮫ ﺩﯾﺎ۔ ﺩﺱ ﺑﺠﻨﮯ ﻭﺍﻟﮯ ﺗﮭﮯ، ﮐﮭﮍﮐﯽ ﺳﮯ ﺑﺎﮨﺮ ﺩﮬﻨﺪ ﭼﮭﭧ ﺭﮨﯽ ﺗﮭﯽ ﻟﯿﮑﻦ ﺍﺑﮭﯽ ﺑﮭﯽ ﮐﭽﮫ ﺗﮭﯽ۔ ﺟﺘﻨﯽ ﺩﯾﺮ ﻣﯿﮟ ﻣﻼﺯﻣﮧ ﺁﺋﯽ، ﻭﮦ ﺍﺧﺒﺎﺭ ﺩﯾﮑﮫ ﭼﮑﯽ ﺗﮭﯽ۔ ﻣﻼﺯﻣﮧ ﺁﺝ ﺍﮐﯿﻠﯽ ﻧﮩﯿﮟ ﺗﮭﯽ ﺍﺱ ﮐﮯ ﺳﺎﺗﮫ ﻣﺎﻟﯽ ﺑﮭﯽ ﺗﮭﺎ۔ ﻭﮦ ﻓﺮﻗﺎﻥ ﮐﮯ ﭘﻮﺩﮮ ﺩﯾﮑﮭﻨﮯ ﺁﯾﺎ ﺗﮭﺎ۔ ﻭﮦ ﺳﺎﻻﺭ ﮐﮯ ﭘﻮﺩﮮ ﺍﺗﻮﺍﺭ ﮐﮯ ﺩﻥ ﺩﯾﮑﮭﻨﮯ ﺁﺗﺎ ﺗﮭﺎ ﯾﺎ ﭘﮭﺮ ﻧﻮﺷﯿﻦ ﺧﻮﺩ ﺍﺱ ﮐﮯ ﺳﺎﺗﮫ ﻭﮨﺎﮞ ﺁﺗﯽ ﺗﮭﯽ۔ ﺳﺎﻻﺭ ﮐﮯ ﺍﭘﺎﺭﭨﻤﻨﭧ ﮐﯽ ﺍﯾﮏ ﭼﺎﺑﯽ ﺍﻥ ﮐﮯ ﭘﺎﺱ ﺑﮭﯽ ﺗﮭﯽ۔ ﺁﺝ ﻧﻮﺷﯿﻦ ﻧﮯ ﯾﮩﺎﮞ ﺍﻣﺎﻣﮧ ﮐﯽ ﻣﻮﺟﻮﺩﮔﯽ ﮐﯽ ﻭﺟﮧ ﺳﮯ ﺍﺳﮯ ﺑﮭﯿﺞ ﺩﯾﺎ ﺗﮭﺎ۔ ﻭﮦ ﺍﺱ ﮐﮯ ﭨﯿﺮﺱ ﭘﺮ ﺟﺎﻧﮯ ﮐﮯ ﮐﭽﮫ ﺩﯾﺮ ﮐﮯ ﺑﻌﺪ ﺧﻮﺩ ﮨﯽ ﺑﺎﮨﺮ ﻧﮑﻞ ﺁﺋﯽ۔ ﻣﺎﻟﯽ ﮐﮯ ﭘﺎﺱ ﮐﮭﮍﮮ ﺧﺎﻣﻮﺷﯽ ﺳﮯ ﺍﺳﮯ ﺩﯾﮑﮭﺘﮯ ﺭﮨﻨﮯ ﮐﮯ ﺩﻭﺭﺍﻥ ﺍﺳﮯ ﺍﺣﺴﺎﺱ ﮨﻮﺍ ﮐﮧ ﺍﺳﮯ ﮐﺴﯽ ﻗﺴﻢ ﮐﯽ ﮨﺪﺍﯾﺎﺕ ﮐﯽ ﺿﺮﻭﺭﺕ ﻧﮩﯿﮟ ﮨﮯ۔ ﻭﮦ ﻣﺎﮨﺮﺍﻧﮧ ﺍﻧﺪﺍﺯ ﻣﯿﮟ ﺍﭘﻨﺎ ﮐﺎﻡ ﮐﺮ ﺭﮨﺎ ﺗﮭﺎ، ﻭﮦ ﻭﺍﭘﺲ ﺍﻧﺪﺭ ﺁﮔﺌﯽ۔ ﻣﻼﻣﮧ ﻧﮯ ﺑﮍﮮ ﭘﺮ ﺟﻮﺵ ﺍﻧﺪﺍﺯ ﻣﯿﮟ ﮐﭽﻦ ﻣﯿﮟ ﺭﮐﮭﮯ ﮨﻮﺋﮯ ﺑﺮﺗﻨﻮﮞ ﮐﻮ ﻧﻮﭨﺲ ﮐﺮﻧﮯ ﮐﮯ ﺑﻌﺪ ﺗﻌﺮﯾﻒ ﮐﯽ۔ ﺍﻣﺎﻣﮧ ﺑﮯ ﺍﺧﺘﯿﺎﺭ ﺧﻮﺵ ﮨﻮﺋﯽ۔ ” ﺑﺎﺟﯽ ! ﺍﺏ ﯾﮧ ﮔﮭﺮ، ﮔﮭﺮ ﻟﮓ ﺭﮨﺎ ﮨﮯ۔ ” ﺍﺱ ﻧﮯ ﺍﻣﺎﻣﮧ ﺳﮯ ﮐﮩﺎ۔ ﻭﮦ ﺳﺎﻻﺭ ﮐﯽ ﺍﺳﭩﮉﯼ ﮐﻮ ﻭﯾﮑﯿﻮﻡ ﮐﺮ ﺭﮨﯽ ﺗﮭﯽ۔ ﺍﻣﺎﻣﮧ ﻣﺴﮑﺮﺍﺗﯽ ﮨﻮﺋﯽ ﺳﺎﻻﺭ ﮐﯽ ﺍﺳﭩﮉﯼ ﭨﯿﺒﻞ ﭘﺮ ﭘﮍﯼ ﮈﺳﭧ ﺻﺎﻑ ﮐﺮﻧﮯ ﻟﮕﯽ۔ ﺑﺎﺟﯽ ! ﻣﯿﮟ ﮐﺮﺗﯽ ﮨﻮﮞ، ﺁﭖ ﺭﮨﻨﮯ ﺩﻭ۔ ” ﻣﻼﺯﻣﮧ ﻧﮯ ﺍﺳﮯ ﺭﻭﮐﺎ۔ ” ﻧﮩﯿﮟ، ﺗﻢ ﺑﺎﻗﯽ ﺳﺐ ﮐﺮ ﻟﯿﻨﺎ ﻣﯿﮟ ﺍﺑﮭﯽ ﻓﺎﺭﻍ ﮨﻮﮞ، ﺍﺱ ﻟﯿﮯ ﮐﺮ ﺭﮨﯽ ﮨﻮﮞ۔ ” ﻭﮦ ﺍﺱ ﺳﮯ ﯾﮧ ﻧﮩﯿﮟ ﮐﮩﮧ ﺳﮑﯽ ﮐﮧ ﻭﮦ ﻧﮩﯿﮟ ﭼﺎﮨﺘﯽ ﮐﮧ ﺳﺎﻻﺭ ﮐﺎ ﮐﻮﺋﯽ ﮐﺎﻏﺬ ﺍِﺩﮬﺮ ﺍُﺩﮬﺮ ﮨﻮ ﺟﺎﺋﮯ ﻟﯿﮑﻦ ﯾﮧ ﺳﻮﭼﺘﮯ ﮨﻮﺋﮯ ﻭﮦ ﯾﮧ ﺑﮭﻮﻝ ﮔﺌﯽ ﺗﮭﯽ ﮐﮧ ﺍﺱ ﮔﮭﺮ ﻣﯿﮟ ﺍﺱ ﺍﺳﭩﮉﯼ ﭨﯿﺒﻞ ﮐﻮ ﺍﺗﻨﮯ ﻋﺮﺻﮯ ﺳﮯ ﻭﮦ ﻣﻼﺯﻣﮧ ﮨﯽ ﺻﺎﻑ ﮐﺮ ﺭﮨﯽ ﮨﮯ۔ ﻣﯿﻞ ﭨﺮﮮ ﺩﻋﻮﺗﯽ ﮐﺎﺭﮈﺯ ﮐﮯ ﺑﻨﺪ ﺍﻭﺭ ﮐﮭﻠﮯ ﻟﻔﺎﻓﻮﮞ ﺳﮯ ﺗﻘﺮﯾﺒﺎً ﺑﮭﺮﯼ ﮨﻮﺋﯽ ﺗﮭﯽ۔ ﺍﻣﺎﻣﮧ ﻧﮯ ﺍﯾﮏ ﻟﻔﺎﻓﮧ ﮐﮭﻮﻝ ﮐﺮ ﺩﯾﮑﮭﺎ۔ ﻭﮦ ﮐﺴﯽ ﺍﻓﻄﺎﺭ ﭘﺎﺭﭨﯽ ﮐﺎ ﺍﻧﻮﯾﭩﯿﺸﻦ ﺗﮭﺎ۔ ﺍﯾﮏ ﮐﮯ ﺑﻌﺪ ﺍﯾﮏ، ﻭﮦ ﺳﺎﺭﮮ ﻟﻔﺎﻓﮯ ﮐﮭﻮﻝ ﮐﺮ ﺩﯾﮑﮭﺘﯽ ﮔﺌﯽ۔ ﺳﺐ ﮐﺎﺭﮈﺯ ﮐﺴﯽ ﻧﮧ ﮐﺴﯽ ﺍﻓﻄﺎﺭ ﭘﺎﺭﭨﯽ ﯾﺎ ﺗﻘﺮﯾﺐ ﺳﮯ ﻣﺘﻌﻠﻖ ﺗﮭﮯ ﺍﻭﺭ ﺑﻌﺾ ﮐﺎﺭﮈﺯ ﻣﯿﮟ ﺗﻮ ﻭﮦ ﺩﻭ ﯾﺎ ﺗﯿﻦ ﺟﮕﮩﻮﮞ ﭘﺮ ﺑﮭﯽ ﺍﻧﻮﺍﺋﭩﮉ ﺗﮭﺎ۔ ﻭﮦ ﯾﻘﯿﻨﺎ ﺑﮯﺣﺪ ﺳﻮﺷﻞ ﺯﻧﺪﮔﯽ ﮔﺰﺍﺭ ﺭﮨﺎ ﺗﮭﺎ۔ ﯾﮧ ﺍﺱ ﮐﺎ ﺍﻧﺪﺍﺯﮦ ﺗﮭﺎ، ﯾﻘﯿﻨﺎ ﻭﮦ ﺍﺱ ﮐﮯ ﮔﮭﺮ ﺁﺟﺎﻧﮯ ﮐﯽ ﻭﺟﮧ ﺳﮯ ﭘﭽﮭﻠﮯ ﺍﯾﮏ ﮨﻔﺘﮯ ﺳﮯ ﺍﻥ ﭘﺎﺭﭨﯿﺰ ﻣﯿﮟ ﻧﮩﯿﮟ ﺟﺎ ﺭﮨﺎ ﺗﮭﺎ۔ ﯾﮧ ﺍﺱ ﮐﺎ ﺍﯾﮏ ﺍﻭﺭ ﺗﺠﺰﯾﮧ ﺗﮭﺎ۔ ﭘﻨﺪﺭﮦ ﺑﯿﺲ ﮐﺎﺭﮈﺯ ﺩﯾﮑﮭﻨﮯ ﮐﮯ ﺑﻌﺪ ﺍﺱ ﮐﺎ ﺩﻝ ﺍﭼﺎﭦ ﮨﻮ ﮔﯿﺎ۔ ﺍﺱ ﻧﮯ ﮐﺎﺭﮈﺯ ﺍﭨﮭﺎ ﮐﺮ ﻭﺍﭘﺲ ﺭﮐﮫ ﺩﯾﮯ۔ ﮐﭽﮫ ﺍﻭﺭ ﮐﺎﺭﮈﺯ ﺩﯾﮑﮭﺘﯽ ﯾﺎ ﻧﯿﭽﮯ ﻣﯿﻞ ﮐﮯ ﮐﺴﯽ ﻟﻔﺎﻓﮯ ﮐﮯ ﺍﯾﮉﺭﺱ ﭘﺮ ﻧﻈﺮ ﮈﺍﻝ ﻟﯿﺘﯽ ﺗﻮ ﺷﺎﯾﺪ ﺍﺳﮯ ﺳﺎﻻﺭ ﮐﺎ ﺷﻌﺒﮧ ﻧﻈﺮ ﺁﺟﺎﺗﺎ ﮐﮧ ﻭﮦ ﺍﻧﻮﯾﺴﭩﻤﻨﭧ ﻣﯿﮟ ﺗﮭﺎ، ﭘﯽ ﺁﺭ ﻣﯿﮟ ﻧﮩﯿﮟ۔ ﮐﻢ ﺍﺯ ﮐﻢ ﻭﮦ ﯾﮧ ﺟﮭﻮﭦ ﺗﻮ ﺿﺮﻭﺭ ﭘﮑﮍ ﺳﮑﺘﯽ ﺗﮭﯽ۔ ” ﺑﺎﺟﯽ ! ﺭﺍﺕ ﮐﻮ ﮐﻮﺋﯽ ﻣﮩﻤﺎﻥ ﺁﺋﮯ ﺗﮭﮯ؟ ” ﻭﮦ ﻣﻼﺯﻣﮧ ﮐﯽ ﺁﻭﺍﺯ ﭘﺮ ﭼﻮﻧﮑﯽ۔ ﻭﮦ ﺍﯾﺶ ﭨﺮﮮ ﮨﺎﺗﮫ ﻣﯿﮟ ﻟﯿﮯ ﮐﭽﮫ ﺣﯿﺮﺍﻧﯽ ﺳﮯ ﭘﻮﭼﮫ ﺭﮨﯽ ﺗﮭﯽ۔ ” ﻧﮩﯿﮟ۔ ” ﺍﻣﺎﻣﮧ ﻧﮯ ﺳﻮﺍﻝ ﺳﻤﺠﮭﮯ ﺑﻐﯿﺮ ﮐﮩﺎ۔ ” ﺗﻮ ﯾﮧ ﺳﮕﺮﯾﭧ ﮐﺲ ﻧﮯ ﭘﯿﮯ ﮨﯿﮟ؟ ﺳﺎﻻﺭ ﺻﺎﺣﺐ ﺗﻮ ﺳﮕﺮﯾﭧ ﻧﮩﯿﮟ ﭘﯿﺘﮯ۔ ” ﻣﻼﺯﻣﮧ ﺑﮯﺣﺪ ﺣﯿﺮﺍﻥ ﺗﮭﯽ۔ ﺍﻣﺎﻣﮧ ﮐﭽﮫ ﺩﯾﺮ ﺑﻮﻝ ﻧﮩﯿﮟ ﺳﮑﯽ۔ ﻣﻼﺯﻣﮧ ﺟﯿﺴﮯ ﺳﺎﻻﺭ ﮐﮯ ﺑﯿﺎﻥ ﮐﯽ ﺗﺼﺪﯾﻖ ﮐﺮ ﺭﮨﯽ ﺗﮭﯽ۔ ﯾﻌﻨﯽ ﻭﮦ ﻭﺍﻗﻌﯽ ﻋﺎﺩﯼ ﻧﮩﯿﮟ ﺗﮭﺎ ﺟﻮ ﺍﯾﮏ ﺁﺩﮪ ﺳﮕﺮﯾﭧ ﻭﮦ ﺑﮭﯽ ﮐﺒﮭﯽ ﮐﺒﮭﺎﺭ ﭘﯿﺘﺎ ﮨﻮ ﮔﺎ، ﺍﺳﮯ ﻣﻼﺯﻣﮧ ﮐﺴﯽ ﻣﮩﻤﺎﻥ ﮐﺎ ﭘﯿﺎ ﮨﻮﺍ ﺳﮕﺮﯾﭧ ﺳﻤﺠﮫ ﻟﯿﺘﯽ ﮨﻮ ﮔﯽ۔ ” ﺍﻭﮦ ! ﮨﺎﮞ … ﺍﺱ ﮐﮯ ﮐﭽﮫ ﺩﻭﺳﺖ ﺁﺋﮯ ﺗﮭﮯ، ﻣﺠﮭﮯ ﯾﺎﺩ ﮨﯽ ﻧﮩﯿﮟ ﺗﮭﺎ۔ ” ﺍﻣﺎﻣﮧ ﻧﮯ ﭼﻨﺪ ﻟﻤﺤﻮﮞ ﮐﮯ ﺑﻌﺪ ﮐﮩﺎ۔ ﺍﺱ ﺳﮯ ﭘﮩﻠﮯ ﮐﮧ ﻭﮦ ﮐﭽﮫ ﺍﻭﺭ ﮐﮩﺘﯽ، ﮈﻭﺭ ﺑﯿﻞ ﺑﺠﯽ۔ ” ﻣﯿﮟ ﺩﯾﮑﮭﺘﯽ ﮨﻮﮞ۔ ” ﺍﻣﺎﻣﮧ ﺍﺱ ﺳﮯ ﮐﮩﮧ ﮐﺮ ﺑﺎﮨﺮ ﻧﮑﻞ ﺁﺋﯽ۔ ” ﻻﻧﮉﺭﯼ collect ﮐﺮﻧﮯ ﺁﺋﮯ ﮨﯿﮟ۔ ” ﺩﺭﻭﺍﺯﮮ ﭘﺮ ﺍﯾﮏ ﻟﮍﮐﺎ ﺳﺎﻻﺭ ﮐﮯ ﮐﭽﮫ ﮈﺭﺍﺋﯽ ﮐﻠﯿﻨﮉ ﺍﻭﺭ ﺩﮬﻠﮯ ﮨﻮﺋﮯ ﮐﭙﮍﻭﮞ ﮐﮯ ﮨﯿﻨﮕﺮﺯ ﻟﯿﮯ ﮨﻮﺍ ﮐﮭﮍﺍ ﺗﮭﺎ۔ ﺍﺱ ﮐﯽ ﻃﺮﻑ ﺍﯾﮏ ﺑﻞ ﮐﮯ ﺳﺎﺗﮫ ﺑﮍﮬﺎﺗﮯ ﮨﻮﺋﮯ ﺍﺱ ﻧﮯ ﮐﮩﺎ۔ ” ﮐﭙﮍﮮ ﭼﯿﮏ ﮐﺮ ﻟﯿﮟ۔ ” ﺑﻞ ﮐﮯ ﺳﺎﺗﮫ ﻻﻧﮉﺭﯼ ﮐﮯ ﻟﯿﮯ ﺑﮭﯿﺠﮯ ﮔﺌﮯ ﮐﭙﮍﻭﮞ ﮐﯽ ﻟﺴﭧ ﺑﮭﯽ ﺗﮭﯽ۔ ﺍﻣﺎﻣﮧ ﻧﮯ ﮨﯿﻨﮕﺮﺯ ﻻﺅﻧﺞ ﻣﯿﮟ ﻻﻧﮯ ﮐﮯ ﺑﻌﺪ ﺑﺎﺭﯼ ﺑﺎﺭﯼ ﻟﺴﭧ ﺍﻭﺭ ﮐﭙﮍﻭﮞ ﮐﻮ ﻣﻼﻧﺎ ﺷﺮﻭﻉ ﮐﯿﺎ، ﮐﭙﮍﮮ ﭘﻮﺭﮮ ﺗﮭﮯ۔ ﻣﻼﺯﻣﮧ ﺗﺐ ﺗﮏ ﺑﺎﮨﺮ ﻧﮑﻞ ﺁﺋﯽ ﺗﮭﯽ۔ ﺍﻣﺎﻣﮧ ﺑﻞ ﮐﮯ ﭘﯿﺴﮯ ﻟﯿﻨﮯ ﺍﻧﺪﺭ ﭼﻠﯽ ﮔﺌﯽ۔ ﺟﺐ ﻭﮦ ﻭﺍﭘﺲ ﺁﺋﯽ ﺗﻮ ﺍﺱ ﻧﮯ ﻣﻼﺯﻣﮧ ﮐﻮ ﺩﺭﻭﺍﺯﮮ ﭘﺮ ﻻﻧﮉﺭﯼ ﺑﻮﺍﺋﮯ ﮐﻮ ﺍﯾﮏ ﻻﻧﮉﺭﯼ ﺑﯿﮓ ﺗﮭﻤﺎﺗﮯ ﮨﻮﺋﮯ ﺩﯾﮑﮭﺎ۔ ﺟﺲ ﮐﮯ ﺍﻭﭘﺮ ﺍﯾﮏ ﻟﺴﭧ ﭼﺴﭙﺎﮞ ﺗﮭﯽ۔ ﯾﻘﯿﻨﺎ ﻭﮦ ﺍﻥ ﮐﭙﮍﻭﮞ ﮐﯽ ﻟﺴﭧ ﺗﮭﯽ ﺟﻮ ﻻﻧﮉﺭﯼ ﮐﮯ ﻟﯿﮯ ﺩﯾﮯ ﺟﺎ ﺭﮨﮯ ﺗﮭﮯ۔ ﻻﻧﮉﺭﯼ ﺑﻮﺍﺋﮯ ﺍﯾﮏ ﺭﺍﺋﭩﻨﮓ ﭘﯿﮉ ﭘﺮ ﮐﭽﮫ ﺍﻧﺪﺍﺭﺝ ﮐﺮ ﺭﮨﺎ ﺗﮭﺎ۔ ” ﺑﺎﺟﯽ ! ﺁﭖ ﻧﮯ ﺑﮭﯽ ﺩﯾﻨﮯ ﮨﯿﮟ ﮐﭙﮍﮮ؟ ” ﻣﻼﺯﻣﮧ ﻧﮯ ﺍﺳﮯ ﺁﺗﮯ ﺩﯾﮑﮫ ﮐﺮ ﮐﮩﺎ۔ ” ﻧﮩﯿﮟ، ﻣﯿﮟ ﯾﮧ ﺑﻞ ﺩﯾﻨﮯ ﺁﺋﯽ ﮨﻮﮞ۔ ” ﺍﻣﺎﻣﮧ ﻧﮯ ﺑﻞ ﮐﯽ ﺭﻗﻢ ﺍﺱ ﻟﮍﮐﮯ ﮐﯽ ﻃﺮﻑ ﺑﮍﮬﺎﺋﯽ۔ ﺍﺱ ﻧﮯ ﺟﻮﺍﺑﺎً ﺍﯾﮏ ﺭﺳﯿﺪ ﺍﺱ ﮐﯽ ﻃﺮﻑ ﺑﮍﮬﺎ ﺩﯼ۔ ” ﺑﻞ ﺗﻮ ﻣﮩﯿﻨﮯ ﮐﮯ ﺷﺮﻭﻉ ﻣﯿﮟ ﺍﮐﭩﮭﺎ ﮨﯽ ﺟﺎﺗﺎ ﮨﮯ۔ ” ﻣﻼﺯﻣﮧ ﻧﮯ ﺍﺳﮯ ﺭﻭﮐﺎ۔ ﻭﮦ ﺩﺭﻭﺍﺯﮦ ﺑﻨﺪ ﮐﺮﺗﮯ ﮨﻮﺋﮯ ﺍﻧﺪﺭ ﺁﮔﺌﯽ۔ ﺍﻣﺎﻣﮧ ﻧﮯ ﺭﺳﯿﺪ ﭘﺮ ﻧﻈﺮ ﮈﺍﻟﯽ۔ ﻭﮦ ﺳﺎﻻﺭ ﮐﮯ ﮐﭙﮍﻭﮞ ﮐﯽ ﻟﺴﭧ ﺗﮭﯽ ﺟﻮ ﻭﮦ ﻟﮯ ﮐﺮ ﮔﯿﺎ ﺗﮭﺎ۔ ” ﺗﻢ ﻧﮯ ﻻﻧﮉﺭﯼ ﮐﮯ ﮐﭙﮍﮮ ﮐﮩﺎﮞ ﺳﮯ ﻟﯿﮯ ﮨﯿﮟ؟ ” ﺍﻣﺎﻣﮧ ﻧﮯ ﺍﺱ ﻟﺴﭧ ﮐﻮ ﭘﮍﮬﺘﮯ ﮨﻮﺋﮯ ﻣﻼﺯﻣﮧ ﮐﻮ ﺭﻭﮐﺎ۔ ” ﺳﺎﻻﺭﺻﺎﺣﺐ ﮐﭙﮍﮮ ﺑﯿﮓ ﻣﯿﮟ ﮈﺍﻝ ﮐﺮ ﺍﻭﭘﺮ ﻟﺴﭧ ﺭﮐﮫ ﺟﺎﺗﮯ ﮨﯿﮟ۔ ﻻﻧﮉﺭﯼ ﻣﯿﮟ ﮨﯽ ﺭﮐﮭﺘﮯ ﮨﯿﮟ ﺑﯿﮓ ”… ﻣﻼﺯﻣﮧ ﯾﮧ ﮐﮩﮧ ﮐﺮ ﺩﻭﺑﺎﺭﮦ ﺍﻧﺪﺭ ﭼﻠﯽ ﮔﺌﯽ۔ ﺍﻣﺎﻣﮧ ﻧﮯ ﺑﻞ ﭘﺮ ﻧﻈﺮ ﮈﺍﻟﯽ۔ ﻻﻧﮉﺭﯼ ﺗﻮ ﻭﮦ ﺧﻮﺩ ﺑﮭﯽ ﮐﺮ ﺳﮑﺘﯽ ﺗﮭﯽ۔ ﮨﺮ ﮨﻔﺘﮯ ﺍﺗﻨﮯ ﭘﯿﺴﮯ ﺍﺱ ﭘﺮ ﺧﺮﭺ ﮐﺮﻧﺎ ﻓﻀﻮﻝ ﺧﺮﭼﯽ ﺗﮭﯽ، ﺍﺱ ﻧﮯ ﺳﻮﭼﺎ۔ ﻣﻼﺯﻣﮧ ﺍﺑﮭﯽ ﻭﮨﯿﮟ ﺗﮭﯽ ﺟﺐ ﺍﯾﮏ ﺁﺩﻣﯽ ﻭﮦ ﭘﺮﺩﮮ ﻟﮯ ﮐﺮ ﺁﯾﺎ ﺗﮭﺎ ﺟﻮ ﺍﺱ ﻧﮯ ﺑﻨﻨﮯ ﮐﮯ ﻟﯿﮯ ﺩﯾﮯ ﺗﮭﮯ۔ ” ﺑﺎﺟﯽ ! ﺁﭖ ﻧﮯ ﮐﻮﺋﯽ ﭘﺮﺩﮮ ﺑﻨﻨﮯ ﮐﮯ ﻟﯿﮯ ﺩﯾﮯ ﮨﯿﮟ؟ ” ﻣﻼﺯﻣﮧ ﻧﮯ ﺍﻧﭩﺮ ﮐﺎﻡ ﮐﯽ ﺑﯿﻞ ﺑﺠﻨﮯ ﭘﺮ ﺭﯾﺴﯿﻮﺭ ﺍﭨﮭﺎ ﮐﺮ ﺍﺱ ﺳﮯ ﭘﻮﭼﮭﺎ۔ ﺍﻣﺎﻣﮧ ﮐﭽﮫ ﺣﯿﺮﺍﻥ ﮨﻮﺋﯽ۔ ” ﮨﺎﮞ … ﮐﯿﻮﮞ؟ ” ” ﻭﮦ ﻧﯿﭽﮯ ﮔﯿﭧ ﭘﺮ ﺍﯾﮏ ﺁﺩﻣﯽ ﻟﮯ ﮐﺮ ﺁﯾﺎ ﮨﮯ، ﮔﺎﺭﮈ ﺍﻧﭩﺮ ﮐﺎﻡ ﭘﺮ ﭘﻮﭼﮫ ﺭﮨﺎ ﮨﮯ۔ ﮨﺎﮞ ! ﺑﮭﯿﺞ ﺩﻭ، ﺑﺎﺟﯽ ﻧﮯ ﭘﺮﺩﮮ ﺑﻨﻮﺍﺋﮯ ﮨﯿﮟ۔ ” ﻣﻼﺯﻣﮧ ﻧﮯ ﺍﺱ ﮐﻮ ﺑﺘﺎ ﮐﺮ ﺭﯾﺴﯿﻮﺭ ﻣﯿﮟ ﮐﮩﺎ۔ ﺭﯾﺴﯿﻮﺭ ﺭﮐﮫ ﮐﺮ ﻭﮦ ﺩﻭﺑﺎﺭﮦ ﻻﺅﻧﺞ ﺻﺎﻑ ﮐﺮﻧﮯ ﻣﯿﮟ ﻟﮓ ﮔﺌﯽ ﺗﮭﯽ۔ ﮐﭽﻦ ﮐﺎﺅﻧﭩﺮ ﭘﺮ ﮔﻼﺱ ﺳﯿﭧ ﮐﻮ ﮐﭙﮍﮮ ﺳﮯ ﺻﺎﻑ ﮐﺮﺗﮯ ﮨﻮﺋﮯ، ﺍﻣﺎﻣﮧ ﮐﻮ ﻋﺠﯿﺐ ﻃﺮﺡ ﮐﺎ ﺍﺣﺴﺎﺱ ﮐﻤﺘﺮﯼ ﮨﻮﺍ۔ ﺍﺱ ﻧﮯ ﺍﺗﻨﮯ ﺩﻧﻮﮞ ﻭﮨﺎﮞ ﭼﻠﺘﮯ ﭘﮭﺮﺗﮯ ﮐﺌﯽ ﺑﺎﺭ ﺍﻧﭩﺮ ﮐﺎﻡ ﮐﻮ ﺩﯾﮑﮭﺎ ﺗﮭﺎ ﻟﯿﮑﻦ ﺍﺱ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﮐﮧ ﺍﺱ ﺍﻧﭩﺮ ﮐﺎﻡ ﮐﯽ ﻭﮨﺎﮞ ﮐﯿﺎ ﺍﻓﺎﺩﯾﺖ ﮨﮯ، ﺟﺐ ﮐﮧ ﺩﺭﻭﺍﺯﮦ ﺍﺗﻨﺎ ﻗﺮﯾﺐ ﺗﮭﺎ۔ ﻣﻼﺯﻣﮧ ﺍﺱ ﮔﮭﺮ ﮐﯽ ﮨﺮ ﭼﯿﺰ ﮐﻮ ﺍﺱ ﺳﮯ ﺯﯾﺎﺩﮦ ﺫﮨﺎﻧﺖ ، ﭘﮭﺮﺗﯽ ﺍﻭﺭ ﺳﮩﻮﻟﺖ ﮐﮯ ﺳﺎﺗﮫ ﺍﺳﺘﻌﻤﺎﻝ ﮐﺮ ﺭﮨﯽ ﺗﮭﯽ۔ ٭٭٭٭ ” ﺳﺎﻻﺭ ! ﻻﺅﻧﺞ ﺍﺏ ﺍﭼﮭﺎ ﻟﮓ ﺭﮨﺎ ﮨﮯ ﻧﺎ؟ ” ﺳﺎﻻﺭ ﻧﮯ ﻻﺅﻧﺞ ﮐﯽ ﮐﮭﮍﮐﯿﻮﮞ ﭘﺮ ﻟﮕﮯ ﻧﺌﮯ ﭘﺮﺩﻭﮞ ﭘﺮ ﺍﯾﮏ ﻧﻈﺮ ﮈﺍﻟﯽ۔ ﻭﮦ ﺍﺑﮭﯽ ﭼﻨﺪ ﻟﻤﺤﮯ ﭘﮩﻠﮯ ﮔﮭﺮ ﺁﯾﺎ ﺗﮭﺎ۔ ﺍﻣﺎﻣﮧ ﻧﮯ ﺑﮯ ﺣﺪ ﺧﻮﺷﯽ ﮐﮯ ﻋﺎﻟﻢ ﻣﯿﮟ ﺁﺗﮯ ﮨﯽ ﺍﺳﮯ ﺍﻃﻼﻉ ﺩﯼ۔ ﻭﮦ ﻧﮧ ﺑﮭﯽ ﺩﯾﺘﯽ ﺗﺐ ﺑﮭﯽ ﻻﺅﻧﺞ ﻣﯿﮟ ﭘﮩﻼ ﻗﺪﻡ ﺭﮐﮭﺘﮯ ﮨﯽ ﻭﮦ ﺍﺱ ” ﻭﺍﺿﺢ ” ﺗﺒﺪﯾﻠﯽ ﮐﻮ ﻧﻈﺮ ﺍﻧﺪﺍﺯ ﻧﮩﯿﮟ ﮐﺮ ﺳﮑﺘﺎ ﺗﮭﺎ۔ ” ﺑﮩﺖ۔ ” ﺍﺱ ﻧﮯ ﺍﭘﻨﯽ ﻣﺎﯾﻮﺳﯽ ﮐﻮ ﭼﮭﭙﺎﺗﮯ ﮨﻮﺋﮯ ﮐﮩﺎ۔ ﺍﻣﺎﻣﮧ ﻧﮯ ﻓﺨﺮﯾﮧ ﺍﻧﺪﺍﺯ ﻣﯿﮟ ﭘﺮﺩﻭﮞ ﮐﻮ ﺩﯾﮑﮭﺎ۔ ﻭﮦ ﺁﺝ ﺑﮭﯽ ﺍﻓﻄﺎﺭﯼ ﺭﺍﺳﺘﮯ ﻣﯿﮟ ﮨﯽ ﮐﺮ ﺁﯾﺎ ﺗﮭﺎ۔ ﺍﻣﺎﻣﮧ ﻧﮯ ﺍﻓﻄﺎﺭﯼ ﻓﺮﻗﺎﻥ ﮐﮯ ﮔﮭﺮ ﭘﺮ ﮐﯽ ﺗﮭﯽ ﺍﻭﺭ ﺍﺏ ﻭﮦ ﺩﻭﻧﻮﮞ ﺍﯾﮏ ﺳﺎﺗﮫ ﮈﻧﺮ ﮐﺮ ﺭﮨﮯ ﺗﮭﮯ۔ ” ﺗﻮ ﺟﻨﺎﺏ ﮐﺎ ﺁﺝ ﮐﺎ ﺩﻥ ﮐﯿﺴﺎ ﮔﺰﺭﺍ؟ ” ﮐﮭﺎﻧﺎ ﺷﺮﻭﻉ ﮐﺮﺗﮯ ﮨﻮﺋﮯ ﺳﺎﻻﺭ ﻧﮯ ﺍﺱ ﺳﮯ ﭘﻮﭼﮭﺎ۔ ﻭﮦ ﺍﺳﮯ ﭘﻮﺭﮮ ﺩﻥ ﮐﯽ ﺍﯾﮑﭩﯿﻮﯾﭩﯿﺰ ﺑﺘﺎﻧﮯ ﻟﮕﯽ۔ ﺁﺝ ﺍﻥ ﺩﻭﻧﻮﮞ ﮐﮯ ﺩﺭﻣﯿﺎﻥ ﮨﻮﻧﮯ ﻭﺍﻟﯽ ﯾﮧ ﭘﮩﻠﯽ ﺗﻔﺼﯿﻠﯽ ﮔﻔﺖ ﮔﻮ ﺗﮭﯽ۔ ﺳﺎﻻﺭ ﻧﮯ ﺍﺳﮯ ﺩﻥ ﻣﯿﮟ ﺩﻭ ﺑﺎﺭ، ﺍﯾﮏ ﯾﺎ ﮈﯾﮍﮪ ﻣﻨﭧ ﮐﮯ ﻟﯿﮯ ﮐﺎﻝ ﮐﯽ ﺗﮭﯽ ﻣﮕﺮ ﺑﺎﺕ ﺻﺮﻑ ﺣﺎﻝ ﺍﺣﻮﺍﻝ ﺗﮏ ﮨﯽ ﺭﮨﯽ ﺗﮭﯽ۔ ” ﯾﻌﻨﯽ ﺁﺝ ﺑﮩﺖ ﮐﺎﻡ ﮐﺮﻧﺎ ﭘﮍﺍ۔ ” ﺳﺎﻻﺭ ﻧﮯ ﺍﺱ ﮐﮯ ﺩﻥ ﮐﯽ ﺗﻔﺼﯿﻞ ﺳﻦ ﮐﺮ ﮐﮩﺎ۔ ” ﮐﯿﺎ ﮐﺎﻡ؟ ﻣﯿﮟ ﻧﮯ ﮐﯿﺎ ﮐﯿﺎ؟ ﻣﯿﮟ ﻧﮯ ﺗﻮ ﮐﭽﮫ ﺑﮭﯽ ﻧﮩﯿﮟ ﮐﯿﺎ۔ ” ﺍﻣﺎﻣﮧ ﻧﮯ ﺍﺱ ﮐﯽ ﺑﺎﺕ ﭘﺮ ﮐﭽﮫ ﺣﯿﺮﺍﻥ ﮨﻮ ﮐﺮ ﺍﺳﮯ ﺩﯾﮑﮭﺎ۔ ” ﺟﺘﻨﺎ ﺑﮭﯽ ﮐﯿﺎ ﮨﮯ، ﺑﮩﺖ ﮨﮯ۔ ” ” ﻣﯿﮟ ﺗﻤﮩﺎﺭﯼ ﻻﻧﮉﺭﯼ ﺧﻮﺩ ﮐﺮ ﺩﯾﺎ ﮐﺮﻭﮞ ﮔﯽ ﺍﮔﻠﮯ ﮨﻔﺘﮯ ﺳﮯ۔ ” ﺍﻣﺎﻣﮧ ﻧﮯ ﺳﺎﻻﺭ ﮐﯽ ﺑﺎﺕ ﮐﻮ ﻧﻈﺮ ﺍﻧﺪﺍﺯ ﮐﺮﺗﮯ ﮨﻮﺋﮯ ﮐﮩﺎ۔ ” ﺍﻭﺭ ﭘﺮﯾﺲ ﺑﮭﯽ ﮐﺮ ﺩﯾﺎ ﮐﺮﻭﮞ ﮔﯽ۔ ” ” ﻣﯿﮟ ﺗﻤﮩﯿﮟ ﮐﭙﮍﮮ ﺩﮬﻮﻧﮯ ﮐﮯ ﻟﯿﮯ ﻧﮩﯿﮟ ﻟﮯ ﮐﺮ ﺁﯾﺎ۔ “ ﺳﺎﻻﺭ ﻧﮯ ﺍﺱ ﮐﯽ ﺑﺎﺕ ﮐﺎﭨﯽ۔ ” ﻣﺠﮭﮯ ﭘﺘﺎ ﮨﮯ، ﻟﯿﮑﻦ ﻣﯿﮟ ﻓﺎﺭﻍ ﮨﻮﺗﯽ ﮨﻮﮞ ﺳﺎﺭﺍ ﺩﻥ ﺍﻭﺭ ﭘﮭﺮ ﻣﺠﮭﮯ ﺍﭘﻨﮯ ﮐﭙﮍﮮ ﺑﮭﯽ ﺗﻮ ﺩﮬﻮﻧﮯ ﮨﻮﺗﮯ ﮨﯿﮟ، ﺗﻮ ﺗﻤﮩﺎﺭﮮ ﺑﮭﯽ ﺩﮬﻮ ﺳﮑﺘﯽ ﮨﻮﮞ۔ ” ” ﺗﻢ ﺍﭘﻨﮯ ﮐﭙﮍﮮ ﺑﮭﯽ ﮐﯿﻮﮞ ﺩﮬﻮﺅ ﮔﯽ۔ ﻻﻧﮉﺭﯼ ﻭﯾﻦ ﮨﺮ ﮨﻔﺘﮯ ﺁﺗﯽ ﮨﮯ۔ ﺗﻢ ﺍﭘﻨﮯ ﺑﮭﯽ ﺩﮮ ﺩﯾﺎ ﮐﺮﻭ۔ ” ﺳﺎﻻﺭ ﻧﮯ ﮐﮭﺎﻧﺎ ﮐﮭﺎﺗﮯ ﮐﮭﺎﺗﮯ ﺭﮎ ﮐﺮ ﮐﮩﺎ۔ ” ﭘﯿﺴﮯ ﺿﺎﺋﻊ ﮨﻮﮞ ﮔﮯ۔ ” ﺍﺱ ﻧﮯ ﺑﮯ ﺍﺧﺘﯿﺎﺭ ﮐﮩﺎ۔ ” ﮐﻮﺋﯽ ﺑﺎﺕ ﻧﮩﯿﮟ۔ ” ﺳﺎﻻﺭ ﻧﮯ ﺍﺳﯽ ﺍﻧﺪﺍﺯ ﻣﯿﮟ ﮐﻨﺪﮬﮯ ﺍﭼﮑﺎ ﮐﺮ ﮐﮩﺎ۔ ﺍﻣﺎﻣﮧ ﻧﮯ ﺍﺱ ﮐﺎ ﭼﮩﺮﮦ ﺩﯾﮑﮭﺎ۔ ” ﺍﻭﺭ ﻣﯿﮟ ﺳﺎﺭﺍ ﺩﻥ ﮐﯿﺎ ﮐﺮﻭﮞ؟ ” ” ﻭﮨﯽ ﺟﻮ ﺩﻭﺳﺮﯼ ﻋﻮﺭﺗﯿﮟ ﮐﺮﺗﯽ ﮨﯿﮟ۔ ﺳﻮﯾﺎ ﮐﺮﻭ، ﭨﯽ ﻭﯼ ﺩﯾﮑﮭﻮ، ﻓﻮﻥ ﭘﺮ ﺩﻭﺳﺘﻮﮞ ﮐﮯ ﺳﺎﺗﮫ ﮔﭗ ﺷﭗ ﻟﮕﺎﺅ۔ ” ﺍﺱ ﻧﮯ ﻣﺴﮑﺮﺍﺗﮯ ﮨﻮﺋﮯ ﮐﮩﺎ۔ ” ﻣﯿﺮﮮ ﮐﻮﺋﯽ ﺩﻭﺳﺖ ﻧﮩﯿﮟ ﮨﯿﮟ۔ ” ﻭﮦ ﯾﮏ ﺩﻡ ﺳﻨﺠﯿﺪﮦ ﮨﻮ ﮔﺌﯽ۔ ﺳﺎﻻﺭ ﻧﮯ ﮐﭽﮫ ﺣﯿﺮﺍﻥ ﮨﻮ ﮐﺮ ﺍﺱ ﮐﺎ ﭼﮩﺮﮦ ﺩﯾﮑﮭﺎ۔ ” ﮐﻮﺋﯽ ﺗﻮ ﮨﻮ ﮔﯽ؟ ” ” ﻧﮩﯿﮟ، ﮐﻮﺋﯽ ﺑﮭﯽ ﻧﮩﯿﮟ ﮨﮯ۔ ” ” ﮐﯿﻮﮞ؟ ” ﻭﮦ ﮐﮭﺎﻧﺎ ﮐﮭﺎﺗﮯ ﮐﮭﺎﺗﮯ ﮐﭽﮫ ﺳﻮﭼﻨﮯ ﻟﮕﯽ ﺗﮭﯽ، ﭘﮭﺮ ﺍﺱ ﻧﮯ ﮐﮩﺎ۔ ” ﮐﺎﻟﺞ ﺍﻭﺭ ﯾﻮﻧﯽ ﻭﺭﺳﭩﯽ ﻣﯿﮟ ﺗﻮ ﻣﯿﮟ ﺍﺗﻨﯽ ﺧﻮﻑ ﺯﺩﮦ ﺭﮨﺘﯽ ﺗﮭﯽ ﮐﮧ ﮐﺴﯽ ﮐﻮ ﺩﻭﺳﺖ ﺑﻨﺎﻧﮯ ﮐﺎ ﺧﯿﺎﻝ ﮨﯽ ﻧﮩﯿﮟ ﺁﯾﺎ۔ ﺩﻭﺳﺘﯽ ﮨﻮﺗﯽ ﺗﻮ ﭘﮭﺮ ﺳﻮﺍﻝ ﮨﻮﺗﮯ۔ ﻣﯿﺮﮮ ﺑﺎﺭﮮ ﻣﯿﮟ … ﻓﯿﻤﻠﯽ ﮐﮯ ﺑﺎﺭﮮ ﻣﯿﮟ … ﭘﮭﺮ ﺍﮔﺮ ﮐﻮﺋﯽ ﮔﮭﺮ ﺁﺗﺎ ﺍﻭﺭ ﺍﺑﻮ ﮐﯽ ﻓﯿﻤﻠﯽ ﮐﻮ ﮐﻮﺋﯽ ﭘﮩﻠﮯ ﮨﯽ ﺳﮯ ﺟﺎﻧﺘﺎ ﮨﻮﺗﺎ ﺗﻮ … ﯾﺎ ﺳﻌﯿﺪﮦ ﺍﻣﺎﮞ ﮐﻮ ﮨﯽ … ﺩﻭﺳﺘﯽ ﺍﺱ ﻭﻗﺖ ﺑﮍﯼ ﻣﮩﻨﮕﯽ ﭼﯿﺰ ﺗﮭﯽ ﻣﯿﺮﮮ ﻟﯿﮯ … ﻣﯿﮟ ﺍﻓﻮﺭﮈ ﻧﮩﯿﮟ ﮐﺮ ﺳﮑﺘﯽ ﺗﮭﯽ … ﭘﮭﺮ ﺁﻓﺲ ﺟﺎﺏ ﻣﯿﮟ ﮐﻮﻟﯿﮕﺰ ﮐﮯ ﺳﺎﺗﮫ ﺗﮭﻮﮌﯼ ﺑﮩﺖ ﮔﭗ ﺷﭗ ﮨﻮﺗﯽ ﺗﮭﯽ ﻟﯿﮑﻦ ﻣﺠﮭﮯ ﺍﮐﯿﻠﮯ ﺭﮨﻨﮯ ﮐﯽ ﺍﺗﻨﯽ ﻋﺎﺩﺕ ﮨﻮ ﮔﺌﯽ ﺗﮭﯽ ﮐﮧ ﻣﯿﮟ ﻟﻮﮔﻮﮞ ﮐﮯ ﺳﺎﺗﮫ ﮐﺒﮭﯽ ﺑﮭﯽ comfortable ﻧﮩﯿﮟ ﺭﮨﺘﯽ ﺗﮭﯽ۔ ﻣﯿﮟ ﺍﻥ ﮐﮯ ﺳﺎﺗﮫ ﮔﮭﻮﻡ ﭘﮭﺮ ﻧﮩﯿﮟ ﺳﮑﺘﯽ ﺗﮭﯽ … ﺍﻥ ﮐﮯ ﮔﮭﺮ ﻧﮩﯿﮟ ﺟﺎ ﺳﮑﺘﯽ ﺗﮭﯽ … ﺍﭘﻨﮯ ﮔﮭﺮ ﻧﮩﯿﮟ ﺑﻼ ﺳﮑﺘﯽ ﺗﮭﯽ … ﮐﯿﺴﮯ ﺩﻭﺳﺘﯽ ﮨﻮﺗﯽ ﭘﮭﺮ … ﺍﺳﯽ ﻟﯿﮯ ﻣﺠﮭﮯ ﮐﺘﺎﺑﯿﮟ ﭘﮍﮬﻨﺎ ﺍﭼﮭﺎ ﻟﮕﺘﺎ ﺗﮭﺎ … ﭘﯿﻨﭧ ﮐﺮﻧﺎ ﺍﭼﮭﺎ ﻟﮕﺘﺎ ﺗﮭﺎ۔ ” ” ﻟﻮﮔﻮﮞ ﺳﮯ ﻣﯿﻞ ﺟﻮﻝ ﮨﻮﻧﺎ ﭼﺎﮨﯿﮯ، ﺩﻭﺳﺖ ﮨﻮﻧﯽ ﭼﺎﮨﯿﮟ۔ ﭘﮩﻠﮯ ﮐﯽ ﺑﺎﺕ ﺍﻭﺭ ﺗﮭﯽ ﻟﯿﮑﻦ ﺍﺏ ﺗﻤﮩﯿﮟ ﺗﮭﻮﮌﺍ ﺳﻮﺷﻼﺋﺰ ﮐﺮﻧﺎ ﭼﺎﮨﯿﮯ۔ ﺍﺏ ﺗﻤﮩﺎﺭﺍ ﮔﮭﺮ ﮨﮯ، ﺗﻢ ﮐﻮﻟﯿﮕﺰ ﮐﻮ ﺍﻧﻮﺍﺋﭧ ﮐﺮ ﻟﯿﺎ ﮐﺮﻭ ﯾﺎ ﮐﻢ ﺍﺯ ﮐﻢ ﺍﻥ ﺳﮯ ﻓﻮﻥ ﭘﺮ ﮨﯽ ﺑﺎﺕ ﮐﺮ ﻟﯿﺎ ﮐﺮﻭ۔ ” ﻭﮦ ﺍﺳﮯ ﺑﮍﯼ ﺳﻨﺠﯿﺪﮔﯽ ﺳﮯ ﺳﻤﺠﮭﺎ ﺭﮨﺎ ﺗﮭﺎ۔ ” ﺗﻢ ﺧﻮﺩ ﺳﻮﺷﻞ ﮨﻮ، ﺍﺱ ﻟﯿﮯ ﮐﮩﮧ ﺭﮨﮯ ﮨﻮ۔ ” ﺍﻣﺎﻣﮧ ﻧﮯ ﺟﻮﺍﺑﺎً ﮐﮩﺎ۔ ” ﮨﺎﮞ، ﻣﯿﺮﯼ ﺟﺎﺏ ﮐﯽ ﺿﺮﻭﺭﺕ ﮨﮯ ﺳﻮﺷﻞ ﮨﻮﻧﺎ۔ ﻣﺎﮦ ﺭﻣﻀﺎﻥ ﮐﮯ ﺑﻌﺪ ﮐﻮ ﻓﻨﮑﺸﻨﺰ ﮨﯿﮟ … ﮈﻧﺮ ﺑﮭﯽ ﮨﯿﮟ ﮐﭽﮫ … ﺗﻤﮩﯿﮟ ﻣﻠﻮﺍﺅﮞ ﮔﺎ ﮐﭽﮫ ﺩﻭﺳﺘﻮﮞ ﺳﮯ ﺑﮭﯽ … ﺍﭼﮭﺎ ﻟﮕﮯ ﮔﺎ ﺗﻤﮩﯿﮟ۔ ” ﻭﮦ ﺍﺱ ﺳﮯ ﮐﮩﮧ ﺭﮨﺎ ﺗﮭﺎ۔ ” ﻣﯿﮟ ﻧﮯ ﺗﻤﮩﺎﺭﮮ ﮈﯾﺴﮏ ﭘﺮ ﺩﯾﮑﮭﮯ ﮨﯿﮟ، ﺍﻓﻄﺎﺭ، ﮈﻧﺮﺯ ﮐﮯ ﮐﺎﺭﮈﺯ۔ ﺗﻢ ﻣﯿﺮﯼ ﻭﺟﮧ ﺳﮯ ﻧﮩﯿﮟ ﺟﺎ ﺭﮨﮯ؟ ” ﺍﻣﺎﻣﮧ ﻧﮯ ﮐﮩﺎ۔ ” ﻧﮩﯿﮟ، ﻣﯿﮟ ﺍﻓﻄﺎﺭ ﭘﺎﺭﭨﯿﺰ ﯾﺎ ﮈﻧﺮﺯ ﻣﯿﮟ ﻧﮩﯿﮟ ﺟﺎﺗﺎ۔ ” ﺳﺎﻻﺭ ﻧﮯ ﺳﺮﺳﺮﯼ ﺍﻧﺪﺍﺯ ﻣﯿﮟ ﮐﮩﺎ۔ ” ﮐﯿﻮﮞ؟ ” ﻭﮦ ﺣﯿﺮﺍﻥ ﮨﻮﺋﯽ۔ ” ﮐﯿﻮﻧﮑﮧ ﻣﯿﮟ ﺳﻤﺠﮭﺘﺎ ﮨﻮﮞ ﯾﮧ ﭘﺎﺭﭨﯿﺰ ﻣﺎﮦ ﺭﻣﻀﺎﻥ ﮐﯽ ﺍﺳﭙﺮﭦ ﮐﺎ ﻣﺬﺍﻕ ﺍﮌﺍﺗﯽ ﮨﯿﮟ۔ ﻣﯿﮟ ﻣﺎﮦ ﺭﻣﻀﺎﻥ ﻣﯿﮟ ﮐﺴﯽ ﮐﮯ ﮔﮭﺮ ﺍﻓﻄﺎﺭ ﭘﺮ ﻧﮩﯿﮟ ﺟﺎﺗﺎ۔ ” ” ﻟﯿﮑﻦ ﻓﺮﻗﺎﻥ ﮐﮯ ﮔﮭﺮ ﺗﻮ ﺟﺎﺗﮯ ﮨﻮ۔ ” ﺍﻣﺎﻣﮧ ﻧﮯ ﺑﮯ ﺳﺎﺧﺘﮧ ﮐﮩﺎ، ﻭﮦ ﻣﺴﮑﺮﺍ ﺩﯾﺎ۔ ﻭﮦ ﺍﺱ ﻭﻗﺖ ﺑﮭﯽ ﻓﺮﻗﺎﻥ ﮐﮯ ﮔﮭﺮ ﺳﮯ ﺁﯾﺎ ﮨﻮﺍ ﮐﮭﺎﻧﺎ ﮐﮭﺎ ﺭﮨﮯ ﺗﮭﮯ۔ ” ﻣﯿﮟ ﻓﺮﻗﺎﻥ ﮐﮯ ﮔﮭﺮ ﻣﺎﮦ ﺭﻣﻀﺎﻥ ﺳﮯ ﭘﮩﻠﮯ ﺑﮭﯽ ﮐﮭﺎﻧﺎ ﮐﮭﺎﺗﺎ ﺭﮨﺎ ﮨﻮﮞ ﺍﻭﺭ ﺍﮔﺮ ﻭﮦ ﻣﺠﮭﮯ ﺍﻓﻄﺎﺭ ﯾﺎ ﮈﻧﺮ ﮐﮯ ﻟﯿﮯ ﺑﻼﺗﺎ ﮨﮯ ﺗﻮ ﮐﮭﺎﻧﮯ ﻣﯿﮟ ﮐﻮﺋﯽ ﺍﮨﺘﻤﺎﻡ ﻧﮩﯿﮟ ﮐﺮﺗﺎ۔ ﮨﻢ ﻭﮨﯽ ﮐﮭﺎﺗﮯ ﮨﯿﮟ ﺟﻮ ﺍﺱ ﮐﮯ ﮔﮭﺮ ﻣﯿﮟ ﻋﺎﻡ ﺩﻧﻮﮞ ﻣﯿﮟ ﭘﮑﺘﺎ ﮨﮯ ﻟﯿﮑﻦ ﻋﺎﻡ ﺩﻧﻮﮞ ﻣﯿﮟ ﺍﺱ ﮐﮯ ﮔﮭﺮ ﻣﯿﮟ ﯾﮧ ﻧﮩﯿﮟ ﭘﮑﺘﺎ۔ ” ﺳﺎﻻﺭ ﻧﮯ ﭨﯿﺒﻞ ﭘﺮ ﭘﮍﯼ ﺗﯿﻦ ﭼﺎﺭ ﭼﯿﺰﻭﮞ ﮐﯽ ﻃﺮﻑ ﺍﺷﺎﺭﮦ ﮐﯿﺎ۔ ” ﭘﮭﺮ … ؟ ” ﻭﮦ ﻣﺰﯾﺪ ﺣﯿﺮﺍﻥ ﮨﻮﺋﯽ۔ ” ﯾﮧ ﺳﺎﺭﺍ ﺍﮨﺘﻤﺎﻡ ﻓﺮﻗﺎﻥ ﺍﻭﺭ ﺑﮭﺎﺑﮭﯽ ﺗﻤﮩﺎﺭﮮ ﻟﯿﮯ ﮐﺮ ﺭﮨﮯ ﮨﯿﮟ ﮐﯿﻮﻧﮑﮧ ﮨﻤﺎﺭﯼ ﻧﺌﯽ ﻧﺌﯽ ﺷﺎﺩﯼ ﮨﻮﺋﯽ ﮨﮯ ﺗﻮ ﺗﻤﮩﺎﺭﮮ ﻟﯿﮯ ﺳﺤﺮﯼ ﺍﻭﺭ ﺍﻓﻄﺎﺭﯼ ﻣﯿﮟ ﺑﮭﯽ ﺍﮨﺘﻤﺎﻡ ﮨﻮ ﺭﮨﺎ ﮨﮯ، ﻭﺭﻧﮧ ﺗﻮ ﮨﻢ ﺳﺎﺩﮦ ﮐﮭﺎﻧﺎ ﮐﮭﺎﺗﮯ ﮨﯿﮟ۔ ﻣﺎﮦ ﺭﻣﻀﺎﻥ ﻣﯿﮟ ﮨﻢ ﻟﻮﮒ ﺍﭘﻨﮯ ﮐﭽﻦ ﮐﮯ ﻟﯿﮯ ﮔﺮﻭ ﺳﺮﯼ ﻋﺎﻡ ﻣﮩﯿﻨﻮﮞ ﮐﯽ ﻧﺴﺒﺖ ﺁﺩﮬﺎ ﺧﺮﭺ ﮐﺮﺗﮯ ﮨﯿﮟ ﺍﻭﺭ ﺁﺩﮬﮯ ﭘﯿﺴﻮﮞ ﺳﮯ ﮨﻢ ﮐﺴﯽ ﺍﻭﺭ ﻓﯿﻤﻠﯽ ﮐﻮ ﭘﻮﺭﮮ ﻣﮩﯿﻨﮯ ﮐﺎ ﺭﺍﺷﻦ ﻣﻨﮕﻮﺍ ﺩﯾﺘﮯ ﮨﯿﮟ۔ ﮐﮭﺎﻧﺎ ﭨﮭﻨﮉﺍ ﮨﻮ ﺭﮨﺎ ﮨﮯ ﺗﻤﮩﺎﺭﺍ۔ ” ﺳﺎﻻﺭ ﻧﮯ ﺳﮯ ﻣﺘﻮﺟﮧ ﮐﯿﺎ، ﻭﮦ ﺧﻮﺩ ﮐﮭﺎﻧﺎ ﺧﺘﻢ ﮐﺮ ﮐﮯ ﺍﺏ ﻣﯿﭩﮭﺎ ﮐﮭﺎ ﺭﮨﺎ ﺗﮭﺎ۔ ﯾﮧ ﮈﺍﮐﭩﺮ ﺳﺒﻂ ﻋﻠﯽ ﮐﮯ ﮔﮭﺮ ﮐﯽ ﺭﻭﺍﯾﺖ ﺗﮭﯽ۔ ﻣﺎﮦ ﺭﻣﻀﺎﻥ ﻣﯿﮟ ﺍﻥ ﮐﮯ ﮔﮭﺮ ﺁﻧﮯ ﻭﺍﻻ ﺭﺍﺷﻦ ﺁﺩﮬﺎ ﮨﻮ ﺟﺎﺗﺎ ﺗﮭﺎ۔ ﮔﮭﺮ ﮐﮯ ﺩﻭ ﻣﻼﺯﻣﻮﮞ ﮐﮯ ﻣﺎﮦ ﺭﻣﻀﺎﻥ ﮐﺎ ﺭﺍﺷﻦ ﺍﺱ ﺑﺎﻗﯽ ﺭﺍﺷﻦ ﮐﯽ ﻗﯿﻤﺖ ﺳﮯ ﺁﺗﺎ ﺗﮭﺎ۔ ﺍﻣﺎﻣﮧ ”! ﺳﺎﻻﺭ ﻧﮯ ﭘﮭﺮ ﺍﺳﮯ ﮐﮭﺎﻧﮯ ﮐﯽ ﻃﺮﻑ ﻣﺘﻮﺟﮧ ﮐﯿﺎ۔ ﻭﮦ ﮐﮭﺎﻧﺎ ﮐﮭﺎﻧﮯ ﻟﮕﯽ۔ ﺳﺎﻻﺭ ﻣﯿﭩﮭﺎ ﺑﮭﯽ ﺧﺘﻢ ﮐﺮ ﭼﮑﺎ ﺗﮭﺎ ﺍﻭﺭ ﺍﺏ ﻣﻨﺘﻈﺮ ﺗﮭﺎ ﮐﮧ ﻭﮦ ﮐﮭﺎﻧﺎ ﺧﺘﻢ ﮐﺮ ﻟﮯ۔ ﻭﮦ ﺧﻮﺩ ﺳﺎﺗﮫ ﺳﺎﺗﮫ ﺳﯿﻞ ﭘﺮ ﻣﺴﻠﺴﻞ ﻣﯿﺴﺠﺰ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﺎ۔ ﻭﮦ ﮐﺴﯽ ﺣﺪ ﺗﮏ ﺑﺪﻝ ﮔﯿﺎ ﺗﮭﺎ ﺍﻭﺭ ﺍﺱ ﮐﮯ ﺍﻧﺪﺭ ﺁﻧﮯ ﻭﺍﻟﯽ ﺗﺒﺪﯾﻠﯽ ﮐﺲ ﺣﺪ ﺗﮏ ﮈﺍﮐﭩﺮ ﺻﺎﺣﺐ ﮐﯽ ﻣﺮﮨﻮﻥ ﻣﻨﺖ ﺗﮭﯽ ﺍﻭﺭ ﮐﺲ ﺣﺪ ﺗﮏ ﺍﺱ ﮐﯽ ﺍﭘﻨﯽ ﺳﻮﭺ ﮐﯽ، ﺍﻧﺪﺍﺯﮦ ﻟﮕﺎﻧﺎ ﻣﺸﮑﻞ ﺗﮭﺎ … ﻭﮦ ﮐﮭﺎﻧﺎ ﮐﮭﺎﺗﮯ ﮨﻮﺋﮯ ﮨﻤﯿﺸﮧ ﺍﺱ ﮐﮯ ﮐﮭﺎﻧﺎ ﺷﺮﻭﻉ ﮐﺮﻧﮯ ﮐﺎ ﺍﻧﺘﻈﺎﺭ ﮐﺮﺗﺎ ﺗﮭﺎ۔ ﮐﮭﺎﻧﺎ ﮐﮭﺎﺗﮯ ﮨﻮﺋﮯ ﮐﭽﮫ ﻧﮧ ﮐﭽﮫ ﺍﺱ ﮐﯽ ﭘﻠﯿﭧ ﻣﯿﮟ ﺿﺮﻭﺭ ﺭﮐﮭﺘﺎ ﺗﮭﺎ ﺍﻭﺭ ﺍﺱ ﮐﮯ ﮐﮭﺎﻧﺎ ﺧﺘﻢ ﮐﺮﻧﮯ ﮐﮯ ﺑﻌﺪ ﮨﯽ ﮐﮭﺎﻧﮯ ﮐﯽ ﭨﯿﺒﻞ ﺳﮯ ﺍﭨﮭﺘﺎ۔ ﻭﮦ ﯾﮧ ﺑﺎﺗﯿﮟ ﻧﻮﭨﺲ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ، ﻟﯿﮑﻦ ﻭﮦ ﯾﮧ ﻧﻮﭨﺲ ﮐﯿﮯ ﺑﻐﯿﺮ ﺑﮭﯽ ﺭﮦ ﻧﮩﯿﮟ ﺳﮑﺘﯽ ﺗﮭﯽ۔ ﻭﮦ ﻋﺠﯿﺐ ﺗﮭﺎ۔ ” ﻋﺠﯿﺐ؟ ” ﺍﺱ ﮐﮯ ﻋﻼﻭﮦ ﮐﻮﺋﯽ ﺩﻭﺳﺮﺍ ﻟﻔﻆ ﺍﻣﺎﻣﮧ ﮐﮯ ﺫﮨﻦ ﻣﯿﮟ ﻧﮩﯿﮟ ﺁﯾﺎ۔ ﮈﻧﺮ ﮐﮯ ﺑﻌﺪ ﻭﮦ ﺭﺍﺕ ﮐﻮ ﮐﭽﻦ ﮐﺎ ﺳﻮﺩﺍ ﺳﻠﻒ ﺧﺮﯾﺪﻧﮯ ﮐﮯ ﻟﯿﮯ ﮔﺌﮯ ﺗﮭﮯ۔ ﺍﻣﺎﻣﮧ ﻧﮯ ﺍﮔﺮ ﺳﺎﻻﺭ ﮐﯽ ﯾﮧ ﮔﻔﺖ ﮔﻮ ﻧﮧ ﺳﻨﯽ ﮨﻮﺗﯽ ﺗﻮ ﯾﻘﯿﻨﺎ ﻭﮦ ﮐﭽﻦ ﮐﮯ ﻟﯿﮯ ﺍﯾﮏ ﻟﻤﺒﯽ ﭼﻮﮌﯼ ﻟﺴﭧ ﺑﻨﺎﺋﮯ ﺑﯿﭩﮭﯽ ﺗﮭﯽ، ﻟﯿﮑﻦ ﺍﺱ ﻧﮯ ﺧﺮﯾﺪﺍﺭﯼ ﮐﺮﺗﮯ ﮨﻮﺋﮯ ﺑﮩﺖ ﺍﺣﺘﯿﺎﻁ ﺳﮯ ﮐﺎﻡ ﻟﯿﺎ۔ ﺧﺮﯾﺪﯼ ﺟﺎﻧﮯ ﻭﺍﻟﯽ ﺯﯾﺎﺩﮦ ﺗﺮ ﺍﺷﯿﺎﺀ ﮐﻨﭩﯿﻨﺮﺯ ﺍﻭﺭ ﺟﺎﺭﺯ ﮨﯽ ﺗﮭﮯ۔ ﮐﮭﺎﻧﮯ ﭘﮑﺎﻧﮯ ﮐﺎ ﺳﺎﻣﺎﻥ ﺍﺱ ﻧﮯ ﺑﮩﺖ ﮐﻢ ﺧﺮﯾﺪﺍ ﺗﮭﺎ۔ ﺁﺝ ﺍﻧﮩﻮﮞ ﻧﮯ ﺍﯾﮏ ﺍﻭﺭ ﺟﮕﮧ ﺳﮯ ﮐﺎﻓﯽ ﭘﯽ ﺗﮭﯽ۔ ” ﺗﻤﮩﺎﺭﺍ ﻭﮦ ﭘﺮﺍﺑﻠﻢ ﺣﻞ ﮨﻮ ﮔﯿﺎ؟ ” ﺍﻣﺎﻣﮧ ﮐﻮ ﮔﺎﮌﯼ ﻣﯿﮟ ﺍﭼﺎﻧﮏ ﯾﺎﺩ ﺁﯾﺎ۔ ” ﮐﻮﻥ ﺳﺎ ﭘﺮﺍﺑﻠﻢ؟ ” ﺳﺎﻻﺭ ﻧﮯ ﭼﻮﻧﮏ ﮐﺮ ﺍﺳﮯ ﺩﯾﮑﮭﺎ۔ ” ﻭﮦ ﺟﺲ ﮐﯽ ﻭﺟﮧ ﺳﮯ ﺗﻢ ﮐﻞ ﺭﺍﺕ ﭘﺮﯾﺸﺎﻥ ﺗﮭﮯ۔ ” ﺍﻣﺎﻣﮧ ﻧﮯ ﺍﺳﮯ ﯾﺎﺩ ﺩﻻﯾﺎ۔ ﻭﮦ ﺑﮯ ﺍﺧﺘﯿﺎﺭ ﺑﮍﺑﮍﺍﯾﺎ۔ ” ﮐﺎﺵ ﮨﻮ ﺟﺎﺗﺎ۔ ” ” ﯾﻌﻨﯽ ﻧﮩﯿﮟ ﮨﻮﺍ۔ ” ﺍﻣﺎﻣﮧ ﻣﺘﻔﮑﺮ ﮨﻮﺋﯽ۔ ” ﮨﻮ ﺟﺎﺋﮯ ﮔﺎ۔ ” ﺳﺎﻻﺭ ﻧﮯ ﻋﺠﯿﺐ ﺳﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﺍﺱ ﮐﺎ ﭼﮩﺮﮦ ﺩﯾﮑﮭﺎ۔ ” ﭘﺮﺳﻮﮞ ﻣﯿﮟ ﮐﺮﺍﭼﯽ ﺟﺎ ﺭﮨﺎ ﮨﻮﮞ۔ ” ﺳﺎﻻﺭ ﻧﮯ ﺑﺎﺕ ﺑﺪﻟﯽ۔ ” ﮐﺘﻨﮯ ﺩﻥ ﮐﮯ ﻟﯿﮯ؟ ” ﻭﮦ ﭼﻮﻧﮑﯽ۔ ” ﺻﺒﺢ ﺟﺎﺅﮞ ﮔﺎ ﺍﻭﺭ ﺭﺍﺕ ﮐﻮ ﺁﺟﺎﺅﮞ ﮔﺎ۔ ﻣﯿﮟ ﻣﮩﯿﻨﮯ ﻣﯿﮟ ﺩﻭ ﺗﯿﻦ ﺑﺎﺭ ﺟﺎﺗﺎ ﮨﻮﮞ ﮐﺮﺍﭼﯽ۔ ﺗﻢ ﭼﻠﻮ ﮔﯽ ﺳﺎﺗﮫ؟ ” ﻭﮦ ﮨﻨﺴﺎ۔ ﺍﻣﺎﻣﮧ ﻧﮯ ﺣﯿﺮﺍﻧﯽ ﺳﮯ ﺍﺳﮯ ﺩﯾﮑﮭﺎ۔ ” ﺍﯾﮏ ﺩﻥ ﮐﮯ ﻟﯿﮯ؟ ” ” ﮨﺎﮞ ”… ” ﺗﻢ ﺁﻓﺲ ﮐﮯ ﮐﺎﻡ ﺳﮯ ﺟﺎ ﺭﮨﮯ ﮨﻮ، ﻣﯿﮟ ﮐﯿﺎ ﮐﺮﻭﮞ ﮔﯽ ﻭﮨﺎﮞ؟ ” ” ﺗﻢ ﺍﻧﯿﺘﺎ ﮐﮯ ﺳﺎﺗﮫ ﺷﺎﭘﻨﮓ ﮐﮯ ﻟﯿﮯ ﭼﻠﯽ ﺟﺎﻧﺎ، ﻭﮦ ﺗﻤﮩﯿﮟ ﮔﮭﻤﺎ ﭘﮭﺮﺍﺋﮯ ﮔﯽ ﮐﺮﺍﭼﯽ۔ ﮐﺒﮭﯽ ﮔﺌﯽ ﮨﻮ ﭘﮩﻠﮯ ﻭﮨﺎﮞ؟ ” ﺳﺎﻻﺭ ﭘﻮﭼﮫ ﺭﮨﺎ ﺗﮭﺎ۔ ” ﻧﮩﯿﮟ۔ ” ﻭﮦ ﮐﭽﮫ ﺍﯾﮑﺴﺎﺋﯿﭩﮉ ﮨﻮﻧﮯ ﻟﮕﯽ ﺗﮭﯽ۔ ﺳﻤﻨﺪﺭ ﺍﺳﮯ ﭘﺴﻨﺪ ﺗﮭﺎ ﺍﻭﺭ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﺳﮯ ﺳﻤﻨﺪﺭ ﺩﯾﮑﮭﻨﮯ ﮐﺎ ﻣﻮﻗﻊ ﻣﻞ ﺭﮨﺎ ﺗﮭﺎ۔ ” ﺍﻧﯿﺘﺎ ﺳﮯ ﭨﺎﺋﯽ ﺍﭖ ﮐﺮﺗﺎ ﮨﻮﮞ ﭘﺮﻭﮔﺮﺍﻡ … ﻣﯿﮟ ﺁﻓﺲ ﻣﯿﮟ، ﺗﻢ ﻣﯿﺮﯼ ﺑﮩﻦ ﮐﮯ ﺳﺎﺗﮫ ﺑﺎﺯﺍﺭﻭﮞ ﻣﯿﮟ … ﮨﻢ ﺗﻮ ﺍﺳﯽ ﻃﺮﺡ ﮐﺎ ﮨﻨﯽ ﻣﻮﻥ ﻣﻨﺎ ﺳﮑﺘﮯ ﮨﯿﮟ ﻓﯽ ﺍﻟﺤﺎﻝ۔ ” ﻭﮦ ﺍﺳﮯ ﭘﮭﺮ ﭼﮭﯿﮍ ﺭﮨﺎ ﺗﮭﺎ۔ ﻭﮦ ﮨﻨﺲ ﭘﮍﯼ۔ ﻭﮦ ﺍﺱ ﺳﮯ ﮐﮩﮧ ﻧﮩﯿﮟ ﺳﮑﯽ ﮐﮧ ﺟﺲ ﺯﻧﺪﮔﯽ ﻭﮦ ﮔﺰﺍﺭ ﮐﺮ ﺁﺋﯽ ﺗﮭﯽ، ﺍﺱ ﮐﮯ ﻣﻘﺎﺑﻠﮯ ﻣﯿﮟ ﯾﮧ ﺁﺯﺍﺩﯼ ﺍﺳﮯ ﺟﻨﺖ ﺟﯿﺴﯽ ﻣﺤﺴﻮﺱ ﮨﻮ ﺭﮨﯽ ﮨﮯ۔ ٭٭٭٭ ” ﯾﮧ ﮐﯿﺎ ﮨﮯ؟ ” ﻭﮦ ﺧﺮﯾﺪﺍ ﮨﻮﺍ ﺳﻮﺩﺍ ﺳﻠﻒ، ﺟﺎﺭﺯ ﺍﻭﺭ ﮐﻨﭩﯿﻨﺮﺯ ﻣﯿﮟ ﮈﺍﻟﻨﮯ ﻣﯿﮟ ﻣﺼﺮﻭﻑ ﺗﮭﯽ ﺟﺐ ﺳﺎﻻﺭ ﺍﭘﻨﮯ ﺍﺳﭩﮉﯼ ﺭﻭﻡ ﺳﮯ ﺍﯾﮏ ﻟﻔﺎﻓﮧ ﻟﮯ ﮐﺮ ﮐﭽﻦ ﺍﯾﺮﯾﺎ ﻣﯿﮟ ﺁﯾﺎ۔ ” ﺍﺱ ﻣﯿﮟ ﺗﻤﮩﺎﺭﯼ ﭼﯿﮏ ﺑﮏ ﮨﮯ۔ ” ﺳﺎﻻﺭ ﻧﮯ ﺍﺳﮯ ﺑﺘﺎﯾﺎ ﺍﻭﺭ ﻟﻔﺎﻓﮧ ﮐﺎﺅﻧﭩﺮ ﭘﺮ ﺭﮐﮫ ﮐﺮ ﭼﻼ ﮔﯿﺎ۔ ﺍﻣﺎﻣﮧ ﻧﮯ ﻟﻔﺎﻓﮧ ﮐﮭﻮﻝ ﮐﺮ ﺍﻧﺪﺭ ﻣﻮﺟﻮﺩ ﭼﯿﮏ ﺑﮏ ﻧﮑﺎﻟﯽ۔ ﺍﺱ ﮐﮯ ﺳﺎﺗﮫ ﺍﯾﮏ ﭘﮯ ﺳﻠﭗ ﺑﮭﯽ ﻧﮑﻞ ﺁﺋﯽ۔ ﻭﮦ ﺗﯿﺲ ﻻﮐﮫ ﮐﯽ ﺗﮭﯽ۔ ﺍﻣﺎﻣﮧ ﮐﻮ ﻟﮕﺎ ﮐﮧ ﺍﺳﮯ ﮐﭽﮫ ﻏﻠﻂ ﻓﮩﻤﯽ ﮨﻮﺋﯽ ﮨﮯ۔ ﺍﺱ ﻧﮯ ﺳﻠﭗ ﮐﻮ ﺩﻭﺑﺎﺭﮦ ﺩﯾﮑﮭﺎ۔ ﻭﮦ ﻭﺍﻗﻌﯽ ﺗﯿﺲ ﻻﮐﮫ ﮨﯽ ﮐﯽ ﺗﮭﯽ۔ ﺍﺱ ﻧﮯ ﺍﺱ ﮐﮯ ﺍﮐﺎﺅﻧﭧ ﻣﯿﮟ ﺗﯿﺲ ﻻﮐﮫ ﮐﯿﻮﮞ ﺟﻤﻊ ﮐﺮﻭﺍﺋﮯ؟ ﯾﻘﯿﻨﺎ ﺍﺱ ﺳﮯ ﮐﻮﺋﯽ ﻏﻠﻄﯽ ﮨﻮ ﮔﺌﯽ ﺗﮭﯽ۔ ﻭﮦ ﻟﻔﺎﻓﮧ ﭘﮑﮍﮮ ﺍﺳﭩﮉﯼ ﺭﻭﻡ ﻣﯿﮟ ﺁﮔﺌﯽ۔ ﺳﺎﻻﺭ ﺍﭘﻨﮯ ﮐﻤﭙﯿﻮﭨﺮ ﭘﺮ ﮐﻮﺋﯽ ﮐﺎﻡ ﮐﺮ ﺭﮨﺎ ﺗﮭﺎ۔ ” ﺳﺎﻻﺭ ! ﺗﻤﮩﯿﮟ ﭘﺘﺎ ﮨﮯ، ﺗﻢ ﻧﮯ ﮐﺘﻨﺎ ﺑﮍﺍ blunder ﮐﯿﺎ ﮨﮯ؟ ” ﺍﻣﺎﻣﮧ ﻧﮯ ﺍﻧﺪﺭ ﺁﺗﮯ ﮨﻮﺋﮯ ﮐﮩﺎ۔ ” ﮐﯿﺴﺎ blunder ؟ ” ﻭﮦ ﭼﻮﻧﮑﺎ۔ ﺍﻣﺎﻣﮧ ﻧﮯ ﺍﺱ ﮐﮯ ﻗﺮﯾﺐ ﺁﮐﺮ ﭘﮯ ﺳﻠﭗ ﺍﺱ ﮐﮯ ﺳﺎﻣﻨﮯ ﮐﯽ۔ ” ﺍﺳﮯ ﺩﯾﮑﮭﻮ ﺫﺭﺍ … ﯾﮧ ﮐﯿﺎ ﮨﮯ؟ ” ” ﭘﮯ ﺳﻠﭗ ﮨﮯ۔ ” ﺳﺎﻻﺭ ﻧﮯ ﺍﯾﮏ ﻧﻈﺮ ﺍﺱ ﭘﺮ ﮈﺍﻟﺘﮯ ﮨﻮﺋﮯ ﺩﻭﺑﺎﺭﮦ ﮈﯾﺴﮏ ﭨﺎﭖ ﭘﺮ ﻧﻈﺮ ﺩﻭﮌﺍﻧﺎ ﺷﺮﻭﻉ ﮐﺮ ﺩﯼ۔ ” ﮐﺘﻨﯽ ﺭﻗﻢ ﺟﻤﻊ ﮐﺮﻭﺍﺋﯽ ﮨﮯ ﺗﻢ ﻧﮯ ﻣﯿﺮﮮ ﺍﮐﺎﺅﻧﭧ ﻣﯿﮟ؟ ” ” ﺗﯿﺲ ﻻﮐﮫ۔ ” ﻭﮦ ﺣﯿﺮﺍﻥ ﮨﻮﺋﯽ۔ ” ﺍﺑﮭﯽ ﮐﭽﮫ ﺭﮨﺘﯽ ﮨﮯ، ﺳﺎﺕ ﻻﮐﮫ ﺍﻭﺭ ﮐﭽﮫ … ﭼﻨﺪ ﻣﺎﮦ ﻣﯿﮟ ﻭﮦ ﺑﮭﯽ ﺩﮮ ﺩﻭﮞ ﮔﺎ۔ ” ﻭﮦ ﮐﭽﮫ ﭨﺎﺋﭗ ﮐﺮﺗﮯ ﮨﻮﺋﮯ ﺳﺮﺳﺮﯼ ﺍﻧﺪﺍﺯ ﻣﯿﮟ ﮐﮩﮧ ﺭﮨﺎ ﺗﮭﺎ۔ ” ﻟﯿﮑﻦ ﮐﯿﻮﮞ ﺩﻭ ﮔﮯ ﻣﺠﮭﮯ؟ ﮐﺲ ﻟﯿﮯ؟ ” ﻭﮦ ﺣﯿﺮﺍﻥ ﺗﮭﯽ۔ ” ﺗﻤﮩﺎﺭﺍ ﺣﻖ ﻣﮩﺮ ﮨﮯ۔ ” ﺳﺎﻻﺭ ﻧﮯ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ۔ ” ﻣﯿﺮﺍ ﺣﻖ ﻣﮩﺮ ﺩﻭ ﻻﮐﮫ ﺭﻭﭘﮯ ﮨﮯ۔ ” ﺍﻣﺎﻣﮧ ﮐﻮ ﻟﮕﺎ ﮐﮧ ﺷﺎﯾﺪ ﻭﮦ ﺑﮭﻮﻝ ﮔﯿﺎ ﮨﮯ۔ ” ﻭﮦ ﺁﻣﻨﮧ ﮐﺎ ﺗﮭﺎ، ﻣﯿﮟ ﺗﻤﮩﯿﮟ ﺯﯾﺎﺩﮦ ﺣﻖ ﻣﮩﺮ ﺩﯾﻨﺎ ﭼﺎﮨﺘﺎ ﮨﻮﮞ۔ ” ﺳﺎﻻﺭ ﻧﮯ ﮐﻨﺪﮬﮯ ﺍﭼﮑﺎ ﮐﺮ ﮐﮩﺎ۔ ” ﻟﯿﮑﻦ ﯾﮧ ﺗﻮ ﺑﮩﺖ ﮨﯽ ﺯﯾﺎﺩﮦ ﮨﮯ ﺳﺎﻻﺭ۔ ” ﻭﮦ ﯾﮏ ﺩﻡ ﺳﻨﺠﯿﺪﮦ ﮨﻮﺋﯽ۔ ” ﺗﻢ ﺳﮯ ﮐﺲ ﻧﮯ ﮐﮩﺎ، ﻣﺠﮭﮯ ﺍﺗﻨﯽ ﺭﻗﻢ ﺩﻭ؟ ” ” ﺗﻢ ﻧﮯ ﺧﻮﺩ ﻣﺠﮭﮯ ﻟﮑﮫ ﮐﺮ ﺩﯼ ﺗﮭﯽ ﯾﮧ ﺭﻗﻢ۔ ” ﺳﺎﻻﺭ ﻧﮯ ﺍﺱ ﺑﺎﺭ ﻣﺴﮑﺮﺍﺗﮯ ﮨﻮﺋﮯ ﻣﺎﻧﯿﭩﺮ ﺳﮯ ﻧﻈﺮﯾﮟ ﮨﭩﺎ ﮐﺮ ﺍﺳﮯ ﺩﯾﮑﮭﺎ۔ ” ﻣﯿﮟ ﻧﮯ ﮐﺐ ”… ﻭﮦ ﮐﮩﺘﮯ ﮐﮩﺘﮯ ﺭﮎ ﮔﺌﯽ۔ ” ﻭﮦ ﻓﮕﺮ ﺗﻢ ﺍﺱ ﻟﯿﮯ ﻟﮑﮭﻮﺍ ﺭﮨﮯ ﺗﮭﮯ … ؟ ” ﺍﺳﮯ ﯾﺎﺩ ﺁﮔﯿﺎ۔ ” ﮨﺎﮞ۔ ” ﺍﺱ ﮐﯽ ﻻﭘﺮﻭﺍﺋﯽ ﺍﺏ ﺑﮭﯽ ﺑﺮﻗﺮﺍﺭ ﺗﮭﯽ۔ ” ﺗﻢ ﭘﺎﮔﻞ ﮨﻮ۔ ” ﺍﻣﺎﻣﮧ ﮐﻮ ﺑﮯ ﺍﺧﺘﯿﺎﺭ ﮨﻨﺴﯽ ﺁﺋﯽ۔ ” ﺷﺎﯾﺪ۔ ” ﺳﺎﻻﺭ ﻧﮯ ﺑﮯ ﺳﺎﺧﺘﮧ ﮐﮩﺎ۔ ” ﺍﭼﮭﺎ، ﻣﯿﮟ ﺍﯾﮏ ﺍﺭﺏ ﻟﮑﮫ ﺩﯾﺘﯽ ﺗﻮ ﮐﯿﺎ ﮐﺮﺗﮯ؟ ” ﻭﮦ ﺍﺏ ﻃﻨﺰ ﮐﺮ ﺭﮨﯽ ﺗﮭﯽ۔ ” ﺗﻮ ﺍﯾﮏ ﺍﺭﺏ ﺑﮭﯽ ﺩﮮ ﺩﯾﺘﺎ۔ ” ” ﮐﯿﺎ ﻓﯿﺎﺿﯽ ﺗﮭﯽ۔ ” ﮐﮩﺎﮞ ﺳﮯ ﺩﯾﺘﮯ؟ ﻓﺮﺍﮈ ﮐﺮﺗﮯ؟ ” ﻭﮦ ﺑﮯ ﺳﺎﺧﺘﮧ ﻧﺎﺭﺍﺽ ﮨﻮﺋﯽ۔ ” ﮐﯿﻮﮞ ﮐﺮﺗﺎ؟ ﮐﻤﺎ ﮐﺮ ﺩﯾﺘﺎ۔ ” ﺳﺎﻻﺭ ﻧﮯ ﺍﺱ ﮐﯽ ﺑﺎﺕ ﮐﺎ ﺑﺮﺍ ﻣﺎﻧﺎ۔ ” ﺳﺎﺭﯼ ﻋﻤﺮ ﮐﻤﺎﺗﮯ ﮨﯽ ﺭﮨﺘﮯ ﭘﮭﺮ؟ ” ” ﺍﭼﮭﺎ ﮨﻮﺗﺎ، ﺳﺎﺭﯼ ﻋﻤﺮ ﺗﻤﮩﺎﺭﺍ ﻗﺮﺽ ﺩﺍﺭ ﺭﮨﺘﺎ۔ ﻭﺍﻗﻌﯽ ﺍﭼﮭﺎ ﮨﻮﺗﺎ، ﺗﻮ ﺍﯾﮏ ﺍﺭﺏ ﭼﺎﮨﯿﮯ ﮐﯿﺎ؟ ” ﻭﮦ ﺗﯿﮑﮭﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﮐﻮ ﮐﺌﯽ ﺳﺎﻝ ﭘﮩﻠﮯ ﻭﺍﻟﮯ ﺳﺎﻻﺭ ﮐﯽ ﺟﮭﻠﮏ ﻧﻈﺮ ﺁﺋﯽ۔ ” ﮐﯿﻮﮞ ﺩﮮ ﺭﮨﮯ ﮨﻮ؟ ” ﺍﺱ ﻧﮯ ﺳﻨﺠﯿﺪﮔﯽ ﺳﮯ ﮐﭽﮫ ﺩﯾﺮ ﺍﺳﮯ ﺩﯾﮑﮫ ﮐﺮ ﮐﮩﺎ۔ ” ﺑﯿﻮﯼ ﮨﻮ ﺗﻢ، ﺍﺱ ﻟﯿﮯ۔ ” ” ﺍﺗﻨﮯ ﭘﯿﺴﮯ ﮐﮩﺎﮞ ﺳﮯ ﺁﺋﮯ ﺗﻤﮩﺎﺭﮮ ﭘﺎﺱ؟ ” ” ﺍﻣﺎﻣﮧ ! ﻣﯿﺮﯼ ﺳﯿﻮﻧﮕﺰ ﮨﯿﮟ ﯾﮧ۔ ” ﺳﺎﻻﺭ ﻧﮯ ﺑﮯ ﺣﺪ ﺗﺤﻤﻞ ﺳﮯ ﮐﮩﺎ۔ ” ﺳﯿﻮﻧﮕﺰ ﮨﯿﮟ ﺗﻮ ﻣﺠﮭﮯ ﮐﯿﻮﮞ ﺩﮮ ﺭﮨﮯ ﮨﻮ؟ ” ﻭﮦ ﮐﭽﮫ ﺧﻔﺎ ﮨﻮﺋﯽ۔ ” ﻣﯿﺮﺍ ﺩﻝ ﭼﺎﮨﺘﺎ ﮨﮯ، ﻣﯿﮟ ﺗﻤﮩﯿﮟ ﺩﻭﮞ۔ ﺍﮔﺮ ﯾﮧ ﭘﻮﺭﯼ ﺩﻧﯿﺎ ﻣﯿﺮﯼ ﮨﻮﺗﯽ ﺗﻮ ﻣﯿﮟ ﯾﮧ ﺳﺎﺭﯼ ﺩﻧﯿﺎ ﺗﻤﮩﯿﮟ ﺩﮮ ﺩﯾﺘﺎ۔ ﻣﯿﮟ ﮐﻤﺎ ﺭﮨﺎ ﮨﻮﮞ ﺍﻭﺭ ﺭﻭﭘﯿﮧ ﺁﺟﺎﺋﮯ ﮔﺎ ﻣﯿﺮﮮ ﭘﺎﺱ۔ ﻣﺠﮭﮯ ﺍﺱ ﺳﮯ ﮐﻮﺋﯽ ﻓﺮﻕ ﻧﮩﯿﮟ ﭘﮍﺗﺎ ” ﮐﯿﺎ ﺷﺎﮨﺎﻧﮧ ﺍﻧﺪﺍﺯ ﺗﮭﺎ۔۔ ******* ﻭﮦ ﺗﯿﮑﮭﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﮐﻮ ﮐﺌﯽ ﺳﺎﻝ ﭘﮩﻠﮯ ﻭﺍﻟﮯ ﺳﺎﻻﺭ ﮐﯽ ﺟﮭﻠﮏ ﻧﻈﺮ ﺁﺋﯽ۔ ” ﮐﯿﻮﮞ ﺩﮮ ﺭﮨﮯ ﮨﻮ؟ ” ﺍﺱ ﻧﮯ ﺳﻨﺠﯿﺪﮔﯽ ﺳﮯ ﮐﭽﮫ ﺩﯾﺮ ﺍﺳﮯ ﺩﯾﮑﮫ ﮐﺮ ﮐﮩﺎ۔ ” ﺑﯿﻮﯼ ﮨﻮ ﺗﻢ، ﺍﺱ ﻟﯿﮯ۔ ” ” ﺍﺗﻨﮯ ﭘﯿﺴﮯ ﮐﮩﺎﮞ ﺳﮯ ﺁﺋﮯ ﺗﻤﮩﺎﺭﮮ ﭘﺎﺱ؟ ” ” ﺍﻣﺎﻣﮧ ! ﻣﯿﺮﯼ ﺳﯿﻮﻧﮕﺰ ﮨﯿﮟ ﯾﮧ۔ ” ﺳﺎﻻﺭ ﻧﮯ ﺑﮯ ﺣﺪ ﺗﺤﻤﻞ ﺳﮯ ﮐﮩﺎ۔ ” ﺳﯿﻮﻧﮕﺰ ﮨﯿﮟ ﺗﻮ ﻣﺠﮭﮯ ﮐﯿﻮﮞ ﺩﮮ ﺭﮨﮯ ﮨﻮ؟ ” ﻭﮦ ﮐﭽﮫ ﺧﻔﺎ ﮨﻮﺋﯽ۔ ” ﻣﯿﺮﺍ ﺩﻝ ﭼﺎﮨﺘﺎ ﮨﮯ، ﻣﯿﮟ ﺗﻤﮩﯿﮟ ﺩﻭﮞ۔ ﺍﮔﺮ ﯾﮧ ﭘﻮﺭﯼ ﺩﻧﯿﺎ ﻣﯿﺮﯼ ﮨﻮﺗﯽ ﺗﻮ ﻣﯿﮟ ﯾﮧ ﺳﺎﺭﯼ ﺩﻧﯿﺎ ﺗﻤﮩﯿﮟ ﺩﮮ ﺩﯾﺘﺎ۔ ﻣﯿﮟ ﮐﻤﺎ ﺭﮨﺎ ﮨﻮﮞ ﺍﻭﺭ ﺭﻭﭘﯿﮧ ﺁﺟﺎﺋﮯ ﮔﺎ ﻣﯿﺮﮮ ﭘﺎﺱ۔ ﻣﺠﮭﮯ ﺍﺱ ﺳﮯ ﮐﻮﺋﯽ ﻓﺮﻕ ﻧﮩﯿﮟ ﭘﮍﺗﺎ ” ﮐﯿﺎ ﺷﺎﮨﺎﻧﮧ ﺍﻧﺪﺍﺯ ﺗﮭﺎ۔ ” ﻟﯿﮑﻦ ﺍﺗﻨﯽ ﺯﯾﺎﺩﮦ ﺭﻗﻢ۔۔۔۔۔۔ ” ﺳﺎﻻﺭ ﻧﮯ ﺍﺱ ﮐﯽ ﺑﺎﺕ ﮐﺎﭨﯽ۔ ” ﻣﯿﮟ ﺍﺗﻨﯽ ﺯﯾﺎﺩﮦ ﺭﻗﻢ ﻧﮩﯿﮟ ﺩﯾﻨﺎ ﭼﺎﮨﺘﺎ ﺗﮭﺎ ﻟﯿﮑﻦ ﺗﻤﮩﺎﺭﯼ ﻣﺮﺿﯽ ﮐﺎ ﺣﻖ ﻣﮩﺮ ﺩﯾﻨﺎ ﭼﺎﮨﺘﺎ ﺗﮭﺎ، ﺍﺱ ﻟﯿﮯ ﺗﻢ ﺳﮯ ﺍﯾﮏ ﻓﮕﺮ ﻟﮑﮭﻨﮯ ﮐﻮ ﮐﮩﺎ۔ ﺗﻤﮩﯿﮟ ﭘﺘﺎ ﮨﮯ ﺟﻮ ﻓﮕﺮ ﺗﻢ ﻧﮯ ﻟﮑﮭﯽ ﺗﮭﯽ، ﺍﺱ ﺩﻥ ﻣﯿﺮﮮ ﺍﮐﺎﺅﻧﭧ ﻣﯿﮟ ﺍﯾﮕﺰﯾﮑﭧ ﺍﺗﻨﯽ ﮨﯽ ﺍﻣﺎﺅﻧﭧ ﺗﮭﯽ۔ ” ﻭﮦ ﺍﺏ ﺭﻗﻢ ﺩﮨﺮﺍﺗﮯ ﮨﻮﺋﮯ ﮨﻨﺲ ﺭﮨﺎ ﺗﮭﺎ۔ ” ﺍﺏ ﺍﺱ ﮐﻮ ﺗﻢ ﮐﯿﺎ ﮐﮩﻮ ﮔﯽ ﺍﺗﻔﺎﻕ … ؟ ﻣﺠﮭﮯ ﺍﺗﻔﺎﻕ ﻧﮩﯿﮟ ﻟﮕﺎ، ﻣﺠﮭﮯ ﻟﮕﺎ ﻭﮦ ﺭﻗﻢ ﻣﯿﺮﮮ ﭘﺎﺱ ﺗﻤﮩﺎﺭﯼ ﺍﻣﺎﻧﺖ ﺗﮭﯽ … ﯾﺎ ﺣﻖ ﺗﮭﺎ … ﺍﺱ ﻟﯿﮯ ﺗﻤﮩﯿﮟ ﺩﮮ ﺭﮨﺎ ﮨﻮﮞ۔ ﺗﯿﺲ ﻻﮐﮫ ﺩﯾﺎ ﮨﮯ ﮐﭽﮫ ﺭﻗﻢ ﮐﺎ ﺍﺩﮬﺎﺭ ﮐﺮ ﻟﯿﺎ ﮨﮯ ﺗﻢ ﺳﮯ … ﻭﺭﻧﮧ ﺍﮔﻠﮯ ﺩﻭ ﺗﯿﻦ ﻣﺎﮦ ﺍِﺩﮬﺮ ﺍُﺩﮬﺮ ﺳﮯ ﻣﺎﻧﮓ ﺭﮨﺎ ﮨﻮﺗﺎ۔ ﺍﺱ ﻟﯿﮯ ﺗﻢ ﺁﺭﺍﻡ ﺳﮯ ﺭﮐﮭﻮ ﯾﮧ ﭘﯿﺴﮯ، ﻣﺠﮭﮯ ﺍﮔﺮ ﮐﺒﮭﯽ ﺿﺮﻭﺭﺕ ﮨﻮﺋﯽ ﺗﻮ ﺗﻢ ﺳﮯ ﻣﺎﻧﮓ ﻟﻮﮞ ﮔﺎ۔ ﺍﺏ ﻣﯿﮟ ﺗﮭﻮﮌﺍ ﺳﺎ ﮐﺎﻡ ﮐﺮ ﻟﻮﮞ؟ ” ﺍﻣﺎﻣﮧ ﻧﮯ ﮐﭽﮫ ﻧﮩﯿﮟ ﮐﮩﺎ ﺗﮭﺎ، ﻭﮦ ﺩﺭﻭﺍﺯﮦ ﺑﻨﺪ ﮐﺮ ﮐﮯ ﺑﺎﮨﺮ ﻧﮑﻞ ﺁﺋﯽ۔ ﮈﺍﺋﻨﻨﮓ ﭨﯿﺒﻞ ﮐﯽ ﮐﺮﺳﯽ ﭘﺮ ﺑﯿﭩﮫ ﮐﺮ ﻭﮦ ﺍﯾﮏ ﺑﺎﺭ ﭘﮭﺮ ﺍﺱ ﭘﮯ ﺳﻠﭗ ﮐﻮ ﺩﯾﮑﮭﻨﮯ ﻟﮕﯽ۔ ﻭﮦ ﺍﺱ ﺷﺨﺾ ﮐﻮ ﮐﺒﮭﯽ ﻧﮩﯿﮟ ﺳﻤﺠﮫ ﺳﮑﺘﯽ ﺗﮭﯽ۔ ﮐﺒﮭﯽ ﻧﮩﯿﮟ … ﻭﮦ ﻻ ﺍﺑﺎﻟﯽ ﻧﮩﯿﮟ ﺗﮭﺎ … ﮐﻢ ﺍﺯ ﮐﻢ ﺍﺗﻨﮯ ﺩﻥ ﻣﯿﮟ ﺍﺳﮯ ﯾﮧ ﺍﺣﺴﺎﺱ ﻧﮩﯿﮟ ﮨﻮﺍ ﺗﮭﺎ … ﻟﯿﮑﻦ ﻭﮦ ﺳﻤﺠﮫ ﺩﺍﺭ ﺑﮭﯽ ﻧﮩﯿﮟ ﺗﮭﺎ … ﮐﻢ ﺍﺯ ﮐﻢ ﻭﮦ ﭘﮯ ﺳﻠﭗ ﺍﺳﮯ ﯾﮩﯽ ﺑﺘﺎ ﺭﮨﯽ ﺗﮭﯽ … ﻭﮦ ﺍﮔﺮ ﺍﺳﮯ ﺧﻮﺵ ﮐﺮﻧﺎ ﭼﺎﮨﺘﺎ ﺗﮭﺎ … ﺗﻮ ﻭﮦ ﻧﮩﯿﮟ ﮨﻮﺋﯽ ﺗﮭﯽ … ﺍﺣﺴﺎﻥ ﻣﻨﺪ ﺩﯾﮑﮭﻨﺎ ﭼﺎﮨﺘﺎ ﺗﮭﺎ ﺗﻮ ﮨﺎﮞ، ﺍﺱ ﮐﮯ ﮐﻨﺪﮬﮯ ﺟﮭﮑﻨﮯ ﻟﮕﮯ ﺗﮭﮯ … ﺍﯾﺴﯽ ﭼﺎﮦ ﺍﺱ ﻧﮯ ﺯﻧﺪﮔﯽ ﻣﯿﮟ ﮐﺴﯽ ﺍﻭﺭ ﺷﺨﺺ ﺳﮯ ﭼﺎﮨﯽ ﺗﮭﯽ … ﺍﯾﺴﯽ ﻧﻮﺍﺯﺷﺎﺕ ﮐﯽ ﻃﻠﺐ ﺍﺳﮯ ﮐﮩﯿﮟ ﺍﻭﺭ ﺳﮯ ﺗﮭﯽ … ﺍﺱ ﮐﮯ ﻭﺟﻮﺩ ﮐﻮ ﮔﯿﻠﯽ ﻟﮑﮍﯼ ﻭﮦ ﭘﯿﺴﮧ ﻧﮩﯿﮟ ﺑﻨﺎ ﺭﮨﺎ ﺗﮭﺎ، ﺑﻠﮑﮧ ﻭﮦ ﻓﯿﺎﺿﯽ ﺑﻨﺎ ﺭﮨﯽ ﺗﮭﯽ ﺟﻮ ﻭﮦ ﺩﮐﮭﺎ ﺭﮨﺎ ﺗﮭﺎ۔ ﻭﮦ ﺍﺱ ﺳﮯ ﺑﺮﺍﺑﺮﯼ ﭼﺎﮦ ﺭﮨﯽ ﺗﮭﯽ … ﺑﺮﺍﺑﺮ ﻧﮩﯿﮟ ﮨﻮ ﭘﺎ ﺭﮨﯽ ﺗﮭﯽ … ﺍﺱ ﺷﺨﺺ ﮐﺎ ﻗﺪ ﻟﻤﺒﺎ ﻧﮩﯿﮟ ﮨﻮ ﺭﮨﺎ ﺗﮭﺎ، ﺑﻠﮑﮧ ﺍﺱ ﮐﺎ ﺍﭘﻨﺎ ﮨﯽ ﻭﺟﻮﺩ ﺳﮑﮍﻧﮯ ﻟﮕﺎ ﺗﮭﺎ۔ ٭٭٭ ” ﺍﻣﺎﻣﮧ ! ﮨﻢ ﮐﻞ ﺻﺒﺢ ﮐﮯ ﺑﺠﺎﺋﮯ، ﺁﺝ ﺷﺎﻡ ﮐﻮ ﺟﺎ ﺭﮨﮯ ﮨﯿﮟ۔ ﺭﺍﺕ ﮐﺮﺍﭼﯽ ﻣﯿﮟ ﺭﮐﯿﮟ ﮔﮯ ﺍﻭﺭ ﭘﮭﺮ ﮐﻞ ﺭﺍﺕ ﮐﻮ ﮨﯽ ﻭﺍﭘﺲ ﺁﺟﺎﺋﯿﮟ ﮔﮯ۔ ﺳﺎﺕ ﺑﺠﮯ ﮐﯽ ﻓﻼﺋﭧ ﮨﮯ۔ ﻣﯿﮟ ﺷﺎﻡ ﺳﺎﮌﮬﮯ ﭘﺎﻧﭻ ﺑﺠﮯ ﺗﻤﮩﯿﮟ ﭘﮏ ﮐﺮﻭﮞ ﮔﺎ، ﺗﻢ ﭘﯿﮑﻨﮓ ﮐﺮ ﻟﻮ۔ ” ﺍﺱ ﻧﮯ ﺑﺎﺭﮦ ﺑﺠﮯ ﮐﮯ ﻗﺮﯾﺐ ﻓﻮﻥ ﮐﺮ ﮐﮯ ﺁﻓﺲ ﺳﮯ ﮐﺮﺍﭼﯽ ﮐﺎ ﻧﯿﺎ ﭘﺮﻭﮔﺮﺍﻡ ﺑﺘﺎﯾﺎ ﺗﮭﺎ۔ ﻭﮦ ﯾﮏ ﺩﻡ ﻧﺮﻭﺱ ﮨﻮﻧﮯ ﻟﯽ۔ ﺍﺗﻨﯽ ﺟﻠﺪﯼ ﭘﯿﮑﻨﮓ، ﭨﮭﯿﮏ ﮨﮯ ﻭﮦ ﺍﯾﮏ ﺭﺍﺕ ﮐﮯ ﻟﯿﮯ ﺟﺎ ﺭﮨﮯ ﺗﮭﮯ۔ ﭘﮭﺮ ﺑﮭﯽ … ﻭﮦ ﺍﺏ ﺍﺳﮯ ﺍﭘﻨﮯ ﺍﻥ ﮐﭙﮍﻭﮞ ﮐﮯ ﺑﺎﺭﮮ ﻣﯿﮟ ﺑﺘﺎ ﺭﮨﺎ ﺗﮭﺎ ﺟﻮ ﻭﮦ ﺳﺎﺗﮫ ﻟﮯ ﮐﺮ ﺟﺎﻧﺎ ﭼﺎﮨﺘﺎ ﺗﮭﺎ۔ ﻭﮦ ﭘﯿﮑﻨﮓ ﮐﺮﺗﮯ ﮨﻮﺋﮯ ﺑﮯﺣﺪ ﺑﻮﻻﺋﯽ ﮨﻮﺋﯽ ﺗﮭﯽ۔ ﻭﮦ ﺳﺎﮌﮬﮯ ﭘﺎﻧﭻ ﺑﺠﮯ ﻭﮨﺎﮞ ﻣﻮﺟﻮﺩ ﺗﮭﺎ۔ ﻭﮦ ﺟﺎﻧﺘﯽ ﺗﮭﯽ ﮐﮧ ﺍﺱ ﻧﮯ ﮔﺎﮌﯼ ﻣﯿﮟ ﺭﻭﺯﮦ ﺍﻓﻄﺎﺭ ﮐﺮ ﻟﯿﺎ ﮨﻮ ﮔﺎ، ﻟﯿﮑﻦ ﭘﮭﺮ ﺑﮭﯽ ﻭﮦ ﺍﯾﮏ ﺑﺎﮐﺲ ﻣﯿﮟ ﺍﺱ ﮐﮯ ﻟﯿﮯ ﮐﮭﺎﻧﮯ ﮐﯽ ﭼﯿﺰﯾﮟ ﺍﻭﺭ ﺟﻮﺱ ﻟﮯ ﮐﺮ ﺁﺋﯽ ﺗﮭﯽ۔ ﺍﯾﺌﺮﭘﻮﺭﭦ ﺗﮏ ﮐﯽ ﮈﺭﺍﺋﯿﻮ ﻣﯿﮟ ﺩﻭﻧﻮﮞ ﺑﺎﺗﯿﮟ ﮐﺮﺗﮯ ﮨﻮﺋﮯ ﺳﺎﺗﮫ ﻭﮦ ﭼﯿﺰﯾﮟ ﺑﮭﯽ ﮐﮭﺎﺗﮯ ﺭﮨﮯ۔ ﻭﮦ ﺳﺎﮌﮬﮯ ﭼﮭﮯ ﺑﺠﮯ ﺍﯾﺌﺮ ﭘﻮﺭﭦ ﭘﺮ ﭘﮩﻨﭽﮯ، ﺑﻮﺭﮈﻧﮓ ﺷﺮﻭﻉ ﮨﻮ ﭼﮑﯽ ﺗﮭﯽ۔ ﻭﮦ ﻓﺮﺳﭧ ﮐﻼﺱ ﺳﮯ ﺳﻔﺮ ﮐﺮ ﺭﮨﮯ ﺗﮭﮯ۔ ﺍﺳﯽ ﻟﯿﮯ ﭨﺮﯾﻔﮏ ﮐﯽ ﻭﺟﮧ ﺳﮯ ﮐﭽﮫ ﻟﯿﭧ ﮨﻮﻧﮯ ﮐﮯ ﺑﺎﻭﺟﻮﺩ ﺳﺎﻻﺭ ﻣﻄﻤﺌﻦ ﺗﮭﺎ۔ ﺍﯾﮕﺰﯾﮑﭩﻮ ﻻﺅﻧﺞ ﺳﮯ ﺟﮩﺎﺯ ﻣﯿﮟ ﺳﻮﺍﺭ ﮨﻮﺗﮯ ﮨﻮﺋﮯ ﺳﺎﻻﺭ ﮐﯽ ﻓﺮﺳﭧ ﮐﻼﺱ ﮐﮯ ﮐﭽﮫ ﺍﻭﺭ ﭘﺴﻨﺠﺮﺯ ﺳﮯ ﺳﻼﻡ ﺩﻋﺎ ﮨﻮﺋﯽ۔ ﭼﻨﺪ ﺍﯾﮏ ﺳﮯ ﺍﺱ ﻧﮯ ﺍﻣﺎﻣﮧ ﮐﺎ ﺑﮭﯽ ﺗﻌﺎﺭﻑ ﮐﺮﻭﺍﯾﺎ۔ ﻭﮦ ﺳﺐ ﮐﺎﺭﭘﻮﺭﯾﭧ ﺳﯿﮑﭩﺮ ﺳﮯ ﺗﻌﻠﻖ ﺭﮐﮭﺘﮯ ﺗﮭﮯ ﯾﺎ ﭘﮭﺮ ﺳﺎﻻﺭ ﮐﮯ ﮐﺴﭩﻤﺮﺯ ﺗﮭﮯ۔ ﺟﮩﺎﺯ ﮐﮯ ﭨﯿﮏ ﺁﻑ ﮐﮯ ﭼﻨﺪ ﻣﻨﭩﻮﮞ ﮐﮯ ﺑﻌﺪ ﮐﺴﯽ ﺩﻭﺳﺮﯼ ﮐﻤﭙﻨﯽ ﮐﺎ ﮐﻮﺋﯽ ﺍﯾﮕﺰﯾﮑﭩﻮ، ﺳﺎﻻﺭ ﺳﮯ ﮐﻮﺋﯽ ﻣﻌﺎﻣﻠﮧ ﮈﺳﮑﺲ ﮐﺮﻧﮯ ﮐﮯ ﻟﯿﮯ ﺍﺱ ﮐﮯ ﭘﺎﺱ ﺁﯾﺎ۔ ﭼﻨﺪ ﻟﻤﺤﮯ ﺍﺱ ﺳﮯ ﺑﺎﺗﯿﮟ ﮐﺮﻧﮯ ﮐﮯ ﺑﻌﺪ ﺳﺎﻻﺭ ﺍﺱ ﺳﮯ ﻣﻌﺬﺭﺕ ﮐﺮ ﮐﮯ ﺍﺱ ﺍﯾﮕﺰﯾﮑﭩﻮ ﮐﮯ ﺳﺎﺗﮫ ﺍﺱ ﮐﯽ ﺳﯿﭧ ﭘﺮ ﭼﻼ ﮔﯿﺎ۔ ﻭﮦ ﮐﭽﮫ ﺩﯾﺮ ﺍﺱ ﮐﮯ ﺍﻧﺘﻈﺎﺭ ﻣﯿﮟ ﺑﯿﭩﮭﯽ ﺭﮨﯽ، ﭘﮭﺮ ﮐﭽﮫ ﺑﻮﺭ ﮨﻮ ﮐﺮ ﺍﺱ ﻧﮯ ﺍﯾﮏ ﻣﯿﮕﺰﯾﻦ ﺍﭨﮭﺎ ﻟﯿﺎ۔ ﺳﺎﻻﺭ ﮐﯽ ﻭﺍﭘﺴﯽ، ﻟﯿﮉﻧﮓ ﮐﮯ ﺍﻋﻼﻥ ﮐﮯ ﭘﺎﻧﭻ ﻣﻨﭧ ﺑﻌﺪ ﮨﻮﺋﯽ۔ ﻭﮦ ” ﺳﻮﺭﯼ ” ﮐﮩﺘﺎ ﮨﻮﺍ ﺍﺱ ﮐﮯ ﭘﺎﺱ ﺑﯿﭩﮫ ﮐﺮ ﺳﯿﭧ ﺑﯿﻠﭧ ﺑﺎﻧﺪﮬﻨﮯ ﻟﮕﺎ۔ ” ﺗﻢ ﺑﻮﺭ ﺗﻮ ﻧﮩﯿﮟ ﮨﻮﺋﯿﮟ؟ ” ﻧﮩﯿﮟ … ﻣﺠﮭﮯ ﺗﻮ ﺑﮩﺖ ﻣﺰﮦ ﺁﺭﮨﺎ ﺗﮭﺎ۔ ” ﺍﺱ ﻧﮯ ﺑﮯ ﺣﺪ ﺧﻔﮕﯽ ﺳﮯ ﺟﻮﺍﺏ ﺩﯾﺎ۔ ﺍﺱ ﻧﮯ ﻣﯿﮕﺰﯾﻦ ﺳﮯ ﻧﻈﺮﯾﮟ ﻧﮩﯿﮟ ﮨﭩﺎﺋﯿﮟ۔ ﺳﺎﻻﺭ ﻧﮯ ﺑﮍﮮ ﺁﺭﺍﻡ ﺳﮯ ﺍﺱ ﮐﮯ ﮨﺎﺗﮫ ﺳﮯ ﻣﯿﮕﺰﯾﻦ ﻟﮯ ﮐﺮ ﭘﺎﺱ ﺳﮯ ﮔﺰﺭﺗﯽ ﺍﯾﺌﺮ ﮨﻮﺳﭩﺲ ﮐﻮ ﺗﮭﻤﺎ ﺩﯾﺎ۔ ﻭﮦ ﺷﮑﺮﯾﮧ ﺍﺩ ﮐﺮﺗﯽ ﮨﻮﺋﯽ ﭼﻠﯽ ﮔﺌﯽ۔ ” ﯾﮧ ﺑﺪﺗﻤﯿﺰﯼ ﮨﮯ۔ ” ﺍﻣﺎﻣﮧ ﻧﮯ ﺍﺱ ﮐﮯ ﺟﺎﻧﮯ ﮐﮯ ﺑﻌﺪ ﮐﭽﮫ ﺩﺑﯽ ﮨﻮﺋﯽ ﺁﻭﺍﺯ ﻣﯿﮟ ﺍﺣﺘﺠﺎﺝ ﮐﯿﺎ۔ ” ﮨﺎﮞ … ﮨﮯ ﺗﻮ ﺳﮩﯽ ﻟﯿﮑﻦ ﺗﻢ ﻣﺠﮭﮯ ﺩﯾﮑﮫ ﻧﮩﯿﮟ ﺭﮨﯽ ﺗﮭﯿﮟ۔ ” ﺍﺱ ﻧﮯ ﺍﻃﻤﯿﻨﺎﻥ ﺍﻭﺭ ﮈﮬﭩﺎﺋﯽ ﮐﮯ ﺳﺎﺗﮫ ﮐﮩﺎ۔ ﺍﻣﺎﻣﮧ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﻭﮦ ﺍﺱ ﺳﮯ ﺧﻔﺎ ﮨﻮ ﯾﺎ ﮨﻨﺴﮯ۔ ” ﺟﺘﻨﯽ ﺑﺎﺗﯿﮟ ﺗﻢ ﺍﻥ ﻟﻮﮔﻮﮞ ﺳﮯ ﮐﺮ ﺭﮨﮯ ﺗﮭﮯ، ﺗﻢ ﻧﮯ ﻣﺠﮫ ﺳﮯ ﮐﺒﮭﯽ ﻧﮩﯿﮟ ﮐﯿﮟ۔ ” ﻭﮦ ﺍﺱ ﮐﮯ ﺷﮑﻮﮮ ﭘﺮ ﮨﻨﺴﺎ۔ ” ﺑﯿﻨﮏ ﮐﮯ ﮐﺴﭩﻤﺮﺯ ﮨﯿﮟ۔ ﯾﮧ ﺍﻥ ﺑﺎﺗﻮﮞ ﮐﮯ ﭘﯿﺴﮯ ﺩﯾﺘﮯ ﮨﯿﮟ۔ ” ﺍﺱ ﻧﮯ ﮐﭽﮫ ﻣﻼﻣﺖ ﺑﮭﺮﯼ ﻧﻈﺮﻭﮞ ﺳﮯ ﺳﺎﻻﺭ ﮐﻮ ﺩﯾﮑﮭﺎ۔ ” ﺗﻢ ﮐﺘﻨﮯ materialistic ﮨﻮ۔ ” ” ﮨﺎﮞ ، ﻭﮦ ﺗﻮ ﮨﻮﮞ۔ ” ﺍﺱ ﻧﮯ ﺁﺭﺍﻡ ﺳﮯ ﺟﻮﺍﺏ ﺩﯾﺎ۔ ” ﻣﯿﮟ ﺑﮭﯽ ﺩﮮ ﺳﮑﺘﯽ ﮨﻮﮞ ﺗﻤﮩﯿﮟ ﭘﯿﺴﮯ۔ ” ﻭﮦ ﺍﺱ ﮐﮯ ﺟﻤﻠﮯ ﭘﺮ ﭼﻮﻧﮑﺎ۔ ” ﺍﺭﮮ، ﻣﯿﮟ ﺗﻮ ﺑﮭﻮﻝ ﮨﯽ ﮔﯿﺎ ﺗﮭﺎ، ﻓﯽ ﺍﻟﺤﺎﻝ ﺗﻮ ﺗﻢ ﻣﺠﮫ ﺳﮯ ﺯﯾﺎﺩﮦ ﺍﻣﯿﺮ ﮨﻮ۔ ﻣﯿﺮﮮ ﺑﯿﻨﮏ ﮐﯽ ﮐﺴﭩﻤﺮ ﺑﮭﯽ ﮨﻮ ﺍﻭﺭ ﻣﯿﮟ ﺗﻤﮩﺎﺭﺍ ﻗﺮﺽ ﺩﺍﺭ ﺑﮭﯽ ﮨﻮﮞ، ﺗﻮ ﺗﻢ ﺳﮯ ﺑﺎﺗﯿﮟ ﮐﺮﻧﺎ ﺗﻮ ﻓﺮﺽ ﮨﮯ ﻣﯿﺮﺍ۔ ” ﻭﮦ ﻣﺴﮑﺮﺍﺗﮯ ﮨﻮﺋﮯ ﺑﻮﻻ۔ ” ﺑﯿﻨﮑﺮﺯ … ” ﻭﮦ ﮐﭽﮫ ﮐﮩﻨﮯ ﻟﮕﯽ ﺗﮭﯽ۔ ﺳﺎﻻﺭ ﻧﮯ ﺑﮯ ﺍﺧﺘﯿﺎﺭ ﺍﭘﻨﺎ ﮨﺎﺗﮫ ﺍﺱ ﮐﮯ ﮨﻮﻧﭩﻮﮞ ﭘﺮ ﺭﮐﮭﺘﮯ ﮨﻮﺋﮯ ﺍﺳﮯ ﺭﻭﮐﺎ ﺍﻭﺭ ﮐﮩﺎ۔ ” ﻣﯿﮟ ﺍﭘﻨﺎ ﭨﺮﭖ ﺧﺮﺍﺏ ﻧﮩﯿﮟ ﮐﺮﻧﺎ ﭼﺎﮨﺘﺎ ﺍﻣﺎﻣﮧ !… ﺗﻢ ﺳﮯ ﻭﺍﭘﺴﯽ ﭘﺮ ﺳﻨﻮﮞ ﮔﺎ ﮐﮧ ﺑﯿﻨﮑﺮﺯ ﮐﯿﺴﮯ ﮨﻮﺗﮯ ﮨﯿﮟ۔ ” ﺍﺱ ﻧﮯ ﯾﮏ ﺩﻡ ﺳﻨﺠﯿﺪﮦ ﮨﻮﺗﮯ ﮨﻮﺋﮯ ﮐﮩﺎ۔ ﺍﻣﺎﻣﮧ ﻧﮯ ﺣﯿﺮﺍﻧﯽ ﺳﮯ ﺍﺳﮯ ﺩﯾﮑﮭﺎ۔ ﺍﺱ ﻣﯿﮟ ﺳﻨﺠﯿﺪﮦ ﮨﻮﻧﮯ ﻭﺍﻟﯽ ﮐﯿﺎ ﺑﺎﺕ ﺗﮭﯽ، ﺍﺱ ﻧﮯ ﺳﻮﭼﺎ۔ ﺍﯾﺌﺮ ﭘﻮﺭﭦ ﭘﺮ ﮨﻮﭨﻞ ﮐﯽ ﮔﺎﮌﯼ ﻧﮯ ﺍﻧﮩﯿﮟ ﭘﮏ ﮐﯿﺎ ﺗﮭﺎ۔ ” ﻣﯿﮟ ﻧﮯ ﺳﻮﭼﺎ ﺗﮭﺎ ﮐﮧ ﮨﻢ ﺍﻧﯿﺘﺎ ﮐﮯ ﮔﮭﺮ ﭘﺮ ﭨﮭﮩﺮﯾﮟ ﮔﮯ۔ ” ﺍﻣﺎﻣﮧ ﻧﮯ ﮔﺎﮌﯼ ﻣﯿﮟ ﺑﯿﭩﮭﺘﮯ ﮨﻮﺋﮯ ﮐﮩﺎ۔ ” ﻣﯿﮟ ﮐﺒﮭﯽ ﺍﻧﯿﺘﺎ ﮐﮯ ﮔﮭﺮ ﻧﮩﯿﮟ ﭨﮭﮩﺮﺍ، ﻣﯿﮟ ﮨﻮﭨﻞ ﻣﯿﮟ ﺭﮨﺘﺎ ﮨﻮﮞ۔ ” ﺳﺎﻻﺭ ﻧﮯ ﺍﺳﮯ ﺑﺘﺎﯾﺎ۔ ” ﮐﺮﺍﭼﯽ ﺍﮐﺜﺮ ﺁﺗﺎ ﺟﺎﺗﺎ ﮨﻮﮞ ﻣﯿﮟ۔ ” ﻭﮦ ﮐﮭﮍﮐﯽ ﺳﮯ ﺑﺎﮨﺮ ﺩﯾﮑﮭﺘﮯ ﮨﻮﺋﮯ ﺍﺱ ﺳﮯ ﮐﮩﮧ ﺭﮨﺎ ﺗﮭﺎ۔ ” ﺑﻌﺾ ﺩﻓﻌﮧ ﺗﻮ ﯾﮩﺎﮞ ﺁﮐﺮ ﺍﻧﺘﯿﺎ ﺳﮯ ﺑﺎﺕ ﺗﮏ ﻧﮩﯿﮟ ﮨﻮ ﭘﺎﺗﯽ۔ ” ﺍﻣﺎﻣﮧ ﻧﮯ ﺍﺱ ﮐﺎ ﭼﮩﺮﮦ ﺩﯾﮑﮭﺎ ﻟﯿﮑﻦ ﮐﭽﮫ ﮐﮩﺎ ﻧﮩﯿﮟ۔ ﻭﮦ ﻣﺴﻠﺴﻞ ﺳﯿﻞ ﭘﺮ ﮐﭽﮫ ﻣﯿﺴﺠﺰ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﺎ۔ ﻭﮦ ﺳﺎﺗﮫ ﺳﺎﺗﮫ ﺍﺳﮯ ﺳﮍﮎ ﮐﮯ ﺩﻭﻧﻮﮞ ﺍﻃﺮﺍﻑ ﺁﻧﮯ ﻭﺍﻟﮯ ﻋﻼﻗﻮﮞ ﮐﮯ ﺑﺎﺭﮮ ﻣﯿﮟ ﺑﮭﯽ ﺑﺘﺎ ﺭﮨﺎ ﺗﮭﺎ۔ ” ﭘﮭﺮ ﻣﺠﮭﮯ ﺗﻤﮩﺎﺭﮮ ﺳﺎﺗﮫ ﻧﮩﯿﮟ ﺁﻧﺎ ﭼﺎﮨﯿﮯ ﺗﮭﺎ۔ ﻣﯿﺮﯼ ﻭﺟﮧ ﺳﮯ ”… ﺳﺎﻻﺭ ﻧﮯ ﻧﮯ ﺍﺱ ﮐﮯ ﺍﭼﺎﻧﮏ ﺍﺱ ﻃﺮﺡ ﮐﮩﻨﮯ ﭘﺮ ﺍﺳﮯ ﭨﻮﮐﺎ۔ ” ﺗﻤﮩﯿﮟ ﺳﺎﺗﮫ ﻟﮯ ﮐﺮ ﺁﻧﺎ ﻣﺠﮭﮯ ﺍﭼﮭﺎ ﻟﮓ ﺭﮨﺎ ﮨﮯ ﺍﻭﺭ ﺗﻤﮩﯿﮟ ﺍﻧﯿﺘﺎ ﮐﯽ ﻓﯿﻤﻠﯽ ﺳﮯ ﻣﻠﻮﺍﻧﮯ ﮐﮯ ﻟﯿﮯ ﯾﮩﺎﮞ ﻟﮯ ﮐﺮ ﺗﻮ ﺁﻧﺎ ﮨﯽ ﺗﮭﺎ ﻣﺠﮭﮯ۔ ” ﺍﻣﺎﻣﮧ ﻧﮯ ﺍﺱ ﮐﺎ ﭼﮩﺮﮦ ﻏﻮﺭ ﺳﮯ ﭘﮍﮬﻨﮯ ﮐﯽ ﮐﻮﺷﺶ ﮐﯽ۔ ” ﺳﭻ ﮐﮩﮧ ﺭﮨﺎ ﮨﻮﮞ۔ ” ﺍﺱ ﻧﮯ ﺍﻣﺎﻣﮧ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﺘﮯ ﮨﻮﺋﮯ ﮐﮩﺎ۔ ” ﺗﻤﮩﯿﮟ ﻣﯿﺮﮮ ﺳﺎﺗﮫ ﺁﻧﺎ ﺍﭼﮭﺎ ﻧﮩﯿﮟ ﻟﮕﺎ؟ ” ﺳﺎﻻﺭ ﻧﮯ ﯾﮏ ﺩﻡ ﺍﺱ ﺳﮯ ﭘﻮﭼﮭﺎ، ﻭﮦ ﻣﺴﮑﺮﺍ ﺩﯼ۔ ” ﺁﭖ ﺍﭘﻨﯽ ﻭﺍﺋﻒ ﮐﮯ ﺳﺎﺗﮫ ﭘﮩﻠﯽ ﺑﺎﺭ ﯾﮩﺎﮞ ﭨﮭﮩﺮ ﺭﮨﮯ ﮨﯿﮟ۔ ” ﮨﻮﭨﻞ ﻣﯿﮟ ﭼﯿﮏ ﺍﻥ ﮐﺮﺗﮯ ﮨﻮﺋﮯ ﺭﯾﺴﭙﺸﻦ ﭘﺮ ﻣﻮﺟﻮﺩ ﻟﮍﮐﮯ ﻧﮯ ﻣﺴﮑﺮﺍﺗﮯ ﮨﻮﺋﮯ ﺳﺎﻻﺭ ﺳﮯ ﮐﮩﺎ۔ ﺍﺱ ﻓﺎﺋﯿﻮ ﺍﺳﭩﺎﺭ ﮨﻮﭨﻞ ﮐﮯ ﭼﻨﺪ ﮐﻤﺮﮮ ﻣﺴﺘﻘﻞ ﻃﻮﺭ ﭘﺮ ﺳﺎﻻﺭ ﮐﮯ ﺑﯿﻨﮏ ﻧﮯ ﺑﮏ ﮐﯿﮯ ﮨﻮﺋﮯ ﺗﮭﮯ ﺍﻭﺭ ﺍﻥ ﮐﻤﺮﻭﮞ ﻣﯿﮟ ﺑﺎﻗﺎﻋﺪﮔﯽ ﺳﮯ ﭨﮭﮩﺮﻧﮯ ﻭﺍﻟﻮﮞ ﻣﯿﮟ ﺳﮯ ﺍﯾﮏ ﻭﮦ ﺑﮭﯽ ﺗﮭﺎ، ﻟﯿﮑﻦ ﺁﺝ ﻭﮦ ﭘﮩﻠﯽ ﺑﺎﺭ ﺍﺱ ﮐﯽ ﺑﯿﻮﯼ ﮐﻮ ﺩﯾﮑﮫ ﺭﮨﮯ ﺗﮭﮯ۔ ﺳﺎﻻﺭ ﻧﮯ ﻣﺴﮑﺮﺍﺗﮯ ﮨﻮﺋﮯ ﺳﺮ ﮨﻼﯾﺎ ﺍﻭﺭ ﺳﺎﺋﻦ ﮐﺮﻧﮯ ﻟﮕﺎ۔ ﻭﮦ ﻟﮍﮐﺎ ﺍﺏ ﺍﻣﺎﻣﮧ ﺳﮯ ﮐﭽﮫ ﺧﻮﺵ ﮔﻮﺍﺭ ﺟﻤﻠﻮﮞ ﮐﺎ ﺗﺒﺎﺩﻟﮧ ﮐﺮ ﺭﮨﺎ ﺗﮭﺎ۔ ﺟﯿﺴﮯ ﮐﻮﺋﯽ ﺁﮨﺴﺘﮧ ﺁﮨﺴﺘﮧ ﺍﺱ ﮐﮯ ﮔﺮﺩ ﻣﻮﺟﻮﺩ ﺳﺎﺭﯼ ﺳﻼﺧﯿﮟ ﮔﺮﺍ ﺭﮨﺎ ﮨﻮ۔ ﻭﮦ ﺑﺎﮨﺮ ﮐﯽ ﺍﺱ ﺩﻧﯿﺎ ﺳﮯ ﻣﺴﺤﻮﺭ ﮨﻮ ﺭﮨﯽ ﺗﮭﯽ، ﺟﺲ ﺳﮯ ﻭﮦ ﺳﺎﻻﺭ ﮐﯽ ﻭﺟﮧ ﺳﮯ ﻣﺘﻌﺎﺭﻑ ﮨﻮﺋﯽ ﺗﮭﯽ۔ ﺑﯿﭻ ﻟﮕﮋﺭﯼ ﭘﺮ ﺍﻧﯿﺘﺎ ﺍﻭﺭ ﺍﺱ ﮐﯽ ﻓﯿﻤﻠﯽ ﻧﮯ ﺍﺱ ﮐﮯ ﻟﯿﮯ ﮈﻧﺮ ﺍﺭﯾﻨﺞ ﮐﺮ ﺭﮐﮭﺎ ﺗﮭﺎ۔ ﻭﮦ ﻟﻮﮒ ﺁﺩﮬﮯ ﮔﮭﻨﭩﮯ ﻣﯿﮟ ﺗﯿﺎﺭ ﮨﻮﻧﮯ ﮐﮯ ﺑﻌﺪ ﺗﻘﺮﯾﺒﺎً ﺳﺎﮌﮬﮯ ﮔﯿﺎﺭﮦ ﺑﺠﮯ ﻭﮨﺎﮞ ﭘﮩﻨﭽﮯ۔ ﺍﻧﯿﺘﺎ ﺍﻭﺭ ﺍﺱ ﮐﮯ ﺷﻮﮨﺮ ﮐﮯ ﻋﻼﻭﮦ ﺍﺱ ﮐﮯ ﺳﺴﺮﺍﻝ ﮐﮯ ﺑﮭﯽ ﮐﭽﮫ ﻟﻮﮒ ﻭﮨﺎﮞ ﻣﻮﺟﻮﺩ ﺗﮭﮯ۔ ﯾﮧ ﺳﺎﻻﺭ ﺍﻭﺭ ﺍﺱ ﮐﯽ ﺑﯿﻮﯼ ﮐﮯ ﻟﯿﮯ ﺍﯾﮏ ﻓﯿﻤﻠﯽ ﮈﻧﺮ ﺗﮭﺎ۔ ﺍﺱ ﮐﺎ ﺍﺳﺘﻘﺒﺎﻝ ﺑﮍﯼ ﮔﺮﻡ ﺟﻮﺷﯽ ﺳﮯ ﮐﯿﺎ ﮔﯿﺎ۔ ﺍﺱ ﮐﯽ ﮔﮭﺒﺮﺍﮨﭧ ﺍﺑﺘﺪﺍﺋﯽ ﭼﻨﺪ ﻣﻨﭩﻮﮞ ﮐﮯ ﺑﻌﺪ ﺧﺘﻢ ﮨﻮﻧﺎ ﺷﺮﻭﻉ ﮨﻮ ﮔﺌﯽ۔ ﻭﮦ ﮐﺎﻓﯽ ﻟﺒﺮﻝ ﻓﯿﻤﻠﯽ ﺗﮭﯽ ﺍﻭﺭ ﺍﻥ ﺩﻭﻧﻮﮞ ﮐﯽ ﺷﺎﺩﯼ ﮐﮯ ﺣﻮﺍﻟﮯ ﺳﮯ ﮨﻮﻧﮯ ﻭﺍﻟﯽ ﺭﺳﻤﯽ ﮔﻔﺖ ﮔﻮ ﮐﮯ ﺑﻌﺪ، ﮔﻔﺖ ﮔﻮ ﮐﮯ ﻣﻮﺿﻮﻋﺎﺕ ﺑﺪﻝ ﮔﺌﮯ ﺗﮭﮯ۔ ﺍﻣﺎﻣﮧ ﭼﯿﻒ ﮔﯿﺴﭧ ﺗﮭﯽ ﻟﯿﮑﻦ ﻭﮨﺎﮞ ﮐﺴﯽ ﻧﮯ ﺍﺳﮯ ﭨﯿﻠﯽ ﺳﮑﻮﭖ ﮐﮯ ﻧﯿﭽﮯ ﻧﮩﯿﮟ ﺭﮐﮭﺎ ﺗﮭﺎ ﺍﻭﺭ ﺍﺱ ﭼﯿﺰ ﻧﮯ ﺍﻣﺎﻣﮧ ﮐﮯ ﺍﻋﺘﻤﺎﺩ ﻣﯿﮟ ﺍﺿﺎﻓﮧ ﮐﯿﺎ۔ ﮐﮭﺎﻧﺎ ﺍﺑﮭﯽ ﺳﺮﻭ ﻧﮩﯿﮟ ﮨﻮﺍ ﺗﮭﺎ۔ ﻭﮦ ﮈﺭﻧﮑﺲ ﻟﯿﺘﮯ ﮨﻮﺋﮯ ﮔﭗ ﺷﭗ ﮐﺮ ﺭﮨﮯ ﺗﮭﮯ۔ ﺍﻣﺎﻣﮧ ﮔﻔﺖ ﮔﻮ ﻣﯿﮟ ﺍﯾﮏ ﻣﺴﮑﺮﺍﺗﮯ ﮨﻮﺋﮯ ﺧﺎﻣﻮﺵ ﺳﺎﻣﻊ ﮐﺎ ﺭﻭﻝ ﺍﺩﺍ ﮐﺮ ﺭﮨﯽ ﺗﮭﯽ۔ ﺍﺱ ﮐﯽ ﺯﯾﺎﺩﮦ ﺗﻮﺟﮧ ﺑﯿﭻ ﻟﮕﮋﺭﯼ ﻭﯾﻮ ﮐﮯ ﮔﺮﺩ ﻧﻈﺮ ﺁﻧﮯ ﻭﺍﻟﮯ ﺳﻤﻨﺪﺭ ﺍﻭﺭ ﺷﮩﺮ ﮐﯽ ﺭﻭﺷﻨﯿﻮﮞ ﭘﺮ ﺗﮭﯽ۔ ﻭﮦ ﻟﻮﮒ ﺍﻭﭘﻦ ﺍﯾﺮ ﻣﯿﮟ ﺗﮭﮯ۔ ﮐﺮﺍﭼﯽ ﻣﯿﮟ ﻻﮨﻮﺭ ﺟﯿﺴﯽ ﺳﺮﺩﯼ ﻧﮩﯿﮟ ﺗﮭﯽ ﻟﯿﮑﻦ ﯾﮩﺎﮞ ﺍﺳﮯ ﺳﺮﺩﯼ ﻣﺤﺴﻮﺱ ﮨﻮ ﺭﮨﯽ ﺗﮭﯽ۔ ﺳﺎﻻﺭ ﻧﮯ ﺁﻧﮯ ﺳﮯ ﭘﮩﻠﮯ ﺍﺳﮯ ﮔﺮﻡ ﺷﺎﻝ ﻟﯿﻨﮯ ﮐﺎ ﻧﮧ ﮐﮩﺎ ﮨﻮﺗﺎ ﺗﻮ ﯾﻘﯿﻨﺎ ﺍﺱ ﻭﻗﺖ ﺍﺱ ﮐﮯ ﺩﺍﻧﺖ ﺑﺞ ﺭﮨﮯ ﮨﻮﺗﮯ۔ ﻭﮨﺎﮞ ﻣﻮﺟﻮﺩ ﺗﻤﺎﻡ ﺧﻮﺍﺗﯿﻦ ﺳﻮﯾﭩﺮﺯ ﮐﮯ ﺑﺠﺎﺋﮯ، ﺍﺳﯽ ﻃﺮﺡ ﮐﯽ ﺷﺎﻟﯿﮟ ﺍﭘﻨﮯ ﮐﻨﺪﮬﻮﮞ ﭘﺮ ﮈﺍﻟﮯ ﮨﻮﺋﮯ ﺗﮭﯿﮟ۔ ” ﺳﺎﻻﺭ ! ﻣﯿﮟ ﻭﮨﺎﮞ ﺁﮔﮯ ﺟﺎ ﮐﺮ ﻧﯿﭽﮯ ﺳﻤﻨﺪﺭ ﺩﯾﮑﮭﻨﺎ ﭼﺎﮨﺘﯽ ﮨﻮﮞ۔ ” ﺍﺱ ﻧﮯ ﺳﺎﺗﮫ ﺑﯿﭩﮭﮯ ﮨﻮﺋﮯ ﺳﺎﻻﺭ ﮐﯽ ﻃﺮﻑ ﺟﮭﮑﺘﮯ ﮨﻮﺋﮯ ﻣﺪﮬﻢ ﺁﻭﺍﺯ ﻣﯿﮟ ﺳﺮﮔﻮﺷﯽ ﮐﯽ۔ ” ﺗﻮ ﺟﺎﺅ۔ ” ﺳﺎﻻﺭ ﻧﮯ ﺍﻃﻤﯿﻨﺎﻥ ﺳﮯ ﮐﮩﺎ۔ ” ﻣﯿﮟ ﮐﯿﺴﮯ ﺟﺎﺅﮞ؟ ﺍﺱ ﻃﺮﺡ ﺍﮐﯿﻠﮯ … ﺗﻢ ﺳﺎﺗﮫ ﺁﺅ ﻣﯿﺮﮮ۔ ” ﺍﺱ ﻧﮯ ﺍﺱ ﮐﮯ ﻣﺸﻮﺭﮮ ﭘﺮ ﺟﺰﺑﺰ ﮨﻮﺗﮯ ﮨﻮﺋﮯ ﮐﮩﺎ۔ ” ﻧﮩﯿﮟ، ﺗﻢ ﺧﻮﺩ ﺟﺎﺅ … ﺩﯾﮑﮭﻮ … ﺍﻭﺭ ﺑﮭﯽ ﻟﻮﮒ ﮐﮭﮍﮮ ﮨﯿﮟ، ﺗﻢ ﺑﮭﯽ ﺟﺎ ﮐﺮ ﺩﯾﮑﮫ ﺁﺅ۔ ” ﺳﺎﻻﺭ ﻧﮯ ﺍﺱ ﺳﮯ ﮐﮩﺎ۔ ﻭﮦ ﺍﺏ ﺍﺱ ﮐﯽ ﮔﻮﺩ ﻣﯿﮟ ﭘﮍﺍ ﺑﯿﮓ ﺍﭨﮭﺎ ﮐﺮ ﻧﯿﭽﮯ ﺯﻣﯿﻦ ﭘﺮ ﺭﮐﮭﺘﮯ ﮨﻮﺋﮯ ﺑﻠﻨﺪ ﺁﻭﺍﺯ ﻣﯿﮟ ﺍﺱ ﺳﮯ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﻧﮯ ﮐﭽﮫ ﺟﮭﺠﮑﺘﮯ ﮨﻮﺋﮯ ﺍﺱ ﻟﻤﺒﯽ ﭨﯿﺒﻞ ﮐﮯ ﮔﺮﺩ ﻣﻮﺟﻮﺩ ﺍﻓﺮﺍﺩ ﭘﺮ ﻧﻈﺮ ﮈﺍﻟﯽ، ﻭﮦ ﺳﺐ ﮔﻔﺖ ﮔﻮ ﻣﯿﮟ ﻣﺼﺮﻭﻑ ﺗﮭﮯ۔ ﺍﻥ ﻣﯿﮟ ﺳﮯ ﮐﻮﺋﯽ ﺑﮭﯽ ﺍﻥ ﮐﯽ ﻃﺮﻑ ﻣﺘﻮﺟﮧ ﻧﮩﯿﮟ ﺗﮭﺎ۔ ﻭﮦ ﮐﭽﮫ ﮨﻤﺖ ﭘﺎﺗﮯ ﮨﻮﺋﮯ ﺍﭨﮫ ﮐﮭﮍﯼ ﮨﻮﺋﯽ۔ ﺍﺱ ﮐﮯ ﺑﺎﺋﯿﮟ ﻃﺮﻑ ﺑﯿﭩﮭﯽ ﺍﻧﯿﺘﺎ ﺍﺱ ﮐﯽ ﻃﺮﻑ ﻣﺘﻮﺟﮧ ﮨﻮﺋﯽ۔ ” ﻭﮨﺎﮞ ﺳﮯ ﺟﺎ ﮐﺮ ﺩﯾﮑﮭﻮ، ﻭﮨﺎﮞ ﺳﮯ ﺯﯾﺎﺩﮦ ﺍﭼﮭﺎ ﻭﯾﻮ ﮨﮯ۔ ” ﺍﻧﯿﺘﺎ ﻧﮯ ﺍﺷﺎﺭﮮ ﺳﮯ ﺍﺳﮯ ﮔﺎﺋﯿﮉ ﮐﯿﺎ۔ ﺍﻣﺎﻣﮧ ﻧﮯ ﺳﺮ ﮨﻼﯾﺎ۔ ﻭﮨﺎﮞ ﺍﺱ ﻭﻗﺖ ﺍﺱ ﮐﮯ ﻋﻼﻭﮦ ﺍﻭﺭ ﺑﮭﯽ ﮐﭽﮫ ﻓﯿﻤﻠﯿﺰ ﻣﻮﺟﻮﺩ ﺗﮭﯿﮟ ﺍﻭﺭ ﺳﺎﻻﺭ ﭨﮭﯿﮏ ﮐﮩﮧ ﺭﮨﺎ ﺗﮭﺎ۔ ﮐﻮﺋﯽ ﻧﮧ ﮐﻮﺋﯽ ﻭﻗﺘﺎً ﻓﻮﻗﺘﺎً ﺍﭨﮫ ﮐﺮ ﺍﺳﯽ ﻃﺮﺡ ﺍﺱ ﻋﺮﺷﮧ ﻧﻤﺎ ﺟﮕﮧ ﮐﮯ ﮐﻨﺎﺭﮮ ﮐﮭﮍﮮ ﮨﻮ ﮐﺮ ﺳﻤﻨﺪﺭ ﮐﻮ ﺩﯾﮑﮭﻨﮯ ﻟﮕﺘﺎ۔ ﻭﮦ ﺍﭘﻨﯽ ﺟﮕﮧ ﺳﮯ ﺍﭨﮭﺘﮯ ﮨﻮﺋﮯ ﻧﺮﻭﺱ ﺗﮭﯽ ﻟﯿﮑﻦ ﭘﮭﺮ ﻭﮦ ﻧﺎﺭﻣﻞ ﮨﻮﻧﺎ ﺷﺮﻭﻉ ﮨﻮ ﮔﺌﯽ۔ ﺳﺎﻻﺭ ﻭﮨﯿﮟ ﺑﯿﭩﮭﺎ ﮐﻮﻟﮉ ﮈﺭﻧﮏ ﭘﯿﺘﮯ ﺍﺳﮯ ﺟﺎﺗﮯ ﮨﻮﺋﮯ ﺩﯾﮑﮭﺘﺎ ﺭﮨﺎ۔ ﺍﻣﺎﻣﮧ ﻧﮯ ﺩﻭﺑﺎﺭﮦ ﭘﻠﭧ ﮐﺮ ﮐﭽﮫ ﻧﺮﻭﺱ ﮨﻮ ﮐﺮ ﺍﺳﮯ ﺩﯾﮑﮭﺎ ﺗﮭﺎ۔ ﻭﮦ ﺩﻭﻧﻮﮞ ﺑﺎﺭ ﻣﺴﮑﺮﺍ ﺩﯾﺎ۔ ﯾﮧ ﻧﻮ ﺳﺎﻝ ﭘﮩﻠﮯ ﮐﯽ ﻭﮦ ﭘﺮ ﺍﻋﺘﻤﺎﺩ ﻟﮍﮐﯽ ﻧﮩﯿﮟ ﺗﮭﯽ ﺟﻮ ﺁﺩﮬﯽ ﺭﺍﺕ ﮐﻮ ﺍﭘﻨﮯ ﮔﮭﺮ ﮐﯽ ﺩﯾﻮﺍﺭ ﮐﻮﺩ ﮐﺮ ﺍﺱ ﮐﮯ ﮐﻤﺮﮮ ﻣﯿﮟ ﺁﮔﺌﯽ ﺗﮭﯽ۔ ﺍﺱ ﺳﮯ ﺷﺎﺩﯼ ﮐﯽ ﺗﮭﯽ، ﭘﮭﺮ ﮔﮭﺮ ﺳﮯ ﭼﻠﯽ ﮔﺌﯽ ﺗﮭﯽ۔ ﻭﮦ ﻭﺳﯿﻢ ﮐﯽ ﺍﺱ ﺑﮩﻦ ﮐﮯ ﺑﺎﺭﮮ ﻣﯿﮟ ﻭﺳﯿﻢ ﺳﮯ ﺑﮩﺖ ﮐﭽﮫ ﺳﻦ ﭼﮑﺎ ﺗﮭﺎ ﻟﯿﮑﻦ ﭘﭽﮭﻠﮯ ﺩﺱ ﺩﻧﻮﮞ ﺳﮯ ﻭﮦ ﺟﺲ ﻟﮍﮐﯽ ﮐﻮ ﺩﯾﮑﮫ ﺭﮨﺎ ﺗﮭﺎ، ﯾﮧ ﻭﮦ ﻟﮍﮐﯽ ﻧﮩﯿﮟ ﺗﮭﯽ۔ ﻭﻗﺖ ﻧﮯ ﺟﺘﻨﯽ ﺗﻮﮌ ﭘﮭﻮﮌ ﺍﺱ ﮐﯽ ﺯﻧﺪﮔﯽ ﻣﯿﮟ ﭘﯿﺪﺍ ﮐﯽ ﺗﮭﯽ ﺍﺱ ﺳﮯ ﺯﯾﺎﺩﮦ ﺗﻮﮌ ﭘﮭﻮﮌ ﺍﺱ ﻧﮯ ﻋﺮﺷﮯ ﮐﯽ ﻃﺮﻑ ﺟﺎﺗﯽ ﮨﻮﺋﯽ ﺍﺱ ﻟﮍﮐﯽ ﮐﯽ ﺯﻧﺪﮔﯽ ﻣﯿﮟ ﭘﯿﺪﺍ ﮐﯽ ﺗﮭﯽ۔ ﺍﺱ ﮐﯽ ﺍﻧﺪﺍﺯ ﻭ ﺍﻃﻮﺍﺭ ﮨﯽ ﺗﺒﺪﯾﻞ ﮨﻮ ﮔﺌﮯ ﺗﮭﮯ۔ ﻧﻮ ﺳﺎﻝ ﺍﮔﺮ ﮐﺴﯽ ﺷﺨﺺ ﮐﻮ ﺍﺱ ﮐﮯ ﮔﮭﺮ ﻭﺍﻟﻮﮞ ﺳﮯ ﺍﻟﮓ ﮐﺮ ﺩﯾﺎ ﺟﺎﺋﮯ، ﺧﻮﻑ ﺍﻭﺭ ﺩﺑﺎﺅ ﮐﮯ ﺳﺎﺗﮫ ﭼﻨﺪ ﺟﮕﮩﻮﮞ ﺗﮏ ﻣﺤﺪﻭﺩ ﮐﺮ ﮐﮯ ﺑﺎﻗﯽ ﺩﻧﯿﺎ ﺳﮯ ﮐﺎﭦ ﺩﯾﺎ ﺟﺎﺋﮯ ﺗﻮ ﻭﮦ ﮐﺲ ﺣﺪ ﺗﮏ ﮐﻨﻔﯿﻮﺯﮈ، ﮈﺑﻞ ﻣﺎﺋﻨﮉ، ﻏﯿﺮ ﻣﺤﻔﻮﻅ ﺍﻭﺭ ﮈﯾﭙﻨﮉﻧﭧ ﮨﻮ ﺳﮑﺘﺎ ﮨﮯ۔ ﻭﮦ ﺍﺱ ﮐﺎ ﻋﻤﻠﯽ ﻣﻈﺎﮨﺮﮦ ﺍﻣﺎﻣﮧ ﮐﯽ ﺍﺱ ﺣﺎﻟﺖ ﻣﯿﮟ ﺩﯾﮑﮫ ﺭﮨﺎ ﺗﮭﺎ ﺍﻭﺭ ﯾﮧ ﭼﯿﺰ ﺍﺳﮯ ﺗﮑﻠﯿﻒ ﭘﮩﻨﭽﺎ ﺭﮨﯽ ﺗﮭﯽ۔ ﻭﮦ ﮐﻢ ﺍﺯ ﮐﻢ ﺍﺳﮯ ﺍﺱ ﺣﺎﻟﺖ ﻣﯿﮟ ﻧﮩﯿﮟ ﺩﯾﮑﮭﻨﺎ ﭼﺎﮨﺘﺎ ﺗﮭﺎ۔ ” ﺳﺎﻻﺭ … ﺳﺎﻻﺭ ”… ﻭﮦ ﺍﻧﯿﺘﺎ ﮐﯽ ﺁﻭﺍﺯ ﭘﺮ ﺑﮯ ﺍﺧﺘﯿﺎﺭ ﭼﻮﻧﮑﺎ۔ ﺍﺱ ﻧﮯ ﭘﻮﺭﯼ ﻗﻮﺕ ﺳﮯ ﺍﺱ ﮐﮯ ﮐﻨﺪﮬﮯ ﭘﺮ ﮨﺎﺗﮫ ﻣﺎﺭﺍ ﺗﮭﺎ۔ ” ﯾﺎ ﺗﻮ ﺍﺳﮯ ﻭﮨﺎﮞ ﺑﮭﯿﺠﺘﮯ ﻧﮧ، ﺍﺏ ﺑﮭﯿﺞ ﮨﯽ ﺩﯾﺎ ﮨﮯ ﺗﻮ ﺩﻭ ﭼﺎﺭ ﻣﻨﭩﻮﮞ ﮐﮯ ﻟﯿﮯ ﮐﺴﯽ ﺍﻭﺭ ﭼﯿﺰ ﮐﻮ ﺑﮭﯽ ﺩﯾﮑﮫ ﻟﻮ۔ ” ﻭﮦ ﺍﺏ ﺍﺳﮯ ﮈﺍﻧﭧ ﺭﮨﯽ ﺗﮭﯽ۔ ﻭﮦ ﻣﺴﮑﺮﺍ ﮐﺮ ﺳﯿﺪﮬﺎ ﮨﻮ ﮔﯿﺎ۔ ﺍﺱ ﮐﺎ ﺑﮩﻨﻮﺋﯽ ﻏﻔﺮﺍﻥ ﺍﺱ ﺳﮯ ﮐﭽﮫ ﭘﻮﭼﮫ ﺭﮨﺎ ﺗﮭﺎ۔ ﮨﻮﺍ ﺍﻣﺎﻣﮧ ﮐﮯ ﺑﺎﻟﻮﮞ ﮐﻮ ﺑﮑﮭﯿﺮ ﺭﮨﯽ ﺗﮭﯽ۔ ﻭﮦ ﺍﻧﮩﯿﮟ ﺑﺎﺭ ﺑﺎﺭ ﮐﺎﻧﻮﮞ ﮐﮯ ﭘﯿﭽﮭﮯ ﮐﺮ ﮐﮯ ﺳﻨﺒﮭﺎﻟﻨﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ ﻟﯿﮑﻦ ﺍﻧﮩﯿﮟ ﮐﮭﻼ ﭼﮭﻮﮌ ﮐﺮ ﺁﻧﮯ ﭘﺮ ﭘﭽﮭﺘﺎ ﺑﮭﯽ ﺭﮨﯽ ﺗﮭﯽ۔ ﺍﺱ ﺗﯿﺰ ﮨﻮﺍ ﻣﯿﮟ ﻭﮦ ﺷﯿﻔﻮﻥ ﮐﮯ ﺩﻭﭘﭩﮯ ﮐﻮ ﺳﺮ ﭘﺮ ﭨﮑﺎﻧﮯ ﮐﯽ ﮐﻮﺷﺶ ﭼﮭﻮﮌ ﭼﮑﯽ ﺗﮭﯽ، ﮨﺎﮞ ﻭﮦ ﭘﺸﻤﯿﻨﮧ ﺷﺂﻝ ﺍﺱ ﮐﯽ ﻣﮩﯿﻦ ﺷﯿﻔﻮﻥ ﮐﯽ ﻗﻤﯿﺺ ﮐﻮ ﺍﮌﻧﮯ ﺳﮯ ﺗﻮ ﺭﻭﮎ ﻧﮩﯿﮟ ﭘﺎ ﺭﮨﯽ ﺗﮭﯽ ﻟﯿﮑﻦ ﺍﺱ ﮐﮯ ﺟﺴﻢ ﮐﻮ ﺍﭼﮭﯽ ﻃﺮﺡ ﮈﮬﺎﻧﭙﮯ ﺭﮐﮭﻨﮯ ﻣﯿﮟ ﻣﺆﺛﺮ ﺗﮭﯽ۔ ﻭﮦ ﮐﺌﯽ ﺳﺎﻟﻮﮞ ﻣﯿﮟ ﺁﺝ ﭘﮩﻠﯽ ﺑﺎﺭ ﮐﺴﯽ ﭘﺒﻠﮏ ﭘﻠﯿﺲ ﭘﺮ ﺳﺮ ﮈﮬﺎﻧﭙﮯ ﺑﻐﯿﺮ ﮐﮭﮍﯼ ﺗﮭﯽ۔ ﺍﺳﮯ ﺑﮯ ﺣﺪ ﻋﺠﯿﺐ ﻟﮓ ﺭﮨﺎ ﺗﮭﺎ۔ ﺍﮔﺮ ﻭﮦ ﺳﺎﻻﺭ ﮐﮯ ﺳﺎﺗﮫ ﻧﮧ ﮨﻮﺗﯽ ﺗﻮ ﮐﺒﮭﯽ ﺑﮭﯽ ﺍﯾﺴﯽ ﺣﺎﻟﺖ ﻣﯿﮟ ﮐﺴﯽ ﮐﮭﻠﯽ ﺟﮕﮧ ﭘﺮ ﮐﮭﮍﮮ ﮨﻮﻧﮯ ﮐﺎ ﺗﺼﻮﺭ ﺑﮭﯽ ﻧﮩﯿﮟ ﮐﺮ ﺳﮑﺘﯽ ﺗﮭﯽ۔ ﺩﺱ ﺩﻥ ﭘﮩﻠﮯ ﺗﮏ ﺗﻮ ﻭﮦ ﮔﮭﺮ ﺳﮯ ﺑﺎﮨﺮ ﻧﮑﻠﺘﮯ ﮨﻮﺋﮯ ﺍﭘﻨﺎ ﭼﮩﺮﮦ ﺑﮭﯽ ﭼﮭﭙﺎﺗﯽ ﺗﮭﯽ۔ ﻭﮦ ﻭﺍﺣﺪ ﮔﯿﭧ ﺍﭖ ﺗﮭﺎ ﺟﺲ ﻣﯿﮟ ﻭﮦ ﺧﻮﺩ ﮐﻮ ﺑﮯ ﺣﺪ ﻣﺤﻔﻮﻅ ﺳﻤﺠﮭﺘﯽ ﺗﮭﯽ۔ ﺳﺎﻻﺭ ﺳﮯ ﺷﺎﺩﯼ ﮐﮯ ﺑﻌﺪ ﺍﺱ ﻧﮯ ﭼﮩﺮﮦ ﭼﮭﭙﺎﻧﺎ ﭼﮭﻮﮌ ﺩﯾﺎ ﺗﮭﺎ ﺍﻭﺭ ﺍﺏ ﺍﺱ ﮐﮯ ﺳﺎﺗﮫ ﺧﻮﺩ ﮐﻮ ﻣﺤﻔﻮﻅ ﺳﻤﺠﮭﺘﯽ ﺗﮭﯽ۔ ﺗﺎﺭﯾﮏ ﺳﻤﻨﺪﺭ ﻣﯿﮟ ﻧﻈﺮ ﺁﺗﯽ ﺭﻭﺷﻨﯿﻮﮞ ﮐﮯ ﻋﮑﺲ ﮐﻮ ﺩﯾﮑﮭﺘﮯ ﮨﻮﺋﮯ ﺍﺱ ﻧﮯ ﺍﯾﮏ ﺑﺎﺭ ﭘﮭﺮ ﮔﺮﺩﻥ ﮐﮯ ﮔﺮﺩ ﻟﭙﭩﮯ ﺩﻭﭘﭩﮯ ﮐﻮ ﺳﺮ ﭘﺮ ﻟﯿﻨﮯ ﮐﯽ ﮐﻮﺷﺶ ﮐﯽ۔ ﯾﮩﺎﮞ ﺍﺱ ﮐﯽ ﮐﻮﺷﺶ ﮐﻮ ﻧﻮﭨﺲ ﮐﺮﻧﮯ ﻭﺍﻻ ﮐﻮﺋﯽ ﻧﮩﯿﮟ ﺗﮭﺎ۔ ﯾﮧ ﮐﺎﻡ ﺍﺱ ﮨﻮﺍ ﻣﯿﮟ ﺷﺎﻝ، ﺩﻭﭘﭩﮯ ﺍﻭﺭ ﮐﮭﻠﮯ ﺑﺎﻟﻮﮞ ﮐﮯ ﺳﺎﺗﮫ ﺁﺳﺎﻥ ﻧﮩﯿﮟ ﺗﮭﺎ۔ ” ﻣﯿﮟ ﺑﺎﻝ ﺳﻤﯿﭧ ﺩﻭﮞ ﺗﻤﮩﺎﺭﮮ؟ ” ﻭﮦ ﺟﯿﺴﮯ ﮐﺮﻧﭧ ﮐﮭﺎ ﮐﺮ ﭘﻠﭩﯽ، ﭘﮭﺮ ﺟﯿﺴﮯ ﺍﻃﻤﯿﻨﺎﻥ ﮐﺎ ﺳﺎﻧﺲ ﻟﯿﺎ۔ ” ﺗﻢ ﻧﮯ ﺗﻮ ﻣﺠﮭﮯ ﮈﺭﺍ ﮨﯽ ﺩﯾﺎ۔ ” ﺍﺱ ﻧﮯ ﺳﺎﻻﺭ ﮐﻮ ﺍﭘﻨﮯ ﻋﻘﺐ ﻣﯿﮟ ﺩﯾﮑﮫ ﮐﺮ ﺑﮯ ﺍﺧﺘﯿﺎﺭ ﮐﮩﺎ۔ ﻭﮦ ﮐﺲ ﻭﻗﺖ ﺁﯾﺎ ﺗﮭﺎ، ﺍﺳﮯ ﭘﺘﺎ ﮨﯽ ﻧﮩﯿﮟ ﭼﻼ ﺗﮭﺎ۔ ” ﺗﻢ ﻣﯿﺮﺍ ﺩﻭﭘﭩﺎ ﭘﮑﮍﻭ ﮔﮯ؟ ” ﺍﺱ ﻧﮯ ﺳﺎﻻﺭ ﮐﯽ ﺍﻭﭦ ﻣﯿﮟ ﺁﺗﮯ ﮨﻮﺋﮯ ﺍﭘﻨﺎ ﺩﻭﭘﭩﺎ ﺍﺳﮯ ﭘﮑﮍﺍ ﺩﯾﺎ۔ ﻭﮦ ﺍﺏ ﻭﮨﺎﮞ ﮐﮭﮍﯼ ﺩﻭﺳﺮﻭﮞ ﮐﻮ ﻧﻈﺮ ﻧﮩﯿﮟ ﺁﺭﮨﯽ ﺗﮭﯽ۔ ” ﺗﻤﮩﯿﮟ ﻣﺠﮫ ﮐﻮ ﺑﺘﺎﻧﺎ ﭼﺎﮨﯿﮯ ﺗﮭﺎ ﮐﮧ ﯾﮩﺎﮞ ﺍﺗﻨﯽ ﺗﯿﺰ ﮨﻮﺍ ﮨﻮ ﮔﯽ، ﻣﯿﮟ ﺑﺎﻝ ﺗﻮ ﮐﮭﻠﮯ ﭼﮭﻮﮌ ﮐﺮ ﻧﮧ ﺁﺗﯽ۔ ” ﻭﮦ ﺍﭘﻨﮯ ﺑﺎﻟﻮﮞ ﮐﻮ ﮈﮬﯿﻠﮯ ﺟﻮﮌﮮ ﮐﯽ ﺷﮑﻞ ﻣﯿﮟ ﻟﭙﯿﭩﺘﮯ ﮨﻮﺋﮯ ﺍﺱ ﺳﮯ ﺷﮑﺎﯾﺘﯽ ﺍﻧﺪﺍﺯ ﻣﯿﮟ ﮐﮩﮧ ﺭﮨﯽ ﺗﮭﯽ۔ ﻭﮦ ﺍﺱ ﮐﺎ ﭼﮩﺮﮦ ﺩﯾﮑﮭﺘﺎ ﺭﮨﺎ۔ ﻭﮦ ﺍﺏ ﺍﭘﻨﯽ ﺷﺎﻝ ﺍﺗﺎﺭ ﮐﺮ ﺍﺳﮯ ﺩﯾﺘﮯ ﮨﻮﺋﮯ، ﺩﻭﭘﭩﺎ ﺍﺱ ﺳﮯ ﻟﮯ ﺭﮨﯽ ﺗﮭﯽ۔ ” ﯾﮧ ﮐﻮﻥ ﺳﺎ ﮐﻠﺮ ﮨﮯ؟ ” ﻭﮦ ﺩﻭﭘﭩﮯ ﮐﻮ ﺍﭘﻨﮯ ﺳﺮ ﺍﻭﺭ ﮔﺮﺩﻥ ﮐﮯ ﮔﺮﺩ ﻟﭙﯿﭩﺘﮯ ﮨﻮﺋﮯ ﺍﺱ ﮐﮯ ﺳﻮﺍﻝ ﭘﺮ ﭨﮭﭩﮑﯽ۔ ” ﮐﺮﻣﺰﻥ … ﮐﯿﻮﮞ؟ ” ﺳﺎﻻﺭ ﻧﮯ ﺷﺎﻝ ﺍﺱ ﮐﮯ ﮐﻨﺪﮬﻮﮞ ﮐﮯ ﮔﺮﺩ ﻟﭙﯿﭩﺘﮯ ﮨﻮﺋﮯ ﮐﮩﺎ۔ ” ﻣﯿﮟ ﺗﻤﮩﯿﮟ ﺑﺘﺎﻧﺎ ﭼﺎﮨﺘﺎ ﺗﮭﺎ، ﺗﻢ ﺍﺱ ﮐﻠﺮ ﻣﯿﮟ ﺑﮩﺖ ﺍﭼﮭﯽ ﻟﮕﺘﯽ ﮨﻮ۔ ” ﺍﺱ ﻧﮯ ﺍﺱ ﮐﮯ ﺑﺎﺋﯿﮟ ﮔﺎﻝ ﮐﻮ ﺍﭘﻨﯽ ﺍﻧﮕﻠﯿﻮﮞ ﮐﯽ ﭘﻮﺭﻭﮞ ﺳﮯ ﺑﮩﺖ ﺁﮨﺴﺘﮧ ﺳﮯ ﭼﮭﻮﺍ ﺗﮭﺎ۔ ﺍﻣﺎﻣﮧ ﮐﯽ ﺁﻧﮑﮭﻮﮞ ﻣﯿﮟ ﺣﯿﺮﺕ ﺍﻣﮉ ﺁﺋﯽ۔ ﺍﮔﻠﮯ ﻟﻤﺤﮯ ﺳﺎﻻﺭ ﮐﻮ ﯾﮧ ﻃﮯ ﮐﺮﻧﺎ ﻣﺸﮑﻞ ﮨﻮ ﮔﯿﺎ ﮐﮧ ﺍﺱ ﮐﺎ ﻟﺒﺎﺱ ﺯﯾﺎﺩﮦ ﻗﺮﻣﺰﯼ ﺗﮭﺎ ﯾﺎ ﺍﺱ ﮐﺎ ﭼﮩﺮﮦ، ﻭﮦ ﺑﮯ ﺍﺧﺘﯿﺎﺭ ﮔﮩﺮﺍ ﺳﺎﻧﺲ ﻟﮯ ﮐﺮ ﺭﮦ ﮔﯿﺎ۔ ” ﺍﺏ ﺗﻢ ﺍﺗﻨﯽ ﺳﯽ ﺑﺎﺕ ﭘﺮ ﺑﮭﯽ ﯾﻮﮞ ﺑﻠﺶ ﮨﻮﺍ ﮐﺮﻭ ﮔﯽ ﺗﻮ ﻣﻌﺎﻣﻠﮧ ﺟﺎﻥ ﻟﯿﻮﺍ ﮨﻮ ﺟﺎﺋﮯ ﮔﺎ۔ ﻣﺎﺭ ﺩﻭ ﮔﯽ ﺗﻢ ﺑﮍﯼ ﺟﻠﺪﯼ ﻣﺠﮭﮯ۔ ” ﻭﮦ ﮐﮭﻠﮑﮭﻼ ﮐﺮ ﮨﻨﺴﯽ۔ ﻭﮦ ﺗﻘﺮﯾﺒﺎً ﺍﮌﮬﺎﺋﯽ ﺑﺠﮯ ﻭﺍﭘﺲ ﺍﭘﻨﮯ ﮨﻮﭨﻞ ﻣﯿﮟ ﺁﺋﮯ ﺗﮭﮯ۔ ﺍﻣﺎﻣﮧ ﮐﻮ ﺍﺗﻨﯽ ﻧﯿﻨﺪ ﺁﺭﮨﯽ ﺗﮭﯽ ﮐﮧ ﺍﺱ ﻧﮯ ﺟﯿﻮﻟﺮﯼ ﺍﺗﺎﺭ ﺩﯼ ﭼﮩﺮﮦ ﺑﮭﯽ ﺩﮬﻮ ﻟﯿﺎ ﻟﯿﮑﻦ ﮐﭙﮍﮮ ﺗﺒﺪﯾﻞ ﮐﯿﮯ ﺑﻐﯿﺮ ﺳﻮ ﮔﺌﯽ ﺗﮭﯽ۔ ٭٭٭٭ ﺳﺎﻻﺭ ﺻﺒﺢ ﮐﺐ ﺁﻓﺲ ﮐﮯ ﻟﯿﮯ ﻧﮑﻼ، ﺍﻣﺎﻣﮧ ﮐﻮ ﭘﺘﺎ ﮨﯽ ﻧﮩﯿﮟ ﭼﻼ۔ ﻭﮦ ﺗﻘﺮﯾﺒﺎً ﺩﺱ ﺑﺠﮯ ﺍﭨﮭﯽ۔ ﺟﺐ ﺗﮏ ﻭﮦ ﺍﭘﻨﺎ ﺳﺎﻣﺎﻥ ﭘﯿﮏ ﮐﺮ ﮐﮯ ﺗﯿﺎﺭ ﮨﻮﺋﯽ، ﺗﺐ ﺗﮏ ﺍﻧﯿﺘﺎ ﺍﺳﮯ ﻟﯿﻨﮯ ﮐﮯ ﻟﯿﮯ ﺁ ﭼﮑﯽ ﺗﮭﯽ۔ ﻭﮦ ﻟﻮﮒ ﺗﻘﺮﯾﺒﺎً ﺳﺎﮌﮬﮯ ﮔﯿﺎﺭﮦ ﺑﺠﮯ ﮨﻮﭨﻞ ﺳﮯ ﭼﯿﮏ ﺁﺅﭦ ﮐﺮ ﮐﮯ ﻧﮑﻠﮯ ﺍﺱ ﮐﮯ ﺑﻌﺪ ﻭﮦ ﺍﻧﯿﺘﺎ ﮐﮯ ﺳﺎﺗﮫ ﮐﺮﺍﭼﯽ ﮐﮯ ﻣﺨﺘﻠﻒ ﻣﺎﻟﺰ ﻣﯿﮟ ﮔﮭﻮﻣﺘﯽ ﭘﮭﺮﺗﯽ ﺭﮨﯽ۔ ﺍﻧﺘﯿﺎ ﻧﮯ ﺍﺳﮯ ﺳﺎﻻﺭ ﮐﮯ ﺩﯾﮯ ﮨﻮﺋﮯ ﮐﺮﯾﮉﭦ ﮐﺎﺭﮈ ﮐﻮ ﺍﺳﺘﻌﻤﺎﻝ ﮐﺮﻧﮯ ﮨﯽ ﻧﮩﯿﮟ ﺩﯾﺎ۔ ﺍﺱ ﺩﻥ ﻭﮨﯽ ﺍﺱ ﮐﻮ ﺷﺎﭘﻨﮓ ﮐﺮﻭﺍﺗﯽ ﺭﮨﯽ۔ ﺷﺎﭘﻨﮓ ﮐﮯ ﺑﻌﺪ ﺍﻧﯿﺘﺎ ﺍﺳﮯ ﺍﭘﻨﮯ ﮔﮭﺮ ﻟﮯ ﮔﺌﯽ، ﺍﺱ ﻧﮯ ﻭﮨﺎﮞ ﺍﻓﻄﺎﺭ ﮐﯿﺎ۔ ﺳﺎﮌﮬﮯ ﺳﺎﺕ ﺑﺠﮯ ﻭﮦ ﮔﮭﺮ ﺳﮯ ﺍﯾﺮ ﭘﻮﺭﭦ ﮐﮯ ﻟﯿﮯ ﻧﮑﻠﯽ ﺍﻭﺭ ﺍﺳﯽ ﻭﻗﺖ ﺳﺎﻻﺭ ﺳﮯ ﺍﺱ ﮐﯽ ﻓﻮﻥ ﭘﺮ ﺑﺎﺕ ﮨﻮﺋﯽ۔ ﻭﮦ ﺑﮭﯽ ﺍﯾﺮ ﭘﻮﺭﭦ ﮐﯽ ﻃﺮﻑ ﺟﺎ ﺭﮨﺎ ﺗﮭﺎ۔ ﻭﮦ ﺳﺎﻻﺭ ﮐﯽ ﻧﺴﺒﺖ ﺟﻠﺪﯼ ﺍﯾﺮ ﭘﻮﺭﭦ ﭘﮩﻨﭽﯽ۔ ﺑﻮﺭﮈﻧﮓ ﺍﺑﮭﯽ ﺷﺮﻭﻉ ﻧﮩﯿﮟ ﮨﻮﺋﯽ ﺗﮭﯽ۔ ﺍﯾﮕﺰﯾﮑﭩﻮ ﻻﺅﻧﺞ ﻣﯿﮟ ﭘﮩﻨﭽﺘﮯ ﮨﯽ ﺍﯾﮏ ﺑﺎﺭ ﭘﮭﺮ ﻭﮦ ﮐﺴﯽ ﻧﮧ ﮐﺴﯽ ﺳﮯ ﮨﯿﻠﻮ ﮨﺎﺋﮯ ﮐﺮﻧﮯ ﻟﮕﺎ۔ ﯾﮧ ﻭﮦ ﻓﻼﺋﭧ ﺗﮭﯽ ﺟﺲ ﺳﮯ ﻭﮦ ﻋﺎﻡ ﻃﻮﺭ ﭘﺮ ﮐﺮﺍﭼﯽ ﺳﮯ ﻭﺍﭘﺲ ﺁﯾﺎ ﮐﺮﺗﺎ ﺗﮭﺎ ﺍﻭﺭ ﺍﺱ ﮐﯽ ﻃﺮﺡ ﺑﺎﻗﯽ ﻟﻮﮒ ﺑﮭﯽ ﺭﯾﮕﻮﻟﺮ ﭨﺮﯾﻮﻟﺮ ﺗﮭﮯ ﻟﯿﮑﻦ ﻭﮦ ﺍﺱ ﻭﻗﺖ ﺍﺗﻨﯽ ﺧﻮﺵ ﺗﮭﯽ ﮐﮧ ﺍﺱ ﻧﮯ ﺳﺎﻻﺭ ﮐﯽ ﺗﻮﺟﮧ ﮐﺴﯽ ﺍﻭﺭ ﻃﺮﻑ ﮨﻮﻧﮯ ﭘﺮ ﺑﮭﯽ ﺍﻋﺘﺮﺍﺽ ﻧﮩﯿﮟ ﮐﯿﺎ۔ ﻭﮦ ﺧﻮﺵ ﺗﮭﯽ، ﯾﮧ ﺍﺱ ﮐﮯ ﭼﮩﺮﮮ ﭘﺮ ﻟﮑﮭﺎ ﺗﮭﺎ ﺍﻭﺭ ﺳﺎﻻﺭ ﮐﻮ ﺍﺱ ﮐﯽ ﯾﮧ ﺧﻮﺷﯽ ﺣﯿﺮﺍﻥ ﮐﺮ ﺭﮨﯽ ﺗﮭﯽ۔ ” ﯾﮧ ﺗﻤﮩﺎﺭﺍ ﮐﺮﯾﮉﭦ ﮐﺎﺭﮈ ﺍﻭﺭ ﭘﯿﺴﮯ۔ ” ﺍﺱ ﻧﮯ ﻻﺅﻧﺞ ﻣﯿﮟ ﺑﯿﭩﮭﻨﮯ ﮐﮯ ﮐﭽﮫ ﺩﯾﺮ ﺑﻌﺪ ﮨﯽ ﺍﭘﻨﮯ ﺑﯿﮓ ﺳﮯ ﺩﻭﻧﻮﮞ ﭼﯿﺰﯾﮟ ﻧﮑﺎﻝ ﮐﺮ ﺳﺎﻻﺭ ﮐﻮ ﺗﮭﻤﺎ ﺩﯾﮟ۔ ” ﺍﻧﯿﺘﺎ ﻧﮯ ﻣﺠﮭﮯ ﺑﻞ ﭘﮯ ﮐﺮﻧﮯ ﻧﮩﯿﮟ ﺩﯾﮯ۔ ﺍﺳﯽ ﻧﮯ ﺳﺎﺭﮮ ﺑﻠﺰ ﺩﯾﮯ ﮨﯿﮟ۔ ﺗﻢ ﺍﺳﮯ ﭘﮯ ﮐﺮ ﺩﯾﻨﺎ۔ ” ﺍﻣﺎﻣﮧ ﻧﮯ ﺍﺳﮯ ﺑﺘﺎﯾﺎ۔ ” ﮐﯿﻮﮞ؟ ﮐﻮﺋﯽ ﺑﺎﺕ ﻧﮩﯿﮟ ﺍﮔﺮ ﺍﺱ ﻧﮯ ﭘﮯ ﮐﯿﮯ ﮨﯿﮟ۔ ﺍﺳﮯ ﮨﯽ ﮐﺮﻧﮯ ﭼﺎﮨﯿﮯ ﺗﮭﮯ۔ ” ﺳﺎﻻﺭ ﻧﮯ ﮐﺮﯾﮉﭦ ﮐﺎﺭﮈ ﺍﭘﻨﮯ ﻭﺍﻟﭧ ﻣﯿﮟ ﺭﮐﮭﺘﮯ ﮨﻮﺋﮯ ﮐﮩﺎ۔ ﮨﺎﺗﮫ ﻣﯿﮟ ﭘﮑﮍﮮ ﮨﻮﺋﮯ ﭘﯿﺴﮯ ﺍﺱ ﻧﮯ ﻭﺍﭘﺲ ﺍﻣﺎﻣﮧ ﮐﮯ ﺑﯿﮓ ﻣﯿﮟ ﮈﺍﻝ ﺩﯾﮯ ﺗﮭﮯ۔ ” ﻟﯿﮑﻦ ﮨﻢ ﻧﮯ ﺗﻮ ﺍﺳﮯ ﯾﺎ ﺍﺱ ﮐﯽ ﻓﯿﻤﻠﯽ ﮐﻮ ﮐﭽﮫ ﺑﮭﯽ ”… ﺳﺎﻻﺭ ﻧﮯ ﺍﺱ ﮐﯽ ﺑﺎﺕ ﮐﺎﭨﯽ۔ ” ﺗﻢ ﻧﯿﮑﺴﭧ ﭨﺎﺋﻢ ﺁﺅ ﮔﯽ ﺗﻮ ﻟﮯ ﺁﻧﺎ ﮐﭽﮫ ﺍﺱ ﮐﮯ ﻟﯿﮯ۔ ﺩﻭ ﭼﺎﺭ ﮨﻔﺘﮯ ﺗﮏ ﻭﮦ ﻭﯾﺴﮯ ﺑﮭﯽ ﺍﭘﻨﮯ ﻧﺌﮯ ﮔﮭﺮ ﻣﯿﮟ ﺷﻔﭧ ﮨﻮ ﺭﮨﯽ ﮨﮯ۔ ﺗﻮ ﺗﻤﮩﯿﮟ ﺍﭼﮭﺎ ﻟﮕﺎ ﮐﺮﺍﭼﯽ ﺁﮐﺮ … ؟ ” ﺳﺎﻻﺭ ﻧﮯ ﻣﻮﺿﻮﻉ ﺑﺪﻻ۔ ﺍﻣﺎﻣﮧ ﮐﺎ ﭼﮩﺮﮦ ﺍﯾﮏ ﺑﺎﺭ ﭘﮭﺮ ﭼﻤﮑﻨﮯ ﻟﮕﺎ … ﻭﮦ ﺍﺳﮯ ﺍﻥ ﺟﮕﮩﻮﮞ ﮐﮯ ﺑﺎﺭﮮ ﻣﯿﮟ ﺑﺘﺎ ﺭﮨﯽ ﺗﮭﯽ ﺟﮩﺎﮞ ﻭﮦ ﺍﻧﯿﺘﺎ ﮐﮯ ﺳﺎﺗﮫ ﮔﺌﯽ ﺗﮭﯽ۔ ﺳﺎﻻﺭ ﻣﺴﮑﺮﺍﺗﮯ ﮨﻮﺋﮯ ﺍﺳﮯ ﺳﻨﺘﺎ ﺭﮨﺎ۔ ﻭﮦ ﺑﭽﻮﮞ ﺟﯿﺴﮯ ﺟﻮﺵ ﻭ ﺧﺮﻭﺵ ﮐﮯ ﺳﺎﺗﮫ ﺍﭘﻨﯽ ﺷﺎﭘﻨﮓ ﮐﯽ ﺗﻔﺼﯿﻞ ﺑﺘﺎ ﺭﮨﯽ ﺗﮭﯽ۔ ” ﻣﯿﮟ ﻧﮯ ﺍﺑﻮ، ﺁﻧﭩﯽ ﺍﻭﺭ ﺳﻌﯿﺪﮦ ﺍﻣﺎﮞ ﮐﮯ ﻟﯿﮯ ﺑﮭﯽ ﮐﭽﮫ ﮔﻔﭩﺲ ﻟﯿﮯ ﮨﯿﮟ۔ ” ﻭﮦ ﺑﺘﺎ ﺭﮨﯽ ﺗﮭﯽ۔ ” ﺍﭼﮭﺎ ”! ﺳﺎﻻﺭ ﻧﮯ ﺩﻝ ﭼﺴﭙﯽ ﻟﯽ ﻟﯿﮑﻦ ﮔﻔﭩﺲ ﮐﯽ ﻧﻮﻋﯿﺖ ﻧﮩﯿﮟ ﭘﻮﭼﮭﯽ۔ ” ﻓﺮﻗﺎﻥ ﺑﮭﺎﺋﯽ ﮐﯽ ﻓﯿﻤﻠﯽ ﺍﻭﺭ ﺗﻤﮩﺎﺭﮮ ﭘﯿﺮﻧﭩﺲ ﮐﮯ ﻟﯿﮯ ﺑﮭﯽ۔ ” ” ﺍﻣﺎﻣﮧ ! ﺻﺮﻑ ﻣﯿﺮﮮ ﭘﯿﺮﻧﭩﺲ ﻧﮩﯿﮟ ﮨﯿﮟ ﻭﮦ، ﺗﻤﮩﺎﺭﺍ ﺑﮭﯽ ﮐﻮﺋﯽ ﺭﺷﺘﮧ ﮨﮯ ﺍﻥ ﺳﮯ۔ ” ﺳﺎﻻﺭ ﻧﮯ ﺍﻋﺘﺮﺍﺽ ﮐﯿﺎ۔ ﻭﮦ ﺍﺏ ﺑﮭﯽ ﺍﺱ ﮐﮯ ﻣﺎﮞ ﺑﺎﭖ ﮐﺎ ﺫﮐﺮ ﺍﺳﯽ ﻃﺮﺡ ﮐﺮﺗﯽ ﺗﮭﯽ۔ ﺍﺱ ﻭﻗﺖ ﯾﮏ ﺩﻡ ﺍﻣﺎﻣﮧ ﮐﻮ ﺍﺣﺴﺎﺱ ﮨﻮﺍ ﮐﮧ ﺍﺱ ﻧﮯ ﺳﺎﻻﺭ ﮐﮯ ﻟﯿﯽ ﮐﭽﮫ ﺑﮭﯽ ﻧﮩﯿﮟ ﺧﺮﯾﺪﺍ۔ ﯾﮧ ﺑﮭﻮﻝ ﺗﮭﯽ ﯾﺎ ﻻﭘﺮﻭﺍﺋﯽ، ﻟﯿﮑﻦ ﺍﺳﮯ ﺷﺎﭘﻨﮓ ﮐﮯ ﺩﻭﺭﺍﻥ ﺳﺎﻻﺭ ﮐﺎ ﺧﯿﺎﻝ ﺗﮏ ﻧﮩﯿﮟ ﺁﯾﺎ۔ ﺍﺳﮯ ﺑﮯ ﺣﺪ ﻧﺪﺍﻣﺖ ﮨﻮﺋﯽ۔ ” ﮐﯿﺎ ﮨﻮﺍ؟ ” ﺳﺎﻻﺭ ﻧﮯ ﺍﺳﮯ ﺧﺎﻣﻮﺵ ﺩﯾﮑﮫ ﮐﺮ ﭘﻮﭼﮭﺎ۔ ﻭﮦ ﮐﭽﮫ ﺩﯾﺮ ﺧﺎﻣﻮﺵ ﺭﮨﯽ ﭘﮭﺮ ﺍﺱ ﻧﮯ ﮐﭽﮫ ﺷﺮﻣﻨﺪﮔﯽ ﺳﮯ ﮐﮩﺎ۔ ” ﺳﺎﻻﺭ ! ﻣﺠﮭﮯ ﺗﻤﮩﺎﺭﮮ ﻟﯿﮯ ﮐﭽﮫ ﺧﺮﯾﺪﻧﺎ ﯾﺎﺩ ﻧﮩﯿﮟ ﺭﮨﺎ۔ ” ” ﮐﻮﺋﯽ ﺑﺎﺕ ﻧﮩﯿﮟ، ﺗﻢ ﻧﮯ ﺍﭘﻨﮯ ﻟﯿﮯ ﺷﺎﭘﻨﮓ ﮐﯽ ﮨﮯ ﺗﻮ ﺳﻤﺠﮭﻮ، ﺗﻢ ﻧﮯ ﻣﯿﺮﮮ ﻟﯿﮯ ﮨﯽ ﺧﺮﯾﺪﺍ ﮨﮯ۔ ” ﺳﺎﻻﺭ ﻧﮯ ﺍﺳﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﺍﺱ ﮐﺎ ﮐﻨﺪﮬﺎ ﺗﮭﭙﮏ ﮐﺮ ﺟﯿﺴﮯ ﺗﺴﻠﯽ ﺩﯼ۔ (جاری ہے).....