Ausaf Arham ✍🏻 https://whatsapp.com/channel/0029Vb0FeaJJJhzP3joTGh0s ✍🏻 #آب_حیات #از_عمیرہ_احمد #آپ_کے_لیے #قسط_نمبر_17 تم ﻣﯿﺮﮮ ﺁﻓﺲ ﺁﺅ . ۔۔۔ ﺍﺱ ﻧﮯ ﺳﺮﺩ ﻣﮩﺮﯼ ﺳﮯ ﻓﻮﻥ ﺑﻨﺪ ﮐﺮﺗﮯ ﮨﻮﺋﮯ ﮐﮩﺎ۔۔۔۔۔۔ ﮐﺐ ﺑﯿﭽﺎ ﺗﮭﺎ ﭘﻼﭦ؟؟ ﺍﺱ ﮐﮯ ﺁﻓﺲ ﭘﮩﻨﭻ ﮐﺮ ﮐﺮﺳﯽ ﭘﮧ ﺑﯿﭩﮭﺘﮯ ﮨﯽ ﺳﮑﻨﺪﺭ ﻧﮯ ﺍﺱ ﺳﮯ ﭘﻮﭼﮭﺎ۔۔ ﭘﭽﮭﻠﮯ ﻣﮩﯿﻨﮯ۔ ﺍﺱ ﻧﮯ ﻟﮩﺠﮧ ﮨﻤﻮﺍﺭ ﺭﮐﮭﻨﮯ ﮐﯽ ﮐﻮﺷﺶ ﮐﯽ ﺗﮭﯽ۔۔۔ ﮐﯿﻮﮞ؟؟ ﻣﺠﮭﮯ ﮐﭽﮫ ﺭﻗﻢ ﮐﯽ ﺿﺮﻭﺭﺕ ﺗﮭﯽ۔۔ ﮐﺲ ﻟﯿﺌﮯ۔۔؟؟ ﺳﺎﻻﺭ ﺍﺱ ﺑﺎﺭ ﺟﻮﺍﺏ ﺩﯾﺘﮯ ﮨﻮﺋﮯ ﺟﮭﺠﮑﺎ۔۔۔ ﮐﺲ ﻟﯿﺌﮯ ﺭﻗﻢ ﮐﯽ ﺿﺮﻭﺭﺕ ﺗﮭﯽ۔۔ ﻣﺠﮭﮯ ﺍﻣﺎﻣﮧ ﮐﻮ ﺍﯾﮏ ﺭﻧﮓ ﺧﺮﯾﺪ ﮐﺮ ﺩﯾﻨﯽ ﺗﮭﯽ۔۔۔۔ﺳﮑﻨﺪﺭ ﮐﻮ ﻟﮕﺎ ﮐﮧ ﺍﺱ ﻧﮯ ﺳﻨﻨﮯ ﻣﯿﮟ ﻏﻠﻄﯽ ﮐﯽ ﮨﮯ۔۔۔ ﮐﯿﺎ؟؟؟؟؟ ﺍﻣﺎﻣﮧ ﮐﮯ ﻟﯿﺌﮯ ﺭﻧﮓ ﺧﺮﯾﺪﻧﯽ ﺗﮭﯽ۔۔ﺍﺱ ﻧﮯ ﺍﭘﻨﺎ ﺟﻮﺍﺏ ﺩﮨﺮﺍﯾﺎ۔۔۔ ﻻﮐﮫ ﺩﻭ ﻻﮐﮫ ﮐﯽ ﺭﻧﮓ ﮐﮯ ﻟﯿﺌﮯ ﺗﻢ ﻧﮯ ﭘﻼﭦ ﺑﯿﭻ ﺩﯾﺎ۔۔۔ ﺍﭘﻨﺎ ﮐﺮﯾﮉﭦ ﮐﺎﺭﮈ ﺍﺳﺘﻌﻤﺎﻝ ﮐﺮﺗﮯ ﺑﻨﮏ ﺳﮯ ﭘﺮﺳﻨﻞ ﻟﻮﻥ ﻟﯿﺘﮯ ﯾﺎ ﻣﺠﮫ ﺳﮯ ﮐﮩﺘﮯ۔۔۔ ﻣﯿﮟ ﻟﻮﻥ ﻟﯿﮑﺮ ﺍﺳﮯ ﮔﻔﭧ ﻧﮩﯿﮟ ﮐﺮﻧﺎ ﭼﺎﮨﺘﺎ ﺗﮭﺎ۔ﺍﻭﺭ ﺍﯾﮏ ﺩﻭ ﻻﮐﮫ ﮐﯽ ﺍﻧﮕﻮﭨﮭﯽ ﻧﮩﯿﮟ ﺗﮭﯽ ﮐﭽﮫ ﺯﯾﺎﺩﮦ ﻣﮩﻨﮕﯽ ﺗﮭﯽ۔۔ﺁﭖ ﺍﺗﻨﮯ ﭘﯿﺴﮯ ﮐﺒﮭﯽ ﻧﮧ ﺩﯾﺘﮯ ﻣﺠﮭﮯ۔۔ ﻭﮦ ﺑﮍﯼ ﺭﺳﺎﻧﯿﺖ ﺳﮯ ﮐﮩﮧ ﺭﮨﺎ ﺗﮭﺎ۔۔۔ ﮐﺘﻨﯽ ﻣﮩﻨﮕﯽ ﮨﻮﺗﯽ۔۔ﭼﺎﺭ ﯾﺎ ﭘﺎﻧﭻ ﻻﮐﮫ ﮐﯽ ﮨﻮﺗﯽ۔۔۔ﭼﻠﻮ ﺩﺱ ﻻﮐﮫ ﮐﯽ ﮨﻮﺗﯽ ﻣﯿﮟ ﺩﮮ ﺩﯾﺘﺎ ﺗﻤﮩﯿﮟ۔ ﺳﮑﻨﺪﺭ ﺑﮯ ﺣﺪ ﺧﻔﺎ ﺗﮭﮯ۔۔ﻭﮦ ﭘﻼﭦ ﭘﻮﻧﮯ ﺩﻭ ﮐﺮﻭﮌ ﮐﺎ ﺗﮭﺎ ﺟﺴﮯ ﻭﮦ ﮈﯾﮍﮪ ﮐﺮﻭﮌ ﻣﯿﮟ ﺑﯿﭻ ﺁﯾﺎ ﺗﮭﺎ۔۔ ﺩﺱ ﻻﮐﮫ ﮐﯽ ﺑﺎﺕ ﻧﮩﯿﮟ ﺗﮭﯽ۔۔۔ﺳﮑﻨﺪﺭ ﻧﮯ ﺍﺳﮯ ﮐﮩﺘﮯ ﺳﻨﺎ۔۔۔ ﭘﮭﺮ؟؟ ﺳﮑﻨﺪﺭ ﮐﮯ ﻣﺎﺗﮭﮯ ﭘﺮ ﺑﻞ ﺁﺋﮯ۔۔۔ﺳﺎﻻﺭ ﻧﮯ ﺍﭘﻨﺎ ﮔﻼ ﺻﺎﻑ ﮐﯿﺎ۔۔۔ 13.7 ﯾﮧ ﻭﺍﺣﺪ ﻃﺮﯾﻘﮧ ﺗﮭﺎ ﺟﺲ ﻭﮦ ﺍﺱ ﮐﯽ ﻗﯿﻤﺖ ﺗﯿﻦ ﮨﻨﺪﺳﻮﮞ ﻣﯿﮟ ﮐﺮ ﭘﺎﯾﺎ ﺗﮭﺎ۔۔ ﮐﯿﺎ؟؟ ﺳﮑﻨﺪﺭ ﮐﻮ ﮐﭽﮫ ﺳﻤﺠﮫ ﻧﮩﯿﮟ ﺁﺋﯽ۔ 13.7 ۔۔۔ﺳﺎﻻﺭ ﻧﮯ ﺍﯾﮏ ﺑﺎﺭ ﭘﮭﺮ ﮔﻠﮧ ﺻﺎﻑ ﮐﺮ ﮐﮯ ﺍﮔﻼ ﻟﻔﻆ ﮐﮩﺎ۔۔ﺳﮑﻨﺪﺭ ﮐﻮ ﭼﻨﺪ ﻟﻤﺤﮯ ﺳﺎﻧﺲ ﻧﮩﯿﮟ ﺁﯾﺎ۔۔۔۔ ﺍﺳﮯ ﭘﮩﻠﯽ ﺑﺎﺭ ﺍﺱ ﮐﯽ ﺑﺎﺕ ﺳﻤﺠﮫ ﻣﯿﮟ ﺁﺋﯽ ﺗﮭﯽ۔۔۔ 13.7 ﻣﻠﯿﻦ ﮐﯽ ﺭﻧﮓ ﺩﯼ ﮨﮯ ﺗﻢ ﻧﮯ ﺍﺳﮯ؟؟ ﺍﻥ ﮐﺎ ﺫﮨﻦ ﺟﯿﺴﮯ ﺑﮭﮏ ﺍﮌ ﮔﯿﺎ۔۔ﺳﺎﻻﺭ ﭨﯿﺒﻞ ﭘﺮ ﭘﮍﮮ ﭘﯿﭙﺮﻭﯾﭧ ﭘﺮ ﺍﻧﮕﻠﯿﺎﮞ ﭘﮭﯿﺮ ﺭﮨﺎ ﺗﮭﺎ۔۔۔ ﺳﺎﻻﺭ ﺍﯾﮏ ﮐﺮﻭﮌ ﺳﯿﻨﺘﯿﺲ ﻻﮐﮫ ﮐﯽ ﺭﻧﮓ ﺩﯼ ﮨﮯ ﺗﻢ ﻧﮯ ﺍﺳﮯ۔۔۔ ﺟﯽ۔۔۔۔۔ﺍﺱ ﺑﺎﺕ ﺳﺎﻻﺭ ﻧﮯ ﻧﻈﺮﯾﮟ ﺍﭨﮭﺎ ﮐﺮ ﺳﮑﻨﺪﺭ ﮐﻮ ﺩﯾﮑﮭﺎ۔۔۔ ﺳﮑﻨﺪﺭ ﺑﮯ ﯾﻘﯿﻨﯽ ﺳﮯ ﺍﺳﮑﯽ ﺁﻧﮑﮭﻮﮞ ﻣﯿﮟ ﺩﯾﮑﮭﺘﮯ ﺭﮨﮯ۔ﺳﺎﻻﺭ ﻧﮯ ﻧﻈﺮﯾﮟ ﭼﺮﺍ ﻟﯽ۔ ﻭﮦ ﺍﺏ ﺍﻧﮑﮯ ﻋﻘﺐ ﻣﯿﮟ ﻟﮕﯽ ﭘﯿﻨﭩﻨﮓ ﮐﻮ ﺩﯾﮑﮫ ﺭﮨﺎ ﺗﮭﺎ۔۔۔۔ ﺍﺳﮑﮯ ﭼﮩﺮﮮ ﭘﮧ ﻧﻈﺮﯾﮟ ﺟﻤﺎﺋﮯ ﺳﮑﻨﺪﺭ ﻧﮯ ﺭﯾﻮﺍﻟﻮﻧﮓ ﭼﯿﺌﺮ ﮐﯽ ﭘﺸﺖ ﺳﮯ ﭨﯿﮏ ﻟﮕﺎ ﻟﯽ۔ ﻭﮦ ﺍﮔﺮ ﺍﺳﮯ ﺍﻟﻮ ﮐﺎ ﭘﭩﮭﺎ ﮐﮩﺘﮯ ﺗﮭﮯ ﺗﻮ ﭨﮭﯿﮏ ﮨﯽ ﮐﮩﺘﮯ ﺗﮭﮯ۔ *--------******------******* ﮐﮩﺎﮞ ﺳﮯ ﻟﯽ ﺗﮭﯽ ﺭﻧﮓ؟ ﺑﻶﺧﺮ ﺍﻧﮩﻮﮞ ﻧﮯ ﻟﻤﺒﯽ ﺧﺎﻣﻮﺷﯽ ﮐﻮ ﺗﻮﮌﺍ۔ Tiffany ﺳﮯ۔ ﺍﻧﮩﯿﮟ ﺍﯾﺴﮯ ﮨﯽ ﮐﺴﯽ ﻧﺎﻡ ﮐﯽ ﺗﻮﻗﻊ ﺗﮭﯽ۔ ﮈﯾﺰﺍﺋﻦ ﮐﯿﺎ ﮨﻮﮔﺎ؟ ﺍﺱ ﻣﺎﻟﯿﺖ ﮐﯽ ﺭﻧﮓ ﻧﺎﺩﺭ ﮨﻮﺗﯽ ﮨﮯ۔ ﺟﯽ ! jewellery statment ﺍﺱ ﻧﮯ tiffany ﮐﯽ ﺳﺐ ﺳﮯ ﻣﮩﻨﮕﯽ ﺭﯾﻨﺞ ﻣﯿﮟ ﺁﻧﮯ ﻭﺍﻟﯽ ﺟﯿﻮﻟﺮﯼ ﮐﻮﻟﯿﮑﺸﻦ ﮐﺎ ﻧﺎﻡ ﻟﯿﺎ۔ ﺗﻮ ﮐﻮﺋﯽ ﺍﺱ ﺳﮯ ﺯﯾﺎﺩﮦ ﻣﮩﻨﮕﯽ ﺭﻧﮓ ﻧﮩﯿﮟ ﺗﮭﯽ؟ ﺍﺑﮭﯽ ﺩﻭﺳﺮﺍ ﭘﻼﭦ ﭘﮍﺍ ﺗﮭﺎ۔ ﭼﺎﺭ ﮨﯿﺮﮮ ﺍﻭﺭ ﻟﮕﻮﺍ ﺩﯾﺘﮯ ﺍﺱ ﻣﯿﮟ۔ ﺳﮑﻨﺪﺭ ﻧﮯ ﭨﯿﺒﻞ ﭘﺮ ﭘﮍﮮ ﺳﮕﺎﺭ ﮐﯿﺲ ﺳﮯ ﺍﯾﮏ ﺳﮕﺎﺭ ﻧﮑﺎﻟﺘﮯ ﮨﻮﺋﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍﺱ ﺳﮯ ﮐﮩﺎ۔ ﺳﺎﻻﺭ ﮐﮯ ﺩﺍﺋﯿﮟ ﮔﺎﻝ ﻣﯿﮟ ﮈﻣﭙﻞ ﭘﮍﺍ۔ ﺍﺱ ﻧﮯ ﯾﻘﯿﻨﺎً ﺍﭘﻨﯽ ﻣﺴﮑﺮﺍﮨﭧ ﺿﺒﻂ ﮐﯽ ﺗﮭﯽ۔ ﺳﮑﻨﺪﺭ ﮐﺎ ﺧﯿﺎﻝ ﺗﮭﺎ ﺍﺱ ﮐﯽ ﯾﮧ ﻣﺴﮑﺮﺍﮨﭧ ﺷﺮﻣﻨﺪﮔﯽ ﮐﯽ ﻭﺟﮧ ﺳﮯ ﺗﮭﯽ۔ ﺍﻧﮑﮯ ﭘﺎﺅﮞ ﺗﻠﮯ ﺳﮯ ﯾﻘﯿﻨﺎً ﺯﻣﯿﻦ ﮐﮭﺴﮏ ﺟﺎﺗﯽ ﺍﮔﺮ ﺍﻧﮩﯿﮟ ﯾﮧ ﭘﺘﮧ ﭼﻠﺘﺎ ﮐﮧ ﺍﺱ ﻧﮯ ﭘﮩﻠﮯ ﺩﻭﻧﻮﮞ ﭘﻼﭨﺲ ﺑﯿﭻ ﮐﺮ ﺍﺳﮯ ﺍﯾﮏ ﻧﯿﮑﻠﺲ ﺩﯾﻨﮯ ﮐﺎ ﺳﻮﭼﺎ ﺗﮭﺎ۔ ﻟﯿﮑﻦ ﭘﮭﺮ ﺍﺳﮯ ﺍﻧﮕﻮﭨﮭﯽ ﮐﺎ ﺧﯿﺎﻝ ﺁﮔﯿﺎ ﺟﻮ ﺍﻣﺎﻣﮧ ﻣﺴﺘﻘﻞ ﻃﻮﺭ ﭘﮧ ﭘﮩﻦ ﺳﮑﺘﯽ ﺗﮭﯽ۔ ﻣﯿﮟ ﮐﺘﺎﺑﻮﮞ ﻣﯿﮟ ﺟﺐ ﺭﺍﻧﺠﮭﺎ، ﻓﺮﮨﺎﺩ، ﺭﻭﻣﯿﻮ، ﻣﺠﻨﻮﻥ ﻭﻏﯿﺮﮦ ﮐﮯ ﺑﺎﺭﮮ ﻣﯿﮟ ﭘﮍﮬﺘﺎ ﺗﮭﺎ ﺗﻮ ﻣﯿﮟ ﺳﻮﭼﺘﺎ ﺗﮭﺎ ﮐﮧ ﯾﮧ ﺳﺎﺭﯼ ﻟﻔﺎﻇﯽ ﮨﮯ۔ ﮐﻮﺋﯽ ﻣﺮﺩ ﺍﺗﻨﺎ ﺍﻟﻮ ﮐﺎ ﭘﭩﮭﺎ ﻧﮩﯿﮟ ﮨﻮ ﺳﮑﺘﺎ۔ ﻟﯿﮑﻦ ﺗﻢ ﻧﮯ ﺗﻮ ﯾﮧ ﺛﺎﺑﺖ ﮐﺮﺩﯾﺎ ﻣﺠﮫ ﭘﺮ ﮐﮧ ﯾﮧ ﻣﻤﮑﻦ ﮨﮯ۔ ﮐﺴﯽ ﺑﮭﯽ ﺯﻣﺎﻧﮯ ﻣﯿﮟ ﮐﻮﺋﯽ ﺑﮭﯽ ﻣﺮﺩ ﮐﺴﯽ ﺑﮭﯽ ﻋﻮﺭﺕ ﮐﮯ ﻟﯿﮯ ﻋﻘﻞ ﺳﮯ ﭘﯿﺪﻝ ﮨﻮ ﺳﮑﺘﺎ ﮨﮯ۔ ﺳﺎﻻﺭ ﻧﮯ ﺍﺱ ﺑﮯ ﻋﺰﺗﯽ ﮐﻮ ﺳﺮ ﺟﮭﮑﺎﺋﮯ ﺷﮩﺪ ﮐﮯ ﮔﮭﻮﻧﭧ ﮐﯽ ﻃﺮﺡ ﭘﯿﺎ۔ ﺍﺳﮑﯽ ﺍﺗﻨﯽ ﺑﮯ ﻋﺰﺗﯽ ﮐﺮﻧﺎ ﺗﻮ ﺳﮑﻨﺪﺭ ﮐﺎ ﺣﻖ ﺗﮭﺎ۔۔ ﺑﯿﻮﯼ ﮐﮯ ﻟﯿﮯ ﺗﻮ ﺻﺮﻑ ﺍﯾﮏ ﺷﺎﮨﺠﮩﺎﻥ ﻧﮯ ﭘﯿﺴﮯ ﻟﭩﺎﺋﮯ ﺗﮭﮯ ﻭﮦ ﺑﮭﯽ ﺍﺳﮑﮯ ﻣﺮﻧﮯ ﮐﮯ ﺑﻌﺪ۔۔۔۔۔۔۔۔۔۔ ﺗﻤﮩﯿﮟ ﮐﯿﺎ ﮨﻮ ﮔﯿﺎ ﺗﮭﺎ؟ ﺳﮑﻨﺪﺭ ﻧﮯ ﺟﯿﺴﮯ ﺍﺳﮯ ﺷﺮﻡ ﺩﻻﺋﯽ۔۔۔ ﻣﯿﮟ ﻧﮯ ﺩﺭﺍﺻﻞ ﺍﻣﺎﻣﮧ ﮐﻮ ﺍﺑﮭﯽ ﺗﮏ ﺷﺎﺩﯼ ﮐﺎ ﮐﻮﺋﯽ ﮔﻔﭧ ﻧﮩﯿﮟ ﺩﯾﺎ ﺗﮭﺎ۔ ﺍﺳﮑﮯ ﻟﮩﺠﮯ ﻣﯿﮟ ﺑﻼ ﮐﺎ ﺍﻃﻤﯿﻨﺎﻥ ﺗﮭﺎ۔۔۔ ﺳﮑﻨﺪﺭ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﺳﮑﯽ ﮈﮬﭩﺎﺋﯽ ﺳﮯ ﻣﺘﺎﺛﺮ ﮨﻮﺋﮯ ﺗﮭﮯ۔ ﺗﻮ ﺍﭘﻨﮯ ﭘﯿﺴﻮﮞ ﺳﮯ ﺍﺳﮯ ﮔﻔﭧ ﺩﯾﺘﮯ۔ ﺍﻧﮩﻮﮞ ﻧﮯ ﻃﻨﺰﯾﮧ ﮐﮩﺎ ﺗﮭﺎ۔ ﻭﮦ ﺑﮭﯽ ﺩﮮ ﺩﯾﮯ ﮨﯿﮟ ﺍﺳﮯ۔ ﺍﺱ ﻧﮯ ﻃﻨﺰ ﮐﺎ ﺟﻮﺍﺏ ﺳﻨﺠﯿﺪﮔﯽ ﺳﮯ ﺩﮮ ﮐﺮ ﺍﻧﮩﯿﮟ ﺣﯿﺮﺍﻥ ﮐﺮ ﺩﯾﺎ۔ ﻭﮦ ﺍﺱ ﺑﺎﺩﺷﺎﮦ ﮐﯽ ﺷﮑﻞ ﺩﯾﮑﮫ ﮐﺮ ﺭﮦ ﮔﺌﮯ ﺟﻮ ﺍﭘﻨﯽ ﺑﯿﻮﯼ ﭘﺮ ﺍﭘﻨﯽ ﺳﻠﻄﻨﺖ ﻟﭩﺎﻧﮯ ﭘﺮ ﺗﻼ ﺗﮭﺎ۔ ﺍﭘﻨﺎ ﺳﮕﺎﺭ ﺍﯾﺶ ﭨﺮﮮ ﻣﯿﮟ ﺭﮐﮭﺘﮯ ﮨﻮﺋﮯ ﻭﮦ ﭨﯿﺒﻞ ﭘﺮ ﮐﭽﮫ ﺁﮔﮯ ﺟﮭﮑﮯ ﺍﻭﺭ ﺍﻧﮩﻮﮞ ﻧﮯ ﺟﯿﺴﮯ ﺍﯾﮏ ﮨﻤﺮﺍﺯ ﮐﯽ ﻃﺮﺡ ﮐﮩﺎ۔ ﺳﺎﻻﺭ ﺍﯾﺴﺎ ﺑﮭﯽ ﮐﯿﺎ ﮨﮯ ﺍﻣﺎﻣﮧ ﻣﯿﮟ ﮐﮧ ﺗﻢ ﻋﻘﻞ ﺳﮯ ﭘﯿﺪﻝ ﮨﻮ ﮔﺌﮯ ﮨﻮ؟ ﯾﮧ ﻃﻨﺰ ﻧﮩﯿﮟ ﺗﮭﺎ۔ ﻭﮦ ﻭﺍﻗﻌﯽ ﺟﺎﻧﻨﺎ ﭼﺎﮨﺘﮯ ﺗﮭﮯ۔ ﺳﺎﻻﺭ ﻧﮯ ﭼﻨﺪ ﻟﻤﺤﮯ ﺳﻮﭼﻨﮯ ﮐﮯ ﺑﻌﺪ ﮐﮩﺎ۔ ﺑﺲ ! ﻭﮦ ﺍﭼﮭﯽ ﻟﮕﺘﯽ ﮨﮯ ﻣﺠﮭﮯ۔ ﻭﮦ ﺍﺱ ﻭﻗﺖ ﺳﮑﻨﺪﺭ ﮐﻮ ﺗﯿﺲ ﺳﺎﻟﮧ ﻣﺮﺩ ﻧﮩﯿﮟ ﺑﻠﮑﮧ ﺗﯿﻦ ﺳﺎﻝ ﮐﺎ ﺍﯾﮏ ﻣﻌﺼﻮﻡ ﺑﭽﮧ ﻟﮕﺎ۔ ﺍﯾﮏ ﻃﻮﯾﻞ ﺳﺎﻧﺲ ﻟﯿﺘﮯ ﮨﻮﺋﮯ ﻭﮦ ﺳﯿﺪﮬﮯ ﮨﻮﮔﺌﮯ۔ ﺍﺳﮯ ﭘﺘﮧ ﮨﮯ ﺍﺱ ﺭﻧﮓ ﭘﺮﺍﺋﺲ ﮐﺎ؟؟ ﻧﮩﯿﮟ۔۔۔۔ ﺳﮑﻨﺪﺭ ﮐﭽﮫ ﺣﯿﺮﺍﻥ ﮨﻮﺋﮯ۔ ﺗﻮ ﯾﮩﺎﮞ ﺍﭘﻨﯽ ﻣﺤﺒﻮﺑﮧ ﮐﻮ ﻣﺮﻋﻮﺏ ﺍﻭﺭ ﻣﺘﺎﺛﺮ ﮐﺮﻧﮯ ﮐﺎ ﮐﻮﺋﯽ ﺟﺬﺑﮧ ﺑﮭﯽ ﮐﺎﺭﻓﺮﻣﺎ ﻧﮩﯿﮟ۔ ﺁﭖ ﺑﮭﯽ ﻣﻤﯽ ﯾﺎ ﮐﺴﯽ ﺍﻭﺭ ﺳﮯ ﺑﺎﺕ ﻧﮧ ﮐﺮﯾﮟ۔ ﻣﯿﮟ ﻧﮩﯿﮟ ﭼﺎﮨﺘﺎ ﮐﮧ ﺍﻣﺎﻣﮧ ﮐﻮ ﭘﺘﺎ ﭼﻠﮯ۔ ﻭﮦ ﺍﺏ ﺍﻥ ﺳﮯ ﮐﮩﮧ ﺭﮨﺎ ﺗﮭﺎ۔ ﺑﺎﻗﯽ ﺗﯿﺮﮦ ﻻﮐﮫ ﮐﺎ ﮐﯿﺎ ﮐﯿﺎ؟ ﻭﮦ ﺍﺏ ﮐﭽﮫ ﺍﻭﺭ ﮐﺎﺭﻧﺎﻣﻮﮞ ﮐﮯ ﺑﺎﺭﮮ ﻣﯿﮟ ﺟﺎﻧﻨﺎ ﭼﺎﮨﺘﮯ ﺗﮭﮯ۔ ﺳﺎﺕ ﻻﮐﮫ ﺗﻮ ﺍﻣﺎﻣﮧ ﮐﻮ ﺣﻖ ﻣﮩﺮ ﺩﯾﺎ، ﻭﮦ ﮈﯾﻮ ﺗﮭﺎ۔ ﺍﺱ ﻧﮯ ﺣﻖ ﻣﮩﺮ ﮐﯽ ﺍﺻﻞ ﺭﻗﻢ ﺑﺘﺎﺋﮯ ﺑﻐﯿﺮ ﮐﮩﺎ۔ ﺍﻭﺭ ﺑﺎﻗﯽ ﭼﮫ ﻻﮐﮫ ﻣﯿﮟ ﻧﮯ ﮐﭽﮫ ﺧﯿﺮﺍﺗﯽ ﺍﺩﺍﺭﻭﮞ ﻣﯿﮟ ﺩﮮ ﺩﯾﺌﮯ۔ ﺳﮑﻨﺪﺭ ﮐﺎ ﻏﺼﮧ ﺩﮬﻮﯾﮟ ﮐﮯ ﻣﺮﻏﻮﻟﻮﮞ ﻣﯿﮟ ﺗﺒﺪﯾﻞ ﮨﻮﻧﮯ ﻟﮕﺎ۔ ﻏﺼﮯ ﮐﺎ ﮐﻮﺋﯽ ﻓﺎﺋﺪﮦ ﻧﮩﯿﮟ ﺗﮭﺎ۔ ﺳﺎﻻﺭ ﻧﮯ ﺑﺎﭖ ﮐﮯ ﮨﻮﻧﭩﻮﮞ ﭘﮧ ﺍﯾﮏ ﻣﺸﻔﻘﺎﻧﮧ ﻟﯿﮑﻦ ﺑﮯﺣﺪ ﻣﻌﻨﯽ ﺧﯿﺰ ﻣﺴﮑﺮﺍﮨﭧ ﻧﻤﻮﺩﺍﺭ ﮨﻮﺗﮯ ﺩﯾﮑﮭﯽ۔ ﺍﻭﺭ ﺣﻖ ﻣﮩﺮ ﺻﺮﻑ ﺳﺎﺕ ﻻﮐﮫ ﺗﻮ ﻧﮩﯿﮟ ﮨﻮﮔﺎ۔۔۔۔۔ ﮨﮯ ﻧﺎ ﺳﺎﻻﺭ؟ ﻭﮦ ﮐﺘﻨﮯ ﻣﻠﯿﻦ ﺩﯾﺎ ﮔﯿﺎ؟ ﺍﻧﮩﻮﮞ ﻧﮯ ﺑﮯﺣﺪ ﭘﭽﮑﺎﺭﺗﯽ ﮨﻮﺋﯽ ﺁﻭﺍﺯ ﻣﯿﮟ ﺍﺱ ﺳﮯ ﮐﮩﺎ۔ ﺳﺎﻻﺭ ﺑﮯ ﺍﺧﺘﯿﺎﺭ ﮨﻨﺴﺎ۔ ﺟﺎﻧﮯ ﺩﯾﮟ ﭘﺎﭘﺎ۔۔ ﯾﻌﻨﯽ ﻣﻠﯿﻦ ﻣﯿﮟ ﮨﮯ۔ ﺍﻥ ﮐﺎ ﺍﻧﺪﺍﺯﮦ ﭨﮭﯿﮏ ﺗﮭﺎ۔۔ ﺍﺏ ﻣﯿﮟ ﺟﺎﺅﮞ؟ ﺳﺎﻻﺭ ﻧﮯ ﺟﻮﺍﺏ ﺩﯾﻨﮯ ﮐﯽ ﺑﺠﺎﺋﮯﭘﻮﭼﮭﺎ۔ ﺳﮑﻨﺪﺭ ﻧﮯ ﺳﺮ ﮨﻼﺩﯾﺎ۔۔۔ ﻭﮦ ﺍﭘﻨﯽ ﮐﺮﺳﯽ ﺳﮯ ﺍﭨﮫ ﮐﺮ ﺍﻥ ﮐﯽ ﻃﺮﻑ ﺁﯾﺎ۔ ﺍﻭﺭ ﺍﺱ ﻧﮯ ﺟﮭﮑﺘﮯ ﮨﻮﺋﮯ ﺳﮑﻨﺪﺭ ﮐﻮ ﺳﺎﺗﮫ ﻟﮕﺎﯾﺎ۔ ﭘﮭﺮ ﻭﮦ ﺳﯿﺪﮬﺎ ﮨﻮ ﮔﯿﺎ۔ ﺳﺎﻻﺭ ! ﺟﻮ ﺩﻭﺳﺮﺍ ﭘﻼﭦ ﮨﮯ، ﺍﺱ ﮐﮯ ﭘﯿﭙﺮﺯ ﻣﺠﮭﮯ ﻻﮨﻮﺭ ﭘﮩﻨﭻ ﮐﺮ ﺑﮭﺠﻮﺍﺩﯾﻨﺎ۔ ﺳﮑﻨﺪﺭ ﻧﮯ ﮐﮩﺎ۔ ﭘﺎﭘﺎ، ﭨﺮﺳﭧ ﻣﯽ۔۔۔ ﺳﺎﻻﺭ ﻧﮯ ﮐﮩﺎ۔ ﺷﭧ ﺍﭖ۔۔۔۔ ﺍﻭﮐﮯ ! ﻭﮦ ﮨﻨﺲ ﭘﮍﺍ ﺗﮭﺎ۔۔ *-+*******--*-*--**---**** Oh tiffany statement ! ﻭﮦ ﺍﺱ ﺭﺍﺕ ﮐﺴﯽ ﮈﻧﺮ ﭘﺮ ﺗﮭﮯ ﺟﺐ ﺍﺱ ﮐﯽ ﺭﻧﮓ ﻣﺴﺰ ﯾﻮﺋﺮﺯ ﻧﮯ ﻧﻮﭨﺲ ﮐﯽ۔ ﻭﮦ ﺑﺰﻧﺲ ﮐﻼﺱ ﮐﺎ ﺍﯾﮏ ﺑﮍﺍ ﻧﺎﻡ ﺗﮭﯽ۔ ﺍﻭﺭ ﺍﭘﻨﮯ ﻟﺒﺎﺱ ﺍﻭﺭ ﺟﯿﻮﻟﺮﯼ ﮐﯽ ﻭﺟﮧ ﺳﮯ ﺧﺎﺻﯽ ﻣﺸﮩﻮﺭ ﺗﮭﯽ۔۔ ﻣﺎﺋﯽ ﻭﯾﮉﻧﮓ ﺭﻧﮓ ! ﺍﻣﺎﻣﮧ ﻧﮯ ﻣﺴﮑﺮﺍ ﮐﺮ ﮐﮩﺎ۔۔۔ ﻭﮦ ﺍﺳﮑﺎ ﮨﺎﺗﮫ ﭘﮑﮍﮮ ﺑﮯ ﺣﺪ ﻣﺮﻋﻮﺏ ﺍﻧﺪﺍﺯ ﻣﯿﮟ ﮐﮩﮧ ﺭﮨﯽ ﺗﮭﯽ۔۔ﺍﻭﺭ ﺍﻧﮑﺎ ﯾﮧ ﺍﻧﺪﺍﺯ ﺍﺱ ﭨﯿﺒﻞ ﭘﮧ ﺑﯿﭩﮭﯽ ﺗﻤﺎﻡ ﺧﻮﺍﺗﯿﻦ ﻣﯿﮟ ﺍﺱ ﺭﻧﮓ ﮐﻮ ﺩﯾﮑﮭﻨﮯ ﮐﺎ ﺍﺷﺘﯿﺎﻕ ﭘﯿﺪﺍ ﮐﺮ ﺭﮨﺎ ﺗﮭﺎ۔۔ The most beautiful and expensive picec of jewellary under this roof tonight ... ﻟﮑﯽ ﻭﯾﻤﻦ۔ ﺗﻤﮩﺎﺭﮮ ﺷﻮﮨﺮ ﮐﺎ ﺫﻭﻕ ﺑﮩﺖ ﺍﻋﻠﯽ ﮨﮯ۔۔۔ ﺍﻣﺎﻣﮧ ﺍﻥ ﺳﺘﺎﺋﺸﯽ ﺟﻤﻠﻮﮞ ﭘﮧ ﻓﺨﺮﯾﮧ ﺍﻧﺪﺍﺯ ﻣﯿﮟ ﻣﺴﮑﺮﺍﺋﯽ۔۔ ﮐﯿﺎ ﻗﯿﻤﺖ ﮨﻮﮔﯽ؟ ﺑﺎﺋﯿﮟ ﺟﺎﻧﺐ ﺑﯿﭩﮭﯽ ﻣﺴﺰ ﺯﺑﯿﺮ ﻧﮯ ﺑﮭﯽ ﺍﺱ ﺭﻧﮓ ﮐﻮ ﺳﺘﺎﺋﺸﯽ ﺍﻧﺪﺍﺯ ﻣﯿﮟ ﺩﯾﮑﮭﺘﮯ ﮨﻮﺋﮯ ﮐﮩﺎ۔۔ ﻣﺠﮭﮯ ﻧﮩﯿﮟ ﭘﺘﺎ۔۔ﺷﺎﯾﺪ ﭼﺎﺭ ﭘﺎﻧﭻ ﻻﮐﮫ۔ ﺍﻣﺎﻣﮧ ﻧﮯ ﮔﻼﺱ ﺍﭨﮭﺎ ﮐﺮ ﭘﺎﻧﯽ ﮐﺎ ﮔﮭﻮﻧﭧ ﺑﮭﺮﺗﮯ ﺍﻧﺪﺍﺯﮦ ﻟﮕﺎﯾﺎ۔۔ ﺍﯾﮏ ﻟﻤﺤﮧ ﮐﮯ ﻟﯿﮯ ﺍﺱ ﻧﮯ ﭨﯿﺒﻞ ﭘﺮ ﭼﮭﺎ ﺟﺎﻧﮯ ﻭﺍﻟﯽ ﺧﺎﻣﻮﺷﯽ ﮐﻮ ﻣﺤﺴﻮﺱ ﮐﯿﺎ۔۔ﭘﮭﺮ ﺧﻮﺩ ﭘﮧ ﺟﻤﯽ ﻧﻈﺮﻭﮞ ﮐﻮ۔۔۔ ﮈﺍﻟﺮﺯ ﯾﺎ ﭘﺎﺅﻧﮉﺯ؟؟ ﺍﺱ ﻧﮯ ﺣﯿﺮﺍﻧﯽ ﺳﮯ ﻣﺴﺰ ﯾﻮﺋﺮﺯ ﮐﯽ ﺷﮑﻞ ﺩﯾﮑﮭﯽ۔ ﭘﮭﺮ ﮨﻨﺲ ﭘﮍﯼ۔۔ ﺍﺱ ﻧﮯ ﺍﺳﮯ ﻣﺬﺍﻕ ﺳﻤﺠﮭﺎ ﺗﮭﺎ۔۔ ﻣﯿﺮﺍ ﺷﻮﮨﺮ ﺍﺗﻨﺎ ﺑﮯ ﻭﻗﻮﻑ ﻧﮩﯿﮟ ﮨﻮﺳﮑﺘﺎ۔۔ﺍﺱ ﻧﮯ ﺑﮯ ﺳﺎﺧﺘﮧ ﮐﮩﺎ۔ ﻣﺴﺰ ﯾﻮﺋﯿﺮﺯ ﻧﮯ ﺩﻭﺑﺎﺭﮦ ﺳﻮﺍﻝ ﻧﮩﯿﮟ ﮐﯿﺎ۔ ﻭﮦ ﺳﻤﺠﮭﯽ ﺍﻣﺎﻣﮧ ﻗﯿﻤﺖ ﻧﮩﯿﮟ ﺑﺘﺎﻧﺎ ﭼﺎﮨﺘﯽ۔۔۔ ﺳﺎﻻﺭ ﺍﺱ ﺭﻧﮓ ﮐﯽ ﻗﯿﻤﺖ ﮐﯿﺎ ﮨﮯ؟ ﺍﺱ ﺭﺍﺕ ﺑﯿﮉ ﭘﺮ ﺑﯿﭩﮭﮯ ﻧﺎﻭﻝ ﭘﮍﮬﺘﮯ ﮨﻮﺋﮯ ﺍﻣﺎﻣﮧ ﮐﻮ ﺍﯾﮏ ﺩﻡ ﻣﺴﺰ ﯾﻮﺋﺮﺯ ﮐﺎ ﺳﻮﺍﻝ ﯾﺎﺩ ﺁﮔﯿﺎ۔۔ ﮐﯿﻮﮞ؟؟ ﻭﮦ ﺑﮭﯽ ﮐﻮﺋﯽ ﮐﺘﺎﺏ ﭘﮍﮬﺘﮯ ﮨﻮﺋﮯ ﭼﻮﻧﮑﺎ۔ ﺳﺐ ﻟﻮﮔﻮﮞ ﻧﮯ ﺑﮩﺖ ﺗﻌﺮﯾﻒ ﮐﯽ۔ ﺍﺱ ﻧﮯ ﺑﮯﺣﺪ ﻓﺨﺮﯾﮧ ﺍﻧﺪﺍﺯ ﻣﯿﮟ ﮐﮩﺎ ۔ ﺩﯾﭩﺲ ﮔُﮉ۔۔۔ ﻭﮦ ﻣﺴﮑﺮﺍ ﮐﺮ ﺩﻭﺑﺎﺭﮦ ﮐﺘﺎﺏ ﮐﯽ ﻃﺮﻑ ﻣﺘﻮﺟﮧ ﮨﻮﺍ۔۔ ﻣﺴﺰ ﯾﻮﺋﺮﺯ ﻧﮯ ﻗﯿﻤﺖ ﭘﻮﭼﮭﯽ ﺗﮭﯽ ﻣﯿﮟ ﻧﮯ ﮐﮩﺎ ﭼﺎﺭ ﭘﺎﻧﭻ ﻻﮐﮫ ﮐﯽ ﮨﻮﮔﯽ۔ﺍﻧﮩﻮﮞ ﻧﮯ ﭘﻮﭼﮭﺎ ﮈﺍﻟﺮﺯ ﯾﺎ ﭘﺎﺅﻧﮉﺯ ﻣﯿﮟ۔۔۔ ﻣﯿﮟ ﻧﮯ ﮐﮩﺎ ﻣﯿﺮﺍ ﺷﻮﮨﺮ ﺍﺗﻨﺎ ﺑﮯ ﻭﻗﻮﻑ ﻧﮩﯿﮟ ﮨﻮﺳﮑﺘﺎ۔۔۔۔ﻭﮦ ﺑﮯ ﺍﺧﺘﯿﺎﺭ ﮨﻨﺲ ﭘﮍﺍ۔۔۔۔ ﮐﯿﺎ ﮨﻮﺍ؟؟؟ ﻭﮦ ﭼﻮﻧﮑﯽ۔۔ ﮐﭽﮫ ﻧﮩﯿﮟ۔۔۔ﮐﭽﮫ ﭘﮍﮪ ﺭﮨﺎ ﺗﮭﺎ۔۔ﺳﺎﻻﺭ ﻧﮯ ﺑﮯ ﺳﺎَﺧﺘﮧ ﮐﮩﺎ۔۔ ﺗﻮ ﮐﯿﺎ ﻗﯿﻤﺖ ﮨﮯ ﺍﺳﮑﯽ؟ ﺍﻣﺎﻣﮧ ﻧﮯ ﺩﻭﺑﺎﺭﮦ ﭘﻮﭼﮭﺎ۔ ﯾﮧ ﺍﻧﻤﻮﻝ ﮨﮯ ۔۔ﺳﺎﻻﺭ ﻧﮯ ﺍﺳﮑﺎ ﮨﺎﺗﮫ ﭘﮑﮍ ﮐﺮ ﮐﮩﺎ۔۔ ﮐﻮﺋﯽ ﺑﮭﯽ ﭼﯿﺰ ﺟﻮ ﺗﻤﮩﺎﺭﮮ ﮨﺎﺗﮫ ﻣﯿﮟ ﮨﻮ ﺍﻧﻤﻮﻝ ﮨﮯ۔۔ ﭘﮭﺮ ﺑﮭﯽ۔۔۔۔۔۔ﺍﺱ ﻧﮯ ﺍﺻﺮﺍﺭ ﮐﯿﺎ۔۔ Two hundred and fifty six ﺳﺎﻻﺭ ﻧﮯ ﮈﺍﻟﺮﺯ ﺳﺎﺗﮫ ﻧﮩﯿﮟ ﻟﮕﺎﯾﺎ۔۔ ﺍﻭﮦ ﺍﭼﮭﺎ ! ﻣﯿﮟ ﺯﯾﺎﺩﮦ ﺍﯾﮑﺴﭙﯿﻨﺴﯿﻮ ﺳﻤﺠﮫ ﺭﮨﯽ ﺗﮭﯽ۔ﻭﮦ ﮐﭽﮫ ﻣﻄﻤﺌﻦ ﮨﻮﮔﺊ ﺍﻭﺭ ﺩﻭﺑﺎﺭﮦ ﻧﺎﻭﻝ ﭘﮍﮬﻨﮯ ﻟﮕﯽ۔ ﻭﮦ ﺍﺳﮑﺎ ﭼﮩﺮﮦ ﺩﯾﮑﮭﻨﮯ ﻟﮕﺎ۔۔ﺍﺳﮯ ﻓﺮﯾﺐ ﺩﯾﻨﺎ، ﺑﮩﻼﻧﺎ ﺑﮩﺖ ﺁﺳﺎﻥ ﺗﮭﺎ۔ ﺍﻣﺎﻣﮧ ﻧﮯ ﭼﻨﺪ ﻟﻤﺤﮯ ﺑﻌﺪ ﺍﺳﮑﯽ ﻧﻈﺮﻭﮞ ﮐﻮ ﺍﭘﻨﮯ ﭼﮩﺮﮮ ﭘﮧ ﻣﺤﺴﻮﺱ ﮐﯿﺎ ۔ ﮐﯿﺎ ﮨﻮﺍ؟؟ ﻭﮦ ﻣﺴﮑﺮﺍﺩﯼ۔ ﻭﮦ ﺍﻥ ﻧﻈﺮﻭﮞ ﮐﯽ ﻋﺎﺩﯼ ﺗﮭﯽ۔ ﺗﻤﮩﯿﮟ ﮐﭽﮫ ﺑﺘﺎﻧﺎ ﭼﺎﮨﺘﺎ ﺗﮭﺎ۔ ﮐﯿﺎ؟؟ You are the best thing ever happened to me , ﻭﮦ ﺍﯾﮏ ﻟﻤﺤﮯ ﮐﮯ ﻟﯿﺌﮯ ﺣﯿﺮﺍﻥ ﮨﻮﺋﯽ ﭘﮭﺮ ﮨﻨﺲ ﭘﮍﯼ۔۔ ﺁﺋﯽ ﻟﻮ ﯾﻮ۔۔ﻭﮦ ﭘﮭﺮ ﮨﻨﺲ ﭘﮍﯼ ﺍﻭﺭ ﺑﻠﺶ ﮨﻮﺋﯽ۔۔۔ ﺗﮭﯿﻨﮏ ﯾﻮ۔۔۔ﺟﻮﺍﺏ ﻭﮨﯽ ﺗﮭﺎ ﺟﻮ ﮨﻤﯿﺸﮧ ﺁﺗﺎ ﺗﮭﺎ۔۔ﺍﺱ ﺑﺎﺭ ﻭﮦ ﮨﻨﺲ ﭘﮍﺍ ******----******-----****** ﺍﻣﺎﻣﮧ ! ﻭﮦ ﮔﺎﮌﯼ ﮐﮯ ﺩﺭﻭﺍﺯﮮ ﮐﻮ ﺑﻨﺪ ﮐﺮﺗﮯ ﮨﻮﺋﮯ ﮐﺮﻧﭧ ﮐﮭﺎ ﮐﺮ ﭘﻠﭩﯽ۔۔۔ﻭﮦ ﺟﻼﻝ ﺗﮭﺎ۔۔۔۔ﭘﺎﺭﮐﻨﮓ ﻣﯿﮟ ﺍﺳﮑﮯ ﺑﺮﺍﺑﺮ ﻭﺍﻟﯽ ﮔﺎﮌﯼ ﺳﮯ ﺍﺳﮯ ﻧﮑﻠﺘﮯ ﮨﻮﺋﮯ ﺩﯾﮑﮫ ﮐﺮ ﭨﮭﭩﮑﺎ ﺗﮭﺎ۔۔ ﺍﻭﮦ ﻣﺎﺋﯽ ﮔﺎﮈ ! ﻣﯿﮟ ﺳﻮﭺ ﺑﮭﯽ ﻧﮩﯿﮟ ﺳﮑﺘﺎ ﺗﮭﺎ ﮐﮧ ﺁﺝ ﺗﻢ ﺳﮯ ﯾﮩﺎﮞ ﻣﻼﻗﺎﺕ ﮨﻮﮔﯽ۔۔ ﮨﺎﺅ ﺁﺭ ﯾﻮ؟ ﻭﮦ ﺑﮯ ﺣﺪ ﺍﯾﮑﺴﺎﺋﭩﮉ ﺍﻧﺪﺍﺯ ﻣﯿﮟ ﺍﺳﮑﯽ ﻃﺮﻑ ﺁﯾﺎ ﺗﮭﺎ ۔ ﻭﮦ ﺑﺖ ﺑﻨﯽ ﺍﺳﮯ ﺩﯾﮑﮫ ﺭﮨﯽ ﺗﮭﯽ۔۔ﻭﮦ ﺍﺳﮑﯽ ﺍﮌﯼ ﺭﻧﮕﺖ ﭘﮧ ﻏﻮﺭ ﮐﯿﮯ ﺑﻨﺎ ﺑﮯ ﺗﮑﻠﻒ ﺩﻭﺳﺘﻮﮞ ﮐﯽ ﻃﺮﺡ ﮐﮩﮧ ﺭﮨﺎ ﺗﮭﺎ۔۔۔ ﺍﻣﺎﻣﮧ ﻧﮯ ﺑﻶﺧﺮ ﻣﺴﮑﺮﺍﻧﮯ ﮐﯽ ﮐﻮﺷﺶ ﮐﯽ۔۔ﯾﮧ ﺿﺮﻭﺭﯼ ﺗﮭﺎ۔۔۔۔ﺑﮯ ﺣﺪ ﺿﺮﻭﺭﯼ ﺗﮭﺎ۔۔۔ﺟﻼﻝ ﺳﮯ ﺯﯾﺎﺩﮦ ﺧﻮﺩ ﺍﺳﮑﮯ ﻟﯿﮯ۔۔ﺍﺳﮯ ﻧﮧ ﻭﮦ ﭘﺮﺍﻧﺎ ﺩﻭﺳﺖ ﺳﻤﺠﮫ ﺳﮑﺘﯽ ﺗﮭﯽ ﻧﮧ ﺑﮯ ﺗﮑﻠﻒ ﮨﻮﺳﮑﺘﯽ ﺗﮭﯽ۔۔۔ ﻣﯿﮟ ﭨﮭﯿﮏ ﮨﻮﮞ، ﺁﭖ ﮐﯿﺴﮯ ﮨﯿﮟ۔۔۔؟ ﺍﺱ ﻧﮯ ﻣﺴﮑﺮﺍﻧﮯ ﮐﯽ ﮐﻮﺷﺶ ﮐﯽ۔۔ﻧﻈﺮﯾﮟ ﺗﻮ ﻭﮦ ﺍﺱ ﺳﮯ ﺍﺏ ﺑﮭﯽ ﻧﮩﯿﮟ ﻣﻼﺳﮑﺘﯽ ﺗﮭﯽ ﻭﮦ ﻭﯾﺴﺎ ﮨﯽ ﺗﮭﺎ ﺟﯿﺴﮯ ﺍﺱ ﻧﮯ ﺁﺧﺮﯼ ﺑﺎﺭ ﮐﻠﯿﻨﮏ ﭘﺮ ﺩﯾﮑﮭﺎ ﺗﮭﺎ۔۔ ﻣﯿﮟ ﺗﻮ ﺑﺎﻟﮑﻞ ﭨﮭﯿﮏ ﮨﻮﮞ۔۔ﻣﯿﮟ ﻧﮯ ﭼﻨﺪ ﻣﺎﮦ ﭘﮩﻠﮯ ﺷﺎﺩﯼ ﮐﺮﻟﯽ ﮨﮯ۔۔ ﺍﺳﮑﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﺍﺱ ﻧﮯ ﺍﺳﮯ ﯾﮧ ﺧﺒﺮ ﺩﯾﻨﺎ ﮐﯿﻮﮞ ﺿﺮﻭﺭﯼ ﺳﻤﺠﮭﺎ۔۔ﮐﯿﺎ ﺍﺳﮑﺎ ﺍﺱ ﺳﮯ ﮐﻮﺋﯽ ﺗﻌﻠﻖ ﺗﮭﺎ۔۔ ﺑﮩﺖ ﺍﭼﮭﯽ ﮨﮯ ﻣﯿﺮﯼ ﺑﯿﻮﯼ ، ﻭﮦ ﺑﮭﯽ ﮈﺍﮐﭩﺮ ﮨﮯ۔۔ﺑﺮﭨﺶ ﻧﯿﺸﻨﻞ ﮨﮯ۔ﺍﺳﭙﯿﺸﻼﺋﺰﯾﺸﻦ ﺑﮭﯽ ﺍﺱ ﻧﮯ ﻭﮨﯽ ﺳﮯ ﮐﯽ ﮨﮯ۔۔۔۔ﺍﻣﯿﺰﻧﮓ ﻭﻭﻣﯿﻦ۔۔۔ﺍﺱ ﻧﮯ ﭼﺎﺭ ﺟﻤﻠﻮﮞ ﻣﯿﮟ ﺍﺱ ﭘﺮ ﺍﭘﻨﯽ ﺑﯿﻮﯼ ﮐﯽ ﺣﯿﺜﯿﺖ ﻭﺍﺿﺢ ﮐﯽ۔۔۔ ﺍﯾﮏ ﻟﻤﺤﮯ ﮐﮯ ﻟﯿﺌﮯ ﻭﮦ ﺑﮭﻮﻝ ﮔﺌﯽ ﮐﮧ ﻭﮦ ﺑﮭﯽ ﮐﺴﯽ ﮐﯽ ﺑﯿﻮﯼ ﮨﮯ۔۔ﺍﺳﮑﮯ ﻣﻨﮧ ﺳﮯ ﮐﺴﯽ ﺩﻭﺳﺮﯼ ﻋﻮﺭﺕ ﮐﮯ ﻟﯿﮯ ﺍﭘﻨﯽ ﺑﯿﻮﯼ ﮐﮯ ﺍﻟﻔﺎﻅ ﻧﮯ ﺍﺳﮯ ﭼﻨﺪ ﻟﻤﺤﻮﮞ ﮐﮯ ﻟﯿﺌﮯ ﺍﺩﮬﯿﮍﺍ ﺗﮭﺎ۔۔ ﻣﺒﺎﺭﮎ ﮨﻮ ۔۔ﺍﺱ ﻧﮯ ﺑﻶﺧﺮ ﻭﮦ ﺍﻟﻔﺎﻅ ﮐﮩﮧ ﺩﯾﮯ ﺟﻮ ﺍﺳﮯ ﮐﮩﻨﺎ ﭼﺎﮨﺌﮯ ﺗﮭﮯ۔ ﺗﮭﯿﻨﮑﺲ۔۔۔ﻣﯿﮟ ﺗﻤﮩﯿﮟ ﺿﺮﻭﺭ ﺑﻼﺗﺎ ﻟﯿﮑﻦ ﺗﻤﮩﺎﺭﺍ ﮐﻨﭩﯿﮑﭧ ﻧﻤﺒﺮ ﻣﯿﺮﮮ ﭘﺎﺱ ﻧﮩﯿﮟ ﺗﮭﺎ۔ ﭘﮩﻠﯽ ﺑﺎﺭ ﺗﻮ ﻧﮩﯿﮟ ﺑﻼ ﺳﮑﺎ ﺗﮭﺎ ﻟﯿﮑﻦ ﺩﻭﺳﺮﯼ ﺑﺎﺭ ﺗﻮ ﺑﻼ ﺳﮑﺘﺎ ﺗﮭﺎ۔۔۔ﺟﻼﻝ ﻧﮯ ﺑﺎﺕ ﮐﺮﺗﮯ ﮐﺮﺗﮯ ﺟﯿﺴﮯ ﻣﺬﺍﻕ ﮐﯿﺎ ﺗﮭﺎ۔۔ﻭﮦ ﻣﺴﮑﺮﺍ ﻧﮧ ﺳﮑﯽ۔۔ ﺗﻢ ﻧﮯ ﺗﻮ ﺍﺳﮑﮯ ﺑﻌﺪ ﮐﻮﺋﯽ ﺭﺍﺑﻄﮧ ﮨﯽ ﻧﮩﯿﮟ ﮐﯿﺎ۔۔ﮐﻮﺋﯽ ﻓﻮﻥ، ﮐﻮﺋﯽ ﻭﺯﭦ ﮐﭽﮫ ﻧﮩﯿﮟ۔۔۔ﻣﯿﮟ ﺗﻮ ﺍﻧﺘﻈﺎﺭ ﮨﯽ ﮐﺮﺗﺎ ﺭﮨﺎ۔۔ ﻭﮦ ﺍﺏ ﺍﺳﮑﺎ ﺟﺎٰﺋﺰﮦ ﻟﮯ ﺭﮨﺎ ﺗﮭﺎ۔۔ ﯾﮧ ﺍﻣﺎﻣﮧ ﺳﺎﺕ ﺁﭨﮫ ﻣﺎﮦ ﭘﮩﻠﮯ ﻭﺍﻟﯽ ﺍﻣﺎﻣﮧ ﺳﮯ ﺑﮯ ﺣﺪ ﻣﺨﺘﻠﻒ ﺗﮭﯽ۔۔۔۔ﻭﮦ ﺍﺏ ﺑﮭﯽ ﭘﮩﻠﮯ ﮐﯽ ﻃﺮﺡ ﺍﯾﮏ ﭼﺎﺩﺭ ﻣﯿﮟ ﻣﻠﺒﻮﺱ ﺗﮭﯽ ﻟﯿﮑﻦ ﺍﺳﮑﯽ ﭼﺎﺩﺭ ﺍﻭﺭ ﻟﺒﺎﺱ ﺑﮯ ﺣﺪ ﻧﻔﯿﺲ ﺍﻭﺭ ﻣﮩﻨﮕﮯ ﺗﮭﮯ۔۔ﺍﺳﮑﮯ ﮨﺎﺗﮭﻮﮞ ﺍﻭﺭ ﮐﺎﻧﻮﮞ ﻣﯿﮟ ﭘﮩﻨﯽ ﮨﻮﺋﯽ ﺟﯿﻮﻟﺮﯼ ﻧﮯ ﺟﻼﻝ ﮐﻮ ﺍﻭﺭ ﺑﮭﯽ ﭼﻮﻧﮑﺎ ﺩﯾﺎ۔۔ﺍﺳﮑﯽ ﻓﻨﮕﺮ ﻣﯿﮟ ﺍﯾﮏ ﺭﻧﮓ ﺗﮭﯽ ﻟﯿﮑﻦ ﯾﮧ ﻭﮦ ﻭﮨﻢ ﺗﮭﺎ ﺟﺴﮑﯽ ﻭﮦ ﺗﺼﺪﯾﻖ ﻧﮩﯿﮟ ﭼﺎﮨﺘﺎ ﺗﮭﺎ۔۔ﺍﻣﺎﻣﮧ ﮨﺎﺷﻢ ﺑﮩﺖ ﺑﺪﻝ ﭼﮑﯽ ﺗﮭﯽ۔۔۔ﮐﯿﺴﮯ ۔۔۔۔۔ﺍﺱ ﺳﻮﺍﻝ ﻧﮯ ﺍﺳﮯ ﺑﮯ ﭼﯿﻦ ﮐﯿﺎ۔۔۔ ﺍﺱ ﮐﮯ ﻋﻘﺐ ﻣﯿﮟ ﮐﮭﮍﯼ ﺍﺱ ﻗﯿﻤﺘﯽ ﮔﺎﮌﯼ ﮐﻮ ﺑﻈﺎﮨﺮ ﺳﺮﺳﺮﯼ ﺩﯾﮑﮭﺘﮯ ﮨﻮﺋﮯ ﺟﻼﻝ ﻧﮯ ﺍﺱ ﺳﮯ ﭘﻮﭼﮭﺎ۔۔ ﺗﻢ ﺍﺏ ﺑﮭﯽ ﺍﺳﯽ ﻓﺎﺭﻣﺎﺳﯿﻮﭨﯿﮑﻞ ﮐﻤﭙﻨﯽ ﻣﯿﮟ ﮐﺎﻡ ﮐﺮﺗﯽ ﮨﻮ؟؟ ﺍﺱ ﮐﺎ ﺟﯽ ﭼﺎﮨﺎ ﺗﮭﺎ ﮐﮧ ﮐﺎﺵ ﺍﺱ ﻣﯿﮟ ﺁﻧﮯ ﻭﺍﻟﯽ ﺳﺎﺭﯼ ﺗﺒﺪﯾﻠﯿﺎﮞ ﮐﺴﯽ ﺑﻮﻧﺲ ﯾﺎ ﮐﺴﯽ ﮨﯿﻨﮉﺳﻢ ﭘﯿﮑﺞ ﮐﯽ ﻣﺮﮨﻮﻥ ﻣﻨﺖ ﮨﻮ۔۔