✝️🙏🏼✝️🙏🏼✝️🙏🏼✝️ *ಆಲ್ಪಾಂದೆಯಿರೆಚೊ ಭಾಗೆವಂತ್ ಲಿಯೊಪೋಲ್ಡ್-ಧಾರ್ಮಿಕ್(ಫ್ರಾನ್ಸಿಸ್ಕಾನ್-ಧವೊರಂಗ್) /ಸಾಂ ಮೈಕಲ್ ಫೆಬ್ರೆಸ್ ಕೊರ್ದೆರೊ-ಕೊನ್ಫೆಸೊರ್/ ಭಾಗೆವಂತ್ ಕುಟ್ಮಾಕ್ ಸಮರ್ಪಿಲ್ಲೊ ಮಹಿನೊ* Sunday, February 9th 2025 ಸಾದ್ಯಾ ಕಾಳಾಚೊ ಪಾಂಚ್ವೊ ಆಯ್ತಾರ್ *ಪಯ್ಲೆಂ ವಾಚಪ್* ಇಸಾಯಿಯಾ 6: 1-8ಉಜ್ಜೀಯಾ ರಾಯಾಚ್ಯಾ ಮರಣಾಚ್ಯಾ ವರ್ಸಾ ಹಾಂವೆಂ ಸರ್ವೆಸ್ಪರಾಕ್ ಎಕಾ ಊಂಚ್ ಶಿಂವಾಸನಾರ್ ಬಸ್ಲಲೊ ಪಳೆಲೊ; ತಾಚ್ಯಾ ನ್ಹೆಸ್ಣಾಚ್ಯಾ ಸೊಗ್ಯಾನ್ ಮಂದಿರ್ ಭರ್‌ಲ್ಲೆಂ.ತಾಚೆ ವಯ್ರ್ ಆಸ್ಲೆ ಸೆರಾಫೀಮ್; ಹಾಂಕಾಂ ಜಣ್ ಎಕ್ಲ್ಯಾಕ್ ಸಸ ಪಾಕಾಟೆ ಆಸ್ಲೆ: ದೋನ್ ತಾಚೆಂ ಮುಖಾಮಳ್ ಧಾಂಪುಂಕ್, ದೋನ್ ತಾಚೆ ಪಾಂಯ್ ಧಾಂಪುಂಕ್ ಆನಿ ದೋನ್ ಉಬುನ್ ವಚುಂಕ್.ತೆ ಎಕಾಮೆಕಾಕ್ ಅಶೆಂ ಮ್ಹಣ್ತಾಲೆ: ಪವಿತ್ರ್, ಪವಿತ್ರ್, ಪವಿತ್ರ್ ದಳ್ಬಾರಾಂಚೊ ಸರ್ವೆಸ್ಪರ್ ದೇವ್. ಸಗ್ಳೊ ಸಂಸಾರ್ ಭರ್ಲಾ ತಾಚ್ಯಾ ವೈಭವಾನ್.ತಾಂಚೆ ಬೊಬೆಚ್ಯಾ ಆವಾಜಾನ್ ದಾರ್ವಂತ್ ಹಾಲ್ಲೆ ಆನಿ ಮಂದಿರಾಂತ್ ಧುಂವರ್ ಭರ್ಲೊ.ತೆದ್ನಾ ಹಾಂವೆಂ ಮ್ಹಳೆಂ: “ಹಾಯ್ ಮ್ಹಜೆಂ ಕಟಾ! ಮ್ಹಜೊ ನಾಸ್ ಜಾಲೊಮೂ! ಕಿತ್ಯಾಕ್ ಹಾಂವ್ ಏಕ್ ಮ್ಹೆಳ್ಯಾಂ ವೊಂಟಾಂಚೊ ಮನಿಸ್ ಆನಿ ಮ್ಹೆಳ್ಯಾ ವೊಂಟಾಂಚ್ಯಾ ಮನ್ಶಾಂ ಮಧೆಂ ಹಾಂವ್ ಜಿಯೆತಾಂ, ಆನಿ ಮ್ಹಜ್ಯಾ ದೊಳ್ಯಾಂನಿ ರಾಯಾಕ್, ದಳ್ಬಾರಾಚ್ಯಾ ಸರ್ವೆಸ್ಪರಾಕ್ ಪಳೆಲಾ.”