✝️🙏🏼✝️🙏🏼✝️🙏🏼✝️ *ಸಾಂ ಒನೆಸ್ಸಿಮುಸ್, ರಗ್ತ್‌ಸಾಕ್ಷಿ / ಭಾಗೆವಂತ್ ಕುಟ್ಮಾಕ್ ಸಮರ್ಪಿಲ್ಲೊ ಮಹಿನೊ* Sunday, February 16th 2025 ಸಾದ್ಯಾ ಕಾಳಾಚೊ ಸವೊ ಅಯ್ತಾರ್ *ಪಯ್ಲೆಂ ವಾಚಪ್* ಜೆರೆಮಿಯಾ 17: 5-10 ಸರ್ವೆಸ್ಪರ್ ಅಶೆಂ ಮ್ಹಣ್ತಾ: ಜೊ ಮನಿಸ್ ಮನ್ಶಾಂಚೆರ್ ವಿಶ್ವಾಸ್ ದವರ್ತಾ ಆನಿ ಮನ್ಶಾಂಚೆ ಸಕ್ತೆಚೆರ್ ಪಾತ್ಯೆತಾ, ಜೊ ಮನಿಸ್ ಆಪ್ಲೆಂ ಕಾಳಿಜ್ ಸರ್ವೆಸ್ಪರಾ ಥಾವ್ನ್ ಪಯ್ಸ್ ಕರ್ತಾ, ತೊ ಮನಿಸ್ ಶಿರಾಪ್ ಪಡ್ಲಲೊ ಜಾಂವ್. ತಸಲೊ ಮನಿಸ್ ಅರಣ್ಯಾಂತ್ಲ್ಯಾ ಝಿಲ್ಕುಟಾ ಸಾರ್ಕೊ; ಬರೆಂ ಆಯ್ಲ್ಯಾರ್‌ಯೀ ತಾಚೊ ಪರಿಣಾಮ್ ತೊ ಭೊಗಿನಾ, ಕಿತ್ಯಾಕ್ ಅರಣ್ಯಾಂತ್ ಸುಕ್ಯಾ ಕರ್ಡ್ಯಾ ಜಾಗ್ಯಾರ್, ಕೊಣ್‍ಚ್ ವಸ್ತಿ ಕರಿನಾ ತೆ ಖಾರ್‍ಯೆ ಭುಂಯ್ಚೆರ್, ತೊ ಜಿಯೆತಾ. ಜೊ ಮನಿಸ್ ಸರ್ವೆಸ್ಪರಾಚೆರ್ ಪಾತ್ಯೆತಾ ಆನಿ ತಾಚೆರ್ ವಿಶ್ವಾಸ್ ದವರ್ತಾ, ತೊ ಮನಿಸ್ ಭಾಗಿ. ತಸಲೊ ಮನಿಸ್ ಉದ್ಕಾಚೆ ದೆಗೆರ್ ಲಾಯ್ಲಲ್ಯಾ ಆನಿ ವ್ಹಾಳಾಂತ್ ಆಪ್ಲಿಂ ಪಾಳಾಂ ಪಾವಯ್ತಲ್ಯಾ ರುಕಾ ಸಾರ್ಕೊ; ಗರ್ಮಿ ಯೆತಾನಾ ತಾಕಾ ಭಿರಾಂತ್ ನಾ, ತಾಚಿಂ ಪಾನಾಂ ಸದಾಂಚ್ ಪಾಚ್ವಿಂ, ಸುಕೆ ಧಾಡಿಚ್ಯಾ ವರ್ಸಾ ತಾಕಾ ಪರ್ವಾ ನಾ, ಆನಿ ಫಳಾಂ ದಿಲ್ಯಾ ಬಗರ್ ತೊ ಕೆದಿಂಚ್ ರಾವನಾ. ದುಸ್ರ್ಯಾ ಸರ್ವ್ ವಸ್ತುಂ ಪ್ರಾಸ್ ಮನ್ಶಾಚೆಂ ಕಾಳಿಜ್ ಕಪಟಿ, ತೆಂ ಬರೆಂ ಕರುಂಕ್ ಜಾಯ್ನಾ; ತಾಚೊ ಠಾವ್ ಘೆಂವ್ಕ್ ಕೋಣ್ ಸಕ್ತಾ? ಹಾಂವ್, ಸರ್ವೆಸ್ಪರ್, ಹರೇಕ್ ಮನ್ಶಾಕ್ ತಾಚೆ ಚಾಲಿಕ್ ಆನಿ ಕರ್ಣೆಕ್ ಫಾವೊ ತಿ ಮಜುರಿ ದಿಂವ್ಚ್ಯಾಕ್ ತಾಚ್ಯಾ ಕಾಳ್ಜಾಚಿ ಪರೀಕ್ಷಾ ಕರ್ತಾಂ, ಆನಿ ತಾಚ್ಯಾ ಅಂತಸ್ಕರ್ಣಾಚಿ ತಪಾಸ್ಣಿ ಕರ್ತಾಂ.