۲۰/۸/۱۴۴۶ د ننګرهار کانال په ۷۲ جریبه ځمکه د مالټو بڼ جوړ شو د ننګرهار وادې کرنیز شرکت د هډې فارم دويم بلاک کې په ۷۲ جریبه ځمکه د مالټو بڼ جوړ کړی، چې کرنیزې چارې یې بشپړې شوې او د کرکېلې لپاره چمتو شوی ده. دغه بڼ د کلیم الله حلیمي قراردادي کرنیز شرکت له لوري د ننګرهار وادې کرنیز شرکت تر چتر لاندې جوړ شوی دی. د ننګرهار وادې کرنیز شرکت عمومي رئيس سید محمد نعیم محمدي وايي، د دې بڼ له جوړولو څخه موخه د مالټو تولید ډېرښت او د کرنې ودې ته زمینه برابرول دي. د نوموړي په وینا، دغه باغ به د سیمې اقتصاد ته وده ورکړي او خلکو ته به د کار زمینې هم برابرې کړي. د ننګرهار کانال پر ځمکه کرل شوې مالټې د هېواد په کچه د کیفیت او خوند له پلوه ځانګړی شهرت لري، چې دا نوې پروژه به د کرنیزو محصولاتو بازار ته نور پرمختګ ورکړي. -