✝️🙏🏼✝️🙏🏼✝️🙏🏼✝️ *ಕೊರ್ತೊನಾಚಿ ಸಾಂ ಮಾರ್ಗರೆಟ್/ ಸಾಂ ಪೊಲಿಕಾರ್ಪ್, ಬಿಸ್ಪ್ ರಗ್ತ್‌ಸಾಕ್ಷಿ, ಅಪೊಸ್ತಲಿಕ್ ಕಾಳಾಚೊ ಪವಿತ್ರ್ ಸಭೆಚೊ ಬಾಪಯ್ / ಭಾಗೆವಂತ್ ಕುಟ್ಮಾಕ್ ಸಮರ್ಪಿಲ್ಲೊ ಮಹಿನೊ* Sunday, February 23rd 2025 ಸಾದ್ಯಾ ಕಾಳಾಚೊ ಸಾತ್ವೊ ಆಯ್ತಾರ್ *ಪಯ್ಲೆಂ ವಾಚಪ್* 1 ಸಾಮ್ವೆಲ್ 26; 2, 7-9, 12, 13, 22-23 ಸಾವ್ಲ್ ಉಟ್ಲೊ ಆನಿ ಇಸ್ರಾಯೆಲಾಚ್ಯಾ ತೀನ್ ಹಜಾರ್ ವಿಂಚುನ್ ಕಾಡ್ಲಲ್ಯಾ ಮನ್ಶಾಂ ಸವೆಂ ಜೀಫಾಚ್ಯಾ ಅರಣ್ಯಾಂತ್ ದಾವಿದಾಕ್ ಸೊಧುಂಕ್ ಭಾಯ್ರ್ ಸರ್ಲೊ.ದಾವಿದ್ ಆನಿ ಅಬೀಶಾಯ್ ರಾತ್ಚ್ಯಾ ವೆಳಾರ್ ಸಾವ್ಲಾಚ್ಯಾ ಸೈನಾಶಿಂ ಗೆಲೆ ಆನಿ ಸಾವ್ಲ್ ಶಿಬಿರಾಂತ್ ನಿದುನ್ ಆಸ್ಲಲೊ ತಾಂಣಿಂ ಪಳೆಲೊ; ತಾಚೊ ಭಾಲೊ ತಾಚೆ ತಕ್ಲೆ ಲಾಗಿಂ ಧರ್ಣಿಕ್ ತೊಪುನ್ ದವರ್‌ಲ್ಲೊ, ಆನಿ ಅಬ್ನೇರ್ ಆನಿ ಸೈನಿಕ್ ತಾಚೆ ಭೊಂವ್ತಣಿಂ ನಿದುನ್ ಆಸ್ಲೆ.ಅಬಿಶಾಯ್ನ್ ದಾವಿದಾಕ್ ಮ್ಹಳೆಂ: “ಆಜ್ ಸರ್ವೆಸ್ಪರಾನ್ ತುಜ್ಯಾ ದುಸ್ಮಾನಾಕ್ ತುಜ್ಯಾ ಹಾತಾಂತ್ ಘಾಲಾ. ಹಾಂವ್ ತಾಕಾ ಆತಾಂ ಭಾಲ್ಯಾಚ್ಯಾ ಎಕಾಚ್ ಮಾರಾನ್ ಧರ್ಣಿಕ್ ಖಿಳಾಯ್ತಾಂ; ಹಾಂವೆಂ ತಾಕಾ ದೋನ್ ಪಾವ್ಟಿಂ ಮಾರ್ಚಿ ಗರ್ಜ್ ಪಡ್ಚಿ ನಾ.” ಪೂಣ್ ದಾವಿದಾನ್ ಅಬಿಶಾಯ್ಕ್ ಮ್ಹಳೆಂ: “ತಾಕಾ ಮಾರಿನಾಕಾ, ಕಿತ್ಯಾಕ್ ಸರ್ವೆಸ್ಪರಾಚ್ಯಾ ಅಭಿಷಿಕ್ತಾಚೆರ್ ಹಾತ್ ಉಬಾರ್ತಲ್ಯಾಕ್ ಖ್ಯಾಸ್ತ್ ಮೆಳನಾಸ್ತಾಂ ವಚತ್?”