- *ದೆವಾಚೆಂ ಉತರ್ ಹೆಂ* -ದೆವಾಚೊ ವ್ಹಡ್ ಉಪ್ಕಾರ್ 💐💐💐💐💐💐💐💐 *ಕೀರ್ತನ್* 1: 1-2. 3. 4, 6 *ಶ್ಲೋಕ್: ಸರ್ವೆಸ್ಪರಾಚೆರ್ ಆಪ್ಲೊ ವಿಶ್ವಾಸ್ ದವರ್ಲಲೊ ಮನಿಸ್ ಭಾಗಿ.* 1. ಜೊ ಕೋಣ್ ಖೊಟ್ಯಾಂಚಿ ಬೂದ್ ಘೆವ್ನ್ ಚಲನಾಸ್ತಾನಾಂ,ನಷ್ಟ್ಯಾಂಚ್ಯೆ ವಾಟೆರ್ ರಾವನಾಸ್ತಾಂ,ಅಧರ್ಮ್ಯಾಂಸಂಗಿಂ ಬಸನಾಸ್ತಾಂ,ಸರ್ವೆಸ್ಪರಾಚ್ಯಾ ಧರ್ಮ್‌ಶಾಸ್ತ್ರಾಂತ್ ಉಲ್ಲಾಸುನ್,ದೀಸ್‌ರಾತ್ ತೆಂ ನಿಯಾಳ್ತಾ, ತೊ ಖರೊಚ್ ಭಾಗಿ! *ಶ್ಲೋಕ್: ಸರ್ವೆಸ್ಪರಾಚೆರ್ ಆಪ್ಲೊ ವಿಶ್ವಾಸ್ ದವರ್ಲಲೊ ಮನಿಸ್ ಭಾಗಿ.* 2. ಹೊ ವ್ಹಾಳ್ತ್ಯಾ ವ್ಹಾಳಾಚ್ಯೆ ದೆಗೆರ್ ರೊಯ್ಲಲ್ಯಾ ರುಕಾಬರಿ,ಅಸಲೊ ರೂಕ್ ನಿಶ್ಚಿತ್ ಕಾಳಾರ್ ಫಳ್ ದಿತಾ;ತಾಚಿಂ ಪಾನಾಂ ಕೆದಿಂಚ್ ಬಾವನಾಂತ್,ಹಾಣೆಂ ಹಾತಿಂ ಘೆತ್ಲೆಲೆಂ ಸಕ್ಕಡ್‌ಯೀ ಸುಫಳ್ ಜಾತಾ. *ಶ್ಲೋಕ್: ಸರ್ವೆಸ್ಪರಾಚೆರ್ ಆಪ್ಲೊ ವಿಶ್ವಾಸ್ ದವರ್ಲಲೊ ಮನಿಸ್ ಭಾಗಿ.* 3. ಪುಣ್ ಖೊಟ್ಯಾಂಚಿ ಸಂಗತ್ ಆಶಿ ನ್ಹಯ್,ತೆ ವಾರ್‍ಯಾರ್ ಉಬೊನ್ ವೆತಾ ತಸಲಿ ಪೋಲ್ ಮ್ಹಣ್ಯೆತ್;ನಿತಿವಂತ್ ವಾಟಾಂನಿ ವೆತಲ್ಯಾಂಚಿ ಸರ್ವೆಸ್ಪರ್ ಜತನ್ ಘೆತಾ,ಪುಣ್ ಖೊಟೆ ಆಪ್ಲ್ಯಾಚ್ ವಾಟಾಂನಿ ನಾಸಾಕ್ ವೆತಾತ್. *ಶ್ಲೋಕ್: ಸರ್ವೆಸ್ಪರಾಚೆರ್ ಆಪ್ಲೊ ವಿಶ್ವಾಸ್ ದವರ್ಲಲೊ ಮನಿಸ್ ಭಾಗಿ.