Hazrath Books-வாழ்க்கையை மாற்றும் ஹஜ்ரத்தின் அறிவுரைகள் - 8th - Feburary - 2025 - Saturday Knowledge and Clarity II Ihya Ulumuddin Al Ghazali kithab II Hazrath Speaks II Nagore Shareef இறைதீர்ப்பு அப்படியே ஏற்றுக்கொள் உனது வாழ்வில் நடக்கும் காரியத்தில் இறைதீர்ப்பு அப்படியே ஏற்றுக்கொள் அது உனக்கு மகத்தான வெற்றியை தரும். மனிதனின் வாழ்வில் உயர்வையும் தாழ்வையும் தோற்றுவிக்கிற விதியையே (இங்கே) நான் இறைத்தீர்ப்பு என்று குறிப்பிடுகிறேன். ஏனெனில் இறைத் தீர்ப்பு இல்லாமல் எதுவும் எங்கும் நடக்க முடியாது. உங்கள் விதி எப்படி அமையப்போகிறது? அது நல்லபடியாக அமையப்போகிறதா - இல்லை, உங்களைத் தூக்கிப்போட்டு விளையாடப்போகிறதா? - இறைவழியில் ஈடுபடத் துடிக்கும் உங்களுக்கு இப்படிப்பட்ட வினாக்கள் தோன்றக்கூடும். இவற்றிற்கு உங்களால் விடை காண முடியாது. இதனால் உங்களுக்குக் குழப்பமும் அவநம்பிக்கையும் தோன்றலாம். இதன் இறுதி விளைவு இது : உங்கள் வழிபாட்டுக்குத் தடை ஏற்பட்டுவிடும். எனவே இந்தப் பிரச்சினையில் இறைதீர்ப்பை ஏற்றுக் கொள்ளுங்கள். எது நடக்க வேண்டுமோ அது நடக்கட்டும்; எது நடக்கக்கூடாதோ அது தவிர்க்கப்படட்டும். நடந்தே தீர வேண்டிய ஒன்றை நடக்கக் கூடாததாக மாற்ற முற்படாதீர்கள். தவிர்க்க முடியாததை ஏற்றுக் கொள்வது மனிதப் பண்புகளில் மிக உயர்ந்த பண்புகளில் ஒன்று. ஏற்றுக்கொண்டால் ஆன்மிகத்தில் நற்பாக்கியத்தை வெகு விரைவில் நீ பெற்று கொள்வாய். ✍️ நாகூர் ஞானாசிரியர் ஹஜ்ரத் அப்துல் வஹ்ஹாப் பாகவி