AmchiKONKANI🎙️📻
178 subscribers
About AmchiKONKANI🎙️📻
*Radio AmchiKONKANI* 📻🎧🎙️ Exclusive Konkani radio - For Konkani Lovers. 💕 ಕುಟ್ಮಾ ಸಂಗಿ ಆಯ್ಕೊವ್ಯಾಂ, ಸರ್ವಾಂಕ್ ಕಳೊವ್ಯಾಂ... *Listen With Your Family & Share with All* *_Link:_* *1)* https://amchikonkani.com/ _*FOLLOW US:*_ ============== *Group:* https://chat.whatsapp.com/GuX9RclWElbGoShvb0Xr37 *FB:* https://www.facebook.com/RadioAmchiKONKANI *Instagram:* https://www.instagram.com/radioamchikonkani *Twitter:* https://twitter.com/amchikonkani
Similar Channels
- نكت فرفشة😹👻. نكت ملصقات ستوريات فيديوهات صور اقتباسات اغاني حب حزن
ISLAMIC PORTAL ❤️✨
HEP-SEN
GQOM THERAPY
BB RADIO WORLDWIDE
Foodwithus.in
Versión Radio
El Beat Radio Show
Learn And Share
Datitos Radio Punto 7 🎙️ Valparaiso, Viña del Mar, Con Con, Quilpue, Villa Alemana💰ℹ️
Adhey entertainment
Melody Radio
𝘼𝙏𝙀𝙀𝙕 𝐓𝐇𝐄 𝐖𝐎𝐑𝐋𝐃🏴☠️
Daily Lucent GK Or GS UPSC CURRENT AFFAIRS™ Static GK SSC Railways NCERT Science History Motivation
INFO DAGET DANA KAGET SETIAP HARINYA x INFO SLOT GACOR | POLA ONLINE | LINK PRAGMATIC | SITUS PG INI
Swipe to see more
Posts
*ಸಾಂ ಮಾರ್ಕ್ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (5:1-20)* ತೆ ಸರೋವರಾಚೇ ಪೆಲೇ ತಡಿಕ್ ಉತ್ರೊನ್ ಗೆರಾಸೆನಾಂಚ್ಯಾ ಗಾಂವಾಕ್ ಯೇವ್ನ್ ಪಾವ್ಲೆ. ಜೆಜು ಮಚ್ವ್ಯಾಂತ್ಲೊ ದೆಂವ್ಲೊ ತಿತ್ಲೊಚ್, ದೆಂವ್ಚಾರ್ ಲಾಗ್ಲ್ಲ್ಲೊ ಏಕ್ ಮನಿಸ್ ಸಮಾಧಿಂತ್ಲೊ ಭಾಯ್ರ್ ಸರ್ನ್ ತಾಚೇ ಮುಖಾರ್ ಉಬೊ ಜಾಲೊ. ತೊ ಸಮಾಧಿಂತ್ಚ್ ಜಿಯೆತಾಲೊ. ತಾಕಾ ಸಾಂಕ್ಳಿನ್ ಸಯ್ತ್ ಬಾಂಧುನ್ ಘಾಲುಂಕ್ ಕೊಣಾಚ್ಯಾನ್ಯ್ ಜಾಯ್ನಾತ್ಲೆಂ. ಸಬಾರ್ ಪಾವ್ಟಿಂ ಖೊಡ್ಯಾಂನಿ ಆನಿ ಸಾಂಕ್ಳಿಂನಿ ತಾಕಾ ಬಾಂಧ್ಲ್ಯಾರ್ಯ್, ಸಾಂಕ್ಳಿ ತಾಣೆಂ ತುಟಯ್ಲ್ಲ್ಯೊ ಆನಿ ಖೊಡೆ ಪೂಡ್ ಕೆಲ್ಲೆ. ಅಶೆಂ ತಾಕಾ ಸಾದು ಕರುಂಕ್ ಕೊಣಾಕ್ಚ್ ತ್ರಾಣ್ ಪಾವಾನಾತ್ಲೆಂ. ದೀಸ್ ರಾತ್ ಖಳನಾಸ್ತಾನಾ ತೊ ಸಮಾಧಿಂನಿ ಆನಿ ದೊಂಗ್ರಾಂನಿ ಬೊಬೋ ಮಾರುನ್ ಆನಿ ಆಪ್ಣಾಕ್ಚ್ ಫಾತ್ರಾಂನಿ ಫಾಪ್ಸುನ್ ಘೆವ್ನ್ ಆಸ್ತಾಲೊ. ಪಯ್ಸ್ ಥಾವ್ನ್ ಯೆತಲ್ಯಾ ಜೆಜುಕ್ ಪಳೆತಚ್ ತೊ ಧಾಂವುನ್ ಯೆವ್ನ್ ತಾಚ್ಯಾ ಪಾಂಯಾಂ ಪಡ್ಲೊ ಆನಿ ವ್ಹಡ್ಲ್ಯಾ ತಾಳ್ಯಾನ್ ಬೊಬ್ ಮಾರ್ನ್ ಮ್ಹಣಾಲೊ: "ಮ್ಹಜೇ ಖಬ್ರೆಕ್ ತುಂ ಕಿತ್ಯಾಕ್ ಯೆತಾಯ್, ಜೆಜೂ, ಪರಮೋನ್ನತ್ ದೆವಾಚ್ಯಾ ಪುತಾ? ಮ್ಹಾಕಾ ತುಂ ದಗ್ದಿನಾಕಾ ಮ್ಹಣುನ್ ದೆವಾಚೇ ನಾಂವಿಂ ತುಜೇಲಾಗಿಂ ಹಾಂವ್ ಪರಾತ್ತಾಂ." (ಕಿತ್ಯಾಕ್ "ಭಾಯ್ರ್ ಸರ್ ಹ್ಯಾ ಮನ್ಶಾ ಥಾವ್ನ್, ಏ ಅಶುದ್ಧ್ ಆತ್ಮ್ಯಾ!" ಮ್ಹಣುನ್ ಜೆಜುನ್ ತಾಕಾ ಫರ್ಮಾಯ್ಲ್ಲೆಂ.) ಜೆಜುನ್ ತಾಚೇಲಾಗಿಂ ವಿಚಾರ್ಲೆಂ: "ತುಜೆಂ ನಾಂವ್ ಕಿತೆಂ? " ತಾಣೆಂ ಜಾಪ್ ದಿಲಿ: "ಮ್ಹಜೆಂ ನಾಂವ್ ಸೈನ್, ಕಿತ್ಯಾಕ್ ಆಮಿ ಜಾಯ್ತೆ ಅಸಾಂವ್." ತ್ಯಾ ಗಾಂವಾಂತ್ ಥಾವ್ನ್ ತಾಂಕಾಂ ಭಾಯ್ರ್ ಧಾಂವ್ಡಾಯ್ನಾಯೆ ಮ್ಹಣುನ್ ಜೆಜುಲಾಗಿಂ ತೊ ಮಸ್ತ್ ಪರಾತುಂಕ್ ಲಾಗ್ಲೊ. ಥಂಯ್ಚ್ ಲಾಗ್ಸಾರ್ ದುಕ್ರಾಚೊ ವ್ಹಡ್ ಏಕ್ ಹಿಂಡ್ ದೊಂಗ್ರಾ ಕಡ್ಯಾರ್ ಚರುನ್ ಆಸ್ಲೊ. ದೆಂವ್ಚಾರ್ ಜೆಜುಲಾಗಿಂ ಅಶೆಂ ಪರಾತಿಲಾಗ್ಲೊ: "ಆಮ್ಕಾಂ ತ್ಯಾ ದುಕ್ರಾಂ ಥಂಯ್ ಧಾಡ್; ತಾಂಚೇ ಭಿತರ್ ಆಮಿ ಪ್ರವೇಶ್ ಜಾತಾಂವ್. " ಜೆಜುನ್ ತಾಂಕಾಂ ಪರ್ವಣ್ಗಿ ದಿಲಿ. ತೆದ್ವಾಂ ತೆ ದೆಂವ್ಚಾರ್ ತ್ಯಾ ಮನ್ಶಾ ಥಾವ್ನ್ ಭಾಯ್ರ್ ಸರ್ನ್ ದುಕ್ರಾಂ ಭಿತರ್ ಪ್ರವೇಶ್ ಜಾಲೆ. ಚಡುಣೆಂ ದೋನ್ ಹಜಾರ್ ದುಕ್ರಾಂಚೊ ಹಿಂಡ್ ದೊಂಗ್ರಾಚ್ಯಾ ಕಡ್ಯಾ ವಯ್ಲ್ಯಾನ್ ಸರೋವರಾಂತ್ ಉಡೊನ್, ಉದ್ಕಾಂತ್ ಬುಡೊನ್ ನಾಸ್ ಜಾಲೊ. ತಿತ್ಲ್ಯಾರ್ ದುಕ್ರಾಂಕ್ ಚರಯ್ತಲೆ ಪೊಳ್ನ್ ಧಾಂವ್ಲೆ; ಆನಿ ಶಹರಾಂತ್ ಆನಿ ನಾಡಾಂತ್ ವಚುನ್ ತಾಂಣಿಂ ಹಿ ಖಬರ್ ಸಾಂಗ್ಲಿ. ಕಿತೆಂ ಘಡ್ಲೆಂ ತೆಂ ಪಳೆಂವ್ಕ್ ಲೋಕ್ ಭಾಯ್ರ್ ಸರ್ನ್ ಆಯ್ಲೊ. ತೆ ಜೆಜು ಸರ್ಶಿಂ ಆಯ್ಲೆ; ದೆಂವ್ಚಾರಾಂಚೆಂ ಸೈನ್ ಲಾಗ್ಲ್ಲೊ ಮನಿಸ್ ಆತಾಂ ನ್ಹೆಸುನ್ಬಿ, ಸಾರ್ಕೇ ಮತಿರ್ ಆಸುನ್, ಥಂಯ್ ಬಸೊನ್ ಆಸ್ಲಲೊ ತಾಕಾ ತಾಂಣಿಂ ದೆಖ್ಲೊ ಆನಿ ತೆ ಭಿಯೆಲೆ. ದೊಳ್ಯಾಂನಿ ಖುದ್ಧ್ ಪಳೆಲ್ಲ್ಯಾಂನಿ ದೆಂವ್ಚಾರ್ ಲಾಗ್ಲ್ಲ್ಯಾಕ್ ಘಡ್ಲೆಂ ತೆಂ ಆನಿ ದುಕ್ರಾಂಚಿ ಜಾಲ್ಲಿ ತಿ ಆವಸ್ಥಾ ಹೆರಾಂಕ್ ಸಾಂಗ್ಲಿ. ದೆಕುನ್, ಜೆಜುನ್ ತಾಂಚೊ ಗಾಂವ್ ಸೊಡ್ನ್ ವಚಜಯ್ ಮ್ಹಣ್ ತಾಚೇಲಾಗಿಂ ಲೊಕಾನ್ ಉಪ್ಕಾರ್ ಮಾಗ್ಲೊ. ಜೆಜು ಮಚ್ವ್ಯಾರ್ ಚಡ್ತಾನಾ ದೆಂವ್ಚಾರ್ ಲಾಗ್ಲ್ಲೊ ಮನಿಸ್, ತಾಚೇ ಸಾಂಗಾತಾ ಯೆತಾ ಮ್ಹಣುನ್ ಪರಾತಿಲಾಗ್ಲೊ: ಪುಣ್ ಜೆಜುನ್ ತಾಕಾ ಕಬ್ಲಾತ್ ದಿಲಿನಾ, ಬಗರ್ ತಾಕಾ ಸಾಂಗ್ಲೆಂ: "ತುಂ ಆತಾಂ ತುಜ್ಯಾ ಕುಟ್ಮಾದಾರಾಂ ಥಂಯ್ ಘರಾ ವಚ್. ಆನಿ ಸರ್ವೆಸ್ಪರಾನ್ ಆಪ್ಲೇ ವ್ಹಡ್ ದಯೆನ್ ತುಕಾ ಕಿತೆಂ ಕೆಲಾಂ ತೆಂ ತಾಂಕಾಂ ಸಾಂಗ್. " ತೊ ಗೆಲೊ ಆನಿ ಜೆಜುನ್ ಆಪ್ಣಾ ಪಾಸತ್ ಕೆಲ್ಲೆಂ ಸಕ್ಕಡ್ ದೆಕಾಪೊಲಿಂತ್ ಮ್ಹಣ್ಜೆ ಧಾ ಶಹರಾಂನಿ ಗಾಜೊಂವ್ಕ್ ಲಾಗ್ಲೊ. ಆಯ್ಕಲ್ಲೆ ಸಮೆಸ್ತ್ ವಿಜ್ಮಿತ್ ಜಾಲೆ. *ದೆವಾಚೆಂ ಉತಾರ್ ಹೆಂ* 💐💐💐💐💐💐💐💐 Visit: `www.amchikonkani.com`
*ಸಾಂ ಮಾರ್ಕ್ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (5:21-43)* ಜೆಜು ಪರ್ತ್ಯಾನ್ ಮಚ್ವ್ಯಾರ್ ಚಡುನ್ ಸರೋವರಾಚೇ ಪೆಲೇ ತಡಿಕ್ ಉತರ್ಲಲ್ಯಾ ವೆಳಾರ್, ವ್ಹಡ್ ಏಕ್ ಲೊಕಾಜಮೊ ತಾಚೇ ಭೊಂವಾರಿಂ ಎಕ್ಟಾಂಯ್ ಜಾಲೊ. ತೊ ಸರೋವರಾಚೇ ತಡಿರ್ಚ್ ಆಸ್ತಾನಾ, ಸಿನಾಗೊಗಾಚ್ಯಾ ಅಧಿಕಾರ್ಯಾಂ ಪೈಕಿ ಎಕ್ಲೊ, ಜಾಯಿರ್ ನಾಂವಾಚೊ ಥಂಯ್ಚರ್ ಆಯ್ಲೊ. ಜೆಜುಕ್ ಪಳೆತಚ್ ತೊ ತಾಚ್ಯಾ ಪಾಂಯಾಂ ಪಡ್ಲೊ ಆನಿ ಹೇ ಪರಿಂ ಪರಾತುನ್ ಮ್ಹಣಾಲೊ: "ಮ್ಹಜಿ ಧುವ್ ಮೊರ್ನಾಚೇ ತಣಿರ್ ಪಾವ್ಲ್ಯಾ; ತುಂ ಯೇವ್ನ್ ತಿಚೆರ್ ತುಜೊ ಹಾತ್ ದವರ್; ತಶೆಂ ತಿ ಬರಿ ಜಾತಲಿ ಆನಿ ವಾಂಚ್ತಲಿ. " ಜೆಜು ತಾಚೇ ಸಾಂಗಾತಾ ಭಾಯ್ರ್ ಸರ್ನ್ ಗೆಲೊ. ಲೊಕಾಚೊ ವ್ಹಡ್ ಜಮೊ ತಾಚ್ಯಾ ಪಾಟ್ಲ್ಯಾನ್ ವೆತಾಲೊ ಆನಿ ತಾಕಾ ಆಡ್ಚಿತಾಲೊ. ಬಾರಾ ವರ್ಸಾಂ ಥಾವ್ನ್ ರಗ್ತಾಸ್ರಾವಾಚೇ ಪಿಡೆನ್ ಕಷ್ಟತಲಿ ಏಕ್ ಸ್ತ್ರೀ ಆಸ್ಲಿ. ಸಬಾರ್ ವಯ್ಜಾಂಚ್ಯಾ ಹಾತಾಂತ್ ಪಡುನ್ ತಿ ಕಷ್ಟಲ್ಲಿ ಆನಿ ಆಪ್ಲೆಂ ಆಸ್ಲ್ಲೆಂ ಸಳ್ಳೆಂ ತಿಣೆಂ ವಕ್ತಾಂಕ್ ಖರ್ಚಿಲ್ಲೆಂ, ತರ್ಯ್ ಕಾಂಯ್ ಪುಣ್ಯ್ ಬರೆಪಣ್ ಜೊಡ್ಚ್ಯಾ ಬದ್ಲಾಕ್ ತಿಣೆಂ ಪಿಡಾ ಚಡ್ಚ್ ಕರ್ನ್ ಘೆತ್ಲಲಿ. ತಿಣೆಂ ಜೆಜು ವಿಶ್ಯಾಂತ್ ಆಯ್ಕಲ್ಲೆಂ; ದೆಕುನ್ ಲೊಕಾಜಮ್ಯಾಂತ್ ರಿಗುನ್, ತಾಚ್ಯಾ ಪಾಟ್ಲ್ಯಾನ್ ತಿ ಗೇಲಿ ಆನಿ ತಾಚೆಂ ಅಂಗ್ ವಸ್ತುರ್ ಆಪಡ್ಲೆಂ. ಫಕತ್ ತಾಚೆಂ ಅಂಗ್ ವಸ್ತುರ್ ಆಪ್ಡಿನ್ ಜಾಲ್ಯಾರ್ ಹಾಂವ್ ಬರಿಂ ಜಾತಲಿಂ" ಮ್ಹಣ್ ತಿಣೆಂ ಚಿಂತ್ಲೆಂ. ತಕ್ಷಣ್ಚ್ ತಿಚಿ ರಗ್ತಾಚಿ ಝರ್ ಸುಕ್ಲಿ ಆನಿ ಆಪ್ಲಿ ಪಿಡಾ ಗೂಣ್ ಜಾಲಿ ಮ್ಹಣ್ ತಿಕಾ ಜಿವಾ ಭಿತರ್ ಭೊಗ್ಲೆಂ. ತೆದ್ವಾಂ ಜೆಜು ಆಪ್ಲ್ಯಾ ಭಿತರ್ಲಿ ಸಕತ್ ಭಾಯ್ರ್ ಗೆಲಿ ಮ್ಹಣ್ ಸಮ್ಜಲೊ ಆನಿ ಲೊಕಾ ಕುಶಿನ್ ಪಾಟಿಂ ಪರ್ತೊನ್, "ಮ್ಹಜ್ಯಾ ಅಂಗ್ ವಸ್ತ್ರಾಕ್ ಕೊಣೆಂ ಹಾತ್ ಲಾಯ್ಲೊ?" ಮ್ಹಣುನ್ ವಿಚಾರಿಲಾಗ್ಲೊ. ಶಿಸಾಂನಿ ಜಾಪ್ ದೀವ್ನ್ ಮ್ಹಳೆಂ: "ಲೋಕ್ ತುಜ್ಯಾ ಆಂಗಾರ್ ಪಡ್ತಾ ತೆಂ ತುಂ ಪಳೆತಾಯ್, ಆನಿ 'ಮ್ಹಾಕಾ ಕೊಣೆಂ ಹಾತ್ ಲಾಯ್ಲೊ?' ಮ್ಹಣ್ ತುಂ ವಿಚಾರ್ತಾಯ್? " ಪುಣ್ ಜೆಜು ಆಪ್ಣಾಕ್ ಕೊಣೆಂ ಹಾತ್ ಲಾಯ್ಲೊ ಮ್ಹಣ್ ಸೊಧುಂಕ್ ಹೆಣೆಂತೆಣೆಂ ಪಳೆತಲೊ. ತೆದ್ವಾಂ ಆಪ್ಣಾ ಥಂಯ್ ಕಿತೆಂ ಘಡ್ಲಾಂ ತೆಂ ಜಾಣಾ ಜಾವ್ನ್, ತಿ ಸ್ತ್ರೀ ಭಿಯಾನ್ ಆನಿ ಕಾಂಪೊನ್ ತಾಚೇ ಮುಖಾರ್ ಆಯ್ಲಿ ಆನಿ ಪಾಂಯಾಂ ಸರ್ಪಡ್ಲಿ ಆನಿ ಸಗ್ಳೆಂ ಸತ್ ಆಸಾ ತಶೆಂ ತಾಕಾ ಸಾಂಗಿಲಾಗ್ಲಿ. ತವಳ್ ಜೆಜು ತಿಕಾ ಮ್ಹಣಾಲೊ: "ಧುವೆ, ತುಜ್ಯಾ ಭಾವಾರ್ಥಾನ್ ತುಕಾ ಬರಿ ಕೆಲಿ. ಸಮಾಧಾನಾನ್ ವಚ್, ಆನಿ ತುಜೇ ಪಿಡೆಂತ್ಲಿ ತುಕಾ ಸುಟ್ಕಾ ಜಾಂವ್. " ತೊ ಅಶೆಂ ಉಲೊವ್ನ್ ಆಸ್ತಾನಾಚ್ ಸಿನಾಗೊಗ್ ಅಧಿಕಾರ್ಯಾಚ್ಯಾ ಘರಾ ಥಾವ್ನ್ ಜಣ್ ಯೇವ್ನ್ ಸಾಂಗಿಲಾಗ್ಲೆ: "ತುಜೇ ಧುವೆನ್ ಪ್ರಾಣ್ ಕೆಲೊ; ಆನಿಕ್ ಮೆಸ್ತ್ರಿಕ್ ಧೊಸ್ಚೊ ಕಿತ್ಯಾಕ್?" ಪುಣ್ ತಾಂಣಿಂ ಮ್ಹಳ್ಳೆಂ ತೆ ಗುಮಾನ್ ಕರಿನಾಸ್ತಾನಾ ಜೆಜುನ್ ಜಾಯಿರಾಕ್ ಸಾಂಗ್ಲೆಂ: "ತುಂ ಕಾಯ್ ಭಿಯೆನಾಕಾ; ತುವೆಂ ಸತ್ಮಾನ್ಲ್ಯಾರ್ ಮಾತ್ರ್ ಸಯ್. " ಉಪ್ರಾಂತ್ ಪೆದ್ರು, ಜಾಕೊಬ್ ಆನಿ ತಾಚೊ ಭಾವ್ ಜುವಾಂವ್, ಹ್ಯಾ ತೆಗಾಂಕ್ ಶಿವಾಯ್ ಹೆರ್ ಕೊಣಾಕ್ಯ್ ಆಪ್ಣಾ ಸಾಂಗಾತಾ ಯೆಂವ್ಕ್ ತಾಣೆಂ ಸೊಡ್ಲೆಂನಾ. ತೆ ಅಧಿಕಾರ್ಯಾಚ್ಯಾ ಘರಾ ಲಾಗ್ಸಾರ್ ಯೇವ್ನ್ ಪಾವ್ತಾನಾ, ಜೆಜುನ್ ಬೊಬಾಟ್, ವಿಳಾಪ್ ಆನಿ ರಡ್ಣೆಂ ಆಯ್ಕಲೆಂ. ತೊ ತ್ಯಾ ಘರಾ ಭಿತರ್ ಸರ್ಲೊ ಆನಿ ತಾಂಚೇಲಾಗಿಂ ಮ್ಹಣಾಲೊ: "ಕಿತ್ಯಾಕ್ ಹಿ ಘಡ್ಬಡಿ ಆನಿ ಹೆಂ ರಡ್ಣೆಂ? ಚಲಿ ಮರೊಂಕ್ ನಾ, ತಿ ನಿದ್ಲ್ಯಾ" ಹೆಂ ಆಯ್ಕುನ್ ತೆ ತಾಕಾ ಹಾಸುಂಕ್ ಲಾಗ್ಲೆ. ಪುಣ್ ತಾಣೆಂ ತಾಂಕಾಂ ಸಕ್ಡಾಂಕ್ ಭಾಯ್ರ್ ಕೆಲಿಂ. ಉಪ್ರಾಂತ್ ಚಲಿಯೆಚ್ಯಾ ಆವಯ್ ಬಾಪಾಯ್ಕ್ ಆನಿ ಆಪ್ಲ್ಯಾ ಸಾಂಗಾತ್ಯಾಂಕ್ ಘೆವ್ನ್, ಚಲಿಯೆಕ್ ನಿದಾಯ್ಲ್ಲೇಕಡೆನ್ ತೊ ಭಿತರ್ ಗೆಲೊ. ಚಲಿಯೆಚೊ ಹಾತ್ ಧರ್ನ್ ತಿಕಾ ತೊ ಮ್ಹಣಾಲೊ: "ತಾಲೀಥಾ, ಕುಮ್." ತಶೆಂ ಮ್ಹಳ್ಯಾರ್ "ಚಲಿಯೇ ಊಠ್! ಮ್ಹಣ್ ಆರ್ಥ್. ತಕ್ಷಣ್ ತಿ ಚಲಿ ಉಠ್ಲಿ ಆನಿ ಚಲುಂಕ್ ಲಾಗ್ಲಿ. ಪ್ರಾಯೆನ್ ತಿ ಬಾರಾ ವರ್ಸಾಂಚಿ. ಥಂಯ್ ಆಸ್ಲಲಿಂ ಸಗ್ಳಿಂ ಭೋವ್ ಚಡ್ ವಿಜ್ಮಿತ್ ಜಾಲಿಂ! ಪುಣ್ ಕೊಣಾಕ್ಚ್ ಹಿ ಖಬರ್ ಕಳಯ್ನಾಯೆ ಮ್ಹಣುನ್ ತಾಣೆಂ ತಾಂಕಾಂ ಖಡಕ್ಕ್ ತಾಕಿದ್ ದಿಲಿ. ಉಪ್ರಾಂತ್ ಚಲಿಯೆಕ್ ಖಾಂವ್ಕ್ ದೀಜಯ್ ಮ್ಹಣ್ ತಾಣೆಂ ತಾಂಕಾಂ ಸಾಂಗ್ಲೆಂ. *ದೆವಾಚೆಂ ಉತಾರ್ ಹೆಂ* 💐💐💐💐💐💐💐💐 Visit: `www.amchikonkani.com`
