*ಸಾಂ ಮಾರ್ಕಾ ಪ್ರರ್ಮಾಣೆ ಜೆಜು ಕ್ರೀಸ್ತಾಚಿ ಸುವಾರ್ತಾ (8:14-21)* ಆನಿ ಆತಾಂ ಶಿಸ್ ಉಂಡೆ ಹಾಡುಂಕ್ ವಿಸರ್ಲಲೆ. ಮಚ್ವ್ಯಾಂತ್ ತಾಂಚೇಲಾಗಿಂ ಎಕಾ ವಯ್ರ್ ಉಂಡೊ ನಾತ್ಲ್ಲೊ. ಅಶೆಂ ಆಸ್ತಾಂ ಜೆಜು ತಾಂಕಾಂ ಚತ್ರಾಯ್ ಸಾಂಗುನ್ ಮ್ಹಣಾಲೊ: "ಪಳೆಯಾ, ಫಾರಿಜೆವಾಂಚ್ಯಾ ಆನಿ ತಶೆಂಚ್ ಹೆರೊದಿಚ್ಯಾ ಖಮಿರಾಚಿ ಚತ್ರಾಯ್ ಘೆಯಾ." ಆನಿ ಶಿಸ್ ಎಕಾಮೆಕಾ ತರ್ಕ್ ಮ್ಹಣಾಲೆ: "ಆಮ್ಚೇಲಾಗಿಂ ಉಂಡೆ ನಾತ್ ದೆಕುನ್ ತೊ ಅಶೆಂ ಮ್ಹಣ್ತಾ ಜಾಯ್ಜಯ್". ಪುಣ್ ಜೆಜು ಹೆಂ ಜಾಣಜಾವ್ನ್ ತಾಂಚೇಲಾಗಿಂ ಮ್ಹಣಾಲೊ: "ತುಮ್ಚೇಲಾಗಿಂ ಉಂಡೆ ನಾತ್ ಮ್ಹಣ್ ತುಮಿ ಕಿತ್ಯಾಕ್ ಚಿಂತಾ ಕರ್ತಾತ್? ಆಜುನ್ಯ್ ತುಮ್ಕಾಂ ಸಮ್ಜನಾ? ತುಮ್ಕಾಂ ತಿತ್ಲೆಂಯ್ ಪಾರ್ಕುಂಕ್ ಕಳನಾ? ತುಮ್ಚಿ ಮತ್ ತಿತ್ಲಿಯ್ ದಾಡ್ಡಿ ಜಾಲ್ಯಾ? ದೊಳೆ ಆಸುನ್ ತುಮ್ಕಾಂ ದಿಸಾನಾ ಆನಿ ಕಾನ್ ಆಸುನ್ ತುಮ್ಕಾಂ ಆಯ್ಕಾನಾ? ಆನಿ ತುಮ್ಕಾಂ ಉಗ್ಡಾಸ್ ನಾ? ಪಾಂಚ್ ಉಂಡೆ, ಪಾಂಚ್ ಹಜಾರಾಂಕ್ ಹಾಂವೆಂ ಮೊಡ್ನ್ ದಿಲ್ಲ್ಯಾ ವೆಳಾರ್, ಕಿತ್ಲಿಂ ದಾಲಿಂ ಕುಡ್ಕೆ ತುಮಿ ಭರ್ನ್ ಕಾಡ್ಲಲೆ?" "ಬಾರಾ" ಮ್ಹಣುನ್ ತಾಂಣಿಂ ಜಾಪ್ ದಿಲಿ. "ಆನಿ ಸಾತ್ ಉಂಡೆ ಚಾರ್ ಹಜಾರಾಂಕ್ ಹಾಂವೆಂ ಮೊಡ್ನ್ ದಿಲ್ಲ್ಯಾ ವೆಳಾರ್, ಕಿತ್ಲಿಂ ದಾಲಿಂ ಕುಡ್ಕೆ ತುಮಿ ಭರ್ನ್ ಕಾಡ್ಲ್ಲೆ?" "ಸಾತ್" ಮ್ಹಣುನ್ ತಾಂಣಿಂ ಜಾಪ್ ದಿಲಿ. ತವಳ್ ತೊ ತಾಂಕಾಂ ಮ್ಹಣಾಲೊ: "ಕಶೆಂ ತರ್ ಆನಿಕ್ಯ್ ತುಮ್ಕಾಂ ಸಮ್ಜನಾ ?" *ದೆವಾಚೆಂ ಉತಾರ್ ಹೆಂ* 💐💐💐💐💐💐💐💐 Visit: `www.amchikonkani.com`