Ausaf Arham ✍🏻 https://whatsapp.com/channel/0029Vb0FeaJJJhzP3joTGh0s ✍🏻 #آب_حیات #از_عمیرہ_احمد #آپ_کے_لیے #قسط_نمبر_13 ﺳﺎﻻﺭ ﺳﮯ ﺑﺎﺕ ﺧﺘﻢ ﮐﺮﻧﮯ ﮐﮯ ﺑﻌﺪ ﺳﮑﻨﺪﺭ ﺍﭨﮫ ﮐﺮ ﺍﻭﭘﺮ ﻭﺍﻟﮯ ﻓﻠﻮﺭ ﭘﺮ ﭼﻠﮯ ﮔﺌﮯ۔ ﺩﺭﻭﺍﺯﮮ ﭘﺮ ﺩﺳﺘﮏ ﺩﮮ ﮐﺮ ﻭﮦ ﺍﻧﺪﺭ ﺁﺋﮯ ﺗﮭﮯ۔ ” ﺑﯿﭩﺎ ! ﻧﯿﭽﮯ ﺁﻧﺎ ﺗﮭﺎ، ﮨﻢ ﻟﻮﮔﻮﮞ ﮐﮯ ﭘﺎﺱ ﺁﮐﺮ ﺑﯿﭩﮭﯿﮟ ﮐﭽﮫ ﺩﯾﺮ۔ ” ﺳﮑﻨﺪﺭ ﯾﮧ ﮐﮩﺘﮯ ﮨﻮﺋﮯ ﺍﻧﺪﺭ ﺁﺋﮯ ﺍﻭﺭ ﺍﻣﺎﻣﮧ ﮐﭽﮫ ﮨﮍ ﺑﮍﺍ ﮐﺮ ﺍﭨﮭﯽ ﺗﮭﯽ۔ ﻭﮦ ﺍﻥ ﮐﮯ ﻭﮨﺎﮞ ﺁﻧﮯ ﮐﯽ ﺗﻮﻗﻊ ﻧﮩﯿﮟ ﮐﺮ ﺭﮨﯽ ﺗﮭﯽ ﺍﻭﺭ ﺍﺱ ﮐﮯ ﭼﮩﺮﮮ ﭘﺮ ﺍﯾﮏ ﻧﻈﺮ ﮈﺍﻟﺘﮯ ﮨﯽ ﺳﮑﻨﺪﺭ ﺍﯾﮏ ﻟﻤﺤﮯ ﮐﮯ ﻟﯿﮯ ﺧﺎﻣﻮﺵ ﮨﻮ ﮔﺌﮯ ﺗﮭﮯ۔ ﺍﺱ ﮐﯽ ﺁﻧﮑﮭﯿﮟ ﺑﺮﯼ ﻃﺮﺡ ﺳﻮﺟﯽ ﮨﻮﺋﯽ ﺗﮭﯿﮟ۔ ” ﺭﻭﻧﮯ ﻭﺍﻟﯽ ﮐﯿﺎ ﺑﺎﺕ ﮨﮯ ﺑﯿﭩﺎ … ؟ ” ﺳﮑﻨﺪﺭ ﻧﮯ ﺍﺱ ﮐﮯ ﺳﺮ ﮐﻮ ﺗﮭﭙﮑﺘﮯ ﮨﻮﺋﮯ ﮐﮩﺎ۔ ” ﻧﮩﯿﮟ … ﻭﮦ … ﻣﯿﮟ ”… ﻭﮦ ﺑﮯ ﺣﺪ ﻧﺪﺍﻣﺖ ﺳﮯ ﺍﻥ ﺳﮯ ﻧﻈﺮﯾﮟ ﻣﻼﺋﮯ ﺑﻐﯿﺮ ﺑﻮﻟﯽ۔ ” ﭼﻠﯿﮟ ! ﻧﯿﭽﮯ ﺁﺋﯿﮟ، ﻃﯿﺒﮧ ﺑﮭﯽ ﭘﻮﭼﮫ ﺭﮨﯽ ﮨﯿﮟ ﺁﭖ ﮐﺎ۔ ” ﺳﮑﻨﺪﺭ ﻧﮯ ﺍﯾﮏ ﺑﺎﺭ ﭘﮭﺮ ﺍﺱ ﮐﺎ ﺳﺮ ﺗﮭﭙﮑﺎ۔ ﯾﮧ ﺳﺎﻻﺭ ﻧﮩﯿﮟ ﺗﮭﺎ، ﺟﺴﮯ ﻭﮦ ﺩﮬﮍﻟﮯ ﺳﮯ ﺍﻧﮑﺎﺭ ﮐﺮ ﺩﯾﺘﯽ۔ ” ﺟﯽ۔ ” ﺍﺱ ﻧﮯ ﯾﮧ ﮐﮩﺘﮯ ﮨﻮﺋﮯ ﺻﻮﻓﮯ ﭘﺮ ﭘﮍﺍ ﮐﻤﺒﻞ ﺍﭨﮭﺎﻧﮯ ﮐﯽ ﮐﻮﺷﺶ ﮐﯽ۔ ﺳﮑﻨﺪﺭ ﻧﮯ ﺍﺳﮯ ﺭﻭﮎ ﺩﯾﺎ۔ ” ﻣﻼﺯﻡ ﺍﭨﮭﺎ ﻟﮯ ﮔﺎ … ﺁﭖ ﺁﺟﺎﺋﯿﮟ ۔ ” ﺍﺱ ﮐﺎ ﭼﮩﺮﮦ ﺩﯾﮑﮫ ﮐﺮ ﻃﯿﺒﮧ ﺑﮭﯽ ﺑﮯ ﭼﯿﻦ ﮨﻮ ﮔﺌﯿﮟ۔ ﺟﯿﺴﮯ ﺑﮭﯽ ﺣﺎﻻﺕ ﻣﯿﮟ ﺷﺎﺩﯼ ﮨﻮﺋﯽ، ﺑﮩﺮﺣﺎﻝ ﻭﮦ ﺍﯾﮏ ﺍﯾﺴﯽ ﻓﯿﻤﻠﯽ ﺗﮭﯽ۔ ﺟﺴﮯ ﻭﮦ ﻃﻮﯾﻞ ﻋﺮﺻﮯ ﺳﮯ ﺟﺎﻧﺘﮯ ﺗﮭﮯ ﺍﻭﺭ ﺟﻦ ﮐﯽ ﺩﯾﻮﺍﺭ ﮐﮯ ﺳﺎﺗﮫ ﺍﻥ ﮐﯽ ﺩﯾﻮﺍﺭ ﺟﮍﯼ ﺗﮭﯽ۔ ﺍﺱ ﺭﺷﺘﮯ ﮐﺎ ﭘﺎﺱ، ﺑﮩﻮ ﮨﻮﻧﮯ ﮐﮯ ﻧﺎﻃﮯ ﺍﻥ ﭘﺮ ﮐﭽﮫ ﺯﯾﺎﺩﮦ ﺫﻣﮧ ﺩﺍﺭﯼ ﻋﺎﺋﺪ ﮐﺮﺗﺎ ﺗﮭﺎ۔ ﺧﻮﺩ ﻭﮦ ﺑﮭﯽ ﺍﻣﺎﻣﮧ ﮐﻮ ﺑﭽﭙﻦ ﺳﮯ ﺩﯾﮑﮭﺘﮯ ﺁﺋﮯ ﺗﮭﮯ۔ ﮐﺴﯽ ﻧﮧ ﮐﺴﯽ ﺣﺪ ﺗﮏ ﻭﮦ ﺍﻥ ﮐﮯ ﻟﯿﮯ ﺑﮯ ﺣﺪ ﺷﻨﺎﺳﺎ ﺗﮭﯽ۔ ﻭﮦ ﻟﻮﮒ ﺍﺳﮯ ﺗﺴﻠﯿﺎﮞ ﺩﯾﺘﮯ ﺍﺱ ﺳﮯ ﺑﺎﺗﯿﮟ ﮐﺮﺗﮯ ﺭﮨﮯ۔ ﭘﮭﺮ ﺳﮑﻨﺪﺭ ﻧﮯ ﺍﺳﮯ ﺁﺭﺍﻡ ﮐﺮﻧﮯ ﮐﮯ ﻟﯿﮯ ﮐﮩﺎ۔ ﻭﮦ ﮐﻤﺮﮮ ﻣﯿﮟ ﺁﮐﺮ ﮐﭽﮫ ﺩﯾﺮ ﮐﮯ ﻟﯿﮯ ﮐﮭﮍﮐﯽ ﮐﮯ ﭘﺎﺱ ﺑﯿﭩﮭﯽ ﺭﮨﯽ، ﭘﮭﺮ ﮐﭽﮫ ﺗﮭﮑﯽ ﮨﻮﺋﯽ ﺁﮐﺮ ﺑﯿﮉ ﭘﺮ ﻟﯿﭧ ﮐﺮ ﺳﻮ ﮔﺌﯽ۔ ﺳﺎﮌﮬﮯ ﭼﺎﺭ ﺑﺠﮯ ﺍﺳﮯ ﻣﻼﺯﻡ ﻧﮯ ﺍﻧﭩﺮ ﮐﺎﻡ ﭘﺮ ﺍﭨﮭﺎﯾﺎ ﺗﮭﺎ۔ ﺍﻓﻄﺎﺭ ﮐﺎ ﻭﻗﺖ ﻗﺮﯾﺐ ﺗﮭﺎ، ﺳﮑﻨﺪﺭ ﺍﻭﺭ ﻃﯿﺒﮧ ﺑﮭﯽ ﺍﺱ ﮐﺎ ﺍﻧﺘﻈﺎﺭ ﮐﺮ ﺭﮨﮯ ﺗﮭﮯ۔ ﺳﺎﻻﺭ ﺑﮭﯽ ﺍﻓﻄﺎﺭ ﺳﮯ ﭼﻨﺪ ﻣﻨﭧ ﭘﮩﻠﮯ ﮨﯽ ﭘﮩﻨﭽﺎ ﺗﮭﺎ۔ ﺳﮑﻨﺪﺭ ﺍﻭﺭ ﻃﯿﺒﮧ ﺍﺱ ﺭﺍﺕ ﺑﮭﯽ ﮐﮩﯿﮟ ﻣﺪﻋﻮ ﺗﮭﮯ۔ ﮐﭽﮫ ﺩﯾﺮ ﺍُﻥ ﮐﮯ ﭘﺎﺱ ﺑﯿﭩﮫ ﮐﺮ ﻭﮦ ﺍﻧﮩﯿﮟ ﺧﺪﺍ ﺣﺎﻓﻆ ﮐﮩﺘﮯ ﮨﻮﺋﮯ ﭼﻠﮯ ﮔﺌﮯ۔ ﺭﺍﺕ ﮐﻮ ﻭﮦ ﺑﺎﺭﮦ ﺑﺠﮯ ﮐﮯ ﻗﺮﯾﺐ ﻭﺍﭘﺲ ﺁﺋﮯ، ﮔﯿﺎﺭﮦ ﺑﺠﮯ ﺳﺎﻻﺭ ﺍﻭﺭ ﺍﺱ ﮐﯽ ﻓﻼﺋﭧ ﺗﮭﯽ۔ ﻃﯿﺒﮧ ﺟﺎﻧﮯ ﺳﮯ ﭘﮩﻠﮯ ﺍﻣﺎﻣﮧ ﮐﻮﮐﭽﮫ ﺗﺤﺎﺋﻒ ﺩﯾﻨﮯ ﺁﺋﯿﮟ ﺗﻮ ﺍﻣﺎﻣﮧ ﮐﻮ ﻭﮦ ﺗﺤﺎﺋﻒ ﯾﺎﺩ ﺁﮔﺌﮯ ﺟﻮ ﻭﮦ ﮐﺮﺍﭼﯽ ﺳﮯ ﺍﻥ ﺩﻭﻧﻮﮞ ﮐﮯ ﻟﯿﮯ ﻟﮯ ﮐﺮ ﺁﺗﯽ ﺗﮭﯽ۔ ﺍﻣﺎﻣﮧ ﮐﻮ ﺣﯿﺮﺕ ﮨﻮﺋﯽ ﺟﺐ ﺳﺎﻻﺭ، ﻃﯿﺒﮧ ﺳﮯ ﻣﻠﻨﮯ ﮐﮯ ﺑﻌﺪ ﺳﻮﻧﮯ ﮐﮯ ﻟﯿﮯ ﻟﯿﭧ ﮔﯿﺎ ﺗﮭﺎ۔ ” ﺗﻢ ﻣﺠﮭﮯ ﺩﺱ ﺑﺠﮯ ﺍﭨﮭﺎ ﺩﯾﻨﺎ۔ ” ﺍﺱ ﻧﮯ ﺍﻣﺎﻣﮧ ﮐﻮ ﮨﺪﺍﯾﺖ ﺩﯼ ﺗﮭﯽ۔ ” ﮔﯿﺎﺭﮦ ﺑﺠﮯ ﻓﻼﺋﭧ ﮨﮯ، ﺩﯾﺮ ﺗﻮ ﻧﮩﯿﮟ ﮨﻮ ﺟﺎﺋﮯ ﮔﯽ … ؟ ” ﺍﻣﺎﻣﮧ ﻧﮯ ﮐﭽﮫ ﺳﻮﭼﺘﮯ ﮨﻮﺋﮯ ﮐﮩﺎ۔ ” ﻧﮩﯿﮟ، ﭘﮩﻨﭻ ﺟﺎﺋﯿﮟ ﮔﮯ۔ ” ﺍﺱ ﻧﮯ ﺁﻧﮑﮭﯿﮟ ﺑﻨﺪ ﮐﺮﺗﮯ ﮨﻮﺋﮯ ﮐﮩﺎ۔ ﻭﮦ ﮐﭽﮫ ﺩﯾﺮ ﺑﯿﭩﮭﯽ ﺍﺳﮯ ﺩﯾﮑﮭﺘﯽ ﺭﮨﯽ ﭘﮭﺮ ﻭﮦ ﺩﻭﺑﺎﺭﮦ ﺍﻭﭘﺮ ﮐﮯ ﻓﻠﻮﺭ ﮐﮯ ﺍﺳﯽ ﮐﻤﺮﮮ ﻣﯿﮟ ﺁﮔﺌﯽ۔ ﺍﺱ ﮐﮯ ﮔﮭﺮ ﮐﮯ ﭘﻮﺭﭺ ﻣﯿﮟ ﮐﻮﺋﯽ ﮔﺎﮌﯼ ﺑﮭﯽ ﻧﮩﯿﮟ ﮐﮭﮍﯼ ﺗﮭﯽ۔ ﻭﮦ ﻭﯾﮏ ﺍﯾﻨﮉ ﺗﮭﺎ ﺍﻭﺭ ﻭﮦ ﯾﻘﯿﻨﺎ ﮔﮭﺮ ﭘﺮ ﻧﮩﯿﮟ ﺗﮭﮯ۔ ﮐﮩﺎﮞ ﮨﻮ ﺳﮑﺘﮯ ﺗﮭﮯ۔ ﺍﻣﺎﻣﮧ ﻧﮯ ﺍﻧﺪﺍﺯﮦ ﻟﮕﺎﻧﮯ ﮐﯽ ﮐﻮﺷﺶ ﮐﯽ۔ ﻧﻮ ﺳﺎﻝ ﮐﮯ ﺑﻌﺪ ﯾﮧ ﺍﻧﺪﺍﺯﮦ ﻟﮕﺎﻧﺎ ﺑﮩﺖ ﻣﺸﮑﻞ ﺗﮭﺎ۔ ﺍﺳﮯ ﺍﻣﯿﺪ ﯾﮧ ﺗﮭﯽ ﮐﮧ ﻭﮦ ﻭﮨﺎﮞ ﺑﯿﭩﮭﯽ ﺍﻧﮩﯿﮟ ﻭﺍﭘﺲ ﺁﺗﮯ ﺩﯾﮑﮫ ﺳﮑﺘﯽ ﮨﮯ، ﻟﯿﮑﻦ ﺩﺱ ﺑﺠﮯ ﺗﮏ ﮐﻮﺋﯽ ﮔﺎﮌﯼ ﻧﮩﯿﮟ ﺁﺋﯽ۔ ﻭﮦ ﺑﻮﺟﮭﻞ ﺩﻝ ﺍﻭﺭ ﻧﻢ ﺁﻧﮑﮭﻮﮞ ﮐﮯ ﺳﺎﺗﮫ ﺍﭨﮫ ﮐﺮ ﻧﯿﭽﮯ ﺁﮔﺌﯽ۔ ﺳﺎﻻﺭ ﮐﻮ ﺟﮕﺎﻧﮯ ﮐﯽ ﺿﺮﻭﺭﺕ ﻧﮩﯿﮟ ﭘﮍﯼ۔ ﻭﮦ ﺟﺎﻧﮯ ﮐﮯ ﻟﯿﮯ ﺳﺎﻣﺎﻥ ﺳﻤﯿﭧ ﮐﮭﮍﺍ ﺗﮭﺎ۔ ﺍﻣﺎﻣﮧ ﮐﺎ ﺩﻝ ﻣﺰﯾﺪ ﺑﻮﺟﮭﻞ ﮨﻮﺍ، ﺗﻮ ﺑﺎﻵﺧﺮ ﺍﯾﮏ ﺑﺎﺭ ﭘﮭﺮ ﺳﺐ ﮐﭽﮫ ﭼﮭﻮﮌ ﮐﺮ ﺟﺎﻧﮯ ﮐﺎ ﻭﻗﺖ ﺁﮔﯿﺎ ﺗﮭﺎ۔ ﺑﺎﮨﺮ ﭘﻮﺭﭺ ﻣﯿﮟ ﮈﺭﺍﺋﯿﻮﺭ ﺍﯾﮏ ﮔﺎﺭﮈ ﮐﮯ ﺳﺎﺗﮫ ﮔﺎﮌﯼ ﻣﯿﮟ ﺍﻧﺘﻈﺎﺭ ﮐﺮ ﺭﮨﺎ ﺗﮭﺎ۔ ﺳﮑﻨﺪﺭ ﻋﺜﻤﺎﻥ ﻧﮯ ﮔﺎﺭﮈ ﮐﻮ ﺍﯾﺮﭘﻮﺭﭦ ﺗﮏ ﺳﺎﺗﮫ ﺟﺎﻧﮯ ﮐﯽ ﮨﺪﺍﯾﺖ ﮐﯽ ﺗﮭﯽ۔ ﻭﮦ ﮨﺮ ﻃﺮﺡ ﮐﯽ ﺍﺣﺘﯿﺎﻃﯽ ﺗﺪﺍﺑﯿﺮ ﮐﺮ ﺭﮨﮯ ﺗﮭﮯ۔ ﺳﺎﻻﺭ ﻧﮯ ﺳﺎﻣﺎﻥ ﮔﺎﮌﯼ ﻣﯿﮟ ﺭﮐﮭﻨﮯ ﮐﮯ ﺑﻌﺪ ﭼﺎﺑﯽ ﮈﺭﺍﺋﯿﻮﺭ ﺳﮯ ﻟﮯ ﻟﯽ۔ ﺍﻣﺎﻣﮧ ﻧﮯ ﺣﯿﺮﺍﻧﯽ ﺳﮯ ﺍﺳﮯ ﺩﯾﮑﮭﺎ ﺗﮭﺎ۔ ” ﮨﻢ ﻟﻮﮒ ﺑﺎﺋﯽ ﺭﻭﮈ ﺟﺎ ﺭﮨﮯ ﮨﯿﮟ، ﭘﺎﭘﺎ ﺁﺋﯿﮟ ﺗﻮ ﺍﻧﮩﯿﮟ ﺑﺘﺎ ﺩﯾﻨﺎ۔ ﮈﺭﺍﺋﯿﻮﺭ ﻧﮯ ﮐﭽﮫ ﺍﺣﺘﺠﺎﺝ ﮐﺮﻧﮯ ﮐﯽ ﮐﻮﺷﺶ ﮐﯽ۔ ﺷﺎﯾﺪ ﺳﮑﻨﺪﺭ ﺍﺳﮯ ﺿﺮﻭﺭﺕ ﺳﮯ ﺯﯾﺎﺩﮦ ﮨﺪﺍﯾﺎﺕ ﮐﺮ ﮔﺌﮯ ﺗﮭﮯ، ﻟﯿﮑﻦ ﺳﺎﻻﺭ ﮐﯽ ﺍﯾﮏ ﺟﮭﺎﮌ ﻧﮯ ﺍﺳﮯ ﺧﺎﻣﻮﺵ ﮐﺮ ﺩﯾﺎ۔ ” ﺍﻭﺭ ﺍﺏ ﺍﺗﻨﯽ ﻭﻓﺎﺩﺍﺭﯼ ﺩﮐﮭﺎﻧﮯ ﮐﯽ ﺿﺮﻭﺭﺕ ﻧﮩﯿﮟ ﮨﮯ ﮐﮧ ﻣﯿﺮﮮ ﮔﮭﺮ ﺳﮯ ﻧﮑﻠﺘﮯ ﮨﯽ ﭘﺎﭘﺎ ﮐﻮ ﻓﻮﻥ ﮐﺮ ﺩﻭ۔ ” ﻭﮦ ﮔﺎﮌﯼ ﻣﯿﮟ ﺑﯿﭩﮭﺎ ﮨﻮﺍ ﺍﺱ ﺳﮯ ﮐﮩﮧ ﺭﮨﺎ ﺗﮭﺎ۔ ﺍﺳﮯ ﯾﻘﯿﻦ ﺗﮭﺎ ﻭﮦ ﺍﺱ ﮐﮯ ﮔﮭﺮ ﺳﮯ ﻧﮑﻠﺘﮯ ﮨﯽ ﯾﮩﯽ ﮐﺎﻡ ﮐﺮﮮ ﮔﺎ۔ ﺍﺱ ﻟﯿﮯ ﮔﯿﭧ ﺳﮯ ﻧﮑﻠﺘﮯ ﮨﯽ ﺍﺱ ﻧﮯ ﺳﮑﻨﺪﺭ ﮐﮯ ﻓﻮﻥ ﭘﺮ ﮐﺎﻝ ﮐﯽ ﺗﮭﯽ۔ ﻭﮦ ﮐﭽﮫ ﺩﯾﺮ ﮐﮯ ﻟﯿﮯ ﺳﮑﻨﺪﺭ ﮐﺎ ﻓﻮﻥ ﺍﻧﮕﯿﺞ ﮐﺮﻧﺎ ﭼﺎﮨﺘﺎ ﺗﮭﺎ۔ ” ﭘﺎﭘﺎ ! ﮨﻢ ﻟﻮﮒ ﻧﮑﻞ ﺭﮨﮯ ﺗﮭﮯ ﺗﻮ ﺳﻮﭼﺎ ﺁﭖ ﺳﮯ ﺑﺎﺕ ﮐﺮ ﻟﻮﮞ۔ ” ﺳﺎﻻﺭ ﻧﮯ ﺳﮑﻨﺪﺭ ﺳﮯ ﮐﮩﺎ۔ ” ﺍﭼﮭﺎ ﮐﯿﺎ۔ ” ” ﺫﺭﺍ ﻣﻤﯽ ﺳﮯ ﺑﺎﺕ ﮐﺮﺍ ﺩﯾﮟ۔ ” ﺍﺱ ﻧﮯ ﺳﮑﻨﺪﺭ ﮐﮯ ﮐﭽﮫ ﮐﮩﻨﮯ ﺳﮯ ﭘﮩﻠﮯ ﮨﯽ ﺳﮑﻨﺪﺭ ﺳﮯ ﮐﮩﺎ۔ ﺍﺳﮯ ﺧﺪﺷﮧ ﺗﮭﺎ ﮐﮧ ﺳﮑﻨﺪﺭ ﮈﺭﺍﺋﯿﻮﺭ ﮐﯽ ﺍﻥ ﮐﻤﻨﮓ ﮐﺎﻝ ﺩﯾﮑﮫ ﮐﺮ ﭼﻮﻧﮑﯿﮟ ﮔﮯ۔ ﻭﮦ ﺍﮔﺮ ﮔﺎﮌﯼ ﻣﯿﮟ ﺍﻥ ﺳﮯ ﺑﺎﺕ ﮐﺮ ﺭﮨﺎ ﮨﮯ ﺗﻮ ﮈﺭﺍﺋﯿﻮﺭ ﺍﻧﮩﯿﮟ ﮐﯿﻮﮞ ﮐﺎﻝ ﺭﮨﺎ ﺗﮭﺎ۔ ﺍﻟﺒﺘﮧ ﻃﯿﺒﮧ ﺍﺱ ﺳﮯ ﺑﺎﺕ ﮐﺮﺗﮯ ﮨﻮﺋﮯ ﮐﺴﯽ ﺍﻥ ﮐﻤﻨﮓ ﮐﺎﻝ ﮐﻮ ﭼﯿﮏ ﻧﮩﯿﮟ ﮐﺮﺗﯿﮟ ﺍﻭﺭ ﺍﮔﺮ ﮐﺮﺗﯿﮟ ﺑﮭﯽ ﺗﻮ ﺍﻥ ﮐﻮ ﺷﮏ ﻧﮩﯿﮟ ﮨﻮﺗﺎ۔ ﺍﮔﻠﮯ ﭘﻨﺪﺭﮦ ﻣﻨﭧ ﻭﮦ ﻃﯿﺒﮧ ﮐﮯ ﺳﺎﺗﮫ ﺑﺎﺗﯿﮟ ﮐﺮﺗﺎ ﺭﮨﺎ۔ ﺳﺎﺗﮫ ﺑﯿﭩﮭﯽ ﺍﻣﺎﻣﮧ ﮐﭽﮫ ﺣﯿﺮﺍﻥ ﺗﮭﯽ۔ ﻟﯿﮑﻦ ﺍﺱ ﻧﮯ ﺍﺳﮯ ﻧﻈﺮ ﺍﻧﺪﺍﺯ ﮐﯿﺎ ﺗﮭﺎ۔ ﻭﮦ ﺍﺗﻨﯽ ﻟﻤﺒﯽ ﺑﺎﺗﯿﮟ ﮐﺮﻧﮯ ﮐﺎ ﻋﺎﺩﯼ ﻧﮩﯿﮟ ﺗﮭﺎ۔ ﺟﺘﻨﺎ ﻭﮦ ﺍﺏ ﯾﮏ ﺩﻡ ﺑﺎﺗﻮﻧﯽ ﮨﻮ ﮔﯿﺎ ﺗﮭﺎ۔ ﺍﺩﮬﺮ ﯾﮩﯽ ﺣﯿﺮﺍﻧﯽ ﻃﯿﺒﮧ ﮐﻮ ﺑﮭﯽ ﮨﻮ ﺭﮨﯽ ﺗﮭﯽ۔ ﺳﮑﻨﺪﺭ ﮈﻧﺮ ﭨﯿﺒﻞ ﭘﺮ ﭼﻨﺪ ﺩﻭﺳﺮﮮ ﺍﻓﺮﺍﺩ ﮐﮯ ﺳﺎﺗﮫ ﻣﺼﺮﻭﻑ ﺗﮭﮯ۔ ﭘﻨﺪﺭﮦ ﻣﻨﭧ ﻟﻤﺒﯽ ﮔﻔﺘﮕﻮ ﮐﮯ ﺑﻌﺪ ﺟﺐ ﺳﺎﻻﺭ ﮐﻮ ﯾﻘﯿﻦ ﮨﻮ ﮔﯿﺎ ﮐﮧ ﮈﺭﺍﺋﯿﻮﺭ ﺍﺏ ﺗﮏ ﺳﮑﻨﺪﺭ ﮐﻮ ﮐﺌﯽ ﮐﺎﻟﺰ ﮐﺮﻧﮯ ﮐﮯ ﺑﻌﺪ ﺗﻨﮓ ﺁﮐﺮ ﮐﺮ ﮐﺎﻟﺰ ﮐﺮﻧﺎ ﭼﮭﻮﮌ ﭼﮑﺎ ﮨﻮ ﮔﺎ ﯾﺎ ﮐﻢ ﺍﺯ ﮐﻢ ﺩﻭﺑﺎﺭﮦ ﮐﺮﻧﮯ ﮐﯽ ﺍﮔﻠﯽ ﮐﻮﺷﺶ ﮐﭽﮫ ﺩﯾﺮ ﺑﻌﺪ ﮨﯽ ﮐﺮﮮ ﮔﺎ ﺗﻮ ﺍﺱ ﻧﮯ ﺧﺪﺍ ﺣﺎﻓﻆ ﮐﮩﺘﮯ ﮨﻮﺋﮯ ﻓﻮﻥ ﺁﻑ ﮐﺮ ﺩﯾﺎ۔ ﻃﯿﺒﮧ ﺍﻭﺭ ﺳﮑﻨﺪﺭ ﮐﯽ ﻭﺍﭘﺴﯽ ﺑﺎﺭﮦ ﺑﺠﮯ ﺳﮯ ﭘﮩﻠﮯ ﻣﺘﻮﻗﻊ ﻧﮩﯿﮟ ﺗﮭﯽ ﺍﻭﺭ ﺍﺏ ﺍﮔﺮ ﮈﺭﺍﺋﯿﻮﺭ ﺳﮯ ﭘﺎﻧﭻ ﺩﺱ ﻣﻨﭧ ﺑﻌﺪ ﺑﮭﯽ ﺍﻥ ﮐﯽ ﺑﺎﺕ ﮨﻮﺗﯽ ﺗﻮ ﻭﮦ ﺑﮩﺖ ﻓﺎﺻﻠﮧ ﻃﮯ ﮐﺮ ﭼﮑﮯ ﮨﻮﺗﮯ۔ ” ﺑﺎﺋﯽ ﺭﻭﮈ ﺁﻧﮯ ﮐﯽ ﮐﯿﺎ ﺿﺮﻭﺭﺕ ﺗﮭﯽ؟ ” ﺍﺱ ﮐﺎ ﻓﻮﻥ ﺑﻨﺪ ﮨﻮﺗﮯ ﺩﯾﮑﮫ ﮐﺮ ﺍﻣﺎﻣﮧ ﻧﮯ ﺍﺱ ﺳﮯ ﭘﻮﭼﮭﺎ۔ ” ﯾﻮﻧﮩﯽ ﺩﻝ ﭼﺎﮦ ﺭﮨﺎ ﺗﮭﺎ۔ ﮐﭽﮫ ﯾﺎﺩﯾﮟ ﺗﺎﺯﮦ ﮐﺮﻧﺎ ﭼﺎﮨﺘﺎ ﮨﻮﮞ۔ ” ﺳﺎﻻﺭ ﻧﮯ ﺳﯿﻞ ﻓﻮﻥ ﺭﮐﮭﺘﮯ ﮨﻮﺋﮯ ﮐﮩﺎ۔ ” ﮐﯿﺴﯽ ﯾﺎﺩﯾﮟ؟ ” ﻭﮦ ﺣﯿﺮﺍﻥ ﮨﻮﺋﯽ۔ ” ﺗﻤﮩﺎﺭﮮ ﺳﺎﺗﮫ ﭘﮩﻠﮯ ﺳﻔﺮ ﮐﯽ ﯾﺎﺩﯾﮟ۔ ” ﻭﮦ ﮐﭽﮫ ﺩﯾﺮ ﺍﺱ ﺳﮯ ﻧﻈﺮﯾﮟ ﻧﮩﯿﮟ ﮨﭩﺎ ﺳﮑﯽ۔ ﻭﮦ ﺍﺱ ﺷﺨﺺ ﺳﮯ ﮐﯿﺎ ﮐﮩﺘﯽ ﮐﮧ ﻭﮦ ﺍﺱ ﺳﻔﺮ ﮐﻮ ﯾﺎﺩ ﻧﮩﯿﮟ ﮐﺮﻧﺎ ﭼﺎﮨﺘﯽ۔ ﻭﮦ ﺍﺱ ﮐﮯ ﻟﯿﮯ ﺳﻔﺮ ﻧﮩﯿﮟ ﺗﮭﺎ، ﺧﻮﻑ ﺍﻭﺭ ﺑﮯ ﯾﻘﯿﻨﯽ ﻣﯿﮟ ﮔﺰﺍﺭﮮ ﭼﻨﺪ ﮔﮭﻨﭩﮯ ﺗﮭﮯ ﺟﻮ ﺍﺱ ﻧﮯ ﮔﺰﺍﺭﮮ ﺗﮭﮯ۔ ﻣﺴﺘﻘﺒﻞ ﺍﺱ ﻭﻗﺖ ﺍﯾﮏ ﺑﮭﯿﺎﻧﮏ ﺑﮭﻮﺕ ﺑﻦ ﮐﺮ ﺍﺱ ﮐﮯ ﺳﺎﻣﻨﮯ ﮐﮭﮍﺍ ﺗﮭﺎ ﺍﻭﺭ ﺍﺱ ﺭﺍﺳﺘﮯ ﻣﯿﮟ ﻭﮦ ﺑﮭﻮﺕ ﻣﺴﻠﺴﻞ ﺍﺳﮯ ﮈﺭﺍﺗﺎ ﺭﮨﺎﺗﮭﺎ۔ ” ﻣﯿﺮﮮ ﻟﯿﮯ ﺧﻮﺵ ﮔﻮﺍﺭ ﻧﮩﯿﮟ ﺗﮭﺎ ﻭﮦ ﺳﻔﺮ۔ ” ﺍﺱ ﻧﮯ ﺗﮭﮑﮯ ﺳﮯ ﻟﮩﺠﮯ ﻣﯿﮟ ﺳﺎﻻﺭ ﺳﮯ ﮐﮩﺎ۔ ” ﻣﯿﺮﮮ ﻟﯿﮯ ﺑﮭﯽ ﻧﮩﯿﮟ ﺗﮭﺎ۔ ” ﺳﺎﻻﺭ ﻧﮯ ﺑﮭﯽ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ۔ ‘ ﮐﺌﯽ ﺳﺎﻝ ﮨﺎﻧﭧ ﮐﺮﺗﺎ ﺭﮨﺎ ﻣﺠﮭﮯ، ﺩﯾﮑﮭﻨﮯ ﺁﯾﺎ ﮨﻮﮞ ﮐﮧ ﺍﺏ ﺑﮭﯽ ﮨﺎﻧﭧ ﮐﺮﺗﺎ ﮨﮯ۔ ” ﻭﮦ ﺑﺎﺕ ﺧﺘﻢ ﮐﺮﺗﮯ ﮨﻮﺋﮯ ﺍﺳﮯ ﺩﯾﮑﮫ ﮐﺮ ﺑﮩﺖ ﻣﺪﮬﻢ ﺍﻧﺪﺍﺯ ﻣﯿﮟ ﻣﺴﮑﺮﺍﯾﺎ۔ ﺍﻣﺎﻣﮧ ﺧﺎﻣﻮﺵ ﺭﮨﯽ۔ ﮐﺌﯽ ﺳﺎﻝ ﭘﮩﻠﮯ ﮐﯽ ﻭﮦ ﺭﺍﺕ ﺍﯾﮏ ﺑﺎﺭ ﭘﮭﺮ ﺳﮯ ﺍﯾﮏ ﺍﺱ ﮐﯽ ﺁﻧﮑﮭﻮﮞ ﮐﮯ ﺳﺎﻣﻨﮯ ﺁﻧﮯ ﻟﮕﯽ ﺗﮭﯽ ﺍﻭﺭ ﺁﻧﮑﮭﻮﮞ ﮐﮯ ﺳﺎﻣﻨﮯ ﺻﺮﻑ ﺭﺍﺕ ﮨﯽ ﻧﮩﯿﮟ ﺑﻠﮑﮧ ﺟﻼﻝ ﺑﮭﯽ ﺁﯾﺎ ﺗﮭﺎ۔ ﺍﺱ ﺭﺍﺕ ﮐﯽ ﺗﮑﻠﯿﻒ ﮐﺎ ﺍﯾﮏ ﺳﺮﺍ ﺍﺱ ﮐﯽ ﺫﺍﺕ ﮐﮯ ﺳﺎﺗﮫ ﺑﻨﺪﮬﺎ ﺗﮭﺎ۔ ﺩﻭﺳﺮﺍ ﺍﺱ ﮐﯽ ﻓﯿﻤﻠﯽ ﮐﮯ ﺳﺎﺗﮫ۔ ﺍﺱ ﻧﮯ ﺩﻭﻧﻮﮞ ﮐﻮ ﮐﮭﻮﯾﺎ ﺗﮭﺎ۔ ﺍﮔﻠﯽ ﺻﺒﺢ ﮐﺎ ﺳﻮﺭﺝ ﻻﮐﮫ ﮨﻤﯿﺸﮧ ﺟﯿﺴﺎ ﮨﻮﺗﺎ، ﺍﺱ ﮐﯽ ﺯﻧﺪﮔﯽ ﻭﯾﺴﯽ ﻧﮩﯿﮟ ﺭﮨﯽ ﺗﮭﯽ۔ ﮐﺒﮭﯽ ﻭﮦ ﺳﻮﭺ ﺳﮑﺘﯽ ﺗﮭﯽ ﮐﮧ ﻭﮦ ﮐﺒﮭﯽ ﺍﺱ ﺭﺍﺕ ﮐﻮ ﺻﺮﻑ ﺗﮑﻠﯿﻒ ﺳﻤﺠﮫ ﮐﺮ ﺳﻮﭼﮯ ﮔﯽ، ﺗﻘﺪﯾﺮ ﺳﻤﺠﮫ ﮐﺮ ﻧﮩﯿﮟ … ﺍﺱ ﮐﯽ ﺁﻧﮑﮭﯿﮟ ﺑﮭﯿﮕﻨﮯ ﻟﮕﯽ ﺗﮭﯿﮟ۔ ﺑﺮﺍﺑﺮ ﻣﯿﮟ ﺑﯿﭩﮭﺎ ﺷﺨﺺ ﺁﺝ ﺍﺱ ﮐﮯ ﺁﻧﺴﻮﺅﮞ ﺳﮯ ﺑﮯ ﺧﺒﺮ ﻧﮩﯿﮟ ﺗﮭﺎ، ﻟﯿﮑﻦ ﺍﺱ ﻭﻗﺖ ﺑﮯ ﺧﺒﺮ ﺗﮭﺎ۔ ﺍﺱ ﻧﮯ ﮐﭽﮫ ﮐﮩﮯ ﺑﻐﯿﺮ ﮨﺎﺗﮫ ﺑﮍﮬﺎ ﮐﺮ ﺍﺱ ﮐﺎ ﮨﺎﺗﮫ ﺍﭘﻨﮯ ﮨﺎﺗﮫ ﻣﯿﮟ ﻟﮯ ﻟﯿﺎ، ﺍﻣﺎﻣﮧ ﺁﻧﮑﮭﯿﮟ ﭘﻮﻧﭽﮭﻨﮯ ﻟﮕﯽ ﺗﮭﯽ۔ ﻭﮦ ﺳﺎﺭﺍ ﻧﻘﺸﮧ ﺟﻮ ﺍﺱ ﻧﮯ ﺍﭘﻨﯽ ﺯﻧﺪﮔﯽ ﮐﺎ ﮐﮭﯿﻨﭽﺎ ﺗﮭﺎ، ﺍﺱ ﻣﯿﮟ ﯾﮧ ﺷﺨﺺ ﮐﮩﯿﮟ ﻧﮩﯿﮟ ﺗﮭﺎ۔ ﺯﻧﺪﮔﯽ ﻧﮯ ﮐﺲ ﮐﻮ ﮐﺲ ﮐﮯ ﺳﺎﺗﮫ ﺟﻮﮌﺍ … ﮐﺲ ﺗﻌﻠﻖ ﮐﻮ، ﮐﮩﺎﮞ ﺳﮯ ﺗﻮﮌﺍ ﺗﮭﺎ … ﭘﺘﺎ ﮨﯽ ﻧﮩﯿﮟ ﭼﻼ … ﺳﻔﺮ ﺧﺎﻣﻮﺷﯽ ﺳﮯ ﮨﻮ ﺭﮨﺎ ﺗﮭﺎ، ﻟﯿﮑﻦ ﻃﮯ ﮨﻮ ﺭﮨﺎ ﺗﮭﺎ۔ ” ﺍﺏ ﺑﮩﺖ ﺍﺣﺘﯿﺎﻁ ﺳﮯ ﮔﺎﮌﯼ ﭼﻼ ﺭﮨﺎ ﮨﻮ۔ ” ﺍﻣﺎﻣﮧ ﮐﻮ ﮐﺌﯽ ﺳﺎﻝ ﭘﮩﻠﮯ ﮐﯽ ﺍﺱ ﮐﯽ ﺭﯾﺶ ﮈﺭﺍﺋﯿﻮﻧﮓ ﯾﺎﺩ ﺗﮭﯽ۔ ” ﺯﻧﺪﮔﯽ ﮐﯽ ﻗﺪﺭ ﮨﻮ ﮔﺌﯽ ﮨﮯ ﺍﺏ؟ ” ﺍﺱ ﻧﮯ ﺳﺎﻻﺭ ﺳﮯ ﮨﺎﺗﮫ ﭼﮭﮍﺍﺗﮯ ﮨﻮﺋﮯ ﭘﻮﭼﮭﺎ۔ ” ﺗﻤﮩﺎﺭﯼ ﻭﺟﮧ ﺳﮯ ﺍﺣﺘﯿﺎﻁ ﮐﺮ ﺭﮨﺎ ﮨﻮﮞ۔ ” ﻭﮦ ﺑﻮﻝ ﻧﮩﯿﮟ ﺳﮑﯽ۔ ﺧﺎﻣﻮﺷﯽ ﮐﺎ ﺍﯾﮏ ﺍﻭﺭ ﻭﻗﻔﮧ ﺁﯾﺎ۔ ﻭﮦ ﺷﮩﺮ ﮐﯽ ﺣﺪﻭﺩ ﺳﮯ ﺑﺎﮨﺮ ﻧﮑﻞ ﺁﺋﮯ ﺗﮭﮯ ﺍﻭﺭ ﺳﮍﮎ ﭘﺮ ﺩﮬﻨﺪ ﻣﺤﺴﻮﺱ ﮨﻮﻧﮯ ﻟﮕﯽ ﺗﮭﯽ۔ ﯾﮩﺎﮞ ﺩﮬﻨﺪ ﮔﮩﺮﯼ ﻧﮩﯿﮟ ﺗﮭﯽ، ﻟﯿﮑﻦ ﻣﻮﺟﻮﺩ ﺗﮭﯽ۔ ” ﮐﺒﮭﯽ ﺩﻭﺑﺎﺭﮦ ﺳﻔﺮ ﮐﯿﺎ ﺍﮐﯿﻠﮯ ﺍﺱ ﺭﻭﮈ ﭘﺮ ”… ﺍﻣﺎﻣﮧ ﻧﮯ ﮐﭽﮫ ﺩﯾﺮ ﺑﻌﺪ ﭘﻮﭼﮭﺎ۔ ” ﻣﻮﭨﺮ ﻭﮮ ﺳﮯ ﺟﺎﺗﺎ ﮨﻮﮞ ﺍﺏ ﺍﮔﺮ ﮔﺎﮌﯼ ﻣﯿﮟ ﺟﺎﻧﺎ ﮨﻮ ﺗﻮ … ﺑﺲ ﺍﯾﮏ ﺑﺎﺭ ﺁﯾﺎ ﺗﮭﺎ ﮐﭽﮫ ﻣﺎﮦ ﭘﮩﻠﮯ۔ ” ﻭﮦ ﮐﮩﮧ ﺭﮨﺎ ﺗﮭﺎ۔ ” ﺟﺐ ﭘﺎﭘﺎ ﻧﮯ ﻣﺠﮭﮯ ﺗﻤﮩﺎﺭﮮ ﮨﺎﺗﮫ ﮐﺎ ﻟﮑﮭﺎ ﮨﻮﺍ ﻧﻮﭦ ﺩﯾﺎ۔ ﮐﯿﺎ ﺭﺍﺕ ﺗﮭﯽ؟ ” ﻭﮦ ﺟﯿﺴﮯ ﺗﮑﻠﯿﻒ ﺳﮯ ﮐﺮﺍﮨﺎ ﺍﻭﺭ ﭘﮭﺮ ﮨﻨﺲ ﭘﮍﺍ۔ ” ﺍﻣﯿﺪ ﺗﮭﯽ ﺟﺲ ﮐﻮ، ﺍﺱ ﺭﺍﺕ ﻣﯿﮟ ﻣﯿﮟ ﻣﺠﺴﻢ ﻓﻨﺎ ﮨﻮﺗﮯ ﺩﯾﮑﮭﺎ۔ ﺳﻤﺠﮫ ﻣﯿﮟ ﺁﯾﺎ ﻣﺠﮭﮯ ﮐﮧ ﺗﺐ ﺍﺱ ﺭﺍﺕ ﺗﻢ ﮐﺲ ﺣﺎﻟﺖ ﺳﮯ ﮔﺰﺭﯼ ﮨﻮ ﮔﯽ۔ ﺍﺫﯾﺖ ﺳﮯ ﺑﮩﺖ ﺯﯾﺎﺩﮦ … ﻣﻮﺕ ﺳﮯ ﺫﺭﺍ ﺳﯽ ﮐﻢ … ﻟﯿﮑﻦ ﺗﮑﻠﯿﻒ ﺍﺱ ﮐﻮ ﮐﻮﺋﯽ ﺑﮭﯽ ﻧﮩﯿﮟ ﮐﮩﮧ ﺳﮑﺘﺎ۔ ” ﻭﻧﮉﺍﺳﮑﺮﯾﻦ ﺳﮯ ﺑﺎﮨﺮ ﺩﯾﮑﮭﺘﮯ ﮨﻮﺋﮯ، ﻭﮦ ﺟﻮ ﮐﭽﮫ ﺍﺱ ﺗﮏ ﭘﮩﻨﭽﺎﻧﺎ ﭼﺎﮦ ﺭﮨﺎ ﺗﮭﺎ، ﭘﮩﻨﭻ ﺭﮨﺎ ﺗﮭﺎ۔ ﺍﺱ ﮐﺎﻧﭻ ﺳﮯ ﻭﮦ ﺑﮭﯽ ﮔﺰﺭﯼ ﺗﮭﯽ۔ ﻧﻢ ﮨﻮﺗﯽ ﺁﻧﮑﮭﻮﮞ ﮐﮯ ﺳﺎﺗﮫ، ﮔﺮﺩﻥ ﺳﯿﭧ ﮐﯽ ﭘﺸﺖ ﺳﮯ ﭨﮑﺎﺋﮯ، ﻭﮦ ﺍﺳﮯ ﺩﯾﮑﮫ ﺭﮨﯽ ﺗﮭﯽ۔ ” ﻣﯿﮟ ﺳﺎﺭﺍ ﺭﺍﺳﺘﮧ ﺑﺲ ﯾﮩﯽ ﺳﻮﭼﺘﺎ ﺭﮨﺎ ﮐﮧ ﻣﯿﮟ ﺍﺏ ﮐﺮﻭﮞ ﮔﺎ ﮐﯿﺎ۔ ﮐﯿﺎ ﮐﺮﻭﮞ ﮔﺎ ﻣﯿﮟ ﺯﻧﺪﮔﯽ ﻣﯿﮟ ﺳﻮﭺ ﺭﮨﺎ ﺗﮭﺎ۔ ﺍﻟﻠﮧ ﻧﮯ ﻣﺠﮭﮯ ﺿﺮﻭﺭﺕ ﺳﮯ ﺯﯾﺎﺩﮦ ﺯﻧﺪﮔﯽ ﺩﮮ ﺩﯼ ﮨﮯ … ﺗﻤﮩﺎﺭﮮ ﺳﺎﺗﮫ ﺑﺮﺍ ﮐﯿﺎ ﺗﮭﺎ … ﺑﺮﺍ ﺗﻮ ﮨﻮﻧﺎ ﮨﯽ ﺗﮭﺎ ﻣﯿﺮﮮ ﺳﺎﺗﮫ … ﯾﺎﺩ ﮨﮯ ﻧﺎ، ﻣﯿﮟ ﻧﮯ ﺗﻤﮩﺎﺭﮮ ﺳﺎﺗﮫ ﺳﻔﺮ ﻣﯿﮟ ﮐﯿﺴﯽ ﺑﺎﺗﯿﮟ ﮐﯽ ﺗﮭﯿﮟ۔ ” ﺍﺱ ﻧﮯ ﻋﺠﯿﺐ ﺳﮯ ﺍﻧﺪﺍﺯ ﻣﯿﮟ ﮨﻨﺲ ﮐﺮ ﺍﯾﮏ ﻟﻤﺤﮧ ﮐﮯ ﻟﯿﮯ ﮔﺮﺩﻥ ﻣﻮﮌ ﮐﺮ ﺍﺳﮯ ﺩﯾﮑﮭﺎ۔ ﺍﯾﮏ ﻟﻤﺤﮧ ﮐﮯ ﻟﯿﮯ ﺩﻭﻧﻮﮞ ﮐﯽ ﻧﻈﺮﯾﮟ ﻣﻠﯽ ﺗﮭﯽ، ﭘﮭﺮ ﺳﺎﻻﺭ ﻧﮯ ﻧﻈﺮﯾﮟ ﭼﺮﺍﺗﮯ ﮨﻮﺋﮯ ﮔﺮﺩﻥ ﺳﯿﺪﮬﯽ ﮐﺮ ﻟﯽ۔ ﺳﻔﺮ ﭘﮭﺮ ﺧﺎﻣﻮﺷﯽ ﺳﮯ ﻃﮯ ﮨﻮﻧﮯ ﻟﮕﺎ ﺗﮭﺎ۔ ﻭﮦ ﺗﻌﻠﻖ ﺟﻮ ﺍﻥ ﮐﮯ ﺑﯿﭻ ﺗﮭﺎ، ﻭﮦ ﺟﯿﺴﮯ ﺧﺎﻣﻮﺷﯽ ﮐﻮ ﺑﮭﯽ ﮔﻔﺖ ﮔﻮ ﺑﻨﺎ ﺭﮨﺎ ﺗﮭﺎ۔ ﻟﻔﻆ ﺍﺱ ﻭﻗﺖ ﺧﺎﻣﻮﺷﯽ ﺳﮯ ﺯﯾﺎﺩﮦ ﺑﺎﻣﻌﻨﯽ ﻧﮩﯿﮟ ﮨﻮ ﺳﮑﺘﮯ ﺗﮭﮯ۔ ﺍﻣﺎﻣﮧ ﺑﮭﯽ ﮔﺮﺩﻥ ﺳﯿﺪﮬﯽ ﮐﺮﮐﮯ ﺳﮍﮎ ﮐﻮ ﺩﯾﮑﮭﻨﮯ ﻟﮕﯽ۔ ﺩﮬﻨﺪ ﺍﺏ ﮔﮩﺮﯼ ﮨﻮ ﺭﮨﯽ ﺗﮭﯽ۔ ﺟﯿﺴﮯ ﻭﮦ ﺳﮍﮎ ﭘﺮ ﻧﮩﯿﮟ ﺑﻠﮑﮧ ﺍﭘﻨﮯ ﻣﺎﺿﯽ ﮐﯽ ﺩﮬﻨﺪ ﻣﯿﮟ ﺩﺍﺧﻞ ﮨﻮ ﺭﮨﮯ ﺗﮭﮯ۔ ﮔﮩﺮﯼ، ﻣﻌﺪﻭﻡ ﻧﮧ ﮨﻮﻧﮯ ﺍﻭﺭ ﮨﺎﺗﮫ ﮐﻮ ﮨﺎﺗﮫ ﺳﺠﮭﺎﺋﯽ ﻧﮧ ﺩﯾﻨﮯ ﻭﺍﻟﯽ ﮔﮩﺮﯼ ﺩﮬﻨﺪ … ﮐﯿﺎ ﮐﯿﺎ ﺍﭘﻨﮯ ﺍﻧﺪﺭ ﭼﮭﭙﺎﺋﮯ ﮨﻮﺋﮯ ﺗﮭﯽ، ﻟﯿﮑﻦ ﺟﻮ ﮐﭽﮫ ﺗﮭﺎ، ﻭﮦ ﺑﻮﺟﮭﻞ ﮨﻮ ﮔﯿﺎ ﺗﮭﺎ، ﻓﺮﺍﻣﻮﺵ ﻧﮩﯿﮟ ﮨﻮﺍ ﺗﮭﺎ۔ ﺳﯿﻞ ﻓﻮﻥ ﮐﯽ ﺭﻧﮓ ﭨﻮﻥ ﻧﮯ ﺍﻥ ﺩﻭﻧﻮﮞ ﮐﻮ ﭼﻮﻧﮑﺎ ﺩﯾﺎ۔ ﺳﯿﻞ ﭘﺮ ﺳﮑﻨﺪﺭ ﮐﺎ ﻧﻤﺒﺮ ﭼﻤﮏ ﺭﮨﺎ ﺗﮭﺎ۔ ﺳﺎﻻﺭ ﮨﻨﺲ ﭘﮍﺍ۔ ﺍﻣﺎﻣﮧ ﺍﺱ ﮐﯽ ﺑﮯ ﻣﻘﺼﺪ ﮨﻨﺴﯽ ﮐﻮ ﻧﮩﯿﮟ ﺳﻤﺠﮭﯽ۔ ” ﮨﯿﻠﻮ ”! ﺳﺎﻻﺭ ﻧﮯ ﮐﺎﻝ ﺭﯾﺴﯿﻮ ﮐﺮﺗﮯ ﮨﻮﺋﮯ ﺻﺮﻑ ﺍﺗﻨﺎ ﮨﯽ ﮐﮩﺎ ﺗﮭﺎ۔ ﺍﺳﮯ ﺣﯿﺮﺕ ﺗﮭﯽ، ﺳﮑﻨﺪﺭ ﻋﺜﻤﺎﻥ ﮐﯽ ﮐﺎﻝ ﺍﺗﻨﯽ ﺩﯾﺮ ﺳﮯ ﻧﮩﯿﮟ ﺁﻧﯽ ﭼﺎﮨﯿﮯ ﺗﮭﯽ۔ ﺷﺎﯾﺪ ﮈﺭﺍﺋﯿﻮﺭ ﻧﮯ ﺍﻥ ﮐﮯ ﮔﮭﺮ ﭘﮩﻨﭽﻨﮯ ﭘﺮ ﮨﯽ ﺍﻧﮩﯿﮟ ﺳﺎﻻﺭ ﮐﮯ ﺍﯾﮉﻭﻧﭽﺮ ﮐﮯ ﺑﺎﺭﮮ ﻣﯿﮟ ﻣﻄﻠﻊ ﮐﯿﺎ ﺗﮭﺎ۔ ﺳﺎﻻﺭ ﻧﮯ ﺁﻭﺍﺯ ﮐﭽﮫ ﮐﻢ ﮐﺮ ﺩﯼ ﺗﮭﯽ۔ ﺟﻮ ﮐﭽﮫ ﺳﮑﻨﺪﺭ ﺍﺳﮯ ﻓﻮﻥ ﭘﺮ ﮐﮩﮧ ﺭﮨﮯ ﺗﮭﮯ، ﻭﮦ ﻧﮩﯿﮟ ﭼﺎﮨﺘﺎ ﺗﮭﺎ ﮐﮧ ﻭﮦ ﺍﻣﺎﻣﮧ ﺗﮏ ﭘﮩﻨﭽﺘﺎ۔ ” ﺟﯽ … ﺟﯽ۔ ” ﻭﮦ ﺍﺏ ﺗﺎﺑﻊ ﺩﺍﺭﯼ ﺳﮯ ﮐﮩﮧ ﺭﮨﺎ ﺗﮭﺎ۔ ﺳﮑﻨﺪﺭ ﺍﺱ ﭘﺮ ﺑﺮﯼ ﻃﺮﺡ ﺑﺮﺱ ﺭﮨﮯ ﺗﮭﮯ ﺍﻭﺭ ﮐﯿﻮﮞ ﻧﮧ ﺑﺮﺳﺘﮯ ﻭﮦ، ﺍﻧﮩﯿﮟ ﺑﮯ ﻭﻗﻮﻑ ﺑﻨﺎﻧﺎ ﺟﯿﺴﮯ ﺳﺎﻻﺭ ﮐﮯ ﻟﯿﮯ ﺑﺎﺋﯿﮟ ﮨﺎﺗﮫ ﮐﺎ ﮐﮭﯿﻞ ﺗﮭﺎ ﺍﻭﺭ ﯾﮧ ﺍﺣﺴﺎﺱ ﺳﮑﻨﺪﺭ ﮐﮯ ﻏﺼﮯ ﻣﯿﮟ ﺍﺿﺎﻓﮧ ﮐﺮ ﺭﮨﺎ ﺗﮭﺎ۔ ﺍﻧﮩﻮﮞ ﻧﮯ ﮐﭽﮫ ﺩﯾﺮ ﭘﮩﻠﮯ ﻃﯿﺒﮧ ﮐﮯ ﭘﺮﺱ ﻣﯿﮟ ﭘﮍﮮ ﺍﭘﻨﮯ ﺳﯿﻞ ﭘﺮ ﮈﺭﺍﺋﯿﻮﺭ ﮐﯽ ﻣﺴﮉ ﮐﺎﻟﺰ ﺩﯾﮑﮭﯽ ﺗﮭﯿﮟ ﺍﻭﺭ ﺍﺱ ﺳﮯ ﺑﺎﺕ ﮐﺮ ﮐﮯ ﻭﮦ ﺧﻮﻥ ﮐﮯ ﮔﮭﻮﻧﭧ ﭘﯽ ﮐﺮ ﺭﮦ ﮔﺌﮯ ﺗﮭﮯ۔ ﺑﺎﺋﯽ ﺭﻭﮈ ﻻﮨﻮﺭ ﺟﺎﻧﺎ، ﺍﺱ ﻭﻗﺖ ﺍﻥ ﮐﮯ ﻟﯿﮯ ﺍﺱ ﮐﯽ ﺣﻤﺎﻗﺖ ﮐﺎ ﺍﻋﻼ ﺗﺮﯾﻦ ﻣﻈﺎﮨﺮﮦ ﺗﮭﺎ ﻟﯿﮑﻦ ﺍﺱ ﻧﮯ ﺟﺘﻨﮯ ﺍﻃﻤﯿﻨﺎﻥ ﺳﮯ ﺍﻥ ﮐﯽ ﺁﻧﮑﮭﻮﮞ ﻣﯿﮟ ﺩﮬﻮﻝ ﺟﮭﻮﻧﮑﯽ ﺗﮭﯽ، ﻭﮦ ﺍﻥ ﮐﮯ ﻟﯿﮯ ﺯﯾﺎﺩﮦ ﺍﺷﺘﻌﺎﻝ ﺍﻧﮕﯿﺰ ﺗﮭﺎ۔ ” ﺍﺏ ﻏﺼﮧ ﺧﺘﻢ ﮐﺮ ﺩﯾﮟ ﭘﺎﭘﺎ ! ﮨﻢ ﺩﻭﻧﻮﮞ ﺑﺎﻟﮑﻞ ﻣﺤﻔﻮﻅ ﮨﯿﮟ ﺍﻭﺭ ﺁﺭﺍﻡ ﺳﮯ ﺳﻔﺮ ﮐﺮ ﺭﮨﮯ ﮨﯿﮟ۔ ” ﺍﺱ ﻧﮯ ﺑﺎﻵﺧﺮ ﺳﮑﻨﺪﺭ ﺳﮯ ﮐﮩﺎ۔ ” ﺗﻢ ﻇﻔﺮ ﮐﻮ ﺩﮬﻤﮑﯿﺎﮞ ﺩﮮ ﮐﺮ ﮔﺌﮯ ﺗﮭﮯ ﮐﮧ ﻭﮦ ﻣﺠﮭﮯ ﺍﻧﻔﺎﺭﻡ ﻧﮧ ﮐﺮﮮ؟ ” ” ﺩﮬﻤﮑﯽ … ﻣﯿﮟ ﻧﮯ ﺍﯾﮏ ﻣﺆﺩﺑﺎﻧﮧ ﺩﺭﺧﻮﺍﺳﺖ ﮐﯽ ﺗﮭﯽ ﺍﺱ ﺳﮯ ﮐﮧ ﻭﮦ ﺁﭖ ﮐﻮ ﻓﯽ ﺍﻟﺤﺎﻝ ﺍﻧﻔﺎﺭﻡ ﻧﮧ ﮐﺮﮮ … ﺁﭖ ﮈﻧﺮ ﭼﮭﻮﮌ ﮐﺮ ﺧﻮﺍﻣﺨﻮﺍﮦ ﭘﺮﯾﺸﺎﻥ ﮨﻮﺗﮯ۔ ” ﻭﮦ ﺑﮍﯼ ﺭﺳﺎﻧﯿﺖ ﺳﮯ ﺍﻥ ﺳﮯ ﮐﮩﮧ ﺭﮨﺎ ﺗﮭﺎ۔ ” ﻣﯿﺮﯼ ﺩﻋﺎ ﮨﮯ ﺳﺎﻻﺭ ! ﮐﮧ ﺗﻤﮩﺎﺭﯼ ﺍﻭﻻﺩ ﺑﺎﻟﮑﻞ ﺗﻤﮩﺎﺭﮮ ﺟﯿﺴﯽ ﮨﻮ ﺍﻭﺭ ﺗﻤﮩﯿﮟ ﺍﺗﻨﺎ ﮨﻮ ﺧﻮﺍﺭ ﮐﺮﮮ، ﺟﺘﻨﺎ ﺗﻢ ﮨﻤﯿﮟ ﮐﺮﺗﮯ ﮨﻮ، ﭘﮭﺮ ﺗﻤﮩﯿﮟ ﻣﺎﮞ ﺑﺎﭖ ﮐﯽ ﭘﺮﯾﺸﺎﻧﯽ ﮐﺎ ﺍﺣﺴﺎﺱ ﮨﻮ ﮔﺎ۔ ” ﻭﮦ ﮨﻨﺲ ﭘﮍﺍ۔ ” ﭘﺎﭘﺎ ! ﺍﺱ ﻃﺮﺡ ﮐﯽ ﺑﺎﺗﯿﮟ ﮐﺮﯾﮟ ﮔﮯ ﺗﻮ ﻣﯿﮟ ﺍﻭﻻﺩ ﮨﯽ ﭘﯿﺪﺍ ﻧﮩﯿﮟ ﮐﺮﻭﮞ ﮔﺎ۔ ” ﺍﻣﺎﻣﮧ ﻧﮯ ﺍﺱ ﮐﮯ ﺟﻤﻠﮯ ﭘﺮ ﭼﻮﻧﮏ ﮐﺮ ﺍﺳﮯ ﺩﯾﮑﮭﺎ۔ ” ﭘﺎﭘﺎ ﺩﻋﺎ ﮐﺮ ﺭﮨﮯ ﮨﯿﮟ ﮐﮧ ﮨﻤﺎﺭﯼ ﺍﻭﻻﺩ ﺟﻠﺪ ﭘﯿﺪﺍ ﮨﻮ۔ ” ﺍﻣﺎﻣﮧ ﮐﻮ ﭼﻮﻧﮑﺘﮯ ﺩﯾﮑﮫ ﮐﺮ ﺳﺎﻻﺭ ﻧﮯ ﻓﻮﻥ ﭘﺮ ﺑﺎﺕ ﮐﺮﺗﮯ ﮨﻮﺋﮯ ﺍﺳﮯ ﺑﺘﺎﯾﺎ۔ ﻭﮦ ﺑﮯ ﺍﺧﺘﯿﺎﺭ ﺳﺮﺥ ﮨﻮﺋﯽ ﻟﯿﮑﻦ ﺍﺱ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﮐﮧ ﯾﮧ ﺍﺱ ﻃﺮﺡ ﮐﯽ ﺩﻋﺎ ﮐﺎ ﮐﻮﻥ ﺳﺎ ﻭﻗﺖ ﺍﻭﺭ ﻃﺮﯾﻘﮧ ﮨﮯ۔ ﺩﻭﺳﺮﯼ ﻃﺮﻑ ﺳﮑﻨﺪﺭ ﻓﻮﻥ ﭘﺮ ﺍﺱ ﮐﺎ ﺟﻤﻠﮧ ﺳﻦ ﮐﺮ ﮐﭽﮫ ﺑﮯ ﺑﺴﯽ ﺳﮯ ﮨﻨﺲ ﭘﮍﮮ ﺗﮭﮯ۔ ﺍﻥ ﮐﺎ ﻏﺼﮧ ﮐﻢ ﮨﻮﻧﮯ ﻟﮕﺎ ﺗﮭﺎ۔ ﮐﺌﯽ ﺳﺎﻟﻮﮞ ﮐﮯ ﺑﻌﺪ ﺍﻧﮩﯿﮟ ﺳﺎﻻﺭ ﺳﮯ ﺍﺱ ﻃﺮﺡ ﺑﺎﺕ ﮐﺮﻧﺎ ﭘﮍﯼ ﺗﮭﯽ۔ ﻭﮦ ﺍﺏ ﺍﺱ ﺳﮯ ﭘﻮﭼﮫ ﺭﮨﮯ ﺗﮭﮯ ﮐﮧ ﻭﮦ ﮐﮩﺎﮞ ﮨﮯ۔ ﺳﮑﻨﺪﺭ ﮐﻮ ﺍﭘﻨﮯ ﺣﺪﻭﺩ ﺍﺭﺑﻌﮧ ﮐﮯ ﺑﺎﺭﮮ ﻣﯿﮟ ﺑﺘﺎ ﮐﺮ ﺳﺎﻻﺭ ﻧﮯ ﻓﻮﻥ ﺑﻨﺪ ﮐﺮ ﺩﯾﺎ۔ ” ﭘﺎﭘﺎ ﻧﺎﺭﺍﺽ ﮨﻮ ﺭﮨﮯ ﺗﮭﮯ … ؟ ” ﺍﻣﺎﻣﮧ ﻧﮯ ﺳﻨﺠﯿﺪﮔﯽ ﺳﮯ ﭘﻮﭼﮭﺎ۔ ” ﺧﻮﺵ ﮨﻮﻧﮯ ﻭﺍﻟﯽ ﺗﻮ ﮐﻮﺋﯽ ﺑﺎﺕ ﻧﮩﯿﮟ ﮨﮯ۔ ” ﺍﺱ ﻧﮯ ﺟﻮﺍﺑﺎً ﮐﮩﺎ۔ ” ﺗﻢ ﺟﮭﻮﭦ ﮐﯿﻮﮞ ﺑﻮﻟﺘﮯ ﮨﻮ؟ ” ﺍﻣﺎﻣﮧ ﻧﮯ ﺟﯿﺴﮯ ﺍﺳﮯ ﺷﺮﻡ ﺩﻻﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔ ” ﮐﯿﻮﻧﮑﮧ ﺍﮔﺮ ﻣﯿﮟ ﺳﭻ ﺑﻮﻟﻮﮞ ﺗﻮ ﻟﻮﮒ ﻣﺠﮭﮯ ﻭﮦ ﻧﮩﯿﮟ ﮐﺮﻧﮯ ﺩﯾﺘﮯ، ﺟﻮ ﻣﯿﮟ ﮐﺮﻧﺎ ﭼﺎﮨﺘﺎ ﮨﻮﮞ۔ ” ﮐﻤﺎﻝ ﮐﯽ ﻣﻨﻄﻖ ﺗﮭﯽ ﺍﻭﺭ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﭘﯿﺶ ﮐﯽ ﮔﺌﯽ ﺗﮭﯽ۔ ” ﭼﺎﮨﮯ ﺗﻤﮩﺎﺭﮮ ﺟﮭﻮﭦ ﺳﮯ ﮐﺴﯽ ﮐﻮ ﺩﮐﮫ ﭘﮩﻨﭽﮯ۔ ” ” ﻣﯿﺮﮮ ﺟﮭﻮﭦ ﺳﮯ ﮐﺴﯽ ﮐﻮ ﺩﮐﮫ ﻧﮩﯿﮟ ﭘﮩﻨﭽﺎﺗﺎ، ﺑﻠﮑﮧ ﻏﺼﮧ ﺁﺗﺎ ﮨﮯ۔ ” ﺍﺳﮯ ﺳﻤﺠﮭﺎﻧﺎ ﺑﮯ ﮐﺎﺭ ﺗﮭﺎ، ﻭﮦ ﺳﺎﻻﺭ ﺗﮭﺎ۔ ﻭﮦ ﺍﺏ ﺍﻧﺪﺍﺯﮦ ﻟﮕﺎ ﺳﮑﺘﯽ ﺗﮭﯽ ﮐﮧ ﺳﮑﻨﺪﺭ ﻧﮯ ﺍﺳﮯ ﻓﻮﻥ ﭘﺮ ﮐﯿﺎ ﮐﮩﺎ ﮨﻮ ﮔﺎ۔ ﺭﺍﺕ ﮐﮯ ﺗﻘﺮﯾﺒﺎً ﭘﭽﮭﻠﮯ ﭘﮩﺮ ﻭﮦ ﺍﺱ ﺳﺮﻭﺱ ﺍﺳﭩﯿﺸﻦ ﭘﺮ ﭘﮩﻨﭽﮯ ﺗﮭﮯ۔ ” ﯾﮧ ﺟﮕﮧ ﯾﺎﺩ ﮨﮯ ﺗﻤﮩﯿﮟ؟ ” ﺳﺎﻻ ﺭﻧﮯ ﮔﺎﮌﯼ ﺭﻭﮐﺘﮯ ﮨﻮﺋﮯ ﺍﺱ ﺳﮯ ﭘﻮﭼﮭﺎ۔ ﺍﻣﺎﻣﮧ ﻧﮯ ﺩﮬﻨﺪ ﺯﺩﮦ ﺍﺱ ﺟﮕﮧ ﮐﻮ ﺩﯾﮑﮭﺎ، ﺟﮩﺎﮞ ﮐﭽﮫ ﻻﺋﭩﺲ ﺩﮬﻨﺪ ﺍﻭﺭ ﺍﻧﺪﮬﯿﺮﮮ ﮐﺎ ﻣﻘﺎﺑﻠﮧ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﯿﮟ۔ ” ﻧﮩﯿﮟ۔ ” ﺍﺱ ﻧﮯ ﺳﺎﻻﺭ ﺳﮯ ﮐﮩﺎ۔ ” ﯾﮧ ﻭﮦ ﺟﮕﮧ ﮨﮯ ﺟﮩﺎﮞ ﺗﻢ ﻧﮯ ﺭﮎ ﮐﺮ ﻧﻤﺎﺯ ﭘﮍﮬﯽ ﺗﮭﯽ۔ ” ﻭﮦ ﺩﺭﻭﺍﺯﮦ ﮐﮭﻮﻟﺘﮯ ﮨﻮﺋﮯ ﻧﯿﭽﮯ ﺍُﺗﺮ ﺁﯾﺎ۔ ﺍﻣﺎﻣﮧ ﻧﮯ ﻗﺪﺭﮮ ﺣﯿﺮﺍﻥ ﻧﻈﺮﻭﮞ ﺳﮯ ﺍﺱ ﺟﮕﮧ ﮐﻮ ﺩﻭﺑﺎﺭﮦ ﺩﯾﮑﮭﻨﺎ ﺷﺮﻭﻉ ﮐﯿﺎ۔ ﺍﺏ ﻭﮦ ﺍﺳﮯ ﮐﺴﯽ ﺣﺪ ﺗﮏ ﺷﻨﺎﺧﺖ ﮐﺮ ﭘﺎ ﺭﮨﯽ ﺗﮭﯽ۔ ﻭﮦ ﺑﮭﯽ ﺩﺭﻭﺍﺯﮦ ﮐﮭﻮﻝ ﮐﺮ ﺍﺗﺮ ﺁﺋﯽ۔ ﺍﯾﮏ ﮐﭙﮑﭙﯽ ﺍﺱ ﮐﮯ ﺟﺴﻢ ﻣﯿﮟ ﺩﻭﮌﯼ۔ ﻭﮦ ﺁﺝ ﺑﮭﯽ ﺍﯾﮏ ﺳﻮﯾﭩﺮ ﺍﻭﺭ ﭼﺎﺩﺭ ﻣﯿﮟ ﻣﻠﺒﻮﺱ ﺗﮭﯽ۔ ﻭﮦ ﮐﻤﺮﺍ ﺑﺪﻝ ﭼﮑﺎ ﺗﮭﺎ، ﺟﮩﺎﮞ ﺍﻧﮩﻮﮞ ﻧﮯ ﺑﯿﭩﮫ ﮐﺮ ﮐﺒﮭﯽ ﭼﺎﺋﮯ ﭘﯽ ﺗﮭﯽ۔ ” ﭼﺎﺋﮯ ﺍﻭﺭ ﭼﮑﻦ ﺑﺮﮔﺮ۔ ” ﺳﺎﻻﺭ ﻧﮯ ﮐﺮﺳﯽ ﭘﺮ ﺑﯿﭩﮭﺘﮯ ﮨﻮﺋﮯ ﺍﺱ ﺁﺩﻣﯽ ﺳﮯ ﮐﮩﺎ، ﺟﻮ ﺟﻤﺎﺋﯿﺎﮞ ﻟﯿﺘﮯ ﮨﻮﺋﮯ ﺍﻧﮩﯿﮟ ﺍﻧﺪﺭ ﻟﮯ ﮐﺮ ﺁﯾﺎ ﺗﮭﺎ ﺍﻭﺭ ﺍﺏ ﺁﺭﮈﺭ ﮐﮯ ﺍﻧﺘﻈﺎﺭ ﻣﯿﮟ ﮐﮭﮍﺍ ﺗﮭﺎ۔ ﺍﻣﺎﻣﮧ ﺍﺱ ﮐﮯ ﺁﺭﮈﺭ ﭘﺮ ﺍﺳﮯ ﺩﯾﮑﮫ ﮐﺮ ﻣﺴﮑﺮﺍﺋﯽ۔ ” ﺍﺏ ﮐﮭﺎ ﻟﻮ ﮔﮯ؟ ” ﻭﮦ ﺟﺎﻧﺘﺎ ﺗﮭﺎ، ﺍﺱ ﮐﺎ ﺍﺷﺎﺭﮦ ﮐﺲ ﻃﺮﻑ ﺗﮭﺎ۔ ﻭﮦ ﮐﭽﮫ ﮐﮩﮯ ﺑﻐﯿﺮ ﻣﺴﮑﺮﺍ ﺩﯾﺎ۔ ” ﻻﺳﭧ ﭨﺎﺋﻢ ﮨﻢ ﻭﮨﺎﮞ ﺑﯿﭩﮭﮯ ﺗﮭﮯ۔ ﺗﻢ ﻧﮯ ﻭﮨﺎﮞ ﻧﻤﺎﺯ ﭘﮍﮬﯽ ﺗﮭﯽ۔ ” ﻭﮦ ﮨﺎﺗﮫ ﮐﮯ ﺍﺷﺎﺭﮮ ﺳﮯ ﺍﺱ ﮐﻤﺮﮮ ﮐﯽ ﻣﺨﺘﻠﻒ ﺍﻃﺮﺍﻑ ﺍﺷﺎﺭﮦ ﮐﺮﺗﮯ ﮨﻮﺋﮯ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﮐﻮ ﯾﺎﺩ ﻧﮩﯿﮟ ﺗﮭﺎ، ﮐﻤﺮﮮ ﻣﯿﮟ ﺟﮕﮧ ﺟﮕﮧ ﭨﯿﺒﻠﺰ ﺍﻭﺭ ﮐﺮﺳﯿﺎﮞ ﻟﮕﯽ ﮨﻮﺋﯽ ﺗﮭﯿﮟ۔ ﻓﺠﺮ ﮐﯽ ﺍﺫﺍﻥ ﻣﯿﮟ ﺍﺑﮭﯽ ﺑﮩﺖ ﻭﻗﺖ ﺗﮭﺎ ﺍﻭﺭ ﻓﯽ ﺍﻟﺤﺎﻝ ﺍﺱ ﺟﮕﮧ ﭘﺮ ﮐﺎﻡ ﮐﺮﻧﮯ ﻭﺍﻟﮯ ﭼﻨﺪ ﺁﺩﻣﯿﻮﮞ ﮐﮯ ﻋﻼﻭﮦ ﺍﻭﺭ ﮐﻮﺋﯽ ﺑﮭﯽ ﻧﮩﯿﮟ ﺗﮭﺎ۔ ﺍﺏ ﺍﺱ ﺟﮕﮧ ﭘﺮ ﭼﺎﺋﮯ ﺍﻭﺭ ﺑﺮﮔﺮ ﺍﺗﻨﮯ ﺑﺮﮮ ﻧﮩﯿﮟ ﺗﮭﮯ ﺟﺘﻨﮯ ﺍﺱ ﻭﻗﺖ ﺗﮭﮯ۔ ﭘﺮﯾﺰﻧﭩﯿﺸﻦ ﺑﮭﯽ ﺑﮩﺖ ﺑﮩﺘﺮ ﺗﮭﯽ، ﻟﯿﮑﻦ ﺍﻥ ﺩﻭﻧﻮﮞ ﻣﯿﮟ ﺳﮯ ﮐﻮﺋﯽ ﻧﮧ ﺫﺍﺋﻘﮯ ﮐﻮ ﺩﯾﮑﮫ ﺭﮨﺎ ﺗﮭﺎ ﻧﮧ ﭘﺮﯾﺰﻧﭩﯿﺸﻦ ﮐﻮ۔ ﺩﻭﻧﻮﮞ ﺍﭘﻨﮯ ﺍﭘﻨﮯ ﻣﺎﺿﯽ ﮐﻮ ﺯﻧﺪﮦ ﮐﺮ ﺭﮨﮯ ﺗﮭﮯ۔ ﯾﮧ ﭼﻨﺪ ﮔﮭﻮﻧﭧ ﺍﻭﺭ ﭼﻨﺪ ﻟﻘﻤﻮﮞ ﮐﯽ ﺑﺎﺕ ﻧﮩﯿﮟ ﺗﮭﯽ، ﺯﻧﺪﮔﯽ ﮐﯽ ﺑﺎﺕ ﺗﮭﯽ ﺟﻮ ﻧﮧ ﺟﺎﻧﮯ ﺭﯾﻞ ﮐﯽ ﭘﭩﮍﯾﻮﮞ ﮐﯽ ﻃﺮﺡ ﮐﮩﺎﮞ ﮐﮩﺎﮞ ﺳﮯ ﮔﺰﺭ ﮐﺮ ﺍﯾﮏ ﺍﺳﭩﯿﺸﻦ ﭘﺮ ﻟﮯ ﺁﺋﯽ ﺗﮭﯽ۔ ﻭﮦ ﺍﺱ ﻣﻘﺎﻡ ﭘﺮ ﮐﮭﮍﮮ ﺗﮭﮯ، ﺟﮩﺎﮞ ﺍﻥ ﭘﭩﮍﯾﻮﮞ ﮐﺎ ﮐﺎﻧﭩﺎ ﺑﺪﻻ ﺗﮭﺎ۔ ﺩﻭﺭ ﻗﺮﯾﺐ … ﺍﯾﮏ ﺩﻭﺳﺮﮮ ﻣﯿﮟ ﻣﺪﻏﻢ … ﺍﻭﺭ ﺍﺏ ﺍﯾﮏ ﺩﻭﺳﺮﮮ ﮐﮯ ﺳﺎﺗﮫ۔ ﺍﺱ ﺭﺍﺳﺘﮯ ﭘﺮ ﮐﭽﮫ ﻧﺌﯽ ﯾﺎﺩﯾﮟ ﺑﻨﯽ ﺗﮭﯿﮟ۔ ﺍﻥ ﮐﯽ ﺷﺎﺩﯼ ﮐﮯ ﺑﻌﺪ ﺳﮍﮎ ﮐﮯ ﺭﺍﺳﺘﮯ ﺍﻥ ﮐﺎ ﭘﮩﻼ ﺳﻔﺮ ﺍﻭﺭ ﺍﻥ ﻧﺌﯽ ﯾﺎﺩﻭﮞ ﻧﮯ ﭘﺮﺍﻧﯽ ﯾﺎﺩﻭﮞ ﮐﻮ ﺩﮬﻨﺪﻻﻧﮯ ﮐﮯ ﻋﻤﻞ ﮐﺎ ﺁﻏﺎﺯ ﮐﺮ ﺩﯾﺎ ﺗﮭﺎ۔ ﭨﯿﺒﻞ ﭘﺮ ﺑﻞ ﮐﮯ ﭘﯿﺴﮯ ﺭﮐﮭﻨﮯ ﮐﮯ ﺑﻌﺪ ﻭﮦ ﺍﭨﮫ ﮐﮭﮍﺍ ﮨﻮﺍ۔ ﺍﻣﺎﻣﮧ ﻧﮯ ﺑﮭﯽ ﺍﺱ ﮐﯽ ﭘﯿﺮﻭﯼ ﮐﯽ۔ ﺳﺎﻻﺭ ﻧﮯ ﭼﻠﺘﮯ ﮨﻮﺋﮯ ﺍﺱ ﮐﺎ ﮨﺎﺗﮫ ﺍﭘﻨﮯ ﺩﺍﺋﯿﮟ ﮨﺎﺗﮫ ﻣﯿﮟ ﭘﮑﮍ ﻟﯿﺎ۔ ﺍﻣﺎﻣﮧ ﻧﮯ ﺍﺱ ﮐﺎ ﭼﮩﺮﮦ ﺩﯾﮑﮭﺎ۔ ﺍﺱ ﮐﮯ ﭼﮩﺮﮮ ﭘﺮ ﺍﯾﮏ ﻧﺮﻡ ﺳﯽ ﻣﺴﮑﺮﺍﮨﭧ ﺁﺋﯽ ﺗﮭﯽ۔ ” ﺍﻣﺎﻣﮧ ! ﻭﮦ ﭘﺴﭩﻞ ﮐﮩﺎﮞ ﮨﮯ؟ ” ﻭﮦ ﻋﻤﺎﺭﺕ ﺳﮯ ﺑﺎﮨﺮ ﺁﺗﮯ ﮨﻮﺋﮯ ﺍﺱ ﮐﮯ ﺳﻮﺍﻝ ﭘﺮ ﭼﻮﻧﮑﯽ۔ ﺍﺳﮯ ﮐﯿﺎ ﯾﺎﺩ ﺁﯾﺎ ﺗﮭﺎ، ﻭﮦ ﮨﻨﺲ ﭘﮍﯼ۔ ” ﺍﺑﻮ ﮐﮯ ﭘﺎﺱ ﮨﮯ۔ ” ﺍﺱ ﻧﮯ ﺳﺎﻻﺭ ﺳﮯ ﮐﮩﺎ۔ ” ﺗﻢ ﻭﺍﻗﻌﯽ ﭼﻼ ﺳﮑﺘﯽ ﺗﮭﯿﮟ؟ ” ﺳﺎﻻﺭ ﻧﮯ ﭘﺘﺎ ﻧﮩﯿﮟ ﮐﯿﺎ ﯾﻘﯿﻦ ﺩﮨﺎﻧﯽ ﭼﺎﮨﯽ۔ ” ﮨﺎﮞ۔ ” ﺍﻣﺎﻣﮧ ﻧﮯ ﺳﺮ ﮨﻼﯾﺎ۔ ” ﻟﯿﮑﻦ ﺍﺱ ﻣﯿﮟ ﮔﻮﻟﯿﺎﮞ ﻧﮩﯿﮟ ﺗﮭﯿﮟ۔ ” ﻭﮦ ﺍﺱ ﮐﮯ ﺍﮔﻠﮯ ﺟﻤﻠﮯ ﭘﺮ ﺑﮯ ﺍﺧﺘﯿﺎﺭ ﭨﮭﭩﮑﺎ۔ ” ﻣﯿﺮﮮ ﭘﺎﺱ ﺑﺲ ﭘﺴﭩﻞ ﮨﯽ ﺗﮭﺎ۔ ” ﻭﮦ ﺍﻃﻤﯿﻨﺎﻥ ﺳﮯ ﮐﮩﮧ ﺭﮨﯽ ﺗﮭﯽ۔ ﺍﺱ ﻧﮯ ﺑﮯ ﺍﺧﺘﯿﺎﺭ ﺳﺎﻧﺲ ﻟﯿﺎ۔ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺩﮬﻮﻝ ﺍﺱ ﻧﮯ ﺟﮭﻮﻧﮑﯽ ﺗﮭﯽ ﯾﺎ ﺍﻟﻠﮧ ﻧﮯ، ﻭﮦ ﺍﻧﺪﺍﺯﮦ ﻧﮩﯿﮟ ﮐﺮ ﺳﮑﺎ۔ ﺍﺱ ﭘﺴﭩﻞ ﻧﮯ ﺍﺳﮯ ﺟﺘﻨﺎ ﺷﺎﮎ ﺍﻭﺭ ﻏﺼﮧ ﺩﻻﯾﺎ ﺗﮭﺎ ﺍﮔﺮ ﺍﺳﮯ ﺍﻧﺪﺍﺯﮦ ﮨﻮ ﺟﺎﺗﺎ ﮐﮧ ﻭﮦ ﺑﻠﭩﺲ ﮐﮯ ﺑﻐﯿﺮ ﺗﮭﺎ ﺗﻮ ﺳﺎﻻﺭ ﺍﺱ ﺩﻥ ﺍﻣﺎﻣﮧ ﮐﻮ ﭘﻮﻟﯿﺲ ﮐﮯ ﮨﺎﺗﮭﻮﮞ ﺿﺮﻭﺭ ﺍﺭﯾﺴﭧ ﮐﺮﻭﺍ ﮐﺮ ﺁﺗﺎ۔ ﻭﮦ ﭘﺴﭩﻞ ﮨﺎﺗﮫ ﻣﯿﮟ ﻟﯿﮯ ﮐﯿﻮﮞ ﺍﺗﻨﯽ ﭘﺮ ﺍﻋﺘﻤﺎﺩ ﻧﻈﺮ ﺁﺋﯽ ﺗﮭﯽ ﺍﺳﮯ … ﯾﮧ ﺍﺳﮯ ﺍﺏ ﺳﻤﺠﮫ ﻣﯿﮟ ﺁﯾﺎ ﺗﮭﺎ۔ ” ﺗﻢ ﮈﺭ ﮔﺌﮯ ﺗﮭﮯ۔ ” ﺍﻣﺎﻣﮧ ﮨﻨﺲ ﺭﮨﯽ ﺗﮭﯽ۔ ” ﻧﮩﯿﮟ … ﮈﺭﺍ ﺗﻮ ﻧﮩﯿﮟ ﺗﮭﺎ، ﻣﮕﺮ ﺷﺎﮐﮉ ﺭﮦ ﮔﯿﺎ ﺗﮭﺎ۔ ﺗﻢ ﺳﺎﺭﺍ ﺭﺍﺳﺘﮧ ﺭﻭﺗﯽ ﺭﮨﯽ ﺗﮭﯿﮟ۔ ﻣﯿﮟ ﺗﻮﻗﻊ ﺑﮭﯽ ﻧﮩﯿﮟ ﮐﺮ ﺳﮑﺘﺎ ﺗﮭﺎ ﮐﮧ ﺗﻢ ﻣﺠﮫ ﭘﺮ ﭘﺴﭩﻞ ﻧﮑﺎﻝ ﻟﻮ ﮔﯽ۔ ﺗﻤﮩﺎﺭﮮ ﺁﻧﺴﻮﺅﮞ ﻧﮯ ﺩﮬﻮﮐﺎ ﺩﯾﺎ ﻣﺠﮭﮯ۔ ” ﻭﮦ ﺍﺏ ﮐﭽﮫ ﺧﻔﮕﯽ ﺳﮯ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﮐﮭﻠﮑﮭﻼ ﮐﺮ ﮨﻨﺴﯽ۔ ﻭﮦ ﺩﻭﻧﻮﮞ ﺍﺏ ﮔﺎﮌﯼ ﻣﯿﮟ ﺑﯿﭩﮫ ﺭﮨﮯ ﺗﮭﮯ۔ ﺑﯿﭩﮭﻨﮯ ﮐﮯ ﺑﻌﺪ ﺑﮭﯽ ﺟﺐ ﻭﮦ ﮔﺎﮌﯼ ﺍﺳﭩﺎﺭﭦ ﮐﺮﻧﮯ ﮐﮯ ﺑﺠﺎﺋﮯ، ﻭﻧﮉ ﺍﺳﮑﺮﯾﻦ ﺳﮯ ﺑﺎﮨﺮ ﺩﯾﮑﮭﺘﺎ ﺭﮨﺎ ﺗﻮ ﺍﻣﺎﻣﮧ ﻧﮯ ﺍﺱ ﺳﮯ ﮐﮩﺎ۔ ” ﮔﺎﮌﯼ ﮐﯿﻮﮞ ﻧﮩﯿﮟ ﺍﺳﭩﺎﺭﭦ ﮐﺮ ﺭﮨﮯ؟ ” ” ﻣﺠﮭﮯ ﮐﯿﻮﮞ ﯾﮧ ﺧﯿﺎﻝ ﻧﮩﯿﮟ ﺁﯾﺎ ﮐﮧ ﺗﻤﮩﺎﺭ ﺍﭘﺴﭩﻞ ﺧﺎﻟﯽ ﺑﮭﯽ ﮨﻮ ﺳﮑﺘﺎ ﮨﮯ … ﮐﯿﻮﮞ ﺧﯿﺎﻝ ﻧﮩﯿﮟ ﺁﯾﺎ … ؟ ” ﻭﮦ ﺟﯿﺴﮯ ﺑﮍﺑﮍﺍﺗﺎ ﮨﻮﺍ ﺍﯾﮏ ﺑﺎﺭ ﭘﮭﺮ ﮐﺮﺍﮨﺎ۔ ” ﺍﺏ ﺭﻭﻧﺎ ﻣﺖ۔ ” ﺍﻣﺎﻣﮧ ﻧﮯ ﺍﺳﮯ ﭼﮭﯿﮍﺍ۔ ” ﻭﯾﺴﮯ ﮐﯿﺎ ﮐﺮﺗﮯ ﺗﻢ، ﺍﮔﺮ ﺗﻤﮩﯿﮟ ﯾﮧ ﭘﺘﺎ ﭼﻞ ﺟﺎﺗﺎ؟ ” ” ﻣﯿﮟ ﺳﯿﺪﮬﺎ ﺟﺎ ﮐﺮ ﭘﻮﻟﯿﺲ ﮐﮯ ﺣﻮﺍﻟﮯ ﮐﺮﺗﺎ ﺗﻤﮩﯿﮟ۔ ” ﺍﺱ ﻧﮯ ﮔﺎﮌﯼ ﺍﺳﭩﺎﺭﭦ ﮐﺮﺗﮯ ﮨﻮﺋﮯ ﮐﮩﺎ۔ ” ﺗﻤﮩﯿﮟ ﺷﺮﻡ ﻧﮧ ﺁﺗﯽ؟ ” ﺍﻣﺎﻣﮧ ﺑﮕﮍﯼ۔ ” ﺗﻤﮩﯿﮟ ﺁﺋﯽ ﺗﮭﯽ، ﺟﺐ ﺗﻢ ﻧﮯ ﻣﺠﮫ ﭘﺮ ﭘﺴﭩﻞ ﻧﮑﺎﻝ ﻟﯿﺎ ﺗﮭﺎ، ﻣﯿﮟ ﻣﺤﺴﻦ ﺗﮭﺎ ﺗﻤﮩﺎﺭﺍ۔ ” ﺳﺎﻻﺭ ﻧﮯ ﺑﮭﯽ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ۔ ” ﻣﺤﺴﻦ ﺗﮭﮯ … ﺗﻢ ﻣﺠﮭﮯ ﺩﮬﻤﮑﺎ ﺭﮨﮯ ﺗﮭﮯ۔ ” ” ﺟﻮ ﺑﮭﯽ ﺗﮭﺎ، ﮐﻢ ﺍﺯ ﮐﻢ ﻣﯿﮟ ﯾﮧ ﮈﯾﺰﺭﻭ ﻧﮩﯿﮟ ﮐﺮﺗﺎ ﺗﮭﺎ ﮐﮧ ﺗﻢ ﮔﻦ ﭘﻮﺍﺋﻨﭧ ﭘﺮ ﺭﮐﮫ ﻟﯿﺘﯽ ﻣﺠﮭﮯ۔ ” ﻟﯿﮑﻦ ﻣﯿﮟ ﻧﮯ ﺗﻤﮩﯿﮟ ﮐﻮﺋﯽ ﻧﻘﺼﺎﻥ ﺗﻮ ﻧﮩﯿﮟ ﭘﮩﻨﭽﺎﯾﺎ۔ ” ﺍﻣﺎﻣﮧ ﻧﮯ ﻣﺪﺍﻓﻌﺎﻧﮧ ﻟﮩﺠﮯ ﻣﯿﮟ ﮐﮩﺎ۔ ” ﺗﻮ ﻣﯿﮟ ﻧﮯ ﮐﻮﻥ ﺳﺎ ﻧﻘﺼﺎﻥ ﭘﮩﻨﭽﺎﯾﺎ ﺗﮭﺎ؟ ” ﮔﺎﺭﯼ ﺍﺏ ﺩﻭﺑﺎﺭﮦ ﻣﯿﻦ ﺭﻭﮈ ﭘﺮ ﺗﮭﯽ۔ ﻻﮨﻮﺭ ﮐﯽ ﺣﺪﻭﺩ ﻣﯿﮟ ﺩﺍﺧﻞ ﮨﻮﻧﮯ ﺗﮏ ﺍﻣﺎﻣﮧ ﺍﺱ ﺳﮯ ﺍﯾﮏ ﺑﺎﺭ ﭘﮭﺮ ﺧﻔﺎ ﮨﻮ ﭼﮑﯽ ﺗﮭﯽ۔ ٭٭٭٭ ﻭﮦ ﺍﮔﻠﮯ ﺩﻭ ﺗﯿﻦ ﺩﻥ ﺗﮏ ﺍﺳﻼﻡ ﺁﺑﺎﺩ ﮐﮯ ﭨﺮﺍﻧﺲ ﻣﯿﮟ ﮨﯽ ﺭﮨﯽ … ﻭﮦ ﻭﮨﺎﮞ ﺟﺎﻧﮯ ﺳﮯ ﺟﺘﻨﯽ ﺧﻮﻑ ﺯﺩﮦ ﺗﮭﯽ ﺍﺏ ﻭﮦ ﺧﻮﻑ ﯾﮏ ﺩﻡ ﮐﭽﮫ ﺧﺘﻢ ﮨﻮﺗﺎ ﮨﻮﺍ ﻣﺤﺴﻮﺱ ﮨﻮ ﺭﮨﺎ ﺗﮭﺎ ﺍﻭﺭ ﺍﺱ ﮐﺎ ﺣﺘﻤﯽ ﻧﺘﯿﺠﮧ ﯾﮧ ﻧﮑﻼ ﺗﮭﺎ ﮐﮧ ﻭﮦ ﺍﺏ ﺍﺳﻼﻡ ﺁﺑﺎﺩ ﮐﮯ ﺍﮔﻠﮯ ﺩﻭﺭﮮ ﮐﯽ ﻣﻨﺘﻈﺮ ﺗﮭﯽ۔ ﺍﺱ ﮔﯿﺴﭧ ﺭﻭﻡ ﮐﯽ ﮐﮭﮍﮐﯽ ﻣﯿﮟ ﮐﮭﮍﮮ ﺳﺎﺭﺍ ﺩﻥ ﮐﺲ ﮐﻮ، ﮐﺲ ﻭﻗﺖ ﺩﯾﮑﮭﺎ ﺗﮭﺎ، ﻭﮦ ﺍﮔﻠﮯ ﺩﻭ ﺗﯿﻦ ﺩﻥ ﺳﺎﻻﺭ ﮐﻮ ﺑﮭﯽ ﺑﺘﺎﺗﯽ ﺭﮨﯽ ﺍﻭﺭ ﺗﯿﺮﮮ ﺩﻥ ﺍﺱ ﮐﯽ ﺗﺎﻥ ﺍﯾﮏ ﺟﻤﻠﮯ ﭘﺮ ﺁﮐﺮ ﭨﻮﭨﯽ ﺗﮭﯽ۔ ” ﺳﺎﻻﺭ ! ﮨﻢ ﺍﺳﻼﻡ ﺁﺑﺎﺩ ﻣﯿﮟ ﻧﮩﯿﮟ ﺭﮦ ﺳﮑﺘﮯ؟ ” ﺳﺎﻻﺭ ﺑﯿﮉ ﭘﺮ ﺑﯿﭩﮭﺎ ﻟﯿﭗ ﭨﺎﭖ ﮔﻮﺩ ﻣﯿﮟ ﺭﮐﮭﮯ ﮐﭽﮫ ﺍﯼ ﻣﯿﻠﺰ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﺎ، ﺟﺐ ﺍﻣﺎﻣﮧ ﻧﮯ ﺍﺱ ﺳﮯ ﭘﻮﭼﮭﺎ۔ ﻭﮦ ﭘﭽﮭﻠﮯ ﺁﺩﮬﮯ ﮔﮭﻨﭩﮯ ﺳﮯ ﺍﺱ ﺳﮯ ﺻﺮﻑ ﺍﺳﻼﻡ ﺁﺑﺎﺩ ﮐﯽ ﮨﯽ ﺑﺎﺗﯿﮟ ﮐﺮ ﺭﮨﯽ ﺗﮭﯽ ﺍﻭﺭ ﺳﺎﻻﺭ ﺑﮯ ﺣﺪ ﺗﺤﻤﻞ ﺳﮯ ﺍﺱ ﮐﯽ ﺑﺎﺗﯿﮟ ﺳﻦ ﺭﮨﺎ ﺗﮭﺎ ﺍﻭﺭ ﺍﺱ ﮐﺎ ﺟﻮﺍﺏ ﺑﮭﯽ ﺩﮮ ﺭﮨﺎ ﺗﮭﺎ۔ ” ﻧﮩﯿﮟ۔ ” ﺍﭘﻨﮯ ﮐﺎﻡ ﻣﯿﮟ ﻣﺼﺮﻭﻑ ﺳﺎﻻﺭ ﻧﮯ ﮐﮩﺎ۔ ” ﮐﯿﻮﮞ؟ ” ” ﮐﯿﻮﻧﮑﮧ ﻣﯿﺮﯼ ﺟﺎﺏ ﯾﮩﺎﮞ ﮨﮯ۔ ” ” ﺗﻢ ﺟﺎﺏ ﺑﺪﻝ ﻟﻮ۔ ” ” ﻧﮩﯿﮟ ﺑﺪﻝ ﺳﮑﺘﺎ۔ ” ﻭﮦ ﭼﻨﺪ ﻟﻤﺤﮯ ﺧﺎﻣﻮﺵ ﺭﮨﯽ ﭘﮭﺮ ﺍﺱ ﻧﮯ ﮐﮩﺎ۔ ” ﻣﯿﮟ ﺍﺳﻼﻡ ﺁﺑﺎﺩ ﻣﯿﮟ ﻧﮩﯿﮟ ﺭﮦ ﺳﮑﺘﯽ؟ ” ﺍﺱ ﺑﺎﺭ ﺳﺎﻻﺭ ﻧﮯ ﺑﺎﻵﺧﺮ ﺍﺳﮑﺮﯾﻦ ﺳﮯ ﻧﻈﺮﯾﮟ ﮨﭩﺎ ﮐﺮ ﺍﺳﮯ ﺩﯾﮑﮭﺎ۔ ” ﺍﺱ ﺑﺎﺕ ﮐﺎ ﮐﯿﺎ ﻣﻄﻠﺐ ﮨﮯ؟ ” ﺍﺱ ﻧﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍﺱ ﺳﮯ ﭘﻮﭼﮭﺎ۔ ” ﻣﯿﺮﺍ ﻣﻄﻠﺐ ﮨﮯ ﮐﮧ ﻣﯿﮟ ﻭﮨﺎﮞ ﺭﮦ ﻟﻮﮞ ﮔﯽ ﺗﻢ ﻭﯾﮏ ﺍﯾﻨﮉ ﭘﺮ ﺁﺟﺎﯾﺎ ﮐﺮﻧﺎ۔ ” ﺍﯾﮏ ﻟﻤﺤﮧ ﮐﮯ ﻟﯿﮯ ﺳﺎﻻﺭ ﮐﻮ ﻟﮕﺎ ﮐﮧ ﻭﮦ ﻣﺬﺍﻕ ﮐﺮ ﺭﮨﯽ ﮨﮯ ﻟﯿﮑﻦ ﻭﮦ ﻣﺬﺍﻕ ﻧﮩﯿﮟ ﺗﮭﺎ۔ ” ﻣﯿﮟ ﮨﺮ ﻭﯾﮏ ﺍﯾﻨﮉ ﭘﺮ ﺍﺳﻼﻡ ﺁﺑﺎﺩ ﻧﮩﯿﮟ ﺟﺎ ﺳﮑﺘﺎ۔ ” ﺍﺱ ﻧﮯ ﺑﮯ ﺣﺪ ﺗﺤﻤﻞ ﺳﮯ ﺍﺳﮯ ﺑﺘﺎﯾﺎ۔ ﻭﮦ ﮐﭽﮫ ﺩﯾﺮ ﺧﺎﻣﻮﺵ ﺭﮨﯽ۔ ﺳﺎﻻﺭ ﺩﻭﺑﺎﺭﮦ ﻟﯿﭗ ﭨﺎﭖ ﮐﯽ ﻃﺮﻑ ﻣﺘﻮﺟﮧ ﮨﻮ ﮔﯿﺎ۔ ” ﺗﻮ ﺗﻢ ﻣﮩﯿﻨﮯ ﻣﯿﮟ ﺍﯾﮏ ﺩﻓﻌﮧ ﺁﺟﺎﯾﺎ ﮐﺮﻭ۔ ” ﻭﮦ ﺍﺱ ﮐﮯ ﺟﻤﻠﮯ ﺳﮯ ﺯﯾﺎﺩﮦ ﺍﺱ ﮐﮯ ﺍﻃﻤﯿﻨﺎﻥ ﭘﺮ ﭨﮭﭩﮑﺎ ﺗﮭﺎ۔ ” ﺑﻌﺾ ﺩﻓﻌﮧ ﻣﯿﮟ ﻣﮩﯿﻨﮯ ﻣﯿﮟ ﺍﯾﮏ ﺑﺎﺭ ﺑﮭﯽ ﻧﮩﯿﮟ ﺁ ﺳﮑﺘﺎ۔ ” ﺍﺱ ﻧﮯ ﮐﮩﺎ۔ ” ﺗﻮ ﮐﻮﺋﯽ ﺑﺎﺕ ﻧﮩﯿﮟ۔ ” ” ﯾﻌﻨﯽ ﺗﻤﮩﯿﮟ ﻓﺮﻕ ﻧﮩﯿﮟ ﭘﮍﺗﺎ؟ ” ﻭﮦ ﺍﯼ ﻣﯿﻠﺰ ﮐﺮﻧﺎ ﺑﮭﻮﻝ ﮔﯿﺎ ﺗﮭﺎ۔ ” ﻣﯿﮟ ﻧﮯ ﯾﮧ ﺗﻮ ﻧﮩﯿﮟ ﮐﮩﺎ۔ ” ﺍﻣﺎﻣﮧ ﻧﮯ ﺑﮯ ﺳﺎﺧﺘﮧ ﮐﮩﺎ۔ ﺍﺳﮯ ﺍﻧﺪﺍﺯﮦ ﺑﮭﯽ ﻧﮩﯿﮟ ﺗﮭﺎ ﮐﮧ ﻭﮦ ﺍﺱ ﮐﮯ ﺍﺣﺴﺎﺳﺎﺕ ﮐﻮ ﺍﺗﻨﯽ ﺻﻔﺎﺋﯽ ﺳﮯ ﺯﺑﺎﻥ ﺩﮮ ﮔﺎ۔ ” ﭘﺎﭘﺎ ﺍﻭﺭ ﻣﻤﯽ ﺍﮐﯿﻠﮯ ﮨﻮﺗﮯ ﮨﯿﮟ ﻭﮨﺎﮞ، ﺍﺱ ”… ﺳﺎﻻﺭ ﻧﮯ ﺍﺱ ﮐﯽ ﺑﺎﺕ ﮐﺎﭨﯽ۔ ” ﻭﮦ ﻭﮨﺎﮞ ﺍﮐﯿﻠﮯ ﻧﮩﯿﮟ ﮨﻮﺗﮯ۔ ﻋﻤﺎﺭ ﺍﻭﺭ ﯾﺴﺮﯼٰ ﮨﻮﺗﮯ ﮨﯿﮟ ﺍﻥ ﮐﮯ ﭘﺎﺱ، ﻭﮦ ﺩﻭﻧﻮﮞ ﺁﺝ ﮐﻞ ﭘﺎﮐﺴﺘﺎﻥ ﺳﮯ ﺑﺎﮨﺮ ﮨﯿﮟ۔ ﺩﻭﺳﺮﯼ ﺑﺎﺕ ﯾﮧ ﮐﮧ ﭘﺎﭘﺎ ﺍﻭﺭ ﻣﻤﯽ ﺑﮍﯼ ﺳﻮﺷﻞ ﻻﺋﻒ ﮔﺰﺍﺭ ﺭﮨﮯ ﮨﯿﮟ۔ ﺍﻥ ﮐﻮ ﺗﻤﮩﺎﺭﯼ ﺳﺮﻭﺳﺰ ﮐﯽ ﺍﺗﻨﯽ ﺿﺮﻭﺭﺕ ﻧﮩﯿﮟ ﮨﮯ ﺟﺘﻨﯽ ﻣﺠﮭﮯ ﮨﮯ۔ ” ﺳﺎﻻﺭ ﻧﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍﺱ ﺳﮯ ﮐﮩﺎ۔ ﻭﮦ ﮐﭽﮫ ﺩﯾﺮ ﺧﺎﻣﻮﺵ ﺍﺱ ﮐﯽ ﮔﻮﺩ ﻣﯿﮟ ﭘﮍﮮ ﻟﯿﭗ ﭨﺎﭖ ﮐﯽ ﺍﺳﮑﺮﯾﻦ ﮐﻮ ﮔﮭﻮﺭﺗﯽ ﺭﮨﯽ، ﭘﮭﺮ ﺑﮍﺑﮍﺍﺋﯽ۔ ” ﻣﯿﮟ ﺍﺳﻼﻡ ﺁﺑﺎﺩ ﻣﯿﮟ ﺧﻮﺵ ﺭﮨﻮﮞ ﮔﯽ۔ ” ” ﯾﻌﻨﯽ ﻣﯿﺮﮮ ﺳﺎﺗﮫ ﺧﻮﺵ ﻧﮩﯿﮟ ﮨﻮ؟ ” ﻭﮦ ﺟﺰﺑﺰ ﮨﻮﺍ۔ ” ﻭﮨﺎﮞ ﺯﯾﺎﺩﮦ ﺧﻮﺵ ﺭﮨﻮﮞ ﮔﯽ۔ ” ﻭﮦ ﺍﺏ ﺑﺎﻵﺧﺮ ﺻﺎﻑ ﺻﺎﻑ ﺍﭘﻨﯽ ﺗﺮﺟﯿﺤﺎﺕ ﺑﺘﺎ ﺭﮨﯽ ﺗﮭﯽ۔ ” ﭘﺎﭘﺎ ﭨﮭﯿﮏ ﮐﮩﺘﮯ ﺗﮭﮯ ﻣﺠﮭﮯ ﺗﻤﮩﯿﮟ ﺍﺳﻼﻡ ﺁﺑﺎﺩ ﻧﮩﯿﮟ ﻟﮯ ﮐﺮ ﺟﺎﻧﺎ ﭼﺎﮨﯿﮯ ﺗﮭﺎ۔ ﻣﺎﮞ ﺑﺎﭖ ﮐﯽ ﺑﺎﺕ ﺳﻨﻨﯽ ﭼﺎﮨﯿﮯ۔ ” ﻭﮦ ﺑﮯ ﺍﺧﺘﯿﺎﺭ ﭘﭽﮭﺘﺎﯾﺎ۔ ” ﺩﯾﮑﮭﻮ ! ﺍﮔﺮ ﻣﯿﮟ ﺗﻤﮩﯿﮟ ﺍﺳﻼﻡ ﺁﺑﺎﺩ ﺑﮭﯿﺞ ﺩﯾﺘﺎ ﮨﻮﮞ ﺗﻮ ﮐﺘﻨﯽ ﺩﯾﺮ ﺭﮦ ﺳﮑﺘﯽ ﮨﻮ ﺗﻢ ﻭﮨﺎﮞ، ﮨﻤﯿﮟ ﺍﮔﻠﮯ ﺳﺎﻝ ﭘﺎﮐﺴﺘﺎﻥ ﺳﮯ ﭼﻠﮯ ﺟﺎﻧﺎ ﮨﮯ۔ ” ﻭﮦ ﺍﺳﮯ ﭘﯿﺎﺭ ﺳﮯ ﺳﻤﺠﮭﺎﻧﮯ ﮐﯽ ﺍﯾﮏ ﺍﻭﺭ ﮐﻮﺷﺲ ﮐﺮ ﺭﮨﺎ ﺗﮭﺎ۔ ” ﺗﻮ ﮐﻮﺋﯽ ﺑﺎﺕ ﻧﮩﯿﮟ، ﺗﻢ ﭘﺎﮐﺴﺘﺎﻥ ﺗﻮ ﺁﯾﺎ ﮐﺮﻭ ﮔﮯ ﻧﺎ۔ ” ﺳﺎﻻﺭ ﮐﺎ ﺩﻝ ﺧﻮﻥ ﮨﻮﺍ۔ ﺯﻧﺪﮔﯽ ﻣﯿﮟ ﺁﺝ ﺗﮏ ﮐﺴﯽ ﻧﮯ ﺍﺱ ﮐﯽ ﺫﺍﺕ ﻣﯿﮟ ﺍﺗﻨﯽ ﻋﺪﻡ ﺩﻝ ﭼﺴﭙﯽ ﻧﮩﯿﮟ ﺩﮐﮭﺎﺋﯽ ﺗﮭﯽ۔ ﻣﯿﮟ ﺍﻣﺮﯾﮑﺎ ﻣﯿﮟ ﺭﮨﻮﮞ ﺍﻭﺭ ﻣﯿﺮﯼ ﺑﯿﻮﯼ ﯾﮩﺎﮞ ﮨﻮ، ﺍﺗﻨﺎ ﺍﺑﻨﺎﺭﻣﻞ ﻻﺋﻒ ﺍﺳﭩﺎﺋﻞ ﻧﮩﯿﮟ ﺭﮐﮫ ﺳﮑﺘﺎ ﻣﯿﮟ۔ ” ﺍﺱ ﻧﮯ ﺍﺱ ﺑﺎﺭ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﺎ۔ ﻭﮦ ﮐﭽﮫ ﺩﯾﺮ ﭼﭗ ﺭﮨﯽ ﭘﮭﺮ ﭼﻨﺪ ﻟﻤﺤﻮﮞ ﮐﮯ ﺑﻌﺪ ﺳﺎﻻﺭ ﻧﮯ ﺍﺱ ﮐﮯ ﮐﻨﺪﮬﮯ ﭘﺮ ﺑﮯﺣﺪ ﻣﺤﺒﺖ ﺍﻭﺭ ﮨﻤﺪﺭﺩﯼ ﺳﮯ ﺍﭘﻨﺎ ﮨﺎﺗﮫ ﺭﮐﮭﺎ۔ ” ﺳﺎﻻﺭ ! ﺗﻢ ﺩﻭﺳﺮﯼ ﺷﺎﺩﯼ ﮐﺮ ﻟﻮ ﺍﻭﺭ ﺩﻭﺳﺮﯼ ﺑﯿﻮﯼ ﮐﻮ ﺳﺎﺗﮫ ﻟﮯ ﺟﺎﻧﺎ۔ ” ﺍﺱ ﺑﺎﺭ ﺟﯿﺴﮯ ﺍﺱ ﮐﮯ ﺣﻮﺍﺱ ﻏﺎﺋﺐ ﮨﻮﺋﮯ۔ ﺍﮔﺮ ﯾﮧ ﻣﺬﺍﻕ ﺗﮭﺎ۔ ﺗﻮ ﺑﮯ ﮨﻮﺩﮦ ﺗﮭﺎ ﺍﻭﺭ ﺍﮔﺮ ﻭﺍﻗﻌﯽ ﺗﺠﻮﯾﺰ ﺗﮭﯽ ﺗﻮ ﺑﮯ ﺣﺪ ﺳﻨﮕﺪﻻﻧﮧ ﺗﮭﯽ۔ ﻭﮦ ﮐﺌﯽ ﻟﻤﺤﮯ ﺑﮯ ﯾﻘﯿﻨﯽ ﺳﮯ ﺍﺱ ﮐﺎ ﭼﮩﺮﮦ ﺩﯾﮑﮭﺘﺎ ﺭﮨﺎ۔ ﻭﮦ ﺷﺎﺩﯼ ﮐﮯ ﺗﯿﺮﮮ ﮨﻔﺘﮯ ﺍﺳﮯ ﺩﻭﺳﺮﯼ ﺷﺎﺩﯼ ﮐﺎ ﻣﺸﻮﺭﮦ ﺩﮮ ﺭﮨﯽ ﺗﮭﯽ ﺗﺎﮐﮧ ﻭﮦ ﺍﭘﻨﮯ ﻣﺎﮞ ﺑﺎﭖ ﮐﮯ ﻗﺮﯾﺐ ﺭﮦ ﺳﮑﮯ۔ ” ﺳﻨﻮ ! ﻣﯿﮟ ﺗﻤﮩﯿﮟ ﺳﻤﺠﮭﺎﺗﯽ ﮨﻮﮞ۔ ” ﺍﻣﺎﻣﮧ ﻧﮯ ﺍﺱ ﮐﮯ ﺗﺎﺛﺮﺍﺕ ﺳﮯ ﮐﭽﮫ ﻧﺮﻭﺱ ﮨﻮﺗﮯ ﮨﻮﺋﮯ ﺍﺱ ﺳﮯ ﮐﭽﮫ ﮐﮩﻨﮯ ﮐﯽ ﮐﻮﺷﺶ ﮐﯽ۔ ﺳﺎﻻﺭ ﻧﮯ ﺑﮍﯼ ﺑﮯ ﺭﺧﯽ ﺳﮯ ﺍﭘﻨﮯ ﮐﻨﺪﮬﮯ ﺳﮯ ﺍﺱ ﮐﺎ ﮨﺎﺗﮫ ﺟﮭﭩﮑﺎ۔ ” ﺧﺒﺮﺩﺍﺭ ! ﺁﺋﻨﺪﮦ ﻣﯿﺮﮮ ﺳﺎﻣﻨﮯ ﺗﻢ ﻧﮯ ﺍﺳﻼﻡ ﺁﺑﺎﺩ ﮐﺎ ﻧﺎﻡ ﺑﮭﯽ ﻟﯿﺎ ﺍﻭﺭ ﺍﭘﻨﮯ ﺍﺣﻤﻘﺎﻧﮧ ﻣﺸﻮﺭﮮ ﺍﭘﻨﮯ ﭘﺎﺱ ﺭﮐﮭﻮ۔ ﺍﺏ ﻣﯿﺮﺍ ﺩﻣﺎﻍ ﭼﺎﭨﻨﺎ ﺑﻨﺪ ﮐﺮﻭ ﺍﻭﺭ ﺳﻮ ﺟﺎﺅ۔ ” ﻭﮦ ﺑﺮﯼ ﻃﺮﺡ ﺑﮕﮍﺍ ﺗﮭﺎ۔ ﺍﭘﻨﺎ ﻟﯿﭗ ﭨﺎﭖ ﺍﭨﮭﺎ ﮐﺮ ﻭﮦ ﺑﮯ ﺣﺪ ﺧﻔﮕﯽ ﮐﮯ ﻋﺎﻟﻢ ﻣﯿﮟ ﺑﯿﮉ ﺭﻭﻡ ﺳﮯ ﻧﮑﻞ ﮔﯿﺎ ﺗﮭﺎ۔ ﺍﻣﺎﻣﮧ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﮐﮧ ﺍﺱ ﻣﯿﮟ ﺍﺗﻨﺎ ﻧﺎﺭﺍﺽ ﮨﻮﻧﮯ ﻭﺍﻟﯽ ﮐﯿﺎ ﺑﺎﺕ ﮨﮯ۔ ﺍﺱ ﻭﻗﺖ ﺍﺳﮯ ﻭﺍﻗﻌﯽ ﺍﻧﺪﺍﺯﮦ ﻧﮩﯿﮟ ﮨﻮ ﺭﮨﺎ ﺗﮭﺎ ﮐﮧ ﺍﭘﻨﮯ ﻣﺎﮞ ﺑﺎﭖ ﮐﯽ ﻣﺤﺒﺖ ﻣﯿﮟ ﻭﮦ ﮐﺘﻨﮯ ﺍﺣﻤﻘﺎﻧﮧ ﺍﻧﺪﺍﺯ ﻣﯿﮟ ﺳﻮﭼﻨﮯ ﻟﮕﯽ ﺗﮭﯽ۔ ﻻﺋﭩﺲ ﺁﻑ ﮐﺮ ﮐﮯ ﺍﺱ ﻧﮯ ﮐﭽﮫ ﺩﯾﺮ ﮐﮯ ﻟﯿﮯ ﺳﻮﻧﮯ ﮐﯽ ﮐﻮﺷﺶ ﮐﯽ ﻟﯿﮑﻦ ﺍﺳﮯ ﻧﯿﻨﺪ ﻧﮩﯿﮟ ﺁﺋﯽ۔ ﺍﺳﮯ ﺑﺎﺭ ﺑﺎﺭ ﺍﺏ ﺳﺎﻻﺭ ﮐﺎ ﺧﯿﺎﻝ ﺁﺭﮨﺎ ﺗﮭﺎ۔ ﭼﻨﺪ ﻟﻤﺤﮯ ﻟﯿﭩﮯ ﺭﮨﻨﮯ ﮐﮯ ﺑﻌﺪ ﻭﮦ ﯾﮏ ﺩﻡ ﺍﭨﮫ ﮐﺮ ﮐﻤﺮﮮ ﺳﮯ ﻧﮑﻞ ﺁﺋﯽ۔ ﻭﮦ ﻻﺅﻧﺞ ﮐﺎ ﮨﯿﭩﺮ ﺁﻥ ﮐﯿﮯ، ﻗﺮﯾﺐ ﭘﮍﮮ ﺻﻮﻓﮯ ﭘﺮ ﺑﯿﭩﮭﺎ ﮐﺎﻡ ﮐﺮ ﺭﮨﺎ ﺗﮭﺎ۔ ﺩﺭﻭﺍﺯﮦ ﮐﮭﻠﻨﮯ ﮐﯽ ﺁﻭﺍﺯﭘﺮ ﭨﮭﭩﮑﺎ ﺗﮭﺎ۔ ” ﺍﺏ ﮐﯿﺎ ﮨﮯ؟ ” ﺍﻣﺎﻣﮧ ﮐﻮ ﺩﮐﮭﺘﮯ ﮨﯽ ﺍﺱ ﻧﮯ ﺑﮯﺣﺪ ﺧﻔﮕﯽ ﺳﮯ ﮐﮩﺎ۔ ” ﮐﭽﮫ ﻧﮩﯿﮟ، ﻣﯿﮟ ﺗﻤﮩﯿﮟ ﺩﯾﮑﮭﻨﮯ ﺁﺋﯽ ﺗﮭﯽ۔ ” ﻭﮦ ﺍﺱ ﮐﮯ ﺳﺨﺘﯽ ﺳﮯ ﭘﻮﭼﮭﻨﮯ ﭘﺮ ﮐﭽﮫ ﺟﺰﺑﺰ ﮨﻮﺋﯽ۔ ” ﮐﺎﻓﯽ ﺑﻨﺎ ﺩﻭﮞ ﺗﻤﮩﯿﮟ؟ ” ﻭﮦ ﻣﺼﺎﻟﺤﺎﻧﮧ ﺍﻧﺪﺍﺯ ﻣﯿﮟ ﺑﻮﻟﯽ۔ ” ﻣﺠﮭﮯ ﺿﺮﻭﺭﺕ ﮨﻮ ﮔﯽ ﺗﻮ ﻣﯿﮟ ﺧﻮﺩ ﺑﻨﺎ ﻟﻮﮞ ﮔﺎ۔ ” ﻭﮦ ﺍﺳﯽ ﺍﻧﺪﺍﺯ ﻣﯿﮟ ﺑﻮﻻ۔ ****** "ﮐﺎﻓﯽ ﺑﻨﺎ ﺩﻭﮞ ﺗﻤﮩﯿﮟ؟ ” ﻭﮦ ﻣﺼﺎﻟﺤﺎﻧﮧ ﺍﻧﺪﺍﺯ ﻣﯿﮟ ﺑﻮﻟﯽ۔ ” ﻣﺠﮭﮯ ﺿﺮﻭﺭﺕ ﮨﻮ ﮔﯽ ﺗﻮ ﻣﯿﮟ ﺧﻮﺩ ﺑﻨﺎ ﻟﻮﮞ ﮔﺎ۔ ” ﻭﮦ ﺍﺳﯽ ﺍﻧﺪﺍﺯ ﻣﯿﮟ ﺑﻮﻻ۔ ﻭﮦ ﺍﺱ ﮐﮯ ﻗﺮﯾﺐ ﺻﻮﻓﮯ ﭘﺮ ﺁﮐﺮ ﺑﯿﭩﮫ ﮔﺌﯽ۔ ﮐﭽﮫ ﮐﮩﮯ ﺑﻐﯿﺮ ﺍﺱ ﻧﮯ ﺳﺎﻻﺭ ﮐﮯ ﺑﺎﺯﻭ ﭘﺮ ﮨﺎﺗﮫ ﺭﮐﮭﺘﮯ ﮨﻮﺋﮯ ﺍﺱ ﮐﮯ ﮐﻨﺪﮬﮯ ﭘﺮ ﺳﺮ ﭨﮑﺎ ﺩﯾﺎ۔ ﯾﮧ ﻧﺪﺍﻣﺖ ﮐﺎ ﺍﻇﮩﺎﺭ ﺗﮭﺎ۔ ﺳﺎﻻﺭ ﻧﮯ ﮐﺴﯽ ﺭﺩ ﻋﻤﻞ ﮐﺎ ﺍﻇﮩﺎﺭ ﻧﮩﯿﮟ ﮐﯿﺎ۔ ﺍﺳﮯ ﻣﮑﻤﻞ ﻃﻮﺭ ﭘﺮ ﻧﻈﺮ ﺍﻧﺪﺍﺯ ﮐﺮﺗﮯ ﮨﻮﺋﮯ ﻭﮦ ﻟﯿﭗ ﭨﺎﭖ ﭘﺮ ﺍﭘﻨﺎ ﮐﺎﻡ ﮐﺮﺗﺎ ﺭﮨﺎ ﻟﯿﮑﻦ ﯾﮧ ﺑﮍﺍ ﻣﺸﮑﻞ ﺗﮭﺎ۔ ﻭﮦ ﺍﺱ ﮐﮯ ﮐﻨﺪﮬﮯ ﭘﺮ ﺳﺮ ﭨﮑﺎﺋﮯ ﺍﺱ ﮐﮯ ﺍﺗﻨﮯ ﻗﺮﯾﺐ ﺑﯿﭩﮭﯽ ﮨﻮ ﺍﻭﺭ ﻭﮦ ﺍﺳﮯ ﻧﻈﺮ ﺍﻧﺪﺍﺯ ﮐﺮ ﺩﮮ … ﮐﺮ ﺩﯾﺘﺎ ﺍﮔﺮ ﺻﺮﻑ ﺍﺱ ﮐﯽ ﺑﯿﻮﯼ ﮨﻮﺗﯽ … ﯾﮧ ” ﺍﻣﺎﻣﮧ ” ﺗﮭﯽ۔ ﻟﯿﭗ ﭨﺎﭖ ﮐﮯ ﮐﯽ ﺑﻮﺭﮈ ﭘﺮ ﭼﻠﺘﯽ ﺍﺱ ﮐﯽ ﺍﻧﮕﻠﯿﺎﮞ ﺗﮭﻤﻨﮯ ﻟﮕﯿﮟ، ﭘﮭﺮ ﺍﯾﮏ ﮔﮩﺮﺍ ﺳﺎﻧﺲ ﻟﮯ ﮐﺮ ﻭﮦ ﺑﮍﺑﮍﺍﯾﺎ۔ ” ﺍﺏ ﺍﺱ ﻃﺮﺡ ﺑﯿﭩﮭﻮ ﮔﯽ ﺗﻮ ﻣﯿﮟ ﮐﺎﻡ ﮐﯿﺴﮯ ﮐﺮﻭﮞ ﮔﺎ؟ ” ” ﺗﻢ ﻣﺠﮭﮯ ﺟﺎﻧﮯ ﮐﺎ ﮐﮩﮧ ﺭﮨﮯ ﮨﻮ؟ ” ﺍﻣﺎﻣﮧ ﻧﮯ ﺑﺮﺍ ﻣﺎﻧﺎ۔ ” ﻣﯿﮟ ﺗﻤﮩﯿﮟ ﺟﺎﻧﮯ ﮐﺎ ﮐﮩﮧ ﺳﮑﺘﺎ ﮨﻮﮞ؟ ” ﺍﺱ ﻧﮯ ﺍﺱ ﮐﺎ ﺳﺮ ﭼﻮﻣﺎ۔ ” ﺑﮩﺖ ﺍﺣﻤﻘﺎﻧﮧ ﺑﺎﺕ ﮐﮩﯽ ﺗﮭﯽ ﺗﻢ ﻧﮯ ﻣﺠﮭﮯ۔ ” ﺍﯾﺴﮯ ﮨﯽ ﮐﮩﺎ ﺗﮭﺎ، ﻣﺠﮭﮯ ﮐﯿﺎ ﭘﺘﺎ ﺗﮭﺎ ﺗﻢ ﺍﺗﻨﯽ ﺑﺪﺗﻤﯿﺰﯼ ﮐﺮﻭ ﮔﮯ ﻣﯿﺮﮮ ﺳﺎﺗﮫ؟ ” ﻭﮦ ﮨﮑﺎ ﺑﮑﺎ ﺭﮦ ﮔﯿﺎ۔ ” ﺑﺪ ﺗﻤﯿﺰﯼ … ﮐﯿﺎ ﺑﺪ ﺗﻤﯿﺰﯼ ﮐﯽ ﮨﮯ ﻣﯿﮟ ﻧﮯ … ؟ ﺗﻤﮩﯿﮟ ﺍﯾﮑﺴﮑﯿﻮﺯ ﮐﺮﻧﺎ ﭼﺎﮨﯿﮯ ﺟﻮ ﮐﭽﮫ ﺗﻢ ﻧﮯ ﻣﺠﮫ ﺳﮯ ﮐﮩﺎ۔ ” ﻭﮦ ﺳﻤﺠﮭﺎ، ﻭﮦ ﻧﺪﺍﻣﺖ ﮐﺎ ﺍﻇﮩﺎﺭ ﮐﺮ ﻧﮯ ﺁﺋﯽ ﮨﮯ، ﻟﯿﮑﻦ ﯾﮩﺎﮞ ﺗﻮ ﻣﻌﺎﻣﻠﮧ ﮨﯽ ﺍﻟﭩﺎ ﺗﮭﺎ۔ ﺍﻣﺎﻣﮧ ﻧﮯ ﺑﮯ ﺣﺪ ﺧﻔﮕﯽ ﺳﮯ ﺍﺱ ﮐﺎ ﮐﻨﺪﮬﮯ ﺳﮯ ﺍﭘﻨﺎ ﺳﺮ ﺍﻭﭘﺮ ﺍﭨﮭﺎﺗﮯ ﮨﻮﺋﮯ ﺍﺱ ﺳﮯ ﮐﮩﺎ۔ ” ﺍﺏ ﻣﯿﮟ ﺍﯾﮑﺴﮑﯿﻮﺯ ﮐﯿﺎ ﮐﺮﻭﮞ ﺗﻢ ﺳﮯ … ؟ ” ﺳﺎﻻﺭ ﻧﮯ ﺍﺱ ﮐﯽ ﺍﭨﮭﯽ ﮨﻮﺋﯽ ﭨﮭﻮﮌﯼ ﺩﯾﮑﮭﯽ۔ ﮐﯿﺎ ﻣﺎﻥ ﺗﮭﺎ … ؟ ﮐﯿﺎ ﻏﺮﻭﺭ ﺗﮭﺎ … ؟ ﺟﯿﺴﮯ ﻭﮦ ﺍﺱ ﺳﮯ ﯾﮧ ﺗﻮ ﮐﺮﻭﺍ ﮨﯽ ﻧﮩﯿﮟ ﺳﮑﺘﺎ۔ ” ﺍﯾﮑﺴﮑﯿﻮﺯ ﮐﺮﻭﮞ ﺗﻢ ﺳﮯ؟ ” ﺧﻔﺎ ﺳﯽ ﺁﻧﮑﮭﻮﮞ ﺍﻭﺭ ﺍﭨﮭﯽ ﭨﮭﻮﮌﯼ ﮐﮯ ﺳﺎﺗﮫ ﻭﮦ ﭘﮭﺮ ﭘﻮﭼﮫ ﺭﮨﯽ ﺗﮭﯽ۔ ﺳﺎﻻﺭ ﻧﮯ ﻧﻔﯽ ﻣﯿﮟ ﺳﺮ ﮨﻼﺗﮯ ﮨﻮﺋﮯ ﺟﮭﮏ ﮐﺮ ﺍﺱ ﮐﯽ ﭨﮭﻮﮌﯼ ﮐﻮ ﭼﻮﻣﺎ، ﯾﮧ ﻣﺎﻥ ﺍﺳﮯ ﮨﯽ ﺭﮐﮭﻨﺎ ﺗﮭﺎ۔ ﻭﮦ ﺍﺱ ﮐﺎ ﺳﺮ ﺟﮭﮑﺎ ﺩﯾﮑﮭﻨﮯ ﮐﺎ ﺧﻮﺍﮨﺶ ﻣﻨﺪ ﻧﮩﯿﮟ ﺗﮭﺎ۔ ” ﻧﮩﯿﮟ، ﺗﻢ ﺳﮯ ﺍﯾﮑﺴﮑﯿﻮﺯ ﮐﺮﻭﺍ ﮐﺮ ﮐﯿﺎ ﮐﺮﻭﮞ ﮔﺎ ﻣﯿﮟ۔ ” ﻭﮦ ﺑﮯ ﺣﺪ ﻧﺮﻣﯽ ﺳﮯ ﺍﺱ ﮐﯽ ﭨﮭﻮﮌﯼ ﮐﻮ ﺩﻭﺑﺎﺭﮦ ﭼﻮﻣﺘﮯ ﮨﻮﺋﮯ ﺑﻮﻻ۔ ﺍﻣﺎﻣﮧ ﮐﮯ ﮨﻮﻧﭩﻮﮞ ﭘﺮ ﺑﮯ ﺍﺧﺘﯿﺎﺭ ﻣﺴﮑﺮﺍﮨﭧ ﺁﺋﯽ۔ ﮐﯿﺎ ﻏﺮﻭﺭ ﺗﮭﺎ ﺟﻮ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺟﮭﻠﮑﺎ ﺗﮭﺎ۔ ﮨﺎﮞ، ﻭﮦ ﮐﯿﺴﮯ ﺍﺱ ﺳﮯ ﯾﮧ ﮐﮩﮧ ﺳﮑﺘﺎ ﺗﮭﺎ۔ ﺍﺱ ﺳﮯ ﺍﻟﮓ ﮨﻮﺗﮯ ﮨﻮﺋﮯ ﺍﺱ ﻧﮯ ﺳﺎﻻﺭ ﺳﮯ ﮐﮩﺎ۔ ” ﺍﭼﮭﺎ، ﺍﺏ ﺗﻢ ﺍﯾﮑﺴﮑﯿﻮﺯ ﮐﺮﻭ ﻣﺠﮫ ﺳﮯ ، ﮐﯿﻮﻧﮑﮧ ﺗﻢ ﻧﮯ ﺑﺪﺗﻤﯿﺰﯼ ﮐﯽ ﮨﮯ۔ ” ﻭﮦ ﺍﺏ ﺍﻃﻤﯿﻨﺎﻥ ﺳﮯ ﻣﻄﺎﻟﺒﮧ ﮐﺮ ﺭﮨﯽ ﺗﮭﯽ، ﻭﮦ ﻣﺴﮑﺮﺍ ﺩﯾﺎ۔ ﻭﮦ ﻣﻌﺘﺮﻑ ﺳﮯ ﺍﻋﺘﺮﺍﻑ ﭼﺎﮨﺘﯽ ﺗﮭﯽ۔ ” ﺁﺋﯽ ﺍﯾﻢ ﺳﻮﺭﯼ۔ ” ﺳﺎﻻﺭ ﻧﮯ ﺍﺱ ﮐﺎ ﭼﮩﺮﮦ ﺩﯾﮑﮭﺘﮯ ﮨﻮﺋﮯ ﮐﮩﺎ۔ ” ﮐﻮﺋﯽ ﺑﺎﺕ ﻧﮩﯿﮟ، ﺍﺏ ﺁﺋﻨﺪﮦ ﺗﻢ ﯾﮧ ﻧﮧ ﮐﮩﻨﺎ ﮐﮧ ﻣﯿﮟ ﺍﺳﻼﻡ ﺁﺑﺎﺩ ﮐﯽ ﺑﺎﺕ ﻧﮧ ﮐﺮﻭﮞ۔ ” ﻭﮦ ﺑﮯﺣﺪ ﻓﯿﺎﺿﺎﻧﮧ ﺍﻧﺪﺍﺯ ﻣﯿﮟ ﺍﺱ ﮐﯽ ﻣﻌﺬﺭﺕ ﻗﺒﻮﻝ ﮐﺮﺗﮯ ﮨﻮﺋﮯ ﺑﻮﻟﯽ۔ ﺳﺎﻻﺭ ﮐﮯ ﮨﻮﻧﭩﻮﮞ ﭘﺮ ﺑﮯ ﺍﺧﺘﯿﺎﺭ ﻣﺴﮑﺮﺍﮨﭧ ﭘﮭﯿﻠﯽ ﺗﻮ ﺳﺎﺭﺍ ﻣﺴﺌﻠﮧ ﺍﺳﻼﻡ ﺁﺑﺎﺩ ﮐﺎ ﺗﮭﺎ۔ ﺍﺳﮯ ﺷﺎﯾﺪ ﯾﮧ ﺧﺪﺷﮧ ﮨﻮ ﮔﯿﺎ ﺗﮭﺎ ﮐﮧ ﻭﮦ ﺩﻭﺑﺎﺭﮦ ﺍﺳﮯ ﻭﮨﺎﮞ ﻧﮩﯿﮟ ﻟﮯ ﮐﺮ ﺟﺎﺋﮯ ﮔﺎ ﺍﻭﺭ ﻭﮦ ﺍﺳﯽ ﺧﺪﺷﮯ ﮐﮯ ﺗﺤﺖ ﺍﺱ ﮐﮯ ﭘﺎﺱ ﺁﺋﯽ ﺗﮭﯽ۔ ﮐﯿﺎ ﺍﻧﺪﺍﺯِ ﺩﻟﺒﺮﯼ ﺗﮭﺎ، ﻭﮨﺎﮞ ﺍﺱ ﮐﮯ ﻟﯿﮯ ﮐﭽﮫ ﻧﮩﯿﮟ ﺗﮭﺎ۔ ﺟﻮ ﺑﮭﯽ ﺗﮭﺎ، ﮐﺴﯽ ﮐﮯ ﻃﻔﯿﻞ ﺗﮭﺎ۔ ﻭﮦ ﮨﻨﺲ ﭘﮍﺍ۔ ” ﮐﯿﺎ ﮨﻮﺍ؟ ” ﺍﺱ ﻧﮯ ﺍﻟﺠﮫ ﮐﺮ ﺳﺎﻻﺭ ﮐﻮ ﺩﯾﮑﮭﺎ۔ ” ﮐﭽﮫ ﻧﮩﯿﮟ۔ ” ﺳﺎﻻﺭ ﻧﮯ ﺫﺭﺍ ﺳﺎ ﺁﮔﮯ ﺟﮭﮑﺘﮯ ﮨﻮﺋﮯ ﺑﮍﯼ ﻧﺮﻣﯽ ﺍﻭﺭ ﻣﺤﺒﺖ ﺳﮯ ﺍﺳﮯ ﺍﺱ ﻃﺮﺡ ﮔﻠﮯ ﻟﮕﺎ ﮐﺮ ﺍﺱ ﮐﺎ ﺳﺮ ﺍﻭﺭ ﻣﺎﺗﮭﺎ ﭼﻮﻣﺎ، ﺟﺲ ﻃﺮﺡ ﻭﮦ ﺭﻭﺯ ﺁﻓﺲ ﺳﮯ ﺁﻧﮯ ﮐﮯ ﺑﻌﺪ ﺩﺭﻭﺍﺯﮮ ﭘﺮ ﺍﺳﮯ ﺩﯾﮑﮫ ﮐﺮ ﮐﺮﺗﺎ ﺗﮭﺎ۔ ﮔﮉ ﻧﺎﺋﭧ۔ ” ﻭﮦ ﺍﺏ ﺍﺳﮯ ﺧﺪﺍ ﺣﺎﻓﻆ ﮐﮩﮧ ﺭﮨﺎ ﺗﮭﺎ۔ ” ﮔﮉ ﻧﺎﺋﭧ۔ ” ﻭﮦ ﺍﭘﻨﯽ ﺷﺎﻝ ﻟﭙﯿﭩﺘﮯ ﮨﻮﺋﮯ ﺻﻮﻓﮯ ﺳﮯ ﺍﭨﮫ ﮐﮭﮍﯼ ﮨﻮﺋﯽ۔ ﺑﯿﮉ ﺭﻭﻡ ﮐﺎ ﺩﺭﻭﺍﺯﮦ ﮐﮭﻮﻟﺘﮯ ﮨﻮﺋﮯ ﺍﺱ ﻧﮯ ﮔﺮﺩﻥ ﻣﻮﮌ ﮐﺮ ﺳﺎﻻﺭ ﮐﻮ ﺩﯾﮑﮭﺎ، ﻭﮦ ﺍﺳﮯ ﮨﯽ ﺩﯾﮑﮫ ﺭﮨﺎ ﺗﮭﺎ۔ ﻭﮦ ﺍﻟﻮﺩﺍﻋﯿﮧ ﺍﻧﺪﺍﺯ ﻣﯿﮟ ﻣﺴﮑﺮﺍﺩﯼ، ﻭﮦ ﺑﮭﯽ ﺟﻮﺍﺑﺎً ﻣﺴﮑﺮﺍﯾﺎ ﺗﮭﺎ۔ ﺍﻣﺎﻣﮧ ﻧﮯ ﮐﻤﺮﮮ ﻣﯿﮟ ﺩﺍﺧﻞ ﮨﻮ ﮐﺮ ﺩﺭﻭﺍﺯﮦ ﺑﻨﺪ ﮐﺮ ﺩﯾﺎ۔ ﻭﮦ ﺑﮩﺖ ﺩﯾﺮ ﺗﮏ ﺍﺱ ﺑﻨﺪ ﺩﺭﻭﺍﺯﮮ ﮐﻮ ﺩﯾﮑﮭﺘﺎ ﺭﮨﺎ۔ ﯾﮧ ﻋﻮﺭﺕ ﺟﺲ ﻣﺮﺩ ﮐﯽ ﺯﻧﺪﮔﯽ ﻣﯿﮟ ﺑﮭﯽ ﮨﻮﺗﯽ، ﻭﮦ ﺧﻮﺵ ﻗﺴﻤﺖ ﮨﻮﺗﺎ ﻟﯿﮑﻦ ﻭﮦ ﺧﻮﺵ ﻗﺴﻤﺖ ﻧﮩﯿﮟ ﺗﮭﺎ۔ ” ﺧﻮﺵ ﻗﺴﻤﺘﯽ ” ﮐﯽ ﺿﺮﻭﺭﺕ ﮐﮩﺎﮞ ﺭﮦ ﮔﺌﯽ ﺗﮭﯽ ﺍﺳﮯ ! ٭٭٭٭ ” ﺣﺒﯿﺐ ﺻﺎﺣﺐ ﮐﯽ ﺑﯿﻮﯼ ﻧﮯ ﮐﺌﯽ ﭼﮑﺮ ﻟﮕﺎﺋﮯ ﻣﯿﺮﮮ ﮔﮭﺮ ﮐﮯ … ﮨﺮ ﺑﺎﺭ ﮐﭽﮫ ﻧﮧ ﮐﭽﮫ ﻟﮯ ﮐﺮ ﺁﺗﯽ ﺗﮭﯿﮟ ﺁﻣﻨﮧ ﮐﮯ ﻟﯿﮯ۔ ﮐﮩﺘﯽ ﺗﮭﯿﮟ ﮨﻤﯿﮟ ﺟﮩﯿﺰ ﻧﮩﯿﮟ ﭼﺎﮨﯿﮯ، ﺑﺲ ﺁﻣﻨﮧ ﮐﺎ ﺭﺷﺘﮧ ﺩﮮ ﺩﯾﮟ۔ ﮐﮩﺘﯽ ﮐﯿﺎ ﺗﮭﯿﮟ ﺑﻠﮑﮧ ﻣﻨﺘﯿﮟ ﮐﺮﺗﯽ ﺗﮭﯿﮟ … ﺍﻣﺎﻣﮧ ﮐﮯ ﺩﻓﺘﺮ ﺍﭘﻨﮯ ﺑﯿﭩﮯ ﮐﻮ ﺑﮭﯽ ﻟﮯ ﮔﺌﯿﮟ ﺍﯾﮏ ﺩﻥ … ﺑﯿﭩﺎ ﺑﮭﯽ ﺧﻮﺩ ﺁﯾﺎ ﻣﺎﮞ ﮐﮯ ﺳﺎﺗﮫ ﮨﻤﺎﺭﮮ ﮔﮭﺮ … ﺑﭽﭙﻦ ﺳﮯ ﭘﻼ ﺑﮍﮬﺎ ﺗﮭﺎ ﻣﯿﺮﯼ ﻧﻈﺮﻭﮞ ﮐﮯ ﺳﺎﻣﻨﮯ ”… ﻭﮦ ﺻﺤﻦ ﻣﯿﮟ ﭼﺎﺭ ﭘﺎﺋﯽ ﭘﺮ ﺑﯿﭩﮭﺎ ﺳﺮ ﺟﮭﮑﺎﺋﮯ، ﺳﺮﺥ ﺍﯾﻨﭩﻮﮞ ﮐﮯ ﻓﺮﺵ ﭘﺮ ﻧﻈﺮﯾﮟ ﺟﻤﺎﺋﮯ ﺳﻌﯿﺪﮦ ﺍﻣﺎﮞ ﮐﯽ ﮔﻔﺖ ﮔﻮ ﭘﭽﮭﻠﮯ ﺁﺩﮬﮯ ﮔﮭﻨﭩﮯ ﺳﮯ ﺍﺳﯽ ﺧﺎﻣﻮﺷﯽ ﮐﮯ ﺳﺎﺗﮫ ﺳﻦ ﺭﮨﺎ ﺗﮭﺎ۔ ﺍﺱ ﮐﯽ ﺧﺎﻣﻮﺷﯽ ﺳﻌﯿﺪﮦ ﺍﻣﺎﮞ ﮐﻮ ﺑﺮﯼ ﻃﺮﺡ ﺗﭙﺎ ﺭﮨﯽ ﺗﮭﯽ۔ ﮐﻢ ﺑﺨﺖ ﻧﮧ ﮨﻮﮞ ﻧﮧ ﮨﺎﮞ، ﮐﭽﮫ ﺑﻮﻟﺘﺎ ﮨﯽ ﻧﮩﯿﮟ۔ ﻣﺠﺎﻝ ﮨﮯ ﺍﯾﮏ ﺑﺎﺭ ﮨﯽ ﮐﮩﮧ ﺩﮮ ﮐﮧ ﺁﭖ ﻧﮯ ﺍﭘﻨﯽ ﺑﭽﯽ ﮐﯽ ﺷﺎﺩﯼ ﻣﯿﺮﮮ ﺳﺎﺗﮫ ﮐﺮ ﮐﮯ ﻣﯿﺮﯼ ﺑﮍﯼ ﻋﺰﺕ ﺍﻓﺰﺍﺋﯽ ﮐﯽ ﯾﺎ ﯾﮩﯽ ﮐﮩﮧ ﺩﮮ ﮐﮧ ﺑﮩﺖ ﮔﻨﻮﮞ ﻭﺍﻟﯽ ﮨﮯ ﺁﭖ ﮐﯽ ﺑﭽﯽ۔ ﻭﮦ ﺑﺎﺗﻮﮞ ﮐﮯ ﺩﻭﺭﺍﻥ ﻣﺴﻠﺴﻞ ﮐﮭﻮﻝ ﺭﮨﯽ ﺗﮭﯿﮟ۔ ﺍﺗﻮﺍﺭ ﮐﺎ ﺩﻥ ﺗﮭﺎ ﺍﻭﺭ ﻭﮦ ﺍﻣﺎﻣﮧ ﮐﮯ ﺳﺎﺗﮫ ﺻﺒﺢ ﺑﺎﻗﯽ ﮐﺎ ﺳﺎﻣﺎﻥ ﭨﮭﮑﺎﻧﮯ ﻟﮕﺎﻧﮯ ﺁﯾﺎ ﺗﮭﺎ۔ ﻭﮦ ﺍﻟﯿﮑﭩﺮﻭﻧﮑﺲ ﺍﻭﺭ ﺩﻭﺳﺮﮮ ﺳﺎﻣﺎﻥ ﮐﻮ ﮐﭽﮫ ﭼﯿﺮﯾﭩﯽ ﺍﺩﺍﺭﻭﮞ ﻣﯿﮟ ﺑﮭﺠﻮﺍﻧﮯ ﮐﺎ ﺍﻧﺘﻈﺎﻡ ﮐﺮ ﮐﮯ ﺁﯾﺎ ﺗﮭﺎ۔ ﺍﻣﺎﻣﮧ ﻧﮯ ﺍﺱ ﭘﺮ ﺍﻋﺘﺮﺍﺽ ﻧﮩﯿﮟ ﮐﯿﺎ ﺗﮭﺎ ﻟﯿﮑﻦ ﺳﻌﯿﺪﮦ ﺍﻣﺎﮞ ﮐﻮ ﺍﻥ ﺩﻭﻧﻮﮞ ﻧﮯ ﯾﮧ ﻧﮩﯿﮟ ﺑﺘﺎﯾﺎ ﺗﮭﺎ ﮐﮧ ﻭﮦ ﺳﺎﻣﺎﻥ ﺍﻥ ﮐﮯ ﮔﮭﺮ ﻧﮩﯿﮟ، ﮐﮩﯿﮟ ﺍﻭﺭ ﺑﮭﺠﻮﺍﯾﺎ ﺟﺎ ﺭﮨﺎ ﮨﮯ۔ ﺳﮧ ﭘﮩﺮ ﮨﻮ ﺭﮨﯽ ﺗﮭﯽ ﺍﻭﺭ ﻭﮦ ﺍﻥ ﺗﻤﺎﻡ ﮐﺎﻣﻮﮞ ﺳﮯ ﻓﺎﺭﻍ ﮨﻮ ﮐﺮ ﻭﮨﯿﮟ ﺩﮬﻮﭖ ﻣﯿﮟ ﺻﺤﻦ ﻣﯿﮟ ﺑﭽﮭﯽ ﺍﯾﮏ ﭼﺎﺭ ﭘﺎﺋﯽ ﭘﺮ ﺑﯿﭩﮫ ﮔﯿﺎ ﺗﮭﺎ۔ ﺍﻣﺎﻣﮧ ﺍﻧﺪﺭ ﮐﭽﻦ ﻣﯿﮟ ﺍﻓﻄﺎﺭﯼ ﺍﻭﺭ ﮐﮭﺎﻧﮯ ﮐﯽ ﺗﯿﺎﺭﯼ ﮐﺮ ﺭﮨﯽ ﺗﮭﯽ۔ ﺍﻧﮩﯿﮟ ﺁﺝ ﺍﻓﻄﺎﺭﯼ ﻭﮨﯽ ﮐﺮﻧﯽ ﺗﮭﯽ۔ ﺩﮬﻮﭖ ﮐﯽ ﻭﺟﮧ ﺳﮯ ﺳﺎﻻﺭ ﻧﮯ ﺍﭘﻨﺎ ﺳﻮﯾﭩﺮ ﺍﺗﺎﺭ ﮐﺮ ﭼﺎﺭﭘﺎﺋﯽ ﮐﮯ ﺍﯾﮏ ﮐﻮﻧﮯ ﭘﮧ ﺭﮐﮫ ﺩﯾﺎ ﺗﮭﺎ۔ ﺟﯿﻨﺰ ﮐﯽ ﺟﯿﺐ ﻣﯿﮟ ﺭﮐﮭﺎ ﺍﯾﮏ ﺭﻭﻣﺎﻝ ﻧﮑﺎﻝ ﮐﺮ ﺍﺱ ﻧﮯ ﭼﮩﺮﮮ ﭘﺮ ﺁﺋﯽ ﮨﻠﮑﯽ ﺳﯽ ﻧﻤﯽ ﮐﻮ ﭘﻮﻧﭽﮭﺎ۔ ﯾﮧ ﺍﻣﺎﻣﮧ ﮐﮯ ﺭﺷﺘﮯ ﮐﯽ ﭼﻮﺗﮭﯽ ﺩﺍﺳﺘﺎﻥ ﺗﮭﯽ، ﺟﻮ ﻭﮦ ﺳﻦ ﺭﮨﺎ ﺗﮭﺎ۔ ﺑﯿﺴﻦ ﮐﻮ ﺑﺮﺗﻦ ﻣﯿﮟ ﮔﮭﻮﻟﺘﮯ ﮨﻮﺋﮯ ﺍﻣﺎﻣﮧ ﻧﮯ ﺻﺤﻦ ﻣﯿﮟ ﮐﮭﻠﻨﮯ ﻭﺍﻟﯽ ﮐﭽﻦ ﮐﯽ ﮐﮭﮍﮐﯽ ﺳﮯ ﺳﺎﻻﺭ ﮐﻮ ﺩﯾﮑﮭﺎ، ﺍﺳﮯ ﺍﺱ ﭘﺮ ﺗﺮﺱ ﺁﯾﺎ۔ ﻭﮦ ﮐﭽﻦ ﻣﯿﮟ ﺳﻌﯿﺪﮦ ﺍﻣﺎﮞ ﮐﯽ ﺳﺎﺭﯼ ﮔﻔﺖ ﮔﻮ ﺳﻦ ﺳﮑﺘﯽ ﺗﮭﯽ ﺍﻭﺭ ﻭﮦ ﮔﻔﺖ ﮔﻮ ﮐﺲ ﺣﺪ ﺗﮏ ” ﻗﺎﺑﻞ ﺍﻋﺘﺮﺍﺽ ” ﮨﻮ ﺭﮨﯽ ﺗﮭﯽ، ﻭﮦ ﺍﺱ ﮐﺎ ﺍﻧﺪﺍﺯﮦ ﮐﺮ ﺭﮨﯽ ﺗﮭﯽ۔ ﺗﯿﻦ ﺩﻓﻌﮧ ﺍﺱ ﻧﮯ ﻣﺨﺘﻠﻒ ﺑﮩﺎﻧﻮﮞ ﺳﮯ ﺳﻌﯿﺪﮦ ﺍﻣﺎﮞ ﮐﻮ ﺁﮐﺮ ﭨﺎﻟﻨﮯ ﮐﯽ ﮐﻮﺷﺶ ﮐﯽ، ﮔﻔﺖ ﮔﻮ ﮐﺎ ﻣﻮﺿﻮﻉ ﺑﺪﻻ ﻟﯿﮑﻦ ﺟﯿﺴﮯ ﮨﯽ ﻭﮦ ﮐﭽﻦ ﻣﯿﮟ ﺁﺗﯽ، ﺑﺎﮨﺮ ﺻﺤﻦ ﻣﯿﮟ ﭘﮭﺮ ﻭﮨﯽ ﮔﻔﺖ ﮔﻮ ﺷﺮﻭﻉ ﮨﻮ ﺟﺎﺗﯽ۔ ﺍﻭﻧﭽﺎ ﻟﻤﺒﺎ ﺟﻮﺍﻥ۔ ﻗﺪ ﺗﻢ ﺳﮯ ﮐﭽﮫ ﺁﺩﮪ ﻓﭧ ﺯﯾﺎﺩﮦ ﮨﯽ ﮨﻮ ﮔﺎ۔ ” ﺣﺒﯿﺐ ﺻﺎﺣﺐ ﮐﮯ ﺑﯿﭩﮯ ﮐﺎ ﺣﻠﯿﮧ ﺑﯿﺎﻥ ﮐﺮﺗﮯ ﮨﻮﺋﮯ ﺳﻌﯿﺪﮦ ﺍﻣﺎﮞ ﻣﺒﺎﻟﻐﮯ ﮐﮯ ﺁﺧﺮﯼ ﺣﺪﻭﮞ ﮐﻮ ﭼﮭﻮ ﺭﮨﯽ ﺗﮭﯿﮟ۔ ﺳﺎﻻﺭ ﮐﺎ ﺍﭘﻨﺎ ﻗﺪ ﭼﮫ ﻓﭧ ﺩﻭ ﺍﻧﭻ ﮐﮯ ﺑﺮﺍﺑﺮ ﺗﮭﺎ ﺍﻭﺭ ﺁﺩﮪ ﻓﭧ ﮨﻮﻧﮯ ﮐﺎ ﻣﻄﻠﺐ ﺗﻘﺮﯾﺒﺎً ﭘﻮﻧﮯ ﺳﺎﺕ ﻓﭧ ﺗﮭﺎ، ﺟﻮ ﮐﻢ ﺍﺯ ﮐﻢ ﻻﮨﻮﺭ ﻣﯿﮟ ﭘﺎﯾﺎ ﺟﺎﻧﺎ ﻧﺎﻣﻤﮑﻦ ﻧﮩﯿﮟ، ﺗﻮ ﻣﺸﮑﻞ ﺿﺮﻭﺭ ﺗﮭﺎ۔ ” ﺍﻣﺎﮞ ! ﺯﯾﺮﮦ ﻧﮩﯿﮟ ﻣﻞ ﺭﮨﺎ ﻣﺠﮭﮯ۔ ” ﺍﻣﺎﻣﮧ ﻧﮯ ﮐﮭﮍﮐﯽ ﺳﮯ ﺟﮭﺎﻧﮑﺘﮯ ﮨﻮﺋﮯ ﺳﻌﯿﺪﮦ ﺍﻣﺎﮞ ﮐﻮ ﮐﮩﺎ۔ ﺍﺱ ﮐﮯ ﻋﻼﻭﮦ ﺍﺏ ﺍﻭﺭ ﮐﻮﺋﯽ ﺑﮭﯽ ﭼﺎﺭﮦ ﻧﮩﯿﮟ ﺗﮭﺎ ﮐﮧ ﻭﮦ ﺍﻧﮩﯿﮟ ﺍﻧﺪﺭ ﺑﻼ ﻟﯿﺘﯽ۔ ” ﺍﺭﮮ ﺑﯿﭩﺎ ! ﺍﺩﮬﺮ ﮨﯽ ﮨﮯ ﺟﺪﮬﺮ ﮨﻤﯿﺸﮧ ﮨﻮﺗﺎ ﮨﮯ۔ ﺯﯾﺮﮮ ﻧﮯ ﮐﮩﺎﮞ ﺟﺎﻧﺎ ﮨﮯ۔ ” ﺳﻌﯿﺪﮦ ﺍﻣﺎﮞ ﻧﮯ ﺍﭨﮭﺘﮯ ﮨﻮﺋﮯ ﮐﮩﺎ۔ ﺍﻣﺎﻣﮧ ﻧﮯ ﺯﯾﺮﮮ ﮐﯽ ﮈﺑﯿﺎ ﮐﻮ ﺳﺒﺰﯼ ﮐﯽ ﭨﻮﮐﺮﯼ ﻣﯿﮟ ﮈﺍﻝ ﺩﯾﺎ۔ ﺗﮭﻮﮌﯼ ﺩﯾﺮ ﺍﺱ ﻧﮯ ﺳﻌﯿﺪﮦ ﺍﻣﺎﮞ ﮐﻮ ﺯﯾﺮﮮ ﮐﯽ ﺗﻼﺵ ﻣﯿﮟ ﻣﺼﺮﻭﻑ ﺭﮐﮭﻨﺎ ﺗﮭﺎ، ﭘﮭﺮ ﺑﻌﺪ ﻣﯿﮟ ﮐﭽﮫ ﺍﻭﺭ ﮐﺎﻡ ﺳﻮﻧﭗ ﺩﯾﺘﯽ ﺍﻧﮩﯿﮟ، ﻭﮦ ﭘﻼﻥ ﮐﺮ ﺭﮨﯽ ﺗﮭﯽ۔ ” ﻣﻮﻟﻮﯼ ﺻﺎﺣﺐ ﺳﮯ ﺩﻡ ﻭﺍﻻ ﭘﺎﻧﯽ ﻻ ﮐﺮ ﺩﻭ ﮔﯽ ﺗﻤﮩﯿﮟ … ﻭﮨﯽ ﭘﻼﻧﺎ … ﺍﺱ ﺳﮯ ﺩﻝ ﻣﻮﻡ ﮨﻮ ﮔﺎ ﺍﺱ ﮐﺎ۔ ” ﺳﻌﯿﺪﮦ ﺍﻣﺎﮞ ﻧﮯ ﮐﭽﻦ ﻣﯿﮟ ﺩﺍﺧﻞ ﮨﻮﺗﮯ ﮨﻮﺋﮯ ﺟﻮ ﮐﭽﮫ ﮐﮩﺎ، ﻭﮦ ﻧﮧ ﺻﺮﻑ ﺍﻣﺎﻣﮧ ﻧﮯ، ﺑﻠﮑﮧ ﺑﺎﮨﺮ ﺻﺤﻦ ﻣﯿﮟ ﺑﯿﭩﮭﮯ ﺳﺎﻻﺭ ﻧﮯ ﺑﮭﯽ ﺳﻨﺎ ﺗﮭﺎ۔ ” ﮐﯿﻮﮞ … ﮐﯿﺎ ﮨﻮﺍ … ؟ ” ﺍﻣﺎﻣﮧ ﻧﮯ ﭼﻮﻧﮏ ﮐﺮ ﭘﻮﭼﮭﺎ۔ ﻭﮦ ﺁﻟﻮ ﮐﺎﭦ ﮐﺮ ﺑﯿﺴﻦ ﻣﯿﮟ ﮈﺍﻝ ﺭﮨﯽ ﺗﮭﯽ۔ ” ﮐﯿﺴﺎ ﭘﺘﮭﺮ ﺩﻝ ﮨﮯ ﺍﺱ ﮐﺎ … ﻣﺠﺎﻝ ﮨﮯ ﮐﺴﯽ ﺑﮭﯽ ﺑﺎﺕ ﻣﯿﮟ ﮨﺎﮞ ﻣﯿﮟ ﮨﺎﮞ ﻣﻼﺋﮯ۔ ” ﻭﮦ ﺩﻝ ﮔﺮﻓﺘﮧ ﮨﻮ ﺭﮨﯽ ﺗﮭﯿﮟ۔ ” ﺍﻣﺎﮞ ! ﺍﺏ ﺁﭖ ﺍﺱ ﻃﺮﺡ ﮐﯽ ﺑﺎﺗﯿﮟ ﮐﺮﯾﮟ ﮔﯽ ﺗﻮ ﻭﮦ ﮐﯿﺴﮯ ﮨﺎﮞ ﻣﯿﮟ ﮨﺎﮞ ﻣﻼﺋﮯ ﮔﺎ۔ ﺁﭖ ﻧﮧ ﮐﯿﺎ ﮐﺮﯾﮟ ﺍﺱ ﻃﺮﺡ ﮐﯽ ﺑﺎﺗﯿﮟ، ﺍﺳﮯ ﺑﺮﺍ ﻟﮕﺘﺎ ﮨﻮ ﮔﺎ۔ ” ﺍﻣﺎﻣﮧ ﻧﮯ ﺩﺑﯽ ﺁﻭﺍﺯ ﻣﯿﮟ ﺳﻌﯿﺪﮦ ﺍﻣﺎﮞ ﮐﻮ ﻣﻨﻊ ﮐﯿﺎ۔ ” ﮐﯿﻮﮞ ﻧﮧ ﮐﺮﻭﮞ، ﺍﺳﮯ ﺑﮭﯽ ﺗﻮ ﭘﺘﺎ ﭼﻠﮯ ﮐﻮﺋﯽ ﻓﺎﻟﺘﻮ ﭼﯿﺰ ﻧﮩﯿﮟ ﺗﮭﯽ ﮨﻤﺎﺭﯼ ﺑﭽﯽ … ﻻﮐﮭﻮﮞ ﻣﯿﮟ ﺍﯾﮏ، ﺟﺴﮯ ﮨﻢ ﻧﮯ ﺑﯿﺎﮨﺎ ﮨﮯ ﺍﺱ ﮐﮯ ﺳﺎﺗﮫ … ﯾﮧ ﺯﯾﺮﮦ ﮐﮩﺎﮞ ﮔﯿﺎ … ؟ ” ﺳﻌﯿﺪﮦ ﺍﻣﺎﮞ ﺑﺎﺕ ﮐﺮﺗﮯ ﮨﻮﺋﮯ ﺳﺎﺗﮫ ﺯﯾﺮﮮ ﮐﯽ ﮈﺑﯿﺎ ﮐﯽ ﮔﻤﺸﺪﮔﯽ ﭘﺮ ﭘﺮﯾﺸﺎﻥ ﮨﻮﻧﮯ ﺟﻠﮕﯿﮟ۔ ” ﻣﯿﮟ ﻧﮯ ﺁﭖ ﺳﮯ ﮐﮩﺎ ﮨﮯ ﻧﺎ ! ﺍﺏ ﻭﮦ ﭨﮭﯿﮏ ﮨﮯ ﻣﯿﺮﮮ ﺳﺎﺗﮫ۔ ” ﺍﻣﺎﻣﮧ ﻧﮯ ﺍﻣﺎﮞ ﮐﻮ ﺳﻤﺠﮭﺎﯾﺎ۔ ” ﺗﻮ ﺑﮍﯼ ﺻﺎﺑﺮ ﮨﮯ ﺑﯿﭩﺎ … ﻣﯿﮟ ﺟﺎﻧﺘﯽ ﻧﮩﯿﮟ ﮨﻮﮞ ﮐﯿﺎ … ﺑﺎﺕ ﺗﻮ ﮐﺮﺗﺎ ﻧﮩﯿﮟ ﻣﯿﺮﮮ ﺳﺎﻣﻨﮯ ﺗﺠﮫ ﺳﮯ … ﺑﻌﺪ ﻣﯿﮟ ﮐﯿﺎ ﮐﺮﺗﺎ ﮨﻮ ﮔﺎ۔ ” ﺳﻌﯿﺪﮦ ﺍﻣﺎﮞ ﻗﺎﺋﻞ ﻧﮩﯿﮟ ﮨﻮﺋﯽ ﺗﮭﯿﮟ۔ ﺻﺤﻦ ﻣﯿﮟ ﭼﺎﺭ ﭘﺎﺋﯽ ﭘﺮ ﺑﯿﭩﮭﮯ ﺳﺎﻻﺭ ﻧﮯ ﺟﻮﺗﮯ ﺍﺗﺎﺭ ﺩﯾﮯ۔ ﺳﻮﯾﭩﺮ ﮐﻮ ﺳﺮ ﮐﮯ ﻧﯿﭽﮯ ﺭﮐﮭﺘﮯ ﮨﻮﺋﮯ ﻭﮦ ﭼﺎﺭﭘﺎﺋﯽ ﭘﺮ ﭼﺖ ﻟﯿﭧ ﮔﯿﺎ۔ ﺍﻧﺪﺭ ﺳﮯ ﺍﻣﺎﻣﮧ ﺍﻭﺭ ﺳﻌﯿﺪﮦ ﺍﻣﺎﮞ ﮐﯽ ﺑﺎﺗﻮﮞ ﮐﯽ ﺁﻭﺍﺯ ﺍﺏ ﺑﮭﯽ ﺁﺭﮨﯽ ﺗﮭﯽ ﻟﯿﮑﻦ ﺳﺎﻻﺭ ﻧﮯ ﺍﻥ ﺁﻭﺍﺯﻭﮞ ﺳﮯ ﺗﻮﺟﮧ ﮨﭩﺎ ﻟﯽ۔ ﻭﮦ ﺳﺮﺥ ﺍﯾﻨﭩﻮﮞ ﮐﯽ ﺩﯾﻮﺍﺭ ﭘﺮ ﭼﮍﮬﯽ ﺳﺒﺰ ﭘﺘﻮﮞ ﻭﺍﻟﯽ ﺑﯿﻠﯿﮟ ﺩﯾﮑﮫ ﺭﮨﺎ ﺗﮭﺎ۔ ﺩﮬﻮﭖ ﺍﺏ ﮐﭽﮫ ﮈﮬﻠﻨﮯ ﻟﮕﯽ ﺗﮭﯽ ﻣﮕﺮ ﺍﺱ ﻣﯿﮟ ﺍﺏ ﺑﮭﯽ ﺗﻤﺎﺯﺕ ﺗﮭﯽ۔ ﺑﺮﺍﺑﺮ ﮐﮯ ﮐﺴﯽ ﮔﮭﺮ ﮐﯽ ﭼﮭﺖ ﺳﮯ ﭼﻨﺪ ﮐﺒﻮﺗﺮ ﺍُﮌ ﮐﺮ ﺻﺤﻦ ﮐﮯ ﺍﻭﭘﺮ ﺳﮯ ﮔﺰﺭﮮ۔ ﺍﻥ ﻣﯿﮟ ﺳﮯ ﺍﯾﮏ ﮐﺒﻮﺗﺮ ﮐﭽﮫ ﺩﯾﺮ ﮐﮯ ﻟﯿﮯ ﺻﺤﻦ ﮐﯽ ﺩﯾﻮﺍﺭ ﭘﺮ ﺑﯿﭩﮫ ﮔﯿﺎ۔ ﺍﯾﮏ ﻃﻮﯾﻞ ﻋﺮﺻﮯ ﮐﮯ ﺑﻌﺪ ﺍﺱ ﻧﮯ ﺩﮬﻮﭖ ﻣﯿﮟ ﺍﯾﺴﺎ ﺳﮑﻮﻥ ﭘﺎﯾﺎ ﺗﮭﺎ۔ ﺩﮬﻮﭖ ﻣﯿﮟ ﺳﮑﻮﻥ ﻧﮩﯿﮟ ﺗﮭﺎ، ﺯﻧﺪﮔﯽ ﻣﯿﮟ ﺳﮑﻮﻥ ﺗﮭﺎ۔ ﺍﺱ ﻧﮯ ﺁﻧﮑﮭﯿﮟ ﺑﻨﺪ ﮐﯿﮟ۔ ﭘﮭﺮ ﭼﻨﺪ ﻟﻤﺤﻮﮞ ﮐﮯ ﺑﻌﺪ ﭼﻮﻧﮏ ﮐﺮ ﺁﻧﮑﮭﯿﮟ ﮐﮭﻮﻟﯿﮟ۔ ﻭﮦ ﺑﮍﮮ ﻏﯿﺮ ﻣﺤﺴﻮﺱ ﺍﻧﺪﺍﺯ ﻣﯿﮟ ﺍﺱ ﮐﮯ ﺳﺮ ﮐﮯ ﻧﯿﭽﮯ ﺍﯾﮏ ﺗﮑﯿﮧ ﺭﮐﮭﻨﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ۔ ﺍﺳﮯ ﺁﻧﮑﮭﯿﮟ ﮐﮭﻮﻟﺘﮯ ﺩﮐﮫ ﮐﺮ ﺍﺱ ﻧﮯ ﮐﭽﮫ ﻣﻌﺬﺭﺕ ﺧﻮﺍﮨﺎﻧﮧ ﺍﻧﺪﺍﺯ ﻣﯿﮟ ﮐﮩﺎ۔ ” ﮔﺮﺩﻥ ﺗﮭﮏ ﺟﺎﺗﯽ ﺍﺱ ﻃﺮﺡ ﺗﻤﮩﺎﺭﯼ۔ ” ﺍﺱ ﻧﮯ ﺳﺎﻻﺭ ﮐﺎ ﺳﻮﯾﭩﺮ ﻧﮑﺎﻟﺘﮯ ﮨﻮﺋﮯ ﮐﮩﺎ۔ ﺳﺎﻻﺭ ﻧﮯ ﮐﭽﮫ ﮐﮩﮯ ﺑﻐﯿﺮ ﺗﮑﯿﮧ ﺳﺮ ﮐﮯ ﻧﯿﭽﮯ ﻟﮯ ﻟﯿﺎ۔ ﻭﮦ ﺍﺱ ﮐﺎ ﺳﻮﯾﭩﺮ ﺗﮩﮧ ﮐﺮﺗﮯ ﮨﻮﺋﮯ۔ ﺍﭘﻨﮯ ﺑﺎﺯﻭ ﭘﺮ ﮈﺍﻟﺘﮯ ﺍﻧﺪﺭ ﭼﻠﯽ ﮔﺌﯽ۔ ﺍﯾﺴﯽ ﻧﺎﺯ ﺑﺮﺩﺍﺭﯼ ﮐﺎ ﮐﮩﺎﮞ ﺳﻮﭼﺎ ﺗﮭﺎ ﺍﺱ ﻧﮯ … ﺍﻭﺭ ﻭﮦ ﺍﯾﺴﯽ ﻧﺎﺯ ﺑﺮﺩﺍﺭﯼ ﭼﺎﮨﺘﺎ ﮨﯽ ﮐﮩﺎﮞ ﺗﮭﺎ ﺍﺱ ﺳﮯ … ﺳﺎﺗﮫ ﮐﯽ ﺧﻮﺍﮨﺶ ﺗﮭﯽ ﻭﮦ ﻣﻞ ﮔﯿﺎ ﺗﮭﺎ … ﮐﭽﮫ ﺍﻭﺭ ﻣﻠﺘﺎ ﻧﮧ ﻣﻠﺘﺎ۔ ﺍﺱ ﻧﮯ ﺩﻭﺑﺎﺭﮦ ﺁﻧﮑﮭﯿﮟ ﺑﻨﺪ ﮐﺮ ﻟﯿﮟ۔ ” ﺳﻮ ﮔﯿﺎ ﮨﮯ ﮐﯿﺎ؟ ” ﺳﻌﯿﺪﮦ ﺍﻣﺎﮞ ﻧﮯ ﮐﮭﮍﮐﯽ ﺳﮯ ﺍﺳﮯ ﺩﯾﮑﮭﺘﮯ ﮨﻮﺋﮯ ﺍﻧﺪﺭ ﺁﺗﯽ ﺍﻣﺎﻣﮧ ﺳﮯ ﭘﻮﭼﮭﺎ۔ ” ﺟﯽ، ﺳﻮ ﺭﮨﺎ ﮨﮯ۔ ” ﺍﭼﮭﺎ، ﻣﯿﮟ ﻧﮯ ﺗﻮ ﺳﻮﭼﺎ ﺗﮭﺎ ﺍﺑﮭﯽ ﺍﻭﺭ ﺗﮭﻮﮌﺍ ﺳﺎ ﺳﻤﺠﮭﺎﺅﮞ ﮔﯽ ﺍﺳﮯ، ﯾﮧ ﺳﻮ ﮐﯿﻮﮞ ﮔﯿﺎ؟ ” ﺳﻌﯿﺪﮦ ﺍﻣﺎﮞ ﮐﻮ ﻣﺎﯾﻮﺳﯽ ﺍﻭﺭ ﺗﺸﻮﯾﺶ ﺍﯾﮏ ﺳﺎﺗﮫ ﮨﻮﺋﯽ ﺗﮭﯽ۔ ” ﺗﮭﮏ ﮔﯿﺎ ﮨﮯ ﺍﻣﺎﮞ … ﺁﭖ ﻧﮯ ﺩﯾﮑﮭﺎ ﺗﻮ ﮨﮯ ﮐﺘﻨﺎ ﮐﺎﻡ ﮐﯿﺎ ﮨﮯ ﺍﺱ ﻧﮯ … ﻣﺰﺩﻭﺭﻭﮞ ﮐﮯ ﺳﺎﺗﮫ ﻣﻞ ﮐﺮ ﺳﺎﻣﺎﻥ ﺍﭨﮭﻮﺍﯾﺎ، ﮐﻞ ﺑﮭﯽ ﮔﮭﺮ ﻣﯿﮟ ﮐﺎﻡ ﮐﺮﻭﺍﺗﺎ ﺭﮨﺎ ﮨﮯ۔ ﺁﺝ ﮐﻞ ﺑﯿﻨﮏ ﻣﯿﮟ ﺑﮭﯽ ﺑﮩﺖ ﻣﺼﺮﻭﻑ ﺭﮨﺘﺎ ﮨﮯ۔ ” ﺍﻣﺎﻣﮧ ﻣﺪﮬﻢ ﺁﻭﺍﺯ ﻣﯿﮟ ﺍﻣﺎﮞ ﮐﻮ ﺑﺘﺎﺗﯽ ﮔﺌﯽ۔ ﺍﺱ ﻧﮯ ﮐﭽﻦ ﮐﯽ ﮐﮭﮍﮐﯽ ﺑﻨﺪ ﮐﺮ ﺩﯼ ﺗﮭﯽ۔ ﺳﺎﻻﺭ ﮐﯽ ﻧﯿﻨﺪ ﮐﺘﻨﯽ ﮐﭽﯽ ﺗﮭﯽ، ﺍﺳﮯ ﺍﻧﺪﺍﺯﮦ ﺗﮭﺎ۔ ” ﮨﺎﮞ ! ﻟﯿﮑﻦ … ” ﺍﻣﺎﻣﮧ ﻧﮯ ﺑﮯ ﺍﺧﺘﯿﺎﺭ ﺳﻌﯿﺪﮦ ﺍﻣﺎﮞ ﮐﻮ ﺁﮨﺴﺘﮧ ﺳﮯ ﭨﻮﮐﺎ۔ ” ﺍﻣﺎﮞ ! ﺁﮨﺴﺘﮧ ﺑﺎﺕ ﮐﺮﯾﮟ، ﻭﮦ ﺍﭨﮫ ﺟﺎﺋﮯ ﮔﺎ ﭘﮭﺮ۔ ” ” ﺩﯾﮑﮫ، ﺗﺠﮭﮯ ﮐﺘﻨﺎ ﺧﯿﺎﻝ ﮨﮯ ﺍﺱ ﮐﺎ … ﺍﻭﺭ ﺍﯾﮏ ﻭﮦ ﮨﮯ … ” ﺳﻌﯿﺪﮦ ﺍﻣﺎﮞ ﺭﻧﺠﯿﺪﮦ ﮨﻮﺋﯿﮟ۔ ﺍﻣﺎﻣﮧ ﺍﺏ ﺑﺮﯼ ﻃﺮﺡ ﭘﭽﮭﺘﺎ ﺭﮨﯽ ﺗﮭﯽ۔ ﺳﺎﻻﺭ ﮐﮯ ﺑﺎﺭﮮ ﻣﯿﮟ ﻭﮦ ﺳﻌﯿﺪﮦ ﺍﻣﺎﮞ ﺳﮯ ﺍﺱ ﻃﺮﺡ ﮐﯽ ﻏﯿﺒﺖ ﻧﮧ ﮐﺮﺗﯽ ﺗﻮ ﺳﻌﯿﺪﮦ ﺍﻣﺎﮞ ﺍﺳﮯ ” ﻗﺎﺑﻞ ﺍﻋﺘﺒﺎﺭ ” ﺳﻤﺠﮭﺘﯿﮟ۔ ﺍﺏ ﻣﺴﺌﻠﮧ ﯾﮧ ﮨﻮ ﺭﮨﺎ ﺗﮭﺎ ﮐﮧ ﺳﻌﯿﺪﮦ ﺍﻣﺎﮞ ﮐﻮ ﺍﺱ ﮐﯽ ﻻﮐﮫ ﯾﻘﯿﻦ ﺩﮨﺎﻧﯿﻮﮞ ﮐﮯ ﺑﺎﻭﺟﻮﺩ ﺑﯿﭩﮭﮯ ﺑﭩﮭﺎﺋﮯ ﺳﺎﻻﺭ ﮐﯽ ﭘﮩﻠﯽ ﺑﯿﻮﯼ ﮐﮯ ﺣﻮﻟﮯ ﺳﮯ ﭘﺘﺎ ﻧﮩﯿﮟ ﮐﯿﺎ ﮐﯿﺎ ﺧﺪﺷﺎﺕ ﺳﺘﺎﺗﮯ ﺭﮨﺘﮯ، ﺍﻧﮩﯿﮟ ﺟﯿﺴﮯ ﯾﻘﯿﻦ ﺗﮭﺎ ﮐﮧ ﺍﻣﺎﻣﮧ ﺍﻥ ﺳﮯ ﺿﺮﻭﺭ ﮐﭽﮫ ﭼﮭﭙﺎﻧﮯ ﻟﮕﯽ ﮨﮯ۔ ﻭﮦ ﺳﺎﻻﺭ ﮐﮯ ﺳﺎﺗﮫ ﺍﺗﻨﯽ ﺧﻮﺵ ﻧﮩﯿﮟ ﺗﮭﯽ، ﺟﺘﻨﺎ ﻭﮦ ﻇﺎﮨﺮ ﮐﺮﺗﯽ ﺗﮭﯽ، ﺍﻭﺭ ﺍﺱ ﺗﺎﺛﺮ ﮐﯽ ﺑﻨﯿﺎﺩﯼ ﻭﺟﮧ ﺳﺎﻻﺭ ﮐﯽ ﻭﮦ ﻣﮑﻤﻞ ﺧﺎﻣﻮﺷﯽ ﺗﮭﯽ، ﺟﻮ ﻭﮦ ﺳﻌﯿﺪﮦ ﺍﻣﺎﮞ ﮐﯽ ﺍﻣﺎﻣﮧ ﮐﮯ ﺳﻠﺴﻠﮯ ﻣﯿﮟ ﮐﯽ ﺟﺎﻧﮯ ﻭﺍﻟﯽ ﺑﺎﺗﻮﮞ ﭘﺮ ﺍﺧﺘﯿﺎﺭ ﮐﺮﺗﺎ ﺗﮭﺎ۔ ﺳﺎﻻﺭ ﮐﯽ ﺧﺎﻣﻮﺷﯽ ﮐﯽ ﻭﺟﮧ ﺍﺱ ﮔﻔﺖ ﮔﻮ ﮐﯽ ﻧﻮﻋﯿﺖ ﺗﮭﯽ، ﺟﻮ ﺳﻌﯿﺪﮦ ﺍﻣﺎﮞ ﺍﺱ ﺳﮯ ﮐﺮﺗﯽ ﺗﮭﯿﮟ۔ ﺍﯾﮏ ﭼﯿﺰ ﺟﻮ ﺍﻣﺎﻣﮧ ﻧﮯ ﺍﺱ ﺳﺎﺭﯼ ﺻﻮﺭﺕِ ﺣﺎﻝ ﻣﯿﮟ ﺳﯿﮑﮭﯽ ﺗﮭﯽ، ﻭﮦ ﯾﮧ ﺗﮭﯽ ﮐﮧ ﺍﺳﮯ ﺍﭘﻨﮯ ﺷﻮﮨﺮ ﮐﮯ ﺑﺎﺭﮮ ﻣﯿﮟ، ﮐﺴﯽ ﺩﻭﺳﺮﮮ ﺳﮯ ﮐﻮﺋﯽ ﺷﮑﺎﯾﺖ ﻧﮩﯿﮟ ﮐﺮﻧﯽ۔ ﺍﺱ ﮐﯽ ﺯﺑﺎﻥ ﺳﮯ ﻧﮑﻠﮯ ﮨﻮﺋﮯ ﮐﭽﮫ ﻟﻔﻆ ﺍﺏ ﺍﺳﯽ ﭘﺮ ﺑﮩﺖ ﺑﮭﺎﺭﯼ ﭘﮍ ﺭﮨﮯ ﺗﮭﮯ۔ ” ﺑﺲ ﺍﻓﻄﺎﺭ ﺍﻭﺭ ﮐﮭﺎﻧﮯ ﮐﮯ ﻟﯿﮯ ﯾﮩﯽ ﮐﭽﮫ … ﻣﯿﮟ ﻧﮯ ﮐﺘﻨﺎ ﺳﺎﻣﺎﻥ ﻣﻨﮕﻮﺍﯾﺎ ﮨﮯ۔ ﺑﯿﭩﺎ ! ﺩﻭ ﭼﺎﺭ ﮐﮭﺎﻧﮯ ﺗﻮ ﺗﻢ ﺑﻨﺎﺅ، ﻣﯿﮟ ﻧﮯ ﮐﮩﺎ ﺑﮭﯽ ﺗﮭﺎ ﺳﺎﺗﮫ ﻭﺍﻟﻮﮞ ﮐﯽ ﻧﺒﯿﻠﮧ ﮐﻮ ﺑﻼ ﻟﻮ۔ ” ﺍﻣﺎﻣﮧ ﻧﮯ ﺳﻌﯿﺪﮦ ﺍﻣﺎﮞ ﮐﻮ ﭨﻮﮐﺘﮯ ﮨﻮﺋﮯ ﮐﮩﺎ ﺟﻮ ﮐﭽﻦ ﻣﯿﮟ ﮐﮭﺎﻧﮯ ﮐﮯ ﺳﺎﻣﺎﻥ ﮐﻮ ﺗﯿﺎﺭ ﮨﻮﺗﺎ ﺩﯾﮑﮫ ﮐﺮ ﭼﻮﻧﮑﯿﮟ۔ ﻭﮨﺎﮞ ﻣﮩﻤﺎﻥ ﺩﺍﺭﯼ ﮐﮯ ﮐﻮﺋﯽ ﺍﻧﺘﻈﺎﻣﺎﺕ ﻧﻈﺮ ﻧﮩﯿﮟ ﺁﺭﮨﮯ ﺗﮭﮯ۔ ” ﺍﻣﺎﮞ ! ﺳﺎﻻﺭ ﻧﮯ ﻣﻨﻊ ﮐﯿﺎ ﮨﮯ۔ ﻭﮦ ﻧﮩﯿﮟ ﮐﮭﺎﺗﺎ ﯾﮧ ﭼﯿﺰﯾﮟ۔ ” ﺍﻣﺎﻣﮧ ﻧﮯ ﭼﺎﻭﻝ ﻧﮑﺎﻟﺘﮯ ﮨﻮﺋﮯ ﮐﮩﺎ۔ ” ﭘﮩﻠﮯ ﺍﺱ ﮐﻮ ﮐﻮﺋﯽ ﭘﮑﺎ ﮐﺮ ﺩﯾﻨﮯ ﻭﺍﻻ ﻧﮩﯿﮟ ﺗﮭﺎ ﻟﯿﮑﻦ ﺍﺏ ﮨﮯ ﻧﺎ۔ ” ” ﭘﮑﺎ ﮐﺮ ﺩﯾﻨﮯ ﻭﺍﻻ ﮨﻮﺗﺎ ﺗﻮ ﺗﺐ ﺑﮭﯽ ﻧﮧ ﮐﮭﺎﺗﺎ۔ ﺍﻣﺎﮞ ﻭﮦ ﮐﮭﺎﻧﮯ ﭘﯿﻨﮯ ﮐﺎ ﺷﻮﻕ ﻧﮩﯿﮟ ﮨﮯ۔ ” ” ﮐﺴﯽ ﺑﮭﯽ ﭼﯿﺰ ﮐﺎ ﺷﻮﻕ ﻧﮩﯿﮟ ﮨﮯ ﺍﺳﮯ؟ ” ” ﮐﺴﯽ ﺑﮭﯽ ﭼﯿﺰ … ؟ ” ﻭﮦ ﺳﻮﭺ ﻣﯿﮟ ﭘﮍ ﮔﺌﯽ۔ ” ﺍﻣﺎﮞ، ﺟﮭﯿﻨﮕﮯ ﻭﻏﯿﺮﮦ ﭘﺴﻨﺪ ﮨﯿﮟ ﺍﺳﮯ، ﻟﯿﮑﻦ ﺍﺏ ﺍﺱ ﻭﻗﺖ ﻭﮦ ﺗﻮ ﻧﮩﯿﮟ ﮐﮭﻼ ﺳﮑﺘﯽ ﻧﺎ ﻣﯿﮟ ﺍﺳﮯ۔ ﺁﭖ ﮐﻮ ﺗﻮ ﭘﺘﺎ ﮨﮯ ﻣﺠﮭﮯ ﮐﺘﻨﯽ ﮔﮭﻦ ﺁﺗﯽ ﮨﮯ ﺍﺱ ﻃﺮﺡ ﮐﯽ ﭼﯿﺰﻭﮞ ﺳﮯ۔ ” ﺍﻣﺎﻣﮧ ﻧﮯ ﺍﻣﺎﮞ ﮐﻮ ﺑﺘﺎﯾﺎ۔ ” ﻟﯿﮑﻦ ﺍﮔﺮ ﺍﺳﮯ ﭘﺴﻨﺪ ﮨﮯ ﺗﻮ ﺑﻨﺎ ﺩﯾﺎ ﮐﺮ ﺑﯿﭩﺎ ”! ﺍﻣﺎﻣﮧ ﻧﮯ ﺟﻮﺍﺏ ﻣﯿﮟ ﮐﭽﮫ ﻧﮩﯿﮟ ﮐﮩﺎ۔ ” ﮨﺎﮞ ” ﺁﺳﺎﻥ ﻧﮩﯿﮟ ﺗﮭﯽ ﺍﻭﺭ ” ﻧﮧ ﮐﺎ ﻣﻄﻠﺐ ﺳﻌﯿﺪﮦ ﺍﻣﺎﮞ ﮐﺎ ﺍﯾﮏ ﻟﻤﺒﺎ ﻟﯿﮑﭽﺮ ﺳﻨﻨﺎ ﺗﮭﺎ۔ ٭٭٭٭ ﺧﻮﻥ ﮐﮩﺎﮞ ﺳﮯ ﻧﮑﻞ ﺭﮨﺎ ﺗﮭﺎ، ﻭﮦ ﺍﻧﺪﺍﺯﮦ ﻧﮩﯿﮟ ﮐﺮ ﺳﮑﺎ، ﻟﯿﮑﻦ ﺍﺱ ﮐﮯ ﮨﺎﺗﮭﻮﮞ ﭘﺮ ﺧﻮﻥ ﻟﮕﺎ ﮨﻮﺍ ﺗﮭﺎ۔ ﻭﮦ ﮨﺘﮭﯿﻠﯿﻮﮞ ﮐﻮ ﺗﮑﻠﯿﻒ ﺍﻭﺭ ﺧﻮﻑ ﮐﮯ ﻋﺎﻟﻢ ﻣﯿﮟ ﺩﯾﮑﮫ ﺭﮨﺎ ﺗﮭﺎ، ﭘﮭﺮ ﺍﺱ ﻧﮯ ﺟﮭﮏ ﮐﺮ ﺍﭘﻨﮯ ﺳﻔﯿﺪ ﻟﺒﺎﺱ ﮐﻮ ﺩﯾﮑﮭﺎ۔ ﺍﺱ ﮐﺎ ﻟﺒﺎﺱ ﺑﮯ ﺩﺍﻍ ﺗﮭﺎ۔ ﭘﮭﺮ ﮨﺎﺗﮭﻮﮞ ﭘﺮ ﻟﮕﺎ ﮨﻮﺍ ﺧﻮﻥ … ﺍﻭﺭ ﺟﺴﻢ ﻣﯿﮟ ﮨﻮﻧﮯ ﻭﺍﻟﯽ ﯾﮧ ﺗﮑﻠﯿﻒ … ﻭﮦ ﺳﻤﺠﮫ ﻧﮩﯿﮟ ﭘﺎ ﺭﮨﺎ ﺗﮭﺎ۔ ﺍﺱ ﮐﯽ ﮨﺘﮭﯿﻠﯿﻮﮞ ﺳﮯ ﺧﻮﻥ ﮐﮯ ﭼﻨﺪ ﻗﻄﺮﮮ ﺍﺱ ﮐﮯ ﺳﻔﯿﺪ ﻗﻤﯿﺺ ﮐﮯ ﺩﺍﻣﻦ ﭘﺮ ﮔﺮﮮ۔ ﺳﺎﻻﺭ ! ﻋﺼﺮ ﮐﺎ ﻭﻗﺖ ﺟﺎ ﺭﮨﺎ ﮨﮯ، ﻧﻤﺎﺯ ﭘﮍﮪ ﻟﻮ۔ ” ﻭﮦ ﮨﮍﺑﮍﺍ ﮐﺮ ﺍﭨﮭﺎ ﺗﮭﺎ۔ ﺍﻣﺎﻣﮧ ﺍﺱ ﮐﮯ ﭘﺎﺱ ﮐﮭﮍﯼ ﺍﺱ ﮐﺎ ﮐﻨﺪﮬﺎ ﮨﻼﺗﮯ ﮨﻮﺋﮯ، ﺍﺳﮯ ﺟﮕﺎ ﺭﮨﯽ ﺗﮭﯽ۔ ﺳﺎﻻﺭ ﻧﮯ ﭼﺎﺭﻭﮞ ﻃﺮﻑ ﺩﯾﮑﮭﺎ، ﭘﮭﺮ ﺍﭘﻨﮯ ﺩﻭﻧﻮﮞ ﮨﺎﺗﮭﻮﮞ ﮐﻮ، ﺍﺱ ﮐﯽ ﮨﺘﮭﯿﻠﯿﺎﮞ ﺻﺎﻑ ﺗﮭﯿﮟ۔ ﺍﺱ ﮐﺎ ﺳﺎﻧﺲ ﺑﮯ ﺗﺮﺗﯿﺐ ﺗﮭﺎ، ﺍﻣﺎﻣﮧ ﺍﺱ ﮐﺎ ﮐﻨﺪﮬﺎ ﮨﻼ ﮐﺮ ﭼﻠﯽ ﮔﺌﯽ ﺗﮭﯽ۔ ﺳﺎﻻﺭ ﺍﭨﮫ ﮐﺮ ﺑﯿﭩﮫ ﮔﯿﺎ۔ ﻭﮦ ﺧﻮﺍﺏ ﺗﮭﺎ، ﺟﻮ ﻭﮦ ﺩﯾﮑﮫ ﺭﮨﺎ ﺗﮭﺎ۔ ﭼﺎﺭﭘﺎﺋﯽ ﭘﺮ ﺑﯿﭩﮭﮯ، ﺍﺱ ﻧﮯ ﺧﻮﺍﺏ ﮐﻮ ﯾﺎﺩ ﮐﺮﺗﮯ ﮨﻮﺋﮯ ﮐﭽﮫ ﺁﯾﺎﺕ ﮐﯽ ﺗﻼﻭﺕ ﺷﺮﻭﻉ ﮐﺮ ﺩﯼ۔ ﻭﮦ ﺑﮩﺖ ﻋﺮﺻﮯ ﮐﮯ ﺑﻌﺪ ﮐﻮﺋﯽ ﮈﺭﺍﺅﻧﺎ ﺧﻮﺍﺏ ﺩﯾﮑﮫ ﺭﮨﺎ ﺗﮭﺎ۔ ﺻﺤﻦ ﮐﯽ ﺩﮬﻮﭖ ﺍﺏ ﮈﮬﻞ ﭼﮑﯽ ﺗﮭﯽ۔ ﺍﺱ ﻧﮯ ﺑﮯ ﺍﺧﺘﯿﺎﺭ ﺍﭘﻨﯽ ﮔﮭﮍﯼ ﭘﺮ ﻭﻗﺖ ﺩﯾﮑﮭﺎ، ﻋﺼﺮ ﮐﯽ ﺟﻤﺎﻋﺖ ﮐﺎ ﻭﻗﺖ ﻧﮑﻞ ﭼﮑﺎ ﺗﮭﺎ ﺍﺳﮯ ﺍﺏ ﮔﮭﺮ ﻣﯿﮟ ﮨﯽ ﻧﻤﺎﺯ ﭘﮍﮬﻨﯽ ﺗﮭﯽ۔ ﺍﭘﻨﯽ ﺟﺮﺍﺑﯿﮟ ﺍﺗﺎﺭﺗﮯ ﮨﻮﺋﮯ ﺑﮭﯽ ﻭﮦ ﺧﻮﺍﺏ ﮐﮯ ﺑﺎﺭﮮ ﻣﯿﮟ ﺳﻮﭺ ﮐﺮ ﭘﺮﯾﺸﺎﻥ ﮨﻮﺗﺎ ﺭﮨﺎ۔ ﺍﻣﺎﻣﮧ ﺗﺐ ﺗﮏ ﺍﺱ ﮐﺎ ﺳﻮﯾﭩﺮ ﺍﻭﺭ ﻭﺿﻮ ﮐﺮﻧﮯ ﮐﯽ ﺍﻧﺪﺭ ﺳﮯ ﭼﭙﻞ ﻟﮯ ﺁﺋﯽ ﺗﮭﯽ۔ ” ﻃﺒﯿﻌﺖ ﭨﮭﯿﮏ ﮨﮯ ﺗﻤﮩﺎﺭﯼ؟ ” ﺍﺳﮯ ﺳﻮﯾﭩﺮ ﺩﯾﺘﮯ ﮨﻮﺋﮯ ﺍﻣﺎﻣﮧ ﻧﮯ ﭘﮩﻠﯽ ﺑﺎﺭ ﺍﺱ ﮐﮯ ﭼﮩﺮﮮ ﮐﻮ ﻏﻮﺭ ﺳﮯ ﺩﯾﮑﮭﺎ۔ ﺍﺱ ﮐﺎ ﭼﮩﺮﮦ ﺍﺳﮯ ﮐﭽﮫ ﺳﺮﺥ ﻟﮕﺎ ﺗﮭﺎ۔ ﺍﺱ ﻧﮯ ﺳﺎﻻﺭ ﮐﯽ ﭘﯿﺸﺎﻧﯽ ﭘﺮ ﮨﺎﺗﮫ ﺭﮐﮫ ﮐﺮ ﺍﺱ ﮐﺎ ﭨﻤﭙﺮﯾﭽﺮ ﭼﯿﮏ ﮐﯿﺎ۔ ” ﺑﺨﺎﺭ ﻧﮩﯿﮟ ﮨﮯ، ﺩﮬﻮﭖ ﻣﯿﮟ ﺳﻮﻧﮯ ﮐﯽ ﻭﺟﮧ ﺳﮯ ﻟﮕﺎ ﮨﻮ ﮔﺎ۔ ” ﺳﺎﻻﺭ ﻧﮯ ﺳﻮﯾﭩﺮ ﭘﮩﻨﺘﮯ ﮨﻮﺋﮯ ﺍﺱ ﺳﮯ ﮐﮩﺎ۔ ﺍﻣﺎﻣﮧ ﮐﻮ ﻭﮦ ﮐﺴﯽ ﮔﮩﺮﯼ ﺳﻮﭺ ﻣﯿﮟ ﻟﮕﺎ ٭٭٭٭ (جاری ہے).....