✝️🙏🏼✝️🙏🏼✝️🙏🏼✝️ *ಸಾಂ ಹೆನ್ರಿ ಮೊರ್ಸ್, ರಗ್ತ್‌ಸಾಕ್ಷಿ / ಭಾಗೆವಂತ್ ಕುಟ್ಮಾಕ್ ಸಮರ್ಪಿಲ್ಲೊ ಮಹಿನೊ* Saturday, February 1st 2025 ಸಾದ್ಯಾ ಕಾಳಾಚೊ ತಿಸ್ರೊ ಸನ್ವಾರ್ *ಪಯ್ಲೆಂ ವಾಚಪ್* ಹೆಬ್ರೆವ್ 11: 1-2. 8-19 ಭಾವಾಂ-ಭಯ್ಣಿಂನೊ, ಭಾವಾರ್ಥ್ ಮ್ಹಳ್ಯಾರ್ ಆಮಿ ಭರ್ವಸುನ್ ಆಸಾಂವ್ ತ್ಯಾ ಸಂಗ್ತಿಂಚೊ ಥಾರೊ ಆನಿ ಆಮ್ಕಾಂ ದಿಸನಾಂತ್ ತ್ಯಾ ಸಂಗ್ತಿಂ ವಿಶ್ಯಾಂತ್ ಆಮ್ಕಾಂ ಆಸಾ ತಿ ಖಾತ್ರಿ. ಭಾವಾರ್ಥಾ ವರ್ವಿಂ ಆಮ್ಚೆ ಪುರ್ವಜ್ ದೆವಾಕ್ ಮಾನ್ವಲ್ಲೆ. ಭಾವಾರ್ಥಾ ವರ್ವಿಂ ತೆಂ ಆಬ್ರಾಹಾಮಾನ್ ದೆವಾಚ್ಯಾ ತಾಳ್ಯಾಕ್ ಪಾಳೊ ದಿಲೊ ಆನಿ ಆಪ್ಣಾಕ್ ದಾಯ್ಜ್‌ಶೆಂ ಮೆಳ್ಚೊ ಆಸ್ಲೊ ತ್ಯಾ ಗಾಂವಾಕ್ ವಚುಂಕ್ ತೊ ಭಾಯ್ರ್ ಸರ್ಲೊ. ಆಪ್ಣೆ ಖಂಯ್ ವೆಚೆಂ ಮ್ಹಣ್ ತಾಕಾ ಕಳಿತ್ ನಾತ್ಲೆಂ ಜಾಲ್ಯಾರ್‌ಯೀ ಆಪ್ಲೊ ಸ್ವಂತ್ ಗಾಂವ್ ತಾಣೆಂ ಸೊಡ್ಲೊ. ಭಾವಾರ್ಥಾ ವರ್ವಿಂ ಭಾಸಾಯ್‍ಲ್ಲ್ಯಾ ಗಾಂವಾಂತ್ ಏಕ್ ಪರ್ದೇಶಿ ಕಸೊ ಏಕ್ ತಂಬಾಂತ್ ತೊ ಜಿಯೆಲೊ; ದೆವಾಚಿ ತಿಚ್ ಭಾಸಾವ್ಣಿ ಘೆತ್‍ಲ್ಲೆ ಇಸಾಕ್ ಆನಿ ಜಾಕೊಬ್‍ಯೀ ಅಶೆಂಚ್ ಜಿಯೆಲೆ. ಕಿತ್ಯಾಕ್ ದೆವಾನ್‍ಚ್ ಯೆವ್ಜಿಲ್ಲ್ಯಾ ಆನಿ ಬುನ್ಯಾದಿ ಫಾತರ್ ಘಾಲ್ನ್ ಬಾಂಧುನ್ ಹಾಡ್‍ಲ್ಲ್ಯಾ ಶಹರಾಂತ್ ಜಿಯೆಂವ್ಕ್ ಆಬ್ರಾಹಾಮ್ ರಾಕುನ್ ಆಸ್‍ಲ್ಲೊ. ಭಾವಾರ್ಥಾ ವರ್ವಿಂಚ್ ಸಾರಾಕ್ ಗರ್ಭೆಸ್ತ್ ಜಾವ್ಚಿ ಸಕತ್ ಮೆಳ್‍ಲ್ಲಿ. ಆವಯ್ ಜಾವ್ಚಿ ಪ್ರಾಯ್ ತಿಕಾ ಉತರ್‌‌ಲ್ಲಿ ತರ್‌ಯೀ ಆಪ್ಣಾಕ್ ಭಾಸಾವ್ಣಿ ದಿಲ್ಲೊ ದೇವ್ ವಿಶ್ವಾಸಿ ಮ್ಹಣ್ ತಿಣೆಂ ಲೆಖ್ಲೆಂ. ಹ್ಯಾ ಭಾವಾರ್ಥಾಕ್ ಲಾಗುನ್ ಮರುಂಕ್ ಲಾಗಿಂ ಪಾವ್‍ಲ್ಲ್ಯಾ ಏಕ್ ಮನ್ಶಾ ಥಾವ್ನ್ ಮೊಳ್ಬಾ ವಯ್ಲ್ಯಾ ನೆಕೆತ್ರಾಂಬರಿ ಆನಿ ದರ್ಯಾವೆಳೆಚೇ ರೆಂವೆಬರಿ ಮೆಜುಂಕ್ ಜಾಯ್ನಾ ತಿತ್ಲಿ ಸಂತತ್ ಉಬ್ಜಲಿ. ಭಾವಾರ್ಥಾಂತ್‍ಚ್ ಹಿಂ ಸಗ್ಳಿಂ ಮನ್ಶಾಂ ಮೊರ್ನ್ ಪಾವ್ಲಿಂ. ದೆವಾನ್ ಭಾಸಾಯ್‍ಲ್ಲೆಂ ತೆಂ ತಾಂಕಾಂ ಲಾಭೊಂಕ್ ನಾ ಜಾಲ್ಯಾರ್‌ಯೀ ತೆಂ ಸಗ್ಳೆಂ ಪಯ್ಸ್ ಥಾವ್ನ್ ತಾಂಣಿಂ ಪಳೆಲೆಂ ಆನಿ ತಾಕಾ ಸ್ವಾಗತ್ ದಿಲೊ. ಆಪುಣ್ ಸಂಸಾರಾಂತ್ ಪರ್ಕಿಂ ಆನಿ ವಾಟ್ಸುರಿಂ ಮ್ಹಣ್ ತಾಂಣಿಂ ಉಗ್ತ್ಯಾನ್ ಸಾಂಗ್ಲೆಂ. ಅಶೆಂ ಸಾಂಗ್ತಲಿಂ ಆಪ್ಲೊಚ್ ಮ್ಹಳ್ಳೊ ಏಕ್ ಗಾಂವ್ ಆಪುಣ್ ಸೊಧುನ್ ಆಸಾತ್ ಮ್ಹಣ್ ಸ್ಪಷ್ಟ್ ದಾಖೊವ್ನ್ ದಿತಾತ್. ಆಪುಣ್ ಸೊಡ್ನ್ ಭಾಯ್ರ್ ಆಯ್ಲಿಂ ತ್ಯಾ ಗಾಂವಾ ವಿಶ್ಯಾಂತ್ ತಿಂ ಚಿಂತಾ ಕರಿತ್ ಆಸ್‍ಲ್ಲಿಂ ಜಾಲ್ಯಾರ್ ಥಂಯ್ ಪಾಟಿಂ ವಚುಂಕ್ ತಾಂಕಾಂ ಕಸಲೊ ಪುಣ್‍ಯೀ ಸಂಧರ್ಭ್ ಮೆಳ್ತೊ. ಪುಣ್ ತಿಂ ಸಕ್ಕಡ್ ಏಕ್ ಉತ್ತಮ್ ಗಾಂವಾಕ್, ಮ್ಹಣ್ಜೆ ಸರ್ಗಿಂಚ್ಯಾ ನಿವಾಸಾಕ್ ಆಶೆತಲಿಂ ಮನ್ಶಾಂ. ದೆಕುನ್‍ಚ್ ದೆವಾಕ್ ತಾಂಚೊ ದೇವ್ ಮ್ಹಣ್ ಆಪಯ್ತಾನಾ ತೊ ಲಜೆನಾ, ಕಿತ್ಯಾಕ್ ತಾಣೆಂ ತಾಂಕಾಂ ಏಕ್ ಶಹರ್ ತಯಾರ್ ಕರ್ನ್ ದವರ್ಲಾಂ. ಆಬ್ರಾಹಾಮ್, ದೆವಾನ್ ತಾಚಿ ಪರೀಕ್ಷಾ ಕೆಲ್ಲ್ಯಾ ವೆಳಾರ್, ಭಾವಾರ್ಥಾನ್ ಆಪ್ಲ್ಯಾ ಪುತಾಕ್ ಭೆಟೊಂವ್ಕ್ ಲಾಗ್ಲೊ. ಬಾಸಾವ್ಣ್ಯೊ ತಾಕಾ ಲಾಬ್‍ಲ್ಲ್ಯೊ ಜಾಲ್ಯಾರ್‌ಯೀ, ಆಪ್ಲ್ಯಾ ಎಕ್ಲ್ಯಾಚ್ ಪುತಾಕ್ ಬಲಿ ಭೆಟೊಂವ್ಕ್ ತೊ ತಯಾರ್ ಆಸ್ಲೊ. ತ್ಯಾಚ್ ಪುತಾ ವಿಶ್ಯಾಂತ್ ದೆವಾನ್ ಮ್ಹಳ್ಳೆಂ : “ಇಸಾಕಾ ಮುಖಾಂತ್ರ್ ತುಜಿ ಸಂತತ್ ಹಾಂವ್ ಸ್ಥಾಪಿತ್ ಕರ್ತಲೊಂ.” ಮೆಲ್ಲ್ಯಾಂಕ್ ಜಿವಂತ್ ಉಠೊವ್ಚಿ ಪದ್ವಿ ದೆವಾಕ್ ಆಸಾ ಮ್ಹಣ್ ತಾಣೆಂ ಲೆಖ್ಲೆಂ; ದೆಕುನ್ ಮೆಲ್ಲ್ಯಾಂತ್ಲೊ ಜಿವಂತ್ ಜಾಲ್ಲೇಬರಿ ತೊ ತಾಕಾ ಪಾಟಿಂ ಮೆಳ್ಳೊ. *ದೆವಾಚೆಂ ಉತರ್ ಹೆಂ* -ದೆವಾಚೊ ವ್ಹಡ್ ಉಪ್ಕಾರ್ 🌸🌸🌸🌸🌸🌸🌸🌸 *ಕೀರ್ತನ್* ಲೂಕ್ 1: 69-70. 