ﻣﺮﺩ ﮐﻮ ﺍﭘﻨﯽ ﻣﺘﺮﻭﮐﮧ ﻋﻮﺭﺕ ﮐﻮ ﻣﻮﻭ ﮈﻭﻥ ﺩﯾﮑﮫ ﮐﺮ ﮨﺘﮏ ﮐﺎ ﺍﺣﺴﺎﺱ ﮨﻮﺗﺎ ﮨﮯ ﺍﻭﺭ ﻭﮦ ﺍﺱ ﺍﺣﺴﺎﺱ ﺳﮯ ﺑﭽﻨﺎ ﭼﺎﮨﺘﺎ ﺗﮭﺎ۔۔ ﻧﮩﯿﮟ ﻣﯿﮟ ﻧﮯ ﺟﺎﺏ ﭼﮭﻮﮌ ﺩﯼ ﺗﮭﯽ۔۔۔ﺍﺱ ﻧﮯ ﻣﺪﮬﻢ ﺁﻭﺍﺯ ﻣﯿﮟ ﮐﮩﺎ۔ ۔ ﺍﻭﮦ ﺍﭼﮭﺎ۔۔۔ﻭﮦ ﺑﮍﺑﮍﺍﯾﺎ۔۔۔ ﺗﻮ ﺗﻢ ﮐﭽﮫ ﻧﮩﯿﮟ ﮐﺮ ﺭﮨﯽ ﺁﺝ ﮐﻞ؟؟؟ ﺍﻣﺎﻣﮧ ﭼﻨﺪ ﻟﻤﺤﮯ ﺧﺎﻣﻮﺵ ﺭﮨﯽ۔ ﻣﯿﺮﯼ ﺷﺎﺩﯼ ﮨﻮﮔﺌﯽ ﮨﮯ۔۔ﻭﮦ ﺍﺏ ﺑﮭﯽ ﯾﮧ ﻧﮧ ﮐﮩﮧ ﺳﮑﯽ ﮐﮧ ﻣﯿﮟ ﻧﮯ ﺷﺎﺩﯼ ﮐﺮﻟﯽ ﮨﮯ۔۔ﺟﻼﻝ ﮐﮯ ﭼﮩﺮﮮ ﺳﮯ ﺍﯾﮏ ﻟﻤﺤﮯ ﮐﮯ ﻟﯿﺌﮯ ﻣﺴﮑﺮﺍﮨﭧ ﻏﺎﺋﺐ ﮨﻮﮔﺌﯽ۔۔ ﺍﻭﮦ ﺍﭼﮭﺎ۔۔۔ﻣﺒﺎﺭﮎ ﮨﻮ۔۔ﻭﮦ ﺑﺮﻭﻗﺖ ﺳﻨﺒﮭﻼ۔۔ ﺗﻢ ﻧﮯ ﺑﺘﺎﯾﺎ ﮨﯽ ﻧﮩﯿﮟ ۔۔ﻧﮧ ﺍﻧﻮﺍﺋﭧ ﮐﯿﺎ۔۔ﮐﯿﺎ ﮐﺮﺗﺎ ﮨﮯ ﻭﮦ۔۔؟؟ ﺁﭖ ﺟﺎﻧﺘﮯ ﮨﯿﮟ ﺍﺳﮯ۔۔ﺳﺎﻻﺭ ﺳﮑﻨﺪﺭ ۔۔ﺍﺱ ﻧﮯ ﮔﻼ ﺻﺎﻑ ﮐﺮ ﮐﮯ ﮐﮩﺎ۔۔۔ ﺍﻭﮦ۔۔۔ﺍﯾﮏ ﻟﻤﺤﮯ ﮐﮯ ﻟﯿﮯ ﺟﻼﻝ ﮐﮯ ﭘﺎﺱ ﮐﮩﻨﮯ ﮐﮯ ﻟﯿﮯ ﮐﭽﮫ ﻧﮩﯿﮟ ﺑﭽﺎ ۔ ﻭﮦ ﺑﻨﮑﺮ ﮨﮯ۔۔۔۔۔۔۔ ﻣﯿﮟ ﺟﺎﻧﺘﺎ ﮨﻮﮞ۔۔ﺟﻼﻝ ﺍﺳﮑﯽ ﺑﺎﺕ ﮐﺎﭦ ﮐﺮ ﺍﺳﮯ ﺳﺎﻻﺭ ﮐﮯ ﺑﻨﮏ ﺍﻭﺭ ﺍﺳﮑﮯ ﻋﮩﺪﮮ ﮐﮯ ﺑﺎﺭﮮ ﻣﯿﮟ ﺑﺘﺎﻧﮯ ﻟﮕﺎ۔۔ ﺁﭖ ﮐﻮ ﮐﯿﺴﮯ ﭘﺘﺎ؟ ﻭﮦ ﺣﯿﺮﺍﻥ ﮨﻮﺋﯽ۔۔ ﺁﺩﮬﮯ ﺷﮩﺮ ﮐﻮ ﺗﻤﮩﺎﺭﮮ ﺷﻮﮨﺮ ﮐﮯ ﺑﺎﺭﮮ ﻣﯿﮟ ﭘﺘﺎ ﮨﻮﮔﺎ ۔۔ ﺁﺅ ﻟﻨﭻ ﮐﺮﺗﮯ ﮨﯿﮟ۔۔ﮔﭗ ﺷﭗ ﻟﮕﺎﺋﯿﮟ ﮔﮯ۔۔ﺍﺗﻨﮯ ﻋﺮﺻﮧ ﺑﻌﺪ ﻣﻠﮯ ﮨﯿﮟ ﺑﮩﺖ ﺳﺎﺭﯼ ﺑﺎﺗﯿﮟ ﮐﺮﻧﯽ ﮨﯿﮟ۔ﺍﺱ ﻧﮯ ﺑﮯ ﺗﮑﻠﻔﯽ ﺍﻭﺭ ﮔﺮﻣﺠﻮﺷﯽ ﺳﮯ ﮐﮩﺎ۔۔ ﻧﮩﯿﮟ ﻣﯿﮟ ﮔﺮﻭﺳﺮﯼ ﮐﮯ ﻟﯿﮯ ﺁﺉ ﮨﻮﮞ۔۔ﮈﻧﺮ ﮐﮯ ﻟﯿﺌﮯ ﻣﺠﮭﮯ ﮐﭽﮫ ﭼﯿﺰﯾﮟ ﭼﺎﮨﯿﺌﮯ ﺗﮭﯽ۔۔۔۔۔۔۔۔۔۔ ﺍﻣﺎﻣﮧ ﻧﮯ ﺍﺳﮯ ﭨﺎﻟﻨﺎ ﭼﺎﮨﺎ ﺍﺳﮯ ﯾﻘﯿﻦ ﺗﮭﺎ ﻭﮦ ﺍﺻﺮﺍﺭ ﻧﮩﯿﮟ ﮐﺮﯾﮕﺎ۔۔ﺟﻼﻝ ﮐﮯ ﺑﺎﺭﮮ ﻣﯿﮟ ﺍﺳﮑﺎ ﺍﻧﺪﺍﺯﮦ ﺁﺝ ﺑﮭﯽ ﻏﻠﻂ ﺗﮭﺎ۔۔ ﯾﺎﺭ ﮔﺮﻭﺳﺮﯼ ﺑﮭﯽ ﮨﻮﺟﺎﺋﮯ ﮔﯽ ﻣﯿﮟ ﺧﻮﺩ ﮐﺮﻭﺍ ﺩﻭﮞ ﮔﺎ ﻟﯿﮑﻦ ﻟﻨﭻ ﮐﮯ ﺑﻌﺪ۔۔ﻭﮦ ﺳﺎﻣﻨﮯ ﺭﯾﺴﭩﻮﺭﻧﭧ ﮨﮯ ﺍﯾﮏ ﮔﮭﻨﭩﮯ ﻣﯿﮟ ﻓﺎﺭﻍ ﮨﻮﺟﺎﺋﯿﮟ ﮔﮯ ﮬﻢ۔۔۔ﺟﻼﻝ ﻧﮯ ﺍﺳﮯ ﺑﺎﺕ ﻣﮑﻤﻞ ﻧﮩﯿﮟ ﮐﺮﻧﮯ ﺩﯼ۔ ﻣﯿﮟ۔۔۔۔۔۔۔ﺍﺱ ﻧﮯ ﮐﭽﮫ ﮐﮩﻨﺎ ﭼﺎﮨﺎ ﻟﯿﮑﻦ ﺟﻼﻝ ﮐﭽﮫ ﺑﮭﯽ ﺳﻨﻨﮯ ﮐﮯ ﻣﻮﮈ ﻣﯿﮟ ﻧﮩﯿﮟ ﺗﮭﺎ۔۔ﻭﮦ ﺑﺎﺩﻝ ﻧﺨﻮﺍﺳﺘﮧ ﺍﺳﮑﮯ ﺳﺎﺗﮫ ﺭﯾﺴﭩﻮﺭﻧﭧ ﺁﮔﺌﯽ۔۔۔ ﺗﻮ ﮐﯿﺴﯽ ﮔﺰﺭ ﺭﮨﯽ ﮨﮯ ﺗﻤﮩﺎﺭﯼ ﻻﺋﻒ ﺍﭘﻨﮯ ﺷﻮﮨﺮ ﮐﯿﺴﺎﺗﮫ۔۔۔ﻣﯿﻨﯿﻮ ﺁﺭﮈﺭ ﮐﺮﺗﮯ ﮨﻮﺋﮯ ﺟﻼﻝ ﻧﮯ ﺑﮯ ﺗﮑﻠﻔﯽ ﺳﮯ ﮐﮩﺎ۔۔۔ﺍﻣﺎﻣﮧ ﻧﮯ ﺍﺳﮑﺎ ﭼﮩﺮﮦ ﺩﯾﮑﮭﺎ ﻭﮦ ﺻﺮﻑ ﺳﻮﺍﻝ ﻧﮩﯿﮟ ﺗﮭﺎ۔۔۔ﻭﮦ ﺟﯿﺴﮯ ﺟﺎﻧﻨﺎ ﭼﺎﮨﺘﺎ ﺗﮭﺎ ﮐﮧ ﻭﮦ ﺍﺳﮑﮯ ﻋﻼﻭﮦ ﮐﺴﯽ ﺍﻭﺭ ﻣﺮﺩ ﮐﯿﺴﺎﺗﮫ ﺧﻮﺵ ﺭﮦ ﺳﮑﺘﯽ ﮨﮯ ﯾﺎ ﻧﮩﯿﮟ۔۔۔ ﺑﮩﺖ ﺍﭼﮭﯽ ﮔﺰﺭ ﺭﮨﯽ ﮨﮯ ﻣﯿﮟ ﺑﮩﺖ ﺧﻮﺵ ﮨﻮﮞ ﺳﺎﻻﺭ ﮐﯿﺴﺎﺗﮫ ﮔُﮉ۔۔۔ﺍﺭﯾﻨﺞ ﻣﯿﺮﺝ ﺗﻮ ﻧﮩﯿﮟ ﮨﻮﮔﯽ؟؟ ﺳﺎﻻﺭ ﺍﻭﺭ ﺗﻢ ﻧﮯ ﺍﭘﻨﯽ ﻣﺮﺿﯽ ﺳﮯ ﮐﯽ ﮨﻮﮔﯽ۔۔۔ﺍﺱ ﻧﮯ ﺟﻼﻝ ﮐﺎ ﭼﮩﺮﮦ ﭘﮍﮬﻨﮯ ﮐﯽ ﮐﻮﺷﺶ ﮐﯽ۔۔ﻭﮦ ﺍﺱ ﺳﻮﺍﻝ ﺳﮯ ﮐﯿﺎ ﺟﺎﻧﻨﺎ ﭼﺎﮨﺘﺎ ﺗﮭﺎ۔۔۔ ﮨﺎﮞ ! ﺳﺎﻻﺭ ﻧﮯ ﺍﭘﻨﯽ ﻣﺮﺿﯽ ﺳﮯ ﻣﺠﮫ ﺳﮯ ﺷﺎﺩﯼ ﮐﯽ ﮨﮯ۔۔ﺍﺱ ﻧﮯ ﻓﯿﻤﻠﯽ ﺳﮯ ﭘﻮﭼﮭﺎ ﻧﮩﯿﮟ ﺗﮭﺎ ﺑﻠﮑﮧ ﺑﺘﺎﯾﺎ ﺗﮭﺎ۔۔ﺳﺎﻻﺭ ﮐﺎ ﺧﯿﺎﻝ ﺗﮭﺎ ﮐﮧ ﻣﺮﺩ ﮐﻮ ﺷﺎﺩﯼ ﮐﺮﺗﮯ ﮨﻮﺋﮯ ﺍﭘﻨﯽ ﻣﺮﺿﯽ ﺩﯾﮑﮭﻨﯽ ﭼﺎﮨﯿﮯ ﻓﯿﻤﻠﯽ ﮐﯽ ﻧﮩﯿﮟ۔۔۔ ﺟﻼﻝ ﮐﮯ ﭼﮩﺮﮮ ﮐﺎ ﺭﻧﮓ ﺑﺪﻻ ﺗﮭﺎ ۔۔۔ ﺑﮩﺖ ﺯﯾﺎﺩﮦ ﺍﻧﮉﯾﭙﯿﻨﮉﻧﭧ ﺳﻮﭺ ﺭﮐﮭﺘﺎ ﮨﮯ ﻭﮦ۔۔ﺍﺱ ﻧﮯ ﭼﻨﺪ ﻟﻤﺤﻮﮞ ﺑﻌﺪ ﺟﻼﻝ ﮐﻮ ﺟﯿﺴﮯ ﺗﺎﻭﯾﻞ ﺩﯾﻨﮯ ﮐﯽ ﮐﻮﺷﺶ ﮐﯽ۔۔۔ﺗﺎﻭﯾﻞ ﭘﭽﮭﻠﮯ ﺟﻤﻠﮯ ﺳﮯ ﺑﮭﯽ ﺯﯾﺎﺩﮦ ﭼﺒﮭﯽ ﺗﮭﯽ۔۔ ﻇﺎﮨﺮ ﮨﮯ۔۔۔ﺳﺎﻻﻧﮧ ﻻﮐﮭﻮﮞ ﮐﻤﺎﻧﮯ ﻭﺍﻟﮯ ﺷﻮﮨﺮ ﮐﯽ ﺗﻌﺮﯾﻒ ﺑﯿﻮﯼ ﭘﺮ ﻓﺮﺽ ﮨﻮﺗﯽ ﮨﮯ۔۔ ﺍﺱ ﺑﺎﺭ ﺍﺳﮑﺎ ﮨﻨﺲ ﮐﺮ ﮐﮩﺎ ﮨﻮﺍ ﺟﻤﻠﮧ ﺍﻣﺎﻣﮧ ﮐﻮ ﭼﺒﮭﺎ ﺗﮭﺎ۔۔۔۔ ﻻﮐﮭﻮﮞ ﮐﺎ ﺗﻮ ﻣﺠﮭﮯ ﭘﺘﮧ ﻧﮩﯿﮟ ﻟﯿﮑﻦ ﺍﭼﮭﮯ ﺷﻮﮨﺮ ﮐﯽ ﺗﻌﺮﯾﻒ ﺑﯿﻮﯼ ﭘﮧ ﻓﺮﺽ ﮨﻮﺗﯽ ﮨﮯ۔۔ ﺟﻼﻝ ﻧﮯ ﺍﺳﮑﮯ ﺟﻤﻠﮯ ﮐﻮ ﻧﻈﺮﺍﻧﺪﺍﺯ ﮐﺮﺗﮯ ﮨﻮﺋﮯ ﮨﻨﺲ ﮐﺮ ﮐﮩﺎ۔۔۔۔ﺗﻮ ﭘﺘﺎ ﺭﮐﮭﺎ ﮐﺮﻭ ﻧﺎ ﺍﺳﮑﮯ ﻻﮐﮭﻮﮞ ﮐﺎ۔۔ﮐﯿﺴﯽ ﺑﯿﻮﯼ ﮨﻮ ﺗﻢ؟؟ ﮈﯾﮍﮪ ﺩﻭﮐﺮﻭﮌ ﺗﻮ ﺑﻨﺎ ﮨﯽ ﻟﯿﺘﺎ ﮨﻮﮔﺎ ﺳﺎﻝ ﻣﯿﮟ۔۔۔ﺑﮩﺖ ﺑﮍﮮ ﺑﮍﮮ ﻣﺮﺟﺮﺯ ﮐﺮﻭﺍ ﺭﮨﺎ ﮨﮯ ﺗﻤﮩﺎﺭﺍ ﺷﻮﮨﺮ ﺗﻤﮩﯿﮟ ﭘﺘﺎ ﻧﮩﯿﮟ؟؟ ﻧﮩﯿﮟ۔۔۔ﮬﻢ ﺍﻭﺭ ﭼﯿﺰﻭﮞ ﮐﮯ ﺑﺎﺭﮮ ﻣﯿﮟ ﺑﺎﺗﯿﮟ ﮐﺮﺗﮯ ﺭﮨﺘﮯ ﮨﯿﮟ۔۔۔ﺿﺮﻭﺭﯼ ﭼﯿﺰﻭﮞ ﮐﮯ ﺑﺎﺭﮮ ﻣﯿﮟ۔۔۔ ﺍﺳﮑﺎ ﻟﮩﺠﮧ ﺑﮯ ﺣﺪ ﺳﺎﺩﮦ ﺗﮭﺎ ﻟﯿﮑﻦ ﺟﻼﻝ ﮐﮯ ﭘﯿﭧ ﻣﯿﮟ ﮔﺮﮨﯿﮟ ﭘﮍﯼ ﺗﮭﯽ۔ﺍﺱ ﻧﮯ ﺯﻭﺭﺩﺍﺭ ﻗﮩﻘﮩﮧ ﻟﮕﺎﯾﺎ۔ ﺑﻌﺾ ﺩﻓﻌﮧ ﮨﻨﺴﯽ ﮐﯽ ﺷﺪﯾﺪ ﺿﺮﻭﺭﺕ ﭘﮍ ﺟﺎﺗﯽ ﮨﮯ۔۔ ﭼﺎﻻﮎ ﻣﺮﺩﻭﮞ ﮐﻮ ﺍﯾﺴﯽ ﮨﯽ ﺑﯿﻮﯾﻮﮞ ﮐﯽ ﺿﺮﻭﺭﺕ ﮨﻮﺗﯽ ﮨﮯ۔۔ﺗﻢ ﻟﻮﮔﻮﮞ ﮐﯽ ﺭﮨﺎﺋﺶ ﮐﮩﺎﮞ ﮨﮯ۔۔؟؟ ﺍﺱ ﻧﮯ ﺟﻮﺗﺎ ﻣﺎﺭﺍ۔۔۔ﭘﮭﺮ ﻣﻌﺼﻮﻣﯿﺖ ﺳﮯ ﺳﻮﺍﻝ ﮐﯿﺎ۔۔ﺍﻣﺎﻣﮧ ﻧﮯ ﺍﺳﮑﮯ ﺗﺒﺼﺮﮮ ﭘﺮ ﮐﭽﮫ ﮐﮩﻨﮯ ﮐﯽ ﺑﺠﺎﺋﮯ ﺍﺳﮯ ﺍﭘﻨﺎ ﺍﯾﮉﺭﯾﺲ ﺑﺘﺎ ﺩﯾﺎ۔۔ﻭﮦ ﺍﺳﮑﮯ ﺳﺎﺗﮫ ﺳﺎﻻﺭ ﮐﻮ ﻣﺰﯾﺪ ﮈﺳﮑﺲ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ۔۔ ﺍﻭﮦ۔۔۔ﺍﭘﺎﺭﭨﻤﻨﭧ۔۔ﻭﮦ ﺑﮭﯽ ﺭﯾﻨﭩﮉ۔۔۔ﮐﻮﺋﯽ ﮔﮭﺮ ﻭﺭ ﻟﯿﻨﺎ ﭼﺎﮨﯿﺌﮯ ﺗﮭﺎ ﺗﻢ ﻟﻮﮔﻮﮞ ﮐﻮ۔۔ﺍﮔﺮ ﺗﻢ ﻟﻮﮒ ﺍﻧﭩﺮﺳﭩﮉ ﮨﻮ ﺗﻮ ﻣﯿﺮﮮ ﺩﻭ ﺗﯿﻦ ﮔﮭﺮ ﮨﯿﮟ ﭘﻮﺵ ﺍﯾﺮﯾﺎ ﻣﯿﮟ۔۔ﺗﻢ ﻟﻮﮒ ﺭﯾﻨﭧ ﮐﺮﻟﻮ۔۔۔ﺟﻼﻝ ﻧﮯ ﻓﯿﺎﺿﺎﻧﮧ ﺁﻓﺮ ﮐﯽ۔۔۔ ﻧﮩﯿﮟ۔۔۔۔ﻧﮩﯿﮟ ﺿﺮﻭﺭﺕ ﻧﮩﯿﮟ۔۔ﮬﻢ ﮐﻢ ﻓﺮﭨﯿﺒﻞ ﮨﮯ ﻭﮨﺎﮞ۔۔۔ﺍﻣﺎﻣﮧ ﻧﮯ ﮐﮩﺎ۔۔ ﺗﻢ ﺳﺎﻻﺭ ﮐﯿﺴﺎﺗﮫ ﮐﺴﯽ ﺩﻥ ﺁﺅ ﻧﺎ ﮐﮭﺎﻧﮯ ﭘﺮ۔۔ﺑﺎﺕ ﮐﺮﺗﮯ ﮐﺮﺗﮯﺍﺱ ﻧﮯ ﯾﻮﮞ ﮐﮩﺎ ﺟﯿﺴﮯ ﻭﮦ ﺻﺮﻑ ﺩﻭﺳﺖ ﮨﯽ ﺗﮭﮯ ﺍﻭﺭ ﺩﻭﺳﺖ ﺭﮨﮯ ﺗﮭﮯ۔۔ﻭﮦ ﺑﻮﻝ ﻧﮧ ﺳﮑﯽ۔۔ﺍﮔﺮ ﻭﮦ ﺑﮯ ﺣﺲ ﺗﮭﺎ ﺗﻮ ﺑﮩﺖ ﺯﯾﺎﺩﮦ۔۔ﺍﮔﺮ ﻇﺎﻟﻢ ﺗﮭﺎ ﺗﻮ ﺍﻧﺘﮩﺎ ﮐﺎ۔۔۔ ﺟﻼﻝ ﻣﯿﮟ ﺍﺏ ﭼﻠﺘﯽ ﮨﻮﮞ۔۔ﺑﮩﺖ ﺩﯾﺮ ﮨﻮﺭﮨﯽ ﮨﮯ۔۔ ﺍﺳﮯ ﭘﺘﺎ ﻧﮩﯿﮟ ﺍﭼﺎﻧﮏ ﮐﯿﺎ ﮨﻮﺍ ﻭﮦ ﺍﭘﻨﺎ ﺑﯿﮓ ﺍﭨﮭﺎ ﮐﺮ ﯾﮑﺪﻡ ﮐﮭﮍﯼ ﮨﻮﮔﺊ۔ﺟﻼﻝ ﮐﯿﺴﺎﺗﮫ ﻭﮦ ﮐﭙﻞ ﺑﮭﯽ ﭼﻮﻧﮑﺎ۔۔ﻧﮩﯿﮟ ﮐﮭﺎﻧﺎ ﺁﻧﮯ ﻭﺍﻻ ﮨﮯ ﮐﮭﺎ ﮐﺮ ﻧﮑﻠﺘﮯ ﮨﯿﮟ۔۔۔ ﻧﮩﯿﮟ ﻣﺠﮭﮯ ﮔﺮﻭﺳﺮﯼ ﮐﺮ ﮐﮯ ﭘﮭﺮ ﮐﻮﮐﻨﮓ ﺑﮭﯽ ﮐﺮﻧﯽ ﮨﮯ۔ﺍﻭﺭ ﻣﯿﺮﮮ ﺷﻮﮨﺮ ﮐﻮ ﺗﻮ ﮔﮭﺮ ﺁﺗﮯ ﮨﯽ ﮐﮭﺎﻧﺎ ﺗﯿﺎﺭ ﻣﻠﻨﺎ ﭼﺎﮨﯿﺌﮯ۔۔ﺁﺝ ﻭﯾﺴﮯ ﺑﮭﯽ ﺍﺱ ﻧﮯ ﮐﭽﮫ ﺧﺎﺹ ﮈﺷﺰ ﮐﮩﯿﮟ ﮨﯿﮟ۔۔۔ ﺍﺳﮑﺎ ﺍﻧﺪﺍﺯ ﺍﺗﻨﺎ ﺣﺘﻤﯽ ﺗﮭﺎ ﮐﮧ ﺟﻼﻝ ﺍﺱ ﺑﺎﺭ ﺍﺻﺮﺍﺭ ﻧﮧ ﮐﺮﺳﮑﺎ۔۔ ﺍﭼﮭﺎ ﺳﺎﻻﺭ ﮐﺎ ﮐﻮﺋﯽ ﻭﯾﺰﯾﭩﻨﮓ ﮐﺎﺭﮈ ﺍﻭﺭ ﺍﭘﻨﺎ ﮐﺎﻧﭩﯿﮑﭧ ﻧﻤﺒﺮ ﺗﻮ ﺩﮮ ﺩﻭ۔ﺍﺱ ﻧﮯ ﺍﻣﺎﻣﮧ ﺳﮯ ﮐﮩﺎ۔ﺍﺳﮑﮯ ﺑﯿﮓ ﻣﯿﮟ ﺳﺎﻻﺭ ﮐﮯ ﭼﻨﺪ ﮐﺎﺭﮈﺯ ﺗﮭﮯ۔۔ﺍﺱ ﻧﮯ ﺍﯾﮏ ﮐﺎﺭﮈ ﻧﮑﺎﻝ ﮐﺮ ﺟﻼﻝ ﮐﮯ ﺳﺎﻣﻨﮯ ﭨﯿﺒﻞ ﭘﮧ ﺭﮐﮫ ﺩﯾﺎ۔۔۔ ﺍﭘﻨﺎ ﻓﻮﻥ ﻧﻤﺒﺮ ﺑﮭﯽ ﻟﮑﮫ ﺩﻭ۔ ﻭﮦ ﺍﯾﮏ ﻟﻤﺤﮧ ﮐﮯ ﻟﯿﮯ ﮨﭽﮑﭽﺎﺋﯽ ﭘﮭﺮ ﺍﺱ ﻧﮯ ﮐﺎﺭﮈ ﮐﯽ ﭘﺸﺖ ﭘﺮ ﺍﭘﻨﺎ ﺳﯿﻞ ﻧﻤﺒﺮ ﻟﮑﮫ ﺩﯾﺎ۔۔ ﺟﻼﻝ ﮐﮯ ﭘﺎﺱ ﮐﮭﮍﺍ ﺁﺩﻣﯽ ﺗﺐ ﺗﮏ ﮐﺎﺭﮈ ﭘﺮ ﻧﺎﻡ ﭘﮍﮪ ﭼﮑﺎ ﺗﮭﺎ۔۔۔ ﺍﻭﮦ۔۔ﺁﭖ ﺳﺎﻻﺭ ﺳﮑﻨﺪﺭ ﮐﯽ ﺑﯿﻮﯼ ﮨﯿﮟ؟؟ ﻭﮦ ﺍﺳﮑﮯ ﺳﻮﺍﻝ ﭘﮧ ﺑﺮﯼ ﻃﺮﺡ ﭼﻮﻧﮑﯽ ۔۔ ﻓﺎﺭﻭﻕ ﺻﺎﺣﺐ ﺑﮭﯽ ﺑﻨﮑﺮ ﮨﮯ۔ ﺳﺎﻻﺭ ﮐﻮ ﺟﺎﻧﺘﮯ ﮨﻮﻧﮕﮯ۔۔ﺟﻼﻝ ﻧﮯ ﻓﻮﺭﺍً ﮐﮩﺎ۔۔ ﺑﮩﺖ ﺍﭼﮭﯽ ﻃﺮﺡ ﺳﮯ۔۔۔ﺍﺱ ﺁﺩﻣﯽ ﮐﺎ ﺍﻧﺪﺍﺯ ﺍﺏ ﺑﺎﻟﮑﻞ ﺑﺪﻝ ﭼﮑﺎ ﺗﮭﺎ۔۔۔ﺍﺱ ﻧﮯ ﺍﻣﺎﻣﮧ ﮐﻮ ﺍﭘﻨﯽ ﺑﯿﻮﯼ ﺳﮯ ﻣﺘﻌﺎﺭﻑ ﮐﺮﺍﯾﺎ۔۔ ﺁﭖ ﮐﮯ ﺷﻮﮨﺮ ﺑﮩﺖ ﺑﺮﯾﻠﯿﺌﻨﭧ ﺑﻨﮑﺮ ﮨﮯ۔۔ ﻓﺎﺭﻭﻕ ﻧﮯ ﺍﺳﮑﮯ ﻟﯿﮯ ﺳﺘﺎﺋﺸﯽ ﮐﻠﻤﺎﺕ ﺍﺩﺍ ﮐﯿﺌﮯ۔ ﮨﻤﯿﮟ ﺍﻧﻮﺍﺋﭧ ﮐﯿﺎ ﺗﮭﺎ ﺍﺱ ﻧﮯ ﮐﭽﮫ ﻣﺎﮦ ﭘﮩﻠﮯ ﻭﯾﮉﻧﮓ ﺭﯾﺴﭙﺸﻦ ﭘﮧ ﻟﯿﮑﻦ ﮬﻢ ﺍﻣﺮﯾﮑﮧ ﻣﯿﮟ ﺗﮭﮯ۔ﻣﺴﺰ ﻓﺎﺭﻭﻕ ﺍﺏ ﺑﮍﯼ ﮔﺮﻣﺠﻮﺷﯽ ﺳﮯ ﮐﮩﮧ ﺭﮨﯽ ﺗﮭﯽ۔۔ﺍﻭﺭ ﺍﻣﺎﻣﮧ ﮐﯽ ﺟﺎﻥ ﭘﮧ ﺑﻦ ﺁﺋﯽ ﺗﮭﯽ۔۔ﻭﮦ ﺍﻧﺪﺍﺯﮦ ﻧﮩﯿﮟ ﮐﺮﭘﺎﺋﯽ ﺗﮭﯽ ﮐﮧ ﻭﮦ ﺳﺎﻻﺭ ﮐﮯ ﮐﺘﻨﮯ ﻗﺮﯾﺐ ﺗﮭﮯ ﯾﺎ ﺻﺮﻑ ﺳﻮﺷﻞ ﺳﺮﮐﻞ ﮐﺎ ﺣﺼﮧ ﺗﮭﮯ۔۔۔ ﺑﮩﺖ ﮐﻠﻮﺯ ﻓﺮﯾﻨﮉﺷﭗ ﮨﮯ ﺍﻣﺎﻣﮧ ﺍﻭﺭ ﺳﺎﻻﺭ ﮐﯿﺴﺎﺗﮫ ﻣﯿﺮﯼ ﺑﻠﮑﮧ ﻓﯿﻤﻠﯽ ﭨﺎﺋﯿﺰ ﮨﯿﮟ۔۔۔ﺑﺲ ﺩﺭﻣﯿﺎﻥ ﻣﯿﮟ ﮐﭽﮫ ﻋﺮﺻﮧ ﺁﺅﭦ ﺁﻑ ﭨﭻ ﺭﮨﮯ ﮨﯿﮟ ﮬﻢ۔۔ﺩﺱ ﺑﺎﺭﮦ ﺳﺎﻝ ﺗﻮ ﮨﻮﮔﺌﮯ ﮨﻮﻧﮕﮯ ﮬﻤﺎﺭﯼ ﻓﺮﯾﻨﮉﺷﭗ ﮐﻮ ﺍﻣﺎﻣﮧ؟؟ ﺍﺳﮑﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﻭﮦ ﮐﯿﺎ ﮐﮩﮧ ﺭﮨﺎ ﮨﮯ۔ﺍﺱ ﻧﮯ ﮐﭽﮫ ﺣﯿﺮﺍﻧﯽ ﺳﮯ ﺟﻼﻝ ﮐﻮ ﺩﯾﮑﮭﺎ۔۔ ﻭﯾﺮﯼ ﻧﺎﺋﺲ۔۔۔ﺁﭖ ﺳﺎﻻﺭ ﮐﯿﺴﺎﺗﮫ ﺁﺋﯿﮟ ﮐﺴﯽ ﺩﻥ ﮬﻤﺎﺭﯼ ﻃﺮﻑ۔۔۔ﻓﺎﺭﻭﻕ ﻧﮯ ﻣﺴﮑﺮﺍﺗﮯ ﮨﻮﺋﮯ ﮐﮩﺎ۔۔ﭼﻨﺪ ﺭﺳﻤﯽ ﺟﻤﻠﻮﮞ ﮐﮯ ﺗﺒﺎﺩﻟﮯ ﮐﯽ ﺑﻌﺪ ﻭﮦ ﺍﻧﮩﯿﮟ ﺧﺪﺍﺣﺎﻓﻆ ﮐﮩﮧ ﮐﺮ ﺑﺎﮨﺮ ﻧﮑﻞ ﺁﺋﯽ ﻟﯿﮑﻦ ﻭﮦ ﺑﮩﺖ ﺍﭖ ﺳﯿﭧ ﺗﮭﯽ۔۔۔ﻭﮦ ﺳﭩﻮﺭ ﻣﯿﮟ ﮐﯿﺎ ﺧﺮﯾﺪﻧﮯ ﺁﺋﯽ ﺗﮭﯽ ﺑﮭﻮﻝ ﮔﺊ ﺗﮭﯽ۔۔۔ﻭﮦ ﭨﺮﺍﻟﯽ ﻟﯿﺌﮯ ﺍﯾﮏ ﺷﯿﻠﻒ ﺳﮯ ﺩﻭﺳﺮﮮ ﺷﯿﻠﻒ ﮐﻮ ﺩﯾﮑﮭﺘﮯ ﮔﺰﺭﺗﯽ ﺭﮨﯽ۔۔ﭘﮭﺮ ﺧﺎﻟﯽ ﭨﺮﺍﻟﯽ ﭘﺮ ﻧﻈﺮ ﭘﮍﻧﮯ ﭘﺮ ﺍﺱ ﻧﮯ ﺳﻮﭼﺎ ﮐﮧ ﻭﮦ ﮐﯿﺎ ﺧﺮﯾﺪﻧﮯ ﺁﺉ ﺗﮭﯽ ﻟﯿﮑﻦ ﺫﮨﻦ ﮐﯽ ﺳﮑﺮﯾﻦ ﭘﮧ ﮐﭽﮫ ﺑﮭﯽ ﻧﻤﻮﺩﺍﺭ ﻧﮩﯿﮟ ﮨﻮﺍ۔۔ﺍﺱ ﻧﮯ ﺑﮯ ﻣﻘﺼﺪ ﭼﻨﺪ ﭼﯿﺰﯾﮟ ﺍﭨﮭﺎﺉ ﺍﻭﺭ ﺑﺎﮨﺮ ﺁﮔﺌﯽ۔۔ﭘﺎﺭﮐﻨﮓ ﺳﮯ ﮔﺎﮌﯼ ﻧﮑﺎﻟﻨﮯ ﮐﮯ ﺑﻌﺪ ﺍﺳﮯ ﺍﯾﮏ ﺩﻡ ﺍﺣﺴﺎﺱ ﮨﻮﺍ ﮐﮧ ﻭﮦ ﮔﮭﺮ ﻧﮩﯿﮟ ﺟﺎﻧﺎ ﭼﺎﮨﺘﯽ ﭘﮭﺮ ﺍﺳﮯ ﻭﮦ ﺳﺎﺭﯼ ﭼﯿﺰﯾﮟ ﯾﺎﺩ ﺁﻧﮯ ﻟﮕﯽ ﺟﺴﮯ ﻭﮦ ﺧﺮﯾﺪﻧﮯ ﺁﺉ ﺗﮭﯽ۔۔ﻟﯿﮑﻦ ﺍﺏ ﻭﮦ ﺩﻭﺑﺎﺭﮦ ﮐﮩﯿﮟ ﮔﺮﻭﺳﺮﯼ ﮐﮯ ﻟﯿﺌﮯ ﺟﺎﻧﮯ ﮐﮯ ﻣﻮﮈ ﻣﯿﮟ ﻧﮩﯿﮟ ﺗﮭﯽ۔۔ﺑﮯ ﻣﻘﺼﺪ ﺩﻭﭘﮩﺮ ﻣﯿﮟ ﺳﮍﮎ ﭘﺮ ﮈﺭﺍﺋﯿﻮ ﮐﺮﺗﮯ ﮨﻮﺋﮯ ﺍﺳﮯ ﺧﻮﺩ ﺍﻧﺪﺍﺯﮦ ﻧﮩﯿﮟ ﮨﻮﺍ ﺗﮭﺎ ﮐﮧ ﻭﮦ ﮐﮩﺎﮞ ﺟﺎﺭﮨﯽ ﮨﮯ۔ﺍﺱ ﮐﺎ ﺧﯿﺎﻝ ﺗﮭﺎ ﮐﮧ ﺍﺱ ﻧﮯ ﮐﭽﮫ ﻏﻠﻂ ﭨﺮﻥ ﻟﯽ ﺗﮭﯽ ﺍﻭﺭ ﺍﺏ ﺭﺳﺘﮧ ﺑﮭﻮﻝ ﮔﺌﯽ ﮨﮯ۔۔ﺑﮩﺖ ﺩﯾﺮ ﺑﻌﺪ ﺍﺳﮯ ﺍﺣﺴﺎﺱ ﮨﻮﺍ ﮐﮧ ﻭﮦ ﻻﺷﻌﻮﺭﯼ ﻃﻮﺭ ﭘﮧ ﺍﺱ ﺭﻭﮈ ﭘﺮ ﺟﺎﺭﮨﯽ ﺗﮭﯽ۔۔ﺟﺲ ﻃﺮﻑ ﺳﺎﻻﺭ ﮐﺎ ﺁﻓﺲ ﺗﮭﺎ۔۔ﻭﮦ ﻣﺎﻝ ﺭﻭﮈ ﭘﺮ ﺗﮭﯽ ﺍﻭﺭ ﻭﻥ ﻭﮮ ﮐﯽ ﻭﺟﮧ ﺳﮯ ﺍﺏ ﭘﻠﭧ ﻧﮩﯿﮟ ﺳﮑﺘﯽ ﺗﮭﯽ۔۔ﺍﯾﮏ ﺳﮕﻨﻞ ﭘﺮ ﺍﯾﮏ ﻟﻤﺒﮯ ﭼﮭﻮﮌﮮ ﭨﺮﯾﻔﮏ ﺟﺎﻡ ﻣﯿﮟ ﭘﮭﻨﺴﮯ ﺍﺳﮯ ﻭﮦ ﺳﮍﮎ ﺍﻭﺭ ﺍﭘﻨﯽ ﺯﻧﺪﮔﯽ ﺍﯾﻞ ﺟﺘﻨﺎ ﻟﻤﺒﮯ ﻟﮕﮯ ﺗﮭﮯ۔۔۔ ﮔﺎﮌﯼ ﺑﻨﺪ ﮨﻮﮔﺊ ﺍﻭﺭ ﺳﮕﻨﻞ ﮐﮭﻞ ﮔﯿﺎ ﺗﮭﺎ۔۔ﺑﮯ ﺗﺤﺎﺷﮧ ﮨﺎﺭﻥ ﮐﯽ ﺁﻭﺍﺯﻭﮞ ﭘﺮ ﺍﺱ ﻧﮯ ﭼﻮﻧﮏ ﮐﺮ ﮔﺎﮌﯼ ﺳﭩﺎﺭﭦ ﮐﺮﻧﮯ ﮐﯽ ﮐﻮﺷﺶ ﮐﯽ ﻭﮦ ﻧﺎﮐﺎﻡ ﺭﮨﯽ ﺍﻭﺭ ﺑﺮﯼ ﻃﺮﺡ ﻧﺮﻭﺱ ﮨﻮﺋﯽ۔۔ﺍﯾﮏ ﭨﺮﯾﻔﮏ ﻭﺍﺭﮈﻥ ﺍﺳﮑﮯ ﻗﺮﯾﺐ ﺁﯾﺎ۔۔ ﮔﺎﮌﯼ ﺳﭩﺎﺭﭦ ﻧﮩﯿﮟ ﮨﻮﺭﮨﯽ ﮨﮯ۔۔ﺍﻣﺎﻣﮧ ﻧﮯ ﺍﺱ ﺳﮯ ﮐﮩﺎ۔۔ ﭘﮭﺮ ﻟﻔﭩﺮ ﺳﮯ ﺍﺳﮯ ﮨﭩﺎﻧﺎ ﭘﮍﮮ ﮔﺎ۔۔ﻭﺭﻧﮧ ﭨﺮﯾﻔﮏ ﺟﺎﻡ ﮨﻮﺟﺎﺋﮯ ﮔﺎ۔۔ﺍﺱ ﻧﮯ ﺍﺳﮯ ﺑﺘﺎﯾﺎ۔۔ﺳﮕﻨﻞ ﺗﺐ ﺗﮏ ﺩﻭﺑﺎﺭﮦ ﺑﻨﺪ ﮨﻮﭼﮑﺎ ﺗﮭﺎ۔۔۔ﻭﮦ ﻭﺍﺋﺮﻟﯿﺲ ﭘﺮ ﻟﻔﭩﺮ ﮐﻮ ﺑﻼﻧﮯ ﻟﮕﺎ۔۔۔ﺍﻭﺭ ﻭﮦ ﺑﮯ ﺣﺪ ﮨﮍﺑﮍﺍﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮔﺎﮌﯼ ﺳﭩﺎﺭﭦ ﮐﺮﻧﮯ ﮐﯽ ﮐﻮﺷﺶ ﮐﺮﻧﮯ ﻟﮕﯽ۔۔ﻭﮦ ﻧﺎﮐﺎﻡ ﺭﮨﯽ۔۔ﻟﻔﭩﺮ ﺁﻧﮯ ﭘﺮ ﻭﮦ ﮔﺎﮌﯼ ﺳﮯ ﺑﺎﮨﺮ ﻧﮑﻞ ﺁﺋﯽ۔ﻟﻔﭩﺮ ﻣﯿﮟ ﺑﯿﭩﮭﺎ ﺁﺩﻣﯽ ﺍﺳﮯ ﻗﺮﯾﺒﯽ ﭘﺎﺭﮐﻨﮓ ﻣﯿﮟ ﺍﺳﮯ ﭘﮩﻨﭽﺎﻧﮯ ﮐﮯ ﺑﺎﺭﮮ ﻣﯿﮟ ﺑﺘﺎﺗﺎ ﮨﻮﺍ ﮐﺴﯽ ﭨﯿﮑﺴﯽ ﻣﯿﮟ ﺍﺳﮯ ﻭﮨﺎﮞ ﺗﮏ ﺟﺎﻧﮯ ﮐﺎ ﮐﮩﮧ ﮐﺮ ﻏﺎﺋﺐ ﮨﻮﮔﯿﺎ۔۔ﻣﺎﻝ ﺭﻭﮈ ﭘﺮ ﺍﺱ ﭨﺮﯾﻔﮏ ﻣﯿﮟ ﺍﺳﮯ ﮐﻮﺋﯽ ﭨﯿﮑﺴﯽ ﯾﺎ ﺭﮐﺸﮧ ﻧﮩﯿﮟ ﻣﻞ ﺳﮑﺘﺎ ﺗﮭﺎ۔۔ ﻟﯿﮑﻦ ﻭﺍﺣﺪ ﮐﺎﻡ ﺟﻮ ﻭﮦ ﮐﺮ ﺳﮑﺘﯽ ﺗﮭﯽ ﻭﮦ ﺳﮍﮎ ﮐﺮﺍﺱ ﮐﺮ ﮐﮯ ﮐﭽﮫ ﻓﺎﺻﻠﮯ ﭘﺮ ﺳﺎﻻﺭ ﮐﮯ ﺁﻓﺲ ﺟﺎﻧﺎ ﺗﮭﺎ۔۔ﺍﺱ ﻧﮯ ﺳﯿﻞ ﻧﮑﺎﻝ ﮐﺮ ﺳﺎﻻﺭ ﮐﻮ ﻓﻮﻥ ﮐﺮﻧﺎ ﺷﺮﻭﻉ ﮐﺮﺩﯾﺎ ﻟﯿﮑﻦ ﺍﺳﮑﺎ ﺳﯿﻞ ﺁﻑ ﺗﮭﺎ۔۔۔ﺍﺳﮑﺎ ﻣﻄﻠﺐ ﯼ ﺗﮭﺎ ﮐﮧ ﺍﺳﮑﻮ ﺍﺳﮑﮯ ﺁﻓﺲ ﮨﯽ ﺟﺎﻧﺎ ﺗﮭﺎ۔۔ﭼﻨﺪ ﻣﻨﭧ ﺍﻭﺭ ﭼﻠﻨﮯ ﮐﮯ ﺑﻌﺪ ﺍﺳﮑﮯ ﺟﻮﺗﮯ ﮐﺎ ﺍﺳﭩﺮﯾﭗ ﻧﮑﻞ ﮔﯿﺎ۔ﺁﺝ ﺑﺮﺍ ﻧﮩﯿﮟ ﺑﻠﮑﮧ ﺑﺪﺗﺮﯾﻦ ﺩﻥ ﺗﮭﺎ۔ﻭﮦ ﺍﺱ ﭨﻮﭨﮯ ﮨﻮﺋﮯ ﺟﻮﺗﮯ ﮐﯿﺴﺎﺗﮫ ﺍﺳﮑﮯ ﺁﻓﺲ ﻧﮩﯿﮟ ﺟﺎﻧﺎ ﭼﺎﮨﺘﯽ ﺗﮭﯽ ﻟﯿﮑﻦ ﺍﺱ ﮐﮯ ﻋﻼﻭﮦ ﮐﻮﺋﯽ ﺍﻭﺭ ﭼﺎﺭﮦ ﺑﮭﯽ ﻧﮩﯿﮟ ﺗﮭﺎ۔۔ﺍﺳﮯ ﺍﭘﻨﯽ ﺣﺎﻟﺖ ﭘﮧ ﺭﻭﻧﺎ ﺁﻧﮯ ﻟﮕﺎ ﺗﮭﺎ۔۔ ﺍﺳﮑﮯ ﺑﻨﮏ ﮐﮯ ﺍﺱ ﺷﺎﻧﺪﺍﺭ ﻋﻤﺎﺭﺕ ﮐﮯ ﺳﺎﻣﻨﮯ ﺟﻮﺗﺎ ﮔﮭﺴﯿﭩﺘﮯ ﺍﯾﮏ ﻟﻤﺤﮧ ﻟﮯ ﻟﯿﮯ ﮨﭽﮑﭽﺎﺋﯽ ﻟﯿﮑﻦ ﭘﮭﺮ ﺍﺳﮑﮯ ﺫﮨﻦ ﻣﯿﮟ ﺁﯾﺎ ﮐﮧ ﻭﮦ ﺳﯿﺪﮬﯽ ﺍﺳﮑﮯ ﺁﻓﺲ ﭼﻠﯽ ﺟﺎﺋﮯ۔۔ﮔﺎﺭﮈ ﮐﻮ ﺍﭘﻨﺎ ﺗﻌﺎﺭﻑ ﮐﺮﻭﺍﺗﮯ ﮨﻮﺋﮯ ﺍﺱ ﻧﮯ ﺍﻧﮑﯽ ﺁﻧﮑﮭﻮﮞ ﻣﯿﮟ ﺍﺗﻨﯽ ﺣﯿﺮﺍﻧﯽ ﺍﻭﺭ ﺑﮯ ﯾﻘﯿﻨﯽ ﺩﯾﮑﮭﯽ ﺗﮭﯽ ﮐﮧ ﺍﺳﮑﮯ ﻋﺰﺕ ﻧﻔﺲ ﻣﯿﮟ ﮐﭽﮫ ﺍﻭﺭ ﮐﻤﯽ ﺑﮭﯽ ﺁﺉ ﺗﮭﯽ۔ﻟﯿﮑﻦ ﻣﯿﻦ ﺭﯾﺴﯿﭙﺸﻦ ﻣﯿﮟ ﺩﺍﺧﻞ ﮨﻮﺗﮯ ﮨﯽ ﺍﺳﮑﯽ ﻋﺰﺕ ﻧﻔﺲ ﻣﮑﻤﻞ ﻃﻮﺭ ﭘﺮ ﺧﺘﻢ ﮨﻮﭼﮑﯽ ﺗﮭﯽ۔ﺷﺎﻧﺪﺍﺭ ﺍﻧﭩﯿﺮﯾﺌﺮ ﻭﺍﻻ ﻭﺳﯿﻊ ﻭ ﻋﺮﯾﺾ ﻣﺎﺭﺑﻠﮉ ﮨﺎﻝ ﺍﺱ ﻭﻗﺖ ﺳﻮﭨﮉ ﺑﻮﭨﮉ ﮐﻮﺭﭘﻮﺭﯾﭧ ﮐﻼﺋﻨﭩﺲ ﺳﮯ ﺑﮭﺮﺍ ﮨﻮﺍ ﺗﮭﺎ۔۔ﺁﻓﺲ ﮐﺎ ﯾﮧ ﻟﮯ ﺁﺅﭦ ﮐﺒﮭﯽ ﺍﺳﮑﮯ ﺗﺼﻮﺭ ﻣﯿﮟ ﺁﺟﺎﺗﺎ ﺗﮭﺎ ﺗﻮ ﻭﮦ ﻭﮨﺎﮞ ﮐﺒﮭﯽ ﻧﮧ ﺁﺗﯽ ﻟﯿﮑﻦ ﺍﺏ ﻭﮦ ﺁﭼﮑﯽ ﺗﮭﯽ۔۔ﺭﯾﺴﯿﭙﺸﻦ ﮐﺎﺅﻧﭩﺮ ﭘﺮ ﺍﺱ ﻧﮯ ﺳﺎﻻﺭ ﺳﮑﻨﺪﺭ ﺳﮯ ﺍﭘﻨﺎ ﺭﺷﺘﮧ ﻇﺎﮨﺮ ﮐﺮﻧﮯ ﮐﯽ ﺣﻤﺎﻗﺖ ﻧﮩﯿﮟ ﮐﯽ ﺗﮭﯽ۔۔ ﻣﺠﮭﮯ ﺳﺎﻻﺭ ﺳﮑﻨﺪﺭ ﺳﮯ ﻣﻠﻨﺎ ﮨﮯ۔۔۔ ﮐﯿﺎ ﺁﭖ ﻧﮯ ﺍﭘﻮﺍﺋﻨﻤﻨﭧ ﻟﯿﺎ ﮨﮯ ﻣﯿﮉﻡ؟؟ ﺭﯾﺴﭙﺸﻨﺴﭧ ﻧﮯ ﺑﮯ ﺣﺪ ﭘﺮﻭﻓﯿﺸﻨﻞ ﺍﻧﺪﺍﺯ ﻣﯿﮟ ﮐﮩﺎ۔۔ﺍﺳﮑﺎ ﺫﮨﻦ ﺍﯾﮏ ﻟﻤﺤﮧ ﮐﮯ ﻟﯿﺌﮯ ﺑﻠﯿﻨﮏ ﮨﻮﮔﯿﺎ ﺗﮭﺎ۔۔ ﺍﭘﻮﺍﺋﻨﻤﻨﭧ۔۔۔۔ﻭﮦ ﺣﯿﺮﺍﻥ ﮨﻮﺉ۔۔ﺍﺱ ﻧﮯ ﺟﻮﺍﺏ ﺩﯾﻨﮯ ﮐﯽ ﺑﺠﺎﺋﮯ ﮨﺎﺗﮫ ﻣﯿﮟ ﭘﮑﮍﮮ ﺳﯿﻞ ﭘﺮ ﺍﯾﮏ ﺑﺎﺭ ﭘﮭﺮ ﺍﺳﮑﺎ ﻧﻤﺒﺮ ﮈﺍﺋﻞ ﮐﯿﺎ۔۔ﺍﺱ ﺑﺎﺭ ﮐﺎﻝ ﺭﯾﺴﯿﻮ ﻧﮩﯿﮟ ﮨﻮﺉ ﻟﯿﮑﻦ ﺑﯿﻞ ﺑﺠﯽ ﺗﮭﯽ۔۔ ﻣﯿﮟ ﺍﺳﮑﯽ ﺩﻭﺳﺖ ﮨﻮﮞ۔۔ﺍﺱ ﻧﮯ ﮐﺎﻝ ﺧﺘﻢ ﮐﺮﺗﮯ ﮨﻮﺋﮯ ﺑﮯ ﺭﺑﻄﯽ ﺳﮯ ﮐﮩﺎ۔۔ ﺍﺑﮭﯽ ﻭﮦ ﺍﯾﮏ ﻣﯿﭩﻨﮓ ﻣﯿﮟ ﮨﮯ ﺍﻧﮩﯿﮟ ﺗﮭﻮﮌﯼ ﺩﯾﺮ ﻣﯿﮟ ﺍﻧﻔﺎﺭﻡ ﮐﺮﺩﯾﺘﯽ ﮨﻮﮞ۔۔۔ﺁﭘﮑﺎ ﻧﺎﻡ؟؟ ﺭﯾﺴﭙﺸﻨﺴﭧ ﻧﮯ ﮐﮩﺎ۔۔۔ ﺍﻣﺎﻣﮧ۔۔۔ﻭﮦ ﺍﭘﻨﺎ ﻧﺎﻡ ﺑﺘﺎ ﮐﺮ ﮨﺎﻝ ﻣﯿﮟ ﭘﮍﮮ ﺻﻮﻓﻮﮞ ﻣﯿﮟ ﺳﮯ ﺍﯾﮏ ﺻﻮﻓﮯ ﭘﺮ ﺟﺎﮐﺮ ﺑﯿﭩﮫ ﮔﺊ۔۔ ﺍﺳﮯ ﺗﻘﺮﯾﺒﺎً ﭘﻨﺪﺭﮦ ﻣﻨﭧ ﺍﻧﺘﻈﺎﺭ ﮐﺮﻧﺎ ﭘﮍﺍ ﺗﮭﺎ۔۔ ﭘﻨﺪﺭﮦ ﻣﻨﭧ ﺑﻌﺪ ﺍﺱ ﻧﮯ ﭼﻨﺪ ﺍﻓﺮﺍﺩ ﮐﮯ ﺳﺎﺗﮫ ﺳﺎﻻﺭ ﮐﻮ ﺑﺎﺕ ﭼﯿﺖ ﮐﺮﺗﮯ ﺭﯾﺴﯿﭙﺸﻦ ﭘﺮ ﻧﻤﻮﺩﺍﺭ ﮨﻮﺗﮯ ﺩﯾﮑﮭﺎ۔۔ﺍﻥ ﻟﻮﮔﻮﮞ ﮐﻮ ﺩﺭﻭﺍﺯﮮ ﺗﮏ ﭼﮭﻮﮌ ﮐﺮ ﻭﮦ ﺍﺩﮬﺮ ﺍﺩﮬﺮ ﺩﯾﮑﮭﮯ ﺑﻐﯿﺮ ﻟﻤﺒﮯ ﻟﻤﺒﮯ ﮈﮒ ﺑﮭﺮﺗﺎ ﮨﻮﺍ ﻭﺍﭘﺲ ﺟﺎﻧﮯ ﻟﮕﺎ۔۔ﺭﯾﺴﯿﭙﺸﻨﺴﭧ ﻧﮯ ﺍﺳﮯ ﺭﻭﮐﺎ۔۔۔ﺍﻣﺎﻣﮧ ﻧﮯ ﺳﺎﻻﺭ ﮐﻮ ﺍﺳﮑﯽ ﺑﺎﺕ ﺳﻨﺘﮯ ﺍﻭﺭ ﭘﮭﺮ ﭨﮭﭩﮑﺘﮯ ﺩﯾﮑﮭﺎ۔۔ﻭﮦ ﺍﭘﻨﯽ ﺍﯾﮍﮬﯿﻮﮞ ﭘﺮ ﮔﮭﻮﻡ ﮔﯿﺎ۔۔ﺍﺳﮯ ﺍﺗﻨﯽ ﺩﻭﺭ ﺳﮯ ﺑﮭﯽ ﺳﺎﻻﺭ ﮐﮯ ﭼﮩﺮﮮ ﭘﮧ ﺣﯿﺮﺕ ﻧﻈﺮ ﺁﺉﺀ ﺗﮭﯽ۔۔ﭘﮭﺮ ﻭﮦ ﻣﺴﮑﺮﺍﯾﺎ۔۔۔ ﺍﺱ ﻧﮯ ﭘﻠﭧ ﮐﺮ ﺭﯾﺴﯿﭙﺸﻨﺴﭧ ﺳﮯ ﯾﻘﯿﻨﺎً ﺍﺳﮑﺎ ﺗﻌﺎﺭﻑ ﮐﺮﺍﯾﺎ ﺗﮭﺎ۔۔۔ﭘﮭﺮ ﻭﮦ ﺭﮐﮯ ﺑﻐﯿﺮ ﺍﺳﮑﯽ ﻃﺮﻑ ﺁﯾﺎ۔۔ﺍﮔﺮ ﻭﮦ ﺍﺱ ﻭﻗﺖ ﺍﺱ ﺳﮯ ﮔﮭﺮ ﻣﯿﮟ ﺳﺎﻣﻨﺎ ﮐﺮ ﺭﮨﯽ ﮨﻮﺗﯽ ﺗﻮ ﺍﺱ ﻭﻗﺖ ﺍﺱ ﺳﮯ ﻟﭙﭧ ﮐﺮ ﺑﭽﻮﮞ ﮐﯽ ﻃﺮﺡ ﭘﮭﻮﭦ ﭘﮭﻮﭦ ﮐﺮ ﺭﻭ ﺭﮨﯽ ﮨﻮﺗﯽ۔۔ ﻭﺍﭦ ﺍﮮ ﭘﻠﯿﺰﻧﭧ ﺳﺮﭘﺮﺍﺯﺋﺰ۔۔۔ ﺍﺱ ﻧﮯ ﻗﺮﯾﺐ ﺁﺗﮯ ﮨﻮﺋﮯ ﮐﮩﺎ ﻭﮦ ﺑﮩﺖ ﺧﻮﺷﮕﻮﺍﺭ ﻣﻮﮈ ﻣﯿﮟ ﺗﮭﺎ۔۔ ﻣﯿﺮﺍ ﺟﻮﺗﺎ ﭨﻮﭦ ﮔﯿﺎ ﮨﮯ ۔۔ﺍﺱ ﻧﮯ ﺑﮯ ﺭﺑﻄﯽ ﺳﮯ ﺟﻮﺍﺏ ﺩﯾﺎ ﺍﺱ ﻧﮯ ﺳﺎﻻﺭ ﺳﮯ ﻧﻈﺮﯾﮟ ﻣﻼﺋﮯ ﺑﻐﯿﺮ ﮐﮩﺎ ﻭﮦ ﺟﺎﻧﺘﯽ ﺗﮭﯽ ﮐﮧ ﻭﮦ ﺍﺱ ﮐﯽ ﺁﻧﮑﮭﯿﮟ ﭘﮍﮬﻨﺎ ﺟﺎﻧﺘﺎ ﺗﮭﺎ۔ ﺳﺎﻣﻨﮯ ﺳﮕﻨﻞ ﭘﮧ ﻣﯿﺮﯼ ﮔﺎﮌﯼ ﺧﺮﺍﺏ ﮨﻮﮔﺌﯽ ﺍﻭﺭ ﻟﻔﭩﺮ ﺍﺳﮯ ﮐﮩﯿﮟ ﻟﮯ ﮔﯿﺎ ﮨﮯ۔ﺍﻭﺭ ﯾﮩﺎﮞ ﺗﻤﮩﺎﺭﺍ ﺁﻓﺲ ﺗﮭﺎ ﺗﻮ ﯾﮩﯽ ﺁﮔﺊ۔۔ﻟﯿﮑﻦ ﺷﺎﯾﺪ ﻧﮩﯿﮟ ﺁﻧﺎ ﭼﺎﮨﯿﺌﮯ ﺗﮭﺎ۔ﮐﯿﻮﻧﮑﮧ ﺗﻢ ﻣﺼﺮﻭﻑ ﮨﻮ ﺑﺲ ﺗﻢ ﻣﺠﮭﮯ ﮔﮭﺮ ﺑﮭﺠﻮﺍ ﺩﻭ۔۔ﻭﮦ ﺍﯾﮏ ﮐﮯ ﺑﻌﺪ ﺍﯾﮏ ﻣﺴﺌﻠﮧ ﺑﺘﺎﺗﮯ ﮨﻮﺋﮯ ﺍﺳﮯ ﺑﮯ ﮈﮬﻨﮕﮯ ﺍﻧﺪﺍﺯ ﻣﯿﮟ ﮐﮩﺎ۔۔ ﻧﻮ ﭘﺮﺍﺑﻠﻢ۔۔۔ﺳﺎﻻﺭ ﻧﮯ ﺍﺳﮑﮯ ﭼﮩﺮﮮ ﮐﻮ ﺩﯾﮑﮭﺘﮯ ﮨﻮﺋﮯﺍﺳﯽ ﺗﺴﻠﯽ ﺩﯼ۔۔ ﺳﻮﺭﯼ ﻣﯿﻢ ﺁﭖ ﻣﺠﮭﮯ ﺍﭘﻨﺎ ﺗﻌﺎﺭﻑ ﮐﺮﺍﺩﯾﺘﯽ ﺗﻮ ﻣﯿﮟ ﺁﭘﮑﻮ ﺁﻓﺲ ﻣﯿﮟ ﺑﭩﮭﺎﺗﯽ۔۔ ﮈﯾﺴﮏ ﭘﮧ ﺑﯿﭩﮭﯽ ﻟﮍﮐﯽ ﻧﮯ ﻗﺮﯾﺐ ﺁﮐﺮ ﻣﻌﺬﺭﺕ ﮐﯽ۔۔ ﺍﭨﺲ ﺍﻭﮐﮯ۔۔۔۔ﮐﺴﯽ ﮐﻮ ﺑﮭﯿﺞ ﮐﺮ ﯾﮩﺎﮞ ﻗﺮﯾﺒﯽ ﮐﺴﯽ ﺷﻮ ﺳﭩﻮﺭ ﺳﮯ ﺍﺱ ﺳﺎﺋﺰ ﮐﮯ ﺟﻮﺗﮯ ﻣﻨﮕﻮﺍﺋﯿﮟ۔ ﺍﺱ ﻧﮯ ﻟﮍﮐﯽ ﺳﮯ ﮐﮩﺎ ﺍﻭﺭ ﭘﮭﺮ ﺍﮔﻼ ﺟﻤﻠﮧ ﺍﻣﺎﻣﮧ ﺳﮯ ﮐﮩﺎ ۔۔۔ ﺍﻣﺎﻣﮧ ﯾﮧ ﭨﻮﭨﺎ ﮨﻮﺍ ﺟﻮﺗﺎ ﺍﺗﺎﺭ ﺩﻭ۔۔ ﺍﺗﺎﺭ ﺩﻭﮞ؟؟ ﻭﮦ ﮨﭽﮑﭽﺎﺋﯽ۔ ﮨﺎﮞ ﮐﻮﺋﯽ ﺣﺮﺝ ﻧﮩﯿﮟ ﻣﯿﺮﮮ ﺑﺎﺗﮫ ﺭﻭﻡ ﻣﯿﮟ ﻭﺿﻮ ﮐﮯ ﺳﻠﭙﺮﺯ ﮨﯿﮟ ﻭﮦ ﭘﮩﻦ ﮐﺮ ﭘﺎﺅﮞ ﺩﮬﻮ ﻟﯿﻨﺎ ﺗﺐ ﺗﮏ ﻧﯿﺎ ﺟﻮﺗﺎ ﺁﺟﺎﺋﮯ ﮔﺎ۔۔۔ﺍﻭﺭ ﮐﺲ ﺳﮕﻨﻞ ﺳﮯ ﮔﺎﮌﯼ ﻟﯿﮑﺮ ﮔﺌﮯ ﮨﮯ۔۔ﺍﻣﺎﻣﮧ ﻧﮯ ﺍﺳﮯ ﺍﻧﺪﺍﺯﮮ ﺳﮯ ﺑﺘﺎﯾﺎ۔۔۔ﺍﺱ ﻧﮯ ﮈﯾﺴﮏ ﺳﮯ ﺁﻧﮯ ﻭﺍﻟﯽ ﻟﮍﮐﯽ ﮐﻮ ﮔﺎﮌﯼ ﮐﺎ ﻧﻤﺒﺮ ﺩﯾﺎ ﺍﻭﺭ ﮐﭽﮫ ﮨﺪﺍﯾﺎﺕ ﺩﯼ . ۔۔ﻭﮦ ﺗﺐ ﺗﮏ ﭨﻮﭨﮯ ﮨﻮﺋﮯ ﺟﻮﺗﮯ ﺍﺗﺎﺭ ﭼﮑﯽ ﺗﮭﺎ۔۔ﺍﺳﮑﺎ ﮨﺎﺗﮫ ﺍﭘﻨﮯ ﮨﺎﺗﮫ ﻣﯿﮟ ﻟﯿٰﮯ ﻭﮦ ﺍﺳﮯ ﻭﮨﺎﮞ ﺳﮯ ﻟﮯ ﺁﯾﺎ۔۔ﺍﭘﻨﮯ ﮨﺎﺗﮫ ﭘﺮ ﺍﺳﮑﯽ ﮔﺮﻓﺖ ﻣﺤﺴﻮﺱ ﮐﺮﺗﯽ ﮨﻮﺋﮯ ﺍﻣﺎﻣﮧ ﻧﮯ ﺳﻮﭼﺎ ﺍﺳﮯ ﺍﺱ ﻭﻗﺖ ﺍﺱ ﺳﮩﺎﺭﮮ ﮐﯽ ﺑﮯ ﺣﺪ ﺿﺮﻭﺭﺕ ﺗﮭﯽ۔۔ﻭﮦ ﺭﺍﺳﺘﮯ ﻣﯿﮟ ﻣﻠﻨﮯ ﻭﺍﻟﮯ ﺍﻓﺮﺍﺩ ﺳﮯ ﺭﯾﻠﯿﮑﺲ ﺍﻧﺪﺍﺯ ﻣﯿﮟ ﺍﺳﮑﺎ ﺗﻌﺎﺭﻑ ﮐﺮﺍﺗﮯ ﮨﻮﺋﮯ ﺍﭘﻨﮯ ﺁﻓﺲ ﻟﮯ ﺁﯾﺎ۔۔ ﻭﯾﺴﮯ ﺗﻢ ﯾﮩﺎﮞ ﺁ ﮐﯿﺴﮯ ﮔﺌﯽ۔۔ﺍﺱ ﻧﮯ ﺁﻓﺲ ﮐﺎ ﺩﺭﻭﺍﺯﮦ ﺑﻨﺪ ﮐﺮﺗﮯ ﮨﻮﺋﮯ ﺍﻣﺎﻣﮧ ﺳﮯ ﭘﻮﭼﮭﺎ ۔۔۔ ********* ﻭﯾﺴﮯ ﺗﻢ ﯾﮩﺎﮞ ﺁ ﮐﯿﺴﮯ ﮔﺌﯽ۔۔ﺍﺱ ﻧﮯ ﺁﻓﺲ ﮐﺎ ﺩﺭﻭﺍﺯﮦ ﺑﻨﺪ ﮐﺮﺗﮯ ﮨﻮﺋﮯ ﺍﻣﺎﻣﮧ ﺳﮯ ﭘﻮﭼﮭﺎ ۔۔۔ ﻣﯿﮟ؟؟؟؟ ﺍﺳﮯ ﺑﮩﺎﻧﮧ ﯾﺎﺩ ﻧﮩﯿﮟ ﺁﯾﺎ۔۔۔ﺳﺎﻻﺭ ﻧﮯ ﮐﭽﮫ ﻟﻤﺤﮯ ﺍﺳﮑﮯ ﺟﻮﺍﺏ ﮐﺎ ﺍﻧﺘﻈﺎﺭ ﮐﯿﺎ ﭘﮭﺮ ﺑﺎﺕ ﺑﺪﻝ ﺩﯼ۔۔۔ ﺗﻢ ﮐﮭﮍﯼ ﮐﯿﻮﮞ ﮨﻮ ﺑﯿﭩﮫ ﺟﺎﺅ۔۔ ﺍﭘﻨﯽ ﭨﯿﺒﻞ ﮐﯽ ﻃﺮﻑ ﺟﺎﺗﮯ ﮨﻮﺋﮯ ﺍﺱ ﻧﮯ ﺍﻧﭩﺮﮐﺎﻡ ﮐﺎ ﺭﯾﺴﯿﻮﺭ ﺍﭨﮭﺎﺗﮯ ﮨﻮﺋﮯ ﺍﺱ ﺳﮯ ﮐﮩﺎ۔۔۔۔۔ ﻭﮦ ﺍﻧﭩﺮﮐﺎﻡ ﭘﺮ ﺍﺳﮑﮯ ﻟﯿﺌﮯ ﮐﻮﺋﯽ ﺟﻮﺱ ﻻﻧﮯ ﮐﺎ ﮐﮩﮧ ﺭﮨﺎ ﺗﮭﺎ۔ ﺟﺐ ﺍﺳﮑﺎ ﻓﻮﻥ ﺑﺠﻨﮯ ﻟﮕﺎ۔ ﺍﺱ ﻧﮯ ﮐﺎﻝ ﺭﯾﺴﯿﻮ ﮐﯽ۔۔ﭼﻨﺪ ﻟﻤﺤﮯ ﺑﺎﺕ ﮐﺮﺗﺎ ﺭﮨﺎ ﭘﮭﺮ ﺍﺱ ﻧﮯ ﺍﻣﺎﻣﮧ ﺳﮯ ﮐﮩﺎ۔۔۔ﺍﻣﺎﻣﮧ ﺗﻤﮩﺎﺭﺍ ﮐﺮﯾﮉﭦ ﮐﺎﺭﮈ ﮐﮩﺎﮞ ﮨﮯ؟؟ ﻭﮦ ﺍﺳﮑﮯ ﺳﻮﺍﻝ ﭘﺮ ﭼﻮﻧﮑﯽ ۔ﺍﺳﮑﮯ ﭘﺎﺱ ﺍﯾﮏ ﺳﭙﻠﻤﻨﭩﺮﯼ ﮐﺎﺭﮈ ﺗﮭﺎ۔۔ ﻣﯿﺮﮮ ﺑﯿﮓ ﻣﯿﮟ۔۔۔۔ ﺫﺭﺍ ﭼﯿﮏ ﮐﺮﻭ۔۔۔۔ ﺍﺱ ﻧﮯ ﺑﯿﮓ ﺳﮯ ﻭﺍﻟﭧ ﻧﮑﺎﻻ ﺍﻭﺭ ﭘﮭﺮ ﺑﺎﺭﯼ ﺑﺎﺭﯼ ﺑﯿﮓ ﮐﺎ ﮨﺮ ﺣﺼﮧ ﭼﯿﮏ ﮐﯿﺎ۔۔ﮐﺎﺭﮈ ﻭﮨﺎﮞ ﻧﮩﯿﮟ ﺗﮭﺎ۔۔۔ ﺍﺳﮑﮯ ﮨﺎﺗﮭﻮﮞ ﮐﮯ ﻃﻮﻃﮯ ﺍﮌ ﮔﺌﮯ۔۔ ﺍﺱ ﻣﯿﮟ ﻧﮩﯿﮟ ﮨﮯ۔۔ﺍﺱ ﻧﮯ ﺍﮌﯼ ﮨﻮﺋﯽ ﺭﻧﮕﺖ ﮐﯿﺴﺎﺗﮫ ﺳﺎﻻﺭ ﺳﮯ ﮐﮩﺎ۔۔ ﺍﺱ ﻧﮯ ﺟﻮﺍﺏ ﺩﯾﻨﮯ ﮐﯽ ﺑﺠﺎﺋﮯ ﻓﻮﻥ ﭘﺮ ﮐﮩﺎ۔۔۔ ﺑﺎﻟﮑﻞ ﻣﯿﺮﯼ ﺑﯿﻮﯼ ﭼﮭﻮﮌ ﺁﺉ ﺗﮭﯽ ﻭﮨﺎﮞ۔۔ﻣﯿﮟ ﻣﻨﮕﻮﺍ ﻟﯿﺘﺎ ﮨﻮﮞ۔۔ﺗﮭﯿﻨﮏ ﯾﻮ۔۔ﺍﺱ ﻧﮯ ﻓﻮﻥ ﺑﻨﺪ ﮐﺮﺩﯾﺎ۔۔۔۔ﺍﻣﺎﻣﮧ ﮐﯽ ﺟﺎﻥ ﻣﯿﮟ ﺟﺎﻥ ﺁﺋﯽ۔۔ ﮐﮩﺎﮞ ﮨﮯ ﮐﺎﺭﮈ؟؟ ﺍﻣﺎﻣﮧ ﻧﮯ ﭘﻮﭼﮭﺎ۔۔۔ ﮐﮩﺎﮞ ﺷﺎﭘﻨﮓ ﮐﯽ ﮨﮯ ﺗﻢ ﻧﮯ؟؟ ﺳﺎﻻﺭ ﻧﮯ ﺍﺳﮑﯽ ﻃﺮﻑ ﺁﺗﮯ ﭘﻮﭼﮭﺎ۔۔ ﺍﺳﮯ ﮈﭘﺎﺭﭨﻤﻨﭩﻞ ﺳﭩﻮﺭ ﯾﺎﺩ ﺁﯾﺎ۔۔ ﻭﮨﺎﮞ ﭼﮭﻮﮌ ﺩﯾﺎ ﺗﮭﺎ ﻣﯿﮟ ﻧﮯ؟؟؟ ﺍﺳﮯ ﺟﯿﺴﮯ ﯾﻘﯿﻦ ﻧﮩﯿﮟ ﺁﯾﺎ۔۔۔۔ ﮨﺎﮞ ﺍﺳﭩﻮﺭ ﮐﮯ ﻣﯿﻨﯿﺠﺮ ﻧﮯ ﮨﯿﻠﭗ ﻻﺋﻦ ﮐﻮ ﺍﻧﻔﺎﺭﻡ ﮐﯿﺎ ﻭﮦ ﺗﻤﮩﺎﺭﮮ ﺳﯿﻞ ﭘﺮ ﭨﺮﺍﺉ ﮐﺮﺗﮯ ﺭﮨﮯ ﻟﯿﮑﻦ ﺗﻢ۔ﻧﮯ ﮐﺎﻝ ﺭﯾﺴﯿﻮ ﻧﮩﯿﮟ ﮐﯽ . ۔۔ﺍﺏ ﺍﻧﮩﻮﮞ ﻧﮯ ﻣﺠﮭﮯ ﮐﺎﻝ ﮐﯿﺎ ﮨﮯ۔ ﺍﯾﮏ ﺁﺩﻣﯽ ﭨﺮﮮ ﻣﯿﮟ ﭘﺎﻧﯽ ﺍﻭﺭ ﺟﻮﺱ ﮐﺎ ﺍﯾﮏ ﮔﻼﺱ ﻟﮯ ﺁﯾﺎ ﺗﮭﺎ۔۔ﺍﺳﮯ ﺍﺱ ﻭﻗﺖ ﺍﺳﮑﯽ ﺷﺪﯾﺪ ﺿﺮﻭﺭﺕ ﻣﺤﺴﻮﺱ ﮨﻮﺭﮨﯽ ﺗﮭﯽ۔۔ ﺳﺎﻻﺭ ﺩﻭﺳﺮﮮ ﺻﻮﻓﮯ ﭘﺮ ﺁﮐﺮ ﺑﯿﭩﮫ ﮔﯿﺎ۔۔ﺍﺱ ﺑﺎﺭ ﺍﻧﭩﺮﮐﺎﻡ ﺩﻭﺑﺎﺭﮦ ﺑﺠﺎ ﺍﻭﺭ ﻭﮦ ﺍﭨﮫ ﮔﯿﺎ۔۔ﮔﺎﮌﯼ ﮐﺎ ﭘﺘﺎ ﭼﻞ ﮔﯿﺎ ﺗﮭﺎ ﺍﻣﺎﻣﮧ ﮔﺎﮌﯼ ﮐﮯ ﭘﯿﭙﺮﺯ ﮐﮩﺎﮞ ﮨﯿﮟ؟؟ ﺍﺱ ﻧﮯ ﺍﯾﮏ ﺑﺎﺭ ﭘﮭﺮ ﻓﻮﻥ ﮨﻮﻟﮉ ﭘﮧ ﺭﮐﮭﺘﮯ ﮨﻮﺋﮯ ﺍﺱ ﺳﮯ ﭘﻮﭼﮭﺎ ۔۔ ﺍﻣﺎﻣﮧ ﮐﻮ ﺍﭘﻨﯽ ﺍﮔﻠﯽ ﺣﻤﺎﻗﺖ ﯾﺎﺩ ﺁﺋﯽ۔۔ﮔﺎﮌﯼ ﮐﮯﭘﯿﭙﺮﺯ ﮔﺎﮌﯼ ﻣﯿﮟ ﮨﯽ ﺗﮭﮯ۔ ﻭﮦ ﭘﯿﭙﺮﺯ ﺍﻭﺭ ﻻﺋﺴﻨﺲ ﮔﺎﮌﯼ ﻣﯿﮟ ﭼﮭﻮﮌ ﺁﺋﯽ ﺗﮭﯽ ۔ﺍﺱ ﺑﺮﺍﻧﮉ ﻧﯿﻮ ﮔﺎﮌﯼ ﭘﺮ ﺍﮔﺮ ﮐﻮﺉ ﮨﺎﺗﮫ ﺻﺎﻑ ﮐﺮﺗﺎ ﺗﻮ ﯾﮧ ﺩﻭﻧﻮﮞ ﭼﯿﺰﯾﮟ ﺍﻧﻌﺎﻡ ﻣﯿﮟ ﻣﻠﺘﯽ۔ ﮐﯿﻮﻧﮑﮧ ﻟﻔﭩﺮ ﺍﺳﮯ ﻣﻄﻠﻮﺑﮧ ﭘﺎﺭﮐﻨﮓ ﻣﯿﮟ ﭼﮭﻮﮌ ﮐﺮ ﻭﮨﺎﮞ ﺳﮯ ﺟﺎﭼﮑﺎ ﺗﮭﺎ۔۔ﺟﻮﺱ ﺍﯾﮑﺪﻡ ﺍﺳﮑﮯ ﺣﻠﻖ ﻣﯿﮟ ﺍﭨﮑﻨﮯ ﻟﮕﺎ . ۔۔ ﮔﺎﮌﯼ ﻣﯿﮟ۔۔۔ﺍﺱ ﻧﮯ ﻧﻈﺮﯾﮟ ﻣﻼﺋﮯ ﺑﻐﯿﺮ ﮐﮩﺎ۔۔ﺟﻮﺍﺑﺎً ﺍﺳﮯ ﻣﻼﻣﺖ ﻧﮩﯿﮟ ﮐﯽ ﮔﺌﯽ ﺗﮭﯽ ﺟﺴﮑﯽ ﻭﮦ ﺗﻮﻗﻊ ﮐﺮ ﺭﮨﯽ ﺗﮭﯽ۔۔ ﺁﺉ ﮈﯼ ﮐﺎﺭﮈ ﮐﯽ ﮐﺎﭘﯽ ﮨﮯ؟؟ ﻭﮦ ﮐﺴﯽ ﮐﻮ ﮔﺎﮌﯼ ﻻﻧﮯ ﮐﮯ ﻟﯿﮯ ﺑﮭﯿﺠﻨﺎ ﭼﺎﮨﺘﺎ ﺗﮭﺎ۔۔ﻭﮦ ﮔﻼﺱ ﺭﮐﮫ ﮐﺮ ﺍﯾﮏ ﺑﺎﺭ ﭘﮭﺮ ﺁﺉ ﮈﯼ ﮐﺎﺭﮈ ﺍﭘﻨﮯ ﺑﯿﮓ ﻣﯿﮟ ﮈﮬﻮﻧﮉﻧﮯ ﻟﮕﯽ۔۔ﻭﮨﺎﮞ ﺍﺳﮑﺎ ﮐﻮﺋﯽ ﻭﺟﻮﺩ ﻧﮩﯿﮟ ﺗﮭﺎ۔۔۔ﺍﺳﮯ ﯾﺎﺩ ﺁﯾﺎ ﮐﮧ ﻭﮦ ﺩﻭﺳﺮﮮ ﺑﯿﮓ ﻣﯿﮟ ﮨﮯ۔۔ﺍﺳﮑﺎ ﺩﻝ ﻭﮨﺎﮞ ﺳﮯ ﺑﮭﺎﮒ ﺟﺎﻧﮯ ﮐﻮ ﭼﺎﮨﺎ ﺍﺳﮯ ﺧﻮﺩ ﭘﺮ ﺷﺪﯾﺪ ﻏﺼﮧ ﺁﺭﮨﺎ ﺗﮭﺎ۔۔ ﺍﺱ ﺩﻓﻌﮧ ﺳﺎﻻﺭ ﻧﮯ ﺍﺳﮑﮯ ﺟﻮﺍﺏ ﮐﺎ ﺍﻧﺘﻈﺎﺭ ﻧﮩﯿﮟ ﮐﯿﺎ ﺗﮭﺎ۔ ﻣﯿﺮﮮ ﭘﯿﭙﺮﺯ ﻣﯿﮟ ﺩﯾﮑﮭﻮ ﻣﯿﺮﯼ ﻭﺍﺋﻒ ﮐﯽ ﺁﺉ ﮈﯼ ﮐﺎﺭﮈ ﮐﯽ ﮐﺎﭘﯽ ﮨﻮﮔﯽ۔ ﻭﮦ ﮈﺭﺍﺋﯿﻮﺭ ﮐﻮ ﺩﮮ ﺩﻭ ﺍﻭﺭ ﮐﺎﺭ ﮐﯽ ﭼﺎﺑﯿﺎﮞ ﺑﮭﯽ ﺑﮭﺠﻮﺍ ﺩﯾﺘﺎ ﮨﻮﮞ۔۔ﺍﺱ ﻧﮯ ﻓﻮﻥ ﭘﺮ ﮐﮩﺎ۔۔۔ ﺗﻤﮩﯿﮟ ﺍﮔﺮ ﻓﺮﯾﺶ ﮨﻮﻧﺎ ﮨﻮ ﺗﻮ ﻣﯿﺮﮮ ﺳﻠﭙﺮﺯ ﯾﮩﺎﮞ ﭘﮍﮮ ﮨﯿﮟ۔۔۔ ﯾﮧ ﺁﻓﺮ ﺑﺮﻭﻗﺖ ﺁﺋﯽ ﺗﮭﯽ۔۔۔ﺍﺳﮯ ﻭﺍﻗﻌﯽ ﺍﺱ ﻭﻗﺖ ﮐﻮﺋﯽ ﺍﯾﺴﯽ ﺟﮕﮧ ﭼﺎﮨﯿﺌﮯ ﺗﮭﯽ ﺟﮩﺎﮞ ﻭﮦ ﺍﭘﻨﺎ ﻣﻨﮧ ﭼﮭﭙﺎ ﻟﯿﺘﯽ ۔ ﺑﺎﺗﮫ ﺭﻭﻡ ﮐﺎ ﺩﺭﻭﺍﺯﮦ ﺑﻨﺪ ﮐﯿﺌﮯ ﻭﮦ ﺍﭘﻨﮯ ﻣﻨﮧ ﭘﺮ ﭘﺎﻧﯽ ﮐﮯ ﭼﮭﯿﻨﭩﮯ ﻣﺎﺭﺗﯽ ﮔﺊ۔ ﺳﻨﺎ ﮨﮯ ﺗﻤﮩﺎﺭﯼ ﮐﻮﺋﯽ ﮔﺮﻝ ﻓﺮﯾﻨﮉ ﺁﺉ ﮨﻮﺉ ﮨﮯ۔؟؟ ﺍﺱ ﻧﮯ ﺑﺎﮨﺮ ﺭﻣﺸﮧ ﮐﯽ ﺁﻭﺍﺯ ﺳﻨﯽ۔۔ﻭﮦ ﺳﺎﻻﺭ ﮐﻮ ﭼﮭﯿﮍ ﺭﮨﯽ ﺗﮭﯽ۔۔ ﻭﮦ ﺟﻮﺍﺑﺎً ﮨﻨﺴﺎ۔۔ ﮨﺎﮞ ﺁﺝ ﮐﯽ ﺗﮭﮑﺎ ﺩﯾﻨﮯ ﻭﺍﻟﯽ ﻣﯿﭩﻨﮓ ﮐﮯ ﺑﻌﺪ ﮐﺴﯽ ﮔﺮﻝ ﻓﺮﯾﻨﮉ ﮐﺎ ﺍﯾﮏ ﻭﺯﭦ ﺗﻮ ﮈﯾﺰﺭﻭ ﮐﺮﺗﺎ ﺗﮭﺎ ﻣﯿﮟ۔۔ﻭﮦ ﺁﺋﯿﻨﮧ ﻣﯿﮟ ﺍﭘﻨﺎ ﻋﮑﺲ ﺩﯾﮑﮭﺘﮯ ﮨﻮﺋﮯ ﺍﻧﮑﯽ ﺑﺎﺗﯿﮟ ﺳﻨﺘﯽ ﺭﮨﯽ۔۔۔ﻭﮦ ﺩﻭﻧﻮﮞ ﺍﺏ ﮐﺴﯽ ﮐﻼﺋﻨﭧ ﺍﻭﺭ ﺁﺝ ﮐﯽ ﻣﯿﭩﻨﮓ ﮐﻮ ﮈﺳﮑﺲ ﮐﺮ ﺭﮨﮯ ﺗﮭﮯ۔ﺍﺳﮑﺎ ﺩﻝ ﭼﺎﮨﺎ ﮐﮧ ﻭﮦ ﻭﺍﭘﺲ ﮐﻤﺮﮮ ﻣﯿﮟ ﻧﮧ ﺟﺎﺋﮯ ﻭﮦ ﺍﺱ ﺳﯿﻦ ﺳﮯ ﻏﺎﺋﺐ ﮨﻮﻧﺎ ﭼﺎﮨﺘﯽ ﺗﮭﯽ۔۔ ﺑﺎﺗﮫ ﺭﻭﻡ ﮐﺎ ﺩﺭﻭﺍﺯﮦ ﮐﮭﻠﻨﮯ ﭘﺮ ﺭﻣﺸﮧ ﺧﯿﺮ ﻣﻘﺪﻣﯽ ﺍﻧﺪﺍﺯ ﻣﯿﮟ ﺍﺳﮑﯽ ﻃﺮﻑ ﺁﺋﯽ۔۔۔ ﭼﻠﻮ ﮐﺴﯽ ﺑﮩﺎﻧﮯ ﺗﻤﮩﺎﺭﯼ ﺑﯿﮕﻢ ﺗﻮ ﯾﮩﺎﮞ ﺁﺋﯽ۔ﺭﻣﺸﮧ ﻧﮯ ﺍﺱ ﺳﮯ ﻣﻠﺘﮯ ﮨﻮﺋﮯ ﮐﮩﺎ۔۔ ﺳﺎﻻﺭ ﺟﻮﺍﺏ ﺩﯾﻨﮯ ﮐﯽ ﺑﺠﺎﺋﮯ ﺻﺮﻑ ﻣﺴﮑﺮﺍﯾﺎ۔۔ ﭼﻨﺪ ﻣﻨﭧ ﻭﮦ ﮐﮭﮍﯼ ﺑﺎﺗﯿﮟ ﮐﺮﺗﯽ ﺭﮨﯽ ﭘﮭﺮ ﺍﺱ ﻧﮯ ﮐﮩﺎ۔۔ ﺍﺏ ﺍﮔﻠﯽ ﻣﯿﭩﻨﮓ ﮨﮯ۔۔ ﺗﻮ ﺗﻢ ﺁ ﺭﮨﮯ ﮨﻮ ﮐﯿﺎ۔۔۔؟؟ ﮨﺎﮞ ﻣﯿﮟ ﺁﺗﺎ ﮨﻮﮞ۔۔۔ﺗﻢ ﺍﺳﭩﺎﺭﭦ ﮐﺮﻟﻮ ﻣﯿﭩﻨﮓ ﻣﯿﮟ ﺩﺱ ﭘﻨﺪﺭﮦ ﻣﻨﭧ ﻣﯿﮟ ﺁﺗﺎ ﮨﻮﮞ۔۔۔ﺍﺱ ﻧﮯ ﮐﮩﺎ۔۔۔ ﺭﻣﺸﮧ ﺍﻣﺎﻣﮧ ﮐﻮ ﺧﺪﺍ ﺣﺎﻓﻆ ﮐﮩﺘﮯ ﮨﻮﺋﮯ ﻧﮑﻞ ﮔﺊ۔ ﺗﻢ ﭼﻠﮯ ﺟﺎﺅ۔۔ ﮔﺎﮌﯼ ﺁﺋﯿﮕﯽ ﺗﻮ ﻣﯿﮟ ﭼﻠﯽ ﺟﺎﺅﮞ ﮔﯽ۔۔ﺍﺱ ﻧﮯ ﮐﻤﺮﮮ ﻣﯿﮟ ﭘﮍﮮ ﺟﻮﺗﮯ ﮐﮯ ﮈﺑﮯ ﺳﮯ ﻧﯿﺎ ﺟﻮﺗﺎ ﻧﮑﺎﻟﺘﮯ ﮨﻮﺋﮯ ﺳﺎﻻﺭ ﺳﮯ ﮐﮩﺎ۔۔ ﺗﻢ ﺳﯿﻨﮉﻭﭺ ﮐﮭﺎﺅ۔ ﺗﻢ ﻧﮯ ﮨﯽ ﺻﺒﺢ ﺑﻨﺎ ﮐﺮ ﺩﯾﺌﮯ ﺗﮭﮯ۔ ﺁﺝ ﮐﻼﺋﻨﭩﺲ ﮐﮯ ﺳﺎﺗﮫ ﻟﻨﭻ ﮐﯿﺎ ﯾﮧ ﮐﮭﺎ ﻧﮧ ﺳﮑﺎ۔۔ﻭﮦ ﭨﯿﺒﻞ ﭘﺮ ﭘﮍﮮ ﺳﯿﻨﮉﻭﭺ ﮐﺎ ﺍﯾﮏ ﭨﮑﮍﺍ ﺍﭨﮭﺎ ﮐﺮ ﮐﮩﮧ ﺭﮨﺎ ﺗﮭﺎ۔۔ ﻣﺠﮭﮯ ﺑﮭﻮﮎ ﻧﮩﯿﮟ ﮨﮯ۔۔۔ﺍﺱ ﻭﻗﺖ ﺣﻠﻖ ﺳﮯ ﮐﭽﮫ ﺍﺗﺎﺭﻧﺎ ﺑﮩﺖ ﻣﺸﮑﻞ ﺗﮭﺎ۔۔۔ ﮐﯿﻮﮞ ﺑﮭﻮﮎ ﻧﮩﯿﮟ ﮨﮯ۔۔۔۔ﻟﻨﭻ ﮐﯿﺎ ﮨﮯ ﮐﯿﺎ ﺗﻢ ﻧﮯ / ؟؟؟ ﻧﮩﯿﮟ ﻟﯿﮑﻦ ﺑﮭﻮﮎ ﻧﮩﯿﮟ۔۔۔ ﭘﮭﺮ ﮐﮭﺎﺅ ﺻﺮﻑ ﺍﯾﮏ ﮐﮭﺎﺅ۔۔۔ﻭﮦ ﺍﺳﮯ ﺑﮩﻼ ﺭﮨﺎ ﺗﮭﺎ۔۔ ﺍﻣﺎﻣﮧ ﮐﯿﺴﺎﺗﮫ ﮐﻮﺉ ﻣﺴﺌﻠﮧ ﺗﮭﺎ ﺍﻭﺭ ﺍﺱ ﻭﻗﺖ ﭘﻮﭼﮭﻨﺎ ﺑﮯ ﮐﺎﺭ ﺗﮭﺎ۔۔۔ﻭﮦ ﺟﺐ ﭘﺮﯾﺸﺎﻥ ﮨﻮﺗﯽ ﺗﮭﯽ ﺗﻮ ﺍﺳﯽ ﻃﺮﺡ ﭼﯿﺰﯾﮟ ﺑﮭﻮﻟﺘﯽ ﺗﮭﯽ۔ﻭﮦ ﺳﺮ ﺟﮭﮑﺎﺋﮯ ﺳﯿﻨﮉﻭﭺ ﮐﮭﺎﻧﮯ ﻟﮕﯽ ﺟﻮ ﺍﺱ ﻧﮯ ﺍﺳﮑﮯ ﺳﺎﻣﻨﮯ ﭘﻠﯿﭧ ﻣﯿﮟ ﺭﮐﮭﺎ ﺗﮭﺎ۔۔ ﺍﺳﮑﺎ ﺧﯿﺎﻝ ﺗﮭﺎ ﮐﮧ ﺳﺎﻻﺭ ﺍﺳﮑﯽ ﺍﻥ ﺣﺮﮐﺎﺕ ﭘﮧ ﺍﺏ ﺗﺒﺼﺮﮦ ﮐﺮﯾﮕﺎ ﻟﯿﮑﻦ ﻭﮦ ﺍﺩﮬﺮ ﺍﺩﮬﺮ ﮐﯽ ﺑﺎﺗﯿﮟ ﮐﺮﺗﺎ ﺭﮨﺎ۔۔۔ﺳﯿﻨﮉﻭﭺ ﺧﺘﻢ ﮨﻮﻧﮯ ﮐﮯ ﺑﻌﺪ ﺍﺱ ﻧﮯ ﺍﻣﺎﻣﮧ ﺳﮯ ﭼﺎﺋﮯ ﮐﺎ ﭘﻮﭼﮭﺎ۔۔۔ﺍﻭﺭ ﺍﺳﮑﮯ ﺍﻧﮑﺎﺭ ﭘﺮ ﺍﺱ ﻧﮯ ﺍﻧﭩﺮﮐﺎﻡ ﭘﺮ ﮐﺴﯽ ﺳﮯ ﮈﺭﺍﺋﯿﻮﺭ ﮐﻮ ﮔﺎﮌﯼ ﻧﮑﺎﻟﻨﮯ ﮐﮯ ﻟﯿﺌﮯ ﮐﮩﺎ۔۔ ﻣﯿﮟ ﺗﻤﮩﯿﮟ ﺍﭘﻨﯽ ﮔﺎ ﮌﯼ ﻣﯿﮟ ﺑﮭﺠﻮﺍ ﺭﮨﺎ ﮨﻮﮞ ﺗﻤﮩﺎﺭﯼ ﮔﺎﮌﯼ ﺟﺐ ﺁﺋﯿﮕﯽ ﺗﻮ ﻣﯿﮟ ﺑﮭﺠﻮﺍ ﺩﯾﺘﺎ ﮨﻮﮞ۔۔ ﻣﯿﮟ ﺧﻮﺩ ﮈﺭﺍﺋﯿﻮ ﮐﺮ ﮐﮯ ﭼﻠﯽ ﺟﺎﺗﯽ ﮨﻮﮞ۔۔۔ﺍﺱ ﻧﮯ ﮐﮩﺎ۔۔۔ ﺗﻤﮩﯿﮟ ﮈﺭﺍﺋﯿﻮﺭ ﮈﺭﺍﭖ ﮐﺮﺩﮮ ﮔﺎ ﺗﻢ ﺍﭖ ﺳﯿﭧ ﮨﻮ ﺍﻭﺭ ﻣﯿﮟ ﻧﮩﯿﮟ ﭼﺎﮨﺘﺎ ﺗﻢ ﮈﺭﺍﺋﯿﻮ ﮐﺮﻭ۔۔ﻭﮦ ﺑﻮﻝ ﻧﮧ ﺳﮑﯽ۔۔۔ ﻣﯿﮟ ﺧﻮﺩ ﭼﻠﯽ ﺟﺎﺗﯽ ﮨﻮﮞ۔۔ﺍﺱ ﻧﮯ ﺑﻨﮏ ﺍﯾﮕﺰﭦ ﭘﺮ ﺳﺎﻻﺭ ﺳﮯ ﮐﮩﺎ۔۔ ﯾﺎﺭ ﮐﻼﺋﻨﭩﺲ ﮐﻮ ﺑﮭﯽ ﯾﮩﺎﮞ ﺗﮏ ﭼﮭﻮﮌﻧﮯ ﺁﺗﺎ ﮨﻮﮞ ﺗﻢ ﺗﻮ ﺑﯿﻮﯼ ﮨﻮ ﻣﯿﺮﯼ ۔۔ﻭﮦ ﻣﺴﮑﺮﺍﯾﺎ ﺗﮭﺎ۔۔ ﮈﺭﺍﺋﯿﻮﺭ ﭘﺎﺭﮐﻨﮓ ﻣﯿﮟ ﮐﮭﮍﯼ ﮔﺎﮌﯼ ﺩﺭﻭﺍﺯﮮ ﮐﮯ ﺳﺎﻣﻨﮯ ﻻﯾﺎ ﺗﮭﺎ ۔ﮈﺭﺍﺋﯿﻮﺭ ﮔﺎﮌﯼ ﮐﺎ ﺩﺭﻭﺍﺯﮦ ﮐﮭﻮﻟﻨﮯ ﺁﯾﺎ۔ﻣﮕﺮ ﺍﺱ ﺳﮯ ﭘﮩﻠﮯ ﺳﺎﻻﺭ ﺍﺳﮑﮯ ﻟﯿﮯ ﮔﺎﮌﯼ ﮐﺎ ﭘﭽﮭﻼ ﺩﺭﻭﺍﺯﮦ ﮐﮭﻮﻝ ﭼﮑﺎ ﺗﮭﺎ۔۔ ﻭﮦ ﮔﺎﮌﯼ ﻣﯿﮟ ﺑﯿﭩﮭﻨﮯ ﮐﯽ ﺑﺠﺎﺋﮯ ﺍﺳﮯ ﺭﮎ ﮐﺮ ﺩﯾﮑﮭﻨﮯ ﻟﮕﯽ۔۔ﻭﮦ ﺍﺳﮑﺎ ﺷﮑﺮﯾﮧ ﺍﺩﺍ ﮐﺮﻧﺎ ﭼﺎﮨﺘﯽ ﺗﮭﯽ ﻟﯿﮑﻦ ﺍﺳﮑﮯ ﺣﻠﻖ ﻣﯿﮟ ﺍﯾﮏ ﺑﺎﺭ ﭘﮭﺮ ﮔﺮﮨﯿﮟ ﭘﮍﻧﮯ ﻟﮕﯽ ﺗﮭﯿﮟ۔۔ Anything else ma'am ﺳﺎﻻﺭ ﻧﮯ ﻣﺴﮑﺮﺍﺗﮯ ﮨﻮﺋﮯ ﮐﮩﺎ۔۔۔ ﺗﮭﯿﻨﮏ ﯾﻮ۔۔ﺍﺱ ﻧﮯ ﺑﻶﺧﺮ ﮐﮩﺎ۔۔ Always at your disposal ma'am ﺍﺱ ﻧﮯ ﺍﭘﻨﺎ ﺑﺎﺯﻭ ﺍﺱ ﮐﮯ ﮔﺮﺩ ﭘﮭﯿﻼﺗﮯ ﮨﻮﺋﮯ ﺍﺳﮯ ﮔﺎﮌﯼ ﻣﯿﮟ ﺑﯿﭩﮭﻨﮯ ﮐﺎ ﺍﺷﺎﺭﮦ ﮐﺮﺗﮯ ﮨﻮﺋﮯ ﮐﮩﺎ۔۔۔ ﻭﮦ ﮔﺎﮌﯼ ﻣﯿﮟ ﺑﯿﭩﮫ ﮔﺌﯽ۔۔ﺳﺎﻻﺭ ﻧﮯ ﺩﺭﻭﺍﺯﮦ ﺑﻨﺪ ﮐﺮﺩﯾﺎ۔ﭼﻠﺘﯽ ﮨﻮﺉ ﮔﺎﮌﯼ ﻣﯿﮟ ﺍﻣﺎﻣﮧ ﻧﮯ ﺍﯾﮏ ﻟﻤﺤﮯ ﮐﮯ ﻟﯿﺌﮯ ﻣﮍ ﮐﺮ ﺩﯾﮑﮭﺎ ﻭﮦ ﺍﺑﮭﯽ ﻭﮨﯽ ﮐﮭﮍﺍ ﺗﮭﺎ۔۔ﻭﮦ ﯾﻘﯿﻨﺎً ﮔﺎﮌﯼ ﮐﮯ ﻣﯿﻦ ﺭﻭﮈ ﭘﮧ ﺟﺎﻧﮯ ﮐﺎ ﺍﻧﺘﻈﺎﺭ ﮐﺮ ﺭﮨﺎ ﺗﮭﺎ ﺍﺱ ﻧﮯ ﺍﭘﻨﺎ ﭼﮩﺮﮦ ﺩﻭﻧﻮﮞ ﮨﺎﺗﮭﻮﮞ ﺳﮯ ﮈﮬﺎﻧﭗ ﻟﯿﺎ۔۔ ﺟﺴﮑﯽ ﺫﻣﮧ ﺩﺍﺭﯼ ﺗﮭﯽ ﻭﮦ ﺷﺨﺺ ﺍﺱ ﮐﮯ ﻟﯿﮯ ﮐﮭﮍﺍ ﺗﮭﺎ۔۔ ﻭﮦ ﺟﻼﻝ ﮐﯽ ﺫﻣﮧ ﺩﺍﺭﯼ ﻧﮩﯿﮟ ﺗﮭﯽ۔۔ﻭﮦ ﭘﮭﺮ ﮐﯿﻮﮞ ﯾﮧ ﺗﻮﻗﻊ ﮐﺮ ﺭﮨﯽ ﺗﮭﯽ ﮐﮧ ﻭﮦ ﺍﺳﮑﮯ ﻟﯿﺌﮯ ﺍﺗﻨﯽ ﮐﺮﭨﺴﯽ ﺩﮐﮭﺎﺗﺎ۔۔ﺍﺱ ﻧﮯ ﭨﮭﯿﮏ ﮐﯿﺎ ﺗﮭﺎ ﺍﺳﮑﮯ ﺳﺎﺗﮫ ٍﮈﺭﺍﺋﯿﻮﺭ ﺑﮭﯿﺞ ﮐﺮ ﻭﮦ ﻭﺍﻗﻌﯽ ﺍﺱ ﻭﻗﺖ ﮈﺭﺍﺋﯿﻮ ﮐﺮﻧﮯ ﮐﮯ ﻗﺎﺑﻞ ﻧﮩﯿﮟ ﺗﮭﯽ۔۔ﮔﮭﺮ ﺁ ﮐﺮ ﺑﮭﯽ ﻭﮦ ﺑﮯ ﻣﻘﺼﺪ ﻻﺅﻧﺞ ﻣﯿﮟ ﺑﯿﭩﮭﯽ ﺭﮨﯽ ۔۔ﺁﺝ ﮐﺎ ﺩﻥ ﺑﮯ ﺣﺪ ﺑﺮﺍ ﺗﮭﺎ۔۔ﺗﮑﻠﯿﻒ ﺩﮦ ﯾﺎﺩﻭﮞ ﮐﺎ ﺳﻠﺴﻠﮧ ﺗﮭﺎ ﺟﻮ ﺧﺘﻢ ﮨﻮﻧﮯ ﮐﺎ ﻧﺎﻡ ﻧﮩﯿﮟ ﻟﮯ ﺭﮨﺎ ﺗﮭﺎ۔۔ ﮐﯿﺎ ﮨﻮﺍ ﮨﮯ ﺗﻤﮩﯿﮟ۔۔۔ﺳﺎﻻﺭ ﻧﮯ ﺍﺱ ﺭﺍﺕ ﮐﮭﺎﻧﮯ ﮐﯽ ﭨﯿﺒﻞ ﭘﮧ ﺍﺱ ﺳﮯ ﭘﻮﭼﮭﺎ۔۔ ﮐﭽﮫ ﻧﮩﯿﮟ۔۔۔ﺟﻮﺍﺏ ﺣﺴﺐ ﺗﻮﻗﻊ ﺗﮭﺎ۔۔ ﺳﺎﻻﺭ ﻧﮯ ﮐﮭﺎﻧﺎ ﮐﮭﺎﺗﮯ ﮐﮭﺎﺗﮯ ﮨﺎﺗﮫ ﺭﻭﮎ ﮐﺮ ﺍﺳﮯ ﺩﯾﮑﮭﺎ۔۔ ﮐﻮﺋﯽ ﭘﺮﯾﺸﺎﻧﯽ ﻧﮩﯿﮟ۔۔ﺑﺲ ﺍﭘﻨﯽ ﻓﯿﻤﻠﯽ ﮐﻮ ﻣﺲ ﮐﺮ ﺭﮨﯽ ﮨﻮﮞ۔۔ﺍﺱ ﻧﮯ ﺟﮭﻮﭦ ﺑﻮﻻ۔۔ ﺳﺎﻻﺭ ﻧﮯ ﺍﺳﮯ ﮐﺮﯾﺪﺍ ﻧﮩﯿﮟ۔ ﻭﮦ ﺍﺳﮯ ﺻﺮﻑ ﺑﮩﻼﻧﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ۔۔ﻭﮦ ﮈﻧﺮ ﮐﮯ ﺑﻌﺪ ﮐﺎﻡ ﮐﮯ ﻟﯿﮯ ﺳﭩﮉﯼ ﺭﻭﻡ ﻣﯿﮟ ﭼﻼ ﮔﯿﺎ ﺍﻣﺎﻣﮧ ﻧﮯ ﺳﻮﻧﮯ ﮐﯽ ﮐﻮﺷﺶ ﮐﯽ ﻟﯿﮑﻦ ﺳﻮ ﻧﮧ ﺳﮑﯽ۔۔ﮐﺘﻨﺎ ﻭﻗﺖ ﺍﺱ ﻧﮯ ﺍﻧﺪﮬﯿﺮﮮ ﻣﯿﮟ ﺑﺴﺘﺮ ﭘﺮ ﭼﺖ ﻟﯿﭩﮯ ﭼﮭﺖ ﮐﻮ ﮔﮭﻮﺭﺗﮯ ﮨﻮﺋﮯ ﮔﺰﺍﺭﺍ ﺍﺳﮑﻮ ﭘﺘﮧ ﮨﯽ ﻧﮧ ﭼﻼ۔۔ﺳﻮﭼﻮﮞ ﮐﺎ ﺗﺴﻠﺴﻞ ﺗﺐ ﭨﻮﭨﺎ ﺟﺐ ﺍﺳﮯ ﺩﺭﻭﺍﺯﮦ ﮐﮭﻠﻨﮯ ﮐﯽ ﺁﻭﺍﺯ ﺁﺋﯽ۔۔۔۔۔ﺳﺎﻻﺭ ﺳﻮﻧﮯ ﮐﮯ ﻟﯿﺌﮯ ﺣﺘﯽ ﺍﻻﻣﮑﺎﻥ ﺁﮨﺴﺘﮕﯽ ﺳﮯ ﺩﺭﻭﺍﺯﮦ ﮐﮭﻮﻻ ﺗﮭﺎ۔۔ﭘﮭﺮ ﻭﮦ ﺩﺭﻭﺍﺯﮦ ﺑﻨﺪ ﮐﺮ ﻟﮯ ﻻﺋﭧ ﺁﻥ ﮐﯿﮯ ﺑﻐﯿﺮ ﺍﺳﯽ ﻃﺮﺡ ﺍﺣﺘﯿﺎﻁ ﺳﮯ ﺩﺑﮯ ﭘﺎﺅﮞ ﻭﺍﺵ ﺭﻭﻡ ﮐﯽ ﻃﺮﻑ ﮔﯿﺎ۔۔ ﺍﻣﺎﻣﮧ ﻧﮯ ﺁﻧﮑﮭﯿﮟ ﺑﻨﺪ ﮐﺮﻟﯽ۔۔ﻧﯿﻨﺪ ﺍﺏ ﺑﮭﯽ ﺁﻧﮑﮭﻮﮞ ﺳﮯ ﮐﻮﺳﻮﮞ ﺩﻭﺭ ﺗﮭﯽ۔ﻭﮦ ﮐﭙﮍﮮ ﺗﺒﺪﯾﻞ ﮐﺮ ﮐﮯ ﺳﻮﻧﮯ ﮐﮯ ﻟﯿﺌﮯ ﺁ ﮐﺮ ﻟﯿﭩﺎ ﺗﮭﺎ۔۔ﺍﺱ ﻧﮯ ﺍﻣﺎﻣﮧ ﮐﯽ ﻃﺮﻑ ﮐﺮﻭﭦ ﻟﯽ۔۔ﺍﻭﺭ ﭘﮭﺮ ﺍﻣﺎﻣﮧ ﻧﮯ ﺍﺳﮑﯽ ﺁﻭﺍﺯ ﺳﻨﯽ۔۔ ﺗﻢ ﺟﺎﮒ ﺭﮨﯽ ﮨﻮ؟ ۔۔۔۔۔ ﺗﻤﮩﯿﮟ ﮐﯿﺴﮯ ﭘﺘﺎ ﭼﻞ ﺟﺎﺗﺎ ﮨﮯ۔۔ﻭﮦ ﮐﭽﮫ ﺟﮭﻼﺋﯽ۔۔ ﭘﺘﺎ ﻧﮩﯿﮟ ﮐﯿﺴﮯ؟ ﺑﺲ ﭘﺘﺎ ﭼﻞ ﮨﯽ ﺟﺎﺗﺎ ﮨﮯ۔۔ﮐﯿﺎ ﭘﺮﯾﺸﺎﻧﯽ ﮨﮯ؟؟ ﺍﯾﮏ ﻟﻤﺤﮧ ﮐﮯ ﻟﯿﺌﮯ ﺍﺳﮑﺎ ﺩﻝ ﭼﺎﮨﺎ ﮐﮧ ﻭﮦ ﺍﺳﮯ ﺑﺘﺎﺩﮮ ﺍﭘﻨﯽ ﺍﻭﺭ ﺟﻼﻝ ﮐﯽ ﻣﻼﻗﺎﺕ ﮐﮯ ﺑﺎﺭﮮ ﻣﯿﮟ ﻟﯿﮑﻦ ﺩﻭﺳﺮﮮ ﮨﯽ ﻟﻤﺤﮯ ﺍﺱ ﻧﮯ ﺍﺱ ﺧﯿﺎﻝ ﮐﻮ ﺟﮭﭩﮏ ﺩﯾﺎ۔۔ ﮐﭽﮫ ﻧﮩﯿﮟ ﺑﺲ ﻣﯿﮟ ﮈﭘﺮﯾﺴﮉ ﺗﮭﯽ۔ ﺍﺳﯽ ﻟﯿﺌﮯ ﺗﻮ ﮐﮩﺎ ﺗﮭﺎ ﺑﺎﮨﺮ ﭼﻠﺘﮯ ﮨﯿﮟ۔۔۔ﺳﺎﻻﺭ ﻧﮯ ﮐﮩﺎ۔۔ ﻣﯿﮟ ﭨﮭﯿﮏ ﮨﻮﮞ ﺍﺏ۔۔۔ﺍﻣﺎﻣﮧ ﻧﮯ ﺍﯾﮏ ﺩﻡ ﮐﺴﯽ ﻧﻨﮭﮯ ﺑﭽﮯ ﮐﯽ ﻃﺮﺡ ﺍﺱ ﮐﮯ ﺳﯿﻨﮯ ﻣﯿﮟ ﻣﻨﮧ ﭼﮭﭙﺎﺗﮯ ﮨﻮﺋﮯ ﮐﮩﺎ ۔ﻭﮦ ﺍﺳﮑﮯ ﺳﺮ ﮐﻮ ﭼﻮﻣﺘﮯ ﮨﻮﺋﮯ ﺍﺳﮯ ﺗﮭﭙﮑﻨﮯ ﻟﮕﺎ۔۔۔ﺍﻣﺎﻣﮧ ﮐﺎ ﺩﻝ ﺑﮭﺮ ﺁﯾﺎ۔۔۔ ﺍﮔﺮ ﺍﺳﮑﯽ ﺯﻧﺪﮔﯽ ﻣﯿﮟ ﺟﻼﻝ ﺍﻧﺼﺮ ﻧﺎﻡ ﮐﺎ ﮐﻮﺋﯽ ﺑﺎﺏ ﻧﮧ ﺁﯾﺎ ﮨﻮﺗﺎ ﺗﻮ ﮐﺘﻨﺎ ﮨﯽ ﺍﭼﮭﺎ ﮨﻮﺗﺎ۔۔ﻭﮦ ﺍﺱ ﺷﺨﺺ ﮐﯿﺴﺎﺗﮫ ﺑﮩﺖ ﺧﻮﺵ ﺭﮦ ﺳﮑﺘﯽ ﺗﮭﯽ۔۔ ********----****+----***** ﺟﻼﻝ ﮐﯿﺴﺎﺗﮫ ﺍﺳﮑﯽ ﮨﻮﻧﮯ ﻭﺍﻟﯽ ﻣﻼﻗﺎﺕ ﺍﺗﻔﺎﻗﯽ ﺗﮭﯽ ﺍﯾﮏ ﺍﯾﺴﺎ ﺍﺗﻔﺎﻕ ﺟﺴﮯ ﻭﮦ ﺩﻭﺑﺎﺭﮦ ﻧﮩﯿﮟ ﭼﺎﮨﺘﯽ ﺗﮭﯽ۔ﺍﺳﮯ ﭘﺘﮧ ﻧﮩﯿﮟ ﺗﮭﺎ ﮐﮧ ﯾﮧ ﺍﺗﻔﺎﻗﯽ ﻣﻼﻗﺎﺕ ﺍﺳﮑﮯ ﻟﯿﺌﮯ ﮐﺘﻨﮯ ﺧﻄﺮﻧﺎﮎ ﺍﺛﺮﺍﺕ ﻟﯿﮑﺮ ﺁﻧﮯ ﻭﺍﻟﯽ ﺗﮭﯽ۔۔۔ﻣﮩﯿﻨﻮﮞ ﯾﺎ ﺳﺎﻟﻮﮞ ﻣﯿﮟ ﻧﮩﯿﮟ ﺑﻠﮑﮧ ﺩﻧﻮﮞ ﻣﯿﮟ۔۔۔ ﺩﻭ ﺩﻧﻮﮞ ﺑﻌﺪ ﻭﮦ ﺍﯾﮏ ﮈﻧﺮ ﻣﯿﮟ ﻣﺪﻋﻮ ﺗﮭﮯ۔۔ﻭﮦ ﺍﺱ ﻭﻗﺖ ﺳﺎﻻﺭ ﮐﯿﺴﺎﺗﮫ ﮐﮭﮍﯼ ﭼﻨﺪ ﻟﻮﮔﻮﮞ ﺳﮯ ﻣﻞ ﺭﮨﯽ ﺗﮭﯽ۔۔ﺟﺐ ﺍﺱ ﻧﮯ ﮨﯿﻠﻮ ﮐﯽ ﺍﯾﮏ ﺷﻨﺎﺳﺎ ﺁﻭﺍﺯ ﺳﻨﯽ۔ﺍﻣﺎﻣﮧ ﻧﮯ ﮔﺮﺩﻥ ﻣﻮﮌ ﮐﺮ ﺩﯾﮑﮭﺎ ﺍﻭﺭ ﭘﮭﺮ ﻭﮦ ﮨﻞ ﻧﮧ ﺳﮑﯽ۔۔ﻭﮦ ﻓﺎﺭﻭﻕ ﺗﮭﺎ ﺟﻮ ﺑﮯ ﺣﺪ ﮔﺮﻣﺠﻮﺷﯽ ﮐﯿﺴﺎﺗﮫ ﺳﺎﻻﺭ ﺳﮯ ﻣﻞ ﺭﮨﺎ ﺗﮭﺎ۔۔ ﻣﯿﺮﯼ ﺑﯿﻮﯼ۔۔۔۔۔۔۔۔ﺳﺎﻝﺍﺭ ﺍﺏ ﺍﺳﮑﺎ ﺗﻌﺎﺭﻑ ﮐﺮﻭﺍ ﺭﮨﺎ ﺗﮭﺎ۔۔ﺗﻌﺎﺭﻑ ﮐﯽ ﺿﺮﻭﺭﺕ ﻧﮩﯿﮟ ﮨﮯ ﻣﯿﮟ ﭘﮩﻠﮯ ﮨﯽ ﺍﻥ ﺳﮯ ﻣﻞ ﭼﮑﺎ ﮨﻮﮞ۔۔۔ﺳﺎﻻﺭ ﻧﮯ ﮐﭽﮫ ﺣﯿﺮﺍﻥ ﺳﺎ ﮨﻮﮐﺮ ﻓﺎﺭﻭﻕ ﮐﻮ ﺩﯾﮑﮭﺎ۔۔ ﺁﭖ ﻣﻞ ﭼﮑﮯ ﮨﯿﮟ ﺍﻣﺎﻣﮧ ﺳﮯ؟؟؟ ﺑﺎﻟﮑﻞ ﺍﺑﮭﯽ ﭘﺮﺳﻮﮞ ﮨﯽ ﺗﻮ ﻣﻠﮯ ﮨﯿﮟ۔۔ﮈﺍﮐﭩﺮ ﺟﻼﻝ ﺍﻧﺼﺮ ﮐﯿﺴﺎﺗﮫ ﻟﻨﭻ ﮐﺮ ﺭﮨﯽ ﺗﮭﯽ۔۔ﺩﺭﺍﺻﻞ ﺟﻼﻝ ﮬﻤﺎﺭﮮ ﻓﯿﻤﻠﯽ ﮈﺍﮐﭩﺮ ﮨﯿﮟ۔۔ﺍﻧﮩﻮﮞ ﻧﮯ ﺑﺘﺎﯾﺎ ﮐﮧ ﯾﮧ ﺍﻧﮑﯽ ﭘﺮﺍﻧﯽ ﮐﻼﺱ ﻓﯿﻠﻮ ﮨﮯ ﺍﻭﺭ ﺟﺐ ﺍﻧﮩﻮﮞ ﻧﮯ ﺍﺳﮑﻮ ﺁﭘﮑﺎ ﻭﯾﺰﯾﭩﻨﮓ ﮐﺎﺭﮈ ﺩﯾﺎ ﺗﺐ ﻣﺠﮭﮯ ﭘﺘﮧ ﭼﻼ ﮐﮧ ﯾﮧ ﺁﭘﮑﯽ ﻭﺍﺋﻒ ﮨﯿﮟ۔۔۔ ﻓﺎﺭﻭﻕ ﺑﮍﮮ ﺧﻮﺷﮕﻮﺍﺭ ﺍﻧﺪﺍﺯ ﻣﯿﮟ ﮐﮩﮧ ﺭﮨﺎ ﺗﮭﺎ۔۔۔ ﻣﯿﮟ ﻧﮯ ﺍﻭﺭ ﻣﯿﺮﯼ ﻣﺴﺰ ﻧﮯ ﺗﻮ ﮐﮭﺎﻧﮯ ﭘﮧ ﺑﮭﯽ ﺍﻧﻮﺍﺋﭧ ﮐﯿﺎ ﺗﮭﺎ۔ ﻟﯿﮑﻦ ﺍﻧﮩﻮﮞ ﻧﮯ ﮐﮩﺎ ﮐﮧ ﺁﭖ ﺁﺟﮑﻞ ﻣﺼﺮﻭﻑ ﮨﯿﮟ۔۔ ﻓﺎﺭﻭﻕ ﻧﮯ ﻧﮧ ﺍﻣﺎﻣﮧ ﮐﯽ ﻓﻖ ﮨﻮﺗﯽ ﺭﻧﮕﺖ ﮐﻮ ﺩﯾﮑﮭﺎ ﻧﮧ ﺳﺎﻻﺭ ﮐﮯ ﺑﮯ ﺗﺎﺛﺮ ﭼﮩﺮﮮ ﮐﻮ۔۔ﺟﻮ ﮐﭽﮫ ﻭﮦ ﮐﮩﮧ ﺭﮨﺎ ﺗﮭﺎ ﺳﺎﻻﺭ ﮐﻮ ﺍﺱ ﭘﺮ ﯾﻘﯿﻦ ﻧﮩﯿﮟ ﺁﺭﮨﺎ ﺗﮭﺎ۔ﺍﺳﮑﮯ ﮐﺎﻥ ﺟﯿﺴﮯ ﺳﻦ ﮨﻮﺭﮨﮯ ﺗﮭﮯ۔۔ﻭﮦ ﺟﻼﻝ ﺍﻧﺼﺮ ﺳﮯ ﻣﻞ ﺭﮨﯽ ﮨﮯ؟؟ ﻟﯿﮑﻦ ﮐﺐ ﺳﮯ۔۔۔۔ ﻓﺎﺭﻭﻕ ﮐﯽ ﺑﺎﺕ ﺳﻨﺘﮯ ﮨﻮﺋﮯ ﺍﻣﺎﻣﮧ ﻧﮯ ﺍﺳﮯ ﺧﺸﮏ ﮨﻮﺗﮯ ﮔﻠﮯ ﮐﯿﺴﺎﺗﮫ ﺩﯾﮑﮭﺎ۔۔ﺍﺱ ﻧﮯ ﺍﺳﮑﮯ ﺑﮯ ﺗﺎﺛﺮ ﭼﮩﺮﮮ ﮐﻮ ﺩﯾﮑﮫ ﮐﺮ ﻏﻠﻂ ﺍﻧﺪﺍﺯﮦ ﻟﮕﺎﯾﺎ ﺗﮭﺎ۔۔ ﻣﯿﮟ ﺍﺳﮯ ﺳﺐ ﮐﭽﮫ ﺑﺘﺎﺩﻭﮞ ﮔﯽ ﻭﮦ ﻣﯿﺮﯼ ﺑﺎﺕ ﺳﻤﺠﮫ ﻟﮯ ﮔﺎ ﺍﺳﮑﮯ ﺑﮯ ﺗﺎﺛﺮ ﭼﮩﺮﮮ ﻧﮯ ﺍﻣﺎﻣﮧ ﮐﻮ ﻋﺠﺐ ﺧﻮﺵ ﻓﮩﻤﯽ ﻣﯿﮟ ﻣﺒﺘﻼ ﮐﺮﺩﯾﺎ۔ ﺁﭖ ﻇﮩﯿﺮ ﺻﺎﺣﺐ ﺳﮯ ﻣﻠﮯ ﮨﯿﮟ؟؟ ﺍﺱ ﻧﮯ ﺍﯾﮏ ﺩﻡ ﺳﺎﻻﺭ ﮐﻮ ﻓﺎﺭﻭﻕ ﮐﯽ ﺑﺎﺕ ﮐﺎﭨﺘﮯ ﺩﯾﮑﮭﺎ۔۔۔ ﺁﺋﮯ ﮨﻮﺋﮯ ﮨﯿﮟ ﮐﯿﺎ؟؟ ﮨﺎﮞ ﺍﺑﮭﯽ ﮨﻢ ﻟﻮﮒ ﺁﭖ ﮨﯽ ﮐﯽ ﺑﺎﺕ ﮐﺮ ﺭﮨﮯ ﺗﮭﮯ۔۔ﺁﺋﯿﮯ ﻣﯿﮟ ﺁﭘﮑﻮ ﻣﻠﻮﺍﺗﺎ ﮨﻮﮞ ۔۔ﺳﺎﻻﺭ ﻓﺎﺭﻭﻕ ﮐﻮ ﻟﯿﺌﮯ ﺍﯾﮏ ﻃﺮﻑ ﭼﻼ ﮔﯿﺎ۔۔ ﻭﮦ ﺩﻭﺑﺎﺭﮦ ﭘﻠﭧ ﮐﺮ ﺍﺳﮑﯽ ﻃﺮﻑ ﻧﮩﯿﮟ ﺁﯾﺎ۔۔ﺍﯾﺴﺎ ﭘﮩﻠﯽ ﺑﺎﺭ ﮨﻮﺍ ﺗﮭﺎ ﮐﮧ ﻭﮦ ﮐﺴﯽ ﭘﺎﺭﭨﯽ ﻣﯿﮟ ﺍﺳﮑﮯ ﭘﺎﺱ ﻧﮩﯿﮟ ﺁﯾﺎ ﺗﮭﺎ۔۔۔ﻭﮦ ﮐﭽﮫ ﭘﺮﯾﺸﺎﻥ ﮨﻮﮔﺌﯽ۔ ﻟﯿﮑﻦ ﺍﺳﮯ ﺍﺑﮭﯽ ﺑﮭﯽ ﯾﻘﯿﻦ ﺗﮭﺎ ﮐﮧ ﺳﺎﻻﺭ ﺍﺱ ﭼﯿﺰ ﮐﻮ ﺑﮍﺍ ﺍﯾﺸﻮ ﻧﮩﯿﮟ ﺑﻨﺎﺋﮯ ﮔﺎ۔۔۔ ﮔﺎﮌﯼ ﻣﯿﮟ ﺑﯿﭩﮭﺘﮯ ﮨﻮﺋﮯ ﺑﮭﯽ ﺍﺳﮑﯽ ﺧﺎﻣﻮﺷﯽ ﻭﯾﺴﮯ ﮨﯽ ﺗﮭﯽ۔۔