ತೆದ್ನಾ ಸೆರಾಫಿಮಾಂ ಮಧ್ಲೊ ಎಕ್ಲೊ ವೆದಿ ವಯ್ಲೊ ಚಿಮ್ಟ್ಯಾನ್ ಕಾಡ್ಲಲೊ ಏಕ್ ಇಂಗ್ಳೊ ಹಾತಾಂತ್ ಘೆವ್ನ್ ಮ್ಹಜೆಶಿಂ ಉಬುನ್ ಆಯ್ಲೊ.ತಾಣೆಂ ತೊ ಮ್ಹಜ್ಯಾ ವೊಂಟಾಂಕ್ ಲಾಯ್ಲೊ ಆನಿ ಮ್ಹಳೆಂ: “ಪಳೆ, ಹೊ ತುಜ್ಯಾ ವೊಂಟಾಂಕ್ ಲಾಯ್ಲಾ, ತುಜೊ ಅಪ್ರಾಧ್ ಕಾಡುನ್ ಉಡಯ್ಲಾ, ಆನಿ ತುಜೆಂ ಪಾತಕ್ ಬೊಗ್ಸಲಾಂ.”ತೆದ್ನಾ ಸರ್ವೆಸ್ಪರಾಚೊ ತಾಳೊ ಹಾಂವೆಂ ಆಯ್ಕಲೊ; ತಾಣೆಂ ಮ್ಹಳೆಂ: “ಹಾಂವ್ ಕೊಣಾಕ್ ಧಾಡುಂ? ಆಮ್ಚೆ ಪಾಸತ್ ಕೋಣ್ ವೆತಲೊ?” ಹಾಂವೆಂ ಜಾಪ್ ದಿಲಿ: “ಅಬ್ಳೆ, ಹಾಂವ್ ಹಾಂಗಾ ಆಸಾಂ, ಮ್ಹಾಕಾ ಧಾಡ್.”- *ದೆವಾಚೆಂ ಉತರ್ ಹೆಂ* -ದೆವಾಚೊ ವ್ಹಡ್ ಉಪ್ಕಾರ್ 🌸🌸🌸🌸🌸🌸🌸 *ಕೀರ್ತನ್* ( 138: 1-5 7-8) *ಶ್ಲೋಕ್: ತುಜ್ಯಾ ದುತಾಂಹುಜಿರ್ ತುಕಾ ಹರ್ಶಿತಲೊಂ, ಸರ್ವೆಸ್ಪರಾ!* 1. ಮ್ಹಜ್ಯಾ ತೊಂಡಾಂತ್ಲೆಂ ಪ್ರಾರ್ಥನ್ ಆಯ್ಕೊನ್ ಘೆತ್ಲೆಂಯ್ ಮ್ಹಣ್, ಸರ್ವೆಸ್ಪರಾ,ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾನ್ ಹಾಂವ್ ತುಕಾ ಧಿನ್ವಾಸ್ತಾಂ;ತುಜ್ಯಾ ದುತಾಂ ಮುಕಾರ್ ತುಜೆಂ ಕೀರ್ತನ್ ಗಾಯ್ತಾಂತುಜ್ಯಾ ಪವಿತ್ರ್ ಮಂದಿರಾಸಮೊರ್ ತುಕಾ ಸಾಷ್ಟಾಂಗ್ ನಮಸ್ಕಾರ್ ಕರ್ತಾಂ *ಶ್ಲೋಕ್: ತುಜ್ಯಾ ದುತಾಂಹುಜಿರ್ ತುಕಾ ಹರ್ಶಿತಲೊಂ, ಸರ್ವೆಸ್ಪರಾ!* 2. ತುಂ ಬರೊ ಆನಿ ವಿಶ್ವಾಸಿ,ಸಕ್ಡಾಂಪ್ರಾಸ್ ವರ್ತೆಂ ತುಜೆಂ ನಾಂವ್ ಆನಿ ತುವೆಂ ದಿಲ್ಲೆಂ ಉತರ್,ದೆಕುನ್ ತುಜ್ಯಾ ನಾಂವಾಚಿ ಹೊಗ್ಳಿಕ್ ಗಾತಾಂ.