* 🌷🌷🌷🌷🌷🌷🌷🌷🌷 *ದುಸ್ರೆಂ ವಾಚಪ್* 1 ಕೊರಿಂಥ್ 15: 12, 16-20 ಭಾವಾಂ-ಭಯ್ಣಿಂನೊ, ಸಾಂಗಾ ಮ್ಹಾಕಾ: ಕ್ರಿಸ್ತಾಕ್ ಮೆಲ್ಲ್ಯಾಂತ್ಲೊ ಜಿವಂತ್ ಉಠಯ್ಲಾ ಮ್ಹಣ್ ಆಮಿ ಪರ್ಗಟ್ ಕರ್ತಾಂವ್ ಜಾಲ್ಯಾರ್, ಮೆಲ್ಲ್ಯಾಂಚೆಂ ಜಿವಂತ್ಪಣ್ ನಾ ಮ್ಹಣ್ ತುಮ್ಚೇ ಭಿತರ್ಲ್ಯಾ ಥೊಡ್ಯಾಂನಿ ಮ್ಹಣ್ಚೆ ಕಶೆಂ?ಕಿತ್ಯಾಕ್ ಜರ್ ಮೆಲ್ಲಿಂ ಜಿವಂತ್ ಜಾಯ್ನಾತ್, ತರ್ ಕ್ರಿಸ್ತ್‌ಯೀ ಮೆಲ್ಲ್ಯಾಂತ್ಲೊ ಜಿವಂತ್ ಜಾಂವ್ಕ್ ನಾ. ಆನಿ ಜರ್ ಕ್ರಿಸ್ತ್ ಮೆಲ್ಲ್ಯಾಂತ್ಲೊ ಜಿವಂತ್ ಜಾಂವ್ಕ್ ನಾ, ತರ್ ತುಮ್ಚೊ ಭಾವಾರ್ಥ್‍ಚ್ ವ್ಯರ್ಥ್, ತುಮಿ ಆನಿಕ್‍ಯೀ ತುಮ್ಚ್ಯಾ ಪಾತ್ಕಾಂತ್‍ಚ್ ಆಸಾತ್.ತಿತ್ಲೆಂಚ್ ನ್ಹಯ್, ಕ್ರಿಸ್ತಾ ಥಂಯ್ ಮೊರೊನ್ ಗೆಲ್ಲಿಂ ಸಗ್ಳಿಂ ನಾಸ್ ಜಾಲ್ಯಾಂತ್ ಮ್ಹಣ್ ಜಾಲೆಂ.ಹಿ ಜಿಣಿ ಮಾತ್ರ್ ಲೆಖುನ್ ಕ್ರಿಸ್ತಾ ಥಂಯ್ ಆಮಿ ಭರ್ವಸೊ ದವರ್ತಾಂವ್ ಜಾಲ್ಯಾರ್, ಆಮ್ಚಿ ಗತ್ ಹೆರ್ ಸಕ್ಟಾಂ ಪ್ರಾಸ್ ಚಡ್ ನಿರ್ಭಾಗಿಪಣಾಚಿ.ಪುಣ್ ಆತಾಂ ನಿಜಾಕ್‍ಯೀ ಕ್ರಿಸ್ತಾಕ್ ಮೆಲ್ಲ್ಯಾಂತ್ಲೊ ಜಿವಂತ್ ಉಠಯ್ಲಾ; ಮರಣ್ ಪಾವ್ಲಲ್ಯಾಂಕ್ ಮೆಲ್ಲ್ಯಾಂತ್ಲಿಂ ಉಠಯ್ತಲೆ ಮ್ಹಣ್ ತೊ ಜಾಮಿನಿ ಜಾಲಾ.- *ದೆವಾಚೆಂ ಉತರ್ ಹೆಂ* -ದೆವಾಚೊ ವ್ಹಡ್ ಉಪ್ಕಾರ್ 🪷🪷🪷🪷🪷🪷🪷🪷 *ಉದ್ಗಾರ್* (ಲೂಕ್ 6:23ab) *ಅಲ್ಲೆಲೂಯಾ! ಅಲ್ಲೆಲೂಯಾ!* ತುಮಿ ಸಂತೊಸ್ ಪಾವಾ, ಉಲ್ಲಾಸಾನ್ ಉಡಿ ಮಾರಾ, ಮ್ಹಣ್ತಾ ಸೊಮಿ;ಕಿತ್ಯಾಕ್ ಸರ್ಗಾ-ರಾಜಾಂತ್ ಯಥೇಷ್ಟ್ ಪ್ರತಿಫಳ್ ತುಮ್ಕಾಂ ರಾಕೊನ್ ಆಸಾ. *ಅಲ್ಲೆಲೂಯಾ!* 💖💖💖💖💖💖💖💖 *ಶುಭ್‍ವಾರ್ತಾ* ಲೂಕ್ 6: 17, 20-2 ಉಪ್ರಾಂತ್ ಜೆಜು ತಾಂಚೇ ಸಾಂಗಾತಾ ದೊಂಗರ್ ದೆಂವುನ್ ಯೇವ್ನ್, ಏಕ್ ಮೈದಾನ್ ಸುವಾತೆರ್ ರಾವ್ಲೊ. ಥಂಯ್ ಶಿಸಾಂಚೊ ಏಕ್ ವ್ಹಡ್ ಜಮೊ ತಾಚೇ ಭೊಂವಾರಿಂ ಆಸ್ಲೊ.