71-72. 73-75 *ಶ್ಲೋಕ್: ಸದೆಂವ್ ಜಾಂವ್ ಸರ್ವೆಸ್ಪರ್, ಇಸ್ರಾಯೆಲಾಚೊ ದೇವ್, ತಾಣೆಂ ಅಪ್ಲ್ಯೆ ಪರ್ಜೆಚಿ ಭೆಟ್ ಕೆಲಿ* 1. ಜಶೆಂ ಕಾಳಾ ಉಪ್ರಾಂತ್ ಕಾಳಾಂನಿ, ತಾಚ್ಯಾ ಭಾಗೆವಂತ್ ಪ್ರವಾದ್ಯಾಂ ಮಾರಿಫತ್ ತಾಣೆಂ ಭಾಸಾಯಿಲ್ಲೆಂ,ತಶೆಂ ಅಪ್ಲ್ಯಾ ಚಾಕ್ರಾ ದಾವಿದಾಚ್ಯಾ ಘರಣ್ಯಾಂತ್ಎಕಾ ಶಾತಿವಂತ್ ಸೊಡ್ವಣ್ದಾರಾಕ್ ಆಮ್ಚೆಖಾತಿರ್ ಪಾಟಯ್ಲಾ *ಶ್ಲೋಕ್: ಸದೆಂವ್ ಜಾಂವ್ ಸರ್ವೆಸ್ಪರ್, ಇಸ್ರಾಯೆಲಾಚೊ ದೇವ್, ತಾಣೆಂ ಅಪ್ಲ್ಯೆ ಪರ್ಜೆಚಿ ಭೆಟ್ ಕೆಲಿ* 2. ಸೊಡಯ್ತಾಂ ಮ್ಹಣ್ ಅಮ್ಕಾಂ ದುಸ್ಮಾನಾಚ್ಯಾ ಹಾತಾಂತ್ಲೆಂಆನಿ ಆಮ್ಕಾಂ ದ್ವೇಶಿತಲ್ಯಾ ಸರ್ವ್ ಸಕ್ತ್ಯಾಂತ್ಲೆಂಆಧಾರ್ ದೀವ್ನ್ ವ್ಹರ್ತಾಂ ಮ್ಹಣ್ ದಯೆನ್ ಆಮ್ಚ್ಯಾ ಪುರ್ವಜಾಂಕ್,ಉಗ್ಡಾಸ್ ದವರ್ನ್ ಸದಾಂ ಆಪ್ಣೆಂ ಕೆಲ್ಲ್ಯಾ ಪವಿತ್ರ್ ಸೊಲ್ಲ್ಯಾಚೊ- ಅಶೆಂ ತಾಣೆಂ ಮ್ಹಳ್ಳೆಂ *ಶ್ಲೋಕ್: ಸದೆಂವ್ ಜಾಂವ್ ಸರ್ವೆಸ್ಪರ್, ಇಸ್ರಾಯೆಲಾಚೊ ದೇವ್, ತಾಣೆಂ ಅಪ್ಲ್ಯೆ ಪರ್ಜೆಚಿ ಭೆಟ್ ಕೆಲಿ* 3. ಹೆಂಚ್ ತೆಂ ಫರ್ಮಾಣ್ ಉಗ್ತ್ಯಾನ್, ತಾಣೆಂ ಸಪುತ್ ಘಾಲ್ನ್ ಆಮ್ಚ್ಯಾ ಬಾಪಾ ಅಬ್ರಾಹಾಮಾಲಾಗಿಂ ಕೆಲ್ಲೆಂ;ಸೊಡಯ್ತೊಲೊಂ ಮ್ಹಣ್ ಆಮ್ಕಾಂ ಅಮ್ಚ್ಯಾ ದುಸ್ಮಾನಾಂ ಥಾವ್ನ್ಆನಿ ಫಾವೊ ಕರ್ತೊಲೊಂ ಮ್ಹಣ್ ಆಮಿ ಭಿಯಾವಿಣೆಂ ತಾಚಿ ಸೆವಾ ಕರುಂಕ್;ಪವಿತ್ರ್‌ಪಣಾನ್ ಆನಿ ನಿತಿನ್ ತಾಚೆಮುಕಾರ್ ಚಲೊಂಕ್ಸಗ್ಳಿ ಆಮ್ಚಿ ಜಿಣಿ ಸರಾಸರ್. *ಶ್ಲೋಕ್: ಸದೆಂವ್ ಜಾಂವ್ ಸರ್ವೆಸ್ಪರ್, ಇಸ್ರಾಯೆಲಾಚೊ ದೇವ್, ತಾಣೆಂ ಅಪ್ಲ್ಯೆ ಪರ್ಜೆಚಿ ಭೆಟ್ ಕೆಲಿ* 💐💐💐💐💐💐💐💐 *ಉದ್ಗಾರ್* (ಜುವಾಂವ್ 3: 16 ) *ಅಲ್ಲೆಲೂಯಾ! ಅಲ್ಲೆಲೂಯಾ!* ದೆವಾನ್ ಸಂಸಾರಾಚೊ ಅಸೊಯ್ ಮೋಗ್ ಕೆಲೊ ಕೀ, ಆಪ್ಲ್ಯಾ ಎಕ್ಲ್ಯಾಚ್ ಪುತಾಕ್ ತಾಣೆಂ ದಿಲೊ; ಪುತಾಚೆರ್ ವಿಶ್ವಾಸ್ ದವರ್ತಾತ್ ತಾಂಕಾಂ, ಸಾಸ್ಣಾಚೆಂ ಜಿವಿತ್ ಮೆಳ್ತಾ. *ಅಲ್ಲೆಲೂಯಾ!* 🪷🪷🪷🪷🪷🪷🪷🪷 *ಶುಭ್‍ವಾರ್ತಾ* ಮಾರ್ಕ್ 4: 35-41 ತ್ಯಾ ದಿಸಾ, ಸಾಂಜ್ ಜಾತಚ್, “ಆಮಿ ಪಲ್ತಡಿ ವಚುಂಯಾ” ಮ್ಹಣಲೊ ಜೆಜು ಆಪ್ಲ್ಯಾ ಶಿಸಾಂಲಾಗಿಂ. ತೆದ್ವಾಂ ತಾಣಿಂ ಲೊಕಾಕ್ ಧಾಡ್ನ್ ಸೊಡ್ಲೊ. ಆನಿ ಜೆಜುಕ್ ಮಚ್ವ್ಯಾರ್ ಆಸ್ಲೊ ತಸೊಚ್ ಘೆವ್ನ್ ತೆ ಫುಡೆಂ ಸರ್ಲೆ. ತಾಂಚೇ ಸಾಂಗಾತಾ ಹೆರ್ ಮಚ್ವೆಯೀ ಆಸ್ಲೆ. ತಿತ್ಲ್ಯಾರ್ ವ್ಹಡ್ ಏಕ್ ಝಡ್‍ವಾರೆಂ ಉಠ್ಲೆಂ ಆನಿ ಲ್ಹಾರಾಂ ಮಚ್ವ್ಯಾ ಭಿತರ್ ಮಾರ್ನ್, ಮಾಚ್ವೊ ಉದ್ಕಾನ್ ಭರೊನ್ ಆಯ್ಲೊ. ತರ್‌ಯೀ ಜೆಜು ಸುಂಕಾಣಾ ಸರ್ಶಿಂ ಉಶ್ಯಾರ್ ತಕ್ಲಿ ತೆಂಕುನ್ ನೀದ್ ಕಾಡ್ತಲೊ. ಶಿಸಾಂನಿ ತಾಕಾ ಜಾಗೊವ್ನ್ ಮ್ಹಳೆಂ: “ಮೆಸ್ತ್ರಿ ಆಮಿ ಬುಡ್ತಾಂವ್! ತುಂ ಕಾಂಯ್ ಖಬ್ರೆರ್ ನಾಯ್‍ಮೂ?” ಜೆಜುನ್ ಉಠೊನ್ ವಾರ್ಯಾಕ್ ಭೆಷ್ಟಾಯ್ಲೆಂ ಆನಿ ದರ್ಯಾಕ್ ಮ್ಹಳೆಂ: “ಚುಪ್ ರಾವ್! ಥಂಡ್ ಜಾ!” ಆನಿ ಝಡ್‍ವಾರೆಂ ರಾವ್ಲೆಂ ಆನಿ ಸಗ್ಳೆಂ ಶಾಂತ್ ಜಾಲೆಂ. ತವಳ್ ಜೆಜು ತಾಂಕಾಂ ಮ್ಹಣಾಲೊ: “ತುಮಿ ಇತ್ಲೆ ಭಿಜುಡ್ ಕಿತ್ಯಾಕ್? ತುಮ್ಕಾಂ ಭಾವಾರ್ಥ್ ನಾ?” ಪುಣ್ ತೆ ಭೋವ್ ಚಡ್ ಭಿಯೆಲೆ ಆನಿ ಎಕಾಮೆಕಾ ಮ್ಹಣಾಲೆ: “ಹೊ ಕೋಣ್ ಜಾಯ್ತ್? ವಾರೆಂ ಆನಿ ಉದಕ್ ಲೆಗುನ್ ತಾಚ್ಯಾ ಉತ್ರಾಕ್ ಖಾಲ್ ಜಾತಾತ್!” *ಯಾಜಕ್: ದೆವಾಚೆಂ ಉತರ್ ಹೆಂ.* -ಲೋಕ್: ವಾಖಣ್ಣಿ ತುಕಾ, ಕ್ರಿಸ್ತಾ. 💐💐💐💐💐💐💐💐 Visit: `www.amchikonkani.com`