ತುಕಾ ಮಾರ್ಲಲ್ಯಾ ವೆಳಾ ತುವೆಂ ಮ್ಹಾಕಾ ಕಾನ್ ದಿಲೆಯ್,ಮ್ಹಜೆಂ ಕಾಳಿಜ್ ಘಟ್ ಕರ್ನ್ ಮ್ಹಾಕಾ ಧಯ್ರಾನ್ ಭರ್ಲೊಯ್. *ಶ್ಲೋಕ್: ತುಜ್ಯಾ ದುತಾಂಹುಜಿರ್ ತುಕಾ ಹರ್ಶಿತಲೊಂ, ಸರ್ವೆಸ್ಪರಾ!3. ತುಜ್ಯಾ ತೊಂಡಾಂತ್ಲಿಂ ಉತ್ರಾಂ ಆಯ್ಕತಾನಾ,* 3. ಸರ್ವೆಸ್ಪರಾ,ಸಂಸಾರಾಂತ್ಲೆ ಸರ್ವ್ ರಾಜಾ ತುಕಾ ಧಿನ್ವಾಸ್ತೆಲೆ."ಸರ್ವೆಸ್ಪರಾಚಿ ಮ್ಹಯ್ಮಾ ಕಿತ್ಲಿ ವರ್ತಿ!" ಮ್ಹಣೊನ್ಸೊಮಿಯಾಚ್ಯಾ ವಾಟಾಂವಿಶಿಂ ವಾಖಾಣ್ತೆಲೆ. *ಶ್ಲೋಕ್: ತುಜ್ಯಾ ದುತಾಂಹುಜಿರ್ ತುಕಾ ಹರ್ಶಿತಲೊಂ, ಸರ್ವೆಸ್ಪರಾ* 4. ತುಜೊ ಹಾತ್ ವಿಸ್ತಾರುನ್ ಮ್ಹಾಕಾ ತುಂ ರಾಕ್ತಾಯ್ಮ್ಹಜೆ ಖಾತಿರ್ ತುಜೊ ಉಜ್ವೊ ಹಾತ್ ಕಿತೆಂಯ್ ಕರುಂಕ್ ತಯಾರ್ತುಜೊ ಮೋಗ್, ಸರ್ವೆಸ್ಪರಾ, ಸಾಸ್ಣಾಕ್ ಬಾಳ್ತಾ,ತುಜ್ಯಾ ಹಾತಾಚಿಂ ಕೃತ್ಯಾಂ ತುಂ ವಿಸ್ರನಾಕಾ. *ಶ್ಲೋಕ್: ತುಜ್ಯಾ ದುತಾಂಹುಜಿರ್ ತುಕಾ ಹರ್ಶಿತಲೊಂ, ಸರ್ವೆಸ್ಪರಾ!* 🌷🌷🌷🌷🌷🌷🌷🌷 *ದುಸ್ರೆಂ ವಾಚಪ್* 1 ಕೊರಿಂಥ್ 15: 1-11 (ಮಟ್ವೆಂ ವಾಚಾಪ್ 1 ಕೊರಿಂಥ್ 15: 3-8, 11) ಭಾವಾಂ-ಭಯ್ಣಿಂನೊ, ಹಾಂವೆಂ ತುಮ್ಕಾಂ ಪರ್ಗಟ್ ಕೆಲ್ಲಿ ಸುವಾರ್ತಾ ಆತಾಂ ಹಾಂವ್ ತುಮ್ಚ್ಯಾ ಉಗ್ಡಾಸಾಕ್ ಹಾಡ್ತಾ; ತಿ ತುಮಿಚ್ ಮಾನುನ್ ಘೆತ್ಲಿ ಆನಿ ತಾಂತುಂ ತುಮಿ ಆತಾಂಯೀ ಸ್ಥಿರ್ ಆಸಾತ್.