*ಸಾಂ ಮಾರ್ಕಾ ಪರ್ಮಾಣೆಂ ಜೆಜು ಕ್ರೀಸ್ತಾಚಿ ಸುವಾರ್ತಾ (9:30-37)* ಥಂಯ್ ಥಾವ್ನ್ ‌ ಭಾಯ್ರ್ ಸರ್ನ್ ತೆ ಗಾಲಿಲೆಯಾಂತ್ಲ್ಯಾನ್ ಉತರ್ತಾಲೆ. ತೆ ವೆತಾತ್ ತೆಂ ಕೊಣಾಕ್ಚ್ ಕಳಿತ್ ಜಾಂವ್ಚೆಂ ತಾಕಾ ನಾಕಾ ಆಸ್ಲೆಂ. ಕಿತ್ಯಾಕ್ ತಾಚ್ಯಾ ಶಿಸಾಂಕ್ ತೊ ಶಿಕಯ್ತ್ ಆಶೆಂ ಸಾಂಗ್ತಾಲೊ: "ಮನ್ಶಾ ಪುತಾಕ್ ಧರ್ನ್ ಲೊಕಾಚ್ಯಾ ಹಾತಾಂತ್ ದಿತಲೆ; ಆನಿ ತೆ ತಾಕಾ ಜಿವೆಶಿಂ ಮಾರ್ತಲೆ; ಪುಣ್ ಜಿವೆಶಿಂ ಮಾರ್ತಚ್ ತಿಸ್ರ್ಯಾ ದಿಸಾ ತೊ ಜಿವಂತ್ ಉಠ್ತಲೊ. ಪುಣ್ ಹ್ಯಾ ಉತ್ರಾಂಚೊ ತಾಂಕಾಂ ಆರ್ಥ್ ಜಾಲೊನಾ ಆನಿ ತಾಚೇಲಾಗಿಂ ವಿಚಾರುಂಕ್ಯ್ ತಾಂಣಿಂ ದೈರ್ ಘೆತ್ಲೆಂನಾ. ತೆ ಕಫಾರ್ನಂವ್ ಯೇವ್ನ್ ಪಾವ್ಲೆ. ಆನಿ ಘರಾ ಪಾವ್ತಚ್, "ತುಮಿ ವಾಟೇರ್ ಕಿತೆಂ ತರ್ಕ್ ಕರಿತ್ ಆಸ್ಲ್ಲ್ಯಾತ್?" ಮ್ಹಣುನ್ ಜೆಜುನ್ ಆಪ್ಲ್ಯಾ ಶಿಸಾಂಲಾಗಿಂ ವಿಚಾರ್ಲೆಂ. ಪುಣ್ ತಾಂಣಿಂ ಜಾಪ್ ಕಾಡ್ಲಿನಾ; ಕಾರಣ್ ತಾಂಚೇ ಮಧೆಂ ಕೊಣ್ ವ್ಹಡ್ ಮ್ಹಣ್ ವಾಟೇರ್ ಆಸ್ತಾನಾ ತಾಂಣಿಂ ಎಕಾಮೆಕಾ ತರ್ಕ್ ಕೆಲ್ಲೆಂ. ತೆವಾಂ ತೊ ಬಸ್ಲೊ ಆನಿ ಬಾರಾಂಕ್ ಆಪ್ಣಾ ಸರ್ಶಿಂ ಆಪೊವ್ನ್ ತಾಂಚೇಲಾಗಿಂ ಮ್ಹಣಾಲೊ: "ಜರ್ ಕೊಣ್ ಎಕ್ಲೊ ಪಯ್ಲೊ ಜಾಂವ್ಕ್ ಆಪೇಕ್ಷಿತಾ, ತರ್ ತಾಣೆಂ ಸಕ್ಟಾಂಚ್ಯಾಕ್ಯ್ ನಿಮಾಣೊ ಜಾಯ್ಜಯ್ ಆನಿ ಸಕ್ಟಾಂಚೊ ಚಾಕರ್ ಜಾಯ್ಜಯ್.' ಉಪ್ರಾಂತ್ ಏಕ್ ಲ್ಹಾನ್ ಭುರ್ಗ್ಯಾಕ್ ಆಪೊವ್ನ್ ತಾಂಚೇ ಮಧೆಗತ್ ತಾಣೆಂ ಉಬೊ ಕೆಲೊ ಆನಿ ತಾಕಾ ಪೊಟ್ಲುನ್ ಧರ್ನ್ ತಾಂಚೇಲಾಗಿಂ ತೊ ಮ್ಹಣಾಲೊ: 'ಜೊ ಕೊಣ್ ಆಸಲ್ಯಾ ಭುರ್ಗ್ಯಾಕ್ ಮ್ಹಜೇ ನಾಂವಿಂ ಘೆತಾ, ತೊ ಮ್ಹಾಕಾಚ್ ಘೆತಾ; ಆನಿ ಜೊ ಕೊಣ್ ಮ್ಹಾಕಾ ಘೆತಾ ತೊ ಮ್ಹಾಕಾ ನ್ಹಯ್, ಬಗರ್ ಮ್ಹಾಕಾ ಪಾಠಯ್ಲ್ಲ್ಯಾಕ್ ಘೆತಾ." *ದೆವಾಚೆಂ ಉತರ್ ಹೆಂ* 💐💐💐💐💐💐💐💐 Visit: `www.amchikonkani.com`