*د هلمند پوهنتون په همکارۍ د ښوونکو او اداري بستونو د ازمویني لپاره د بایومټریک پروسه پیل سوه.* هلمند پوهنتون کي د پوهني وزارت اړوند د ښوونکو او اداري بستونو د ازمويني لپاره د بایومټریک پروسه د دې پوهنتون په همکارۍ د ازموینو ملي ادارې استازو لخوا پیل سوه. دا پروسه، چي د شفافیت او عدالت د تأمین لپاره مهمه ده، نن چهارشنبه پیل سوه، چي پکښې ۹۲۶ تنه شارټ ‌لیست سوي داوطلبان د ازمویني لپاره ثبت سول. ټاکل سوې ده، چي د دغو بستونو ازموینه به د همدې اوونۍ د پنجشنبې او جمعې په ورځو کي واخیستل سي. د یادوني وړ ده، چي د پوهني وزارت له لوري دا ډول ازمويني د هيواد په بېلابيلو ولایتونو کي راپیل سوي، تر څو وړ او مسلکي کسان دولتي ادارو ته جذب سي. نېټه: ۱۴۴۶/۸/۱۳ هـ.ق *هلمند پوهنتون* *د نشراتو، اړیکو او عامه پوهاوي آمریت*