ದಾವಿದಾನ್ ಸಾವ್ಲಾಚೆ ತಕ್ಲೆ ಲಾಗಿಂ ಆಸ್ಲಲೊ ಭಾಲೊ ಆನಿ ಉದ್ಕಾಚೊ ಕಳ್ಸೊ ಘೆತ್ಲೊ, ಆನಿ ತೆ ಥಂಯ್ಚೆ ಗೆಲೆ. ಕೊಣೆಂಚ್ ಹೆಂ ಪಳೆಲೆಂ ನಾ, ವಾ ಕೊಣಾಕ್‍ಚ್ ಹೆಂ ಕಳಿತ್ ಜಾಲೆಂ ನಾ, ವಾ ಕೋಣ್‍ಚ್ ಜಾಗೊ ಜಾಲೊ ನಾ; ಕಿತ್ಯಾಕ್ ತೆ ನಿದುನ್ ಆಸ್ಲೆ; ಸರ್ವೆಸ್ಪರಾನ್ ಧಾಡ್‍ಲ್ಲಿ ಗಾಢ್ ನೀದ್ ತಾಂಚೆರ್ ಆಯ್‍ಲ್ಲಿ.ದಾವಿದ್ ಉತ್ರುನ್ ಪೆಲೆ ಕುಶಿಕ್ ಗೆಲೊ ಆನಿ ಪಯ್ಶಿಲ್ಯಾ ಎಕಾ ದೊಂಗ್ರಾಚ್ಯಾ ಶಿಖರಾಚೆರ್ ಉಬೊ ರಾವ್ಲೊ. ತಾಂಚೆ ಮಧೆಂ ವ್ಹಡ್ ಅಂತರ್ ಆಸ್ಲೆಂ.ದಾವಿದಾನ್ ಜಾಪ್ ದಿಲಿ: “ಹಾಂಗಾ ಆಸಾ ರಾಯಾಚೊ ಭಾಲೊ! ತರ್ನಾಟ್ಯಾಂ ಮಧ್ಲೊ ಕೊಣ್‍ಯೀ ಎಕ್ಲೊ ಯೆವ್ನ್ ತೊ ವ್ಹರುಂ. ಸರ್ವೆಸ್ಪರ್ ಹರೆಕ್ಲ್ಯಾಕ್ ತಾಚ್ಯಾ ನಿತಿವಂತ್ಪಣಾಚೆಂ ಆನಿ ವಿಶ್ವಾಸಿಪಣಾಚೆಂ ಫಳ್ ದಿತಾ; ಕಿತ್ಯಾಕ್ ಸರ್ವೆಸ್ಪರಾನ್ ತುಕಾ ಆಜ್ ಮ್ಹಜ್ಯಾ ಹಾತಾಂತ್ ಘಾಲೊ, ಪೂಣ್ ಸರ್ವೆಸ್ಪರಾಚ್ಯಾ ಅಭಿಷಿಕ್ತಾಚೆರ್ ಹಾಂವೆಂ ಮ್ಹಜೊ ಹಾತ್ ಉಬಾರ್ಲೊ ನಾ.- *ದೆವಾಚೆಂ ಉತರ್ ಹೆಂ* -ದೆವಾಚೊ ವ್ಹಡ್ ಉಪ್ಕಾರ್ 🪷🪷🪷🪷🪷🪷🪷 *ಕೀರ್ತನ್* 103: 1-2. 3-4. 8,10. 