*ಸಾಂ ಮಾರ್ಕಾ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (8:34-9:1)* ಉಪ್ರಾಂತ್ ಆಪ್ಲ್ಯಾ ಶಿಸಾಂಕ್ ಆನಿ ಲೊಕಾಕ್ ಸಾಂಗಾತಾ ಆಪೊವ್ನ್ ತೊ ಮ್ಹಣಾಲೊ: "ಕೊಣ್ಯ್ ಮನಿಸ್ ಮ್ಹಜೊ ಪಾಟ್ಲಾವ್ ಕರುಂಕ್ ಖುಶಿ ವ್ಹರ್ತಾ ಜಾಲ್ಯಾರ್, ತೊ ಆಪ್ಣಾಕ್ಚ್ ಇನ್ಕಾರ್ ಕರುಂ; ಆಪ್ಲೊ ಖುರಿಸ್ ಉಕಲ್ನ್ ಘೆಂವ್ ಆನಿ ಮ್ಹಜ್ಯಾ ಪಾಟ್ಲ್ಯಾನ್ ಯೆಂವ್. ಜೊ ಕೊಣ್ ಆಪ್ಲೊ ಜೀವ್ ವಾಂಚೊಂವ್ಕ್ ಸೊಧ್ತಾ, ತೊ ಆಪ್ಲೊ ಜೀವ್ ಹೊಗ್ಡಾಯ್ತಾ. ಜೊ ಕೊಣ್ ಆಪ್ಲೊ ಜೀವ್ ಮ್ಹಜೇ ಪಾಸತ್ ಆನಿ ಸುವಾರ್ತೆ ಪಾಸತ್ ಹೊಗ್ಡಾಯ್ತಾ, ತೊ ಆಪ್ಲೊ ಜೀವ್ ನಿಜಾಕ್ಯ್ ವಾಟಾಯ್ತಾ. ಮನ್ಶಾನ್ ಆಪ್ಲೊ ಜೀವ್ ಹೊಗ್ಡಾವ್ನ್, ಸಗ್ಳೊ ಸಂಸಾರ್ ಜೊಡ್ಲೊಚ್ ಮ್ಹಣ್ಯಾಂ; ಹಾಂತುಂ ತರ್ ತಾಕಾ ಕಿತೆಂ ಫಾಯ್ದೊ? ಆಪ್ಲೊ ಜೀವ್ ಪಾಟಿಂ ಜೊಡುಂಕ್ ಮನಿಸ್ ಕಿತೆಂ ದಿಂವ್ಕ್ ಸಕತ್? ಹ್ಯಾ ಅವಿಶ್ವಾಸಿ ಆನಿ ಪಾತ್ಕಿ ಕಾಳಾರ್ ಜೊ ಕೊಣ್ ಮ್ಹಾಕಾ ಆನಿ ಮ್ಹಜೇ ಶಿಕೊವ್ಣೆಕ್ ಲಜ್ತಾ, ತಾಕಾ ಮನ್ಶಾಪೂತ್ ಭಾಗೆವಂತ್ ದೇವ್ ದುತಾಂ ಸಾಂಗಾತಾ ಆಪ್ಲೇ ಬಾಪಾಚೇ ಮಹಿಮೆನ್ ಯೆಂವ್ಚ್ಯಾ ವೆಳಾರ್ ಲಜ್ತಲೊ." ಉಪ್ರಾಂತ್ ತೊ ತಾಂಚೇಲಾಗಿಂ ಮ್ಹಣಾಲೊ: "ಸತ್ಚ್ ಹಾಂವ್ ತುಮ್ಕಾಂ ಸಾಂಗ್ತಾಂ: ಹಾಂಗಾ ಹಾಜಾರ್ ಆಸ್ಲಲ್ಯಾಂ ಮಧ್ಲಿಂ ಥೊಡಿಂ ದೆವಾಚೆಂ ರಾಜ್ಯ್ ಪದ್ವೇನ್ ಸ್ಥಾಪಿತ್ ಜಾಲ್ಲೆಂ ಪಳೆಸರ್ ಮರಣ್ ಚಾಕ್ಚಿಂನಾತ್." *ದೆವಾಚೆಂ ಉತರ್ ಹೆಂ* 💐💐💐💐💐💐💐💐 Visit: `www.amchikonkani.com`