ಹಾಂವೆಂ ಪರ್ಗಟ್ ಕೆಲ್ಯಾ ತಶಿಚ್ ತುಮಿ ತಿ ಸಾಂಬಾಳ್ಶಾತ್ ಜಾಲ್ಯಾರ್, ತಿಚೇ ವರ್ವಿಂ ತುಮಿ ತಾರಣ್ ಜೊಡ್ತಲ್ಯಾತ್. ನಾತರ್ ಜಾಲೆಂ ತುಮ್ಚೊ ಭಾವಾರ್ಥ್ ನಿಫರ್ಳ್ ಜಾತಲೊ.ಹಾಂವೆಂ ಮಾನುನ್ ಘೆತ್ಲೊ ತಸೊಚ್ ಪ್ರಪ್ರಥಮ್ ಮ್ಹಣ್ ತುಮ್ಕಾಂ ದಿಲೊ ತೊ ಸಂದೇಶ್ ಹೊ: ಪವಿತ್ರ್ ಪುಸ್ತಕಾ ಪರ್ಮಾಣೆಂ ಕ್ರೀಸ್ತ್ ಆಮ್ಚ್ಯಾ ಪಾತ್ಕಾಂ ಖಾತಿರ್ ಮೆಲೊ; ತಾಕಾ ನಿಕೆಪಿಲೊ ಆನಿ ಪವಿತ್ರ್ ಪುಸ್ತಕಾ ಪರ್ಮಾಣೆಂ ತಿಸ್ರ್ಯಾ ದಿಸಾ ತೊ ಪುನರ್‌ಜಿವಂತ್ ಜಾಲೊ.ಕೇಫಾಸಾಕ್ ಆನಿ ಉಪ್ರಾಂತ್ ಇಕ್ರಾ ಜಣಾಂಕ್ ತೊ ದಿಷ್ಟಿ ಪಡ್ಲೊ.ಉಪ್ರಾಂತ್ ಏಕ್‍ಚ್ ಪಾವ್ಟಿ ಪಾಂಯ್ಶಿಂ ಭಾವಾಂ ಪ್ರಾಸ್ ಚಡ್ ಜಣಾಂಕ್ ತೊ ದಿಷ್ಟಿ ಪಡ್ಲೊ. ತಾಂಚೇ ಮಧ್ಲೆ ಚಡಾವತ್ ಜಣ್ ಆಜೂನ್ ಪರ್ಯಾನ್ ಜಿವಂತ್ ಆಸಾತ್, ಪುಣ್ ಥೊಡೆ ಮೊರ್ನ್ ಪಾವ್ಲ್ಯಾತ್.ಉಪ್ರಾಂತ್ ತೊ ಜಾಕೊಬಾಕ್ ದಿಷ್ಟಿ ಪಡ್ಲೊ ಆನಿ ತ್ಯಾ ನಂತರ್ ಸಮೆಸ್ತ್ ಧರ್ಮ್‍ದುತಾಂಕ್.ಶೆವಟಿಂ ಮಹಿನೆ ಭರ್ತಿ ಜಾಯ್ನಾಸ್ತಾನಾ ಜಲ್ಲಲ್ಲ್ಯಾಬರಿ ಮ್ಹಾಕಾಯೀ ತೊ ದಿಷ್ಟಿ ಪಡ್ಲೊ.ಧರ್ಮ್‍ದುತಾಂ ಮಧೆಂ ಹಾಂವ್ ಕನಿಷ್ಠ್; ಧರ್ಮ್‍ದೂತ್ ಮ್ಹಳ್ಳೆಂ ನಾಂವ್ ಲೆಗುನ್ ಮ್ಹಾಕಾ ಫಾವೊ ನ್ಹಯ್; ಕಿತ್ಯಾಕ್ ದೆವಾಚೇ ಪವಿತ್ರ್ ಸಭೆಕ್ ಹಾಂವೆಂ ಧಗ್ದಿಲ್ಯಾ.ತರ್‌ಯೀ ಹಾಂವ್ ಆತಾಂ ಕಿತೆಂಯೀ ಜಾಲಾಂ ಜಾಲ್ಯಾರ್ ತೆಂ ದೆವಾಚೇ ಕುರ್ಪೆವರ್ವಿ; ತಾಣೆಂ ದಿಲ್ಲಿ ತಿ ಕುರ್ಪಾ ಮ್ಹಜೇ ಥಂಯ್ ನಿಫರ್ಳ್ ಜಾಂವ್ಕ್ ನಾ. ನಿಜಾಕ್‍ಯೀ ಸಾಂಗ್ಚೆಂ ಜಾಲ್ಯಾರ್ ತಾಂಚೇ ಸಕ್ಟಾಂ ಪ್ರಾಸ್ ಚಡ್ ಮ್ಹಿನತೆನ್ ಹಾಂವ್ ವಾವುರ್ಲಾಂ.