۲۱/۸/۱۴۴۶ په ننګرهار کې د ۱۱۰ کیلو ولټ OPGW لین بیا فعالولو تخنیکي ارزونه وشوه د لوړ ولټاژ ریاست اړوند د مرکز OPGW او د ننګرهار برښنا حوزې د لوړ ولټاژ مدیریتونو ګډ تخنیکي ټیم د نغلو - جلال آباد او مهترلام ۱۱۰ کیلو ولټ لین د OPGW لین بیا فعالولو لپاره ارزونه وکړه. د مهترلام سب سټيشن څخه د همیشه بهار سب سټيشن پر لور د OPGW لین د OTDR ماشین له لارې وازمویل شو، چې په ۹ او ۱۶ کیلومتره کې تخنیکي ستونزې څرګندې شوې. همداراز، د مشترکې پایې څخه د نغلو سب سټيشن پر لور د OPGW لین وازمویل شو، چې په ۲.۵ کیلومتره کې عارضه ثبت شوه. د ۱۲۲ شمېره ۱۱۰ کیلو ولټ لین د ۱۹۶ شمېره پایې جینټ بکس وازمویل شو، چې د نغلو پر لور ۴ کیلومتره کې تخنیکي ستونزه وموندل شوه. په ورته وخت کې، د نغلو - جلال آباد ۱۲۲ شمېره ۱۱۰ کیلو ولټ لین د ۱۹۶ شمېره کش پایې د نټ او بولټونو کمښت پوره شو، ترڅو د برښنا شبکې ثبات ته دوام ورکړل شي. دا ارزونه د برښنا انتقال ښه والي ته د دوام ورکولو لپاره ترسره شوې، چې تمه ده د لین فعالیت ته مثبت بدلون ورکړي. +++