12-13 *ಶ್ಲೋಕ್: ಸರ್ವೆಸ್ಪರ್ ಸಗ್ಳೊಚ್ ಕಣ್ವಳೊ ಆನಿ ದಯಾಳ್* 1. ಆತ್ಮ್ಯಾ ಮ್ಹಜ್ಯಾ, ಸರ್ವೆಸ್ಪರಾಕ್ ಹರ್ಶಿ,ಜಿ ವಾ ಮ್ಹಜ್ಯಾ ತಾಚೆ ಪವಿತ್ರ್ ನಾಂವ್ ನಾಂವಾಡ್;ಆತ್ಮ್ಯಾ ಮ್ಹಜ್ಯಾ ಸರ್ವೆಸ್ಪರಾಕ್ ಹರ್ಶಿ,ಅನಿಂ ತಾಚೆ ಸರ್ವ್ ಉಪ್ಕಾರ್ ಕೆದಿಂಚ್ ವಿಸ್ರನಾಕಾ. *ಶ್ಲೋಕ್: ಸರ್ವೆಸ್ಪರ್ ಸಗ್ಳೊಚ್ ಕಣ್ವಳೊ ಆನಿ ದಯಾಳ್* 2. ತೊಚ್ ಸರ್ವ್ ತುಜೆ ಆಪ್ರಾದ್ ಬೊಗ್ಶಿತಾ,ಸಕ್ಕಡ್ ಪಿಡೆಂಕ್ ವೊಕತ್ ದಿತಾ;ಫೊಂಡಾಂತ್ಲೊ ತುಜೊ ಜೀವ್ ತೊ ರಾಕ್ತಾಮೋಗ್ ಅನಿ ದಯಾ ಮ್ಹಣ್ತಾತ್ ತಸಲ್ಯಾಪುಲಾಂಚ್ಯಾ ಮುಕುಟಾನ್ ತುಕಾ ನೆಟಯ್ತಾ. *ಶ್ಲೋಕ್: ಸರ್ವೆಸ್ಪರ್ ಸಗ್ಳೊಚ್ ಕಣ್ವಳೊ ಆನಿ ದಯಾಳ್* 3. ಸೊಮಿ ದಯಾಳ್ ಆನಿ ಮೊಗಾಳ್,ತಾಚಿ ಕಾಕುಳ್ತ್ ಅಪರಿಮಿತ್ ಆನಿ ತೊ ರಾಗಾರ್ ಜಾಂವ್ಕ್ ನಿಧಾನ್;ಆಮ್ಚ್ಯಾ ಪಾತ್ಕಾಕ್ ಫಾವೊತ್ಯಾ ಮಾಪಾನ್ ತೊ ಶಿಕ್ಷ್ಯಾ ಲಾಯ್ನಾ,ಅಮ್ಚ್ಯಾ ಗುನ್ಯಾಂವಾಂಕ್ ಫಾವೊತೆಂ ಫಾರಿಕ್ಪಣ್ ಘೆನಾ. *ಶ್ಲೋಕ್: ಸರ್ವೆಸ್ಪರ್ ಸಗ್ಳೊಚ್ ಕಣ್ವಳೊ ಆನಿ ದಯಾಳ್* 4. ಉದೆಂತ್ ಅನಿ ಆಸ್ತಾಮ್ತ್ ಜಿತ್ಲೆಂ ಎಕಾಮೆಕಾಕ್ ಪಯ್ಸ್ ಆಸಾತ್,ತಿತ್ಲೆ ಪಯ್ಸ್ ಆಮ್ಚಿ ಪಾತ್ಕಾ ಅಮ್ಚೆ ಥಾವ್ನ್ ತೊ ಕಾಡ್ನ್ ಉಡಯ್ತಾ.ಅಸೊ ಬಾಪುಯ್ ಆಪ್ಲ್ಯಾ ಭುರ್ಗ್ಯಾಂಕ್ ಕಣ್ವಳಾಯೆನ್ ವಾಗಯ್ತಾ,ತಸೊಚ್ ಸರ್ವೆಸ್ಪರ್ ಆಪ್ಲಿ ಭಕ್ತಿ ಕರ್ತಲ್ಯಾಂಕ್ ದಯಾ ದಾಕಯ್ತಾ. *ಶ್ಲೋಕ್: ಸರ್ವೆಸ್ಪರ್ ಸಗ್ಳೊಚ್ ಕಣ್ವಳೊ ಆನಿ ದಯಾಳ್* 