સમાચાર સૂત્ર

*Rajkot* • રાજકોટમાં સર્વજ્ઞાતિય સમૂહ લગ્નના દિવસે જ આયોજકો ફરાર થતા અનેક વરરાજા, વહુ અને જાનૈયાઓ રઝળી પડ્યા છે. માધાપર ચોકડી અને બેડી ચોકડી વચ્ચે સમૂહ લગ્નનું આયોજન કરાયું હતું. • પરંતું સમૂહ લગ્નમાં આયોજકો ફરાર થતાં લગ્ન અટકી પડ્યા હતા. ઘટનાની જાણ થતા જ સ્થળ પર પોલીસ પહોંચી ગઈ છે. • રાજકોટના ઋષિવંશી ગ્રુપે માધાપરી ચોકડી પાસે સમૂહ લગ્નનું આયોજન કર્યું હતું. • આજે (22 ફેબ્રુઆરી, શનિવાર) 28 યુગલોના લગ્ન હતા. લગ્ન મંડપ તૈયાર થઈ ગયો હતો. • પરંતું જ્યારે જાનૈયાઓ અને વર-વધુ જાન લઈને લગ્ન સ્થળે પહોંચ્યા ત્યારે ખબર પડી કે, અહી કોઈ જ વ્યવસ્થા ન હતા. • આયોજકોનો સંપર્ક કરતા તેઓનો સંપર્ક થઈ શક્યો નહોતો. • આમ, આયોજનના અભાવે 28 યુગલોના લગ્ન અટકી પડ્યાં છે. • લગ્નના દિવસે જ લગ્ન અટકી પડતા પરિવારો હતાશ થયા હતા. • સમુહ લગ્ન માટે આયોજકોએ પ્રત્યેક માંડવા દીઠ 40 હજાર રૂપિયા ઉઘરાવ્યા હતા. • આયોજકોમાં ચંદ્રેશ છત્રોલા, દિપક હિરાણી અને દિલીપ ગોહેલનું નામ સામે આવ્યું છે. જેઓ હાલ ગાયબ છે. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*Ahmedabad* • ગુજરાતીઓએ ફરી વાર માનવતાના દર્શન કરાવ્યા છે. • 4 વર્ષ પહેલાં ગોધરાના ધૈર્યરાજસિંહ રાઠોડને બચાવવા આખું ગુજરાત પોતાનો દીકરો હોય એ રીતે 16 કરોડ રૂપિયાનો ફાળો એકઠો કરવા રસ્તા પર ઉતરી આવ્યું હતું. • હવે હિંમતનગરના મુસ્લિમ પરિવારનો 20 મહિનાનો બાળક દુર્લભ બીમારી SMAનો શિકાર બન્યો હતો. • મુસીબતની આ ઘડીમાં પરિવારને લોકોએ દિલ ખોલીને ફાળો આપ્યો છે. • બાળકનો જીવ બચાવવા માટે અમેરિકાથી કોલ્ડ ચેઈન બનાવીને 72 કલાકમાં ઇન્જેક્શન મંગાવવામાં આવ્યું હતું. • જેને અમદાવાદની હોસ્પિટલમાં ગઇકાલે 13મી ફેબ્રુઆરીના રોજ સફળતાપૂર્વક આ ઇન્જેક્શન આપવામાં આવ્યું હતું. હાલ બાળકની તબિયત સુધારા પર છે. • SMA રોગથી પીડિત કોઇ બાળકને ગુજરાતમાં ઇન્જેક્શન અપાયું હોય તેવી આ પહેલી ઘટના છે. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*AMC* • અમદાવાદ મ્યુનિસિપલ સ્કૂલ બોર્ડ સંચાલિત પ્રાથમિક શાળાના કેમ્પસમાં જ ધોરણ 8 પછીનો અભ્યાસ થઈ શકશે. • મ્યુનિસિપલ દ્વારા અમદાવાદ શહેરના વિવિધ વિસ્તારની 7 પ્રાથમિક શાળામાં નવા વર્ષથી હાઈસ્કૂલ શરૂ કરવાની ગુજરાત માધ્યમિંક અને ઉચ્ચતર માધ્યમિક શિક્ષણ બોર્ડ દ્વારા પ્રોવિઝનલ મંજૂરી આપવામાં આવી છે. • આ 7 પ્રાથમિક શાળામાં હાઈસ્કૂલ શરૂ થશે 1. પ્રીતમપુરા શાળા નંબર-3: શાહીબાગ 2. ચાણક્ય પ્રાઇમરી શાળા: ચાણક્યપુરી 3. લોટસ પબ્લિક સ્કૂલ: વિરાટનગર 4. એલિસબ્રિજ શાળા નંબર 17: પાંજરાપોળ 5. મકરબા પ્રાઇમરી સ્કૂલ: મકરબા ગામ 6. સરસપુર સ્કુલ નંબર 11: સરસપુર 7. પીપળજ પ્રાઇમરી સ્કૂલ: ઠાકોરવાસ વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*Ahmedabad* • અમદાવાદ મ્યુનિસિપલ કોર્પોરેશનના પે એન્ડ પાર્કિંગમાં બેફામ ઉઘરાતા દરો! • અમદાવાદ મ્યુનિસિપલ કોર્પોરેશનની ઓફિસિયલ વેબસાઈટ મુજબ શહેરમાં કુલ 108 થી વધુ પે એન્ડ પાર્કિંગ આવેલા છે જે કોન્ટ્રાક્ટ આપી ચલાવવામાં આવે છે. • કોન્ટ્રાક્ટરોને આવા પે એન્ડ પાર્કિંગ ચલાવવા ચોક્કસ નિયમો ઘડી આપવામાં આવ્યા છે, પરંતુ મોટાભાગના કોન્ટ્રાક્ટર પે એન્ડ પાર્કિંગના આ નિયમોને અનુસરતા જ નથી! • પે એન્ડ પાર્કિંગમાં નિયત કરેલા દરો મુજબ પૈસા ન લઈ મન ફાવે તેવા ભાવ નાગરિકો પાસેથી વસૂલવામાં આવે છે. ઘણી જગ્યાએ ડબલ તો ઘણી જગ્યાએ ડબલથી પણ વધારે ભાવ વસૂલવામાં આવે છે. • એ સિવાય પણ કોન્ટ્રાક્ટરોને આવા પે પાર્કિંગ ચલાવવા અન્ય નિયમો આપવામાં આવ્યા છે છતાં બધી જ જગ્યાએ તેનું પાલન થતું નથી. • ઘણી જગ્યાએ પાર્કિંગની નિયત જગ્યા કરતા બહાર પાર્કિંગ કરાવી પૈસા વસૂલવામાં આવે છે. • ત્યાં હાજર કોન્ટ્રાક્ટર ના માણસો આઈકાર્ડ ફરજિયાત હોવા છતાં આઈકાર્ડ વગર પાર્કિંગના પૈસા વસુલે છે. • કોર્પોરેશન અને નિયત કરેલ ભાવ પત્રક પણ લગાવવું ફરજિયાત છે છતાં ઘણા પાર્કિંગમાં આવું ભાવ પત્રક નાગરિકો જોઈ શકે તેવી રીતે લગાવવામાં જ નથી આવતું. • જ્યારે તમે કોર્પોરેશનના પે પાર્કિંગમાં તમારું વાહન પાર્ક કરવા જાઓ છો ત્યારે ભાવ પત્રક માંગો અને ભાવ પત્રકના ભાવ મુજબ જ દર ચૂકવો. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*Ahmedabad* • હવે અમદાવાદ APMCથી ગાંધીનગર કે ગિફ્ટ સિટી સુધી મુસાફરી કરવા માટે મોટેરાથી મેટ્રો ટ્રેન બદલવી નહીં પડે, તેમજ ગાંધીનગર માટે દર અડધી કલાકે મળશે મેટ્રો, 15 ફેબ્રુઆરીથી આ સેવા ઉપલબ્ધ કરવામાં આવશે. • અમદાવાદઅને ગાંધીનગર વચ્ચે ડાયરેક્ટ કનેક્ટિવિટી સાથે મેટ્રો ટ્રેનની ફ્રિકવન્સી વધારવાની મંજૂરી મેટ્રો રેલ સેફ્ટી કમિશનરે આપી દીધી છે. • હાલમાં જ શરૂ કરવામાં આવેલી અમદાવાદ ગાંધીનગર મેટ્રો સેવાની ટ્રેનની સંખ્યામાં વધારો કરવાનો પણ નિર્ણય લેવામાં આવ્યો છે. • હવે મુસાફરોએ સેક્ટર-1 અથવા ગિફ્ટ સિટી જવા માટે મોટેરા સ્ટેડિયમ અથવા GNLU ખાતે ટ્રેન બદલવાની જરૂર નહીં પડે. • GNLU સ્ટેશન અને ગિફ્ટ સિટી ઑફિસો વચ્ચે બસ સેવાઓ પણ દર અડધા કલાકે ઉપલબ્ધ રહેશે કે જે PDEU થઈને જશે. • આ સુવિધાનો પ્રારંભ 15 ફેબ્રુઆરીથી શરૂ થશે. • જે APMCથી સેક્ટર-1 અને ગિફ્ટ સિટી સુધી પ્રાયોગિક ધોરણે ઉપલબ્ધ રહેશે. • ગિફ્ટ સિટી માટે બંને બાજુ કુલ 6-6 ટ્રિપો અને APMC થી સેક્ટર-1 માટે 14 ટ્રિપો અને સેક્ટર-1 થી મોટેરા માટે 15 ટ્રીપો દોડાવાશે. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*Ahmedabad* • હાલ દુબઇ અને પાકિસ્તાનમાં રમાતી ચેમ્પિયન ટ્રોફીની મેચ પર સટ્ટો રમાડી રહેલા યુવકને નરોડાના નાના ચિલોડાના એક મકાનમાંથી ઝડપી પાડ્યો. • બુકી પાસેથી 4 લાખ રોકડા અને બે મોબાઈલ તથા તેમાં સટ્ટો રમવાની IDઓ મળી આવી હતી. • નાના ચિલોડા સ્થિત કૈલાશ રેજોઈશના એક મકાનમાં બુકી ચેમ્પિયન ટ્રોફીની મેચ પર સટ્ટો રમાડતો હતો, પોલીસે સટ્ટો રમાડતા બુકી હરેશ મુલચંદાણીને પકડી પાડ્યો ત્યારબાદ તપાસમાં મોટા બુકીઓ આર.આર., ટોમી ઊંઝા અને વિનોદ સિંધી સહિત 16 વ્યક્તિઓના નામ તથા વ્યવહાર મળી આવ્યા છે. • પોલીસે સુપર માસ્ટર આઈડીની કે જે વિનોદ સિંધીએ આપી હતી તેમાં રૂપિયા 2.60 કરોડ બેલેન્સ હતું, જ્યારે કેતન, મીત, રાકેશે આપેલી આઈડી પર 20 લાખનું અને ગીરીશ પટેલ ઉર્ફે ટોમીએ આપેલી આઈડી પર રૂપિયા 11.52 લાખનું બેલેન્સ જોવા મળ્યું હતું. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*Electric Air Taxi* • ગુજરાતમાં સાબરમતી રિવરફ્રન્ટથી સ્ટેચ્યુ ઓફ યુનિટી સુધી સી પ્લેન સુવિધા શરૂ કરાઈ હતી પરંતુ અનેક ખામીઓના લીધે તે સર્વિસ અવારનવાર બંધ કરાયા બાદ હાલ ઘણા સમયથી સંપૂર્ણપણે બંધ છે જોકે હાલ DGCA આગમી દિવસોમાં ઇલેક્ટ્રિક એર ટેક્સી શરૂ કરવાની વિચારણા કરી રહ્યું છે. • DGCA દ્વારા ભારતભરમાં 4 સાઇટ જેમાં ગુજરાતની બે સાઇટ અમદાવાદ અને કચ્છના માંડવી સાઇટ પર ટ્રાયલ લેવા માટે પસંદગી કરી છે. • આ ઇલેક્ટ્રિક એર ટેક્સી હેલિકોપ્ટર જેવી જ હશે એટલે કે તે વર્ટિકલ ટેકઓફ અને લેન્ડિંગ કરશે જેથી રનવેની જરૂરિયાત નહીં પડે, આ બેટરી આધારિત એર ટેક્સી હાલ e-VTOL તરીકે પ્રચલિત છે, જે સિંગલ ચાર્જમાં 250 કિમીની ઉડાન ભરી શકે છે, તેમજ તેમાં 2થી લઈને 6 વ્યક્તિઓનો સમાવેશ કરવાની ક્ષમતા રહેલી છે. • આ એર ટેક્સી બેટરી સંચાલિત હોવાથી પ્રદૂષણ કરતું નથી તેમજ ઘોંઘાટ પણ ઓછો કરે છે, એડવાન્સ સોફ્ટવેરથી સજ્જ આ એર ટેક્સી વધુ સલામત અને સુરક્ષિત છે, જો કે આ એર ટેક્સી વધુ ઊંચાઈ પર ઉડવામાં હાલ સક્ષમ ન હોવાથી પહાડી વિસ્તારમાં ઉડાવવા જોખમી છે. • જો કે આવનાર સમયમાં ટ્રાયલ બાદ તમામ વધારાની વિગતો સામે આવશે. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*Ahmedabad* • AMCના ફાયર વિભાગમાં ફરજ બજાવતા ડિવિઝનલ ફાયર ઓફિસર ઇનાયત શેખને રૂપિયા 65,000ની લાંચ લેતા ACBએ રંગેહાથ ઝડપી પાડ્યા છે. • ACBને ફરિયાદ મળી હતી કે, પ્રહલાદનગર ફાયર સ્ટેશનમાં ડિવિઝનલ ફાયર ઓફિસર તરીકે ફરજ બજાવતા ઇનાયત શેખ દ્વારા ફાયરની કામગીરી માટે રૂપિયાની લાંચ માગવામાં આવી હતી. • જેના આધારે છટકું ગોઠવીને ઇનાયત શેખને ઝડપી પાડવામાં આવ્યા છે. • ACB દ્વારા હાલ ડિવિઝનલ ફાયર ઓફિસરની વધુ પૂછપરછ કરવામાં આવી રહી છે. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*Ahmedabad* • અમદાવાદ એરપોર્ટ પરથી કસ્ટમ વિભાગે 35 લાખનું 399 ગ્રામ સોનું પકડી પાડ્યું છે. • આ સોનું ટ્રોલી બેગના હેન્ડલમાં અને ત‌વાના હેન્ડલની તાર બનાવીને લાવવામાં આવતું હતું. • તપાસ દરમિયાન અધિકારીઓને શંકા જતાં દાણચોરી પકડાઈ હતી. • પકડાયેલ સોનું 24 કેરેટનું હતું જેની કિંમત 35 લાખ જેટલી થાય છે. • અગાઉ પણ અમદાવાદ એરપોર્ટ પરથી મોટી માત્રામાં સોનું પકડવામાં આવ્યું હતું. • ઉલ્લેખનીય છે કે, થોડા દિવસ પહેલાં જ જેદ્દાહથી આવેલા ત્રણ પેસેન્જર પાસેથી રૂ.1 કરોડનું દાણચોરીનું સોનું જપ્ત કરવામાં આવ્યું હતું. • એક મહિલા સોનાની પેસ્ટ બનાવીને આંતરવસ્ત્રમાં સંતાડીને લાવી હતી. • જ્યારે બે પેસેન્જર જ્વેલરી લઈને આવ્યા હતા અને પકડાઈ ગયા હતા. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!

*Ahmedabad* • અમદાવાદ શહેરનાં નગરદેવી માતા ભદ્રકાળીની 614 વર્ષ પછી નગરયાત્રા નીકળશે. • 26 ફેબ્રુઆરી અમદાવાદનો સ્થાપના દિવસ છે. • 6.25 કિ.મી. લાંબી નગરયાત્રામાં લાખોની સંખ્યામાં માઈ ભક્તો ઉમટશે. • રથમાં માતાજીની પાદુકા મૂકવામાં આવશે. • અખાડા, ટેબલો, ઊંટ-હાથી, ભજન મંડળી વગેરે યાત્રાને શોભાવશે. • વડાપ્રધાન નરેન્દ્ર મોદી, ગૃહમંત્રી અમિત શાહ, મુખ્યમંત્રી ભુપેન્દ્ર પટેલ સહિત મહાનુભાવો નગરયાત્રાનું પ્રસ્થાન કરાવી શકે છે. • આ યાત્રા ભદ્રકાળી મંદિરથી શરૂ થઈ ત્રણ દરવાજા, ગુરુ માણેકનાથજી સમાધિ સ્થાન, માણેકચોક, દાણાપીઠ, અમદાવાદ મ્યુનિ. ઓફિસ, ખમાસા, પગથિયા, જમાલપુર દરવાજા, જગન્નાથ મંદિરથી અલગ અલગ વિસ્તારમાં ફરી નિજમંદિર પહોંચશે. • રૂટ ઉપર થોડાથોડા અંતર ઉપર સ્વાગતની વ્યવસ્થા કરવામાં આવશે. • યાત્રા નિજમંદિર પહોંચ્યા બાદ હવન થશે. વધુ સમાચારો અને માહિતી માટે *સમાચાર સૂત્ર* ને Follow કરો અને તમારા મિત્રો અને ગ્રુપ ના સભ્યો સાથે સમાચાર શેર કરો!