ﮔﺎﮌﯼ ﮐﮯ ﻣﯿﻦ ﺭﻭﮈ ﭘﺮ ﺁﻧﮯ ﮐﮯ ﭼﻨﺪ ﻣﻨﭩﻮﮞ ﺑﻌﺪ ﺍﻣﺎﻣﮧ ﻧﮯ ﺍﺳﮑﯽ ﻃﻮﯾﻞ ﺧﺎﻣﻮﺷﯽ ﮐﻮ ﺗﻮﮌﻧﮯ ﮐﯽ ﮐﻮﺷﺶ ﮐﯽ۔۔ ﺗﻢ ﻣﺠﮫ ﺳﮯ ﻧﺎﺭﺍﺽ ﮨﻮ۔۔۔؟؟ Will you please shut up ﻭﮦ ﻓﺮﯾﺰ ﮨﻮﮔﺌﯽ ﺗﮭﯽ۔۔۔ ﻣﯿﮟ ﺍﺱ ﻭﻗﺖ ﮔﺎﮌﯼ ﮈﺭﺍﺋﯿﻮ ﮐﺮﻧﺎ ﭼﺎﮨﺘﺎ ﮨﻮﮞ۔۔ﺗﻤﮩﺎﺭﯼ ﺑﮑﻮﺍﺱ ﺳﻨﻨﺎ ﻧﮩﯿﮟ ﭼﺎﮨﺘﺎ۔۔ﻭﮦ ﺍﺱ ﭘﺮ ﭼﻼﯾﺎ ﻧﮩﯿﮟ ﺗﮭﺎ ﻟﯿﮑﻦ ﺟﻮ ﮐﭽﮫ ﺍﺳﮑﯽ ﻧﻈﺮﻭﮞ ﻣﯿﮟ ﺍﻭﺭ ﺍﺳﮑﮯ ﭨﮭﻨﮉﮮ ﻟﮩﺠﮯ ﻣﯿﮟ ﺗﮭﺎ۔۔۔ﻭﮦ ﺍﻣﺎﻣﮧ ﮐﻮ ﻣﺎﺭﻧﮯ ﮐﮯ ﻟﯿﺌﮯ ﮐﺎﻓﯽ ﺗﮭﺎ۔ ﻭﮦ ﺍﺳﮯ ﺩﻭﺑﺎﺭﮦ ﻣﺨﺎﻃﺐ ﮐﺮﻧﮯ ﮐﯽ ﮨﻤﺖ ﻧﮧ ﮐﺮﺳﮑﯽ ۔۔ﺍﺗﻨﮯ ﻣﮩﯿﻨﻮﮞ ﻣﯿﮟ ﺍﺱ ﻧﮯ ﺍﺳﮯ ﺍﻧﺪﮬﺎ ﺩﮬﻨﺪ ﮔﺎﮌﯼ ﮐﻮ ﮈﺭﺍﺋﯿﻮ ﮐﺮﺗﮯ ﮨﻮﺋﮯ ﺩﯾﮑﮭﺎ ۔۔ ﺍﭘﺎﺭﭨﻤﻨﭧ ﻣﯿﮟ ﺩﺍﺧﻞ ﮨﻮﻧﮯ ﮐﯽ ﺑﻌﺪ ﻭﮦ ﺍﭘﻨﯽ ﺟﯿﮑﭧ ﻻﺅﻧﺞ ﻣﯿﮟ ﺻﻮﻓﮯ ﺻﻮﻓﮯ ﭘﺮ ﭘﮭﯿﻨﮑﺘﮯ ﮨﻮﺋﮯﺳﯿﺪﮬﺎ ﮐﭽﻦ ﻣﯿﮟ ﮔﯿﺎ۔۔ﺍﻣﺎﻣﮧ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﮐﮧ ﻭﮦ ﮐﭽﻦ ﻣﯿﮟ ﺟﺎﺋﮯ ﯾﺎﺍﺳﮑﮯ ﺑﯿﮉﺭﻭﻡ ﻣﯿﮟ ﺁﻧﮯ ﮐﺎ ﺍﻧﺘﻈﺎﺭ ﮐﺮﮮ ۔۔ﺍﭘﻨﯽ ﭼﺎﺩﺭ ﺍﺗﺎﺭﺗﮯ ﮨﻮﺋﮯ ﻭﮦ ﮐﭽﮫ ﺩﯾﺮ ﺍﭘﺎﺭﭨﻤﻨﭧ ﮐﮯ ﺑﯿﺮﻭﻧﯽ ﺩﺭﻭﺍﺯﮮ ﮐﮯ ﭘﺎﺱ ﮨﯽ ﮐﮭﮍﯼ ﺭﮨﯽ ﺍﺱ ﮐﺎ ﺫﮨﻦ ﺍﺏ ﻣﺎﺅﻑ ﮨﻮﻧﮯ ﻟﮕﺎ ﺗﮭﺎ۔۔ﻭﮦ ﺍﺗﻨﮯ ﻋﺮﺻﮧ ﮐﮯ ﺑﻌﺪ ﺍﯾﮏ ﺩﻭﺳﺖ ﺍﻭﺭ ﺍﯾﮏ ﻋﺎﺷﻖ ﮐﮯ ﺳﺎﺗﮫ ﺭﮦ ﺭﮨﯽ ﺗﮭﯽ ﻟﯿﮑﻦ ﺁﺝ ﭘﮩﻠﯽ ﺑﺎﺭ ﺍﯾﮏ ﺷﻮﮨﺮ ﮐﺎ ﺳﺎﻣﻨﺎ ﮐﺮ ﺭﮨﯽ ﺗﮭﯽ۔ ﮐﻮﺭﯾﮉﻭﺭ ﻣﯿﮟ ﮐﮭﮍﮮ ﮐﮭﮍﮮ ﺍﺱ ﻧﮯ ﺳﯿﻨﮉﻟﺰ ﺍﺗﺎﺭﮮ۔۔ﺗﺐ ﮨﯽ ﺍﺱ ﻧﮯ ﺳﺎﻻﺭ ﮐﻮ ﮐﭽﻦ ﺍﯾﺮﯾﺎ ﺳﮯ ﭘﺎﻧﯽ ﮐﺎ ﮔﻼﺱ ﻟﮯ ﺟﺎﺗﮯ ﺍﻭﺭ ﭘﮭﺮ ﮈﺍﺋﻨﻨﮓ ﭨﯿﺒﻞ ﮐﯽ ﮐﺮﺳﯽ ﭘﺮ ﺑﯿﭩﮭﮯ ﺩﯾﮑﮭﺎ ۔۔ﺍﺏ ﺍﺳﮑﯽ ﭘﺸﺖ ﺍﻣﺎﻣﮧ ﮐﯽ ﻃﺮﻑ ﺗﮭﯽ ۔۔ﭘﺎﻧﯽ ﮐﺎ ﮔﻼﺱ ﺧﺎﻟﯽ ﮐﺮ ﮐﮯ ﭨﯿﺒﻞ ﭘﺮ ﺭﮐﮭﺘﮯ ﮨﻮﺋﮯ ﻭﮦ ﺍﺏ ﺍﭘﻨﯽ ﭨﺎﺉ ﺍﺗﺎﺭ ﺭﮨﺎ تھا۔۔ ﻭﮦ ﺍﺏ ﺍﭘﻨﮯ ﮔﻠﮯ ﺳﮯ ﭨﺎﺋﯽ ﺍﺗﺎﺭ ﺭﮨﺎ ﺗﮭﺎ۔ ﻭﮦ ﭼﻨﺪ ﻟﻤﺤﮯ ﮐﮭﮍﯼ ﺍﺳﮯ ﺩﯾﮑﮭﺘﯽ ﺭﮨﯽ ﭘﮭﺮ ﺁﮔﮯ ﺑﮍﮪ ﺁﺋﯽ۔ ﻭﮦ ﮐﺮﺳﯽ ﮐﮭﯿﻨﭻ ﮐﺮ ﺑﯿﭩﮭﯽ ﮨﯽ ﺗﮭﯽ ﮐﮧ ﻭﮦ ﮐﺮﺳﯽ ﺩﮬﮑﯿﻠﺘﺎ ﮨﻮﺍ ﺍﭨﮫ ﮐﮭﮍﺍ ﮨﻮﺍ۔ ﺳﺎﻻﺭ ﻣﯿﺮﯼ ﺑﺎﺕ ﺳﻨﻮ۔ ﺍﺑﮭﯽ ﮐﭽﮫ ﺍﻭﺭ ﺭﮦ ﮔﯿﺎ ﮨﮯ ﺟﻮ ﺗﻢ ﻧﮯ ﻣﺠﮭﮯ ﺑﺘﺎﻧﺎ ﮨﮯ؟ ﺍﺱ ﻧﮯ ﺳﺎﻻﺭ ﮐﯽ ﺁﻧﮑﮭﻮﮞ ﻣﯿﮟ ﭘﮩﻠﮯ ﮐﺒﮭﯽ ﺗﺤﻘﯿﺮ ﻧﮩﯿﮟ ﺩﯾﮑﮭﯽ ﺗﮭﯽ ﻟﯿﮑﻦ ﺁﺝ ﺩﯾﮑﮫ ﺭﮨﯽ ﺗﮭﯽ۔ ﻣﺠﮭﮯ ﻭﺿﺎﺣﺖ ﮐﺎ ﻣﻮﻗﻊ ﺗﻮ ﺩﻭ۔ ﻭﺿﺎﺣﺖ؟ ﮐﺲ ﭼﯿﺰ ﮐﯽ ﻭﺿﺎﺣﺖ؟ ﺗﻢ ﻣﺠﮭﮯ ﯾﮧ ﺑﺘﺎﻧﺎ ﭼﺎﮨﺘﯽ ﮨﻮ ﮐﮧ ﺗﻢ ﻧﮯ ﺍﭘﻨﮯ ﺍﯾﮑﺲ ﺑﻮﺍﺋﮯ ﻓﺮﯾﻨﮉ ﮐﮯ ﻟﯿﮯ ﺍﭘﻨﮯ ﺷﻮﮨﺮ ﮐﻮ ﺩﮬﻮﮐﮧ ﺩﯾﻨﺎ ﮐﯿﻮﮞ ﺿﺮﻭﺭﯼ ﺳﻤﺠﮭﺎ؟ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺁﮔﺌﮯ۔ ﯾﺎ ﺗﻢ ﻣﺠﮭﮯ ﯾﮧ ﺑﺘﺎﺅ ﮔﯽ ﮐﮧ ﺗﻤﮩﺎﺭﯼ ﺍﯾﮑﺲ ﺑﻮﺍﺋﮯ ﻓﺮﯾﻨﮉ ﮐﯽ ﻭﮦ ﮐﻮﻥ ﺳﯽ ﺧﻮﺑﯽ ﮨﮯ ﺟﻮ ﺗﻤﮩﯿﮟ ﺍﭘﻨﮯ ﺷﻮﮨﺮ ﻣﯿﮟ ﻧﻈﺮ ﻧﮩﯿﮟ ﺁﺋﯽ۔ ﻭﮦ ﺍﭘﻨﮯ ﻟﮩﺠﮯ ﺳﮯ ﺍﺳﮯ ﮐﺎﭦ ﺭﮨﺎ ﺗﮭﺎ۔ ﺍﺱ ﺳﮯ ﺑﮩﺘﺮ ﮨﮯ ﮐﮧ ﺗﻢ ﻣﺠﮭﮯ ﯾﮧ ﺑﺘﺎﺅ ﮐﮧ ﺗﻢ ﮐﺐ ﺳﮯ ﺍﺱ ﺳﮯ ﻣﻞ ﺭﮨﯽ ﮨﻮ؟ ﻣﯿﮟ ﺍﺗﻔﺎﻗﺎ ﺍﺱ ﺳﮯ ﻣﻠﯽ ﻭﮦ ﺑﮭﯽ ﺻﺮﻑ ﺍﯾﮏ ﺑﺎﺭ۔۔۔۔۔ ﺍﺱ ﻧﮯ ﺑﮭﺮﺍﺋﯽ ﮨﻮﺋﯽ ﺁﻭﺍﺯ ﻣﯿﮟ ﮐﭽﮫ ﮐﮩﻨﺎ ﭼﺎﮨﺎ۔ ﺳﺎﻻﺭ ﻧﮯ ﭘﻮﺭﯼ ﻗﻮﺕ ﺳﮯ ﮈﺍﺋﻨﻨﮓ ﭨﯿﺒﻞ ﭘﺮ ﮨﺎﺗﮫ ﻣﺎﺭﺍ۔ Stop befooling me women ... ﻭﮦ ﭘﻮﺭﯼ ﻗﻮﺕ ﺳﮯ ﭼﻼﯾﺎ۔ ﺍﻣﺎﻣﮧ ﮐﯽ ﮨﺎﺗﮫ ﮐﺎﻧﭙﻨﮯ ﻟﮕﮯ۔ ﺗﻢ ﺳﻤﺠﮭﺘﯽ ﮨﻮ ﻣﯿﮟ ﺍﺏ ﺗﻢ ﭘﮧ ﺍﻋﺘﺒﺎﺭ ﮐﺮ ﻟﻮﮞ ﮔﺎ؟ ﺗﻢ ﻧﮯ ﻣﯿﺮﯼ ﻧﻈﺮﻭﮞ ﻣﯿﮟ ﺍﭘﻨﯽ ﻋﺰﺕ ﺧﺘﻢ ﮐﺮ ﺩﯼ ﺁﺝ۔ You are nothing but a bloody cheater . ﻭﮦ ﮐﮩﺘﮯ ﮨﻮﺋﮯ ﻭﮨﺎﮞ ﺭﮐﺎ ﻧﮩﮟ ﺗﮭﺎ۔ ﺑﯿﮉﺭﻭﻡ ﻣﯿﮟ ﺟﺎﻧﮯ ﮐﯽ ﺑﻌﺪ ﻭﮦ ﺳﭩﮉﯼ ﺭﻭﻡ ﻣﯿﮟ ﭼﻼ ﮔﯿﺎ۔ ﺍﺱ ﻧﮯ ﺍﭘﻨﯽ ﻣﭩﮭﯿﺎﮞ ﺑﮭﯿﻨﭻ ﮐﺮ ﺟﯿﺴﮯ ﺍﭘﻨﮯ ﮨﺎﺗﮭﻮﮞ ﮐﯽ ﮐﭙﮑﭙﺎﮨﭧ ﺩﻭﺭ ﮐﺮﻧﮯ ﮐﻮﺷﺶ ﮐﯽ۔ ﺍﺱ ﮐﮯﺍﻟﻔﺎﻅ ﺑﺎﺭ ﺑﺎﺭ ﺍﺱ ﮐﮯ ﮐﺎﻧﻮﮞ ﻣﯿﮟ ﮔﻮﻧﺞ ﺭﮨﮯ ﺗﮭﮯ۔ ﺑﺎﺕ ﺍﺗﻨﯽ ﺑﮍﯼ ﻧﮩﯿﮟ ﺗﮭﯽ ﺟﺘﻨﯽ ﺳﺎﻻﺭ ﻧﮯ ﺑﻨﺎ ﻟﯽ ﺗﮭﯽ۔ ﻟﯿﮑﻦ ﺍﺗﻨﯽ ﭼﮭﻮﭨﯽ ﺑﮭﯽ ﻧﮩﯿﮟ ﺗﮭﯽ ﺟﺘﻨﺎ ﺍﻣﺎﻣﮧ ﺳﻤﺠﮭﯽ ﺗﮭﯽ۔ ﻭﮦ ﺍﺱ ﮐﮯ ﺍﻭﺭ ﺟﻼﻝ ﮐﮯ ﻣﺎﺿﯽ ﮐﮯ ﺗﻌﻠﻖ ﺳﮯ ﺍﮔﺮ ﻭﺍﻗﻒ ﻧﮧ ﮨﻮﺗﺎ ﺗﻮ ﮐﺒﮭﯽ ﺑﮭﯽ ﮐﺴﯽ ﮐﻼﺱ ﻓﯿﻠﻮ ﮐﯿﺴﺎﺗﮫ ﮐﮭﺎﻧﺎ ﮐﮭﺎﻧﮯ ﭘﺮ ﺍﺗﻨﺎ ﮨﻨﮕﺎﻣﮧ ﮐﮭﮍﺍ ﻧﮧ ﮐﺮﺗﺎ۔ ﻭﮦ ﺍﭨﮫ ﮐﺮ ﺑﯿﮉﺭﻭﻡ ﻣﯿﮟ ﺁﮔﺌﯽ۔ ﺳﻮﻧﮯ ﮐﺎ ﺗﻮ ﺳﻮﺍﻝ ﮨﯽ ﭘﯿﺪﺍ ﻧﮩﯿﮟ ﮨﻮﺳﮑﺘﺎ ﺗﮭﺎ۔۔ﻭﮦ ﺳﺎﺭﯼ ﺭﺍﺕ ﺟﺎﮔﺘﯽ ﺭﮨﯽ ﺳﺎﻻﺭ ﺑﯿﮉﺭﻭﻡ ﻧﮩﯿﮟ ﺁﯾﺎ۔ﺍﺳﮯﯾﻘﯿﻦ ﺗﮭﺎ ﮐﮧ ﺻﺒﺢ ﺗﮏ ﺍﺳﮑﺎ ﻏﺼﮧ ﺧﺘﻢ ﻧﮩﯿﮟ ﺗﻮ ﮐﻢ ﺿﺮﻭﺭ ﮨﻮﺟﺎﺋﮯ ﮔﺎ۔۔ﺍﻭﺭ ﻭﮦ ﺍﺱ ﺳﮯ ﺩﻭﺑﺎﺭﮦ ﺑﺎﺕ ﮐﺮﻧﺎ ﭼﺎﮨﺘﯽ ﺗﮭﯽ۔۔ ﻭﮦ ﻓﺠﺮ ﮐﮯ ﻭﻗﺖ ﮐﻤﺮﮮ ﻣﯿﮟ ﺁﯾﺎ ﺗﮭﺎ ﺍﺱ ﭘﺮ ﺍﯾﮏ ﻧﻈﺮ ﮈﺍﻟﮯ ﺑﻐﯿﺮ ﻭﮦ ﮐﮩﺘﮯ ﺗﺒﺪﯾﻞ ﮐﺮ ﮐﮯ ﻧﻤﺎﺯ ﮐﮯ ﻟﯿﺌﮯ ﭼﻼ ﮔﯿﺎ۔۔ﺍﺳﮑﯽ ﻭﺍﭘﺴﯽ ﻣﻌﻤﻮﻝ ﮐﮯ ﻣﻄﺎﺑﻖ ﺟﻢ ﺍﻭﺭ ﺟﺎﮔﻨﮓ ﮐﮯ ﺑﻌﺪ ﺁﻓﺲ ﺟﺎﻧﮯ ﺳﮯ ﮐﭽﮫ ﺩﯾﺮ ﭘﮩﻠﮯ ﮨﻮﺋﯽ ﺗﮭﯽ۔۔ﺍﺱ ﻧﮯ ﺍﻣﺎﻣﮧ ﮐﻮ ﺗﺐ ﺑﮭﯽ ﻣﺨﺎﻃﺐ ﻧﮩﯿﮟ ﮐﯿﺎ۔۔ﺍﻣﺎﻣﮧ ﮐﮯ ﻧﮑﺎﻟﮯ ﮨﻮﺋﮯ ﮐﭙﮍﻭﮞ ﮐﯽ ﺑﺠﺎﺋﮯ ﻭﮦ ﺍﮨﻨﮯ ﻧﮑﺎﻟﮯ ﮨﻮﺋﮯ ﮐﭙﮍﮮ ﻟﯿﮑﺮ ﻭﺍﺵ ﺭﻭﻡ ﮔﯿﺎ۔۔ ﻭﮦ ﮐﭽﮫ ﺩﻟﺒﺮﺩﺍﺷﺘﮧ ﮨﻮﮐﺮ ﮐﭽﻦ ﻣﯿﮟ ﻧﺎﺷﺘﮧ ﺑﻨﺎﻧﮯ ﻟﮕﯽ۔۔ﺳﺎﻻﺭ ﺗﯿﺎﺭ ﮨﻮﮐﺮ ﻻﺅﻧﺞ ﺁﯾﺎ ﻟﯿﮑﻦ ﻧﺎﺷﺘﮯ ﮐﯽ ﭨﯿﺒﻞ ﭘﺮ ﺟﺎﻧﮯ ﮐﯽ ﺑﺠﺎﺋﮯﺳﭩﮉﯼ ﺭﻭﻡ ﭼﻼﮔﯿﺎ۔ﺍﺳﮯ ﭘﺘﺎ ﺗﮭﺎ ۔ﻭﮦ ﺍﭘﻨﺎ ﻟﯿﭗ ﭨﺎﭖ ﻟﯿﻨﮯ ﮔﯿﺎ ﮨﻮﮔﺎ ﻭﮨﺎﮞ ﻟﯿﮑﻦ ﺍﯾﺴﺎ ﻭﮦ ﻧﺎﺷﺘﮧ ﮐﺮﻧﮯ ﮐﮯ ﺑﻌﺪ ﮐﺮﺗﺎ ﺗﮭﺎ ﺁﺝ ﭘﮩﻠﮯ ﻟﯿﻨﮯ ﮐﺎ ﻣﻄﻠﺐ ﺗﮭﺎ ﮐﮧ۔۔۔۔ ﺳﺎﻻﺭ ﻧﺎﺷﺘﮧ ﻟﮕﺎ ﺩﯾﺎ ﮨﮯ ﻣﯿﮟ ﻧﮯ۔۔ ﺍﻣﺎﻣﮧ ﻧﮯﺍﺱ ﺳﮯ ﮐﮩﺎ۔۔۔ ﺍﺱ ﮐﮯ ﻟﯿﺌﮯ ﺗﻢ ﺟﻼﻝ ﮐﻮ ﺑﻼ ﻟﻮ۔۔ﺍﺱ ﻧﮯ ﺑﺎﺕ ﻧﮩﯿﮟ ﮐﮩﯽ ﺗﮭﯽ ﺍﺳﮯ ﮐﻮﮌﺍ ﻣﺎﺭﺍ ﺗﮭﺎ۔۔۔ﻭﮦ ﺳﻔﯿﺪ ﭘﮍ ﮔﺊ۔ﻭﮦ ﺍﯾﮏ ﻟﻤﺤﮧ ﺭﮐﮯ ﺑﻨﺎ ﺍﭘﺎﺭﭨﻤﻨﭧ ﮐﺎ ﺩﺭﻭﺍﺯﮦ ﮐﮭﻮﻝ ﮐﺮ ﺑﺎﮨﺮ ﻧﮑﻞ ﮔﯿﺎ۔۔ ﻭﮦ ﮐﺘﻨﯽ ﺩﯾﺮ ﻭﮨﺎﮞ ﮐﮭﮍﯼ ﺭﮨﯽ ﺍﺳﮑﮯ ﻟﻔﻆ ﮐﺴﯽ ﺧﺎﺭﺩﺍﺭ ﺗﺎﺭ ﮐﯽ ﻃﺮﺡ ﺍﺳﮯ ﺍﭘﻨﯽ ﮔﺮﻓﺖ ﻣﯿﮟ ﻟﯿﺌﮯ ﮨﻮﺋﮯ ﺗﮭﮯ۔۔۔ ﻭﮦ ﺳﺎﺭﺍ ﺩﻥ ﮐﭽﮫ ﮐﮭﺎ ﻧﮧ ﺳﮑﯽ۔۔ﺍﺱ ﻧﮯ ﺩﻭ ﺑﺎﺭ ﺳﺎﻻﺭ ﮐﻮ ﮐﺎﻝ ﮐﯽ ﻟﯿﮑﻦ ﺍﺱ ﻧﮯ ﺭﯾﺴﯿﻮ ﻧﮩﯿﮟ ﮐﯽ۔۔ﺍﺱ ﻧﮯ ﭨﯿﮑﺴﭧ ﻣﯿﺴﺞ ﮐﮯ ﺫﺭﯾﻌﮯ ﺍﺱ ﺳﮯ ﻣﻌﺎﻓﯽ ﻣﺎﻧﮕﯽ۔۔ﺍﺱ ﻧﮯ ﭨﯿﮑﺴﭧ ﮐﺎ ﺑﮭﯽ ﮐﻮﺋﯽ ﺟﻮﺍﺏ ﻧﮩﯿﮟ ﺩﯾﺎ۔۔۔ﻭﮦ ﺭﻭﺯﺍﻧﮧ ﺳﺎﺕ ﯾﺎ ﺁﭨﮫ ﺑﺠﮯ ﮐﮯ ﻗﺮﯾﺐ ﮔﮭﺮ ﺍﺗﺎ ﺗﮭﺎ ﺍﮔﺮ ﺍﺳﮯ ﮐﺒﮭﯽ ﺩﯾﺮ ﺳﮯ ﺁﻧﺎ ﮨﻮﺗﺎ ﺗﻮ ﺍﺳﮯ ﻣﻄﻠﻊ ﮐﺮﺩﯾﺘﺎ ﺗﮭﺎ۔۔ﻟﯿﮑﻦ ﺍﺱ ﺩﻥ ﻭﮦ ﺭﺍﺕ ﮐﻮ ﺗﻘﺮﯾﺒﺎً ﺩﺱ ﺑﺠﮯ ﺁﯾﺎ ﺗﮭﺎ۔۔۔ ﺁﺝ ﺑﮩﺖ ﺩﯾﺮ ﮨﻮﮔﺌﯽ؟ ﺍﻣﺎﻣﮧ ﻧﮯ ﺩﺭﻭﺍﺯﮦ ﮐﮭﻮﻟﻨﮯ ﭘﺮ ﭘﻮﭼﮭﺎ۔۔۔ﺳﺎﻻﺭ ﻧﮯ ﺟﻮﺍﺏ ﻧﮩﯿﮟ ﺩﯾﺎ۔۔ ﻭﮦ ﮐﮭﮍﯼ ﺻﺮﻑ ﺍﺳﮯ ﺩﯾﮑﮭﺘﯽ ﺭﮦ ﮔﺌﯽ۔ ﻻﺅﻧﺞ ﻣﯿﮟ ﺭﯾﻤﻮﭦ ﺳﮯ ﭨﯽ ﻭﯼ ﺁﻥ ﮐﺮﺗﮯ ﮨﻮﺋﮯ ﻭﮦ ﺑﯿﮉﺭﻭﻡ ﻣﯿﮟ ﭼﻼ ﮔﯿﺎ۔۔ﯾﮧ ﺟﯿﺴﮯ ﺍﺷﺎﺭﮦ ﺗﮭﺎ ﮐﮧ ﻭﮦ ﺩﻭﺑﺎﺭﮦ ﭨﯽ ﻭﯼ ﺩﯾﮑﮭﻨﮯ ﮐﮯ ﻟﯿﺌﮯ ﻭﮨﺎﮞ ﺁٰﺋﮯ ﮔﺎ۔ ﺍﻣﺎﻣﮧ ﮐﻮ ﯾﻘﯿﻦ ﺗﮭﺎ ﮐﮧ ﻭﮦ ﮐﮭﺎﻧﺎ ﻧﮩﯿﮟ ﮐﮭﺎﺋﮯ ﮔﺎ ﻟﯿﮑﻦ ﭘﮭﺮ ﺑﮭﯽ ﺑﻮﺟﮭﻞ ﺩﻝ ﺳﮯ ﻭﮦ ﮐﮭﺎﻧﺎ ﻟﮕﺎﻧﮯ ﻟﮕﯽ۔ ﻭﮦ ﺩﺱ ﭘﻨﺪﺭﮦ ﻣﻨﭧ ﺑﻌﺪ ﮐﭙﮍﮮ ﺗﺒﺪﯾﻞ ﮐﺮ ﮐﮯ ﻻﺅﻧﺞ ﻣﯿﮟ ﺁﮔﯿﺎ ﺗﮭﺎ۔ ﻓﺮﯾﺞ ﺳﮯ ﺍﻧﺮﺟﯽ ﮈﺭﻧﮏ ﻧﮑﺎﻝ ﮐﺮ ﻭﮦ ﺻﻮﻓﮯ ﭘﺮ ﺑﯿﭩﮫ ﮐﺮ ﭼﯿﻨﻞ ﺳﺮﻓﻨﮓ ﮐﺮﻧﮯ ﻟﮕﺎ۔ ﮐﮭﺎﻧﺎ ﺗﯿﺎﺭ ﮨﮯ۔۔ﺍﻣﺎﻣﮧ ﻧﮯ ﺍﺳﮯ ﺍﻧﻔﺎﺭﻡ ﮐﯿﺎ۔۔ﻭﮦ ﭨﯽ ﻭﯼ ﺩﯾﮑﮭﺘﺎ ﺭﮨﺎ۔۔ ﺗﻢ ﮐﮭﺎﻧﺎ ﮐﯿﻮﮞ ﻧﮩﯿﮟ ﮐﮭﺎ ﺭﮨﮯ۔۔ﻭﮦ ﺁﮔﮯ ﺑﮍﮬﯽ۔۔ﺍﺱ ﻧﮯ ﭨﯽ ﻭﯼ ﺳﮯ ﻧﻈﺮﯾﮟ ﮨﭩﺎ ﮐﺮ ﺍﺳﮯ ﺩﯾﮑﮭﺎ۔۔ ﯾﮧ ﻣﯿﺮﺍ ﮔﮭﺮ ﮨﮯ، ﯾﮩﺎﮞ ﻣﻮﺟﻮﺩ ﮨﺮ ﭼﯿﺰ ﻣﯿﺮﯼ ﮨﮯ، ﺍﻭﺭ ﮐﮭﺎﻧﺎ ﮐﮭﺎﻧﺎ ﻧﮧ ﮐﮭﺎﻧﺎ ﻣﯿﺮﺍ ﻣﺴﻠﮧ ﮨﮯ ﺗﻤﮩﺎﺭﺍ ﻧﮩﯿﮟ۔۔۔ﺍﺳﮑﯽ ﺁﻧﮑﮭﻮﮞ ﻣﯿﮟ ﺑﮯ ﺭﺧﯽ ﮐﮯ ﻋﻼﻭﮦ ﮐﭽﮫ ﻧﮩﯿﮟ ﺗﮭﺎ۔۔۔ ﻣﮟ ﻧﮯ ﺗﻤﮩﺎﺭﮮ ﺍﻧﺘﻈﺎﺭ ﻣﯿﮟ ﺍﺑﮭﯽ ﺗﮏ ﮐﮭﺎﻧﺎ ﻧﮩﯿﮟ ﮐﮭﺎﯾﺎ۔۔ Stop this bullshit ﻭﮦ ﻋﺠﯿﺐ ﺳﮯ ﺍﻧﺪﺍﺯ ﻣﯿﮟ ﮨﻨﺴﺎ ﺗﮭﺎ۔۔۔ ﻣﯿﮟ ﺗﻤﮩﺎﺭﮮ ﮨﺎﺗﮭﻮﮞ ﺑﮯ ﻭﻗﻮﻑ ﺿﺮﻭﺭ ﺑﻦ ﮔﯿﺎ ﮨﻮﮞ ﻟﯿﮑﻦ ﺑﮯ ﻭﻗﻮﻑ ﮨﻮﮞ ﻧﮩﯿﮟ۔۔۔ ﺳﺎﻻﺭ ﺗﻢ ﺟﻮ ﺳﻤﺠﮫ ﺭﮨﮯ ﮨﻮ ﺍﯾﺴﺎ ﺑﻠﮑﻞ ﻧﮩﯿﮟ۔۔ﻭﮦ ﺍﺳﮑﮯ ﺳﺎﻣﻨﮯ ﺻﻮﻓﮯ ﭘﺮ ﺑﯿﭩﮫ ﮔﺊ ۔۔۔ ﺑﻠﮑﻞ ﺗﻢ ﭨﮭﯿﮏ ﮐﮩﮧ ﺭﮨﯽ ﮨﻮ ﻣﯿﮟ ﺟﻮ ﺗﻤﮩﯿﮟ ﺳﻤﺠﮭﺎ ﺗﮭﺎ ﻭﮦ ﻏﻠﻂ ﺗﮭﺎ۔۔ ﺍﻣﺎﻣﮧ ﮐﮯ ﺧﻠﻖ ﻣﯿﮟ ﭘﮭﺮ ﮔﺮﮨﯿﮟ ﭘﮍﻧﮯ ﻟﮕﯽ۔۔ ﺗﻢ ﻣﯿﺮﯼ ﺑﺎﺕ ﮐﯿﻮﮞ ﻧﮩﯿﮟ ﺳﻦ ﻟﯿﺘﮯ۔۔ﺍﺱ ﻧﮯ ﺑﮭﺮﺍﺉ ﮨﻮﺉ ﺁﻭﺍﺯ ﻣﯿﮟ ﮐﮩﺎ۔۔ ﺍﻣﺎﻣﮧ ۔۔۔ﺁﺝ ﻣﯿﺮﮮ ﺳﺎﻣﻨﮯ ﺭﻭﻧﺎ ﻣﺖ، ﺗﻢ ﻣﺠﮭﮯ ﺍﺳﺘﻌﻤﺎﻝ ﮐﺮ ﺭﮨﯽ ﮨﻮ ﺍﯾﮑﺴﭙﻼﺋﭧ ﮐﺮ ﺭﮨﯽ ﮨﻮ،،، ﮐﺮﻭ ۔۔ﻟﯿﮑﻦ ﺍﯾﻤﻮﺷﻨﻠﯽ ﺑﻠﯿﮏ ﻣﯿﻞ ﻣﺖ ﮐﺮﻭ ۔ﻭﮦ ﺍﺳﮑﮯ ﺁﻧﺴﻮ ﺩﯾﮑﮫ ﮐﺮ ﺑﺮﯼ ﻃﺮﺡ ﻣﺸﺘﻌﻞ ﮨﻮﺍ ﺗﮭﺎ۔۔ ﭨﮭﯿﮏ ﮨﮯ ﺗﻢ ﺑﺎﺕ ﺳﻨﻨﺎ ﻧﮩﯿﮟ ﭼﺎﮨﺘﮯ۔۔ﻣﺖ ﺳﻨﻮ۔۔ﻟﯿﮑﻦ ﻣﻌﺎﻑ ﮐﺮﺩﻭ ﻣﺠﮭﮯ۔۔۔ﻣﯿﺮﯼ ﻏﻠﻄﯽ ﮨﮯ ﻣﺠﮭﮯ ﺍﺱ ﺳﮯ ﻧﮩﯿﮟ ﻣﻠﻨﺎ ﭼﺎﮨﯿﺌﮯ ﺗﮭﺎ۔۔ﺍﺱ ﻧﮯ ﮐﭙﮑﭙﺎﺗﯽ ﮨﻮﺋﯽ ﺁﻭﺍﺯ ﻣﯿﮟ ﮐﮩﺎ۔۔۔ ﺍﺳﻄﺮﺡ ﻣﻠﻨﮯ ﮐﯽ ﺑﺠﺎﺋﮯ ﺗﻤﮩﯿﮟ ﺍﺱ ﺳﮯ ﺷﺎﺩﯼ ﮐﺮﻟﯿﻨﯽ ﭼﺎﮨﯿﺌﮯ ۔۔ﺍﺱ ﻧﮯ ﺍﺳﮑﯽ ﺑﺎﺕ ﮐﺎﭦ ﮐﺮ ﮐﮩﺎ۔۔ ﺳﺎﻻﺭ ﻭﮦ ﺷﺎﺩﯼ ﺷﺪﮦ ﮨﮯ۔۔ﻭﮦ ﺑﺎﺕ ﻣﮑﻤﻞ ﻧﮧ ﮐﺮﺳﮑﯽ۔۔ﺍﺳﮑﮯ ﺁﻧﺴﻮ ﺑﮩﻨﮯ ﻟﮕﮯ ﺗﮭﮯ ﺍﻭﺭ ﺍﺳﮑﮯ ﺑﺎﺕ ﺍﺩﮬﻮﺭﺍ ﭼﮭﻮﮌﻧﮯ ﭘﺮ ﻭﮦ ﺳﻠﮕﺎ ﺗﮭﺎ۔۔ ﺑﮩﺖ ﺩﮐﮫ ﮨﮯ ﺗﻤﮩﯿﮟ ﺍﺳﮑﮯ ﺷﺎﺩﯼ ﺷﺪﮦ ﮨﻮﻧﮯ ﮐﺎ؟؟ ﺗﻮ ﮐﮩﻮ ﺍﺱ ﺳﮯ ﺗﻢ ﺳﮯ ﺩﻭﺳﺮﯼ ﺷﺎﺩﯼ ﮐﺮﻟﮯ ﯾﺎ ﺑﯿﻮﯼ ﮐﻮ ﻃﻼﻕ ﺩﮮ ﻟﯿﮑﻦ ﺍﺳﮯ ﺍﯾﺴﺎ ﮐﺮﻧﮯ ﮐﯽ ﮐﯿﺎ ﺿﺮﻭﺭﺕ ﮨﮯ ﺗﻢ ﺗﻮ ﻭﯾﺴﮯ ﮨﯽ ﺍﺳﮯ ﺩﺳﺘﯿﺎﺏ ﮨﻮ۔۔ ﻭﮦ ﺳﺎﻧﺲ ﻧﮧ ﻟﮯ ﺳﮑﯽ۔۔ﮐﻢ ﺍﺯ ﮐﻢ ﺍﺳﮯ ﺍﺳﮑﯽ ﺯﺑﺎﻥ ﺳﮯ ﯾﯽ ﺳﻨﻨﮯ ﮐﯽ ﺗﻮﻗﻊ ﻧﮩﯿﮟ ﺗﮭﯽ۔۔ ﮐﯿﺎ ﻣﻄﻠﺐ ﮨﮯ ﺗﻤﮩﺎﺭﺍ؟ ﺍﺱ ﻧﮯ ﺑﮯ ﯾﻘﯿﻨﯽ ﺳﮯ ﮐﮩﺎ۔۔ ﺗﻢ ﺟﻮ ﻣﻄﻠﺐ ﻧﮑﺎﻟﻨﺎ ﭼﺎﮨﺘﯽ ﮨﻮ ﻧﮑﺎﻝ ﻟﻮ۔۔ﺍﺱ ﻧﮯ ﮐﮩﺎ۔۔ ﻣﯿﺮﮮ ﮐﯿﺮﯾﮑﭩﺮ ﭘﺮ ﺑﺎﺕ ﮐﺮ ﺭﮨﮯ ﮨﻮ ﺗﻢ ؟؟ﺍﺳﮑﺎ ﭼﮩﺮﮦ ﺳﺮﺥ ﮨﻮﻧﮯ ﻟﮕﺎ ﺗﮭﺎ۔۔ ﮐﯿﺮﯾﮑﭩﺮ ﮨﮯ ﺗﻤﮩﺎﺭﺍ؟؟ ﺍﺱ ﻧﮯ ﺍﺳﮑﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﺘﮯ ﮨﻮﺋﮯ ﮐﮩﺎ۔۔ ﮐﯿﺮﯾﮑﭩﺮ ﺗﮭﺎ ﺗﻮ ﺷﺎﺩﯼ ﮐﯽ ﺗﮭﯽ ﺗﻢ ﻧﮯ ۔۔۔ﺍﺳﮯ ﺍﭘﻨﯽ ﺑﮭﺮﺍﺉ ﮨﻮﺉ ﺁﻭﺍﺯ ﺍﮮ ﺧﻮﺩ ﮨﯽ ﺟﮭﻨﺠﮭﻼﮨﭧ ﮨﻮﻧﮯ ﻟﮕﯽ ﺗﮭﯽ۔۔ ﺷﺎﺩﯼ ﻧﮩﯿﮟ ﻏﻠﻄﯽ ﮐﯽ ﺗﮭﯽ۔ and i regret it ﻭﮦ ﺍﺳﮑﺎ ﻣﻨﮧ ﺩﯾﮑﮫ ﮐﺮ ﺭﮦ ﮔﺊ۔ﺧﺎﻣﻮﺷﯽ ﮐﺎ ﺍﯾﮏ ﻟﻤﺒﺎ ﻭﻗﻔﮧ ﺁﯾﺎ ﺗﮭﺎ۔۔ﭘﮭﺮ ﺍﺱ ﻧﮯ ﺍﭘﻨﮯ ﺧﻠﻖ ﻣﯿﮟ ﭘﮭﻨﺴﺎ ﺁﻧﺴﻮﻭﮞ ﮐﺎ ﮔﻮﻟﮧ ﻧﮕﻠﺘﮯ ﮨﻮﺋﮯ ﮐﮩﺎ۔۔ ﻣﯿﺮﯼ ﻓﯿﻤﻠﯽ ﮨﻮﺗﯽ ﻧﺎ ﺗﻮ ﻣﯿﮟ ﺗﻢ ﺳﮯ ﺍﺱ ﻃﺮﺡ ﮐﯽ ﺍﯾﮏ ﺑﺎﺕ ﺑﮭﯽ ﻧﮧ ﺳﻨﺘﯽ۔ﻟﯿﮑﻦ ﺍﺏ ﺍﻭﺭ ﮐﭽﮫ ﻣﺖ ﮐﮩﻨﺎ ﻭﺭﻧﮧ ﻣﯿﮟ ﺗﻤﮩﺎﺭﺍ ﮔﮭﺮ ﭼﮭﻮﮌ ﮐﺮ ﭼﻠﯽ ﺟﺎﺅﮞ ﮔﯽ۔۔ ﺳﺎﻻﺭ ﻧﮯ ﺟﻮﺍﺏ ﻣﯿﮟ ﭨﯿﺒﻞ ﭘﺮ ﭘﮍﺍ ﺍﭘﻨﺎ ﺳﯿﻞ ﺍﭨﮭﺎﯾﺎ۔۔ﺍﺱ ﻧﮯ ﻓﺮﻗﺎﻥ ﮐﻮ ﮐﺎﻝ ﮐﯽ۔ ﺗﻤﮩﺎﺭﺍ ﮈﺭﺍﺋﯿﻮﺭ ﺳﻮ ﺗﻮ ﻧﮩﯿﮟ ﮔﯿﺎ۔۔ ﻧﮩﯿﮟ۔۔۔ﺩﻭﺳﺮﯼ ﻃﺮﻑ ﺳﮯ ﻓﺮﻗﺎﻥ ﻧﮯ ﮐﮩﺎ۔۔ ﺗﻤﮩﯿﮟ ﺿﺮﻭﺭﺕ ﮨﮯ؟؟ ﮨﺎﮞ۔۔۔۔ ﺍﭼﮭﺎ ﻣﯿﮟ ﺍﺳﮯ ﺑﺘﺎﺗﺎ ﮨﻮﮞ۔۔ﺳﺎﻻﺭ ﻧﮯ ﺳﯿﻞ ﻓﻮﻥ ﺑﻨﺪ ﮐﺮﺩﯾﺎ۔۔ ﮈﺭﺍﺋﯿﻮﺭ ﺗﻤﮩﯿﮟ ﭼﮭﻮﮌ ﺁﺗﺎ ﮨﮯ ﺗﻢ ﭘﯿﮑﻨﮓ ﮐﺮ ﮐﮯ ﺟﺎﺳﮑﺘﯽ ﮨﻮ۔۔ﻟﯿﮑﻦ ﻣﺠﮭﮯ ﮐﺒﮭﯽ ﮔﮭﺮ ﭼﮭﻮﮌﻧﮯ ﮐﯽ ﺩﮬﻤﮑﯽ ﻣﺖ ﺩﯾﻨﺎ۔۔ﺟﻮ ﮐﭽﮫ ﺗﻢ ﻣﯿﺮﮮ ﮔﮭﺮ ﻣﯿﮟ ﺭﮦ ﮐﮯ ﮐﺮ ﺭﮨﯽ ﮨﻮ ﺑﮩﺘﺮ ﮨﮯ ﯾﮩﺎﮞ ﺳﮯ ﭼﻠﯽ ﺟﺎﺅ۔۔۔ﻭﮦ ﺍﭨﮫ ﮐﺮ ﺑﯿﮉﺭﻭﻡ ﭼﻼ ﮔﯿﺎ۔۔ ﻭﮦ ﺑﺖ ﮐﯽ ﻃﺮﺡ ﻭﮨﯽ ﺑﯿﭩﮭﯽ ﺭﮨﯽ۔۔ﺍﺱ ﻧﮯ ﺍﺳﮯ ﺩﮬﮑﮯ ﺩﯾﮑﺮ ﻧﮩﯿﮟ ﻧﮑﺎﻻ ﺗﮭﺎ ﻟﯿﮑﻦ ﻭﮦ ﯾﮩﯽ ﺳﻤﺠﮭﯽ۔۔۔ﭼﻨﺪ ﻟﻤﺤﮯ ﺑﻌﺪ ﻭﮦ ﺍﭨﮫ ﮐﺮ ﺍﭘﺎﺭﭨﻤﻨﭧ ﺳﮯ ﺑﺎﮨﺮ ﺁﺋﯽ۔۔ ﻟﻔﭧ ﻣﯿﮟ ﺍﺱ ﻧﮯ ﺍﭘﻨﮯ ﺩﻭﭘﭩﮯ ﺳﮯ ﺑﮭﯿﮕﯽ ﺁﻧﮑﮭﻮﮞ ﺍﻭﺭ ﭼﮩﺮﮮ ﮐﻮ ﺭﮔﮍ ﮐﺮ ﺧﺸﮏ ﮐﯿﺎ۔۔ﻭﮦ ﮈﺭﺍﺋﯿﻮﺭ ﮐﮯ ﺳﻮﺍﻟﻮﮞ ﺳﮯ ﺑﭽﻨﺎ ﭼﺎﮨﺘﯽ ﺗﮭﯽ۔۔ ﻣﺠﮭﮯ ﺳﻌﯿﺪﮦ ﺍﻣﺎﮞ ﮐﯽ ﻃﺮﻑ ﭼﮭﻮﮌ ﺩﻭ۔۔ﺍﺱ ﻧﮯ ﮔﺎﮌﯼ ﮐﯽ ﭘﭽﮭﻠﯽ ﺳﯿﭧ ﭘﺮ ﺑﯿﭩﮭﮯ ﮨﻮﺋﮯ ﮐﮩﺎ۔۔ ﺳﻌﯿﺪﮦ ﺍﻣﺎﮞ ﻧﮯ ﻧﯿﻨﺪ ﺳﮯ ﺍﭨﮫ ﮐﺮ ﺩﺭﻭﺍﺯﮦ ﮐﮭﻮﻻﺍﻭﺭ ﺍﻣﺎﻣﮧ ﮐﻮ ﺩﯾﮑﮫ ﮐﺮ ﺑﺮﯼ ﻃﺮﺡ ﭘﺮﯾﺸﺎﻥ ﮨﻮﺋﯽ۔۔ﻣﮕﺮ ﺍﺱ ﺳﮯ ﺯﯾﺎﺩﮦ ﭘﺮﯾﺸﺎﻥ ﻭﮦ ﺍﺳﮯ ﺍﻧﺪﺭ ﺁﮐﺮ ﺑﻠﮏ ﺑﻠﮏ ﮐﺮ ﺭﻭﺗﮯ ﺩﯾﮑﮫ ﮐﺮ ﮨﻮﺋﯽ ﺗﮭﯽ۔۔ ﺳﺎﻻﺭ ﻧﮯ ﮔﮭﺮ ﺳﮯ ﻧﮑﺎﻝ ﺩﯾﺎ؟ ﻭﮦ ﺳﻦ ﮐﺮ ﺣﻮﺍﺱ ﺑﺎﺧﺘﮧ ﮨﻮﮔﺊ ﺗﮭﯽ۔۔ﻭﺟﮧ ﮐﯿﺎ ﺗﮭﯽ۔۔ﻭﮦ ﺳﻌﯿﺪﮦ ﺍﻣﺎﮞ ﮐﻮ ﺗﻮ ﮐﯿﺎ ﮐﺴﯽ ﮐﻮ ﺑﮭﯽ ﻧﮩﯿﮟ ﺑﺘﺎ ﺳﮑﺘﯽ ﺗﮭﯽ۔۔ ﺑﮭﺎﺋﯽ ﺟﺎﻥ ﮐﻮ ﻓﻮﻥ ﻣﻼ ﮐﺮﺩﻭ۔۔۔ﻣﯿﮟ ﺍﻥ ﺳﮯ ﺑﺎﺕ ﮐﺮﺗﯽ ﮨﻮﮞ۔۔ﺍﯾﺴﮯ ﮐﯿﺴﮯ ﮔﮭﺮ ﺳﮯ ﻧﮑﺎﻝ ﺳﮑﺘﺎ ﮨﮯ ﻭﮦ۔۔ﺳﻌﯿﺪﮦ ﺍﻣﺎﮞ ﮐﻮ ﻏﺼﮧ ﺁﻧﮯ ﻟﮕﺎ۔۔۔ ﺍﻣﺎﻣﮧ ﻧﮯ ﺍﺳﮑﮯ ﺍﺻﺮﺍﺭ ﮐﮯ ﺑﺎﻭﺟﻮﺩ ﺁﺩﮬﯽ ﺭﺍﺕ ﮐﻮ ﮈﺍﮐﭩﺮ ﺳﺒﻂ ﻋﻠﯽ ﮐﻮ ﻓﻮﻥ ﻧﮩﯿﮟ ﮐﯿﺎ۔۔۔ﯾﮧ ﻣﺼﯿﺒﺖ ﺍﺳﮑﯽ ﺗﮭﯽ ﻭﮦ ﺍﺳﮑﮯ ﻟﯿﺌﮯ ﻟﻮﮔﻮﮞ ﮐﯽ ﻧﯿﻨﺪ ﺧﺮﺍﺏ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ۔۔ ﻭﮦ ﺧﻮﺩ ﭘﭽﮭﻠﯽ ﺭﺍﺕ ﻧﮩﯿﮟ ﺳﻮﺉ ﺍﻭﺭ ﺍﺏ ﺍﺳﻄﺮﺡ ﺭﻭﺗﮯ ﺭﻭﺗﮯ ﺍﺳﮑﺎ ﺳﺮ ﺩﺭﺩ ﺳﮯ ﭘﮭﭩﻨﮯ ﻟﮕﺎ ﺗﮭﺎ۔۔ﻓﺠﺮ ﮐﯽ ﻧﻤﺎﺯ ﮐﮯ ﺑﻌﺪ ﻭﮦ ﺳﻮﻧﮯ ﮐﮯ ﻟﯿﺌﮯ ﻟﯿﭧ ﮔﺊ۔ﻧﯿﻨﺪ ﻣﺸﮑﻞ ﺳﮯ ﺁﺉ ﻟﯿﮑﻦ ﺁ ﮔﺊ ﺗﮭﯽ۔۔ ﺩﻭﺑﺎﺭﮦ ﺍﺳﮑﯽ ﺁﻧﮑﮫ ﺩﻭﭘﮩﺮ ﮐﻮ ﮐﮭﻠﯽ ﺍﻭﺭ ﺁﻧﮑﮫ ﮐﮭﻠﻨﮯ ﭘﺮ ﺍﺳﮯ ﯾﮧ ﺳﺐ ﺍﯾﮏ ﺑﮭﯿﺎﻧﮏ ﺧﻮﺍﺏ ﮐﯽ ﻃﺮﺡ ﻟﮕﺎ ﺗﮭﺎ۔۔۔ ﺳﺎﻻﺭ ﻧﮯ ﮐﻮﺉ ﻓﻮﻥ ﺗﻮ ﻧﮩﯿﮟ ﮐﯿﺎ؟؟ ﺍﺱ ﻧﮯ ﺳﻌﯿﺪﮦ ﺍﻣﺎﮞ ﮐﮯ ﮐﻤﺮﮮ ﻣﯿﮟ ﺁﻧﮯ ﭘﺮ ﭘﻮﭼﮭﺎ۔۔ ﻧﮩﯿﮟ ۔۔۔۔ﺗﻢ ﻧﮩﺎﻟﻮ ﻣﯿﮟ ﮐﮭﺎﻧﺎ ﻟﮕﺎﻧﮯ ﻟﮕﯽ ﮨﻮﮞ۔۔ﭘﮭﺮ ﺑﮭﺎﺉ ﺻﺎﺣﺐ ﮐﯽ ﻃﺮﻑ ﭼﻠﺘﮯ ﮨﯿﮟ۔۔ﺳﻌﯿﺪﮦ ﺍﻣﺎﮞ ﮐﮩﮧ ﮐﺮ ﻧﮑﻞ ﮔﺊ۔۔ﭘﺘﺎ ﻧﮩﯿﮟ ﺍﺳﮯ ﮐﯿﻮﮞ ﺍﻣﯿﺪ ﺗﮭﯽ ﮐﮧ ﻭﮦ ﭘﭽﮭﺘﺎ ﺭﮨﺎ ﮨﻮﮔﺎ ﺷﺎﯾﺪ ﺍﺳﮑﮯ ﭼﻠﮯ ﺟﺎﻧﮯ ﮐﮯ ﺑﻌﺪ ﺍﺳﮯ ﺍﺣﺴﺎﺱ ﮨﻮﮔﯿﺎ ﮨﻮﮔﺎ ﮐﮧ ﺍﺱ ﻧﮯ ﺯﯾﺎﺩﺗﯽ ﮐﯽ ﮨﮯ۔ﺑﺎﺭﮦ ﮔﮭﻨﭩﮯ ﻏﺼﮧ ﺧﺘﻢ ﮨﻮﻧﮯ ﮐﮯ ﻟﯿﺌﮯ ﮐﺎﻓﯽ ﺗﮭﮯ ﺍﮔﺮ ﯾﮧ ﺳﺐ ﮐﭽﮫ ﺍﺱ ﻧﮯ ﻏﺼﮯ ﻣﯿﮟ ﮐﯿﺎ ﺗﮭﺎ ۔ ﺍﺱ ﻧﮯ ﺑﻮﺟﮭﻞ ﺩﻝ ﮐﯿﺴﺎﺗﮫ ﺷﺎﻭﺭ ﻟﯿﺎ ﺍﻭﺭ ﺳﻌﯿﺪﮦ ﺍﻣﺎﮞ ﮐﮯ ﮔﮭﺮ ﭘﮍﮮ ﮨﻮﺋﮯ ﺍﭘﻨﮯ ﮐﭙﮍﻭﮞ ﻣﯿﮟ ﺳﮯ ﺍﯾﮏ ﺟﻮﮌﺍ ﻧﮑﺎﻝ ﮐﺮ ﭘﮩﻦ ﻟﯿﺎ۔۔ﺍﺳﮯ ﺑﮩﺖ ﺑﮭﻮﮎ ﻟﮓ ﺭﮨﯽ ﺗﮭﯽ ﻟﯿﮑﻦ ﺩﻭ ﻟﻘﻤﮯ ﻟﯿﺘﮯ ﮨﯽ ﺍﺳﮑﯽ ﺑﮭﻮﮎ ﻣﺮﮔﺊ۔۔ ﺳﻌﯿﺪﮦ ﺍﻣﺎﮞ ﻧﮯ ﺯﺑﺮﺩﺳﺘﯽ ﺍﺳﮯ ﮐﮭﺎﻧﺎ ﮐﮭﻼﯾﺎ۔۔ﻭﮦ ﮐﮭﺎﻧﮯ ﮐﮯ ﻓﻮﺭﺍً ﺑﻌﺪ ﮈﺍﮐﭩﺮ ﺻﺎﺣﺐ ﮐﯽ ﻃﺮﻑ ﺟﺎﻧﺎ ﭼﺎﮨﺘﯽ ﺗﮭﯽ ﻟﯿﮑﻦ ﺍﻣﺎﻣﮧ ﮈﺍﮐﭩﺮ ﺻﺎﺣﺐ ﮐﻮ ﺍﻧﮑﮯ ﺁﻓﺲ ﻓﻮﻥ ﭘﺮ ﺍﺱ ﻃﺮﺡ ﮐﯽ ﮔﻔﺘﮕﻮ ﺳﮯ ﭘﺮﯾﺸﺎﻥ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ۔ ﻟﯿﮑﻦ ﺳﻌﯿﺪﮦ ﺍﻣﺎﮞ ﺍﺱ ﭘﺮ ﺗﯿﺎﺭ ﻧﮩﯿﮟ ﺗﮭﯽ ﻭﮦ ﺍﺳﮯ ﺯﺑﺮﺩﺳﺘﯽ ﮈﺍﮐﭩﺮ ﺻﺎﺣﺐ ﮐﮯ ﮔﮭﺮ ﻟﮯ ﺁٰﺋﯽ۔۔ﮐﻠﺜﻮﻡ ﺁﻧﭩﯽ ﺳﺐ ﮐﭽﮫ ﺳﻦ ﮐﺮ ﺳﻌﯿﺪﮦ ﺍﻣﺎﮞ ﮐﯽ ﻃﺮﺡ ﺣﻮﺍﺱ ﺑﺎﺧﺘﮧ ﮨﻮﺋﯽ ۔۔ﮈﺍﮐﭩﺮ ﺻﺎﺣﺐ ﺍﺑﮭﯽ ﺁﻓﺲ ﺳﮯ ﻧﮩﯿﮟ ﺁﺋﮯ ﺗﮭﮯ۔۔۔ ﻟﯿﮑﻦ ﺑﯿﭩﺎ ﺟﮭﮕﮍﺍ ﮐﺲ ﺑﺎﺕ ﭘﺮ ﮨﻮﺍ۔۔؟؟؟ﺍﻣﺎﻣﮧ ﮐﮯ ﭘﺎﺱ ﺍﺱ ﺍﯾﮏ ﺳﻮﺍﻝ ﮐﺎ ﺟﻮﺍﺏ ﻧﮩﯿﮟ ﺗﮭﺎ۔۔ ﺳﻌﯿﺪﮦ ﺍﻣﺎﮞ ﺍﻭﺭ ﮐﻠﺜﻮﻡ ﺁﻧﭩﯽ ﮐﮯ ﮨﺮ ﺑﺎﺭ ﭘﻮﭼﮭﻨﮯ ﭘﺮ ﺍﺳﮯ ﺍﺣﺴﺎﺱ ﮨﻮﺗﺎ ﮐﮧ ﺍﺱ ﺳﻮﺍﻝ ﮐﺎ ﺟﻮﺍﺏ ﺍﺳﮑﯽ ﻧﯿﺖ ﺻﺎﻑ ﮨﻮﻧﮯ ﮐﮯ ﺑﺎﻭﺟﻮﺩ ﺍﺳﮑﻮ ﻣﺠﺮﻡ ﺑﻨﺎ ﺭﮨﺎ ﺗﮭﺎ۔۔ﺍﮔﺮ ﻭﮦ ﺍﻧﮑﻮ ﯾﮧ ﺑﺘﺎﺗﯽ ﮐﮧ ﻭﮦ ﺍﭘﻨﮯ ﺍﯾﮏ ﭘﺮﺍﻧﮯ ﺩﻭﺳﺖ ﮐﮯ ﺳﺎﺗﮫ ﮐﮭﺎﻧﮯ ﭘﺮ ﮔﺊ ﺗﮭﯽ ﺗﻮ ﻭﮦ ﮐﺒﮭﯽ ﮐﺴﯽ ﺍﭼﮭﮯ ﺭﺩ ﻋﻤﻞ ﮐﺎ ﺍﻇﮩﺎﺭ ﻧﮩﯿﮟ ﮐﺮﺗﮯ۔۔ﻭﮦ ﯾﮧ ﺳﺐ ﮈﺍﮐﭩﺮ ﺻﺎﺣﺐ ﮐﻮ ﺑﮭﯽ ﻧﮩﯿﮟ ﺑﺘﺎﺳﮑﺘﯽ ﺗﮭﯽ ﺟﻮ ﮔﮭﺮ ﺁﺗﮯ ﮨﯽ ﺍﺳﮯ ﺍﺱ ﻃﺮﺡ ﺩﯾﮑﮫ ﮐﺮ ﭘﺮﯾﺸﺎﻥ ﮨﻮﺋﮯ ﺗﮭﮯ۔ ﺍﺳﮯ ﻣﯿﺮﮮ ﮐﯿﺮﯾﮑﭩﺮ ﭘﺮ ﺷﮏ ﮨﮯ۔۔ﺍﺱ ﻧﮯ ﺍﻧﮑﮯ ﺑﺎﺭ ﺑﺎﺭ ﭘﻮﭼﮭﻨﮯ ﭘﺮ ﺳﺮ ﺟﮭﮑﺎﺋﮯ ﮨﻮﺋﮯ ﮐﮩﺎ۔۔ﮈﺍﮐﭩﺮ ﺳﺒﻂ ﻋﻠﯽ ﮐﻮ ﺟﯿﺴﮯ ﺷﺎﮎ ﻟﮕﺎ ﺗﮭﺎ۔۔ﺳﻌﯿﺪﮦ ﺍﻣﺎﮞ ﺍﻭﺭ ﮐﻠﺜﻮﻡ ﺁﻧﭩﯽ ﺑﮭﯽ ﺑﻮﻝ ﻧﮧ ﺳﮑﯽ۔۔ﮈﺍﮐﭩﺮ ﺻﺎﺣﺐ ﻧﮯ ﺍﺳﮑﮯ ﺑﻌﺪ ﮐﻮﺉ ﺳﻮﺍﻝ ﻧﮩﯿﮟ ﮐﯿﺎ ﺍﺱ ﺳﮯ۔۔۔ (جاری ہے)...