*SUNNETÊN BERÎYA NIMÊJÊ Û FEZÎLETA BANGA ŞERÎF* Xwedê teala di Qurana pîroz di Sureya Fussîletê da dibêje وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ Yên ku ji bo riza Xwedê gazî însanan dikin û dixine rêya rastîyê û rêya Xwedê û 'emelê salih dikin û dibêjin em misilman in ti deng û gotin qasê dengê wan û gotinên wan xweş nîn e. (Sureya fussîletê, ayeta 33.) Hezretî Aîşe dibêje ev ayeta di sureya fussîletê da ji bo banga nimêjê hatîye berjêrkirin. Hezretî Mihemmed(Silavên Xwedê lê be) dibêje; Yên ku banga nimêjê dikin ezan dixwînin roja axretê da histîyê wan dirêj in. *1. BANGA NIMÊJÊ* Banga nimêjê ji bo nimêjê ferz e ku were dayîn. Banga nimêja sinnet û nimêja mirîyan nayê dayîn. Gotinên banga nimêjê ev in الله أكبر الله أكبر الله أكبر الله أكبر أشهد أن لا إله إلا الله أشهد أن لا إله إلا الله أشهد أن محمدا رسول الله أشهد أن محمدا رسول الله حي على الصلاة حي على الصلاة حي على الفلاح حي على الفلاح (الصلاة خير من النوم) (الصلاة خير من النوم) الله أكبر الله أكبر لا إله إلا الله *ŞERTÊN TENDURISTBÛNA BANGÊ* 1. Peyhevbûna gotinên bangê li gorî navbeyna kelîmeyên wê 2. Ketina wextê nimêjê 3. Gotina bangê bi zimanê 'erebî 4. Bangdayîna bi cehrî û dengê zelal û bilind *ŞERTÊN MUEZZINTÎYÊ* 1. Misilmanbûn 2. Mêrbûn(Bangdana jinan ne durist e) 3. Zanîna ketina wextê nimêjê *SUNNETÊN BANGA ŞERÎF* 1. Banga nimêjê divê bi dengekî xweş were xwendin 2. Divê bi dengekî bilind be 3. Teswîb yanî di banga nimêja sibê zû da gotina "Esselatu xeyrun mîne newm" 4. Tercî'kirin yanî navbeyna banga nimêjê da berîya gotina kelîmê şehadetê bi dengekî hêdî gotina kelîmeys şehadetê di dilê xwe da 5. Divê yê ku bang dide guhên xwe bi tilîyên xwe yên şehadetê bigire 6. Wextê gotina "Heyye 'ele sele" dibêje serê xwe vegerîne milê rastê û di "Heyye 'ele feleh" da jî serê xwe vegerîne milê çepê 7. Xwendina duayê bangê *2. SUNNETÊ MUEZZÎNTÎYÊ YÊN BERÎYA NIMÊJÊ Û QAMETKIRINA NIMÊJÊN SUNNET* 1. Bidestmêjbûn 2. Berêxwedayîna qiblê 3. Miswakkirina diranan 4. Bangdayîna li ser pîyan 5. Adilbûna muezzîn 6. Dayîna bangê ji bo riza Xwedê(Ne peretî) 7. Dayîna bangê li cîyekî bilind