*ಸಾಂ ಮಾರ್ಕಾ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (7:31-37)* ಜೆಜು ಆತಾಂ ತೀರ್ ಆನಿ ಸಿದೊನ್ ವೆಚೇ ವಾಟೇನ್ ಮುಖಾರ್ ಸರ್ನ್ ದೆಕಾಪೊಲಿಸ್ ಮ್ಹಣ್ಜೇ ಧಾ ಶಹರಾಂ ಗಾಂವಾಂತ್ಲ್ಯಾನ್ ಉತ್ರೊನ್, ಗಾಲಿಲೆಯಾ ಸರೋವರಾಚೇ ತಡಿಕ್ ಯೇವ್ನ್ ಪಾವ್ಲೊ. ಹಾಂಗಾ ಲೊಕಾನ್ ಏಕ್ ಭೆರ್ಯಾಮೊನ್ಯಾಕ್ ತಾಚೇ ಸರ್ಶಿಂ ಹಾಡ್ಲೊ ಆನಿ ತಾಚೇ ವಯ್ರ್ ತಾಣೆಂ ಹಾತ್ ದವರಿಜಯ್ ಮ್ಹಣುನ್ ತಾಂಣಿಂ ಮಾಗ್ಲೆಂ. ಜಮ್ಯಾ ಮಧ್ಲೊ ತಾಕಾ ಕುಶಿನ್ ಆಪೊವ್ನ್, ಜೆಜುನ್ ತಾಚ್ಯಾ ಕಾನಾಂನಿ ಆಪ್ಲಿಂ ಬೊಟಾಂ ಘಾಲಿಂ ಆನಿ ಆಪ್ಲಿ ಥಿಂಪಿ ಕಾಡ್ನ್ ತಾಚೇ ಜಿಬೆಕ್ ಲಾಯ್ಲಿ. ಉಪ್ರಾಂತ್ ಸರ್ಗಾಕ್ ದೀಷ್ಟ್ ಲಾವ್ನ್ ತೊ ಸುಸ್ಕಾರ್ಲೊ ಆನಿ ಮ್ಹಣಾಲೊ: "ಎಫ್ಫತಾ" ಮ್ಹಣ್ಜೇ "ಉಗ್ತೆಂ ಜಾ." ತಕ್ಷಣ್ಚ್ ತಾಚೆ ಕಾನ್ ಉಘಡ್ಲೆ ಆನಿ ತಾಚೇ ಜಿಬೊಚೊ ಬಾಂಧ್ ಸುಟ್ಲೊ ಆನಿ ತೊ ಸಾರ್ಕೊ ಉಲೊಂವ್ಕ್ ಲಾಗ್ಲೊ. ಹಿ ಸಂಗತ್ ಕೊಣಾಕ್ಚ್ ಸಾಂಗಿನಯೆ ಮ್ಹಣುನ್ ಜೆಜುನ್ ಥಂಯ್ ಆಸ್ಲಲ್ಯಾಂಕ್ ತಾಕಿದ್ ದಿಲಿ. ಪುಣ್ ಜಿತ್ಲೆಂ ಚಡ್ ಸಾಂಗಿನಯೆ ಮ್ಹಣುನ್ ತೊ ಫರ್ಮಾಯ್ತಾಲೊ, ತಿತ್ಲೆಂ ಚಡ್ ತಿಂ ಗಾಜಯ್ತ್ ಗೆಲಿಂ. ಆನಿ ಆಯ್ಕಲ್ಲಿಂ ಸರ್ವ್ ವಿಜ್ಮಿತ್ ಜಾವ್ನ್ ಮ್ಹಣ್ತಾಲಿಂ: "ಹಾಣೆಂ ಸಗ್ಳೆಂ ಬರೆಂ ಕೆಲೆ! ಭೆರ್ಯಾಂನಿ ಸಯ್ತ್ ಆಯ್ಕಾಶೆಂ ಆನಿ ಮೊನ್ಯಾಂನಿ ಸಯ್ತ್ ಉಲಯ್ಶೆಂ ಕೆಲೆ." *ದೆವಾಚೆಂ ಉತರ್ ಹೆಂ* 💐💐💐💐💐💐💐💐 Visit: `www.amchikonkani.com`