ಹಾಂವ್ ಜಾಂವ್ ತೆ ಜಾಂವ್, ಆಮಿ ಸಕ್ಕಡ್ ಪರ್ಗಟ್ ಕರ್ತಾಂವ್ ತೆಂ ಏಕ್‍ಚ್ ಆನಿ ತುಮಿ ಸತ್ಮಾನ್ಲಾಂಯಿ ತೆಂಚ್. *ದೆವಾಚೆಂ ಉತರ್ ಹೆಂ-* -ದೆವಾಚೊ ವ್ಹಡ್ ಉಪ್ಕಾರ್ 🪷🪷🪷🪷🪷🪷🪷🪷 *ಉದ್ಗಾರ್* (ಮಾತೆವ್ 4:19) *ಅಲ್ಲೆಲೂಯಾ! ಅಲ್ಲೆಲೂಯಾ!* ಯೆಯಾ, ಮ್ಹಜ್ಯಾ ಪಾಟ್ಲ್ಯಾನ್, ಮ್ಹಣ್ತಾ ಸೊಮಿ,ಆನಿ ಹಾಂವ್ ತುಮ್ಕಾಂ ಮನ್ಶಾಂಚೆ ಪಾಗಿ ಕರ್ತೊಲೊಂ. *ಅಲ್ಲೆಲೂಯಾ!* 💐💐💐💐💐💐💐💐 *ಶುಭ್‍ವಾರ್ತಾ* ಲೂಕ್ 5: 1-11 ಏಕ್ ದೀಸ್ ಗೆನೆಜರೆತ್ ಸರೋವರಾಚೆ ತಡಿ ಸರ್ಶಿಂ ಜೆಜು ಉಬೊ ಆಸ್ತಾನಾ ದೆವಾಚೆಂ ಉತಾರ್ ಆಯ್ಕುಂಚೆಂ ಖಾತಿರ್ ಲೊಕಾಚೊ ಜಮೊ ತಾಚೆ ಭೊಂವ್ತಣಿಂ ಉರ್ಡತಾಲೊ. ತವಳ್ ಸರೋವರಾಚಾ ತಡಿಕ್ ಲಾಗ್‍ಲ್ಲ್ಯೊ ದೋನ್ ದೊಣಿ ತಾಣೆ ಪಳೆಲ್ಯೊ. ಪಾಗಿ ದೊಣಿಂತ್ಲೆ ದೆಂವುನ್ ಆಪ್ಲಿಂ ಜಾಳಾಂ ಧುತಾಲೆ. ತಾಂತ್ಲೆ ಏಕ್ ದೊಣಿರ್ ಚಡುನ್ - ತಿ ಸಿಮಾಂವ್ಚಿ ದೋಣ್ - ತಡಿ ಥಾವ್ನ್ ಚಿಕ್ಕೆಶೆ ಮುಖಾರ್ ಸುಟೊನ್ ರಾವೊಂವ್ಕ್ ತಾಣೆ ತಾಕಾ ಸಾಂಗ್ಲೆಂ. ಉಪ್ರಾಂತ್ ಬಸುನ್ ದೊಣಿರ್ ಥಾವ್ನ್‌ಚ್ ತೊ ಲೊಕಾಕ್ ಶಿಕೊವ್ಣ್ ದೀಂವ್ಕ್ ಲಾಗ್ಲೊ. ತಾಣೆ ಉಲೊವ್ನ್ ಜಾತಚ್ ಸಿಮಾಂವ್ಕ್ ಸಾಂಗ್ಲೆಂ: “ದೋಣ್ ಗೂಂಡ್ ಉದ್ಕಾಕ್ ಮುಖಾರ್ ವ್ಹರ್, ಆನಿ ಮಾಸ್ಳಿ ಧರುಂಕ್ ತುಮ್ಚಿಂ ಜಾಳಾಂ ದೆಂವಯಾ.” ತವಳ್ ಸಿಮಾಂವ್ ಮ್ಹಣಾಲೊ: “ಮೆಸ್ತ್ರಿ, ಸಗ್ಳಿ ರಾತ್ ಆಮಿ ಕಷ್ಟಾಲ್ಯಾಂವ್, ಪುಣ್ ಆಮಿ ಕಾಂಯ್ಚ್ ಧರ್ಲೆಂನಾ. ತರಿಪುಣ್ ತುಜ್ಯಾ ಉತ್ರಾಚೆರ್ ಹಾಂವ್ ಜಾಳ್ ದೆಂವಯ್ತಾಂ.” ಜಾಳಾಂ ಉಡಯ್‍ಲ್ಲಿಚ್ ಮಾಸ್ಳೆಚಿ ಏಕ್ ವ್ಹಡ್ಲಿ ರಾಸ್ ಜಾಳಾಂಕ್ ಸಾಂಪಡ್ಲಿ ಆನಿ ಜಾಳಾಂ ಪಿಂಜೊಂಕ್ ಜಾಲಿಂ. ತವಳ್ ದುಸ್ರೆ ದೊಣಿಂತ್ ಆಸ್ಲಲ್ಯಾ ಆಪ್ಲ್ಯಾ ಸಾಂಗಾತ್ಯಾಂನಿ ಯೇವ್ನ್ ಆಪ್ಣಾಂಕ್ ಕುಮಕ್ ಕರಿಶೆಂ ತಾಂಕಾಂ ಹಾತ್‍ಭಾಶೆನ್ ತಾಣಿಂ ಆಪಯ್ಲೆ. ತೆ ಆಯ್ಲೆ ಆನಿ ಸಾಂಗಾತಾ ಮೆಳುನ್ ದೋನ್‍ಯೀ ದೊಣಿಂನಿ ತಾಣಿಂ ಮಾಸ್ಳಿ ಭರ್ಲಿ ಇತ್ಲಿಕೀ, ದೋನ್‍ಯೀ ದೊಣಿ ಬುಡೊಂಕ್ ಜಾಲ್ಯೊ. ಹೆಂ ಪಳೆವ್ನ್ ಸಿಮಾಂವ್ ಪೆದ್ರು ಜೆಜುಚ್ಯಾ ಪಾಂಯಾಂ ಪಡ್ಲೊ ಆನಿ ಮ್ಹಣಾಲೊ: “ಮ್ಹಜೇ ಸರ್ಶಿಲೊ ಪಯ್ಸ್ ಸರ್, ಸೊಮಿಯಾ ಹಾಂವ್ ಏಕ್ ಪಾತ್ಕಿ ಮನಿಸ್!” ತಾಣಿಂ ಧರ್ಲಲೇ ಮಾಸ್ಳೆಚಿ ರಾಸ್ ಪಳವ್ನ್ ತೊ ಆನಿ ತಾಚೆ ಸಾಂಗಾತಿ ಸಮೆಸ್ತ್ ವಿಜ್ಮಿತ್ ಜಾಲ್ಲೆ. ತೆಚ್ ಪರಿಂ ಸಿಮಾಂವ್ಚೆ ವಾಂಟೆಲಿ ಜಾವ್ನ್ ಆಸ್ಲಲೆ ಜೆಬೆದೆವಾಚೆ ಪೂತ್, ಜಾಕೊಬ್ ಆನಿ ಜುವಾಂವ್‍ಯೀ ವಿಜ್ಮಿತ್ ಜಾಲ್ಲೆ. ತವಳ್ ಜೆಜು ಸಿಮಾಂವ್ಕ್ ಮ್ಹಣಾಲೊ: “ಭಿಯೆನಾಕಾ, ಹ್ಯಾ ಫುಡಾಂ ತುಂ ಮನ್ಶಾಂಕ್ ಪಾಗ್ತಲೊಯ್.” ದೊಣಿ ತಡಿಕ್ ಹಾಡ್ತಚ್ ಸಕ್ಕಡ್ ಸಾಂಡುನ್ ತೆ ಜೆಜುಚೊ ಪಾಟ್ಲಾವ್ ಕರ್ನ್ ಗೆಲೆ. " *ಯಾಜಕ್: ದೆವಾಚೆಂ ಉತರ್ ಹೆಂ.* ಲೋಕ್: ವಾಖಣ್ಣಿ ತುಕಾ, ಕ್ರಿಸ್ತಾ. 💐💐💐💐💐💐💐💐 Visit: `www.amchikonkani.com`