*ಸಾಂ ಮಾರ್ಕ್ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (6:7-13)* ಏಕ್ ದೀಸ್ ಬಾರಾ ಜಣಾಂಕ್ ಜೆಜುನ್ ಸರ್ಶಿಂ ಆಪಯ್ಲೆ ಆನಿ ತಾಂಕಾಂ ದೆಂವ್ಚಾರ್ ಸೊಡೊಂವ್ಚಿ ಪದ್ವಿ ದೀವ್ನ್, ದೊಗಾಂದೊಗಾಂಕ್ ಧಾಡ್ಲೆ. ಆನಿ ತಾಣೆಂ ತಾಂಕಾಂ ಅಶೆಂ ಫರ್ಮಾಯ್ಲೆಂ: "ವಾಟೆಕ್ ಏಕ್ ದಾಂಡೊ ಶಿವಾಯ್ ದುಸ್ರೆಂ ಕಿತೆಂಚ್ ತುಮಿ ವ್ಹರಿನಯೆ; ಭುತಿ ಜಾಂವ್, ಪೊತೆಂ ಜಾಂವ್ ಆನಿ ಚಿರಿಯೆಂತ್ ದುಡ್ ಜಾಂವ್ ಘೆನಯೆ; ಪಾಯಾಂಕ್ ವ್ಹಾಣೋ ಘಾಲ್ಯೆತ್ ತರ್ಯ್ ಬದ್ಲುಂಕ್ ವಸ್ತುರ್ ವ್ಹರಿನಯೆ. " ಹ್ಯಾ ಶಿವಾಯ್ ತೊ ಮ್ಹಣಾಲೊ: "ಖಂಯ್ಚ್ಯಾಯ್ ಘರಾಂತ್ ತುಮಿ ರಿಗ್ಯಾತ್, ತ್ಯಾ ವಾಡ್ಯಾಂತ್ಲೆ ಭಾಯ್ರ್ ಸರ್ನ್ ವಸಚರ್ ತ್ಯಾಚ್ ಘರಾ ರಾವಾ. ಆನಿ ಕೊಣ್ಯ್ ತುಮ್ಕಾಂ ಸ್ವಾಗತ್ ದೀನಾ ಆನಿ ತುಮ್ಕಾಂ ಆಯ್ಕಾನಾ ಜಾಲ್ಯಾರ್ ಥಂಯ್ ಥಾವ್ನ್ ಭಾಯ್ರ್ ಸರ್ನ್ ವಚಾ; ವೆತಾಸ್ತಾನಾ ತಾಂಕಾಂ ಏಕ್ ಚತ್ರಾಯ್ ದಿವ್ಚ್ಯಾಕ್, ತುಮ್ಚ್ಯಾ ಪಾಂಯಾಂಚಿ ಧುಳ್ ಫಾಪುಡಾ." ಅಶೆಂ ತೆ ಭಾಯ್ರ್ ಸರ್ನ್ ವಚುನ್, "ಪಾತ್ಕಿ ಜಿಣಿ ಬದಲಾ" ಮ್ಹಣುನ್ ಲೊಕಾಕ್ ಪ್ರಸಂಗ್ ಕರುಂಕ್ ಲಾಗ್ಲೆ. ತಾಂಣಿಂ ಜಾಯ್ತೆ ದೆಂವ್ಚಾರ್ ಧಾಂವ್ಡಾಯ್ಲೆ ಆನಿ ಸಬಾರ್ ಪಿಡೆಸ್ತಾಂಕ್ ತೇಲ್ ಲಾವ್ನ್ ಗೂಣ್ ಕೆಲಿಂ. *ದೆವಾಚೆಂ ಉತರ್ ಹೆಂ* 💐💐💐💐💐💐💐💐 Visit: `www.amchikonkani.com`