ಉಪ್ರಾಂತ್ ಆಪ್ಲ್ಯಾ ಶಿಸಾಂಚೆರ್ ಆಪ್ಲೆ ದೊಳೆ ಉಬಾರ್ನ್ ತೊ ಮ್ಹಣಾಲೊ: “ತುಮಿ ದುರ್ಬಳಿಂ ಕಿತ್ಲಿಂ ಭಾಗಿ! ದೆವಾಚೆಂ ರಾಜ್ಯ್ ತುಮ್ಚೆಂ.ತುಮಿ ಆತಾಂ ಭುಕೆಲ್ಲಿಂ ಕಿತ್ಲಿಂ ಭಾಗಿ! ತುಮಿ ಧಾದೊಶಿ ಜಾತಲ್ಯಾತ್. ತುಮಿಂ ಆತಾಂ ರಡ್ತಲಿ ಕಿತ್ಲಿಂ ಭಾಗಿ! ತುಮಿ ಹಾಸ್ತಲ್ಯಾತ್ಮನ್ಶಾಪುತಾಚೆ ಶಿಸ್ ಜಾಲ್ಲೇ ಪಾಸತ್ ಮನಿಸ್ ತುಮ್ಕಾಂ ದ್ವೇಶಿತಿತ್ ಜಾಲ್ಯಾರ್, ತುಮ್ಚೆರ್ ಬಹಿಷ್ಕಾರ್ ಘಾಲ್ನ್ ವಾ ತುಮ್ಕಾಂ ಕೆಂಡುನ್ ತುಮ್ಚೆಂ ನಾಂವ್‍ಚ್ ಖೊಟೆಂ ಮ್ಹಣ್ ತುಮ್ಕಾಂ ತಿರಸ್ಕಾರ್ ಕರ್ತಿತ್ ಜಾಲ್ಯಾರ್ ತುಮಿ ಕಿತ್ಲಿಂ ಭಾಗಿ!ತ್ಯಾ ವೆಳಾರ್ ತುಮಿ ಸಂತೊಸ್ ಪಾವಾ. ವ್ಹಯ್ ಉಲ್ಲಾಸಾನ್ ಉಡಿ ಮಾರಾ; ಕಿತ್ಯಾಕ್ ಸರ್ಗಾ ರಾಜ್ಯಾಂತ್ ಯಥೇಷ್ಟ್ ಪ್ರತಿಫಳ್ ತುಮ್ಕಾಂ ತಯಾರ್ ಆಸಾ. ತಾಂಚ್ಯಾ ಪುರ್ವಜಾಂನಿಯೀ ಪ್ರವಾದ್ಯಾಂಕ್ ಹೇಚ್ ಪರಿಂ ಚಲಯ್‍ಲೆ.ಪುಣ್ ಹಾಯ್ ತುಮ್ಕಾಂ ಗ್ರೆಸ್ತಾಂಕ್, ಕಿತ್ಯಾಕ್ ತುಮಿ ಆತಾಂಚ್ ಧಾದೊಶಿ ಜಾಲ್ಯಾತ್ಹಾಯ್ ತುಮ್ಕಾಂ ಜೇವ್ನ್ ಖಾವ್ನ್ ತೃಪ್ತಿ ಆಸ್ಲಲ್ಯಾಂಕ್ ತುಮಿ ಭುಕೆತಲ್ಯಾತ್; ಹಾಯ್ ತುಮ್ಕಾಂ ಆತಾಂ ಹಾಸ್ತಲ್ಯಾಂಕ್, ತುಮಿ ದುಖೇಸ್ತ್ ಜಾವನ್ ರುದನ್ ಕರ್ತಲ್ಯಾತ್.ಹಾಯ್ ತುಮ್ಕಾಂ ಲೊಕಾ ಥಾವ್ನ್ ಶಿಫಾರಸ್ ಘೆತಲ್ಯಾಂಕ್, ತಾಂಚ್ಯಾ ಪುರ್ವಜಾಂನಿಯೀ ಫಟ್ಕಿರ್ಯಾ ಪ್ರವಾದ್ಯಾಂಕ್ ತಶೆಂಚ್ ಫುಗಾರ್‌ಲ್ಲೆಂ.” *ಯಾಜಕ್: ದೆವಾಚೆಂ ಉತರ್ ಹೆಂ.* ಲೋಕ್: ವಾಖಣ್ಣಿ ತುಕಾ, ಕ್ರಿಸ್ತಾ. 💐💐💐💐💐💐💐💐 Visit: `www.amchikonkani.com`