*ಸಾಂ ಮಾರ್ಕ್ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (7:14-23)* ಪರ್ತ್ಯಾನ್ ಏಕ್ ಪಾವ್ಟಿ ಜಮ್ಯಾಕ್ ಲಾಗಿಂ ಆಪೊವ್ನ್ ಜೆಜು ಸಾಂಗಿಲಾಗ್ಲೊ: "ಆಯ್ಕಾ ತುಮಿ ಸಮೆಸ್ತ್ ಆನಿ ಹಾಂವ್ ಸಾಂಗ್ತಾಂ ತೆಂ ಸಮ್ಜುನ್ ಘೆಯಾ: ಭಾಯ್ರ್ ಥಾವ್ನ್ ಮನ್ಶಾಚೇ ಭಿತರ್ ವೆತಾ ತೆಂ ಕಸಲೆಂಚ್ ಮನ್ಶಾಕ್ ಮ್ಹೆಳಯ್ನಾ; ಪುಣ್ ಮನ್ಶಾ ಥಾವ್ನ್ ಭಾಯ್ರ್ ಯೆತಾ ತೆಂ ಮನ್ಶಾಕ್ ಮ್ಹೆಳಯ್ತಾ..... " ಜಮ್ಯಾಕ್ ಸೊಡ್ನ್ ತೊ ಘರಾ ಗೆಲ್ಯಾ ಉಪ್ರಾಂತ್, ತಾಚೆ ಶಿಸ್ ಯೇವ್ನ್ ತೇ ಒಪಾರಿಚೊ ಆರ್ಥ್ ವಿಚಾರಿಲಾಗ್ಲೆ. ತವಳ್ ಜೆಜುನ್ ತಾಂಕಾಂ ಸಾಂಗ್ಲೆಂ: "ತುಮಿಯ್ ಹೆರಾಂಬರಿ ಸಮ್ಜಣಿ ನಾತ್ಲಲೆ ಕಿತೆಂ? ಭಾಯ್ರ್ ಥಾವ್ನ್ ಮನ್ಶಾಚೇ ಭಿತರ್ ವೆತಾ ತೆಂ ಸಗ್ಳೆಂ ತಾಕಾ, ಕೆದಿಂಚ್ ಮ್ಹೆಳೊಂವ್ಕ್ ಸಕಾನಾ ಹೆಂ ತುಮ್ಕಾಂ ಸಮ್ಜನಾಗಾಯ್? ಕಿತ್ಯಾಕ್ ಜೆಂ ಕಿತೆಂ ಭಿತರ್ ವೆತಾ ತೆಂ ತಾಚ್ಯಾ ಕಾಳ್ಜಾಂತ್ ಪ್ರವೇಸ್ ಜಾಯ್ನಾ, ಬಗರ್ ಪೊಟಾಕ್ ವೆತಾ ಆನಿ ಉಪ್ರಾಂತ್ ಭಾಯ್ರ್ ಚಲ್ತಾ. " (ಅಶೆಂ ಸರ್ವ್ ಖಾಣಾಂ ಶುದ್ಧ್ ಮ್ಹಣುನ್ ತಾಣೆಂ ಪಾಚಾರ್ಲೆಂ.) ಆನಿ ಮುಂದರುನ್ ತೊ ಮ್ಹಣಾಲೊ: "ಪುಣ್ ಮನ್ಶಾಚೇ ಭಿತರ್ ಥಾವ್ನ್ ಮ್ಹಣ್ಜೇ ಮನ್ಶಾಚ್ಯಾ ಕಾಳ್ಜಾಂತ್ ಥಾವ್ನ್ ಭಾಯ್ರ್ ಸರ್ತಾ ತೆಂ ಹೆಂ: ಖೊಟ್ಯೊ ಆಲೋಚನೋ, ಪ್ರದ್ವಾರ್, ಆನೈತಿಕ್ ಸಂಬಂಧ್, ಚೊರಿ, ಖೂನ್, ವ್ಯಭಿಚಾರ್, ದುಡ್ವಾಸ್, ಖೊಟೆಪಣ್, ಕಪಟೀಪಣ್, ಭಾಸ್ಕಳ್ಪಣ್, ಮಸರ್, ನಿಂದಾ, ಗರ್ವ್ ಆನಿ ಪಿಶೆಪಣ್. ಹಿಂ ಸರ್ವ್ ವಾಯ್ಟಾಂ ಮನ್ಶಾಚೇ ಭಿತರ್ ಥಾವ್ನ್ ಭಾಯ್ರ್ ಸರ್ತಾತ್ ಆನಿ ತಿಂ ಮನ್ಶಾಕ್ ಮ್ಹೆಳಯ್ತಾತ್." *ದೆವಾಚೆಂ ಉತಾರ್ ಹೆಂ* 💐💐💐💐💐💐💐💐 Visit: `www.amchikonkani.com`