🌷🌷🌷🌷🌷🌷🌷🌷 *ದುಸ್ರೆಂ ವಾಚಪ್* 1 ಕೊರಿಂಥ್ 15: 45-49 ಭಾವಾಂ-ಭಯ್ಣಿಂನೊ, ಪವಿತ್ರ್ ಪುಸ್ತಕ್ ಮ್ಹಣ್ತಾ: “ಪಯ್ಲೊ ಮನಿಸ್ ಆದಾಂವ್ ಏಕ್ ಜೀವಿ ಜಾಲೊ.” ಪುಣ್ ನಿಮಾಣೊ ಆದಾಂವ್ ಜಿವಿತ್ ದಿತಾ ತೊ ಅತ್ಮೊ ಜಾಲೊ.ತರಿಪುಣ್ ಹೆಂ ಚಿಂತುನ್ ಪಳೆಯಾ: ಆತ್ಮೀಕ್ ಕೂಡ್ ಪಯ್ಲಿ ನ್ಹಯ್; ಪ್ರಾಕೃತಿಕ್ ಕೂಡ್ ಪಯ್ಲಿ ಜಾಲ್ಲಿ ಆನಿ ಉಪ್ರಾಂತ್ ಆತ್ಮೀಕ್.ಪಯ್ಲೊ ಮನಿಸ್ ಭುಮಿಚೊ, ಧರ್ಣಿಚೇ ಧುಳಿಚೊ ಕೆಲ್ಲೊ; ದುಸ್ರೊ ಮನಿಸ್ ಸರ್ಗಿಂ ದಾವ್ನ್ ಆಯ್ಲೊ.ಹೇ ಭುಮಿಚಿಂ ಜಾವ್ನಾಸ್ಲಲಿಂ ಧರ್ಣಿಚೇ ಧುಳಿಚೊ ಕೆಲ್ಲ್ಯಾ ಮನ್ಶಾಬರಿ; ಸರ್ಗಿಂಚಿಂ ಜಾವ್ನಾಸ್ಲಲಿಂ ಸರ್ಗಾರ್ ಥಾವ್ನ್ ಆಯ್ಲಲ್ಯಾ ಮನ್ಶಾಬರಿ.ಜಶೆಂ ಭುಮಿ ಥಾವ್ನ್ ಕೆಲ್ಲ್ಯಾ ಮನ್ಶಾಚೆಂ ಸಾರ್ಕೆಂ ಆಮ್ಕಾಂ ಆಸಾ, ತಶೆಂ ಸರ್ಗಿಂ ಥಾವ್ನ್ ಆಯ್ಲಲ್ಯಾಚೆಂಯೀ ಸಾರ್ಕೆಂ ಆಮ್ಕಾಂ ಆಸ್ತಲೆಂ.- *ದೆವಾಚೆಂ ಉತರ್ ಹೆಂ* -ದೆವಾಚೊ ವ್ಹಡ್ ಉಪ್ಕಾರ್ 🌸🌸🌸🌸🌸🌸🌸 *ಉದ್ಗಾರ್* (ಜುವಾಂವ್ 13: 34)‌ *ಅಲ್ಲೆಲೂಯಾ! ಅಲ್ಲೆಲೂಯಾ!* ಏಕ್ ನವೊ ಉಪದೆಸ್ ಹಾಂವ್ ತುಮ್ಕಾಂ ದಿತಾಂ, ಮ್ಹಣ್ತಾ ಸೊಮಿ,ಜಶೆಂ ಹಾಂವೆಂ ತುಮ್ಚೊ ಮೋಗ್ ಕೆಲೊ, ತಶೆಂ ತುಮಿಯ್ ಎಕಾಮೆಕಾಚೊ ಮೋಗ್ ಕರಾ. *ಅಲ್ಲೆಲೂಯಾ!