*ಸಾಂ ಮಾರ್ಕ್ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (6:1-6)* ಜೆಜು ಥಂಯ್ಚೊ ಭಾಯ್ರ್ ಸರ್ನ್, ಆಪ್ಲ್ಯಾ ಶಿಸಾಂ ಸಾಂಗಾತಾ ಆಪ್ಲ್ಯಾ ಸ್ವಂತ್ ಗಾಂವಾಕ್ ಪಾಟಿಂ ಆಯ್ಲೊ. ಸಾಬ್ಬಾತಾಚೊ ದೀಸ್ ಯೆತಚ್, ತೊ ಸಿನಾಗೊಗಾಂತ್ ಶಿಕೊಂವ್ಕ್ ಲಾಗ್ಲೊ. ತಾಚಿ ಶಿಕೊವ್ಣ್ ಆಯ್ಕಲ್ಲೆ ಸಬಾರ್ ಜಣ್ ಅಜಾಪ್ ಜಾವ್ನ್ ಮ್ಹಣಾಲೆ: "ಹೆಂ ಸಗ್ಳೆಂ ಹಾಕಾ ಖಂಯ್ಚೆಂ ಆಯ್ಲೆಂ? ಹಾಕಾ ದಿಲ್ಯಾ ತಿ ಜಾಣ್ವಾಯ್ ಕಸಲಿ ಜಾವ್ಯೆತ್? ಆನಿ ಹಾಚ್ಯಾ ಹಾತಾಂನಿ ಅಸಲಿಂ ಆಚರ್ಯಾಂ ಘಡ್ತಾತ್ ತೆಂ ಕಶೆಂ? ಹೊ ಮರಿಯೆಚೊ ಪೂತ್, ಏಕ್ ಸುತಾರಿ ನ್ಹಯ್? ಜಾಕೊಬಾಚೊ, ಜುಜೆಚೊ, ಜುದಾಚೊ ಆನಿ ಸಿಮಾಂವ್ಚೊ ಹೊ ಭಾವ್ ನ್ಹಯ್? ಆನಿ ಹಾಚ್ಯೊ ಭಯ್ಣಿ ಹಾಂಗಾಚ್ ಆಮ್ಚ್ಯಾ ಸೆಜಾರಾ ಆಸಾತ್ ನ್ಹಯ್? " ಅಶೆಂ ತಾಚೇ ವಿಶ್ಯಾಂತ್ ಕಿತೆಂ ಮ್ಹಣ್ಚೆಂ ತೆಂ ಚಿಂತುನ್ ತೆ ಘುಸ್ಪಡ್ಲೆ. ತವಳ್ ಜೆಜು ತಾಂಚೇಲಾಗಿಂ ಮ್ಹಣಾಲೊ: "ಪ್ರವಾದ್ಯಾಕ್ ಖಂಯ್ ಜಾಲ್ಯಾರ್ಯ್ ಸನ್ಮಾನ್ ಚುಕಾನಾ; ಪುಣ್ ಆಪ್ಲ್ಯಾ ಸ್ವಂತ್ ಗಾಂವಾಂತ್, ಸ್ವಂತ್ ಘರಾಂತ್ ಆನಿ ಆಪ್ಲ್ಯಾ ಸಯ್ರ್ಯಾಂಧರ್ಯ್ಯಾಂ ಮಧೆಂ ತೊ ಬಿಲ್ಕುಲ್ ಮೆಳನಾ. " ಥೊಡ್ಯಾ ಪಿಡೆಸ್ತಾಂಚೆರ್ ಹಾತ್ ದವರ್ನ್ ತಾಂಕಾಂ ಬರಿಂ ಕೆಲ್ಲಿಂ ಸೊಡ್ಲ್ಯಾರ್, ಹೆರ್ ಕಸಲೆಂಚ್ ಆಚರ್ಯೆಂ ಥಂಯ್ ಕರುಂಕ್ ತಾಚ್ಯಾನ್ ಜಾಲೆಂನಾ. ತಾಂಚೊ ಬೆವಿಶ್ವಾಸ್ ಪಳೆವ್ನ್ ತೊ ಆಜಾಪ್ ಜಾಲೊ. ಉಪ್ರಾಂತ್ ಭೊಂವ್ತಣಿಚ್ಯಾ ಹಳ್ಳ್ಯಾಂನಿ ವಚುನ್ ತೊ ಶಿಕೊಂವ್ಕ್ ಲಾಗ್ಲೊ. *ದೆವಾಚೆಂ ಉತಾರ್ ಹೆಂ* 💐💐💐💐💐💐💐💐 Visit: `www.amchikonkani.com`