*ಸಾಂ ಮಾರ್ಕಾ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (4:26-34)* ಜೆಜುನ್ ಪರ್ತ್ಯಾನ್ ಮ್ಹಳೆಂ: "ದೆವಾಚೆಂ ರಾಜ್ಯ್ ಹೇ ಪರಿಂ ಮ್ಹಣ್ಯೆತ್: ಏಕ್ ಮನಿಸ್ ಆಪ್ಲ್ಯಾ ಶೆತಾಂತ್ ಬಿಂ ಒಂಪ್ತಾ. ದೀಸ್ ವಾ ರಾತ್, ತೊ ನಿದೊನ್ ಆಸುಂ ವಾ ಜಾಗೊ ಆಸುಂ, ತೆಂ ಕಿರ್ಲತಾ ಆನಿ ವಾಡ್ತಾ; ಆನಿ ಹೆಂ ಕಶೆಂ ಮ್ಹಣ್ ತೊಚ್ ನೆಣಾ. ಭುಂಯ್ ಆಪ್ಲೆಸ್ತಕಿಂಚ್ ಫೊಳ್ ದೀಶೆಂ ಕರ್ತಾ ಪಯ್ಲಿ ಪಾಲ್ವಿ, ಉಪ್ರಾಂತ್ ಕಣಸ್, ಶೆಕಿಂ ಕಣ್ಸಾಂತ್ ಭರ್ಲಲಿ ಧಾನಿ, ಪುಣ್ ಫೊಳ್ ಪಿಕ್ತಚ್, 'ತೆಂ ಲುಂವ್ಣೆಕ್ ತಯಾರ್ ಜಾಲಾಂ ದೆಕುನ್ ತೊ ಕೊಯ್ತಿ ಘಾಲ್ತಾ.' " ತೊ ಮ್ಹಣಾಲಾಗ್ಲೊ: "ದೆವಾಚೆಂ ರಾಜ್ಯ್ ಆಮಿ ಕಿತ್ಯಾಕ್ ಸರಿ ಕರ್ಯೆತ್? ವಾ ಖಂಯ್ಚಿ ಒಪಾರ್ ದೀವ್ನ್ ಆಮಿ ತೆಂ ಚಿತ್ರಾವ್ಯೆತ್? ತೆಂ ಸಾಸ್ವಾಚ್ಯಾ ಬಿಯಾಬರಿ ಮ್ಹಣ್ಯೆತ್. ಮಾತಿಯೆಂತ್ ಒಂಪ್ಲ್ಲ್ಯಾ ವೆಳಾರ್, ತೆಂ ಭುಂಯ್ತ್ ರೊಯ್ಲಲ್ಯಾ ಸರ್ವ್ ಬಿಯಾಂಕಣಾಂ ಪ್ರಾಸ್ ಲ್ಹಾನ್. ಪುಣ್ ಒಂಪ್ತಚ್ ತೆಂ ಕಿರ್ಲೊನ್ ವಾಡ್ತಾ ಆನಿ ಸರ್ವ್ ಝಾಡಾಂ ಪ್ರಾಸ್ ತೆಂ ವ್ಹಡ್ ಜಾತಾ ಆನಿ ವ್ಹಡ್ ವ್ಹಡ್ ಫಾಂಟೆ ಸೊಡ್ತಾ; ಅಂತ್ರಳಾಚಿಂ ಸುಕ್ಣಿಂ ಯೇವ್ನ್ ತಾಚೇ ಸಾವ್ಳೆಕ್ ಘೊಂಟೆರ್ ಬಾಂಧ್ತಾತ್." ಅಸಲ್ಯಾ ಸಬಾರ್ ಒಪಾರಿಂನಿ ಲೊಕಾಚೇ ಸಮ್ಜಣೇ ತೆಕಿತ್ ಉಲೊವ್ನ್, ಜೆಜು ತಾಂಕಾಂ ಶಿಕಯ್ತಾಲೊ. ಒಪಾರಿಂವಿಣೆಂ ತೊ ತಾಂಚೆಲಾಗಿಂ ಉಲಯ್ನಾತ್ಲ್ಲೊ; ತರಿಪುಣ್ ಆಪ್ಲ್ಯಾ ಶಿಸಾಂಕ್ ವಿಂಗಡ್ ಘೆವ್ನ್ ಸಕ್ಕಡ್ ತೊ ಸೊಡೊವ್ನ್ ಸಾಂಗ್ತಾಲೊ. *ದೆವಾಚೆಂ ಉತರ್ ಹೆಂ* 💐💐💐💐💐💐💐💐 Visit: `www.amchikonkani.com`
✝️🙏🏼✝️🙏🏼✝️🙏🏼✝️ *ಸೊಮಿಯಾಚಿ ತೆಂಪ್ಲಾಂತ್ ಭೆಟೊವ್ಣಿ / ಭಾಗೆವಂತ್ ಕುಟ್ಮಾಕ್ ಸಮರ್ಪಿಲ್ಲೊ ಮಹಿನೊ* Sunday, February 2nd 2025 ಸೊಮಿಯಾಚಿ ತೆಂಪ್ಲಾಂತ್ ಭೆಟೊವ್ಣಿ (ಸಾದ್ಯಾ ಕಾಳಾಚೊ ಚವ್ತೊ ಅಯ್ತಾರ್ ) *ಪಯ್ಲೆಂ ವಾಚಪ್* ಮಾಲಖಿ 3: 1-4 ಸರ್ವೆಸ್ಪರ್ ದೇವ್ ಅಶೆಂ ಸಾಂಗ್ತಾ, ಮ್ಹಾಕಾ ಏಕ್ ವಾಟ್ ತಯಾರ್ ಕರುಂಕ್ ಹಾಂವ್ ಮ್ಹಜ್ಯಾ ದುತಾಕ್ ಧಾಡ್ತಲೊಂ. ಆನಿ ತುಮಿ ಸೊದ್ತಾತ್ ತೊ ಸೊಮಿ ಆವ್ಚಿತ್ ಆಪ್ಲ್ಯಾ ಮಂದಿರಾಂತ್ ಯೆತಲೊ; ತುಮಿ ಅತ್ರೆಗ್ತಾತ್ ತೊ ಕರಾರಾಚೊ ದೂತ್ ಯೆತಲೊ, ಮ್ಹಣ್ತಾ ದಳ್ಬಾರಾಂಚೊ ಸರ್ವೆಸ್ಪರ್.ತಾಚ್ಯಾ ಯೆಣ್ಯಾಚ್ಯಾ ದಿಸಾಕ್ ಕೋಣ್ ವಿರೋಧ್ ಕರುಂಕ್ ಸಕತ್? ತೊ ಪ್ರತ್ಯಕ್ಷ್ ಜಾತಾನಾ ಕೊಣಾಚ್ಯಾನ್ ಉಬೊ ರಾವುಂಕ್ ಜಾಯ್ತ್? ಕಿತ್ಯಾಕ್ ತೊ ಸೊನಾರಾಚ್ಯಾ ಉಜ್ಯಾ ಸಾರ್ಕೊ, ಧೊಬಿಯಾಚ್ಯಾ ಖಾರಾ ಸಾರ್ಕೊ. ರುಪೆಂ ನಿತಳ್ ಆನಿ ನಿರ್ಮಳ್ ಕರ್ತಲ್ಯಾ ಸೊನಾರಾ ಭಾಶೆನ್ ತೊ ಆಪ್ಲ್ಯಾ ಆಸನಾರ್ ಬಸ್ತಲೊ; ಲೆವಿಚ್ಯಾ ಪುತಾಂಕ್ ತೊ ನಿತಳ್ ಕರ್ತಲೊ, ರುಪ್ಯಾ ಆನಿ ಭಾಂಗಾರಾಪರಿಂ ತೊ ತಾಂಕಾಂ ನಿರ್ಮಳ್ ಕರ್ತಲೊ; ತೆದ್ನಾ ಪ್ರಾಮಾಣಿಕ್ಪಣಿಂ ಸರ್ವೆಸ್ಪರಾಕ್ ಭೆಟೊವ್ಣ್ಯೊ ಕರುಂಕ್ ತಾಂಚ್ಯಾನ್ ಜಾತಲೆಂ. ಜಶೆಂ ಆದ್ಲ್ಯಾ ಕಾಳಾರ್, ಪುರ್ವಿಲ್ಯಾ ವರ್ಸಾಂನಿ, ಜುದಾಚ್ಯೊ ಆನಿ ಜೆರುಸಾಲೆಮಾಚ್ಯೊ ಭೆಟೊವ್ಣ್ಯೊ ಸರ್ವೆಸ್ಪರಾಕ್ ಮಾಂದ್ತಾಲ್ಯೊ, ತಶೆಂ ಆತಾಂ ತ್ಯೊ ತಾಕಾ ಮಾಂದ್ತೆಲ್ಯೊ. - *ದೆವಾಚೆಂ ಉತರ್ ಹೆಂ* -ದೆವಾಚೊ ವ್ಹಡ್ ಉಪ್ಕಾರ್ 🌷🌷🌷🌷🌷🌷🌷🌷 *ಕೀರ್ತನ್* 24: 7-10 *ಶ್ಲೋಕ್: ಕೊಣ್ ತೊ ಮಹಿಮೆವಂತ್ ರಾಜಾ? ಸರ್ವೆಸ್ಪರ್ ಸೊಮಿ ತೊ!