* 💐💐💐💐💐💐💐 *ಶುಭ್‍ವಾರ್ತಾ* ಲೂಕ್ 6: 27-38 ಜೆಜು ಮ್ಹಣಾಲೊ “ಮ್ಹಾಕಾ ಕಾನ್ ದಿತಲ್ಯಾ ತುಮ್ಕಾಂ ಹಾಂವ್ ಸಾಂಗ್ತಾಂ; ತುಮ್ಚ್ಯಾ ದುಸ್ಮಾನಾಂಚೊ ಮೋಗ್ ಕರಾ, ತುಮ್ಕಾಂ ದ್ವೇಶಿತಲ್ಯಾಂಕ್ ಬರೆಂ ಕರಾ;ತುಮ್ಕಾಂ ಶಿರಾಪ್ತಲ್ಯಾಂಕ್ ಆಶೀರ್ವಾದ್ ದಿಯಾ, ತುಮ್ಚಿ ನಿಂದಾ ಕರ್ತಲ್ಯಾಂ ಪಾಸತ್ ಮಾಗಾ.ತುಕಾ ಎಕಾ ಪೊಲ್ಯಾರ್ ಮಾರ್ತಲ್ಯಾಕ್ ದುಸ್ರೊಯೀ ಪೊಲೊ ದಾಖಯ್; ತುಜೊ ಶೆಲೊ ಕಾಡ್ನ್ ವ್ಹರ್ತಲ್ಯಾಕ್ ತುಜೊ ದಗ್ಲೊಯೀ ವ್ಹರುಂಕ್ ಆಡಾಯ್ನಾಕಾ.ತುಜೇಲಾಗ್ಚೆಂ ವಿಚಾರ್ತಲ್ಯಾ ಹರ್ಯೆಕ್ಲ್ಯಾಕ್ ದೀ ಆನಿ ತುಜೆಂ ಮ್ಹಣ್ ಕಿತೆಂ ಆಸಾ ತೆಂ ಕೊಣ್‍ಯೀ ಕಾಡ್ನ್ ವ್ಹರಿತ್ ಜಾಲ್ಯಾರ್, ತಾಚೇಲಾಗ್ಚೆಂ ಪಾಟಿಂ ವಿಚಾರಿನಾಕಾ.ಹೆರಾಂನಿ ತುಮ್ಚೇ ಥಂಯ್ ಕಶೆಂ ಚಲಜಯ್ ಮ್ಹಣ್ ತುಮಿ ಅಪೇಕ್ಷಿತಾತ್, ತಶೆಂ ತುಮಿಯೀ ತಾಂಚೆ ಥಂಯ್ ಚಲಾ.ತುಮ್ಚೊ ಮೋಗ್ ಕರ್ತಲ್ಯಾಂಚೊ ಮಾತ್ರ್ ತುಮಿ ಮೋಗ್ ಕರ್ಚೊ ಜಾಲ್ಯಾರ್ ತಾಂತುಂ ತುಮ್ಕಾಂ ಕಿತೆಂ ಪೂನ್ ಮೆಳತ್? ಪಾತ್ಕಿಯೀ ಆಪ್ಣಾಂಚೊ ಮೋಗ್ ಕರ್ತಲ್ಯಾಂಚೊ ಮೋಗ್ ಕರ್ತಾತ್ ನ್ಹಯ್?ತುಮ್ಕಾಂ ಬರೆಂ ಕರ್ತಲ್ಯಾಂಕ್ ಮಾತ್ರ್ ತುಮಿ ಬರೆಂ ಕರ್ಚೆಂ ಜಾಲ್ಯಾರ್, ತಾಂತುಂ ತುಮ್ಕಾಂ ಕಿತೆಂ ಪೂನ್ ಮೆಳತ್? ಪಾತ್ಕಿಯೀ ತಶೆಂ ಕರ್ತಾತ್ ನ್ಹಯ್?