*AMC* • અમદાવાદ મ્યુનિસિપલ કોર્પોરેશન હવે પ્રત્યેક ઘરે આપશે કાપડની બે થેલીઓ, મટિરિયલ મેનેજમેન્ટ એન્ડ પરચેઝ કમિટીના ચેરમેન બળદેવ પટેલે જણાવ્યું હતું કે, સિંગલ યુઝ પ્લાસ્ટિક પર પ્રતિબંધ છે ત્યારે લોકો હવે કાપડની થેલીઓનો ઉપયોગ કરે તેના માટે શહેરમાં દરેક ઘર દીઠ બે કાપડની થેલીઓ આપવા અંગેનો નિર્ણય લેવામાં આવ્યો છે. • પર્યાવરણની જાળવણીને ધ્યાનમાં રાખી કેન્દ્ર સરકાર દ્વારા સિંગલ યુઝ પ્લાસ્ટિક તેમજ 120 માઇક્રોનથી ઓછી જાડાઈ ધરાવતા પ્લાસ્ટિક પર પ્રતિબંધ મૂકવામાં આવેલો છે. • શહેરમાં અંદાજિત 16 લાખ જેટલા મકાનો આવેલા છે જેથી દરેક ઘર દીઠ 2 થેલી એટલે કે કુલ 32 લાખ અને 1 લાખ વધુ એમ કુલ 33 લાખ જેટલી કાપડની થેલીઓ મેળવવા માટેની ટેન્ડર પ્રક્રિયા કરવામાં આવી હતી. • 16X18 અને 14X16 ના માપની અને વધુમાં વધુ 10 કિલો જેટલું વજન ઉઠાવી શકે તેવી થેલીઓ બનાવવામાં આવશે. • ચાર જેટલી એજન્સીઓ આ ટેન્ડરમાં ક્વોલિફાય થઈ હતી. • ઝડપથી થેલીઓ બની અને લોકોના ઘર સુધી પહોંચાડી શકાય તેના માટે 16X18 માપની થેલી બનાવવા માટે ઘનશ્યામ ફેબ્રિકેટસને 50 ટકા એટલે કે 16 લાખ બાકીની ઝેનિથ સેલ્સ, સીએ ટેક્સટાઈલ્સ પ્રાઈવેટ લિમિટેડ અને દિપક હેન્ડલુમ કંપનીને બનાવવા માટેનો કોન્ટ્રાક્ટ આપવા અંગેની દરખાસ્ત મંજૂર કરવામાં આવી છે. • કોટન અને પોલિએસ્ટરની થેલીઓ ₹11.81 કરોડના ખર્ચે બનશે. • જો કે AMC પ્રત્યેક થેલી માટે ₹35 થી 37 નો ખર્ચ કરશે. વધુ સમાચારો અને માહિતી માટે *સમાચાર સૂત્ર* ને Follow કરો!