* 1. ಉಬಾರಾ ತುಮ್ಚೆ ದಾರ್ವಂತ್, ತುಮಿ ದಾರ್ವಾಟ್ಯಾಂನೊ,ಮಿಟ್ವುನ್ ಧರಾ ತುಮ್ಚಿಂ ಬಾಗ್ಲಾಂ, ತುಮಿ ಪ್ರಾಚೀನ್ ದಾರಾಂನೊ,ಮ್ಹಯ್ಮೆವಂತ್ ರಾಜಾ ತಾಂತ್ಲ್ಯಾನ್ ಭಿತರ್ ಸರೊಂ *ಶ್ಲೋಕ್: ಕೊಣ್ ತೊ ಮಹಿಮೆವಂತ್ ರಾಜಾ? ಸರ್ವೆಸ್ಪರ್ ಸೊಮಿ ತೊ!* 2. ಕೋಣ್ ತೊ ಮ್ಹಯ್ಮೆವಂತ್ ರಾಜಾ?ತೊಚ್ ಸರ್ವೆಸ್ಪರ್, ಬಳಿಶ್ಟ್ ಆನಿ ಧಯ್ರಾಧಿಕ್ ಝಜಾಂನಿ ಜಯ್ತೆವಂತ್ ಸರ್ವೆಸ್ಪರ್ ತೊ! *ಶ್ಲೋಕ್: ಕೊಣ್ ತೊ ಮಹಿಮೆವಂತ್ ರಾಜಾ? ಸರ್ವೆಸ್ಪರ್ ಸೊಮಿ ತೊ!* 3. ಉಬಾರಾ ತುಮ್ಚೆ ದಾರ್ವಂತ್, ತುಮಿ ದಾರ್ವಾಟ್ಯಾಂನೊ,ಮಿಟ್ವುನ್ ಧರಾ ತುಮ್ಚಿಂ ಬಾಗ್ಲಾಂ, ತುಮಿ ಪ್ರಾಚೀನ್ ದಾರಾಂನೊ,ಮ್ಹಯ್ಮೆವಂತ್ ರಾಜಾ ತಾಂತ್ಲ್ಯಾನ್ ಭಿತರ್ ಸರೊಂ *ಶ್ಲೋಕ್: ಕೊಣ್ ತೊ ಮಹಿಮೆವಂತ್ ರಾಜಾ? ಸರ್ವೆಸ್ಪರ್ ಸೊಮಿ ತೊ!* 4. ಕೋಣ್ ತೊ ಮ್ಹಯ್ಮೆವಂತ್ ರಾಜಾ?ತೊಚ್ ತೊ ದಳ್ಬಾರಾಂಚೊ ಸರ್ವೆಸ್ಪರ್, ತೊಚ್ ತೊ ಮ್ಹಯ್ಮೆವಂತ್ ರಾಜಾ *ಶ್ಲೋಕ್: ಕೊಣ್ ತೊ ಮಹಿಮೆವಂತ್ ರಾಜಾ? ಸರ್ವೆಸ್ಪರ್ ಸೊಮಿ ತೊ!* 🌸🌸🌸🌸🌸🌸🌸🌸 *ದುಸ್ರೆಂ ವಾಚಪ್* ಹೆಬ್ರೆವ್ 2: 14-18 ಆನಿ ಆತಾಂ, ಭುರ್ಗಿಂ ರಗ್ತಾಮಾಸಾಚ್ಯಾ ಸಂಯ್ಭಾಚಿಂ ಜಾವ್ನಾಸ್ತಾಂ, ಜೆಜುಯೀ ಹ್ಯಾ ಮನ್ಶಾಸಂಯ್ಭಾಚೊ ವಾಂಟೆಲಿ ಜಾಲೊ. ಹಾಚೇ ವರ್ವಿಂ ಮೊರ್ನಾಚೆರ್ ಪದ್ವಿ ಚಲಯ್ತಲ್ಯಾ ಸೈತಾನಾಕ್ ಆಪ್ಲ್ಯಾ ಮೊರ್ನಾನ್ ತಾಣೆ ಪಾಡಾವ್ ಕೆಲೊ. ಅಶೆಂ ಮೊರ್ನಾಚೇ ಭಿರಾಂತಿನ್ ಆಪ್ಲಿ ಸಗ್ಳಿ ಜಿಣಿಭರ್ ಗುಲಾಮ್‍ಪಣಾಂತ್ ಜಿಯೆತಲ್ಯಾಂಕ್ ತಾಣೆಂ ಸುಟ್ಕಾ ಜೊಡ್ನ್ ದಿಲಿ. ದೆಕುನ್ ದೇವ್‍ದುತಾಂಕ್ ಆಧಾರ್ ದಿಂವ್ಕ್ ಮ್ಹಣ್ ತೊ ಯೆಂವ್ಕ್ ನಾ, ತೊ ಆಯ್‍ಲ್ಲೊ ಆಬ್ರಾಹಾಮಾಚೇ ಸಂತತೆಚ್ಯಾಂಕ್ ಆಧಾರ್ ದಿಂವ್ಕ್. ತಶೆಂ ಜಾಲ್ಲ್ಯಾನ್ ಸಕ್ಟಾಂತ್ ತಾಣೆ ಆಪ್ಲ್ಯಾ ಭಾವಾಂಬರಿ ಜಾವ್ಚಿ ಗರ್ಜ್ ಪಡ್ಲಿ. ಹಾಚೇ ವರ್ವಿಂ ಲೊಕಾನ್ ಪಾತ್ಕಾಂಚೆಂ ಭೊಗ್ಸಣೆ ಜೊಡ್ಚೇ ಖಾತಿರ್ ದೆವಾಚೆ ಸೆವೆಂತ್ ಕಾಕುಳ್ತಿವಂತ್ ಆನಿ ವಿಶ್ವಾಸಿ ಶ್ರೇಷ್ಠ್ ಯಾಜಕ್ ತೊ ಜಾಂವ್ಕ್ ಪಾವ್ಲೊ. ತಾಣೆ ಸೊಸ್‍ಲ್ಲ್ಯಾ ಕಷ್ಟಾಂ ವರ್ವಿಂ ದೆವಾನ್ ತಾಕಾ ಪಯ್ಲೆಂಚ್ ಪಾರ್ಕಿಲೊ ದೆಕುನ್ ಆತಾಂ ತಾಳ್ನೆಂತ್ ಸಾಂಪಡ್ಲಲ್ಯಾಂಕ್ ಆಧಾರ್ ದಿಂವ್ಕ್ ತೊ ಸಕ್ತಾ.- *ದೆವಾಚೆಂ ಉತರ್ ಹೆಂ* -ದೆವಾಚೊ ವ್ಹಡ್ ಉಪ್ಕಾರ್ 🪷🪷🪷🪷🪷🪷🪷🪷 *ಉದ್ಗಾರ್* ( ಲೂಕ್ 2:32) *ಅಲ್ಲೆಲೂಯಾ! ಅಲ್ಲೆಲೂಯಾ!* ದಿವೊ ಅನ್ಭಾವಾಡ್ತ್ಯಾಂಕ್ ಉಜ್ವಾಡ್ ದಿವ್ಪಿ ಆನಿ ಮ್ಹಯ್ಮಾ ತುಜ್ಯೆ ಪರ್ಜೆ ಇಸ್ರಾಯೆಲಾಚಿ. *ಅಲ್ಲೆಲೂಯಾ!* 💐💐💐💐💐💐💐💐 *ಶುಭ್‍ವಾರ್ತಾ* ಲೂಕ್ 2: 22-40 ಮೊಯ್ಜೆಚ್ಯಾ ನಿಯಮ್‍ಶಾಸ್ತ್ರಾ ಪ್ರಕಾರ್ ತಿಚ್ಯಾ ಅಶುದ್ಧ್‌ಪಣಾಚೆ ದೀಸ್ ಕಾಬಾರ್ ಜಾವ್ನ್, ತಿಣೆ ನಿತಳ್ ಜಾಂವ್ಚೊ ದೀಸ್ ಆಯ್ಲೊ. ದೆಕುನ್ ತಾಣಿಂ ಬಾಳ್ಕಾಕ್ ಜೆರುಜಲೆಮಾಕ್ ಹಾಡ್ಲೊ. “ಪ್ರಥಮ್ ಜಲ್ಮಲ್ಲೊ ಹರ್ಯೇಕ್ ಚೆರ್ಕೊ ಭುರ್ಗೊ ಸರ್ವೆಸ್ಪರಾಕ್ ಸಮರ್ಪುಂಕ್ ಜಾಯ್.” ಅಶೆಂ ಸರ್ವೆಸ್ಪರಾಚ್ಯಾ ಶಾಸ್ತ್ರಾಂತ್ ಬರೊವ್ನ್ ಆಸ್ಲಲ್ಯಾ ಕಾಯ್ದ್ಯಾ ಪ್ರಕಾರ್, ತ್ಯಾ ಬಾಳ್ಕಾಕ್ ತಾಣಿಂ ದೆವಾಕ್ ಭೆಟೊಂವ್ಕ್ ಜಾಯ್ ಆಸ್ಲೊ. ತ್ಯಾ ಶಿವಾಯ್, ಸರ್ವೆಸ್ಪರಾಚ್ಯಾ ಶಾಸ್ತ್ರಾಂತ್‍ಚ್ ಫರ್ಮಾಯ್ಲಲ್ಯಾ ಪರ್ಮಾಣೆ ಏಕ್ ಜೋಡ್ ಕೊವ್ಡೆ, ನಾ ಜಾಲ್ಯಾರ್ ದೋನ್ ಪಾರ್ವ್ಯಾ ಪಿಲಾಂ ತಾಣಿಂ ಬಲಿದಾನ್ ಭೆಟೊಂವ್ಕ್ ಜಾಯ್ ಆಸ್ಲಿಂ.