ಜಾಂಚೇಕಡ್ಚೆಂ ಪಾಟಿಂ ಮೆಳ್ತಲೆಂ ಮ್ಹಣ್ ತುಮ್ಕಾಂ ಭರ್ವಸೊ ಆಸಾ, ತಾಂಕಾಂ ಮಾತ್ರ್ ತುಮಿ ಉಸ್ಣೆಂ ದಿವ್ಚೆಂ ಜಾಲ್ಯಾರ್, ತಾಂತು ತುಮ್ಕಾಂ ಕಿತೆಂ ಪೂನ್ ಮೆಳತ್? ಆಪ್ಣೆಂ ದಿಲ್ಲೆಂ ತಿತ್ಲೆಂಚ್ ಆಪ್ಣಾಕ್ ಪಾಟಿಂ ಮೆಳ್ತಲೆಂ ಮ್ಹಣ್ ಚಿಂತುನ್ ಪಾತ್ಕಿಯೀ ಎಕಾಮೆಕಾ ಉಸ್ಣೆಂ ದಿತಾತ್.ಪುಣ್ ತುಮಿ ತುಮ್ಚ್ಯಾ ದುಸ್ಮಾನಾಂಚೊ ಮೋಗ್ ಕರಾ, ತಾಂಕಾಂ ಬರೆಂ ಕರಾ. ಪಾಟಿಂ ಘೆವ್ಚಿ ಆಸಾ ನಾಸ್ತಾಂ ಉಸ್ಣೆಂ ದಿಯಾ. ತವಳ್ ಉದಂಡ್ ಜಾಂವ್ಕ್ ಪಾವ್ತಲೊ ತುಮ್ಚೊ ಪ್ರತಿಫಳ್. ತುಮಿ ಜಾತಲ್ಯಾತ್ ಭುರ್ಗಿಂ ಪರಮೋನ್ನತ್ ದೆವಾಚಿಂ; ಕಿತ್ಯಾಕ್ ತೊ ಅನುಪ್ಕಾರ್ಯಾಂ ಆನಿ ಖೊಟ್ಯಾಂ ಥಂಯ್ ದಯಾಳ್.ದೆಕುನ್ ಜಸೊ ತುಮ್ಚೊ ಬಾಪ್ ದಯಾಳ್, ತಶಿಂ ತುಮಿಯೀ ದಯಾಳ್ ಜಾಯಾ. ಹೆರಾಂಚಿ ಝಡ್ತಿ ಕರಿನಾಕಾತ್. ತುಮ್ಚಿ ಝಡ್ತಿ ಜಾವ್ಚಿನಾ. ಹೆರಾಂಚೆರ್ ಆಪ್ರಾಧಿ ಮ್ಹಣ್ ಪೈಸಲ್ ದೀನಾಕಾತ್ ಆನಿ ತುಮ್ಚೆರ್ ಆಪ್ರಾಧಿ ಮ್ಹಣ್ ಫೈಸಲ್ ಜಾವ್ಚೆಂನಾ. ಹೆರಾಂಕ್ ಬೊಗ್ಸಿಯಾ ಆನಿ ತುಮ್ಕಾಂಯೀ ಬೊಗ್ಸಾಣೆಂ ಮೆಳ್ತಲೆಂ.ಹೆರಾಂಕ್ ದಿಯಾ ಆನಿ ತುಮ್ಕಾಂಯೀ ದಿತಲೆ. ಭರ್ತ್ಯಾ ಮಾಪಾನ್ ದಾಂಬೂನ್, ಹಾಲೊವ್ನ್ ವೊಮ್ತಶೆಂ ಮೆಜುನ್ ತುಮ್ಚ್ಯಾ ಲೆಸಾಂತ್ ಘಾಲ್ತಲೆ. ಜ್ಯಾ ಮಾಪಾನ್ ತುಮಿ ಮೆಜುನ್ ದಿತಾತ್, ತ್ಯಾಚ್ ಮಾಪಾನ್ ತುಮ್ಕಾಂಯೀ ಪಾಟಿಂ ಮೆಜುನ್ ದಿತಲೆ.” *ಯಾಜಕ್: ದೆವಾಚೆಂ ಉತರ್ ಹೆಂ.* ಲೋಕ್: ವಾಖಣ್ಣಿ ತುಕಾ, ಕ್ರಿಸ್ತಾ. 💐💐💐💐💐💐💐💐 Visit: `www.amchikonkani.com`