ತ್ಯಾ ವೆಳಾರ್ ಸಿಮಿಯಾಂವ್ ನಾಂವಾಚೊ ಏಕ್ ಮನಿಸ್ ಜೆರುಜಲೆಮಾಂತ್ ಜಿಯೆತಾಲೊ. ನಿತಿವಂತ್ ಆನಿ ದೇವ್‍ಭಿರಾಂತಿಚೊ ಮನಿಸ್ ತೊ; ಇಸ್ರಾಯೆಲಾಚೇ ಉದರ್ಗತೆಚಿ ವಾಟ್ ತೊ ಪಳೆವ್ನ್ ಆಸ್ಲೊ. ಆನಿ ತಾಚೇ ಥಂಯ್ ಪವಿತ್ರ್ ಅತ್ಮೊ ಆಸ್ಲೊ. ಸರ್ವೆಸ್ಪರಾಚ್ಯಾ ಕ್ರಿಸ್ತಾಕ್ ಪಳೆಲ್ಲೇ ಖರಿತ್ ತೊ ಮರ್ಚೊನಾ ಮ್ಹಣುನ್ ಪವಿತ್ರ್ ಅತ್ಮ್ಯಾನ್ ತಾಕಾ ಕಳಿತ್ ಕೆಲ್ಲೆಂ. ಆನಿ ತ್ಯಾಚ್ ಪವಿತ್ರ್ ಅತ್ಮ್ಯಾಚ್ಯಾ ಪ್ರೇರಣಾಖಾಲ್ ತೊ ದೆವಾಳಾಕ್ ಆಯ್ಲಲೊ. ನಿಯಮ್‍ಶಾಸ್ತ್ರಾಚಿ ರೀತ್ ಪಾಳುಂಕ್ ಜೆಜು ಬಾಳ್ಕಾಕ್ ತಾಚಿಂ ಮಾಂಯ್‍ಬಾಪ್ ಭಿತರ್ ಹಾಡ್ನ್ ಆಯ್ಲಲ್ಯಾ ವೆಳಾರ್, ಸಿಮಿಯಾಂವ್ನ್ ತ್ಯಾ ಬಾಳ್ಕಾಕ್ ಹಾತಾಂತ್ ಘೆತ್ಲೊ ಆನಿ ದೆವಾಚಿ ಸ್ತುತಿ ಗಾವ್ನ್ ತೊ ಮ್ಹಣಾಲಾಗ್ಲೊ: “ಸರ್ವೆಸ್ಪರಾ, ಆತಾಂ ಜಾಲ್ಯಾರ್ ತುಜ್ಯಾ ಚಾಕ್ರಾಕ್ ಸಮಾಧಾನಾನ್ ವಚುಂಕ್ ದಿ. ಕಿತ್ಯಾಕ್ ತುಜಿ ಭಾಸಾವ್ಣಿ ತುವೆಂ ಪಾಳ್ಳಿಯ್. ಮ್ಹಜ್ಯಾಚ್ ದೊಳ್ಯಾಂನಿ ತುಜಿ ಸೊಡ್ವಣ್ ಹಾಂವೆಂ ದೆಖ್ಲಿ. ಸರ್ವ್ ಪರ್ಜಾಂ ಮುಖಾರ್ ತುವೆಂ ತಯಾರ್ ಕೆಲ್ಲಿ; ದಿವೊ ಅನ್ಭಾವಾರ್ಥ್ಯಾಂಕ್ ಉಜ್ವಾಡ್ ದಿವ್ಪಿ ಆನಿ ಮಹಿಮಾ ತುಜೇ ಪರ್ಜೇ ಇಸ್ರಾಯೆಲಾಚಿ.” ಸಿಮಿಯಾಂವ್ನ್ ಬಾಳ್ಕಾ ವಿಶ್ಯಾಂತ್ ಸಾಂಗ್ಲಲ್ಯೊ ಸಂಗ್ತಿ ಆಯ್ಕುನ್, ತಾಚಿಂ ಆವಯ್ ಬಾಪುಯ್ ವಿಜ್ಮಿತ್ ಜಾಲಿಂ. ತವಳ್ ಸಿಮಿಯಾಂವ್ನ್ ತಾಂಕಾಂ ಆಶೀರ್ವಾದ್ ದಿಲೊ ಆನಿ ತಾಚೇ ಆವಯ್ಕ್ ಮರಿಯೆಕ್ ತಾಣೆ ಮ್ಹಳೆಂ: “ಪಳೆ, ದೆವಾನ್ ಹ್ಯಾ ಬಾಳ್ಕಾಕ್ ಮನ್ಶ್ಯಾಂನಿ ತಿರಸ್ಕಾರ್ ಕರ್ಚೊ ಏಕ್ ಗುರ್ತ್ ಕಸೊ ನೆಮ್ಲಾ. ಆನಿ ದೂಖ್ ಏಕ್ ಧಾರಿಚೇ ತಲ್ವಾರಿಬರಿ ತುಜೆಂಯೀ ಕಾಳಿಜ್ ಫಾಪ್ಸಿತಲೆಂ. ಹೊ ಬಾಳಕ್ ಇಸ್ರಾಯೆಲಾಂತ್ ಸಬಾರಾಂಕ್ ಪಡುಂಕ್ ಆನಿ ಸಬಾರಾಂಕ್ ಉಟೊಂಕ್ ಕಾರಣ್ ಜಾತಲೊ. ಹೇ ವರ್ವಿಂ ಸಬಾರಾಂಚ್ಯಾ ಅಂತಸ್ಕರ್ನಾಂತ್ಲಿಂ ಘುಟಾಚಿಂ ಚಿಂತ್ನಾಂ ಭಾಯ್ರ್ ಪಡ್ತಲಿಂ.”ಥಂಯ್ ಆನ್ನಾ ನಾಂವಾಚಿ ಏಕ್ ಪ್ರವಾದಿಣ್‍ಯೀ ಆಸ್ಲಿ. ತಿ ಅಶೇರ್ ಕುಳಿಯೆಚಿ, ಧುವ್ ಫಾನ್ವೆಲಿಚಿ; ತಿ ಆತಾಂ ಚಡ್ ಉತರ್ ಪ್ರಾಯೆಚಿ ಜಾಲ್ಲಿ. ಲಗ್ನ್ ಜಾವ್ನ್ ಸಾತ್ ವರ್ಸಾಂ ಆಪ್ಲ್ಯಾ ದಾದ್ಲ್ಯಾ ಸಂಗಿಂ ಜಿಯೆಲ್ಯಾ ಉಪ್ರಾಂತ್ ತಿ ವಿಧವ್ ಜಾಲಿ. ಆತಾಂ ತಿಕಾ ಚೊವ್ರಾಯ್ಶಿಂ ವರ್ಸಾಂ ಪ್ರಾಯ್. ದೆವಾಳ್ ಸೊಡ್ನ್ ತಿ ಭಾಯ್ರ್ ವಚಾನಾತ್ಲಿ; ದೀಸ್‍ರಾತ್ ಉಪಾಸ್ ಆನಿ ಮಾಗ್ಣೆಂ ಕರಿತ್ ದೆವಾಚಿ ತಿ ಸೆವಾ ಕರ್ತಾಲಿ.ತಿಯೀ ತ್ಯಾಚ್ ವೆಳಾರ್ ಥಂಯ್ ಪಾವುನ್ ದೆವಾಕ್ ಅರ್ಗಾಂ ದಿಂವ್ಕ್ ಲಾಗ್ಲಿ ಆನಿ ಜೆರುಜಲೆಮಾಚೇ ಸೊಡ್ವಣೆಚಿ ವಾಟ್ ಪಳೆವ್ನ್ ಆಸ್ಲಲ್ಯಾ ಸಮೆಸ್ತಾಂಲಾಗಿಂ ಬಾಳ್ಕಾ ವಿಶ್ಯಾಂತ್ ಉಲೊಂವ್ಕ್ ಲಾಗ್ಲಿ. ಸರ್ವೆಸ್ಪರಾಚ್ಯಾ ಶಾಸ್ತ್ರಾ ಪ್ರಕಾರ್ ಕರುಂಕ್ ಆಸ್ಲೆಂ ತೆಂ ಸಕ್ಕಡ್ ತಾಣಿಂ ಕರ್ನ್ ಜಾತಚ್, ಗಾಲಿಲೆಯಾಂತ್ಲ್ಯಾ ಆಪ್ಲ್ಯಾ ನಜರೆತ್ ಶಹರಾಕ್ ತಿಂ ಪಾಟಿಂ ಆಯ್ಲಿಂ. ಭುರ್ಗೊ ವಾಡೊನ್ ಯೆತಾಂ ಘಟ್‍ಮುಟ್ ಜಾಯ್ತ್ ಆಯ್ಲೊ ಆನಿ ಜಾಣ್ವಾಯೆನ್ ಭರ್ಲೊ. ಆನಿ ದೆವಾಚಿ ಮಜತ್ ತಾಚೆರ್ ಆಸ್ಲಿ. *ಯಾಜಕ್: ದೆವಾಚೆಂ ಉತರ್ ಹೆಂ.* -ಲೋಕ್: ವಾಖಣ್ಣಿ ತುಕಾ, ಕ್ರಿಸ್ತಾ. 💐💐💐💐💐💐💐💐 Visit: `www.amchikonkani.com`